छ्येलेमि:Eukesh/Auto/NepalScript/पत्रकारिता
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐥𑐟𑑂𑐬𑐎𑐵𑐬𑐶𑐟𑐵 𑐢𑐂𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐑𑐚𑐣𑐵, 𑐟𑐠𑑂𑐫, 𑐰𑐶𑐔𑐵𑑅 𑐰 𑐩𑐣𑐹𑐟𑐫𑑂𑐐𑐸 𑐀𑐣𑑂𑐟𑐬𑐎𑑂𑐬𑐶𑐫𑐵𑐫𑐵 𑐬𑐶𑐥𑑀𑐬𑑂𑐚𑐫𑐵 𑐄𑐟𑑂𑐥𑐵𑐡𑐣 𑐰 𑐰𑐶𑐟𑐬𑐞 𑐫𑐵𑐫𑐾𑐐𑐸 𑐖𑑂𑐫𑐵 𑐏𑑅। 𑐥𑐟𑑂𑐬𑐎𑐵𑐬𑐶𑐟𑐵𑐫𑑂 𑐳𑐩𑐵𑐖𑐫𑐵𑐟 𑐦𑐟𑐶𑑄-𑐦𑐟𑐮𑐾 𑐥𑐵𑐫𑑂𑐕𑐶 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐎𑐸𑐟𑑅 𑐖𑐸𑐂। 𑐥𑐟𑑂𑐬𑐎𑐵𑐬𑐶𑐟𑐵 𑐥𑐾𑐱𑐵𑐐𑐟 𑐫𑐵𑐂𑐥𑐶𑑄 𑐀𑐬𑑂𑐠𑐵𑐟 𑐧𑐵𑑄𑐮𑐵𑐎𑑂𑐎 𑐏𑑃 𑐩𑐸𑑄𑐎𑐾𑐐𑐸 𑐰 𑐰𑑂𑐫𑐰𑐳𑑂𑐠𑐶𑐟 𑐳𑐵𑐴𑐶𑐟𑑂𑐫𑐶𑐎 𑐱𑐿𑐮𑐷𑐂 𑐔𑑂𑐰𑐂𑐐𑐸 𑐖𑑂𑐫𑐵 𑐫𑐵𑐂𑐥𑐶𑑄 𑐩𑐣𑐹𑐟𑐾𑐟 𑐥𑐟𑑂𑐬𑐎𑐵𑐬 𑐢𑐵𑐂।
𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐣𑐶𑑄𑐟𑐶𑑄 𑐄𑐥𑐫𑐸𑐎𑑂𑐟 𑐨𑐹𑐩𑐶𑐎𑐵 𑐡𑐾𑐫𑑂 𑐎𑐠𑑄 𑐥𑐵𑐂। 𑐀𑐠𑐾 𑐴𑐾, 𑐠𑑂𑐰 𑐥𑐾𑐱𑐵𑐫𑐵𑐟 𑐎𑐫𑐵𑑅 𑐢𑐵𑐬𑐞𑐵, 𑐰 𑐮𑐶𑐔𑑂𑐰𑑅𑐫𑐵 𑐳𑑂𑐠𑐶𑐟𑐶 𑐣𑑄 𑐥𑐺𑐠𑐎 𑐖𑐸𑐂। 𑐐𑐸𑐮𑐶𑐏𑐾 𑐡𑐾𑐳𑐫𑑂 𑐳𑐩𑐵𑐔𑐵𑐬 𑐩𑐵𑐢𑑂𑐫𑐩 𑐳𑐬𑐎𑐵𑐬𑐫𑐵 𑐣𑐶𑐫𑐣𑑂𑐟𑑂𑐬𑐞𑐫𑑂 𑐡𑐸 𑐀𑐮𑐾 𑐳𑑂𑐰𑐟𑐣𑑂𑐟𑑂𑐬 𑐩𑐖𑐸। 𑐩𑐾𑐩𑐾𑐐𑐸 𑐠𑐵𑐳𑐫𑑂 𑐳𑐩𑐵𑐔𑐵𑐬 𑐩𑐵𑐢𑑂𑐫𑐩 𑐳𑐬𑐎𑐵𑐬 𑐳𑑂𑐰𑐫𑐵 𑐳𑑂𑐰𑐟𑐣𑑂𑐟𑑂𑐬 𑐖𑐸𑐂 𑐰 𑐣𑐶𑐖𑐷 𑐄𑐡𑑂𑐫𑑀𑐐𑐫𑐵 𑐬𑐸𑐥𑐫𑑂 𑐳𑑄𑐔𑐵𑐮𑐣 𑐖𑐸𑐂। 𑐠𑐸𑐎𑐶𑐫𑐵 𑐮𑐶𑐳𑐾𑑄, 𑐡𑐾𑐫𑑂𑐟𑐫𑑂𑐎𑐾 𑐣𑐰𑐵𑐫𑐾𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵, 𑐥𑑂𑐬𑐾𑐳𑐫𑐵 𑐳𑑂𑐰𑐟𑐣𑑂𑐟𑑂𑐬𑐟𑐵𑐫𑐵 𑐮𑐶𑐳𑐾𑑄 𑐣𑐶𑐣𑑂𑐡𑐵 𑐰 𑐧𑐡𑐣𑐵𑐩𑐷𑐫𑐵 𑐩𑐸𑐡𑑂𑐡𑐵 𑐳𑑄𑐔𑐵𑐮𑐣 𑐫𑐵𑐂𑐐𑐸 𑐎𑐵𑐣𑐹𑐣𑐫𑐵 𑐦𑐬𑐎 𑐎𑐵𑐬𑑂𑐫𑐵𑐣𑑂𑐰𑐫𑐣 𑐖𑐸𑐂𑐦𑐸।
𑐂𑐣𑑂𑐚𑐬𑐣𑐾𑐚 𑐰 𑐳𑑂𑐩𑐵𑐬𑑂𑐚𑐦𑑀𑐣𑐫𑐵 𑐥𑑂𑐬𑐳𑐵𑐬𑑄 𑑒𑑑𑐐𑐹 𑐱𑐟𑐵𑐧𑑂𑐡𑐷𑐫𑐵 𑐱𑐸𑐬𑐸 𑐣𑐶𑐳𑐾𑑄 𑐳𑑄𑐔𑐵𑐬 𑐏𑑂𑐫𑐮𑐫𑑂 𑐟𑑅𑐢𑑄𑐐𑐸 𑐴𑐶𑐄𑐥𑐵𑑅 𑐴𑑅𑐐𑐸 𑐡𑐸। 𑐠𑐸𑐎𑐶𑑄 𑐥𑑂𑐬𑐶𑐣𑑂𑐚 𑐩𑐶𑐜𑐶𑐫𑐵 𑐔𑑂𑐫𑐵𑐣𑐮𑐫𑐵 𑐰𑐶𑐟𑐬𑐞𑐫𑑂 𑐴𑐶𑐄𑐥𑐵𑑅 𑐴𑑅𑐐𑐸 𑐡𑐸, 𑐕𑐵𑐫𑑂𑐢𑐵𑑅𑐳𑐵 𑐩𑐣𑐹𑐟𑐫𑑂𑐳𑑄 𑐃-𑐬𑐶𑐜𑐬, 𑐳𑑂𑐩𑐵𑐬𑑂𑐚𑐦𑑀𑐣, 𑐰 𑐩𑐾𑐩𑐾𑐐𑐸 𑐰𑑂𑐫𑐎𑑂𑐟𑐶𑐐𑐟 𑐂𑐮𑐾𑐎𑑂𑐚𑑂𑐬𑑀𑐣𑐶𑐎 𑐄𑐥𑐎𑐬𑐞𑐫𑐵 𑐩𑐵𑐢𑑂𑐫𑐩𑑄 𑐧𑐸𑐏𑑃𑐫𑐵 𑐏𑐥𑐟 𑐀𑐥𑑂𑐰𑑅 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸। 𑐠𑐸𑐎𑐶𑐫𑐵 𑐎𑐵𑐬𑐞𑑄 𑐥𑐟𑑂𑐬𑐥𑐟𑑂𑐬𑐶𑐎, 𑐰𑐵 𑐚𑐾𑐮𑐶𑐨𑐶𑐖𑐣 𑐳𑐩𑐵𑐔𑐵𑐬 𑐔𑑂𑐫𑐵𑐣𑐮𑐫𑐵 𑐀𑐥𑑂𑐰𑑅 𑐥𑐬𑐩𑑂𑐥𑐬𑐵𑐐𑐟 𑐥𑐎𑐜 𑐩𑑂𑐴𑑀 𑐖𑐸𑐫𑐵 𑐰𑑄𑐐𑐸 𑐡𑐸। 𑐳𑐩𑐵𑐔𑐵𑐬 𑐳𑑄𑐳𑑂𑐠𑐵𑐟𑐫𑑂𑐟 𑐠𑑅𑐐𑐸 𑐜𑐶𑐖𑐶𑐚𑐮 𑐰𑐶𑑄𑐐𑐫𑐵𑐟 𑐥𑐹𑐬𑑂𑐞 𑐬𑐸𑐥𑑄 𑐩𑐸𑐡𑑂𑐬𑐷𑐎𑐬𑐞 𑐫𑐵𑐫𑐾𑐐𑐸, 𑐣𑐵𑐥𑑄 𑐥𑑂𑐬𑐶𑐣𑑂𑐚𑐫𑑂 𑐥𑑂𑐬𑐎𑐵𑐱𑐣 𑐫𑐵𑐂𑐐𑐸 𑐳𑐣𑑂𑐡𑐬𑑂𑐨𑐫𑑂 𑐣𑑄 𑐂𑐩𑑂𑐥𑑂𑐬𑑀𑐨𑐵𑐂𑐖 𑐫𑐵𑐫𑐾𑐐𑐸 𑐔𑐸𑐣𑑁𑐟𑐷 𑐧𑐸𑐫𑐵𑐰𑑅𑐐𑐸 𑐡𑐸। 𑐥𑐟𑑂𑐬𑐥𑐟𑑂𑐬𑐶𑐎𑐵𑐫𑑂 𑐜𑐶𑐖𑐶𑐚𑐮 𑐁𑐩𑑂𑐡𑐵𑐣𑐷𑐫𑐵 𑐣𑐶𑑄𑐟𑐶𑑄 𑐰𑐺𑐡𑑂𑐢𑐶𑐡𑐬 𑐳𑑂𑐰𑐫𑐵𑑄 𑐣𑑄 𑐥𑑂𑐬𑐶𑐣𑑂𑐚 𑐁𑐩𑑂𑐡𑐵𑐣𑐷 𑐟𑐷𑐰𑑂𑐬 𑐐𑐟𑐶𑑄 𑐎𑐸𑐴𑐵𑑄 𑐰𑑅𑐐𑐸 𑐏𑐣𑐾𑐡𑐹𑐐𑐸 𑐡𑐸।
𑐎𑐔𑐵
[सम्पादन]𑐥𑐟𑑂𑐬𑐎𑐵𑐬𑐶𑐟𑐵𑐫𑑂 𑐡𑐸𑐣𑐾 𑐫𑐎𑑂𑐰 𑐎𑐔𑐵𑐟 𑐡𑐸। 𑐠𑐸𑐎𑐶𑐫𑐵 𑐕𑐸𑑄 𑐎𑐔𑐵𑐟 𑐠𑑂𑐰 𑐎𑐠𑑄 𑐡𑐸:
- 𑐊𑐎𑑂𑐳𑐾𑐳 𑐖𑐬𑑂𑐣𑐮𑐶𑐖𑐩 – 𑐠𑑅 𑐠𑐸𑐰𑐵𑑅/𑐩𑐵𑐮𑐶𑐎, 𑐥𑐵𑐴𑐵𑑃, 𑐰𑐵 𑐱𑐎𑑂𑐟𑐶𑐱𑐵𑐮𑐷 𑐬𑐵𑐖𑐣𑐷𑐟𑐶𑐖𑑂𑐘 𑐰𑐵 𑐰𑑂𑐫𑐰𑐳𑐵𑐫𑐷𑐫𑐵𑐟 𑐩𑐨𑐶𑑄𑐐𑐸 𑐖𑐸𑐂𑐦𑐹𑐐𑐸 𑐧𑐸𑐏𑑃 𑐰𑐵 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐏𑑃 𑐩𑐮𑑂𑐴𑐵𑐂𑐐𑐸 𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐎𑐔𑐵।
- 𑐰𑐎𑐵𑐮𑐟 𑐥𑐟𑑂𑐬𑐎𑐵𑐬𑐶𑐟𑐵 – 𑐰𑐶𑐱𑐾𑐲 𑐡𑐺𑐲𑑂𑐚𑐶𑐎𑑀𑐞𑐫𑐵 𑐰𑐎𑐵𑐮𑐟 𑐫𑐵𑐫𑐾𑐟 𑐰𑐵 𑐡𑐬𑑂𑐱𑐎𑐫𑐵 𑐧𑐶𑐔𑐵𑑅𑐫𑐵𑐟 𑐥𑑂𑐬𑐨𑐵𑐰𑐶𑐟 𑐫𑐵𑐫𑐾𑐟 𑐔𑑂𑐰𑐫𑐾𑐐𑐸 𑐥𑐟𑑂𑐬𑐎𑐵𑐬𑐶𑐟𑐵।
- 𑐥𑑂𑐬𑐳𑐵𑐬𑐞 𑐥𑐟𑑂𑐬𑐎𑐵𑐬𑐶𑐟𑐵 – 𑐬𑐾𑐜𑐶𑐫𑑀 𑐰𑐵 𑐚𑐾𑐮𑐶𑐨𑐶𑐖𑐣𑐫𑐵 𑐣𑐶𑑄𑐟𑐶𑑄 𑐔𑑂𑐰𑐫𑐵𑐟𑑅𑐐𑐸 𑐰𑐵 𑐣𑑂𑐰𑐰𑐵𑐫𑐾𑐐𑐸 𑐥𑐟𑑂𑐬𑐎𑐵𑐬𑐶𑐟𑐵
- 𑐰𑑂𑐫𑐵𑐥𑐵𑐬𑐶𑐎 𑐥𑐟𑑂𑐬𑐎𑐵𑐬𑐶𑐟𑐵 – 𑐳𑐩𑐵𑐖𑐫𑑂 𑐖𑐸𑐂𑐐𑐸 𑐰𑑂𑐫𑐵𑐥𑐵𑐬𑐶𑐎, 𑐁𑐬𑑂𑐠𑐶𑐎 𑐰 𑐰𑐶𑐟𑑂𑐟𑐷𑐫 𑐐𑐟𑐶𑐰𑐶𑐢𑐶 𑐰 𑐴𑐶𑐄𑐥𑐵𑑅𑐫𑐵𑐟 𑐚𑑂𑐬𑐫𑐵𑐎, 𑐬𑐾𑐎𑐬𑑂𑐜, 𑐰𑐶𑐱𑑂𑐮𑐾𑐲𑐞 𑐰 𑐰𑑂𑐫𑐵𑐏𑑂𑐫𑐵 𑐫𑐵𑐂𑐐𑐸 𑐥𑐟𑑂𑐬𑐎𑐵𑐬𑐶𑐟𑐵।
- 𑐣𑐵𑐐𑐬𑐶𑐎 𑐥𑐟𑑂𑐬𑐎𑐵𑐬𑐶𑐟𑐵 – 𑐳𑐴𑐨𑐵𑐐𑐶𑐟𑐵𑐩𑐹𑐮𑐎 𑐥𑐟𑑂𑐬𑐎𑐵𑐬𑐶𑐟𑐵।
- 𑐜𑐵𑐚𑐵 𑐥𑐟𑑂𑐬𑐎𑐵𑐬𑐶𑐟𑐵 – 𑐮𑑂𑐫𑐵𑐏𑐣𑐫𑑂 𑐧𑐵𑐏𑑄 𑐩𑐵𑐮𑐾𑐐𑐸, 𑐰 𑐮𑑂𑐫𑐵𑐏𑑄 𑐕𑑂𑐫𑐮𑐵 𑐧𑐵𑐏𑑄 𑐎𑐣𑐾𑐐𑐸 𑐀𑐨𑑂𑐫𑐵𑐳। 𑐜𑐵𑐚𑐵 𑐥𑐟𑑂𑐬𑐎𑐵𑐬𑐟𑐳𑐾𑑄 𑐂𑐩𑐶𑐐𑐸 𑐬𑐶𑐥𑑀𑐬𑑂𑐚𑐶𑐒𑑂𑐐𑐫𑐵𑐟 𑐟𑐶𑐧𑑅 𑐧𑐷𑐟 𑐜𑐵𑐚𑐵 𑐕𑑂𑐫𑐮𑐾𑐦𑐸। 𑐂𑐩𑐶𑐳𑑄 𑐜𑐵𑐚𑐵𑐫𑐵 𑐕𑑂𑐫𑐮𑐵𑐧𑐸𑐮𑐵 𑐰 𑐡𑐸𑐬𑐸𑐥𑐫𑑀𑐐𑐫𑐵 𑐧𑐵𑐬𑐾 𑐣𑑄 𑐬𑐶𑐥𑑀𑐬𑑂𑐚 𑐫𑐵𑐫𑐾𑐦𑐸 । 𑐀𑐩𑐾𑐬𑐶𑐎𑐷 𑐳𑐩𑐵𑐔𑐵𑐬 𑐳𑑄𑐳𑑂𑐠𑐵 𑐥𑑂𑐬𑑀𑐥𑐧𑑂𑐮𑐶𑐎𑐵 𑐜𑐵𑐚𑐵 𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐀𑐐𑑂𑐬𑐐𑐵𑐩𑐷𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐹𑐐𑐸 𑐡𑐸।
- 𑐜𑑂𑐬𑑀𑐣 𑐥𑐟𑑂𑐬𑐎𑐵𑐬𑐶𑐟𑐵 – 𑐥𑐟𑑂𑐬𑐎𑐵𑐬𑐶𑐟𑐵 𑐦𑐸𑐚𑐾𑐖 𑐎𑐵𑐫𑐾𑐐𑐸 𑐣𑐶𑑄𑐟𑐶𑑄 𑐜𑑂𑐬𑑀𑐣𑐫𑐵 𑐕𑑂𑐫𑐮𑐵𑐧𑐸𑐮𑐵 ।
- 𑐐𑑀𑐣𑑂𑐖𑑀 𑐥𑐟𑑂𑐬𑐎𑐵𑐬𑐶𑐟𑐵 – 𑐣𑑂𑐴𑐵𑐥𑐵𑑄 𑐴𑐣𑑂𑐚𑐬 𑐊𑐳 𑐠𑐩𑑂𑐥𑐳𑐣𑑄 𑐥𑑂𑐬𑐔𑐮𑐶𑐟 𑐫𑐵𑑅𑐐𑐸, 𑐐𑑀𑐣𑑂𑐖𑑀 𑐥𑐟𑑂𑐬𑐎𑐵𑐬𑐶𑐟𑐵 "𑐬𑐶𑐥𑑀𑐬𑑂𑐚𑐶𑐒𑐫𑐵 𑐀𑐟𑑂𑐫𑐢𑐶𑐎 𑐰𑑂𑐫𑐎𑑂𑐟𑐶𑐐𑐟 𑐱𑐿𑐮𑐷" 𑐏।
- 𑐀𑐣𑑂𑐟𑐬𑐎𑑂𑐬𑐶𑐫𑐵𑐱𑐷𑐮 𑐥𑐟𑑂𑐬𑐎𑐵𑐬𑐶𑐟𑐵 – 𑐰𑐾𑐧𑐫𑑂 𑐣𑑂𑐴𑑂𑐫𑐧𑑂𑐰𑐂𑐐𑐸 𑐕𑐐𑐹 𑐎𑐠𑑄𑐫𑐵 𑐀𑐣𑐮𑐵𑐂𑐣 𑐥𑐟𑑂𑐬𑐎𑐵𑐬𑐶𑐟𑐵।
- 𑐀𑐣𑐸𑐳𑐣𑑂𑐢𑐵𑐣𑐵𑐟𑑂𑐩𑐎 𑐥𑐟𑑂𑐬𑐎𑐵𑐬𑐶𑐟𑐵 – 𑐳𑐵𑐩𑐵𑐖𑐶𑐎 𑐳𑐩𑐳𑑂𑐫𑐵𑐫𑐵𑐟 𑐄𑐖𑐵𑐐𑐬 𑐫𑐵𑐂𑐐𑐸 𑐐𑐴𑐣 𑐬𑐶𑐥𑑀𑐬𑑂𑐚𑐶𑐒 ।
- 𑐦𑑀𑐚𑑀𑐥𑐟𑑂𑐬𑐎𑐵𑐬𑐶𑐟𑐵 – 𑐎𑐶𑐥𑐵𑐫𑐵 𑐩𑐵𑐢𑑂𑐫𑐩𑑄 𑐳𑐟𑑂𑐫 𑐏𑑃 𑐎𑐣𑐾𑐐𑐸 𑐀𑐨𑑂𑐫𑐵𑐳
- 𑐬𑐵𑐖𑐣𑐷𑐟𑐶𑐎 𑐥𑐟𑑂𑐬𑐎𑐵𑐬𑐶𑐟𑐵 – 𑐬𑐵𑐖𑐣𑐷𑐟𑐶 𑐰 𑐬𑐵𑐖𑐣𑐷𑐟𑐶 𑐰𑐶𑐖𑑂𑐘𑐵𑐣𑐫𑐵 𑐳𑐎𑐮 𑐥𑐎𑑂𑐲 𑐎𑑂𑐫𑐣𑐶𑐐𑐸 𑐥𑐟𑑂𑐬𑐎𑐵𑐬𑐶𑐟𑐵।
- 𑐰𑐶𑐖𑑂𑐘𑐵𑐣 𑐥𑐟𑑂𑐬𑐎𑐵𑐬𑐶𑐟𑐵 - 𑐰𑐶𑐖𑑂𑐘𑐵𑐣𑐫𑐵 𑐏𑑃𑐫𑑂 𑐬𑐶𑐥𑑀𑐬𑑂𑐚𑐶𑐒𑑂𑐐 𑐳𑐬𑑂𑐰𑐳𑐵𑐢𑐵𑐬𑐞𑐫𑐵𑐟 𑐠𑑂𑐫𑑄𑐎𑐷𑐐𑐸 𑐥𑐟𑑂𑐬𑐎𑐵𑐬𑐶𑐟𑐵।
- 𑐳𑐾𑐣𑑂𑐳𑐬 𑐥𑐟𑑂𑐬𑐎𑐵𑐬𑐶𑐟𑐵 - 𑐥𑐟𑑂𑐬𑐎𑐵𑐬𑐶𑐟𑐵 𑐀𑐣𑐸𑐳𑐣𑑂𑐢𑐵𑐣𑐫𑐵𑐟 𑐟𑐶𑐧𑑅 𑐧𑐷𑐟 𑐳𑐾𑐣𑑂𑐳𑐬𑐫𑐵 𑐕𑑂𑐫𑐮𑐵𑐧𑐸𑐮𑐵
- 𑐎𑐵𑐳𑐵 𑐥𑐟𑑂𑐬𑐎𑐵𑐬𑐶𑐟𑐵 - 𑐎𑐵𑐳𑐵𑐫𑐵 𑐰𑐶𑐲𑐫𑐰𑐳𑑂𑐟𑐸 𑐰 𑐢𑐾𑑄𑐢𑐾𑑄𑐧𑐮𑑂𑐮𑐵𑑅𑐮𑐶𑐳𑐾 𑐳𑑂𑐰𑐵𑐥𑐹 𑐡𑐸𑐐𑐸 𑐏𑑃𑐫𑑂 𑐬𑐶𑐥𑑀𑐬𑑂𑐚 𑐫𑐵𑐂𑐐𑐸 𑐔𑑂𑐰𑐖𑑂𑐫𑐵
- 𑐧𑑂𑐰𑐣𑐵𑐩𑐶 𑐥𑐟𑑂𑐬𑐎𑐵𑐬𑐶𑐟𑐵 – 𑐕𑐐𑐹 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵𑐫𑑂 𑐧𑑂𑐰𑐣𑐵𑐩𑐶𑐟𑐳𑐾𑑄 𑐥𑐶𑐠𑐣𑐶𑐐𑐸 𑐥𑐟𑑂𑐬𑐶𑐎𑐵𑐫𑐵 𑐔𑑂𑐰𑐖𑑂𑐫𑐵। 𑐠𑐸𑐎𑐶 𑐀𑐥𑑂𑐰𑑅 𑐢𑐫𑐵 𑐠𑐾𑑄 𑐧𑑂𑐰𑐣𑐵𑐩𑐶 𑐣𑐶𑐎𑐵𑐫𑐮𑐶𑐳𑐾 𑐰𑐶𑐱𑐾𑐲 𑐬𑐸𑐥𑑄 𑐳𑑂𑐰𑐵𑐥𑐹 𑐡𑐸𑐐𑐸 𑐰𑐶𑐲𑐫𑐫𑐵𑐟 𑐎𑑅𑐑𑐵𑐂।
- 𑐟𑑂𑐫𑐵𑐧𑑂𑐮𑑀𑐂𑐡 𑐥𑐟𑑂𑐬𑐎𑐵𑐬𑐶𑐟𑐵 – 𑐫𑐵𑐄𑑄𑐳𑐾 𑐔𑑂𑐰𑑄𑐐𑐸 𑐏𑑃𑐫𑑂 𑐔𑑂𑐰𑐂𑐐𑐸 𑐩𑐣𑑀𑐬𑐘𑑂𑐖𑐣𑐵𑐟𑑂𑐩𑐎 𑐔𑑂𑐰𑐳𑐸। 𑐠𑑂𑐰 𑐥𑐟𑑂𑐬𑐎𑐵𑐬𑐶𑐟𑐵𑐫𑐵𑐟 𑐩𑐹𑐮𑐢𑐵𑐬𑐫𑐵 𑐥𑐟𑑂𑐬𑐎𑐵𑐬𑐶𑐟𑐵 𑐳𑑂𑐰𑐫𑐵𑑄 𑐩𑑂𑐴𑑀 𑐖𑐎 𑐰𑐿𑐢 𑐟𑐵𑐫𑐾𑐎𑐷।
- 𑐴𑑂𑐫𑐵𑐄𑑃𑐐𑐸 𑐥𑐟𑑂𑐬𑐎𑐵𑐬𑐶𑐟𑐵 (𑐰𑐵 𑐳𑐣𑐳𑐣𑐷𑐥𑐹𑐬𑑂𑐞𑐟𑐵) – 𑐀𑐟𑐶𑐬𑑄𑐖𑐶𑐟 𑐡𑐵𑐧𑐷 𑐰𑐵 𑐴𑐮𑑂𑐮𑐵𑐫𑐵𑐟 𑐧𑑅 𑐧𑐷𑐐𑐸 𑐔𑑂𑐰𑐳𑐸।
- 𑐰𑐶𑐱𑑂𑐰𑐰𑑂𑐫𑐵𑐥𑐷 𑐥𑐟𑑂𑐬𑐎𑐵𑐬𑐶𑐟𑐵 – 𑐀𑐣𑑂𑐟𑐬𑐩𑐴𑐵𑐡𑑂𑐰𑐷𑐥𑐷𑐫 𑐩𑐸𑐡𑑂𑐡𑐵𑐫𑑂 𑐎𑐾𑐣𑑂𑐡𑑂𑐬𑐶𑐟 𑐰𑐶𑐱𑑂𑐰𑐰𑑂𑐫𑐵𑐥𑐷 𑐡𑐺𑐲𑑂𑐚𑐶𑐎𑑀𑐞𑐫𑐵𑐟 𑐎𑑅𑐑𑐵𑐂𑐐𑐸 𑐥𑐟𑑂𑐬𑐎𑐵𑐬𑐶𑐟𑐵 ।
- 𑐫𑐸𑐡𑑂𑐢 𑐥𑐟𑑂𑐬𑐎𑐵𑐬𑐶𑐟𑐵 – 𑐫𑐸𑐡𑑂𑐢 𑐰 𑐳𑐱𑐳𑑂𑐟𑑂𑐬 𑐡𑑂𑐰𑐣𑑂𑐡𑑂𑐰𑐫𑐵 𑐎𑐨𑐬𑐾𑐖