छ्येलेमि:Eukesh/Auto/NepalScript/न्यु यर्क राज्य

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Prior to European settlement, New York was dominated by Iroquoian

A 1660 map illustration of New Amsterdam

Illustration of British

Eukesh/Auto/NepalScript/न्यु यर्क राज्य 𑐰𑐵 𑐣𑑂𑐫𑐹𑐫𑑀𑐬𑑂𑐎 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐕𑐐𑐸 𑐬𑐵𑐖𑑂𑐫 𑐏𑑅। 𑐠𑑂𑐰 𑐬𑐵𑐖𑑂𑐫 𑐄𑐟𑑂𑐟𑐬𑐥𑐹𑐬𑑂𑐰𑐷 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐡𑐸। 𑐩𑐢𑑂𑐫-𑐊𑐚𑐮𑐵𑐣𑑂𑐚𑐶𑐎 𑐬𑐵𑐖𑑂𑐫𑐫𑑂 𑐕𑐐𑐹 𑐠𑑂𑐰 𑐬𑐵𑐖𑑂𑐫 𑐊𑐚𑐮𑐵𑐣𑑂𑐚𑐶𑐎 𑐩𑐴𑐵𑐳𑐵𑐐𑐬, 𑐣𑑂𑐫𑐸 𑐂𑐒𑑂𑐐𑐮𑑂𑐫𑐵𑐣𑑂𑐡। 𑐎𑑂𑐫𑐵𑐣𑐵𑐜𑐵, 𑐰 𑐐𑑂𑐬𑐾𑐚 𑐮𑐾𑐎𑑂𑐳𑐫𑐵 𑐳𑐷𑐩𑐵𑐫𑑂 𑐮𑐵। 𑐮𑐐𑐨𑐐 𑑑 𑐎𑑀𑐚𑐷 𑑙𑑖 𑐮𑐏 𑐧𑐵𑐳𑐶𑐣𑑂𑐡𑐵 𑐡𑐹𑐐𑐸 𑐠𑑂𑐰 𑐬𑐵𑐖𑑂𑐫 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐥𑑂𑐫𑑄𑐐𑐹𑐐𑐸 𑐡𑐎𑐮𑐫𑑂 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐬𑐵𑐖𑑂𑐫 𑐰 𑐳𑐣𑑂 𑑒𑑐𑑒𑑓 𑐟𑐎𑑂𑐎 𑐡𑐎𑐮𑐫𑑂 𑐀𑐥𑑂𑐰 𑐑𑐣𑐟𑑂𑐰 𑐡𑐹𑐐𑐸 𑑘𑐐𑐸 𑐬𑐵𑐖𑑂𑐫 𑐏। 𑐣𑑂𑐫𑐹𑐫𑑀𑐬𑑂𑐎 𑐎𑑂𑐲𑐾𑐟𑑂𑐬𑐦𑐮 𑐎𑐠𑑄 𑑒𑑗𑐐𑐸 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐬𑐵𑐖𑑂𑐫 𑐏, 𑐐𑐸𑐎𑐶𑐫𑐵 𑐳𑐎𑐮 𑐎𑑂𑐲𑐾𑐟𑑂𑐬𑐦𑐮 𑑕𑑔,𑑕𑑕𑑖 𑐰𑐬𑑂𑐐 𑐩𑐵𑐂𑐮 (𑑑𑑔𑑑,𑑓𑑐𑑐 𑐰𑐬𑑂𑐐 𑐎𑐶𑐩𑐶) 𑐡𑐸।

𑐣𑑂𑐫𑐹𑐫𑑀𑐬𑑂𑐎𑐫𑐵 𑐨𑐹𑐐𑑀𑐮𑐫𑑂 𑐰𑐶𑐰𑐶𑐢𑐟𑐵 𑐡𑐸। 𑐠𑑂𑐰 𑐬𑐵𑐖𑑂𑐫𑐫𑐵 𑐡𑐎𑑂𑐲𑐶𑐞𑐥𑐹𑐬𑑂𑐰𑐷 𑐨𑐵𑐐, 𑐡𑐵𑐄𑐣𑐳𑑂𑐟𑐾𑐟𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑐣 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐣𑐐𑐬 𑐣𑑂𑐫𑐹𑐫𑑀𑐬𑑂𑐎 𑐣𑐐𑐬 𑐡𑐸। 𑐣𑐵𑐥𑑄 𑐠𑐣 𑐮𑐒 𑐁𑐂𑐮𑑂𑐫𑐵𑐣𑑂𑐡 𑐎𑑂𑐲𑐾𑐟𑑂𑐬 𑐡𑐸: 𑐠𑑂𑐰 𑐡𑐾𑐫𑑂𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐚𑐵𑐥𑐸 𑐏। 𑐠𑑂𑐰 𑐣𑐵𑐥𑑄 𑐡𑐵𑐄𑐣𑐳𑑂𑐟𑐾𑐟𑐫𑑂 𑐄𑐥𑐣𑐐𑐬 (𑐳𑐧𑐬𑑂𑐧) 𑐰 𑐟𑑅𑐩𑐶 𑐊𑐣𑑂𑐎𑑂𑐮𑐾𑐨𑐫𑐵 𑐮𑑀𑐰𑐬 𑐴𑐜𑐳𑐣 𑐳𑑂𑐰𑐣𑐶𑐐𑑅 𑐡𑐸। 𑐡𑐵𑐄𑐣𑐳𑑂𑐟𑐾𑐟 𑐣𑑂𑐫𑐹𑐫𑑀𑐬𑑂𑐎 𑐩𑐴𑐵𑐣𑐐𑐬𑐷𑐫 𑐎𑑂𑐲𑐾𑐟𑑂𑐬𑐫𑐵 𑐎𑐾𑐣𑑂𑐡𑑂𑐬 𑐏 𑐰 𑐰𑐺𑐴𑐡 𑐣𑐐𑐬𑐷𑐫 𑐎𑑂𑐲𑐾𑐟𑑂𑐬 𑐏। 𑐠𑑂𑐰 𑐠𑐵𑐳𑐫𑑂 𑐬𑐵𑐖𑑂𑐫𑐫𑐵 𑐳𑑂𑐰 𑐧𑑂𑐫𑐵𑐫𑑂 𑐣𑐶𑐧𑑂𑐫𑐵 𑐩𑐣𑐹 𑐡𑐸। 𑐎𑑂𑐲𑐾𑐟𑑂𑐬𑐎𑐠𑑄 𑐫𑐎𑑂𑐰 𑐟𑑅𑐢𑑄𑐐𑐸 𑐀𑐥𑐳𑑂𑐚𑐾𑐚 𑐎𑑂𑐲𑐾𑐟𑑂𑐬 𑐐𑑂𑐬𑐾𑐚 𑐮𑐾𑐎𑑂𑐳𑑄 𑐮𑐾𑐎 𑐔𑑂𑐫𑐵𑐩𑑂𑐥𑐮𑐾𑐣 𑐟𑐎𑑂𑐎 𑐣𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑐰 𑐠𑐸𑐎𑐶𑐮𑐶 𑐊𑐜𑐶𑐬𑑀𑐣𑑂𑐜𑑂𑐫𑐵𑐎 𑐥𑐬𑑂𑐰𑐟 𑐰 𑐎𑑂𑐫𑐵𑐚𑐳𑑂𑐎𑐶𑐮 𑐥𑐬𑑂𑐰𑐟 (𑐊𑐥𑐮𑐾𑐱𑐶𑐫𑐣 𑐥𑐬𑑂𑐰𑐟𑐫𑐵 𑐨𑐵𑐐) 𑐮𑐵। 𑐥𑐹𑐬𑑂𑐰-𑐥𑐱𑑂𑐔𑐶𑐩 𑐡𑐶𑐱𑐵𑐫𑑂 𑐡𑐹𑐐𑐸 𑐩𑑀𑐴𑐵𑐎 𑐏𑐸𑐳𑐶𑐫𑐵 𑐳𑑂𑐰𑐣𑐶𑐐𑑄 𑐀𑐥𑐳𑑂𑐚𑐾𑐚𑐫𑐵 𑐀𑐥𑑂𑐰 𑐴𑐶𑐩𑐵𑐮𑐷 𑐎𑑂𑐲𑐾𑐟𑑂𑐬𑐫𑐵𑐟 𑐣𑐶𑐐𑐹 𑐧𑑂𑐰𑐫𑑂 𑐧𑑂𑐰𑐠𑐮𑐵 𑐄𑐟𑑂𑐟𑐬-𑐡𑐎𑑂𑐲𑐶𑐞 𑐴𑐜𑐳𑐣 𑐏𑐸𑐳𑐶𑐫𑐵 𑐳𑑂𑐰𑐣𑐶𑐐𑐮𑐫𑑂 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐀𑐮𑑂𑐧𑐵𑐣𑐷𑐫𑐵 𑐮𑐶𑐎𑑂𑐎𑐳𑑄 𑐰𑐣𑐶। 𑐧𑐦𑐾𑐮𑑀 𑐰 𑐬𑑀𑐔𑐾𑐳𑑂𑐚𑐬 𑐣𑐐𑐬 𑐥𑐱𑑂𑐔𑐶𑐩𑐷 𑐣𑑂𑐫𑐹𑐫𑑀𑐬𑑂𑐎 𑐐𑑂𑐬𑐾𑐚 𑐮𑐾𑐎𑑂𑐳 𑐎𑑂𑐲𑐾𑐟𑑂𑐬𑐫𑐵 𑐕𑐐𑐹 𑐨𑐵𑐐 𑐏 𑐰 𑐌𑐣𑑂𑐚𑐵𑐬𑐶𑐫𑑀 𑐥𑐸𑐏𑐸 𑐰 𑐂𑐬𑐷 𑐥𑐸𑐏𑐸𑐫𑐵 𑐳𑐷𑐩𑐵𑐫𑑂 𑐮𑐵। 𑐩𑐢𑑂𑐫 𑐣𑑂𑐫𑐹𑐫𑑀𑐬𑑂𑐎𑐫𑑂 𑐳𑐶𑐬𑐵𑐎𑑂𑐫𑐹𑐖 𑐣𑐐𑐬 𑐡𑐸। 𑐬𑐵𑐖𑑂𑐫𑐫𑐵 𑐩𑐢𑑂𑐫 𑐰 𑐥𑐱𑑂𑐔𑐶𑐩𑐷 𑐨𑐵𑐐𑐫𑐵 𑐡𑐠𑐸𑐂, 𑐣𑑂𑐫𑐹𑐫𑑀𑐬𑑂𑐎𑐫𑑂 𑐦𑐶𑑄𑐐𑐬 𑐮𑐾𑐎𑑂𑐳 𑐡𑐸, 𑐠𑑂𑐰 𑐕𑐐𑐹 ​​𑐮𑑀𑐎𑑄𑐴𑑂𑐰𑐵𑑅𑐐𑐸 𑐥𑐬𑑂𑐫𑐚𑐎𑐷𑐫 𑐐𑐣𑑂𑐟𑐰𑑂𑐫 𑐏। 𑐡𑐎𑑂𑐲𑐶𑐞𑐫𑑂, 𑐥𑐾𑐣𑑂𑐳𑐶𑐮𑐨𑐾𑐣𑐶𑐫𑐵 𑐣𑐵𑐥𑑄 𑐬𑐵𑐖𑑂𑐫𑐫𑐵 𑐳𑐷𑐩𑐵𑐫𑑂 , 𑐡𑐎𑑂𑐲𑐶𑐞𑐷 𑐚𑐶𑐫𑐬 𑐊𑐮𑐾𑐑𑐾𑐣𑐷 𑐥𑐛𑐵𑐬𑐫𑐵 𑐔𑑂𑐰𑐎𑐵 𑐡𑐸, 𑐐𑐸𑐎𑐶𑐮𑐶 𑐊𑐥𑐮𑐾𑐱𑐶𑐫𑐣𑐫𑐵 𑐡𑐎𑐮𑐫𑑂 𑐄𑐟𑑂𑐟𑐬𑐷 𑐨𑐵𑐐 𑐮𑐵।

𑐣𑑂𑐫𑐹𑐫𑑀𑐬𑑂𑐎 𑐩𑐹𑐮 𑑑𑑓𑐐𑐹 𑐄𑐥𑐣𑐶𑐰𑐾𑐱𑐫𑑂 𑐕𑐐𑐹 𑐏 𑐐𑐸𑐎𑐶𑐮𑐶𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵 𑐡𑐫𑐾𑐎𑐮। 𑐠𑑁𑑄𑐎𑐣𑑂𑐴𑐫𑑂𑐫𑐵 𑐣𑑂𑐫𑐹𑐫𑑀𑐬𑑂𑐎𑐫𑐵 𑐎𑑂𑐲𑐾𑐟𑑂𑐬𑐫𑑂 𑐡𑐎𑐮𑐫𑑂 𑐣𑑂𑐴𑐵𑐥𑐵𑐫𑐵 𑐫𑐸𑐬𑑀𑐥𑐶𑐫𑐣𑐟 𑐠𑑂𑐫𑑄𑐐𑐸 𑐃 𑐟𑐎𑑂𑐎 𑐡𑑂𑐰𑐮𑑄𑐡𑑂𑐰𑑅 𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐀𑐮𑑂𑐐𑑀𑐣𑑂𑐎𑐶𑐫𑐣 𑐰 𑐂𑐬𑑀𑐎𑑂𑐰𑐵𑐂𑐳 𑐎𑐣𑑂𑐦𑐾𑐜𑐾𑐬𑐾𑐳𑐷𑐫𑐵 𑐩𑐹𑐮 𑐀𑐩𑐾𑐬𑐶𑐎𑐷𑐫𑐵 𑐖𑐣𑐖𑐵𑐟𑐶𑐟 𑐔𑑂𑐰𑐣𑐵𑐔𑑂𑐰𑑄𑐐𑐸 𑐏। 𑐳𑐣𑑂 𑑑𑑖𑑐𑑙𑐂 𑐴𑐾𑐣𑐬𑐷 𑐴𑐜𑐳𑐣𑐫𑐵 𑐀𑐨𑐶𑐫𑐵𑐣𑑄 𑐄𑐟𑑂𑐥𑐣𑑂𑐣 𑐜𑐔𑐟𑐫𑐾𑐳𑑄 𑐳𑐣𑑂 𑑑𑑖𑑒𑑑𑐂 𑐣𑑂𑐫𑐹 𑐣𑐾𑐡𑐬𑐮𑑂𑐫𑐵𑐞𑑂𑐜𑐫𑐵 𑐧𑐴𑐸𑐖𑐵𑐟𑐷𑐫 𑐄𑐥𑐣𑐶𑐰𑐾𑐱 𑐥𑐮𑐶𑐳𑑂𑐠𑐵 𑐫𑐵𑐟। 𑐂𑑄𑐐𑑂𑐮𑑂𑐫𑐵𑐞𑑂𑐜𑑄 𑐳𑐣𑑂 𑑑𑑖𑑖𑑔𑐂 𑐜𑐔𑐟𑐾𑐐𑐸 𑐮𑑂𑐴𑐵𑐟𑑄 𑐠𑑂𑐰 𑐄𑐥𑐣𑐶𑐰𑐾𑐱 𑐎𑐧𑑂𑐖𑐵 𑐫𑐵𑐟 𑐰 𑐠𑐸𑐎𑐶𑐫𑐵 𑐣𑐵𑑄 𑐣𑑂𑐫𑐹𑐫𑑀𑐬𑑂𑐎 𑐥𑑂𑐬𑐵𑐣𑑂𑐟 𑐟𑐮। 𑐀𑐩𑐾𑐬𑐶𑐎𑐷 𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐫𑐸𑐡𑑂𑐢𑐫𑐵 𑐂𑐮𑐫𑑂 𑐄𑐥𑐣𑐶𑐰𑐾𑐱𑐰𑐵𑐡𑐷𑐟𑐾𑐐𑐸 𑐕𑐐𑐹 𑐥𑐸𑐔𑑅 𑐀𑐣𑑂𑐟𑐟𑑅 𑐳𑑂𑐰𑐟𑐣𑑂𑐟𑑂𑐬𑐟𑐵 𑐳𑑂𑐠𑐵𑐥𑐶𑐟 𑐫𑐵𑐫𑐾𑐟 𑐳𑐦𑐮 𑐖𑐸𑐮, 𑐰 𑐬𑐵𑐖𑑂𑐫𑑄 𑐳𑐣𑑂 𑑑𑑗𑑘𑑘𑐂 𑐟𑐟𑑂𑐎𑐵𑐮𑐷𑐣 𑐣𑑂𑐴𑐸𑐐𑐸 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐰𑐶𑐢𑐵𑐣𑐫𑐵𑐟 𑐀𑐣𑐸𑐩𑑀𑐡𑐣 𑐫𑐵𑐟। 𑑑𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐳𑐸𑐬𑐸𑐂 𑐣𑐶𑐳𑐾𑑄 𑐣𑑂𑐫𑐹𑐫𑑀𑐬𑑂𑐎𑐫𑐵 𑐠𑑅𑐐𑐸 𑐨𑐶𑐟𑑂𑐬𑐷 𑐨𑐵𑐐𑐫𑐵 𑐰𑐶𑐎𑐵𑐳, 𑑑𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐣𑐶𑐬𑑂𑐩𑐵𑐞𑑄 𑐱𑐸𑐬𑐸 𑐖𑐸𑐮। 𑐠𑑂𑐰 𑐃𑐮𑐫𑑂 𑐂𑐬𑐶 𑐣𑐴𑐬 𑐡𑐫𑐾𑐎𑐮 𑐐𑐸𑐎𑐶𑐮𑐶𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐩𑐾𑐩𑐾𑐐𑐸 𑐎𑑂𑐲𑐾𑐟𑑂𑐬 𑐳𑑂𑐰𑐫𑐵 𑐠𑑂𑐰 𑐎𑑂𑐲𑐾𑐟𑑂𑐬𑐫𑐵𑐟 𑐀𑐟𑐸𑐮𑐣𑐷𑐫 𑐦𑐵𑐂𑐡𑐵 𑐧𑐶𑐮। 𑐠𑑂𑐰 𑐬𑐵𑐖𑑂𑐫𑑄 𑐰𑐂𑐐𑐸 𑐱𑐟𑐵𑐧𑑂𑐡𑐷𑐂 𑐠𑑅𑐐𑐸 𑐬𑐵𑐖𑐣𑐷𑐟𑐶𑐎, 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐁𑐬𑑂𑐠𑐶𑐎 𑐁𑐢𑐶𑐥𑐟𑑂𑐫 𑐡𑐫𑐾𑐎𑐮, 𑐐𑐸𑐎𑐶𑐮𑐶𑑄 𑐠𑑂𑐰 𑐬𑐵𑐖𑑂𑐫𑐫𑐵𑐟 " 𑐊𑐩𑑂𑐥𑐵𑐫𑐬 𑐳𑑂𑐟𑐾𑐟"𑐫𑐵 𑐄𑐥𑐣𑐵𑐩 𑐡𑐟। 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐄𑐟𑑂𑐟𑐬𑐵𑐬𑑂𑐢𑐫𑑂 𑐍𑐡𑑂𑐫𑑀𑐐𑐶𑐎𑐷𑐎𑐬𑐞𑑄 𑐬𑐵𑐖𑑂𑐫𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑐵 𑐕𑐐𑐹 𑐨𑐵𑐐𑐫𑑂 𑐴𑑂𑐬𑐵𑐳 𑐰𑑅𑐳𑐵𑑄 𑑒𑑑𑐐𑐸 𑐱𑐟𑐵𑐧𑑂𑐡𑐷𑐂 𑐣𑑂𑐫𑐹𑐫𑑀𑐬𑑂𑐎𑐫𑐵𑐟 𑐳𑐺𑐖𑐣𑐵𑐟𑑂𑐩𑐎𑐟𑐵 𑐰 𑐄𑐡𑑂𑐫𑐩𑐱𑐷𑐮𑐟𑐵, 𑐳𑐵𑐩𑐵𑐖𑐶𑐎 𑐳𑐴𑐶𑐲𑑂𑐞𑐸𑐟𑐵, 𑐰 𑐰𑐵𑐟𑐵𑐰𑐬𑐞𑐷𑐫 𑐳𑑂𑐠𑐵𑐫𑐶𑐟𑑂𑐰𑐫𑐵 𑐕𑐐𑐹 𑐰𑐿𑐱𑑂𑐰𑐶𑐎 𑐣𑑀𑐜𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸।

𑐠𑑂𑐰 𑐬𑐵𑐖𑑂𑐫𑑄 𑐴𑐮𑐶𑑄𑐫𑐵 𑐡𑐎𑑂𑐰𑑄 𑐠𑐵𑐳𑑄 𑐥𑐵𑐴𑐵𑑄𑐥𑐶𑐣𑑂𑐟 𑐁𑐎𑐬𑑂𑐲𑐶𑐟 𑐫𑐵𑐂, 𑐳𑐣𑑂 𑑒𑑐𑑒𑑒𑐂 𑐀𑐩𑐾𑐬𑐶𑐎𑐵𑐫𑐵 𑐕𑐸𑑄 𑐣𑑄 𑐬𑐵𑐖𑑂𑐫 𑐳𑑂𑐰𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐥𑐶𑐣𑐾𑐫𑐵 𑐩𑐣𑐹 𑐡𑐸। 𑐠𑑂𑐰 𑐬𑐵𑐖𑑂𑐫𑐫𑐵 𑐫𑐎𑑂𑐰 𑐠𑐵𑐫𑑂 𑐣𑐵𑑄𑐖𑐵, 𑐐𑐸𑐎𑐶𑐮𑐶 𑐳𑐣𑑂 𑑒𑑐𑑑𑑓𑐫𑑂 𑐴𑐮𑐶𑑄𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐥𑐬𑑂𑐫𑐚𑐎 𑐖𑐸𑐂𑐐𑐸 𑐗𑐶𑐐𑐸 𑐥𑐬𑑂𑐫𑐚𑐎 𑐁𑐎𑐬𑑂𑐲𑐞𑐫𑐵 𑐠𑐵𑐳𑐫𑑂 𑐥𑑂𑐫𑑄𑐐𑐸 𑐠𑐵𑐫𑑂 𑐠𑐣 𑐮𑐵: 𑐚𑐵𑐂𑐩𑑂𑐳 𑐳𑑂𑐎𑑂𑐰𑐵𑐫𑐬, 𑐳𑐾𑐣𑑂𑐚𑑂𑐬𑐮 𑐥𑐵𑐬𑑂𑐎 , 𑐣𑐵𑐫𑐵𑐐𑑂𑐬𑐵 𑐦𑐮𑑂𑐳, 𑐰 𑐐𑑂𑐬𑐵𑐣𑑂𑐜 𑐳𑐾𑐣𑑂𑐚𑑂𑐬𑐮 𑐚𑐬𑑂𑐩𑐶𑐣𑐮। 𑐣𑑂𑐫𑐹𑐫𑑀𑐬𑑂𑐎𑐫𑑂 𑐎𑐬𑐶𑐧 𑑒𑑐𑑐 𑐎𑐮𑐾𑐖 𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐡𑐸 , 𑐐𑐸𑐎𑐶𑐮𑐶 𑐁𑐂𑐨𑐷 𑐮𑐷𑐐𑐫𑐵 𑐡𑐸𑐖𑑅 𑐎𑑀𑐮𑐩𑑂𑐧𑐶𑐫𑐵 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐰 𑐎𑐬𑑂𑐣𑐾𑐮 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐮𑐵, 𑐰 𑐰𑐶𑐳𑑂𑐟𑐵𑐬𑐶𑐟 𑐳𑑂𑐚𑐾𑐚 𑐫𑐸𑐣𑐶𑐨𑐬𑑂𑐳𑐶𑐚𑐷 𑐀𑐦 𑐣𑑂𑐫𑐹𑐫𑑀𑐬𑑂𑐎 𑐣𑑄 𑐮𑐵, 𑐐𑐸𑐎𑐶𑐮𑐶 𑐬𑐵𑐲𑑂𑐚𑑂𑐬𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐥𑑂𑐬𑐞𑐵𑐮𑐷 𑐡𑐸। 𑐣𑑂𑐫𑐹𑐫𑑀𑐬𑑂𑐎 𑐣𑐐𑐬𑐫𑑂 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑐫𑐵 𑐩𑐸𑐏𑑂𑐫𑐵𑐮𑐫 𑐡𑐸, 𑐰 𑐠𑑂𑐰 𑐣𑐐𑐬𑐫𑐵𑐟 𑐐𑐧𑐮𑐾𑑄 𑐐𑐧𑐮𑐾𑑄 𑐴𑐮𑐶𑑄𑐫𑐵 𑐡𑐎𑐮𑐫𑑂 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐳𑐵𑑄𑐳𑑂𑐎𑐺𑐟𑐶𑐎, 𑐰𑐶𑐟𑑂𑐟𑐷𑐫, 𑐰 𑐳𑑄𑐔𑐵𑐬 𑐩𑐵𑐢𑑂𑐫𑐩 𑐎𑐾𑐣𑑂𑐡𑑂𑐬𑐰𑐶𑐣𑑂𑐡𑐸, 𑐰 𑐴𑐮𑐶𑑄𑐫𑐵 𑐬𑐵𑐖𑐢𑐵𑐣𑐷 𑐣𑐐𑐬𑐫𑐵 𑐬𑐸𑐥𑐫𑑂 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐡𑐸।

𑐳𑑂𑐰𑐫𑐵 𑐡𑐶𑐳𑑃

𑐳𑑂𑐰𑐵𑐥𑐹 𑐡𑐸𑐐𑐸 𑐔𑑂𑐰𑐳𑐸

• 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹𑐟

• 𑐀𑐩𑐾𑐬𑐶𑐎𑐷 𑐳𑐬𑐎𑐵𑐬𑐫𑐵 𑐰𑐾𑐧𑐠𑐵𑐫𑑂