छ्येलेमि:Eukesh/Auto/NepalScript/न्युक्लियर बल
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
a – residual strong force (nuclear force), rapidly decreases to insignificance at distances beyond about 2.5 fm, b – at distances less than ~ 0.7 fm between nucleons centres the nuclear force becomes repulsive, c – coulomb repulsion force between two protons (over 3 fm, force becomes the main), d – equilibrium position for proton – proton, r – radius of a nucleon (a cloud composed of three quarks). Note: 1 fm = 10−15 m]]
𑐣𑑂𑐫𑐸𑐎𑑂𑐮𑐶𑐫𑐬 𑐧𑐮 𑐰𑐵 𑐁𑐞𑐰𑐶𑐎 𑐧𑐮 (𑐰𑐵 𑐣𑑂𑐫𑐹𑐎𑑂𑐮𑐶𑐫𑐣–𑐣𑑂𑐫𑐸𑐎𑑂𑐮𑐶𑐫𑐣 𑐀𑐣𑑂𑐟𑐬𑐎𑑂𑐬𑐶𑐫𑐵, 𑐀𑐰𑐱𑐶𑐲𑑂𑐚 𑐧𑐮𑑂𑐮𑐵𑑅𑐐𑐸 𑐧𑐮, 𑐰𑐵, 𑐋𑐟𑐶𑐴𑐵𑐳𑐶𑐎 𑐬𑐸𑐥𑑄, 𑐧𑐮𑑂𑐮𑐵𑑅𑐐𑐸 𑐁𑐞𑐰𑐶𑐎 𑐧𑐮) 𑐕𑐐𑐹 𑐧𑐮 𑐏 𑐐𑐸𑐎𑐶𑐮𑐶𑑄 𑐴𑑂𑐫𑐵𑐜𑑂𑐬𑑀𑐣 𑐡𑐠𑐸𑐂 𑐖𑑂𑐫𑐵 𑐫𑐵𑐂। 𑐠𑑂𑐰 𑐧𑐮 𑐡𑐎𑐮𑐫𑑂 𑐀𑐥𑑂𑐰 𑐥𑐬𑐩𑐵𑐞𑐸𑐫𑐵 𑐥𑑂𑐬𑑀𑐚𑑀𑐣 𑐰 𑐣𑑂𑐫𑐸𑐚𑑂𑐬𑐣 𑐡𑐠𑐸𑐂 𑐏𑐣𑐾 𑐡𑐸। 𑐣𑑂𑐫𑐸𑐚𑑂𑐬𑐣 𑐰 𑐥𑑂𑐬𑑀𑐚𑑀𑐣, 𑐣𑐶𑐐𑐸𑐮𑐶𑑄 𑐣𑑂𑐫𑐹𑐎𑑂𑐮𑐶𑐫𑐣 𑐏 𑐰 𑐁𑐞𑐰𑐶𑐎 𑐧𑐮𑑄 𑐳𑐩𑐵𑐣 𑐬𑐸𑐥𑐫𑑂 𑐥𑑂𑐬𑐨𑐵𑐰𑐶𑐟 𑐖𑐸𑐂। 𑐥𑑂𑐬𑑀𑐟𑑀𑐣𑐫𑑂 𑐔𑐵𑐬𑑂𑐖 +𑑑 e 𑐡𑐂𑐐𑐸 𑐖𑐹𑐐𑐸𑐮𑐶𑑄 𑐂𑐩𑐶𑐳𑑄 𑐕𑐐𑐹 𑐰𑐶𑐡𑑂𑐫𑐸𑐟𑐷𑐫 𑐧𑐮𑐫𑐵 𑐀𑐣𑐸𑐨𑐰 𑐫𑐵𑐂 𑐐𑐸𑐎𑐶𑐮𑐶𑑄 𑐂𑐩𑐶𑐟 𑐀𑐮𑐐 𑐫𑐵𑐫𑐾𑐐𑐸 𑐎𑐸𑐟𑑅 𑐫𑐵𑐂। 𑐟𑐬 𑐔𑐶𑐴𑐵𑐎𑑅𑐐𑐸 𑐡𑐹𑐬𑐷𑐂 𑐡𑐫𑐵𑐔𑑂𑐰𑐣𑐶𑐐𑐸 𑐁𑐎𑐬𑑂𑐲𑐎 𑐁𑐞𑐰𑐶𑐎 𑐧𑐮𑑄 𑐂𑐮𑐾𑐎𑑂𑐚𑑂𑐬𑑀𑐳𑑂𑐚𑑂𑐫𑐵𑐚𑐶𑐎 𑐧𑐮 𑐳𑑂𑐰𑐫𑐵 𑐫𑐎𑑂𑐰 𑐧𑐮𑑂𑐮𑐵𑐂𑐐𑐸𑐮𑐶𑑄 𑐀𑐠𑐾 𑐖𑐸𑐂𑐩𑐏𑐸। 𑐁𑐞𑐰𑐶𑐎 𑐧𑐮𑑄 𑐣𑑂𑐫𑐹𑐎𑑂𑐮𑐶𑐫𑐣𑐫𑐵𑐟 𑐥𑐬𑐩𑐵𑐞𑐸 𑐣𑑂𑐫𑐹𑐎𑑂𑐮𑐶𑐫𑐳𑐫𑑂 𑐔𑐶𑐣𑐵𑐟𑐿।
𑐁𑐞𑐰𑐶𑐎 𑐧𑐮 𑑐.𑑘 𑐦𑐾𑐩𑑂𑐚𑑀𑐩𑐶𑐚𑐬 (𑐊𑐦𑐊𑐩, 𑐧𑐵𑐫𑑂 𑑐.𑑘 × 𑑑𑑐 −𑑑𑑕 𑐩𑐷𑐚𑐬 )𑐫𑑂 𑐟𑐳𑐎𑑄 𑐧𑐮𑑂𑐮𑐵𑐂। 𑐟𑐬 𑐎𑐬𑐶𑐧 𑑒.𑑕 𑐊𑐦𑐊𑐩 𑐳𑑂𑐰𑐫𑐵 𑐀𑐥𑑂𑐰 𑐡𑐹𑐬𑐷𑐂 𑐟𑐔𑑂𑐰𑐮𑑄 𑐩𑑂𑐴𑑂𑐰 𑐖𑐸𑐂। 𑑐.𑑗 𑐊𑐦𑐊𑐩 𑐳𑑂𑐰𑐫𑐵𑑄 𑐩𑑂𑐴𑑂𑐰 𑐡𑐹𑐬𑐷𑐂 𑐁𑐞𑐰𑐶𑐎 𑐱𑐎𑑂𑐟𑐶 𑐥𑑂𑐬𑐟𑐶𑐎𑐵𑐬𑐵𑐟𑑂𑐩𑐎 𑐖𑐸𑐂। 𑐠𑑂𑐰 𑐥𑑂𑐬𑐟𑐶𑐎𑐵𑐬 𑐣𑑂𑐫𑐹𑐎𑑂𑐮𑐶𑐫𑐳𑐫𑐵 𑐁𑐎𑐵𑐬𑐫𑐵 𑐣𑐶𑑄𑐟𑐶𑑄 𑐖𑐶𑐩𑑂𑐩𑐾𑐰𑐵𑐬 𑐖𑐸𑐂, 𑐕𑐵𑐫𑑂 𑐢𑐵𑑅𑐳𑐵 𑐣𑑂𑐫𑐹𑐎𑑂𑐮𑐶𑐫𑐬 𑐧𑐮𑐫𑐵 𑐎𑐵𑐬𑐞𑑄 𑐣𑑂𑐫𑐸𑐎𑑂𑐮𑐶𑐫𑐣 𑐠𑑂𑐰 𑐳𑑂𑐰𑐫𑐵 𑐮𑐶𑐎𑑂𑐎 𑐰𑐫𑐾 𑐩𑐦𑐸। (𑐕𑐐𑐹 𑐊𑐚𑐩𑐫𑐵 𑐁𑐎𑐵𑐬, 𑐊𑐒𑑂𑐐𑐳𑑂𑐚𑑂𑐬𑐩𑐫𑐵 𑐎𑑂𑐬𑐩𑐫𑑂 (Å, 𑐧𑐵𑐫𑑂 𑑑𑑐 −𑑑𑑐 m) 𑐁𑐎𑐵𑐬, 𑐠𑑂𑐰 𑐳𑑂𑐰𑐫𑐵 𑐣𑑂𑐫𑐵𑐐𑐸 𑐀𑐬𑑂𑐡𑐬 𑐥𑐬𑐶𑐩𑐵𑐞 𑐀𑐥𑑂𑐰 𑐖𑐸𑐂।) 𑐁𑐞𑐰𑐶𑐎 𑐧𑐮 𑐳𑐬𑐮 𑐧𑐮 𑐩𑐏𑐸। 𑐠𑑂𑐰 𑐧𑐮 𑐣𑑂𑐫𑐹𑐎𑑂𑐮𑐶𑐫𑐣 𑐳𑑂𑐥𑐶𑐣𑐫𑑂 𑐣𑐶𑐬𑑂𑐨𑐬 𑐖𑐸𑐂, 𑐠𑐸𑐎𑐶𑐫𑐵 𑐚𑐾𑐣𑑂𑐳𑐬 𑐑𑐚𑐎 𑐡𑐂, 𑐰 𑐣𑐵𑐥𑑄 𑐣𑑂𑐫𑐹𑐎𑑂𑐮𑐶𑐫𑐣𑐫𑐵 𑐳𑐵𑐥𑐾𑐎𑑂𑐲𑐶𑐎 𑐐𑐟𑐶𑐂 𑐠𑑂𑐰 𑐧𑐮 𑐣𑐶𑐬𑑂𑐨𑐬 𑐖𑐸𑐂𑐦𑐸।
𑐁𑐞𑐰𑐶𑐎 𑐱𑐎𑑂𑐟𑐶 𑐰 𑐁𑐞𑐰𑐶𑐎 𑐮𑑂𑐰𑐵𑐨𑑅𑐫𑑂 𑐕𑑂𑐫𑐮𑐷𑐐𑐸 𑐄𑐬𑑂𑐖𑐵 𑐳𑑂𑐰𑐠𑐣𑐾𑐐𑐸 𑐖𑑂𑐫𑐵𑐫𑑂 𑐁𑐞𑐰𑐶𑐎 𑐧𑐮𑐫𑐵 𑐟𑑅𑐢𑑄𑐐𑐸 𑐨𑐹𑐩𑐶𑐎𑐵 𑐡𑐸। 𑐔𑐵𑐬𑑂𑐖 𑐡𑐸𑐐𑐸 𑐥𑑂𑐬𑑀𑐚𑑀𑐣𑐫𑐵𑐟 𑐂𑐩𑐶𑐐𑐸 𑐰𑐶𑐡𑑂𑐫𑐸𑐟 𑐥𑑂𑐬𑐟𑐶𑐎𑐬𑐞𑐫𑐵 𑐰𑐶𑐬𑐸𑐡𑑂𑐢𑐫𑑂 𑐕𑐠𑐵𑐫𑑂 𑐴𑐫𑐾𑐟 𑐖𑑂𑐫𑐵 (𑐅𑐬𑑂𑐖𑐵) 𑐩𑐵𑑅। 𑐠𑑂𑐰 𑐄𑐬𑑂𑐖𑐵 𑐥𑑂𑐬𑑀𑐟𑑀𑐣 𑐰 𑐣𑑂𑐫𑐸𑐚𑑂𑐬𑐣𑐫𑐵𑐟 𑐁𑐞𑐰𑐶𑐎 𑐧𑐮𑑄 𑐕𑐠𑐵𑐫𑑂 𑐳𑑂𑐰𑐵𑐣𑐵𑑅 𑐣𑑂𑐫𑐸𑐎𑑂𑐮𑐶𑐫𑐳 𑐡𑐫𑐾𑐎𑐷𑐧𑐮𑐫𑑂 𑐩𑐸𑑄𑐎𑐷। 𑐣𑑂𑐫𑐹𑐎𑑂𑐮𑐶𑐫𑐳𑐫𑐵 𑐩𑐵𑐟𑑂𑐬𑐵 𑐥𑑂𑐬𑑀𑐚𑑀𑐣 𑐰 𑐣𑑂𑐫𑐸𑐚𑑂𑐬𑐣𑐫𑐵 𑐀𑐮𑐐 𑐩𑐵𑐟𑑂𑐬𑐵𑐫𑐵 𑐫𑑀𑐐 𑐳𑑂𑐰𑐫𑐵 𑐩𑑂𑐴𑑀 𑐖𑐸𑐂। 𑐠𑐸𑐎𑐶𑐫𑐵𑐟 𑐩𑐵𑐳 𑐡𑐶𑐦𑐾𑐎𑑂𑐟𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵, 𑐐𑐸𑐎𑐶𑐫𑐵𑐟 𑐅𑐬𑑂𑐖𑐵 𑐳𑐩𑐎𑐎𑑂𑐲𑐫𑐵 𑐬𑐸𑐥𑐫𑑂 𑐧𑑂𑐰𑐫𑐾𑐕𑐶𑑄। 𑐗𑑂𑐫𑐵𑐟𑐸𑐐𑐸 𑐣𑑂𑐫𑐹𑐎𑑂𑐮𑐶𑐫𑐳 𑐣𑐶𑐐𑐹 𑐧𑐵𑐫𑑂 𑐀𑐥𑑂𑐰𑑅 𑐴𑐮𑑂𑐎𑐵 𑐣𑑂𑐫𑐹𑐎𑑂𑐮𑐶𑐫𑐳𑐫𑑂 𑐎𑐸𑐔𑐵-𑐎𑐸𑐔𑐵 𑐖𑐸𑐂𑐧𑐮𑐫𑑂 𑐄𑐬𑑂𑐖𑐵 𑐥𑐶𑐴𑐵𑑄 𑐰𑐂 । 𑐠𑑂𑐰 𑐄𑐬𑑂𑐖𑐵 𑐂𑐣𑑂𑐚𑐬𑐣𑑂𑐫𑐸𑐎𑑂𑐮𑐶𑐫𑐣 𑐥𑑀𑐚𑐾𑐣𑑂𑐱𑐶𑐫𑐮 𑐄𑐬𑑂𑐖𑐵 𑐏 𑐐𑐸𑐎𑐶𑐫𑐵𑐟 𑐁𑐞𑐰𑐶𑐎 𑐧𑐮𑑄 𑐔𑐵𑐬𑑂𑐖 𑐡𑐹𑐐𑐸 𑐁𑐞𑐰𑐶𑐎 𑐎𑐸𑐔𑐵𑐟𑐾𑐟 𑐕𑐠𑐵𑐫𑑂 𑐟𑐫𑐾 𑐩𑐦𑐸𑐟𑐎𑐶 𑐥𑐶𑐴𑐵𑑄 𑐰𑐂।
𑐁𑐞𑐰𑐶𑐎 𑐧𑐮𑐫𑐵 𑐥𑐬𑐶𑐩𑐵𑐞𑐵𑐟𑑂𑐩𑐎 𑐰𑐶𑐰𑐬𑐞 𑐁𑑄𑐱𑐶𑐎 𑐬𑐸𑐥𑑄 𑐊𑐩𑑂𑐥𑐾𑐬𑐶𑐎 𑐳𑐩𑐷𑐎𑐬𑐞𑐫𑑂 𑐣𑐶𑐬𑑂𑐨𑐬 𑐖𑐸𑐂। 𑐠𑐣𑑂𑐫𑐵𑑅𑐐𑐸 𑐳𑐩𑐷𑐎𑐬𑐞𑐟𑐾𑐳𑑄 𑐂𑐣𑑂𑐚𑐬𑐣𑑂𑐫𑐸𑐎𑑂𑐮𑐶𑐫𑐣 𑐥𑑀𑐚𑐾𑑄𑐱𑐶𑐫𑐮 𑐄𑐬𑑂𑐖𑐵 𑐧𑐵𑐫𑑂 𑐥𑑀𑐚𑐾𑑄𑐱𑐶𑐫𑐮𑐫𑐵 𑐀𑐣𑐸𑐱𑐬𑐞 𑐫𑐵𑐂। (𑐳𑐵𑐩𑐵𑐣𑑂𑐫𑐟𑐫𑐵, 𑐎𑐞𑐫𑐵 𑐕𑐐𑐹 𑐥𑑂𑐬𑐞𑐵𑐮𑐷 𑐡𑐸𑐣𑐾𑐫𑐵 𑐧𑐮𑐫𑐵𑐟 𑐥𑑂𑐬𑐞𑐵𑐮𑐷𑐫𑐵 𑐳𑐩𑑂𑐨𑐵𑐰𑐶𑐟 𑐅𑐬𑑂𑐖𑐵 𑐰𑐬𑑂𑐞𑐣 𑐫𑐵𑐣𑐵 𑐀𑐥𑑂𑐰 𑐳𑐬𑐮 𑐬𑐸𑐥𑑄 𑐩𑑀𑐜𑐾𑐮 𑐫𑐵𑐫𑐾𑐕𑐶𑑄; 𑐕𑐐𑐹 𑐥𑑀𑐚𑐾𑐣𑑂𑐳𑐶𑐫𑐮𑐫𑐵 𑐆𑐞𑐵𑐟𑑂𑐩𑐎 𑐐𑑂𑐬𑐾𑐡𑐶𑐫𑐣𑑂𑐟 𑐄𑐎𑐶𑐫𑐵 𑐨𑐾𑐎𑑂𑐚𑐬 𑐧𑐮𑐫𑐵 𑐧𑐬𑐵𑐧𑐬 𑐖𑐸𑐂।) 𑐳𑐩𑐷𑐎𑐬𑐞𑐫𑐵 𑐣𑐶𑑄𑐟𑐶𑑄 𑐳𑑂𑐠𑐶𑐬𑐵𑑄𑐎 𑐑𑐚𑐣𑐵𑐰𑐵𑐡𑐷 𑐖𑐸𑐂, 𑐀𑐬𑑂𑐠𑐵𑐟 𑐳𑐩𑐷𑐎𑐬𑐞𑐫𑐵 𑐥𑑂𑐬𑐫𑑀𑐐𑐵𑐟𑑂𑐩𑐎 𑐟𑐠𑑂𑐫𑐵𑑄𑐎𑐫𑑂 𑐣𑐶𑐬𑑂𑐨𑐬 𑐖𑐸𑐂। 𑐂𑐣𑑂𑐚𑐬𑐣𑑂𑐫𑐸𑐎𑑂𑐮𑐶𑐫𑐣 𑐥𑑀𑐚𑐾𑐣𑑂𑐱𑐶𑐫𑐮𑑄 𑐣𑑂𑐫𑐸𑐎𑑂𑐮𑐶𑐫𑐣–𑐣𑑂𑐫𑐸𑐎𑑂𑐮𑐶𑐫𑐣 𑐀𑐣𑑂𑐟𑐬𑐎𑑂𑐬𑐶𑐫𑐵𑐫𑐵 𑐐𑐸𑐞𑐫𑐵𑐟 𑐰𑐬𑑂𑐞𑐣 𑐫𑐵𑐫𑐾𑐐𑐸 𑐎𑐸𑐟𑑅 𑐫𑐵𑐂। 𑐠𑐠𑐾 𑐕𑐎𑑂𑐰𑑅 𑐣𑐶𑐬𑑂𑐢𑐵𑐬𑐞 𑐖𑐸𑐂𑐢𑐸𑑄𑐎𑐵, 𑐕𑐸𑑄 𑐣𑑄 𑐧𑐶𑐫𑐵𑐟𑑅𑐐𑐸 𑐥𑑀𑐚𑐾𑑄𑐱𑐶𑐫𑐮𑐫𑐵𑐟 (𑐡𑐳𑐸- 𑐱𑑂𑐬𑑀𑐜𑐶𑐣𑑂𑐖𑐬 𑐳𑐩𑐷𑐎𑐬𑐞𑐫𑑂 ) 𑐣𑑂𑐫𑐹𑐎𑑂𑐮𑐶𑐫𑐣 𑐥𑑂𑐬𑐞𑐵𑐮𑐷𑐫𑐵 𑐎𑑂𑐰𑐵𑐣𑑂𑐚𑐩 𑐫𑐵𑐣𑑂𑐟𑑂𑐬𑐶𑐎 𑐐𑐸𑐞 𑐣𑐶𑐬𑑂𑐢𑐵𑐬𑐞 𑐫𑐵𑐫𑐾𑐟 𑐕𑑂𑐫𑐾𑐮𑐾𑐕𑐶𑑄।
𑐳𑐣𑑂 𑑑𑑙𑑓𑑒𑐂 𑐣𑑂𑐫𑐸𑐚𑑂𑐬𑐣 𑐮𑐸𑐂𑐎𑐾𑐰𑑄 𑐠𑑂𑐰 𑐏𑑃 𑐳𑐷𑐡𑐮 𑐎𑐶 𑐊𑐚𑐩𑐶𑐎 𑐣𑑂𑐫𑐹𑐎𑑂𑐮𑐶𑐫𑐳 𑐥𑑂𑐬𑑀𑐚𑑀𑐣 𑐰 𑐣𑑂𑐫𑐸𑐚𑑂𑐬𑐣𑑄 𑐡𑐫𑐾𑐎𑐵𑐟𑑅𑐐𑐸 𑐏, 𑐐𑐸𑐎𑐶𑐫𑐵𑐟 𑐕𑐐𑐹 𑐁𑐎𑐬𑑂𑐲𑐎 𑐱𑐎𑑂𑐟𑐶𑑄 𑐕𑐠𑐵𑐫𑑂 𑐟𑐫𑐵𑐟𑑅𑐐𑐸 𑐡𑐸। 𑐳𑐣𑑂 𑑑𑑙𑑓𑑕 𑐟𑐎𑑂𑐎 𑐁𑐞𑐰𑐶𑐎 𑐱𑐎𑑂𑐟𑐶 𑐩𑐾𑐳𑑀𑐣 𑐢𑐵𑑅𑐐𑐸 𑐎𑐞𑑄 𑐳𑑄𑐔𑐵𑐬 𑐖𑐸𑐂𑐐𑐸 𑐥𑐬𑐶𑐎𑐮𑑂𑐥𑐣𑐵 𑐖𑐸𑐮। 𑐠𑑂𑐰 𑐳𑐿𑐡𑑂𑐢𑐵𑐣𑑂𑐟𑐶𑐎 𑐰𑐶𑐎𑐵𑐳𑐫𑑂 𑐫𑐸𑐎𑐵𑐰𑐵 𑐳𑐩𑑂𑐨𑐵𑐰𑐣𑐵𑐫𑐵 𑐰𑐶𑐰𑐬𑐞 𑐡𑐸𑐠𑑂𑐫𑐵𑑅𑐐𑐸 𑐡𑐸। 𑐫𑐸𑐎𑐵𑐰𑐵 𑐳𑐩𑑂𑐨𑐵𑐰𑐣𑐵 𑐁𑐞𑐰𑐶𑐎 𑐳𑐩𑑂𑐨𑐵𑐰𑐣𑐵𑐫𑐵 𑐕𑐐𑐹 𑐥𑑂𑐬𑐵𑐬𑐩𑑂𑐨𑐶𑐎 𑐡𑐳𑐸। 𑐥𑐵𑐫𑐣𑑂𑐳 (Pions) 𑐠𑑂𑐰 𑐴𑐾 𑐳𑐿𑐡𑑂𑐢𑐵𑐣𑑂𑐟𑐶𑐎 𑐨𑐰𑐶𑐲𑑂𑐫𑐰𑐵𑐞𑐷𑐫𑐵𑐟 𑐥𑐹𑐰𑑄𑐎𑐾𑐐𑐸 𑐬𑐸𑐥𑐫𑑂 𑐥𑑂𑐬𑐫𑑀𑐐𑐵𑐟𑑂𑐩𑐎 𑐬𑐸𑐥𑑄 𑐳𑐣𑑂 𑑑𑑙𑑔𑑗𑐂 𑐮𑐸𑐫𑐵𑐰𑐮। 𑐳𑐣𑑂 𑑑𑑙𑑗𑑐𑐫𑐵 𑐡𑐱𑐎𑐫𑑂 𑐎𑑂𑐰𑐵𑐬𑑂𑐎 𑐩𑑀𑐜𑐾𑐮 𑐡𑐫𑐾𑐎𑐮, 𑐐𑐸𑐎𑐶𑐮𑐶𑑄 𑐩𑐾𑐳𑑀𑐣 𑐰 𑐣𑑂𑐫𑐹𑐎𑑂𑐮𑐶𑐫𑐣𑐫𑐵𑐟 𑐎𑑂𑐰𑐵𑐬𑑂𑐎 𑐰 𑐐𑑂𑐮𑐸𑐀𑐣𑑄 𑐡𑐫𑐾𑐎𑐹𑐐𑐸 𑐡𑐺𑐲𑑂𑐚𑐶𑐎𑑀𑐞𑑄 𑐳𑑂𑐰𑐮। 𑐠𑑂𑐰 𑐣𑑂𑐴𑐸𑐐𑐸 𑐩𑑀𑐜𑐾𑐮 𑐎𑐠𑑄, 𑐖𑑅𑐮𑐵𑐏𑑅𑐮𑐵 𑐣𑑂𑐫𑐹𑐎𑑂𑐮𑐶𑐫𑐣 𑐡𑐠𑐸𑐂 𑐩𑐾𑐳𑑀𑐣𑐫𑐵 𑐁𑐡𑐵𑐣𑐥𑑂𑐬𑐡𑐵𑐣𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐡𑐂𑐐𑐸 𑐁𑐞𑐰𑐶𑐎 𑐧𑐮 𑐕𑐐𑐹 𑐧𑐴𑐸𑐎𑐞 𑐀𑐣𑑂𑐟𑐬𑐎𑑂𑐬𑐶𑐫𑐵 𑐏। 𑐠𑑂𑐰 𑐀𑐣𑑂𑐟𑐬𑐎𑑂𑐬𑐶𑐫𑐵 𑐣𑑂𑐫𑐹𑐎𑑂𑐮𑐶𑐫𑐣𑐫𑐵 𑐬𑐾𑐏𑐵𑑄𑐎𑐶𑐟 𑐳𑑄𑐬𑐔𑐣𑐵𑐫𑑂 𑐟𑐔𑑂𑐰𑑅𑐐𑐸 𑐧𑐮𑐫𑐵 𑐩𑑄𑐎𑐵 𑐥𑑂𑐬𑐨𑐵𑐰𑐫𑐵 𑐮𑐶𑐔𑑂𑐰𑑅 𑐏𑑅।
𑐳𑑂𑐰𑐫𑐵𑐡𑐶𑐳𑑃
[सम्पादन]- ↑ (1968) "Local phenomenological nucleon–nucleon potentials". Annals of Physics 50 (3): 411–448. DOI:10.1016/0003-4916(68)90126-7.