छ्येलेमि:Eukesh/Auto/NepalScript/नेवाः तजिलजि
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐣𑐾𑐰𑐵𑑅 𑐟𑐖𑐶𑐮𑐖𑐶 𑐣𑐾𑐥𑐵𑑅𑐫𑐵 𑐕𑐐𑐹 𑐩𑐹 𑐟𑐖𑐶𑐮𑐖𑐶 𑐏। 𑐠𑑂𑐰 𑐟𑐖𑐶𑐮𑐖𑐶 𑐋𑐟𑐶𑐴𑐵𑐳𑐶𑐎 𑐣𑐾𑐥𑐵𑐮𑐩𑐣𑑂𑐡𑐮𑐫𑑂 𑐧𑐸𑐫𑐵𑐰𑑅𑐐𑐸 𑐰 𑐮𑐵𑐣𑐵𑐔𑑂𑐰𑑄𑐐𑐸 𑐟𑐖𑐶𑐮𑐖𑐶 𑐏। 𑐠𑑂𑐰 𑐟𑐖𑐶𑐮𑐖𑐶 𑐴𑐣𑐶𑐥𑐶𑑄 𑐩𑐣𑐹𑐟𑐫𑐾𑐟 𑐣𑐾𑐰𑐵𑑅 𑐢𑐵𑐂। 𑐠𑑂𑐰 𑐟𑐖𑐶𑐮𑐖𑐶𑐫𑐵 𑐕𑐸𑑄 𑐏𑑃 𑐠𑑂𑐰 𑐎𑐠𑑄 𑐡𑐸-
- 𑐢𑐬𑑂𑐩: 𑐣𑐾𑐰𑐵 𑐟𑐖𑐶𑐮𑐖𑐶𑐂 𑐢𑐬𑑂𑐩𑐫𑐵 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐸। 𑐠𑑂𑐰 𑐟𑐖𑐶𑐮𑐖𑐶𑐂 𑐡𑐾𑐐𑑅, 𑐰𑐶𑐴𑐵𑐬 𑐰 𑐢𑐵𑐬𑑂𑐩𑐶𑐎 𑐥𑑂𑐬𑐟𑐶𑐲𑑂𑐛𑐵𑐣𑐟𑐫𑐾𑐐𑐸 𑐟𑑅𑐢𑑄𑐐𑐸 𑐩𑐴𑐟𑑂𑐟𑑂𑐰 𑐡𑐸। 𑐠𑑂𑐰 𑐟𑐖𑐶𑐮𑐖𑐶𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐨𑐰𑐣𑐟 𑐡𑐎𑑂𑐰𑑄 𑐡𑑂𑐫𑑅𑐟𑐫𑐾𑐟 𑐡𑐾𑐕𑐵𑐣𑐵 𑐟𑑅𑐐𑐸 𑐏𑑃 𑐣𑑄 𑐠𑑂𑐰 𑐏𑑄𑐫𑐵𑐟 𑐠𑐸𑐂𑐎𑐾𑐟 𑐐𑑂𑐰𑐴𑐵𑐮𑐶 𑐫𑐵𑐂। 𑐠𑑂𑐰 𑐟𑐖𑐶𑐮𑐖𑐶𑐂 𑐰𑐬𑑂𑐟𑐩𑐵𑐣 𑐃𑐮𑐫𑑂 𑐴𑐶𑐣𑑂𑐡𑐹 𑐰 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐫𑐎𑑂𑐰 𑐥𑑂𑐬𑐨𑐵𑐰 𑐏𑐣𑐾𑐡𑐸। 𑐋𑐟𑐶𑐴𑐵𑐳𑐶𑐎 𑐬𑐸𑐥𑐫𑑂 𑐠𑑂𑐰 𑐟𑐖𑐶𑐮𑐖𑐶𑐂 𑐏𑑂𑐬𑐶𑐳𑑂𑐟𑐶, 𑐩𑐸𑐳𑑂𑐩𑐵𑑄 𑐰 𑐎𑐶𑐬𑐵𑐟 𑐢𑐬𑑂𑐩𑐫𑐵 𑐣𑑄 𑐥𑑂𑐬𑐨𑐵𑐰 𑐡𑐫𑐵𑐔𑑂𑐰𑑄𑐐𑐸 𑐡𑐳𑐶𑑄𑐟 𑐡𑐸। 𑐢𑐵𑐬𑑂𑐩𑐶𑐎 𑐳𑐴𑐶𑐲𑑂𑐞𑐸𑐟𑐵 𑐰 𑐢𑐵𑐬𑑂𑐩𑐶𑐎 𑐩𑐾𑐮𑐩𑐶𑐮𑐵𑐥 𑐠𑑂𑐰 𑐟𑐖𑐶𑐮𑐖𑐶𑐫𑐵 𑐕𑐐𑐹 𑐩𑐹 𑐠𑐵𑑄 𑐏। 𑐴𑐶𑐣𑑂𑐡𑐹𑐟𑐾𑐐𑐸 𑐡𑐾𑐐𑐮𑐫𑑂 𑐧𑐸𑐡𑑂𑐢 𑐢𑐬𑑂𑐩 𑐰 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑑂 𑐴𑐶𑐣𑑂𑐡𑐹 𑐡𑑂𑐫𑑅𑐟 𑐠𑐵𑐫𑑂𑐠𑐵𑐳𑐫𑑂 𑐏𑐣𑐾𑐡𑐸।
- 𑐣𑐏𑑅 𑐰 𑐖𑐵𑐟𑑂𑐬𑐵: 𑐠𑑂𑐰 𑐟𑐖𑐶𑐮𑐖𑐶𑐂 𑐫𑐎𑑂𑐰 𑐣𑐏𑑅-𑐔𑐏𑑅 𑐡𑐸। 𑐁𑐥𑐵𑐮𑑄 𑐣𑐏𑑅𑐟 𑐔𑐣𑑂𑐡𑑂𑐬𑐩𑐵𑐳𑐫𑑂 𑐁𑐢𑐵𑐬𑐶𑐟 𑐣𑐾𑐥𑐵𑐮𑐳𑐩𑑂𑐧𑐟𑐫𑐵 𑐟𑐶𑐠𑐶 𑐎𑐠𑑄 𑐴𑐣𑐶𑐐𑐸 𑐫𑐵। 𑐠𑐣𑑂𑐫𑐵𑐐𑐸 𑐣𑐏𑑅 𑐢𑐵𑐬𑑂𑐩𑐶𑐎 (𑐩𑑀𑐴𑐣𑐶) , 𑐖𑑂𑐫𑐵 𑐰𑐶𑐱𑐾𑐲 (𑐫𑑅𑐩𑐬𑐷 𑐥𑐸𑐣𑑂𑐴𑐶), 𑐆𑐟𑐸 (𑐳𑑄𑐎𑑂𑐬𑐵𑐣𑑂𑐟𑐶), 𑐖𑐵𑐟𑐷𑐫 (𑐠𑐷-𑐠𑐷 𑐐𑐸𑐠𑐶𑐫𑐵 𑐥𑐸𑐖𑐵, 𑐥𑐵𑐫𑑅), 𑐠𑐵𑐫𑑂 𑐁𑐡𑐶𑐫𑐵 𑐁𑐢𑐵𑐬𑐫𑑂 𑐧𑐵𑐫𑐾𑐕𑐶𑑄। 𑐕𑐸𑑄 𑐣𑐵𑑄𑐖𑐵𑑅𑐐𑐸 𑐣𑐏𑑅 𑐰 𑐖𑐵𑐟𑑂𑐬𑐵𑐫𑑂 𑐥𑐵𑐴𑐵𑑄𑐔𑐴𑑂𑐬𑐾, 𑐳𑐶𑐠𑐶𑐣𑐏𑑅, 𑐫𑐾𑑄𑐫𑐵, 𑐖𑐣𑐩𑐵𑐡𑑂𑐫𑑅𑐫𑐵 𑐖𑐵𑐟𑑂𑐬𑐵, 𑐧𑐸𑑄𑐐𑐡𑑂𑐫𑑅𑐫𑐵 𑐖𑐵𑐟𑑂𑐬𑐵, 𑐧𑐶𑐳𑑂𑐎𑐵 𑐖𑐵𑐟𑑂𑐬𑐵, 𑐔𑐞𑑂𑐜𑐾𑐱𑑂𑐰𑐬𑐷 𑐖𑐵𑐟𑑂𑐬𑐵, 𑐐𑐸𑑄𑐮𑐵 𑐁𑐡𑐶 𑐮𑐵।
- 𑐟𑐖𑐶𑐮𑐖𑐶𑐫𑐵 𑐥𑐵𑐟𑑂𑐬: 𑐣𑐾𑐰𑐵𑑅 𑐟𑐖𑐶𑐮𑐖𑐶𑐂 𑐠𑐷-𑐠𑐷 𑐡𑐿𑐰𑐷, 𑐎𑐵𑐮𑑂𑐥𑐣𑐶𑐎, 𑐥𑑂𑐬𑐵𑐩𑐵𑐞𑐶𑐎 𑐀𑐟𑐶𑐬𑐘𑑂𑐖𑐶𑐟, 𑐥𑑂𑐬𑐩𑐵𑐞 𑐩𑐮𑐹𑐐𑐸 𑐁𑐡𑐶 𑐥𑐵𑐟𑑂𑐬𑐟 𑐡𑐸। 𑐠𑑂𑐰 𑐥𑐵𑐟𑑂𑐬𑐟𑐾𑐳𑑄 𑐣𑐾𑐰𑐵𑑅 𑐟𑐖𑐶𑐮𑐖𑐶 𑐰 𑐣𑐾𑐰𑐵𑑅 𑐩𑐣𑐳𑑂𑐠𑐶𑐟𑐶𑐂 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐫𑐾𑐎𑐵𑐟𑑅𑐐𑐸 𑐡𑐸। 𑐠𑐷-𑐠𑐷 𑐥𑑂𑐬𑐵𑐎𑐺𑐟𑐶𑐎, 𑐀𑐥𑑂𑐬𑐵𑐎𑐺𑐟𑐶𑐎, 𑐎𑐵𑐮𑑂𑐥𑐣𑐶𑐎 𑐰 𑐖𑐷𑐰𑐣𑑀𑐟𑑂𑐠𑐵𑐣𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐰 𑐥𑑂𑐬𑐎𑐺𑐟𑐶𑐣𑐵𑐥 𑐣𑐾𑐰𑐵𑑅𑐟𑐾𑐐𑐸 𑐀𑐣𑑂𑐟𑐬𑐎𑑂𑐬𑐶𑐫𑐵 𑐎𑑂𑐫𑐣𑐶𑐐𑐸 𑐠𑐣𑑂𑐫𑐵𑐐𑐸 𑐥𑐵𑐟𑑂𑐬 𑐣𑐾𑐰𑐵𑑅 𑐳𑑄𑐳𑑂𑐎𑐵𑐬, 𑐳𑑄𑐳𑑂𑐎𑐺𑐟𑐶 𑐰 𑐳𑐨𑑂𑐫𑐟𑐵𑐫𑐵 𑐕𑐐𑐹 𑐀𑐨𑐶𑐣𑑂𑐣 𑐀𑑄𑐐 𑐏।
- 𑐳𑑄𑐐𑐷𑐟 𑐰 𑐧𑐵𑐖𑑄: 𑐣𑐾𑐰𑐵𑑅 𑐳𑑄𑐐𑐷𑐟 𑐢𑐵𑑅𑐐𑐸 𑐣𑐾𑐰𑐵𑑅 𑐮𑐴𑐣𑐵𑐫𑑂 𑐰𑐶𑐎𑐱𑐶𑐟 𑐖𑐹𑐐𑐸, 𑐣𑐾𑐰𑐵𑑅 𑐮𑐴𑐣𑐵𑑄 𑐣𑐵𑐮𑐵𑑅 𑐎𑐵𑑅𑐐𑐸 𑐰 𑐣𑐾𑐰𑐵𑑅 𑐮𑐴𑐣𑐵𑑄 𑐥𑑂𑐬𑐨𑐵𑐰 𑐫𑐵𑑅𑐐𑐸 𑐳𑑄𑐐𑐷𑐟 𑐏। 𑐠𑑂𑐰 𑐳𑑄𑐐𑐷𑐟𑐫𑑂 𑐠𑐷-𑐠𑐷 𑐎𑐠𑑄𑐫𑐵 𑐰𑐶𑐢𑐵𑐟 𑐡𑐸। 𑐡𑐵𑐦𑐵 𑐳𑑄𑐐𑐷𑐟 𑐰 𑐔𑐬𑑂𑐫𑐵 𑐐𑐷𑐟𑐶 𑐣𑐾𑐰𑐵𑑅 𑐳𑑄𑐐𑐷𑐟𑐫𑐵 𑐱𑐵𑐳𑑂𑐟𑑂𑐬𑐷𑐫 𑐳𑑄𑐐𑐷𑐟 𑐏। 𑐣𑐵𑐥𑑄, 𑐩𑐾𑐩𑐾𑐐𑐸 𑐮𑑀𑐎 𑐳𑑄𑐐𑐷𑐟, 𑐁𑐢𑐸𑐣𑐶𑐎 𑐳𑑄𑐐𑐷𑐟, 𑐥𑐵𑐱𑑂𑐔𑐵𑐟𑑂𑐫 𑐳𑑄𑐐𑐷𑐟 𑐣𑑄 𑐣𑐾𑐰𑐵𑑅 𑐳𑑄𑐐𑐷𑐟𑐫𑑂 𑐏𑑄𑐐𑐸 𑐡𑐸।
- 𑐣𑐾𑐰𑐵𑑅 𑐰𑐳𑑅 𑐰 𑐟𑐶𑐳𑐵
- 𑐣𑐾𑐰𑐵𑑅 𑐣𑐳𑐵
- 𑐐𑐸𑐠𑐶 𑐥𑑂𑐬𑐠𑐵
- 𑐣𑐾𑐰𑐵𑑅 𑐂𑐎𑐵𑐂
- 𑐣𑐾𑐰𑐵𑑅 𑐎𑐵𑐳𑐵