छ्येलेमि:Eukesh/Auto/NepalScript/निष्ठानन्द बज्राचार्य

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Bust of Nisthananda Bajracharya at Om Bahal, Kathmandu.

thumb|𑐣𑐶𑐲𑑂𑐛𑐵𑐣𑐣𑑂𑐡 𑐧𑐖𑑂𑐬𑐵𑐔𑐵𑐬𑑂𑐫𑐫𑐵 𑐗𑑂𑐰𑐵𑐟𑐵 𑐣𑐶𑐲𑑂𑐛𑐵𑐣𑐣𑑂𑐡 𑐧𑐖𑑂𑐬𑐵𑐔𑐵𑐬𑑂𑐫 (𑐐𑐡𑑂𑐫𑐐𑐸𑐬𑐸 𑐥𑐞𑑂𑐜𑐶𑐟 𑐣𑐶𑐲𑑂𑐛𑐵𑐣𑐣𑑂𑐡 𑐧𑐖𑑂𑐬𑐵𑐔𑐵𑐬𑑂𑐫) 𑐣𑐾𑐥𑐵𑐮𑐨𑐵𑐲𑐵 𑐥𑐸𑐣𑐬𑑂𑐖𑐵𑐐𑐬𑐞 𑐎𑐵𑐮𑐫𑐵 𑐕𑐩𑑂𑐴 𑐩𑐴𑐵𑐬𑐠𑐷 𑐏𑑅 । 𑐣𑐾𑐥𑐵𑐮𑐨𑐵𑐲𑐵𑑄 𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄 𑐠𑐵𑐳𑐵 𑐁𑐏𑐮𑑄 𑐳𑐦𑐹 𑐥𑐶𑐎𑐵𑐫𑐾𑐐𑐸 𑐱𑑂𑐬𑐫 𑐣𑐶𑐲𑑂𑐛𑐵𑐣𑐣𑑂𑐡𑐫𑐵𑐟 𑐰𑐣𑐷 । 𑐰𑐫𑑂‌𑐎𑐮𑑄 𑐣𑐾.𑐳𑑄. 𑑑𑑐𑑒𑑙 𑐳 𑐥𑐶𑐠𑐣𑐵𑐡𑐷𑐐𑐸 𑐥𑑂𑐬𑐖𑑂𑐘𑐵𑐥𑐵𑐬𑐩𑐶𑐟𑐵 𑐳𑐦𑐹 𑐴𑐾 𑐣𑐾𑐥𑐵𑐮𑐨𑐵𑐲𑐵𑐫𑐵 𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄𑐐𑐸 𑐕𑐵𑐥𑐵 𑐳𑐦𑐹 𑐏𑑅।

𑐔𑑂𑐰𑐫𑐾𑐐𑐸 𑐧𑑂𑐰𑐣𑐾𑐐𑐸 𑐰 𑐣𑑂𑐰𑐰𑐵𑐫𑐾𑐐𑐸 𑐨𑐵𑐲𑐵 𑐀𑐮𑐐𑑂𑐐𑐀𑐮𑐐𑑂𑐐 𑐠𑐾𑑄 𑐖𑐸𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐣𑐶𑐲𑑂𑐛𑐵𑐣𑐣𑑂𑐡𑑄 𑐖𑐣𑐨𑐵𑐲𑐵𑑄 𑐴𑐾 𑐡𑐎𑑂𑐎𑐮𑐾 𑐣𑑂𑐴𑐵𑐥𑐵 𑐳𑐦𑐹 𑐥𑐶𑐎𑐫𑐵𑑅 𑐣𑐾𑐥𑐵𑐮𑐨𑐵𑐲𑐵𑐫𑑂 𑐖𑐣𑐀𑐨𑐶𑐬𑐸𑐔𑐷 𑐀𑐥𑑂𑐰𑐫𑐾𑐎𑐾𑐐𑐸 𑐖𑑂𑐫𑐵 𑐫𑐵𑐣𑐵𑐡𑐶𑐮 । 𑐠𑐠𑐾 𑐖𑐹𑐧𑐮𑐫𑑂 𑐔𑑂𑐰𑐫𑐾𑐐𑐸 𑐧𑑂𑐰𑐣𑐾𑐐𑐸 𑐕𑐠𑐷 𑐨𑐵𑐲𑐵 𑐰 𑐣𑑂𑐰𑐰𑐵𑐫𑐾𑐐𑐸 𑐕𑐠𑐷 𑐨𑐵𑐲𑐵 𑐩𑐖𑐸𑐮 । 𑐠𑑅 𑐣𑑂𑐰𑐰𑐵𑐫𑐾𑐐𑐸 𑐨𑐵𑐲𑐵𑑄 𑐴𑐾 𑐔𑑂𑐰𑐫𑐾 𑐧𑑂𑐰𑐣𑐾 𑐫𑐵𑐫𑐾 𑐖𑑂𑐫𑐹 𑐢𑐫𑐵𑐐𑐸 𑐨𑐵𑐰𑐣𑐵 𑐖𑐣𑐳𑐵𑐢𑐵𑐬𑐞𑐫𑐵𑐎𑐾 𑐧𑑂𑐰𑐮𑐣, 𑐣𑐾𑐥𑐵𑐮𑐨𑐵𑐲𑐵 𑐔𑑂𑐰𑐖𑑂𑐫𑐵 𑐰 𑐧𑑂𑐰𑐣𑐾𑐖𑑂𑐫𑐵𑐫𑑂 𑐟𑐶𑐰𑑂𑐬𑐟𑐵 𑐰𑐮 ।

𑐰𑑂𑐫𑐎𑑂𑐟𑐶𑐐𑐟 𑐖𑐷𑐰𑐣𑐷

𑐰𑐫𑑂‌𑐎𑑅𑐫𑐵 𑐖𑐣𑑂𑐩 𑐣𑐾𑐥𑐵𑐮 𑐳𑐩𑑂𑐧𑐟 𑑙𑑗𑑘 𑐠𑐶𑑄𑐮𑐵𑐠𑑂𑐰 𑐔𑑁𑐠𑐷 𑐏𑐸𑐣𑐸 𑐖𑐸𑐐𑐸 𑐏 । 𑐰𑐫𑑂‌𑐎𑑅𑐫𑐵 𑐀𑐧𑐸𑐫𑐵 𑐣𑐵𑑄 𑐩𑐸𑐎𑑂𑐟𑐵𑐣𑐣𑑂𑐡 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐩𑐵𑑄𑐫𑐵 𑐣𑐵𑑄 𑐠𑐎𑐸𑐩𑐟𑐶 𑐧𑐖𑑂𑐬𑐵𑐔𑐵𑐬𑑂𑐫 𑐏। 𑐰𑐫𑑂‌𑐎𑑅𑐫𑐵 𑐠𑐵𑐫𑑂‌𑐧𑐵𑐫𑑂‌ 𑐫𑐾𑑃𑐫𑐵 𑑉 𑐧𑐴𑐵𑑅𑐫𑐵 𑐣𑑅𑐧𑐴𑐶𑐂 𑐡𑐸𑐐𑐸 𑐏। 𑐰𑐫𑑂‌𑐎𑑅𑐫𑐵 𑐂𑐴𑐶𑐥𑐵 𑑑𑑕𑐡𑑃𑐫𑑂 𑐬𑐟𑑂𑐣𑐥𑑂𑐬𑐨𑐵 𑐧𑐖𑑂𑐬𑐵𑐔𑐵𑐬𑑂𑐫 𑐣𑐵𑐥 𑐖𑐸𑐐𑐸 𑐏 ।

𑐣𑐷𑐡𑑃 𑐡𑐸𑐧𑐮𑐫𑑂 𑐮𑐵 𑐰𑐫𑑂‌𑐎𑑅 𑐣𑐶𑐩𑑂𑐴 𑐩𑐔𑐵𑐫𑐵 𑐀𑐧𑐸 𑐖𑐸𑐂𑐢𑐸𑑄𑐎𑐮 । 𑐄𑐠𑐵𑐫𑑂 𑐰𑐫𑑂‌𑐎𑑅𑐫𑐵 𑐩𑐵𑑄𑐀𑐧𑐸 𑐣𑐶𑐩𑑂𑐴𑑄 𑐩𑐣𑑂𑐟 । 𑐀𑐮𑐾 𑐕𑐾𑑃𑐫𑐵 𑐡𑐎𑑂𑐰𑑄 𑐨𑐵𑐮𑐵 𑐠𑐩𑑂𑐴𑑄 𑐎𑐸𑐧𑑂𑐰𑐷 𑐩𑐵𑑅𑐧𑐮𑐫𑑂 𑐰𑐫𑑂‌𑐎𑐮𑑄 𑐧𑑂𑐫𑐵𑐥𑐵𑐬 𑐫𑐵𑐣𑐵𑑅 𑐠𑑅 𑐰 𑐠𑑅𑐐𑐸 𑐥𑐬𑐷𑐰𑐵𑐬𑐫𑐵 𑐖𑐷𑐰𑐣 𑐴𑐣𑐵𑐡𑐶𑐮 । 𑐰𑐫𑑂‌𑐎𑑅𑐫𑐵 𑐮𑐖𑐐𑐵𑑅 𑐰𑑂𑐫𑐵𑐥𑐵𑐬 𑐰 𑐳𑐬𑐎𑐵𑐬𑐷 𑐖𑑂𑐫𑐵 𑐏। 𑐮𑐖𑐐𑐵𑑅𑐫𑐵 𑐴𑐾 𑐗𑑂𑐰𑐮𑐫𑑂 𑐰𑐫𑑂‌𑐎𑑅 𑐬𑐵𑐂𑐚𑐬𑐫𑐵 𑐖𑐵𑐐𑐷𑐬 𑐣𑐫𑐵𑑅 𑐧𑐵𑐖𑐸𑐬𑐵𑐫𑑂 𑐣𑑄 𑐗𑐵𑑅𑐐𑐸 𑐏𑐣𑐾𑐡𑐸 । 𑐀𑐮𑐾 𑐕𑐩𑑂𑐴 𑐳𑐵𑐴𑐸𑐫𑐵 𑐎𑐵𑐫𑑂‌𑐫𑐵𑐟 𑐳𑑄𑐳𑑂𑐎𑐺𑐟 𑐳𑑂𑐫𑐣𑐾𑐟 𑐎𑐮𑐎𑐟𑑂𑐟𑐵𑐫𑑂 𑐟𑐎𑑄 𑐗𑐵𑑅𑐐𑐸 𑐖𑐸𑐫𑐵𑐔𑑂𑐰𑐣 । 𑐰𑐫𑑂‌𑐎𑑅𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐖𑐴𑐵𑐣 𑐩𑐡𑐫𑐾𑐢𑐸𑑄𑐎𑐵𑑅 𑐎𑑂𑐰𑐵𑑅𑐧𑐴𑐵𑑅𑐫𑐵 𑐥𑑄.𑐖𑑀𑐐𑐥𑐵𑐮𑐫𑐵 𑐩𑑂𑐴𑑂𑐫𑐵𑐫𑑂 𑐡𑑂𑐫𑑅𑐩𑐫𑑂‌𑐖𑐸𑐮𑐶𑐳𑐾 𑐂𑐴𑐶𑐥𑐵 𑐫𑐵𑐣𑐵𑐡𑐶𑐮 ।

𑐰𑐫𑑂‌𑐎𑑅𑐫𑐵𑐟 𑐣𑑂𑐴𑐵𑐥𑐵 𑐀𑐢𑑂𑐫𑐫𑐣 𑐰𑐵 𑐳𑐫𑐾𑐎𑐾𑐳𑐷𑐎𑐾𑐐𑐸 𑐰𑐵𑐳𑑂𑐟𑐵 𑐩𑐡𑐸 । 𑐕𑐣𑑂𑐴𑐸 𑐦𑐸𑐎𑐷 𑐡𑐵𑐖𑐸 𑐁𑐱𑐵𑐩𑐡𑐸𑑄 𑐩𑐵𑐣𑐴𑐬𑑂𑐲𑑄 ‘𑐖𑐶𑐩𑐶𑐳𑑄 𑐧𑐵𑐏𑑄 𑐎𑐣𑐾𑐐𑐸 𑐣𑐶𑐲𑑂𑐛𑐵𑐣𑐣𑑂𑐡𑑄 𑐳𑐶𑐣𑑂𑐴𑑅 𑐟𑐶𑐎𑐾𑐐𑐸 𑐀𑐮𑐾 𑐗𑐷 𑐡𑐵𑐖𑐸𑐎𑐶𑐖𑐵𑐥𑐶𑐣𑐶 𑐣𑐵𑑄 𑐔𑑂𑐰𑐣𑐷𑐐𑐸’ 𑐢𑐫𑐵𑐧𑑂𑐫𑐹𑐧𑐮𑐫𑑂 𑐣𑐶𑐲𑑂𑐛𑐵𑐣𑐣𑑂𑐡𑐫𑐵𑐟 𑐣𑐸𑐐𑐮𑐫𑑂 𑐠𑐶𑐮 𑐰 𑐀𑐢𑑂𑐫𑐫𑐣 𑐣𑑂𑐴𑑂𑐫𑐵𑐎𑐵𑐡𑐶𑐮 । 𑐠𑑅𑐐𑐸 𑐕𑐾𑑃𑐫𑑂 𑐧𑐵𑐮𑑄 𑐔𑑂𑐰𑑄𑐰𑑅𑐩𑑂𑐴 𑐫𑐮𑐫𑐵𑐩𑑂𑐴 𑐥𑐞𑑂𑐜𑐶𑐟𑐫𑐵𑐎𑐾 𑐎𑐵𑐧𑑂𑐫 𑐳𑐩𑑂𑐧𑐣𑑂𑐢𑐶 𑐠𑐷 𑐠𑐷 𑐏𑑃𑐟 𑐳𑐫𑐾𑐎𑐵𑐡𑐶𑐮 ।𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄 𑐰𑐫𑑂‌𑐎𑐮𑑄 𑐑𑐞𑑂𑐚𑐵𑐑𑐬 𑐥𑐸𑐳𑑂𑐟𑐎𑐵𑐮𑐫𑐫𑐵 𑐥𑐸𑐳𑑂𑐟𑐎𑐵𑐮𑐫𑐵𑐢𑑂𑐫𑐎𑑂𑐲 𑐫𑐮𑐫𑐵 𑐎𑐸𑐮𑐩𑐵𑑄 𑐥𑐞𑑂𑐜𑐶𑐟𑐫𑐵𑐠𑐵𑐫𑑂 𑐳𑐵𑐬𑐳𑑂𑐰𑐟 𑐧𑑂𑐫𑐵𑐎𑐬𑐞 𑐀𑐢𑑂𑐫𑐫𑐣 𑐫𑐵𑐣𑐵𑐡𑐶𑐮 । 𑐩𑐾𑐩𑐾𑐥𑐶𑑄 𑐥𑐞𑑂𑐜𑐶𑐟𑐟𑐫𑑂 𑐠𑐵𑐫𑑂 𑐩𑐾𑐩𑐾𑐐𑐸 𑐎𑐵𑐧𑑂𑐫 𑐐𑑂𑐬𑐣𑑂𑐠 𑐣𑑄 𑐧𑑂𑐰𑑄 𑐗𑐵𑐮 । 𑐠𑐩𑑂𑐴𑑄 𑐧𑑂𑐰𑐣𑐵𑐐𑐸 𑐠𑑅 𑐎𑐵𑐫𑑂 𑐩𑑀𑐴𑐣𑐩𑐵𑐣𑐣𑑂𑐡𑐫𑐵𑐟 𑐧𑑂𑐰𑑄𑐎𑐵𑑅 𑐎𑐵𑐫𑑂 𑐥𑐵𑐳𑐵 𑐎𑐫𑐵𑑅 𑐧𑐶𑐡𑑂𑐫𑐵𑐢𑑂𑐫𑐫𑐣 𑐫𑐵𑐣𑐵𑐡𑐶𑐮 । 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐫𑑄𑐐𑑅 𑐠𑐵𑑄 𑐩𑐢𑑂𑐫𑐾 𑐕𑐐𑑅 𑐠𑐵𑑄 𑐏𑑅, 𑐣𑐶𑐲𑑂𑐛𑐵𑐣𑐣𑑂𑐡 𑐧𑐖𑑂𑐬𑐵𑐔𑐵𑐬𑑂𑐫 । 𑐰𑐫𑑂‌𑐎𑑅 𑐀𑐣𑐸𑐰𑐵𑐡𑐎, 𑐕𑐩𑑂𑐴 𑐳𑐩𑑂𑐥𑐵𑐡𑐎, 𑐀𑐮𑐾 𑐢𑐶𑐳𑐶𑐮𑐵𑐩𑑂𑐴 𑐰𑐎𑑂𑐟𑐵 𑐣𑑄 𑐏𑑅 ।

𑐰𑐫𑑂‌𑐎𑑅𑐳𑐶𑐧𑐾𑑄 𑐣𑑂𑐴𑐵𑐥𑐵 𑐳𑐵𑐴𑐶𑐟𑑂𑐫 𑐢𑐂𑐐𑐸 𑐥𑐡𑑂𑐫 𑐱𑐿𑐮𑐷𑑄 𑐖𑐎 𑐔𑑂𑐰𑐂𑐐𑐸 𑐏𑑅 । 𑐟𑐬 𑐰𑐫𑑂‌𑐎𑐮𑑄 𑐐𑐡𑑂𑐫 𑐱𑐿𑐮𑐷 𑐀𑐬𑑂𑐠𑐵𑐟 𑐗𑐷𑐳𑑄 𑐏𑑃𑐮𑑂𑐴𑐵𑐧𑐮𑑂𑐴𑐵 𑐫𑐵𑐫𑐾𑐐𑐸 𑐨𑐵𑐲𑑄 𑐴𑐾 𑐳𑐵𑐴𑐶𑐟𑑂𑐫 𑐱𑑂𑐬𑐺𑐖𑐣𑐵 𑐫𑐵𑐫𑐾𑐐𑐸 𑐫𑐵𑐣𑐵𑐡𑐶𑐮 । 𑐰𑐫𑑂‌𑐎𑑅𑐥𑐵𑐏𑐾𑑄 𑐐𑐡𑑂𑐫 𑐱𑐿𑐮𑐷 𑐧𑐶𑐎𑐵𑐳 𑐖𑐸𑐂𑐢𑐸𑑄𑐎𑐵𑑅 𑐔𑑂𑐰𑐂𑐥𑐶𑐣𑑂𑐟 𑐣𑑄 𑐀𑑅𑐥𑐸𑐫𑐵𑐰𑐣 𑐣𑐵𑐥𑑄 𑐳𑐵𑐴𑐶𑐟𑑂𑐫 𑐧𑑂𑐰𑐣𑐷𑐥𑐶𑑄 𑐰𑐵 𑐣𑑂𑐫𑐣𑐷𑐥𑐶𑐣𑑂𑐟 𑐣𑑄 𑐠𑐩𑑂𑐴𑑄 𑐏𑑃𑐮𑑂𑐴𑐵𑐧𑐮𑑂𑐴𑐵 𑐫𑐵𑐫𑐾𑐐𑐸 𑐨𑐵𑐲𑑄 𑐴𑐾 𑐖𑐸𑐂𑐧𑐮𑐫𑑂 𑐠𑐸𑐂𑐎𑐾𑐟 𑐣𑑄 𑐀𑑅𑐥𑐸𑐮 । 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐵𑐴𑐶𑐟𑑂𑐫 𑐏𑑂𑐫𑐮𑐫𑑂 𑐐𑐡𑑂𑐫 𑐳𑐵𑐴𑐶𑐟𑑂𑐫𑐫𑐵 𑐰𑐶𑐎𑐵𑐳 𑐫𑐵𑑅𑐩𑑂𑐴 𑐖𑐸𑐫𑐵𑑅 𑐴𑐾 𑐰𑐫𑑂𑐎𑑅𑐫𑐵𑐟 𑐐𑐡𑑂𑐫𑐐𑐸𑐬𑐸 𑐢𑐵𑑅𑐐𑐸 𑐏𑑅 । 𑐟𑐬 𑐰𑐫𑑂‌𑐎𑑅 𑐢𑐾𑐧𑐵𑐫𑐵 𑐮𑑂𑐫𑐹 𑐮𑑂𑐫𑐹 𑐧𑑂𑐰𑐵𑑃𑐫𑑂 𑐖𑐹𑐐𑐸 𑐐𑐧𑐮𑐾𑑄 𑐏𑐣𑐾𑐩𑐡𑐸 । 𑐖𑐶𑐰𑑄𑐎𑐵𑐕𑐶 𑐰𑐫𑑂‌𑐎𑐮𑑄 𑐠𑑅𑐐𑐸 𑐢𑐬𑑂𑐩, 𑐨𑐵𑐲𑐵𑐫𑐵 𑐳𑐾𑐰𑐵 𑐫𑐵𑐣𑐵 𑐟𑐸𑑄 𑐔𑑂𑐰𑐣𑐵𑐡𑐶𑐮 । 𑐩𑐾𑐥𑐶𑐣𑑂𑐟 𑐨𑐶𑑄 𑐖𑐸𑐂𑐐𑐸 𑐖𑑂𑐫𑐵 𑐫𑐵𑐣𑐵 𑐟𑐸𑑄 𑐔𑑂𑐰𑐣𑐵𑐡𑐶𑐮 ।

𑐠𑐸𑐎𑐠𑑄 𑐴𑐾 𑐀𑐢𑑂𑐫𑐫𑐣 𑐫𑐵𑐣𑐵𑐰𑑃𑐰𑑄 𑐣𑐾𑐥𑐵𑐮 𑐳𑐩𑑂𑐧𑐟 𑑑𑑐𑑒𑑑 𑐔𑐟𑐸𑐬𑑂𑐩𑐵𑐳𑐫𑑂 𑐫𑐾𑑃𑐫𑐵 𑐖𑐣𑐧𑐴𑐵𑐮𑐫𑑂 𑐮𑐮𑐶𑐟 𑐧𑐶𑐳𑑂𑐟𑐬, 𑐨𑐡𑑂𑐬𑐎𑐮𑑂𑐥𑐵𑐰𑐡𑐵𑐣𑐫𑐵 𑐧𑐵𑐏𑑃 𑐎𑐣𑐵𑐡𑐶𑐮 । 𑐣𑐾𑐥𑐵𑐮 𑐳𑐩𑑂𑐧𑐟 𑑑𑑐𑑒𑑖𑐳 𑐰𑐫𑑂𑐎𑐮𑑄 𑐴𑐵𑐣𑑄 𑐣𑑅𑐧𑐴𑐶𑐮𑐷 𑐮𑐮𑐶𑐟 𑐧𑐶𑐳𑑂𑐟𑐬 𑐧𑐵𑐏𑑄 𑐎𑐣𑐵𑐡𑐶𑐮 । 𑐠𑐷 𑐠𑐷 𑐠𑐵𑐳𑐫𑑂 𑐧𑐵𑐏𑑄 𑐎𑐣𑐵𑐰𑑃𑐰𑑄 𑐰𑐫𑑂‌𑐎𑑅𑐫𑐵 𑐩𑐣𑐫𑑂 𑐩𑐣𑐹𑐟𑐫𑑂𑐳𑑄 𑐏𑑃 𑐮𑑂𑐴𑐵𑐂𑐐𑐸 𑐨𑐵𑐳𑑄 𑐴𑐾 𑐠𑐸𑐎𑐶𑐫𑐵𑐟 𑐴𑐶𑐮𑐾 𑐡𑑅𑐳𑐵 𑐩𑐣𑐹𑐟𑐫𑑂𑐳𑑄 𑐧𑐵𑑄𑐮𑐵𑐎 𑐠𑐸𑐂 𑐰 𑐠𑐸𑐎𑐷𑐫𑐵 𑐀𑐗 𑐥𑑂𑐬𑐔𑐵𑐬 𑐖𑐸𑐂 𑐢𑐎𑐵𑑅 𑐩𑐟𑐷 𑐟𑐫𑐵𑑅 𑐮𑐮𑐶𑐟 𑐧𑐶𑐳𑑂𑐟𑐬, 𑐨𑐡𑑂𑐬𑐎𑐮𑑂𑐥𑐵𑐰𑐡𑐵𑐣, 𑐳𑑂𑐰𑐫𑐩𑑂𑐨𑐸 𑐥𑐸𑐬𑐵𑐞, 𑐐𑐸𑐞𑐎𑐵𑐬𑐞𑑂𑐜𑐧𑑂𑐫𑐹𑐴, 𑐁𑐬𑑂𑐫 𑐀𑐲𑑂𑐚𑐳𑐴𑐳𑑂𑐬𑐶𑐎𑐵, 𑐳𑐸𑐔𑐣𑑂𑐡𑑂𑐬 𑐐𑐺𑐴𑐳𑑂𑐥𑐟𑐶, 𑐟𑐵𑐬𑐵𑐱𑐟𑐣𑐵𑐩 𑐁𑐡𑐶𑐫𑐵𑐟 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑐵 𑐨𑐵𑐲𑑄 𑐴𑐶𑐮𑐵𑑅 𑐐𑐡𑑂𑐫 𑐱𑐿𑐮𑐷𑐂 𑐀𑐣𑐸𑐧𑐵𑐡 𑐫𑐵𑐣𑐵𑐡𑐶𑐮 ।

𑐰𑐫𑑂‌𑐎𑐮𑑄 𑐧𑐵𑐏𑑄𑐟 𑐮𑐵 𑐀𑐣𑐸𑐧𑐵𑐡 𑐫𑐵𑐣𑐵𑐡𑐶𑐮 । 𑐟𑐬 𑐄𑐐𑐸 𑐂𑐮𑐫𑑂 𑐣𑐾𑐥𑐵𑐮𑐫𑑂 𑐳𑐦𑐹 𑐕𑐵𑐥𑐾 𑐫𑐵𑐫𑐾𑐟 𑐥𑑂𑐬𑐾𑐳 𑐩𑐡𑐸𑐣𑐶𑐐𑐸 𑐃 । 𑐀𑐫𑑂𑐖𑐹𑐐𑐸𑐮𑐶𑑄 𑐠𑑅𑐴𑐾 𑐎𑐮𑐎𑐟𑑂𑐟𑐵𑐫𑑂 𑐗𑐵𑐫𑐵𑑅 𑐳𑐦𑐹 𑐠𑐵𑐫𑐾𑐐𑐸 𑐳𑐫𑐾𑐎𑐵𑑅, 𑐠𑐵𑐳𑐵 𑐁𑐏𑑅 𑐖𑑂𑐰𑐣𑐵 𑐰𑐫𑐵𑑅 𑐠𑐩𑑂𑐴𑑄 𑐴𑐾 𑐎𑐩𑑂𑐥𑑀𑐖 𑐫𑐵𑐣𑐵𑑅, 𑐎𑐬𑐾𑐎𑑂𑐳𑐣 𑐫𑐵𑐣𑐵𑑅 𑐳𑐦𑐹 𑐕𑐵𑐥𑐾 𑐫𑐵𑐣𑐵𑑅 𑐣𑑄 𑐥𑐶𑐎𑐫𑐵𑐡𑐶𑐮 । 𑐧𑑁𑐡𑑂𑐢 𑐐𑑂𑐬𑐣𑑂𑐠 𑐮𑐮𑐶𑐟𑐰𑐶𑐳𑑂𑐟𑐬 𑐰𑐫𑑂‌𑐎𑑅𑐫𑐵𑐐𑐸 𑐔𑑂𑐰𑐳𑐵𑑄 𑐣𑐾.𑐳𑑄. 𑑑𑑐𑑒𑑙𑐳 𑐥𑐶𑐡𑑄𑐐𑐸 𑐏𑑅 । 𑐰𑐫𑐵𑑄 𑐮𑐶𑐥𑐵 𑐧𑑀𑐢𑐶𑐔𑐬𑑂𑐫𑐵𑐰𑐟𑐵𑐬 𑐰 𑐁𑐬𑑂𑐫𑐨𑐡𑑂𑐬𑐔𑐬𑐷 𑐀𑐣𑐸𑐧𑐵𑐡 𑐥𑑂𑐬𑐎𑐵𑐱𑐶𑐟 𑐫𑐵𑐣𑐵𑐡𑐷𑐐𑐸 𑐏𑑅 ।

𑐖𑐷𑐰𑐣𑐫𑐵 𑐀𑐣𑑂𑐟𑐶𑐩 𑐂𑐮𑐫𑑂 𑐟𑐎𑑄 𑐰𑐫𑑂‌𑐎𑐮𑑄 𑐳𑑂𑐰𑐫𑐩𑑂𑐨𑐸𑐫𑐵 𑐳𑐦𑐹𑐎𑐸𑐠𑐶 𑐳𑑂𑐰𑐣𑐵𑐡𑑂𑐫𑐹𑐐𑐸𑑂 𑐡𑐸 । 𑐰𑐫𑑂‌𑐎𑑅 𑐣𑐾𑐥𑐵𑐮 𑐳𑐩𑑂𑐧𑐟 𑑑𑑐𑑕𑑕 𑐠𑐶𑑄𑐮𑐵𑐠𑑂𑐰 𑐔𑑁𑐠𑐷 𑐏𑐸𑐣𑐸 𑐩𑐡𑐶𑐫𑐵 𑐡𑐶𑐮।

𑐳𑐦𑐹𑐟

𑐣𑐶𑐲𑑂𑐛𑐵𑐣𑐣𑑂𑐡𑐫𑐵𑐟 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐏𑑂𑐫𑐮𑐫𑑂 𑐐𑐡𑑂𑐫𑐐𑐸𑐬𑐸 𑐎𑐠𑑄 𑐣𑐵𑐮𑐾𑐐𑐸 𑐫𑐵𑑅 । 𑐰𑐫𑑂‌𑐎𑐮𑑄 𑐥𑐶𑐠𑐣𑐵𑐡𑐷𑐐𑐸 𑐳𑐦𑐹𑐟 𑐠𑑂𑐰 𑐎𑐠𑑄 𑐡𑐸-

𑐥𑑂𑐬𑐖𑑂𑐘𑐵𑐥𑐵𑐬𑐩𑐶𑐟𑐵

𑐀𑐲𑑂𑐚 𑐳𑐴𑐳𑑂𑐬𑐶𑐎𑐵 𑐥𑑂𑐬𑐖𑑂𑐘𑐵𑐥𑐵𑐬𑐩𑐶𑐟𑐵𑐫𑐵 𑐣𑐵𑐩𑑄 𑐢𑑂𑐰𑐵𑐫𑐵𑐟𑐐𑐸 𑐠𑑂𑐰 𑐳𑐦𑐹 𑐫𑐵 𑐣𑑂𑐴𑐵𑐥𑐵𑑄𑐐𑐸 𑑒𑑑𑐥𑐸 𑐳𑑄𑐳𑑂𑐎𑐺𑐟 𑐳𑑂𑐮𑑀𑐎𑐫𑐵𑐟 𑐣𑐾𑐥𑐵𑐮𑐨𑐵𑐲𑐵𑐫𑑂 𑐀𑐣𑐸𑐰𑐵𑐡 𑐫𑐵𑐣𑐵𑐟𑐐𑐸 𑐏। 𑐠𑑂𑐰 𑐳𑐦𑐹 𑐡𑐾𑐰𑐣𑐵𑐐𑐬𑐷𑑄 𑐣𑐾॰𑐳𑑄॰ 𑑑𑑐𑑒𑑙𑐫𑑂 𑐥𑑂𑐬𑐎𑐵𑐱𑐶𑐟 𑐖𑐸𑐐𑐸 𑐏।

𑐮𑐮𑐶𑐟𑐰𑐶𑐳𑑂𑐟𑐬

𑐣𑐾॰𑐳𑑄॰ 𑑑𑑐𑑓𑑔𑐫𑑂 𑐰𑐫𑑂‌𑐎𑑅𑐮𑑄 𑐠𑐐𑐸 𑐴𑐾 𑐕𑐾𑐫𑑂 𑐥𑑂𑐬𑐎𑐵𑐱𑐶𑐟 𑐫𑐵𑐣𑐵𑐡𑐶𑐐𑐸 𑐳𑐦𑐹। 𑐠𑑂𑐰 𑐐𑑂𑐬𑐣𑑂𑐠𑐫𑑂 𑐰𑐫𑑂‌𑐎𑐮𑑄 𑐐𑑁𑐟𑐩 𑐧𑐸𑐡𑑂𑐢𑑄 𑐣𑑂𑐴𑑂𑐫𑐠𑐣𑐵𑐡𑐷𑐐𑐸 𑐥𑑂𑐬𑐟𑐷𑐟𑑂𑐫 𑐳𑐩𑐸𑐟𑑂𑐥𑐵𑐡, 𑐔𑐟𑐸𑑅 𑐁𑐡𑐶 𑐳𑐟𑑂𑐫, 𑐁𑐬𑑂𑐫 𑐀𑐲𑑂𑐚𑐵𑑄𑐐𑐶𑐎 𑐩𑐵𑐐𑑂𑐐 𑐁𑐡𑐶 𑐰𑐶𑐔𑐵𑑅𑐫𑐵𑐟 𑐳𑐬𑑂𑐰𑐳𑐵𑐢𑐵𑐬𑐞𑐟𑐾𑐳𑑄 𑐠𑐸𑐂𑐐𑐸 𑐨𑐵𑐲𑐫𑑂 𑐀𑐣𑐸𑐰𑐵𑐡 𑐫𑐵𑐣𑐵𑐡𑐶𑐮।

𑐰𑑀𑐢𑐶𑐖𑑂𑐘𑐵𑐣

𑐠𑑂𑐰 𑐳𑐦𑐹 𑐣𑐾॰𑐳𑑄॰ 𑑑𑑐𑑔𑑓𑐫𑑂 𑐥𑑂𑐬𑐎𑐵𑐱𑐶𑐟 𑐖𑐸𑐐𑐸 𑐏। 𑐰𑐫𑑂‌𑐎𑐮𑑄 𑐠𑑂𑐰 𑐳𑐦𑐸𑐮𑐶𑐂 𑐀𑐟𑐶𑐎𑑄 𑐥𑐬𑐶𑐩𑐵𑐬𑑂𑐖𑐶𑐟 𑐐𑐡𑑂𑐫 𑐕𑑂𑐫𑐮𑐵𑐟𑑅𑐐𑐸 𑐡𑐸 ।