छ्येलेमि:Eukesh/Auto/NepalScript/निकोलो म्याकियाभेली

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐣𑐶𑐎𑑀𑐮𑑀 𑐩𑑂𑐫𑐵𑐎𑐶𑐫𑐵𑐨𑐾𑐮𑐷

𑐳𑐵𑐣𑑂𑐟𑐶 𑐡𑐶 𑐟𑐶𑐟𑑀(Santi di Tito)𑐖𑐸𑑄 𑐎𑐶𑐫𑐵𑐡𑐶𑐐𑐸 𑐣𑐶𑐎𑑀𑐮𑑀 𑐩𑑂𑐫𑐎𑐶𑐫𑐵𑐨𑐾𑐮𑐷𑐫𑐵 𑐎𑐶𑐥𑐵
बूगु	(1469-05-03)3 मे सन् 1469 𑐦𑑂𑐮𑑀𑐬𑐾𑐣𑑂𑐳, 𑐦𑑂𑐮𑑀𑐬𑐾𑐣𑑂𑐳 𑐐𑐞𑐟𑐣𑑂𑐟𑑂𑐬
मदूगु	21 जुन 1527(1527-06-21) (आयु 58) Florence, Republic of Florence
कालखण्ड	𑐥𑐹𑐣𑐬𑑂𑐖𑐵𑐐𑐬𑐞 𑐡𑐬𑑂𑐱𑐣
क्षेत्र	𑐥𑐵𑐱𑑂𑐔𑐵𑐟𑑂𑐫 𑐡𑐬𑑂𑐱𑐣
विचारधारा	𑐥𑐹𑐣𑐬𑑂𑐖𑐵𑐐𑐬𑐞 𑐩𑐵𑐣𑐰𑐰𑐵𑐡, 𑐬𑐵𑐖𑐣𑐿𑐟𑐶𑐎 𑐫𑐠𑐵𑐬𑑂𑐠𑐟𑐵𑐰𑐵𑐡, 𑐥𑑂𑐬𑐵𑐔𑐷𑐣 𑐐𑐞𑐟𑐣𑑂𑐟𑑂𑐬𑐰𑐵𑐡
अभिरुचि	𑐬𑐵𑐖𑐣𑐷𑐟𑐶 𑐰 𑐬𑐵𑐖𑐣𑐿𑐟𑐶𑐎 𑐡𑐬𑑂𑐱𑐣, 𑐳𑐿𑐣𑑂𑐫 𑐳𑐶𑐡𑑂𑐢𑐵𑐣𑑂𑐟, 𑐂𑐟𑐶𑐴𑐵𑐳
Influenced by Xenophon, Plutarch, Tacitus, Polybius, Cicero, Sallust, Livy, Thucydides
Influenced Political Realism, Bacon, Hobbes, Harrington, Rousseau, Vico, Edward Gibbon, David Hume, John Adams, Vincenzo Cuoco, Nietzsche, Pareto, Gramsci, Althusser, T. Schelling, Negri, Waltz, Baruch de Spinoza, Denis Diderot, Carl Schmitt, Giulio Andreotti
ल्हाचिं

𑐣𑐶𑐎𑑀𑐮𑑀 𑐡𑐷 𑐧𑐬𑑂𑐣𑐵𑐬𑑂𑐜𑑀 𑐡𑐾𑐂 𑐩𑑂𑐫𑐵𑐎𑐶𑐫𑐵𑐨𑐾𑐮𑐷 (𑑓 𑐩𑐾 𑑑𑑔𑑖𑑙 - 𑑒𑑑 𑐖𑐸𑐣 𑑑𑑕𑑒𑑗) 𑐕𑐩𑑂𑐴 𑐦𑑂𑐮𑑀𑐬𑐾𑐣𑑂𑐚𑐵𑐂𑐣 𑐎𑐹𑐚𑐣𑐷𑐟𑐶𑐖𑑂𑐘, 𑐔𑑂𑐰𑐩𑐶, 𑐡𑐵𑐬𑑂𑐱𑐣𑐶𑐎 𑐰 𑐂𑐟𑐶𑐴𑐵𑐳𑐎𑐵𑐬 𑐏। 𑐰𑐫𑑂𑐎𑑅 𑐂𑐟𑐵𑐮𑐶𑐫𑐣 𑐥𑐸𑐣𑐬𑑂𑐖𑐵𑐐𑐬𑐞𑐫𑐵 𑐃𑐮𑐾 𑐩𑑂𑐰𑐵𑐣𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐬𑐵𑐖𑐣𑐷𑐟𑐶𑐎 𑐐𑑂𑐬𑐣𑑂𑐠 𑐡 𑐥𑑂𑐬𑐶𑐣𑑂𑐳 (𑐂𑐮 𑐥𑑂𑐬𑐶𑐣𑑂𑐳𑐶𑐥)𑐫𑐵 𑐣𑐶𑑄𑐟𑐶𑑄 𑐡𑐎𑐮𑐫𑑂 𑐀𑐥𑑂𑐰 𑐩𑑂𑐴𑐳𑐷𑐎𑐵 𑐡𑐸, 𑐠𑑂𑐰 𑐐𑑂𑐬𑐣𑑂𑐠 𑐳𑐣𑑂 𑑑𑑕𑑑𑑓𑐫𑐵 𑐁𑐳𑐥𑐵𑐳 𑐔𑑂𑐰𑐫𑐵𑐡𑐶𑐮 𑐟𑐬 𑐰𑐫𑑂𑐎𑑅𑐫𑐵 𑐩𑐺𑐟𑑂𑐫𑐸𑐫𑐵 𑐥𑑂𑐫𑐡𑑃 𑐮𑐶𑐥𑐵 𑐳𑐣𑑂 𑑑𑑕𑑓𑑒 𑐟𑐎𑑂𑐎 𑐠𑑂𑐰 𑐳𑐦𑐹 𑐥𑐶𑐡𑑄𑐐𑐸 𑐩𑐡𑐫𑐵𑐔𑑂𑐰𑐣। 𑐰𑐫𑑂‌𑐎𑑅𑐫𑐵𑐟 𑐥𑑂𑐬𑐵𑐫𑑅 𑐁𑐢𑐸𑐣𑐶𑐎 𑐬𑐵𑐖𑐣𑐷𑐟𑐶𑐎 𑐡𑐬𑑂𑐱𑐣 𑐰 𑐬𑐵𑐖𑐣𑐷𑐟𑐶 𑐰𑐶𑐖𑑂𑐘𑐵𑐣𑐫𑐵 𑐖𑐣𑐎 𑐢𑐵𑐫𑐾𑐐𑐸 𑐫𑐵।

𑐫𑐎𑑂𑐰 𑐡𑑃 𑐟𑐎 𑐰𑐫𑑂𑐎𑐮𑑄 𑐦𑑂𑐮𑑀𑐬𑐾𑐣𑑂𑐚𑐵𑐂𑐣 𑐐𑐞𑐬𑐵𑐖𑑂𑐫𑐫𑑂 𑐎𑐹𑐚𑐣𑐷𑐟𑐶𑐎 𑐰 𑐳𑐿𑐣𑑂𑐫 𑐩𑐵𑐩𑐶𑐮𑐵𑐫𑑂 𑐖𑐶𑐩𑑂𑐩𑐾𑐰𑐵𑐬𑐷 𑐎𑐫𑐵𑑅 𑐕𑐩𑑂𑐴 𑐄𑐔𑑂𑐔 𑐀𑐢𑐶𑐎𑐵𑐬𑐷𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐣𑐵𑐡𑐶𑐮 । 𑐰𑐫𑑂𑐎𑐮𑑄 𑐏𑑂𑐫𑐵𑐮𑐶, 𑐎𑐵𑐬𑑂𑐣𑐶𑐨𑐮 𑐩𑑂𑐫𑐾, 𑐰 𑐔𑐶𑐣𑐵𑐏𑑃 𑐔𑑂𑐰𑐫𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐰𑑂𑐫𑐎𑑂𑐟𑐶𑐐𑐟 𑐥𑐟𑑂𑐬𑐵𑐔𑐵𑐬 𑐂𑐟𑐶𑐴𑐵𑐳𑐎𑐵𑐬 𑐰 𑐂𑐚𑐵𑐮𑐶𑐫𑐣 𑐥𑐟𑑂𑐬𑐵𑐔𑐵𑐬𑐫𑐵 𑐰𑐶𑐡𑑂𑐰𑐵𑐣𑐟𑐾𑐐𑐸 𑐣𑐶𑑄𑐟𑐶𑑄 𑐩𑐴𑐟𑑂𑐰𑐥𑐹𑐬𑑂𑐞 𑐡𑐸। 𑐰𑐫𑑂𑐎𑐮𑑄 𑐳𑐣𑑂 𑑑𑑔𑑙𑑘 𑐣𑐶𑐳𑐾𑑄 𑑑𑑕𑑑𑑒 𑐟𑐎𑑂𑐎 𑐩𑐾𑐡𑐶𑐳𑐷 𑐳𑐟𑑂𑐟𑐵𑑄 𑐥𑐶𑐣𑐾 𑐮𑐵𑑅𑐐𑐸 𑐂𑐮𑐫𑑂 𑐐𑐞𑐟𑐣𑑂𑐟𑑂𑐬 𑐦𑑂𑐮𑑀𑐬𑐾𑐣𑑂𑐳𑐫𑐵 𑐣𑐶𑐐𑐹𑐐𑐸 𑐔𑐵𑐣𑑂𑐳𑐬𑐷𑐫𑐵 𑐳𑐔𑐶𑐰𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐣𑐵𑐡𑐶𑐮।

𑐰𑐫𑑂𑐎𑑅𑐫𑐵 𑐩𑐺𑐟𑑂𑐫𑐸 𑐢𑐸𑑄𑐎𑐵 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐣𑐵𑑄 𑐰𑐫𑑂𑐎𑐮𑑄 𑐠𑑅𑐐𑐸 𑐎𑐺𑐟𑐶 𑐡 𑐥𑑂𑐬𑐶𑐣𑑂𑐳𑐫𑑂 𑐡𑐎𑐮𑐫𑑂 𑐣𑐵𑑄𑐖𑐵𑑅𑐐𑐸 𑐳𑐮𑑂𑐮𑐵𑐴 𑐧𑐶𑐫𑐵𑐡𑐷𑐐𑐸 𑐎𑐠𑑄𑐫𑐵 𑐀𑐣𑐿𑐟𑐶𑐎 𑐖𑑂𑐫𑐵𑐏𑑃𑐫𑐵 𑐣𑐶𑑄𑐟𑐶𑑄 𑐩𑑂𑐴𑐳𑐷𑐎𑐮। 𑐰𑐫𑑂𑐎𑐮𑑄 𑐠𑑅𑐐𑐸 𑐀𑐣𑐸𑐨𑐰 𑐰 𑐂𑐟𑐶𑐴𑐵𑐳𑐫𑐵 𑐱𑐶𑐎𑑂𑐲𑐵𑐫𑐵 𑐁𑐢𑐵𑐬𑐫𑑂 𑐬𑐵𑐖𑐣𑐷𑐟𑐶𑐂 𑐣𑑂𑐴𑑂𑐫𑐵𑐧𑐮𑐾𑑄 𑐴𑐾 𑐢𑑀𑐏𑐵, 𑐰𑐶𑐱𑑂𑐰𑐵𑐳𑐑𑐵𑐟 𑐰 𑐀𑐥𑐬𑐵𑐢 𑐡𑐫𑐵𑐔𑑂𑐰𑑄𑐐𑐸 𑐡𑐵𑐧𑐷 𑐫𑐵𑐣𑐵𑐡𑐶𑐮। 𑐰𑐫𑑂𑐎𑐮𑑄 𑐠𑑂𑐰 𑐣𑑄 𑐄𑐮𑑂𑐮𑐾𑐏𑐣𑐷𑐫 𑐬𑐸𑐥𑑄 𑐢𑐫𑐵𑐡𑐷𑐐𑐸 𑐡𑐸 𑐎𑐶 𑐕𑐩𑑂𑐴 𑐱𑐵𑐳𑐎 𑐐𑐸𑐩𑑂𑐴 𑐬𑐵𑐖𑑂𑐫 𑐰𑐵 𑐐𑐞𑐟𑐣𑑂𑐟𑑂𑐬 𑐥𑐮𑐶𑐳𑑂𑐠𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸, 𑐀𑐣𑑂𑐫𑐵𑐩𑑂𑐴 𑐱𑐵𑐳𑐎𑐫𑐵𑐟 𑐴𑐶𑑄𑐳𑐵𑐟𑑂𑐩𑐎 𑐖𑑂𑐫𑐵𑐫𑐵 𑐣𑐶𑑄𑐟𑐶𑑄 𑐁𑐮𑑀𑐔𑐣𑐵 𑐖𑐸𑐳𑐵𑑅 𑐰𑐫𑐵𑐟 𑐁𑐱𑐫 𑐰 𑐮𑐶𑐔𑑂𑐰𑑅 𑐰𑐫𑐵𑐐𑐸 𑐣𑐶𑑄𑐟𑐶𑑄 𑐦𑐵𑐂𑐡𑐵𑐖𑐣𑐎 𑐖𑐸𑐂𑐧𑐮𑐫𑑂 𑐎𑑂𑐲𑐩𑐵 𑐫𑐵𑐫𑐾𑐩𑐵𑑅। 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐳𑐦𑐹 𑐥𑐶𑐡𑑄𑐐𑐸 𑐂𑐮𑑄𑐣𑐶𑐳𑐾𑑄 𑐰𑐶𑐰𑐵𑐡𑑄 𑐨𑐸𑐣𑐵𑐟𑑅𑐐𑐸 𑐡𑐸। 𑐐𑐸𑐮𑐶𑐳𑐶𑐣𑑄 𑐠𑐸𑐎𑐶𑐫𑐵𑐟 𑐬𑐵𑐖𑐣𑐷𑐟𑐶𑐎 𑐫𑐠𑐵𑐬𑑂𑐠𑐫𑐵 𑐳𑐬𑐮 𑐰𑐬𑑂𑐞𑐣 𑐎𑐠𑑄 𑐎𑐵𑐂। 𑐩𑐾𑐩𑐾𑐥𑐶𑐣𑑂𑐳𑑄 𑐡 𑐥𑑂𑐬𑐶𑐣𑑂𑐳𑐫𑐵𑐟 𑐕𑐐𑐹 𑐩𑑂𑐫𑐵𑐣𑐸𑐀𑐮𑐫𑐵 𑐬𑐸𑐥𑐫𑑂 𑐎𑐵𑐂, 𑐐𑐸𑐎𑐶𑐮𑐶𑑄 𑐨𑐰𑐶𑐲𑐫𑐫𑐵 𑐀𑐟𑑂𑐫𑐵𑐔𑐵𑐬𑐷𑐟𑐾𑐟 𑐳𑐟𑑂𑐟𑐵 𑐐𑐠𑐾 𑐫𑐵𑐣𑐵𑑅 𑐎𑐧𑑂𑐖𑐵 𑐫𑐵𑐫𑐾𑐐𑐸 𑐰 𑐎𑐵𑐫𑐩 𑐫𑐵𑐫𑐾𑐐𑐸 𑐢𑐎𑐵𑑅 𑐳𑑂𑐫𑐣𑐶। 𑐮𑐶𑐥𑐵𑑄𑐐𑐸 𑐃𑐮𑐫𑑂 𑐣𑑄 𑐕𑐸𑑄 𑐰𑐶𑐡𑑂𑐰𑐵𑐣𑐟𑐫𑐾𑐳𑑄 (𑐡𑐳𑐸 𑐮𑐶𑐫𑑀 𑐳𑑂𑐚𑑂𑐬𑐵𑐳) 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵𑐟 "𑐩𑐨𑐶𑑄𑐐𑐸 𑐏𑑃𑐫𑐵 𑐱𑐶𑐎𑑂𑐲𑐎" 𑐏 𑐢𑐎𑐵 𑐎𑐣𑐵𑐟𑑅𑐐𑐸 𑐡𑐸।

𑐔𑑂𑐰𑐏𑑃

𑐩𑐹 𑐔𑑂𑐰𑐏𑑃

𑐂𑐮 𑐥𑑂𑐬𑐶𑐣𑑂𑐳𑐶𑐥𑐾 (𑐡 𑐥𑑂𑐬𑐶𑐣𑑂𑐳)

thumb| 𑐮𑑀𑐬𑐾𑐣𑑂𑐖𑑀 𑐜𑐶 𑐥𑐶𑐊𑐬𑑀 𑐜𑐾' 𑐩𑐾𑐜𑐶𑐳𑐶, 𑐐𑐸𑐩𑑂𑐴𑐾𑐳𑐶𑐟 𑐂𑐮 𑐥𑑂𑐬𑐶𑐣𑑂𑐳𑐶𑐥𑐾𑐫𑐵 𑐮𑐶𑐥𑐵𑑄𑐐𑐸 𑐳𑑄𑐳𑑂𑐎𑐬𑐞 𑐡𑐾𑐕𑐵𑐣𑐵 𑐟𑑅𑐐𑐸 𑐡𑐸। 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐡𑐎𑐮𑐫𑑂 𑐣𑐵𑑄𑐖𑐵𑑅𑐐𑐸 𑐳𑐦𑐹 𑐂𑐮 𑐥𑑂𑐬𑐶𑐣𑑂𑐳𑐶𑐥𑐾𑐫𑑂 𑐬𑐵𑐖𑐣𑐷𑐟𑐶𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐫𑐎𑑂𑐰𑑄 𑐩𑑂𑐫𑐵𑐎𑑂𑐳𑐶𑐩 𑐡𑐸। 𑐰𑑄𑐱𑐵𑐣𑐸𑐐𑐟 𑐬𑐵𑐖𑐎𑐸𑐩𑐵𑐬𑐫𑐵𑐟 𑐥𑐬𑐩𑑂𑐥𑐬𑐵𑐐𑐟 𑐎𑐠𑑄 𑐮𑐎𑑂𑐲𑐶𑐟 𑐧𑑂𑐰𑐣𑐵𑐩𑐶 𑐫𑐵𑐫𑐾 𑐥𑐮𑐾𑐳𑐵 𑐠𑑂𑐰 "𑐣𑑂𑐴𑐸𑐐𑐸 𑐬𑐵𑐖𑐎𑐸𑐩𑐵𑐬"𑐫𑐵 𑐳𑐩𑑂𑐨𑐵𑐰𑐣𑐵𑐫𑑂 𑐎𑐾𑐣𑑂𑐡𑑂𑐬𑐶𑐟 𑐖𑐸𑐂। 𑐳𑐟𑑂𑐟𑐵 𑐎𑐵𑐫𑐩 𑐫𑐵𑐫𑐾𑐟 𑐰𑑄𑐱𑐵𑐣𑐸𑐐𑐟 𑐬𑐵𑐖𑐎𑐸𑐩𑐵𑐬𑑄 𑐖𑐣𑐟𑐵𑐫𑐵 𑐳𑑄𑐳𑑂𑐎𑐵𑐬 𑐖𑐸𑐂𑐢𑐸𑑄𑐎𑐹𑐐𑐸 𑐠𑐷𑐠𑐷 𑐳𑑄𑐳𑑂𑐠𑐵𑐫𑐵 𑐴𑐶𑐟𑐫𑐵𑐟 𑐧𑐵𑑄𑐮𑐵𑐎 𑐳𑐣𑑂𑐟𑐸𑐮𑐣 𑐫𑐵𑐫𑐾𑐩𑐵𑑅 । 𑐄𑐎𑐶𑐫𑐵 𑐰𑐶𑐥𑐬𑐷𑐟 𑐣𑑂𑐴𑐹𑐩𑑂𑐴 𑐬𑐵𑐖𑐎𑐸𑐩𑐵𑐬𑐫𑐵𑐎𑐾 𑐱𑐵𑐳𑐣 𑐫𑐵𑐫𑐾𑐐𑐸 𑐖𑑂𑐫𑐵 𑐀𑐥𑑂𑐰𑑅 𑐠𑐵𑐎𑐸𑐐𑐸 𑐖𑐸𑐂। 𑐀𑐣𑑂𑐫𑐵𑐩𑑂𑐴 𑐬𑐵𑐖𑐎𑐸𑐩𑐵𑐬𑑄 𑐣𑑂𑐴𑐵𑐥𑐵𑑄 𑐠𑑅𑐐𑐸 𑐣𑑂𑐴𑐹𑐐𑐸 𑐱𑐎𑑂𑐟𑐶𑐫𑐵𑐟 𑐳𑑂𑐠𑐶𑐬 𑐫𑐵𑐫𑐾𑐩𑐵𑑅, 𑐐𑐸𑐎𑐶𑑄 𑐫𑐵𑐣𑐵𑑅 𑐳𑑂𑐠𑐵𑐫𑐷 𑐬𑐵𑐖𑐣𑐷𑐟𑐶𑐎 𑐳𑑄𑐬𑐔𑐣𑐵 𑐡𑐫𑐾𑐎𑐾𑐦𑐂। 𑐣𑐿𑐟𑐶𑐎 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐂𑐮𑐫𑑂 𑐣𑑄 𑐳𑑂𑐠𑐵𑐫𑐶𑐟𑑂𑐰 𑐰 𑐳𑐸𑐬𑐎𑑂𑐲𑐵𑐫𑐵 𑐬𑐵𑐖𑐣𑐷𑐟𑐶𑐎 𑐦𑐵𑐂𑐡𑐵 𑐥𑑂𑐬𑐵𑐥𑑂𑐟 𑐫𑐵𑐫𑐾𑐦𑐂𑐐𑐸 𑐳𑐸𑐗𑐵𑐰 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐧𑐶𑐫𑐵𑐡𑐷𑐐𑐸 𑐡𑐸 । 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐰𑐶𑐱𑑂𑐰𑐵𑐳 𑐎𑐠𑑄 𑐧𑐵𑑄𑐮𑐵𑐎 𑐱𑐵𑐳𑐣 𑐫𑐵𑐫𑐾𑐟 𑐳𑐵𑐬𑑂𑐰𑐖𑐣𑐶𑐎 𑐰 𑐣𑐶𑐖𑐷 𑐣𑐿𑐟𑐶𑐎𑐟𑐵𑐫𑐵𑐟 𑐣𑐶𑐐𑐹 𑐦𑐬𑐎 𑐏𑑃𑐫𑐵 𑐬𑐸𑐥𑐫𑑂 𑐠𑐸𑐂𑐎𑐾𑐩𑐵𑑅 । 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐱𑐵𑐳𑐎𑑄 𑐥𑑂𑐬𑐟𑐶𑐲𑑂𑐛𑐵𑐫𑐵 𑐔𑐶𑐄𑐟𑐵𑑅 𑐖𑐎 𑐩𑐏𑐸, 𑐥𑐵𑐫𑑂𑐕𑐶 𑐂𑐮𑐫𑑂 𑐧𑐾𑐂𑐩𑐵𑐣 𑐖𑑂𑐫𑐵 𑐫𑐵𑐫𑐾𑐟 𑐳𑐎𑐵𑐬𑐵𑐟𑑂𑐩𑐎 𑐬𑐸𑐥𑑄 𑐂𑐔𑑂𑐕𑐸𑐎 𑐖𑐸𑐂𑐩𑐵𑑅 । 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐰𑐶𑐱𑑂𑐰𑐵𑐳 𑐎𑐠𑑄 𑐕𑐩𑑂𑐴 𑐱𑐵𑐳𑐎𑐫𑐵 𑐣𑐶𑑄𑐟𑐶𑑄 𑐟𑐳𑐎𑑄 𑐮𑑀𑐎𑑄𑐴𑑂𑐰𑐵𑐫𑐾𑐐𑐸 𑐳𑑂𑐰𑐫𑐵 𑐰𑑂𑐫𑐵𑐥𑐎 𑐬𑐸𑐥𑑄 𑐐𑑂𑐫𑐵𑐫𑐾𑐐𑐸 𑐧𑐵𑑄𑐮𑐵𑑅; 𑐫𑑅𑐩𑑂𑐴 𑐱𑐵𑐳𑐎𑑄 𑐧𑐵𑐢𑑂𑐫𑐟𑐵𑐫𑐵 𑐎𑐵𑐬𑐞𑑄 𑐀𑐢𑐶𑐎𑐵𑐬 𑐎𑐵𑐫𑐩 𑐫𑐵𑐂, 𑐀𑐮𑐾 𑐐𑑂𑐫𑐵𑐣𑐵𑐥𑐸𑐩𑑂𑐴 𑐱𑐵𑐳𑐎𑑄 𑐳𑐖𑐵𑑃𑐫𑐫𑐵 𑐐𑑂𑐫𑐵𑑅𑐔𑐶𑐎𑐸𑑄 𑐱𑐵𑐳𑐣 𑐫𑐵𑐂 । 𑐕𑐩𑑂𑐴 𑐬𑐵𑐖𑐣𑐷𑐟𑐶𑐎 𑐳𑐶𑐡𑑂𑐢𑐵𑐣𑑂𑐟𑐎𑐵𑐬𑐫𑐵 𑐬𑐸𑐥𑐫𑑂 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐬𑐵𑐖𑐎𑐸𑐩𑐵𑐬𑐫𑐵 𑐀𑐢𑐶𑐎𑐵𑐬𑐫𑐵𑐟 𑐴𑐵𑐠𑑂𑐫𑐵 𑐧𑐷𑐐𑐸 𑐕𑐸𑑄 𑐣𑑄 𑐳𑐩𑑂𑐨𑐵𑐰𑐣𑐵𑐫𑐵𑐟 𑐔𑐷𑐎𑐾𑐟 𑐩𑐸𑐎𑑂𑐎𑑄 𑐎𑐸𑐮𑐷𑐣 𑐥𑐬𑐶𑐰𑐵𑐬𑐫𑐵 𑐄𑐣𑑂𑐩𑐹𑐮𑐣 𑐣𑐵𑐥𑑄 𑐎𑑂𑐬𑐹𑐬𑐟𑐵 𑐰𑐵 𑐕𑐮𑐎𑐥𑐚𑐫𑐵 𑐥𑐡𑑂𑐢𑐟𑐶𑐐𑐟 𑐀𑐨𑑂𑐫𑐵𑐳𑐫𑐵 "𑐁𑐰𑐱𑑂𑐫𑐎𑐟𑐵"𑐫𑐵𑐟 𑐧𑑅 𑐧𑐶𑐫𑐵𑐡𑐶𑐮।

𑐰𑐶𑐡𑑂𑐰𑐵𑐣𑐟𑐾𑐳𑑄 𑐥𑑂𑐬𑐵𑐫𑑅 𑐚𑐶𑐥𑑂𑐥𑐞𑐷 𑐫𑐵𑐂 𑐎𑐶 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐬𑐵𑐖𑑂𑐫 𑐣𑐶𑐬𑑂𑐩𑐵𑐞𑐫𑑂 𑐳𑐵𑐢𑐣𑐱𑐷𑐮𑐟𑐵𑐫𑐵𑐟 𑐩𑐴𑐟𑑂𑐟𑑂𑐰 𑐧𑐶𑐫𑐵𑐡𑐶𑐮। 𑐠𑑂𑐰 𑐧𑐶𑐔𑐵𑑅𑐫𑐵 𑐳𑐵𑐬 𑐡 𑐥𑑂𑐬𑐶𑐣𑑂𑐳𑐫𑐵 𑐕𑐟𑑂𑐰𑐵𑑅 𑐏𑑃𑐐𑑂𑐰𑐮𑑄 𑐎𑑂𑐫𑐣𑐶 " 𑐡 𑐊𑐣𑑂𑐜𑑂𑐳 𑐖𑐳𑑂𑐚𑐶𑐦𑐵𑐂 𑐡 𑐩𑐶𑐣𑑂𑐳 "। 𑐛𑐐𑐷 𑐰 𑐕𑐮𑐎𑐥𑐚𑐫𑐵𑐟 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐬𑐵𑐖𑐎𑐸𑐩𑐵𑐬𑐫𑐵𑐟 𑐕𑑂𑐫𑐮𑐾𑐟 𑐁𑐰𑐱𑑂𑐫𑐎 𑐎𑐠𑑄 𑐎𑐵𑑅𑐐𑐸 𑐡𑐸 । 𑐳𑐟𑑂𑐟𑐵 𑐳𑐦𑐮 𑐳𑑂𑐠𑐶𑐬𑐟𑐵 𑐰 𑐣𑑂𑐴𑐹𑐐𑐸 𑐬𑐵𑐖𑐣𑐷𑐟𑐶𑐎 𑐳𑑄𑐳𑑂𑐠𑐵𑐟 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐣𑐶𑑄𑐟𑐶𑑄 𑐴𑐶𑑄𑐳𑐵 𑐁𑐰𑐱𑑂𑐫𑐎 𑐖𑐸𑐂𑐦𑐸 । 𑐬𑐵𑐖𑐣𑐷𑐟𑐶𑐎 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷𑐫𑐵𑐟 𑐩𑐡𑐫𑐾𑐎𑐾𑐐𑐸, 𑐥𑑂𑐬𑐟𑐶𑐬𑑀𑐢𑐷 𑐖𑐣𑐟𑐵𑐫𑐵𑐟 𑐳𑑂𑐫𑑄𑐎𑐾𑐐𑐸 𑐰 𑐱𑐵𑐳𑐣 𑐫𑐵𑐫𑐾𑐦𑐹𑐐𑐸 𑐔𑐬𑐶𑐟𑑂𑐬 𑐡𑐸𑐥𑐶𑑄 𑐧𑐮𑑂𑐮𑐵𑑅𑐥𑐶𑑄 𑐩𑐾𑐩𑐾𑐥𑐶𑑄 𑐩𑐣𑐹𑐥𑐶𑐣𑐶𑐐𑐸 𑐥𑐸𑐔𑑅𑐫𑐵 𑐳𑐦𑐵𑐫𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐵𑐫𑐾𑐩𑐵, 𑐕𑐵𑐫𑑂-𑐢𑐵𑑅𑐳𑐵 𑐀𑐠𑐾 𑐩𑐫𑐵𑐳𑐵 𑐱𑐵𑐳𑐎𑐫𑐵 𑐐𑐡𑑂𑐡𑐷 𑐩𑐾𑐩𑐾𑐥𑐶𑐣𑑂𑐳𑑄 𑐎𑐵𑐫𑐾𑐦𑐸 𑐢𑐿𑐐𑐸 𑐎𑑂𑐬𑐸𑐬 𑐧𑐶𑐔𑐵𑑅 𑐠𑑂𑐰 𑐳𑐦𑐹𑐮𑐶 𑐡𑐸 । 𑐕𑐐𑐹 𑐏𑐞𑑂𑐜𑐫𑑂 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐳𑐶𑐳𑐾𑐬𑑀𑑄 𑐡𑑀𑐴𑐬𑑀𑐥𑐣 𑐰 𑐴𑐶𑑄𑐳𑐵𑐥𑐵𑐏𑐾𑑄 𑐧𑐔𑐾 𑐖𑐸𑐂𑐟 𑐧𑑂𑐫𑐹𑐐𑐸 𑐳𑐮𑑂𑐮𑐵𑐴𑐫𑐵𑐟 𑐀𑑅𑐏𑑅 𑐫𑐵𑐣𑐵𑑅 𑐬𑐵𑐖𑐎𑐸𑐩𑐵𑐬𑐫𑐵𑐟 "𑐖𑐵𑐮𑑄 𑐧𑐔𑐾 𑐖𑐸𑐂𑐟 𑐦𑑂𑐫𑐵𑐎𑐵𑐢𑑂𑐰𑑄 𑐖𑐸𑐂𑐩𑐵𑑅, 𑐀𑐮𑐾 𑐐𑐸𑑃𑐏𑐶𑐔𑐵𑐫𑐵𑐟 𑐎𑑂𑐰𑐟𑑂𑐫𑐮𑐾𑐟 𑐳𑐶𑑄𑐴 𑐖𑐸𑐂𑐩𑐵𑑅" 𑐢𑐎𑐵𑑅 𑐢𑐫𑐵𑐡𑐷𑐐𑐸 𑐡𑐸। 𑐠𑑂𑐰 𑐩𑑂𑐫𑐵𑐎𑐶𑐫𑐵𑐨𑐾𑐮𑐶𑐫𑐵 𑐡𑐎𑐮𑐫𑑂 𑐣𑐵𑑄𑐖𑐵𑑅𑐐𑐸 𑐰𑐔𑐣 𑐩𑐢𑑂𑐫𑐫𑑂 𑐕𑐐𑐹 𑐏𑑅। 𑐬𑐵𑐖𑑂𑐫 𑐥𑑂𑐬𑐵𑐥𑑂𑐟 𑐫𑐵𑐫𑐾𑐟 𑐰 𑐬𑐵𑐖𑑂𑐫𑐫𑐵𑐟 𑐎𑐵𑐫𑐩 𑐫𑐵𑐫𑐾𑐟 𑐡𑐸𑐲𑑂𑐚 𑐳𑐵𑐢𑐣 𑐩𑐵𑑅 𑐢𑐂𑐐𑐸 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐢𑐵𑐬𑐞𑐵𑐫𑐵𑐟 𑐠𑑂𑐰 𑐐𑑂𑐬𑐣𑑂𑐠𑐫𑐵 𑐩𑐹 𑐰𑐶𑐲𑐫𑐫𑐵 𑐬𑐸𑐥𑐫𑑂 𑐚𑐶𑐥𑑂𑐥𑐞𑐷 𑐫𑐵𑐣𑐵𑐟𑑅𑐐𑐸 𑐡𑐸। 𑐩𑑂𑐫𑐵𑐎𑐶𑐫𑐵𑐨𑐾𑐮𑐷 𑐠𑐣𑑂𑐫𑐵𑐐𑐸 𑐬𑐵𑐖𑐣𑐷𑐟𑐶𑐎 𑐳𑐮𑑂𑐮𑐵𑐴𑐫𑐵 𑐣𑐶𑑄𑐟𑐶𑑄 𑐧𑐡𑐣𑐵𑐩 𑐖𑐹𑐐𑐸 𑐡𑐸, 𑐐𑐸𑐎𑐶𑐮𑐶𑑄 "𑐩𑑂𑐫𑐵𑐎𑐶𑐫𑐵𑐨𑐾𑐮𑐶𑐫𑐣" 𑐰𑐶𑐱𑐾𑐲𑐞𑐫𑐵𑐟 𑐩𑐨𑐶𑑄𑐩𑑂𑐴 𑐩𑐣𑐹𑐫𑐵 𑐩𑐵𑐢𑑂𑐫𑐩𑑄 𑐂𑐟𑐶𑐴𑐵𑐳𑐫𑑂 𑐮𑐸𑐩𑑄𑐎𑐾𑐐𑐸 𑐫𑐵।

𑐬𑐵𑐖𑐣𑐷𑐟𑐶𑐂 𑐠𑑂𑐰 𑐐𑑂𑐬𑐣𑑂𑐠𑐫𑐵 𑐰𑐶𑐰𑐵𑐡𑐵𑐳𑑂𑐥𑐡 𑐰𑐶𑐱𑑂𑐮𑐾𑐲𑐞𑐫𑐵 𑐎𑐵𑐬𑐞𑑄 𑐳𑐣𑑂 𑑑𑑕𑑕𑑙𑐂 𑐎𑑂𑐫𑐵𑐠𑑀𑐮𑐶𑐎 𑐔𑐬𑑂𑐔𑑄 𑐡 𑐥𑑂𑐬𑐶𑐣𑑂𑐳𑐫𑐵𑐟 𑐥𑑂𑐬𑐟𑐶𑐧𑐣𑑂𑐢 𑐫𑐵𑐳𑐾𑑄 𑐠𑑂𑐰 𑐐𑑂𑐬𑐣𑑂𑐠𑐫𑐵𑐟 Index Librorum Prohibitorum𑐫𑑂 𑐟𑐮। । 𑐩𑐵𑐣𑐰𑐟𑐵𑐰𑐵𑐡𑐷𑐟 𑐡𑐳𑐸 𑐂𑐬𑐵𑐳𑑂𑐩𑐳 ( c. 𑑑𑑔𑑖𑑖 – 𑑑𑑕𑑓𑑖), 𑐣𑑄 𑐳𑐦𑐹𑐫𑐵𑐟 𑐣𑐎𑐵𑐬𑐵𑐟𑑂𑐩𑐎 𑐬𑐸𑐥𑑄 𑐳𑑂𑐰𑐮 । 𑐕𑐐𑐹 𑐐𑑂𑐬𑐣𑑂𑐠𑐫𑐵 𑐬𑐸𑐥𑐫𑑂, 𑐬𑐵𑐖𑐣𑐷𑐟𑐶𑐎 𑐔𑐶𑐣𑑂𑐟𑐣𑐫𑐵 𑐂𑐟𑐶𑐴𑐵𑐳𑐫𑑂 𑐠𑐸𑐎𑐶𑐫𑐵 𑐥𑑂𑐬𑐵𑐠𑐩𑐶𑐎 𑐧𑑁𑐡𑑂𑐢𑐶𑐎 𑐫𑑀𑐐𑐡𑐵𑐣 𑐬𑐵𑐖𑐣𑐷𑐟𑐶𑐎 𑐫𑐠𑐵𑐬𑑂𑐠𑐰𑐵𑐡 𑐰 𑐬𑐵𑐖𑐣𑐷𑐟𑐶𑐎 𑐁𑐡𑐬𑑂𑐱𑐰𑐵𑐡 𑐡𑐠𑐸𑐂 𑐩𑑁𑐮𑐶𑐎 𑐰𑐶𑐔𑑂𑐕𑐾𑐡 𑐏। 𑐠𑑂𑐰 𑐬𑐵𑐖𑐣𑐷𑐟𑐶𑐎 𑐱𑐎𑑂𑐟𑐶 𑐥𑑂𑐬𑐵𑐥𑑂𑐟 𑐫𑐵𑐫𑐾𑐐𑐸 𑐰 𑐟𑐫𑐾𑐐𑐸 𑐕𑐐𑐹 𑐩𑑂𑐫𑐵𑐣𑐸𑐀𑐮 𑐖𑐸𑐮। 𑐥𑑂𑐮𑐾𑐚𑑀 𑐰 𑐀𑐬𑐶𑐳𑑂𑐚𑑀𑐚𑐮𑐫𑐵 𑐰𑐶𑐥𑐬𑐷𑐟 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐎𑐵𑐮𑑂𑐥𑐣𑐶𑐎 𑐁𑐡𑐬𑑂𑐱 𑐳𑐩𑐵𑐖𑐫𑐵 𑐣𑐩𑐹𑐣𑐵 𑐥𑐵𑐏𑐾 𑐬𑐵𑐖𑐎𑐸𑐩𑐵𑐬𑑄 𑐠𑑅𑐟 𑐀𑐨𑐶𑐩𑐸𑐏 𑐫𑐵𑐫𑐾𑐩𑐵𑑅𑐐𑐸 𑐧𑐶𑐔𑐵 𑐟𑑂𑐰𑐟𑐵𑐡𑐶𑐮 𑐰 𑐳𑐟𑑂𑐟𑐵𑐥𑑂𑐬𑐵𑐥𑑂𑐟𑐶𑐂 𑐖𑐎 𑐟𑐶𑐧𑑅 𑐧𑐶𑐫𑐵𑐡𑐶𑐮।

𑐡 𑐥𑑂𑐬𑐶𑐣𑑂𑐳𑐫𑑂 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐣𑐶𑐬𑑂𑐡𑐫𑐷 𑐰 𑐀𑐟𑑂𑐫𑐵𑐔𑐵𑐬𑐷 𑐬𑐵𑐖𑐎𑐸𑐩𑐵𑐬𑐟𑐫𑑂𑐟 𑐧𑐶𑐫𑐵𑐡𑐷𑐐𑐸 𑐳𑐮𑑂𑐮𑐵𑐴 𑐰 𑐮𑐶𑐨𑐷𑐫𑐵 𑐥𑑂𑐬𑐰𑐔𑐣𑐫𑑂 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐧𑐶𑐫𑐵𑐡𑐷𑐐𑐸 𑐳𑐮𑑂𑐮𑐵𑐴𑐫𑐵 𑐨𑐶𑐣𑑂𑐣𑐟𑐵 𑐰 𑐳𑐩𑐵𑐣𑐟𑐵𑐫𑐵 𑐏𑑃𑐫𑑂 𑐠𑐷𑐠𑐷 𑐚𑐶𑐥𑑂𑐥𑐞𑐷 𑐡𑐸। 𑐚𑐶𑐥𑑂𑐥𑐞𑐷𑐎𑐵𑐬𑐟𑐾𑐳𑑄 𑐡 𑐥𑑂𑐬𑐶𑐣𑑂𑐳 𑐕𑐩𑑂𑐴 𑐬𑐵𑐖𑐱𑐵𑐴𑐷 𑐬𑐵𑐖𑐎𑐸𑐩𑐵𑐬𑐫𑐵 𑐣𑐶𑑄𑐟𑐶𑑄 𑐳𑐮𑑂𑐮𑐵𑐴𑐫𑐵 𑐬𑐸𑐥𑐫𑑂 𑐔𑑂𑐰𑐫𑐵𑐟𑑅𑐐𑐸 𑐖𑐸𑐳𑐵𑑄 𑐠𑑂𑐰 𑐳𑐦𑐹𑐮𑐶 𑐐𑐞𑐟𑐵𑐣𑑂𑐟𑑂𑐬𑐶𑐎 𑐳𑐟𑑂𑐟𑐵𑐫𑐵 𑐱𑑂𑐬𑐾𑐲𑑂𑐛𑐟𑐵 𑐠𑐵𑐫𑑂-𑐠𑐵𑐳𑐫𑑂 𑐮𑐶𑐨𑐷𑐫𑐵 𑐥𑑂𑐬𑐰𑐔𑐣𑐫𑑂 𑐠𑐾𑑄 𑐴𑐾 𑐮𑐸𑐫𑐵𑐰𑑅𑐐𑐸 𑐟𑐬𑑂𑐎 𑐡𑐸। 𑑑𑑘𑐐𑐸 𑐱𑐟𑐵𑐧𑑂𑐡𑐷𑐂 𑐠𑑂𑐰 𑐖𑑂𑐫𑐵𑐫𑐵𑐟 𑐢𑑂𑐫𑐵𑐔𑐹 𑐟𑐎𑑄 𑐢𑐵𑐂𑐐𑐸 𑐫𑐵, 𑐡𑐳𑐸𑐫𑐵 𑐣𑐶𑑄𑐟𑐶𑑄 𑐖𑐷𑐣-𑐖𑑂𑐫𑐵𑐎𑑂𑐳 𑐬𑐸𑐳𑑀 (𑑑𑑗𑑑𑑒–𑑑𑑗𑑗𑑘)𑐫𑐵𑐟 𑐎𑐵𑐫𑐾𑐕𑐶𑑄।

𑐮𑐶𑐫𑑀 𑐳𑑂𑐚𑑂𑐬𑐵𑐳 (𑑑𑑘𑑙𑑙–𑑑𑑙𑑗𑑓) 𑐰 𑐴𑐵𑐬𑑂𑐨𑐷 𑐩𑑂𑐫𑐵𑐣𑑂𑐳𑐦𑐶𑐮𑑂𑐡 ( b. 𑑑𑑙𑑓𑑒 ) 𑐟𑐾𑐳𑑄 𑐡 𑐥𑑂𑐬𑐶𑐣𑑂𑐳 𑐰 𑐰𑐫𑑂𑐎𑑅𑐫𑐵 𑐩𑐾𑐩𑐾𑐐𑐸 𑐎𑐺𑐟𑐶𑐫𑐵 𑐏𑐞𑑂𑐜𑐫𑑂 𑐳𑐷𑐎-𑐳𑐷𑐎 𑐴𑐾 𑐐𑐸𑐴𑑂𑐫 𑐎𑐠𑐣 𑐟𑐫𑐵𑐟𑑅𑐐𑐸 𑐡𑐸 𑐢𑐎𑐵𑑅 𑐢𑐫𑐵𑐟𑑅𑐐𑐸 𑐡𑐸। 𑐀𑐠𑐾 𑐖𑐸𑐳𑐵𑑄, 𑐩𑑂𑐫𑐵𑐣𑑂𑐳𑐦𑐶𑐮𑑂𑐡𑑄 𑐠𑑂𑐰 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐐𑐩𑑂𑐨𑐷𑐬 𑐏𑑃𑐫𑐵𑐟 𑐣𑑂𑐴𑐶𑐮𑐵-𑐢𑑂𑐫𑐵𑐔𑐹𑐫𑐵 𑐬𑐸𑐥𑐫𑑂 𑐳𑑂𑐰𑑅𑐐𑐸𑐫𑐵 𑐮𑐶𑐔𑑂𑐰𑑅 𑐏 𑐢𑐎𑐵 𑐢𑐵𑑅𑐐𑐸 𑐡𑐸।

𑐩𑐵𑐬𑑂𑐎𑑂𑐳𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟𑐰𑐵𑐡𑐷 𑐊𑐣𑑂𑐚𑑀𑐣𑐶𑐫𑑀 𑐐𑑂𑐬𑐵𑐩𑐳𑐷 (𑑑𑑘𑑙𑑑–𑑑𑑙𑑓𑑗) 𑐣𑑄 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐡𑐬𑑂𑐱𑐎 𑐱𑐵𑐳𑐎 𑐰𑐬𑑂𑐐𑐫𑐵 𑐰𑐶𑐥𑐬𑐷𑐟 𑐁𑐩 𑐖𑐣𑐟𑐵 𑐏, 𑐐𑐸𑐎𑐶𑐫𑐵𑐟 𑐠𑑅𑐐𑐸 𑐱𑐶𑐎𑑂𑐲𑐵𑐫𑐵 𑐩𑐵𑐢𑑂𑐫𑐩𑑄 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐰𑐶𑐢𑐶𑐫𑐵 𑐧𑐵𑐬𑐾𑐫𑑂 𑐣𑑂𑐴𑐵𑐥𑐵 𑐴𑐾 𑐳𑐔𑐾𑐟 𑐫𑐵𑐫𑐾𑐢𑐸𑑄𑐎𑐹𑐐𑐸 𑐟𑐬𑑂𑐎 𑐧𑐶𑐫𑐵𑐡𑐶𑐮।

𑐮𑐶𑐨𑐶𑐫𑐵 𑐏𑑃𑐮𑑂𑐴𑐵𑐧𑐮𑑂𑐴𑐵 (𑐮𑐶𑐨𑐷𑐫𑐵 𑐥𑑂𑐬𑐰𑐔𑐣)

𑐚𑐵𑐂𑐚𑐳 𑐮𑐶𑐨𑐶𑐫𑐳𑐫𑐵 𑐣𑑂𑐴𑐵𑐥𑐵𑑄𑐐𑐸 𑐗𑐶𑐥𑐸 𑐳𑐦𑐹𑐫𑐵 𑐥𑑂𑐬𑐰𑐔𑐣, 𑑑𑑕𑑑𑑗 𑐫𑐵 𑐁𑐳𑐥𑐵𑐳 𑐔𑑂𑐰𑐫𑐵𑐟𑑅𑐐𑐸, 𑐰 𑑑𑑕𑑓𑑑 𑐫𑑂 𑐥𑐶𑐡𑑄𑐐𑐸, 𑐥𑑂𑐬𑐵𑐫𑑅 𑐜𑐶𑐳𑑂𑐎𑑀𑐬𑐳𑐷 𑐖𑐎 𑐣𑐵𑐩𑑄 𑐩𑑂𑐴𑐳𑐷𑐐𑐸 𑐳𑐦𑐹 𑐥𑑂𑐬𑐵𑐬𑐩𑑂𑐨𑐶𑐎 𑐥𑑂𑐬𑐵𑐔𑐷𑐣 𑐬𑑀𑐩𑐫𑐵 𑐱𑐵𑐳𑑂𑐟𑑂𑐬𑐷𑐫 𑐂𑐟𑐶𑐴𑐵𑐳 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐕𑐐𑐹 𑐏𑑃𑐮𑑂𑐴𑐵𑐧𑐮𑑂𑐴𑐵 𑐏। 𑐫𑐡𑑂𑐫𑐥𑐶 𑐠𑑂𑐰 𑐠𑑅𑐐𑐸 𑐰𑐶𑐲𑐫𑑄 𑐟𑐵𑐥𑐵𑐣𑐵 𑐳𑐩𑐎𑐵𑐮𑐷𑐣 𑐬𑐵𑐖𑐣𑐷𑐟𑐶𑐎 𑐡𑐳𑐸𑐟 𑐕𑑂𑐫𑐮𑐵𑐟𑑅𑐐𑐸 𑐏𑐣𑐾𑐡𑐸। 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐠𑐸𑐎𑐶𑐫𑐵𑐟 𑐐𑐞𑐟𑐣𑑂𑐟𑑂𑐬 𑐐𑐠𑐾 𑐫𑐵𑐣𑐵𑑅 𑐣𑑂𑐴𑑂𑐫𑐵𑐎𑐾𑐐𑐸 𑐰 𑐳𑑄𑐬𑐔𑐣𑐵 𑐫𑐵𑐫𑐾𑐐𑐸 𑐢𑐂𑐐𑐸 𑐥𑐵𑐛𑐫𑐵 𑐗𑑂𑐰𑑅 𑐎𑐠𑑄 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐡𑐸 । 𑐠𑑂𑐰 𑐡 𑐥𑑂𑐬𑐶𑐣𑑂𑐳 𑐳𑑂𑐰𑐫𑐵 𑐟𑑅𑐢𑑄𑐐𑐸 𑐎𑐺𑐟𑐶 𑐏, 𑐰 𑐠𑐸𑐎𑐶𑐮𑐶 𑐐𑐞𑐟𑐣𑑂𑐟𑑂𑐬𑐫𑐵 𑐦𑐵𑐂𑐡𑐵𑐫𑐵 𑐧𑐵𑐬𑐾𑐫𑑂 𑐀𑐥𑑂𑐰 𑐏𑐸𑐮𑑂𑐮𑐵 𑐬𑐸𑐥𑑄 𑐰𑑂𑐫𑐵𑐏𑑂𑐫𑐵 𑐫𑐵𑐣𑐵𑐟𑑅𑐐𑐸 𑐡𑐸 𑐢𑐵𑑅𑐳𑐵 𑐠𑐸𑐎𑐶𑐮𑐶 𑐰𑐫𑑂𑐎𑑅𑐫𑐵 𑐩𑐾𑐩𑐾𑐐𑐸 𑐎𑐺𑐟𑐶𑐫𑐵 𑐫𑐎𑑂𑐰 𑐳𑐩𑐵𑐣 𑐰𑐶𑐲𑐫𑐰𑐳𑑂𑐟𑐸 𑐣𑑄 𑐡𑐸। 𑐡𑐳𑐸𑐫𑐵 𑐣𑐶𑑄𑐟𑐶𑑄 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐐𑐞𑐟𑐣𑑂𑐟𑑂𑐬𑐫𑐵𑐟 𑐨𑑂𑐬𑐲𑑂𑐚𑐵𑐔𑐵𑐬𑐥𑐵𑐏𑐾𑑄 𑐥𑐣𑐾𑐟 𑐴𑐶𑑄𑐳𑐵𑐟𑑂𑐩𑐎 𑐩𑐵𑐢𑑂𑐫𑐩 𑐕𑑂𑐫𑐮𑐵 "𑐖𑐸𑐖𑐸 𑐬𑐵𑐖𑑂𑐫"𑐫𑑂 𑐮𑐶𑐟 𑐴𑐫𑐾𑐩𑐵𑑅𑐐𑐸 𑐏𑑃 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐡𑐸 । 𑐰𑐫𑑂𑐎𑐮𑑄 𑐬𑑀𑐩𑐸𑐮𑐳𑐫𑐵𑐟 𑐠𑑅 𑐎𑐶𑐖𑐵 𑐬𑐾𑐩𑐳 𑐰 𑐳𑐴-𑐱𑐵𑐳𑐎 𑐚𑐵𑐂𑐚𑐳 𑐚𑑂𑐫𑐵𑐚𑐶𑐫𑐳𑐫𑐵 𑐴𑐟𑑂𑐫𑐵 𑐫𑐵𑐣𑐵 𑐠𑑅𑐐𑐸 𑐣𑐶𑑄𑐟𑐶𑑄 𑐥𑐹𑐬𑑂𑐞 𑐱𑐎𑑂𑐟𑐶 𑐥𑑂𑐬𑐵𑐥𑑂𑐟 𑐫𑐵𑑅𑐐𑐸𑐮𑐶𑑄 𑐡𑐳𑐶𑑄 𑐧𑐶𑐫𑐵𑐡𑐶𑐮 𑐐𑐸𑐎𑐶𑐮𑐶𑑄 𑐔𑑂𑐰𑐩𑐶𑐫𑐵 𑐎𑐠𑑄 𑐬𑑀𑐩𑐸𑐮𑐳𑑄 "𑐣𑐵𑐐𑐬𑐶𑐎 𑐖𑐷𑐰𑐣𑐫𑐵 𑐰𑐶𑐢𑐶" 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐣𑐶𑐐𑐸 𑐎𑐺𑐟𑐶 𑐠𑑅𑐠𑐰𑐫𑑂 𑐐𑐸𑐮𑐶 𑐳𑐴𑐩𑐟 𑐡𑐸 𑐢𑐂𑐐𑐸 𑐏𑑃𑐫𑑂 𑐚𑐶𑐥𑑂𑐥𑐞𑐷𑐎𑐵𑐬𑐟 𑐀𑐳𑐴𑐩𑐟𑐶 𑐡𑐸, 𑐕𑐵𑐫𑑂 𑐢𑐵𑑅𑐳𑐵 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐐𑐞𑐟𑐣𑑂𑐟𑑂𑐬𑐫𑐵 𑐣𑐾𑐟𑐵𑐟𑐾𑐟 "𑐬𑐵𑐖𑐎𑐸𑐩𑐵𑐬" 𑐢𑐎𑐵𑑅 𑐫𑐎𑑂𑐰 𑐢𑐫𑐵𑐡𑐶𑐮। 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑑄 𑐐𑐧𑐮𑐾𑑄 𑐐𑐧𑐮𑐾𑑄 𑐀𑐟𑑂𑐫𑐵𑐔𑐵𑐬𑐷𑐟𑐫𑑂𑐐𑐸 𑐳𑐮𑑂𑐮𑐵𑐴𑐎𑐵𑐬𑐫𑐵 𑐬𑐸𑐥𑐫𑑂 𑐣𑑄 𑐖𑑂𑐫𑐵 𑐫𑐵𑐣𑐵𑐡𑐶𑐮 । 𑐩𑐾𑐩𑐾𑐥𑐶𑑄 𑐰𑐶𑐡𑑂𑐰𑐵𑐣𑐟𑐾𑐳𑑄 𑐩𑑂𑐫𑐵𑐎𑐶𑐫𑐵𑐨𑐾𑐮𑐷𑐫𑐵 𑐐𑐞𑐟𑐣𑑂𑐟𑑂𑐬𑐫𑐵 𑐨𑐰𑑂𑐫 𑐰 𑐳𑐵𑐩𑑂𑐬𑐵𑐖𑑂𑐫𑐰𑐵𑐡𑐷 𑐰𑐶𑐱𑐾𑐲𑐟𑐵𑐫𑐵𑐟 𑐎𑑂𑐫𑐣𑐵𑐡𑐶𑐮। 𑐀𑐠𑐾 𑐖𑐸𑐳𑐵𑑄 𑐠𑑂𑐰 𑐳𑐦𑐹 𑐁𑐢𑐸𑐣𑐶𑐎 𑐐𑐞𑐟𑐣𑑂𑐟𑑂𑐬𑐰𑐵𑐡𑐫𑐵 𑐎𑐾𑐣𑑂𑐡𑑂𑐬𑐶𑐫 𑐐𑑂𑐬𑐣𑑂𑐠𑐫𑑂 𑐕𑐐𑐹 𑐖𑐸𑐮, 𑐰 𑐥𑑂𑐬𑐵𑐫𑑅 𑐡 𑐥𑑂𑐬𑐶𑐣𑑂𑐳 𑐳𑑂𑐰𑐫𑐵 𑐀𑐥𑑂𑐰 𑐰𑑂𑐫𑐵𑐥𑐎 𑐎𑐺𑐟𑐶 𑐏 𑐢𑐎𑐵𑑅 𑐟𑐬𑑂𑐎 𑐫𑐵𑐣𑐵𑐟𑑅𑐐𑐸 𑐡𑐸।

𑐩𑐾𑐩𑐾𑐐𑐸

𑐰𑐫𑑂‌𑐎𑑅𑐫𑐵𑐟 𑐰𑐫𑑂‌𑐎𑑅𑐫𑐵 𑐳𑐦𑐹 𑐂𑐮𑑂 𑐥𑑂𑐬𑐶𑐣𑑂𑐳𑐶𑐥𑐾 (𑐂𑐟𑐵𑐮𑐶𑐫𑐣 𑐨𑐵𑐳𑐫𑑂 Il Principe)𑐫𑐵 𑐣𑐶𑑄𑐟𑐶𑑄 𑐮𑐸𑐩𑑄𑐎𑐶𑐐𑐸 𑐫𑐵। 𑐰𑐫𑑂‌𑐎𑑅𑐫𑐵 𑐣𑐵𑑄𑐖𑐵𑑅𑐐𑐸 𑐔𑑂𑐰𑐏𑑃𑐟 𑐠𑑂𑐰 𑐎𑐠𑑄 𑐡𑐸-

• 𑐂𑐮𑑂 𑐥𑑂𑐬𑐶𑐣𑑂𑐳𑐶𑐥𑐾
• 𑐡𑐶𑐳𑑂𑐎𑑀𑐬𑑂𑐳𑐶 𑐳𑑀𑐥𑑂𑐬𑐵 𑐮𑐵 𑐥𑑂𑐬𑐶𑐩𑐵 𑐡𑐾𑐎𑐵 𑐡𑐶 𑐟𑐶𑐟𑑀 𑐮𑐶𑐨𑐶𑐫𑑀 (Discorsi sopra la prima deca di Tito Livio)
• 𑐡𑐶𑐳𑑂𑐎𑑀𑐬𑑂𑐳𑑀 𑐳𑑀𑐥𑑂𑐬𑐵 𑐮𑐾 𑐎𑑀𑐳𑐾 𑐡𑐶 𑐥𑐶𑐳𑐵 Discorso sopra le cose di Pisa (1499)
• 𑐡𑐾𑐮𑑂 𑐩𑑀𑐡𑑀 𑐡𑐶 𑐟𑑂𑐬𑐵𑐁𑐬𑐾 𑐂 𑐥𑑀𑐥𑑀𑐮𑐶 𑐡𑐾𑐮𑐵 𑐨𑐵𑐮𑑂𑐡𑐶𑐔𑐶𑐁𑐣𑐵 𑐬𑐶𑐧𑐾𑐮𑐵𑐟𑐶 (Del modo di trattare i popoli della Valdichiana ribellati) (1502)
• Descrizione del modo tenuto dal Duca Valentino nello ammazzare Vitellozzo Vitelli, Oliverotto da Fermo, il Signor Pagolo e il duca di Gravina Orsini (1502)
• Discorso sopra la provisione del danaro (1502) – A discourse about the provision of money.
• Ritratti delle cose di Francia (1510) – Portrait of the affairs of France.
• Ritracto delle cose della Magna (1508–1512) – Portrait of the affairs of Germany.
• Dell'Arte della Guerra (1519–1520) – The Art of War, high military science.
• Discorso sopra il riformare lo stato di Firenze (1520) – A discourse about the reforming of Florence.
• Sommario delle cose della citta di Lucca (1520) – A summary of the affairs of the city of Lucca.
• 𑐮𑐸𑐎𑑂𑐎𑐵𑐫𑐵 Castruccio Castracani𑐫𑐵 𑐖𑐷𑐰𑐣𑐷 (1520) – Vita di Castruccio Castracani da Lucca
• 𑐂𑐳𑑂𑐟𑑀𑐬𑐶𑐫𑐵 𑐦𑑂𑐮𑑀𑐬𑐾𑐣𑑂𑐟𑐶𑐣𑑂 Istorie Florentine (1520–1525) – 𑐦𑑂𑐮𑑀𑐬𑐾𑐣𑑂𑐳𑐫𑐵 𑐂𑐟𑐶𑐴𑐵𑐳, 𑐦𑑂𑐮𑑀𑐬𑐾𑐣𑑂𑐳 𑐣𑐐𑐬𑐫𑐵 𑑘𑐐𑐸 𑐏𑐞𑑂𑐜𑐫𑐵 𑐂𑐟𑐶𑐴𑐵𑐳 𑐳𑐦𑐹