Jump to content

छ्येलेमि:Eukesh/Auto/NepalScript/निकारागुआ

विकिपिडिया नं

देवनागरीइ ब्वनेत: निकारागुआ तियादिसँ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐣𑐶𑐎𑐵𑐬𑐵𑐐𑐸𑐁, [lower-alpha १] 𑐁𑐢𑐶𑐎𑐵𑐬𑐶𑐎 𑐬𑐸𑐥𑐫𑑂 𑐐𑐞𑐬𑐵𑐖𑑂𑐫 𑐣𑐶𑐎𑐵𑐬𑐵𑐐𑐸𑐁, 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐨𑑁𑐐𑑀𑐮𑐶𑐎 𑐬𑐸𑐥𑑄 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐡𑐾𑐫𑑂 𑐏 𑐐𑐸𑐎𑐶𑐮𑐶 130,370 km2 (50,340 sq mi) 𑐡𑐸। । 𑐳𑐣𑑂 𑑒𑑐𑑒𑑔 𑐟𑐎𑑂𑐎 𑑗,𑑑𑑔𑑒,𑑕𑑒𑑙 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐠𑑂𑐰 𑐡𑐾𑐫𑑂 𑐐𑑂𑐰𑐵𑐚𑐾𑐩𑐵𑐮𑐵 𑐰 𑐴𑑀𑐣𑑂𑐜𑐸𑐬𑐳 𑐢𑐸𑑄𑐎𑐵 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑂𑐰𑑄𑐐𑐸𑐐𑐸 𑐡𑐎𑐮𑐫𑑂 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐡𑐾𑐫𑑂 𑐏। [१]

𑐣𑐶𑐎𑐵𑐬𑐵𑐐𑐸𑐁𑐫𑐵 𑐄𑐟𑑂𑐟𑐬𑐫𑑂 𑐴𑑀𑐣𑑂𑐜𑐸𑐬𑐳, 𑐥𑐹𑐬𑑂𑐰𑐫𑑂 𑐎𑑂𑐫𑐵𑐬𑐶𑐧𑐶𑐫𑐣 𑐳𑐵𑐐𑐬, 𑐡𑐎𑑂𑐲𑐶𑐞𑐫𑑂 𑐎𑑀𑐳𑑂𑐚𑐵𑐬𑐶𑐎𑐵 𑐰 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬 𑐮𑐵 𑐰 𑐥𑐱𑑂𑐔𑐶𑐩𑐫𑑂 𑐊𑐮 𑐳𑐵𑐮𑑂𑐨𑐵𑐜𑑀𑐬 𑐰 𑐥𑐹𑐬𑑂𑐰𑐫𑑂 𑐎𑑀𑐮𑐩𑑂𑐧𑐶𑐫𑐵 𑐣𑐵𑐥 𑐳𑐩𑐸𑐡𑑂𑐬𑐷 𑐳𑐷𑐩𑐵 𑐡𑐸। 𑐠𑑂𑐰 𑐡𑐾𑐫𑑂 𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐣𑐐𑐬 𑐰 𑐬𑐵𑐲𑑂𑐚𑑂𑐬𑐶𑐫 𑐬𑐵𑐖𑐢𑐵𑐣𑐷 𑐩𑐵𑐣𑐵𑐐𑐸𑐁 𑐏, 𑐠𑑂𑐰 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐥𑑂𑐫𑑄𑐐𑐹𑐐𑐸 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐣𑐐𑐬 𑐏, 𑐐𑐸𑐎𑐶𑐫𑐵 𑐖𑐣𑐳𑑄𑐏𑑂𑐫𑐵 𑑒𑑐𑑒𑑐𑐳 𑑑,𑑐𑑕𑑕,𑑒𑑔𑑗 𑐡𑐸। 𑐣𑐶𑐎𑐵𑐬𑐵𑐐𑐸𑐁𑐫𑐵𑐟 "𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐧𑑂𑐬𑐾𑐜𑐧𑐵𑐳𑑂𑐎𑐾𑐚"𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 𑐫𑐵 𑐕𑐵𑐫𑑂 𑐢𑐵𑑅𑐳𑐵 𑐡𑐎𑑂𑐰𑑄 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐄𑐧𑑂𑐖𑐵𑐄 𑐧𑐸𑑃 𑐰 𑐧𑐸𑑃𑐖𑑂𑐫𑐵 𑐫𑐵𑐫𑐾𑐧𑐴𑑅𑐐𑐸 𑐧𑐸𑑃 𑐠𑐣 𑐡𑐸। [२] [३] 𑐣𑐶𑐎𑐵𑐬𑐵𑐐𑐸𑐁𑐫𑐵 𑐧𑐴𑐸𑐖𑐵𑐟𑐷𑐫 𑐖𑐣𑐳𑑄𑐏𑑂𑐫𑐵𑐫𑑂 𑐩𑐾𑐳𑑂𑐟𑐶𑐖𑑀, 𑐁𑐡𑐶𑐰𑐵𑐳𑐷, 𑐫𑐸𑐬𑑀𑐥𑐾𑐮𑐷 𑐰 𑐀𑐦𑑂𑐬𑐶𑐎𑐷 𑐳𑐩𑑂𑐥𑐡𑐵 𑐡𑐸𑐥𑐶𑑄 𑐩𑐣𑐸𑐟 𑐡𑐸। 𑐠𑑂𑐰 𑐡𑐾𑐫𑑂 𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐮𑑂𑐴𑐵𑐂𑐐𑐸 𑐨𑐵𑐫𑑂 𑐳𑑂𑐥𑐾𑐣𑐶𑐱 𑐏, 𑐫𑐡𑑂𑐫𑐥𑐶 𑐩𑐳𑑂𑐎𑐶𑐟𑑀 𑐟𑐚𑐫𑐵 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐟𑐾𑐳𑑄 𑐠𑑅𑐐𑐸 𑐴𑐾 𑐨𑐵𑐫𑑂 𑐰 𑐀𑑄𑐐𑑂𑐬𑐾𑐖𑐷 𑐮𑑂𑐴𑐵𑐂। 𑐳𑐵𑑄𑐳𑑂𑐎𑐺𑐟𑐶𑐎 𑐥𑐬𑐩𑑂𑐥𑐬𑐵𑐫𑐵 𑐩𑐶𑐱𑑂𑐬𑐞𑑄 𑐮𑑀𑐎𑐎𑐠𑐵, 𑐣𑐳𑐵𑐖𑑂𑐰𑐮𑑄, 𑐳𑑄𑐐𑐷𑐟, 𑐰 𑐳𑐵𑐴𑐶𑐟𑑂𑐫𑐫𑑂 𑐥𑐬𑑂𑐫𑐵𑐥𑑂𑐟 𑐰𑐶𑐰𑐶𑐢𑐟𑐵 𑐄𑐟𑑂𑐥𑐣𑑂𑐣 𑐫𑐵𑑅𑐐𑐸 𑐡𑐸, 𑐐𑐸𑐎𑐶𑐮𑐶 𑐣𑐶𑐎𑐵𑐬𑐵𑐐𑐸𑐁𑐫𑐵 𑐔𑐶𑐣𑐵𑐏𑑃𑐩𑐶 𑐰 𑐔𑑂𑐰𑐩𑐶𑐟𑐾𑐐𑐸 𑐣𑑄 𑐫𑐎𑑂𑐰 𑐫𑑀𑐐𑐡𑐵𑐣 𑐡𑐸।

𑐩𑐹𑐮 𑐬𑐸𑐥𑑄 𑐥𑑂𑐬𑐵𑐔𑐷𑐣 𑐎𑐵𑐮𑑄 𑐣𑐶𑐳𑐾𑑄 𑐠𑐷-𑐠𑐷 𑐁𑐡𑐶𑐰𑐵𑐳𑐷 𑐟𑐖𑐶𑐮𑐖𑐶𑐟𑐾𑐐𑐸 𑐧𑐳𑑀𑐧𑐵𑐳 𑐡𑐹𑐐𑐸 𑐠𑑂𑐰 𑐎𑑂𑐲𑐾𑐟𑑂𑐬 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂 𑐳𑑂𑐥𑐾𑐣𑐶𑐱 𑐳𑐵𑐩𑑂𑐬𑐵𑐖𑑂𑐫𑑄 𑐠𑑅𑐐𑐸 𑐀𑐢𑐷𑐣𑐫𑑂 𑐮𑐵𑐎𑐮। 𑐳𑐣𑑂 𑑑𑑘𑑒𑑑𑐳 𑐣𑐶𑐎𑐵𑐬𑐵𑐐𑐸𑐁𑑄 𑐳𑑂𑐥𑐾𑐣𑑄 𑐳𑑂𑐰𑐟𑐣𑑂𑐟𑑂𑐬𑐟𑐵 𑐥𑑂𑐬𑐵𑐥𑑂𑐟 𑐫𑐵𑐟। 𑐩𑐳𑑂𑐎𑐶𑐟𑑀 𑐎𑑀𑐳𑑂𑐟 𑐢𑐵𑑅𑐳𑐵 𑐧𑐶𑐳𑑂𑐎𑑄 𑐋𑐟𑐶𑐴𑐵𑐳𑐶𑐎 𑐮𑑃𑐥𑐸𑐂 𑐰𑐣, 𑑑𑑗𑐐𑐸 𑐱𑐟𑐵𑐧𑑂𑐡𑐷𑐂 𑐀𑑄𑐐𑑂𑐬𑐾𑐖𑐟𑐾𑐳𑑄 𑐄𑐥𑐣𑐶𑐰𑐾𑐱 𑐡𑐫𑐾𑐎𑐮 𑐰 𑐮𑐶𑐥𑐵 𑐧𑐾𑐮𑐵𑐫𑐟𑐷 𑐱𑐵𑐳𑐣𑐫𑑂 𑐰𑐮। 𑐠𑑂𑐰 𑐨𑐹𑐨𑐵𑐐 𑐳𑐣𑑂 𑑑𑑘𑑖𑑐𑐳 𑐣𑐶𑐎𑐵𑐬𑐵𑐐𑐸𑐁𑐫𑐵 𑐳𑑂𑐰𑐵𑐫𑐟𑑂𑐟 𑐨𑐹𑐨𑐵𑐐 𑐖𑐸𑐮 𑐰 𑐳𑐣𑑂 𑑑𑑙𑑖𑑐𑐳 𑐠𑐸𑐎𑐶𑐫𑐵 𑐄𑐟𑑂𑐟𑐬𑐷 𑐨𑐵𑐐 𑐴𑑀𑐣𑑂𑐜𑐸𑐬𑐳𑐫𑑂 𑐳𑑂𑐠𑐵𑐣𑐵𑐣𑑂𑐟𑐬𑐞 𑐖𑐸𑐮। 𑐳𑑂𑐰𑐟𑐣𑑂𑐟𑑂𑐬𑐟𑐵 𑐥𑑂𑐬𑐵𑐥𑑂𑐟 𑐖𑐸𑐂𑐢𑐸𑑄𑐎𑐵 𑐣𑐶𑐎𑐵𑐬𑐵𑐐𑐸𑐁𑐫𑑂 𑐬𑐵𑐖𑐣𑐷𑐟𑐶𑐎 𑐀𑐱𑐵𑐣𑑂𑐟𑐶, 𑐟𑐵𑐣𑐵𑐱𑐵𑐴, 𑐀𑐩𑐾𑐬𑐶𑐎𑐷 𑐎𑐧𑑂𑐖𑐵 𑐰 𑐰𑐶𑐟𑑂𑐟𑐷𑐫 𑐳𑑄𑐎𑐚𑐫𑐵 𑐃 𑐣𑐵𑐥𑑄 𑐳𑐣𑑂 𑑑𑑙𑑖𑑐 𑐰 𑑑𑑙𑑗𑑐𑐫𑐵 𑐡𑐱𑐎𑐫𑐵 𑐣𑐶𑐎𑐵𑐬𑐵𑐐𑐸𑐁 𑐎𑑂𑐬𑐵𑐣𑑂𑐟𑐶 𑐰 𑐳𑐣𑑂 𑑑𑑙𑑘𑑐𑐫𑐵 𑐡𑐱𑐎𑐫𑐵 𑐎𑐣𑑂𑐟𑑂𑐬𑐵 𑐫𑐸𑐡𑑂𑐢𑐫𑐵 𑐃 𑐣𑑄 𑐰𑑅𑐐𑐸 𑐡𑐸।

𑐣𑐵𑐩𑐩𑐵𑐟𑑂𑐬𑐫𑐵 𑐬𑐸𑐥𑐫𑑂 𑐊𑐎𑐵𑐟𑑂𑐩𑐎 𑐬𑐵𑐲𑑂𑐚𑑂𑐬𑐥𑐟𑐶 𑐐𑐞𑐬𑐵𑐖𑑂𑐫 𑐖𑐹𑐳𑐵𑑄 𑐣𑐶𑐎𑐵𑐬𑐵𑐐𑐸𑐁𑐫𑑂 𑐳𑐣𑑂 𑑒𑑐𑑐𑑗 𑐣𑐶𑐳𑐾𑑄 𑐡𑐾𑐣𑐶𑐫𑐮 𑐌𑐬𑑂𑐟𑐾𑐐𑐵𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐄𑐮𑑂𑐮𑐾𑐏𑐣𑐷𑐫 𑐮𑑀𑐎𑐟𑐵𑐣𑑂𑐟𑑂𑐬𑐶𑐎 𑐳𑑂𑐏𑐮𑐣 𑐖𑐹𑐐𑐸 𑐡𑐸, 𑐐𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐳𑐣𑑂 𑑒𑑐𑑑𑑘 𑐫𑑂 𑐟𑑅𑐢𑑄𑐐𑐸 𑐰𑐶𑐬𑑀𑐢 𑐥𑑂𑐬𑐡𑐬𑑂𑐱𑐣 𑐖𑐸𑐮 𑐰 𑐮𑐶𑐥𑐵 𑐠𑐸𑐎𑐶𑐫𑐵 𑐡𑐩𑐣 𑐖𑐸𑐮। 𑑒𑑐𑑒𑑑 𑐫𑐵 𑐔𑐸𑐣𑐵𑐰 𑐮𑐶𑐥𑐵 𑐠𑐣𑐫𑐵 𑐳𑐬𑐎𑐵𑐬𑐫𑐵𑐟 𑐰𑑂𑐫𑐵𑐥𑐎 𑐬𑐸𑐥𑑄 𑐣𑐶𑐬𑑄𑐎𑐸𑐱 𑐟𑐵𑐣𑐵𑐱𑐵𑐴𑐷𑐫𑐵 𑐬𑐸𑐥𑐫𑑂 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐡𑐸 । 𑐠𑑂𑐰 𑐕𑐐𑐹 𑐰𑐶𑐎𑐵𑐳𑐱𑐷𑐮 𑐡𑐾𑐫𑑂 𑐏 𑐰 𑐮𑑂𑐫𑐵𑐚𑐶𑐣 𑐀𑐩𑐾𑐬𑐶𑐎𑐷 𑐰 𑐎𑑂𑐫𑐵𑐬𑐶𑐧𑐶𑐫𑐣 𑐡𑐾𑐳𑐫𑑂 𑐣𑐶𑐐𑐸𑐐𑐸 𑐡𑐎𑐮𑐫𑑂 𑐩𑑂𑐴𑑀 𑐥𑑂𑐬𑐟𑐶𑐰𑑂𑐫𑐎𑑂𑐟𑐶 𑐳𑐎𑐮 𑐑𑐬𑐾𑐮𑐸 𑐄𑐟𑑂𑐥𑐵𑐡𑐣 (𑐣𑑀𑐩𑐶𑐣𑐮) 𑐰 𑐥𑑂𑐫𑑄𑐐𑐹𑐐𑐸 𑐡𑐎𑐮𑐫𑑂 𑐩𑑂𑐴𑑀 𑐥𑑂𑐬𑐟𑐶𑐰𑑂𑐫𑐎𑑂𑐟𑐶 𑐳𑐎𑐮 𑐑𑐬𑐾𑐮𑐸 𑐄𑐟𑑂𑐥𑐵𑐡𑐣 (𑐥𑐷𑐥𑐷𑐥𑐷) 𑐡𑐹𑐐𑐸 𑐡𑐾𑐫𑑂 𑐏। 𑐳𑐣𑑂 𑑒𑑐𑑒𑑔 𑐫𑑂 𑐨𑑂𑐬𑐲𑑂𑐚𑐵𑐔𑐵𑐬 𑐢𑐵𑐬𑐞𑐵 𑐳𑐹𑐔𑐎𑐵𑑄𑐎𑑄 𑐣𑐶𑐎𑐵𑐬𑐵𑐐𑐸𑐁 𑐮𑑂𑐫𑐵𑐚𑐶𑐣 𑐀𑐩𑐾𑐬𑐶𑐎𑐵𑐫𑐵 𑐣𑐶𑐐𑐹𑐐𑐸 𑐡𑐎𑐮𑐫𑑂 𑐨𑑂𑐬𑐲𑑂𑐚 𑐡𑐾𑐫𑑂 𑐎𑐠𑑄 𑐳𑑂𑐠𑐵𑐣𑐫𑑂 𑐮𑐵𑑅𑐐𑐸 𑐡𑐸 ( 𑐨𑐾𑐣𑐾𑐖𑐸𑐫𑐮𑐵 𑐢𑐸𑑄𑐎𑐵𑑅)।

"𑐥𑐸𑐏𑐸 𑐰 𑐖𑑂𑐰𑐵𑐮𑐵𑐩𑐸𑐏𑐷𑐫𑐵 𑐨𑐹𑐩𑐶"𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 [४] [५] 𑐣𑐶𑐎𑐵𑐬𑐵𑐐𑐸𑐁𑐫𑑂 𑐀𑐩𑐾𑐬𑐶𑐎𑐵𑐫𑐵 𑐣𑐶𑐐𑐸𑐐𑐸 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐰𑐬𑑂𑐲𑐵 𑐰𑐣 𑐧𑑀𑐳𑐵𑐰𑐵𑐳 𑐧𑐵𑐫𑑀𑐳𑑂𑐦𑐷𑐫𑐬 𑐬𑐶𑐖𑐬𑑂𑐨 𑐣𑑄 𑐡𑐸। [६] 𑐖𑐿𑐰𑐶𑐎 𑐰𑐶𑐰𑐶𑐢𑐟𑐵, 𑐮𑐸𑐩𑐸𑐐𑐸 𑐄𑐲𑑂𑐞𑐎𑐚𑐶𑐧𑑄𑐢𑐷𑐫 𑐖𑐮𑐰𑐵𑐫𑐸 𑐰 𑐳𑐎𑑂𑐬𑐶𑐫 𑐖𑑂𑐰𑐵𑐮𑐵𑐩𑐸𑐏𑐷𑑄 𑐣𑐶𑐎𑐵𑐬𑐵𑐐𑐸𑐁𑐫𑐵𑐟 𑐀𑐥𑑂𑐰𑐫𑐵𑐔𑑂𑐰𑑄𑐐𑐸 𑐮𑑀𑐎𑑄𑐴𑑂𑐰𑐵𑑅𑐐𑐸 𑐥𑐬𑑂𑐫𑐚𑐎 𑐐𑐣𑑂𑐟𑐰𑑂𑐫 𑐡𑐫𑐾𑐎𑐵 𑐧𑑂𑐫𑐸𑐐𑐸 𑐡𑐸 । [७] [८] 𑐣𑐶𑐎𑐵𑐬𑐵𑐐𑐸𑐁 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑐫𑐵 𑐳𑑄𑐳𑑂𑐠𑐵𑐥𑐎 𑐳𑐡𑐳𑑂𑐫 𑐏 [९] 𑐰 𑐐𑐿𑐬-𑐳𑑄𑐮𑐐𑑂𑐣 𑐁𑐣𑑂𑐡𑑀𑐮𑐣, [१०] 𑐧𑑀𑐮𑐶𑐨𑐾𑐬𑐶𑐫𑐣 𑐊𑐮𑐵𑐫𑐣𑑂𑐳 𑐦𑐬 𑐡 𑐥𑐶𑐥𑐮𑑂𑐳 𑐀𑐦 𑐁𑐰𑐬 𑐀𑐩𑐾𑐬𑐶𑐎𑐵, [११] 𑐰 𑐎𑐩𑑂𑐫𑐸𑐣𑐶𑐚𑐷 𑐀𑐦 𑐮𑑂𑐫𑐵𑐚𑐶𑐣 𑐀𑐩𑐾𑐬𑐶𑐎𑐣 𑐰 𑐎𑑂𑐫𑐵𑐬𑐶𑐧𑐶𑐫𑐣 𑐳𑑂𑐚𑐾𑐚𑑂𑐳𑐫𑐵 𑐣𑑄 𑐳𑐡𑐳𑑂𑐫 𑐏। [१२]

𑐰𑑂𑐫𑐸𑐟𑑂𑐥𑐟𑑂𑐟𑐶

[सम्पादन]

thumb| 𑐣𑐶𑐎𑐵𑐣𑐵𑐴𑐸𑐁𑐎𑐫𑐵 𑐳𑑂𑐠𑐶𑐟𑐶: 𑐠𑑂𑐰 𑐣𑐵𑑄 𑐥𑐱𑑂𑐔𑐶𑐩𑐷 𑐣𑐶𑐎𑐵𑐬𑐵𑐐𑐸𑐁 𑐰 𑐄𑐟𑑂𑐟𑐬𑐥𑐱𑑂𑐔𑐶𑐩𑐷 𑐎𑑀𑐳𑑂𑐚𑐵𑐬𑐶𑐎𑐵𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐎𑑂𑐲𑐾𑐟𑑂𑐬𑐫𑑂 𑐔𑑂𑐰𑐣𑐶𑐥𑐶𑑄 𑐣𑐵𑐴𑐸𑐁 𑐁𑐡𑐶𑐰𑐵𑐳𑐷𑐟𑐾𑐳𑑄 𑐧𑑂𑐫𑐹𑐐𑐸 𑐣𑐵𑑄 𑐏। 𑐣𑑂𑐴𑐵𑐥𑐵 𑐣𑐶𑐎𑐵𑐬𑐵𑐐𑐸𑐁 𑐣𑐵𑑄 𑐳𑑂𑐥𑐾𑐣𑐶𑐱 𑐄𑐥𑐣𑐶𑐰𑐾𑐱𑐰𑐵𑐡𑐷𑐟𑐫𑐾𑐳𑑄 𑐣𑐶𑐎𑐵𑐬𑐵𑐌 𑐣𑐵𑑄𑐫𑐵 𑐩𑐣𑐹𑐫𑐵 𑐁𑐢𑐵𑐬𑐫𑑂 𑐟𑑅𑐐𑐸 𑐰𑐶𑐱𑑂𑐰𑐵𑐳 𑐫𑐵𑐣𑐵𑐟𑑅𑐐𑐸 𑐏। [१३] 𑐣𑐶𑐎𑐵𑐬𑐵𑐌 𑐳𑑂𑐥𑐾𑐣𑐶𑐱 𑐰𑐶𑐖𑐾𑐟𑐵 𑐐𑐶𑐮 𑐐𑑀𑐣𑑂𑐖𑐵𑐮𑐾𑐖 𑐡𑐵𑐨𑐶𑐮𑐵𑑄 𑐡𑐎𑑂𑐲𑐶𑐞𑐥𑐱𑑂𑐔𑐶𑐩𑐷 𑐣𑐶𑐎𑐵𑐬𑐵𑐐𑐸𑐁𑐫𑑂 𑐥𑑂𑐬𑐰𑐾𑐱𑐫𑐵 𑐗𑑂𑐰𑐮𑐫𑑂 𑐣𑐵𑐥𑐮𑐵𑐩𑑂𑐴 𑐕𑐩𑑂𑐴 𑐱𑐎𑑂𑐟𑐶𑐱𑐵𑐮𑐷 𑐣𑐵𑐴𑐸𑐁 𑐖𑐣𑐖𑐵𑐟𑐶𑐫𑐵 𑐎𑑂𑐫𑐵𑐳𑐶𑐎 𑐏। 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟𑑄 𑐣𑐶𑐎𑐵𑐬𑐵𑐐𑐸𑐁𑐫𑐵 𑐰𑑂𑐫𑐸𑐟𑑂𑐥𑐟𑑂𑐟𑐶 𑐣𑐶𑐎𑐵𑐬𑐵𑐌 𑐰 agua (𑐳𑑂𑐥𑐾𑐣𑐶𑐱 𑐨𑐵𑐳𑑄 '𑐮𑑅') 𑐳𑑂𑐰𑐵𑐣𑐵 𑐡𑐫𑐾𑐎𑐹𑐐𑐸 𑐏𑑅 𑐢𑐎𑐵𑑅 𑐰𑐶𑐱𑑂𑐰𑐵𑐳 𑐖𑐸𑐫𑐵 𑐔𑑂𑐰𑐣। 𑐁𑐐𑑂𑐰𑐵 𑐰𑐵 𑐮 𑐏𑑃𑐐𑑂𑐰𑑅 𑐢𑐵𑑅𑐳𑐵 𑐠𑑂𑐰 𑐠𑐵𑐳𑐫𑑂 𑐡𑐹𑐐𑐸 𑐣𑐶𑐐𑐸 𑐟𑑅𑐢𑑄𑐐𑐸 𑐥𑐸𑐏𑐸𑐫𑐵𑐟 𑐳𑑄𑐎𑐾𑐟 𑐫𑐵𑐂: 𑐣𑐶𑐎𑐵𑐬𑐵𑐐𑐸𑐁 𑐥𑐸𑐏𑐸 𑐰 𑐩𑐵𑐣𑐵𑐐𑐸𑐁 𑐥𑐸𑐏𑐸 । 𑐠𑑂𑐰 𑐡𑐾𑐫𑑂 𑐡𑐸𑐣𑐾 𑐩𑐾𑐩𑐾𑐐𑐸 𑐫𑐎𑑂𑐰 𑐮𑑅𑐫𑐵 𑐳𑑂𑐬𑑀𑐟 𑐣𑑄 𑐡𑐸, 𑐐𑐠𑐾𑐎𑐶 𑐬𑐶𑐫𑑀 𑐎𑑀𑐎𑑀 𑐰 𑐳𑐵𑐣 𑐖𑐸𑐁𑐣 𑐏𑐸𑐳𑐶 । [१४]

𑐀𑐠𑐾 𑐖𑐸𑐳𑐵𑑄 𑐠𑑂𑐰 𑐰𑑂𑐫𑐸𑐟𑑂𑐥𑐟𑑂𑐟𑐶𑐫𑐵𑐟 𑐀𑐥𑑂𑐰 𑐂𑐟𑐶𑐴𑐵𑐳𑐎𑐵𑐬𑐟𑐫𑐾𑐳𑑄 𑐥𑐵𑐫𑑂𑐕𑐶 𑐩𑐖𑐹𑐐𑐸 𑐩𑐵𑐣𑐾𑐫𑐵𑐂 𑐕𑐵𑐫𑑂 𑐢𑐵𑑅𑐳𑐵 𑐳𑐣𑑂 𑑒𑑐𑑐𑑒𑐂 𑐠𑑂𑐰 𑐏𑑃 𑐮𑐸𑐂𑐎𑐮 𑐎𑐶 𑐎𑑂𑐫𑐵𑐳𑐶𑐎𑐫𑐵 𑐰𑐵𑐳𑑂𑐟𑐰𑐶𑐎 𑐣𑐵𑑄 𑐣𑐶𑐎𑐵𑐬𑐵𑐌 𑐩𑐏𑐸 𑐩𑐵𑐎𑐸𑐂𑐮𑑂𑐩𑐶𑐎𑑂𑐰𑐶𑐖𑑂𑐟𑑂𑐮𑐶 𑐏। [१५] [१६] 𑐠𑑂𑐰 𑐣𑐵𑐥𑑄, 𑐥𑐱𑑂𑐔𑐶𑐩𑐷 𑐣𑐶𑐎𑐵𑐬𑐵𑐐𑐸𑐁𑐫𑐵𑐟 𑐁𑐡𑐶𑐰𑐵𑐳𑐷 𑐣𑐶𑐎𑐵𑐬𑐵𑐌𑐟𑐾𑐳𑑄 𑐣𑐶𑐎𑐵𑐣𑐵𑐴𑐸𑐁𑐎𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵, 𑐐𑐸𑐎𑐶𑐫𑐵𑐟 𑐁𑑅 𑐀𑐥𑑂𑐰 𑐂𑐟𑐶𑐴𑐵𑐳𑐎𑐵𑐬𑐟𑐾𑐳𑑄 "𑐣𑐶𑐎𑐵𑐬𑐵𑐐𑐸𑐁"𑐫𑐵 𑐰𑐵𑐳𑑂𑐟𑐰𑐶𑐎 𑐰𑑂𑐫𑐸𑐟𑑂𑐥𑐟𑑂𑐟𑐶 𑐏 𑐢𑐎𑐵 𑐰𑐶𑐱𑑂𑐰𑐵𑐳 𑐫𑐵𑐂। 𑐠𑐸𑐎𑐶𑐫𑐵 𑐀𑐬𑑂𑐠 𑐣𑐵𑐴𑐸𑐁𑐟𑐮 𑐨𑐵𑐳𑐫𑑂 "𑐠𑐣 𑐀𑐣𑐵𑐴𑐸𑐁𑐎 𑐡𑐸" 𑐏। 𑐠𑑂𑐰 𑐏𑑃𑐐𑑂𑐰𑑅 "𑐣𑐶𑐎𑐣" (𑐠𑐣), [१७] 𑐰 " Ānāhuac " 𑐏𑑃𑐐𑑂𑐰𑑅𑐫𑐵 𑐳𑑄𑐫𑑀𑐖𑐣 𑐏, 𑐐𑐸𑐎𑐶𑐮𑐶𑑄 𑐮𑐶𑐥𑐵 "atl" (𑐮𑑅) 𑐰 "𑐣𑐵𑐴𑐸𑐁𑐎" 𑐏𑑃𑐐𑑂𑐰𑑅𑐫𑐵 𑐳𑑄𑐫𑑀𑐖𑐣 𑐡𑐸। 𑐣𑐵𑐴𑐸𑐁𑐎𑐫𑐵 𑐀𑐬𑑂𑐠 "𑐑𑐾𑐬𑐾 𑐫𑐵𑐣𑐵𑐟𑑅𑐐𑐸" 𑐏। 𑐀𑐟𑑅 𑐣𑐶𑐎𑐵𑐣𑐵𑐴𑐸𑐁𑐎𑐫𑐵 𑐱𑐵𑐧𑑂𑐡𑐶𑐎 𑐀𑐣𑐸𑐰𑐵𑐡 "𑐠𑐣 𑐮𑑅𑐫𑐵 𑐑𑐾𑐬𑐵𑐫𑑂 𑐮𑐵𑑅𑐐𑐸" 𑐏, 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟 𑐎𑐠𑑄 𑐰𑑂𑐫𑐸𑐟𑑂𑐥𑐟𑑂𑐟𑐶𑑄 𑐡𑐾𑐫𑑂 𑐰 𑐡𑐾𑐫𑑂 𑐖𑑅𑐏𑑅𑐫𑐵 𑐮𑑅𑐫𑐵 𑐟𑑅𑐢𑑄𑐐𑐸 𑐣𑐶𑐎𑐵𑐫, 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬, 𑐣𑐶𑐎𑐵𑐬𑐵𑐐𑐸𑐁 𑐰 𑐎𑑂𑐳𑑀𑐮𑑀𑐚𑐮𑐵𑐣 𑐥𑐸𑐏𑐸, 𑐰 𑐏𑐸𑐳𑐶 𑐰 𑐮𑐵𑐐𑐸𑐣𑐫𑐵𑐟 𑐳𑑄𑐎𑐾𑐟 𑐫𑐵𑐂। [१८] [१९] [२०] [२१] [२२] [२३] [२४]

𑐡𑐾𑐫𑑂 𑐫𑐵 𑐣𑐵𑑄𑐫𑐵 𑐏𑑃𑐫𑑂 𑐟𑑃𑐳𑐵 𑐳𑐶𑐡𑑂𑐢𑐵𑐣𑑂𑐟 𑐎𑑂𑐰𑐫𑑂 𑐧𑐶𑐫𑐵𑐟𑑅𑐐𑐸 𑐐𑐸𑐐𑐸𑑄 𑐣𑑄 𑐣𑐵𑐴𑐸𑐁𑐟𑐮 𑐏𑑃𑐐𑑂𑐰𑑅𑐥𑐵𑐏𑐾𑑄 𑐰𑑅𑐐𑐸 𑐡𑐸 : nican-nahua, 𑐐𑐸𑐎𑐶𑐫𑐵 𑐀𑐬𑑂𑐠 "𑐠𑐣 𑐣𑐵𑐴𑐸𑐁𑐟 𑐡𑐸"; 𑐰 nic-atl-nahuac, 𑐣𑐶𑐎𑐵𑐣𑐵𑐴𑐸𑐁𑐎𑐫𑐵 𑐟𑐵𑑅𑐴𑐵𑐎𑑅𑐐𑐸 𑐬𑐸𑐥 𑐐𑐸𑐎𑐶𑐫𑐵 𑐀𑐬𑑂𑐠 "𑐠𑐣 𑐮𑑅𑐫𑐵 𑐮𑐶𑐎𑑂𑐎" 𑐰𑐵 "𑐮𑑅𑐫𑐵 𑐑𑐾𑐬𑐵𑐫𑑂 𑐮𑐵𑑅𑐐𑐸" 𑐏। [२०] [१३] [१४] [२५] [२६]

𑐮𑐶𑐢𑑄𑐳𑐵

[सम्पादन]
  1. ↑ Nicaragua Population 1950-2024.
  2. ↑ Yara expands presence in Central America (23 February 2018).
  3. ↑ Nicaragua's Great Leap Forward (8 May 2008).
  4. ↑ "Sense of wonder: Discover the turbulent past of Central America", 15 October 2017.
  5. ↑ "Traveller's Guide: Nicaragua", 10 April 2010.
  6. ↑ 12 largest rainforests in the world and where to find them (16 February 2019).
  7. ↑ "The Rediscovery of Nicaragua", 17 December 2006.
  8. ↑ Nicaragua: The next Costa Rica? (22 April 2009).
  9. ↑ Research Guides: UN Membership: Founding Members.
  10. ↑ (1985) "Nicaraguan Relations with the Nonaligned Movement". 
  11. ↑ A Guide to ALBA.
  12. ↑ CELAC | CELAC INTERNATIONAL (16 February 2018).
  13. 1 2 "¿Por qué los países de América Latina se llaman como se llaman?", Ideal, 29 July 2015. (in es) Cite error: Invalid <ref> tag; name "Ideal" defined multiple times with different content
  14. 1 2 "El origen de "Nicarao-agua": la Traición y la Paz", El Pueblo Presidente, 16 October 2016. (in es) Cite error: Invalid <ref> tag; name "Pueblo" defined multiple times with different content
  15. ↑ "De Macuilmiquiztli al Güegüence pasando por Fernando Silva", El 19, 3 October 2016. (in es)
  16. ↑ "Macuilmiquiztli", El Nuevo Diario, 15 March 2003. (in es)
  17. ↑ Nahuatl Dictionary: Nican.
  18. ↑ Origin of the names of the Latin American countries (8 February 2017).
  19. ↑ The curious story of the origin of the names of Latin American countries (16 February 2022).
  20. 1 2 Nicaragua (4 November 2024). Cite error: Invalid <ref> tag; name "cclec.org" defined multiple times with different content
  21. ↑ Nahuatl Dictionary.
  22. ↑ Etymology of Nicaragua.
  23. ↑ Nicaraguan place names.
  24. ↑ From Brazil to Bolivia and Costa Rica: Explanations about Latin American country names. Telegrafi (31 May 2018).
  25. ↑ Choque de lenguas o el mestizaje de nuestro idioma (es). La Prensa (18 September 2010).
  26. ↑ "La raíz nahuatl de nuestro lenguaje", El Nuevo Diario, 10 August 2004. (in es)

𑐥𑐸𑐔𑑅:𑐡𑐾𑐫𑑂‌‌

  1. ↑ /ˌnɪkəˈrɑːɡwə{{{2}}}-ˈræɡ-{{{2}}}-ɡj{{{2}}}ə/; es
Cite error: <ref> tags exist for a group named "lower-alpha", but no corresponding <references group="lower-alpha"/> tag was found
Retrieved from "https://new.wikipedia.org/w/index.php?title=छ्येलेमि:Eukesh/Auto/NepalScript/निकारागुआ&oldid=986440"