छ्येलेमि:Eukesh/Auto/NepalScript/नर्मन विजय
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐣𑐬𑑂𑐩𑐣 𑐰𑐶𑐖𑐫 𑑑𑑑𑐐𑐸 𑐱𑐟𑐵𑐧𑑂𑐡𑐷𑐂 𑐡𑑂𑐰𑐮𑑄𑐡𑑂𑐰𑑅 𑐣𑐬𑑂𑐩𑐣, 𑐦𑑂𑐬𑐵𑐣𑑂𑐳𑐾𑐮𑐷, 𑐦𑑂𑐮𑐾𑐩𑐶𑐱 𑐰 𑐧𑑂𑐬𑐾𑐚𑐣 𑐳𑐿𑐣𑐶𑐎𑐟𑐾𑐐𑐸 𑐳𑐾𑐣𑐵𑑄 𑐂𑑄𑐐𑑂𑐮𑑂𑐫𑐵𑐞𑑂𑐜𑐫𑐵 𑐁𑐎𑑂𑐬𑐩𑐞 𑐰 𑐎𑐧𑑂𑐖𑐵 𑐏। 𑐠𑑂𑐰 𑐳𑐎𑐮𑐾𑑄 𑐎𑐧𑑂𑐖𑐵 𑐜𑑂𑐫𑐹𑐎 𑐀𑐦 𑐣𑐬𑑂𑐩𑐣𑑂𑐜𑐷𑐫𑐵 𑐣𑐾𑐟𑐺𑐟𑑂𑐰𑐫𑑂 𑐖𑐹𑐐𑐸 𑐏। 𑐰𑐶𑐖𑐫 𑐢𑐸𑑄𑐎𑐵 𑐰𑐫𑑂𑐎𑑅𑐫𑐵𑐟 𑐮𑐶𑐥𑐵 𑐰𑐶𑐮𑐶𑐫𑐩 𑐡 𑐎𑐣𑑂𑐎𑑂𑐰𑐾𑐬𑐬𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐮।
𑐰𑐶𑐮𑐶𑐫𑐩𑐫𑐵 𑐀𑑄𑐐𑑂𑐬𑐾𑐖𑐷 𑐳𑐶𑑄𑐴𑐵𑐳𑐣𑐫𑐵 𑐡𑐵𑐧𑐷 𑐩𑐔𑐵 𑐩𑐡𑐸𑐩𑑂𑐴 𑐊𑑄𑐐𑑂𑐮𑑀-𑐳𑑂𑐫𑐵𑐎𑑂𑐳𑐣 𑐖𑐸𑐖𑐸 𑐊𑐜𑐰𑐬𑑂𑐜 𑐡 𑐎𑐣𑑂𑐦𑐾𑐳𑐬 𑐣𑐵𑐥𑐫𑐵 𑐥𑐵𑐬𑐶𑐰𑐵𑐬𑐶𑐎 𑐳𑑂𑐰𑐵𑐥𑐹𑑄 𑐰𑑅𑐐𑐸 𑐏, 𑐐𑐸𑐩𑑂𑐴𑐾𑐳𑑂𑐫𑐵𑑄 𑐰𑐶𑐮𑐶𑐫𑐩𑐫𑐵 𑐳𑐶𑑄𑐴𑐵𑐳𑐣𑐫𑐵 𑐂𑐔𑑂𑐕𑐵𑐫𑐵𑐟 𑐥𑑂𑐬𑑀𑐟𑑂𑐳𑐵𑐴𑐶𑐟 𑐫𑐵𑑅𑐐𑐸 𑐖𑐸𑐂𑐦𑐸। 𑐊𑐜𑐰𑐬𑑂𑐜 𑑑𑑐𑑖𑑖 𑐖𑐣𑐰𑐬𑐷𑐂 𑐩𑐣𑑂𑐟 𑐰 𑐰𑐫𑐵𑐐𑐸 𑐄𑐟𑑂𑐟𑐬𑐵𑐢𑐶𑐎𑐵𑐬𑐷 𑐰𑐫𑐵 𑐎𑐶𑐖𑐵 𑐴𑐾𑐬𑑀𑐮𑑂𑐜 𑐐𑑀𑐜𑐰𑐶𑐣𑑂𑐳𑐣 𑐖𑐸𑐮 । 𑐣𑐬𑑂𑐰𑐾𑐫𑐵 𑐖𑐸𑐖𑐸 𑐴𑐾𑐬𑐵𑐮𑑂𑐜 𑐴𑐵𑐬𑑂𑐡𑑂𑐬𑐵𑐡𑐵𑑄 𑐳𑐣𑑂 𑑑𑑐𑑖𑑖𑐫𑐵 𑐳𑐾𑐥𑑂𑐚𑐾𑐩𑑂𑐧𑐬𑐫𑑂 𑐄𑐟𑑂𑐟𑐬𑐷 𑐂𑑄𑐐𑑂𑐮𑑂𑐫𑐵𑐞𑑂𑐜𑐫𑑂 𑐁𑐎𑑂𑐬𑐩𑐞 𑐫𑐵𑐟 𑐰 𑑒𑑐 𑐳𑐾𑐥𑑂𑐚𑐾𑐩𑑂𑐧𑐬𑐫𑑂 𑐖𑐹𑐐𑐸 𑐦𑐸𑐮𑐦𑑀𑐬𑑂𑐜 𑐫𑐸𑐡𑑂𑐢𑐫𑑂 𑐰𑐶𑐖𑐫𑐷 𑐖𑐸𑐮 𑐟𑐬 𑐐𑑀𑐜𑐰𑐶𑐣𑑂𑐳𑐣𑐫𑐵 𑐳𑐾𑐣𑐵𑑄 𑑒𑑕 𑐳𑐾𑐥𑑂𑐚𑐾𑐩𑑂𑐧𑐬𑐫𑑂 𑐳𑑂𑐚𑑂𑐫𑐵𑐩𑐦𑑀𑐬𑑂𑐜 𑐧𑑂𑐬𑐶𑐖𑐫𑐵 𑐫𑐸𑐡𑑂𑐢𑐫𑑂 𑐴𑐵𑐬𑑂𑐡𑑂𑐬𑐵𑐡𑐵𑐫𑐵𑐟 𑐧𑐸𑐎𑐵𑑅 𑐰𑐫𑐵𑐟 𑐳𑑂𑐫𑐵𑐣𑐵𑐧𑐶𑐮। 𑐳𑑂𑐰𑐣𑑂𑐴𑐸 𑐮𑐶𑐥𑐵 𑑒𑑘 𑐳𑐾𑐥𑑂𑐚𑐾𑐩𑑂𑐧𑐬𑐫𑑂 𑐰𑐶𑐮𑐶𑐫𑐩𑐫𑐵 𑐡𑑂𑐰𑐮𑑄𑐡𑑂𑐰𑑅 𑐩𑐣𑐹𑐟 𑐰 𑐳𑐮𑑄𑐳𑑅 𑐖𑐴𑐵𑐖𑐫𑐵 𑐁𑐎𑑂𑐬𑐩𑐞𑐎𑐵𑐬𑐷 𑐳𑐾𑐣𑐵 𑐡𑐎𑑂𑐲𑐶𑐞𑐷 𑐂𑑄𑐐𑑂𑐮𑑂𑐫𑐵𑐞𑑂𑐜𑐫𑐵 𑐳𑐳𑐾𑐎𑑂𑐳𑐫𑐵 𑐥𑐾𑐨𑐾𑐣𑑂𑐳𑐷𑐂 𑐀𑐰𑐟𑐬𑐞 𑐖𑐸𑐮। 𑐴𑐾𑐬𑑀𑐮𑑂𑐜𑑄 𑐰𑐫𑐵𑐐𑐸 𑐰𑐶𑐬𑑀𑐢 𑐫𑐵𑐫𑐾𑐟 𑐡𑐎𑑂𑐲𑐶𑐞𑐥𑐵𑐏𑐾 𑐰𑐣। 𑐠𑑂𑐰 𑐗𑑂𑐰𑐮𑐫𑑂 𑐰𑐫𑐵𑐐𑐸 𑐳𑐾𑐣𑐵𑐫𑐵 𑐕𑐐𑐹 𑐩𑐴𑐟𑑂𑐰𑐥𑐹𑐬𑑂𑐞 𑐨𑐵𑐐 𑐄𑐟𑑂𑐟𑐬𑐫𑑂 𑐟𑑂𑐰𑑅𑐟𑐵𑑅 𑐰𑐣। 𑐴𑐾𑐬𑑀𑐮𑑂𑐜𑐫𑐵 𑐳𑐾𑐣𑐵𑑄 𑑑𑑔 𑐀𑐎𑑂𑐚𑑀𑐧𑐬𑐫𑑂 𑐴𑐾𑐳𑑂𑐚𑐶𑐒𑐫𑐵 𑐫𑐸𑐡𑑂𑐢𑐫𑑂 𑐰𑐶𑐮𑐶𑐫𑐩𑐫𑐵 𑐁𑐎𑑂𑐬𑐩𑐞𑐎𑐵𑐬𑐷𑐟𑐾𑐐𑐸 𑐳𑐵𑐩𑐣𑐵 𑐫𑐵𑐟। 𑐰𑐶𑐮𑐶𑐫𑐩𑐫𑐵 𑐳𑐾𑐣𑐵𑑄 𑐬𑐞𑐨𑐹𑐩𑐶𑐂 𑐴𑐾𑐬𑑀𑐮𑑂𑐜𑐫𑐵𑐟 𑐧𑐸𑐎𑐮 𑐰 𑐳𑑂𑐫𑐵𑐟, 𑐠𑑂𑐰 𑐣𑐵𑐥𑑄 𑐰𑐶𑐮𑐶𑐫𑐩 𑐖𑐸𑐖𑐸 𑐖𑐸𑐮।
𑐰𑐶𑐮𑐶𑐫𑐩𑐫𑐵 𑐩𑐹 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷𑐟 𑐩𑐡𑐸𑐳𑐵𑑄 𑐰𑐫𑑂𑐎𑐮𑑄 𑐮𑐶𑐥𑐵𑐫𑐵 𑐡𑑃𑐫𑑂 𑐣𑑄 𑐰𑐶𑐡𑑂𑐬𑑀𑐴𑐫𑐵 𑐳𑐵𑐩𑐣𑐵 𑐫𑐵𑐫𑐾𑐩𑐵𑐮 𑐰 𑑑𑑐𑑗𑑒 𑐮𑐶𑐥𑐵 𑐟𑐎𑑂𑐎 𑐀𑑄𑐐𑑂𑐬𑐾𑐖𑐷 𑐐𑐡𑑂𑐡𑐷𑐂 𑐳𑐸𑐬𑐎𑑂𑐲𑐶𑐟 𑐩𑐖𑐸𑐮। 𑐥𑑂𑐬𑐟𑐶𑐬𑑀𑐢 𑐫𑐵𑐂𑐥𑐶𑑄 𑐀𑑄𑐐𑑂𑐬𑐾𑐖 𑐀𑐨𑐶𑐖𑐵𑐟 𑐰𑐬𑑂𑐐𑐫𑐵 𑐧𑐸𑑃 𑐖𑐦𑐟 𑐫𑐵𑐟; 𑐰 𑐕𑐸𑑄 𑐀𑐨𑐶𑐖𑐵𑐟 𑐰𑐬𑑂𑐐 𑐣𑐶𑐬𑑂𑐰𑐵𑐳𑐣𑐫𑑂 𑐧𑐶𑐳𑑂𑐫𑐸𑑄 𑐰𑐣। 𑐠𑑅𑐐𑐸 𑐣𑑂𑐴𑐸𑐐𑐸 𑐬𑐵𑐖𑑂𑐫𑐫𑐵𑐟 𑐣𑐶𑐫𑐣𑑂𑐟𑑂𑐬𑐞 𑐫𑐵𑐫𑐾𑐟 𑐰𑐶𑐮𑐶𑐫𑐩𑑄 𑐠𑑅 𑐀𑐣𑐸𑐫𑐵𑐫𑐷𑐟𑐾𑐟 𑐨𑐹𑐩𑐶 𑐥𑑂𑐬𑐡𑐵𑐣 𑐫𑐵𑐟 𑐰 𑐨𑐹𑐩𑐶 𑐣𑑂𑐫𑑄𑐎𑑄 𑐳𑐿𑐣𑑂𑐫 𑐧𑐮𑑂𑐮𑐵𑑅𑐐𑐸 𑐠𑐵𑐳𑐫𑑂 𑐎𑐩𑐵𑐞𑑂𑐜 𑐫𑐵𑐂𑐐𑐸 𑐎𑑂𑐰𑐵𑑅 𑐡𑐫𑐾𑐎𑐮। 𑐡 𑐡𑐹𑐩𑑂𑐳𑐡𑐾 𑐧𑐸𑐎, 𑐂𑑄𑐐𑑂𑐮𑑂𑐫𑐵𑐞𑑂𑐜𑐫𑐵 𑐫𑐎𑑂𑐰 𑐨𑐵𑐐 𑐰 𑐰𑐾𑐮𑑂𑐳𑐫𑐵 𑐕𑐸𑑄 𑐨𑐵𑐐𑐫𑐵 "𑐩𑐴𑐵𑐣 𑐳𑐬𑑂𑐰𑐾𑐎𑑂𑐲𑐞"𑐫𑐵 𑐕𑐐𑐹 𑐴𑐳𑑂𑐟𑐮𑐶𑐏𑐶𑐟 𑐀𑐨𑐶𑐮𑐾𑐏, 𑑑𑑐𑑘𑑖 𑐟𑐎𑑂𑐎 𑐥𑐹𑐰𑐣। 𑐰𑐶𑐖𑐫𑐫𑐵 𑐩𑐾𑐩𑐾𑐐𑐸 𑐥𑑂𑐬𑐨𑐵𑐰𑐫𑑂 𑐮𑐵𑐫𑑂𑐎𑐹 𑐰 𑐳𑐬𑐎𑐵𑐬, 𑐀𑐨𑐶𑐖𑐵𑐟 𑐰𑐬𑑂𑐐𑐫𑐵 𑐨𑐵𑐫𑑂 𑐎𑐠𑑄 𑐦𑑂𑐬𑐵𑐣𑑂𑐳𑐾𑐮𑐷 𑐨𑐵𑐫𑑂 𑐫𑐵 𑐕𑐐𑐹 𑐨𑐵𑐲𑐶𑐎𑐵𑐫𑐵 𑐥𑑂𑐬𑐰𑐾𑐱 𑐰 𑐄𑐔𑑂𑐔 𑐰𑐬𑑂𑐐𑐫𑐵 𑐳𑑄𑐬𑐔𑐣𑐵𑐫𑑂 𑐴𑐶𑐄𑐥𑐵𑑅 𑐮𑐵। 𑐰𑐶𑐮𑐶𑐫𑐩𑑄 𑐖𑐸𑐖𑐸𑐥𑐵𑐏𑐾𑑄 𑐥𑑂𑐬𑐟𑑂𑐫𑐎𑑂𑐲 𑐬𑐸𑐥𑑄 𑐎𑐧𑑂𑐖𑐵 𑐫𑐵𑐫𑐾𑐐𑐸 𑐨𑐹𑐩𑐶𑐫𑐵𑐟 𑐦𑐶𑐀𑐦𑐩𑐾𑐣𑑂𑐟 𑐥𑑂𑐬𑐠𑐵𑐫𑑂 𑐫𑑄𑐎𑐮। 𑐀𑐥𑑂𑐰 𑐎𑑂𑐬𑐩𑐶𑐎 𑐴𑐶𑐄𑐥𑐵𑑄 𑐎𑐺𑐲𑐶 𑐰𑐬𑑂𑐐 𑐰 𑐐𑐵𑑄𑐫𑐵 𑐖𑐷𑐰𑐣𑐫𑐵𑐟 𑐥𑑂𑐬𑐨𑐵𑐰𑐶𑐟 𑐫𑐵𑐟: 𑐩𑐹 𑐴𑐶𑐄𑐥𑐵 𑐡𑐵𑐳𑐟𑐵𑐫𑐵 𑐍𑐥𑐔𑐵𑐬𑐶𑐎 𑐄𑐣𑑂𑐩𑐹𑐮𑐣 𑐏𑐣𑐾𑐡𑐸, 𑐐𑐸𑐎𑐶 𑐁𑐎𑑂𑐬𑐩𑐞𑐣𑐵𑐥 𑐥𑑂𑐬𑐟𑑂𑐫𑐎𑑂𑐲 𑐳𑑂𑐰𑐵𑐥𑐹 𑐡𑐹𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸। 𑐣𑑂𑐴𑐸𑐐𑐸 𑐣𑐬𑑂𑐩𑐣 𑐥𑑂𑐬𑐱𑐵𑐳𑐎𑐟𑐾𑐳𑑄 𑐊𑑄𑐐𑑂𑐮𑑀-𑐳𑑂𑐫𑐵𑐎𑑂𑐳𑐣 𑐳𑐬𑐎𑐵𑐬𑐫𑐵 𑐫𑐎𑑂𑐰 𑐳𑐟𑑂𑐟𑐵 𑐠𑑅𑐐𑐸 𑐮𑑂𑐴𑐵𑐟𑐫𑑂 𑐎𑐵𑐮 𑐰 𑐳𑐬𑐎𑐵𑐬𑐫𑐵 𑐳𑑄𑐬𑐔𑐣𑐵𑐫𑑂 𑐫𑐎𑑂𑐰 𑐴𑐶𑐄𑐥𑐵 𑐩𑐰𑑅।