छ्येलेमि:Eukesh/Auto/NepalScript/दे आर्कितेक्तुरा

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

[[𑐎𑐶𑐥𑐵:De_architectura.jpg|right|thumb|300x300px|De architectura 𑑑𑑕𑑒𑑑 𑐂𑐚𑐵𑐮𑐶𑐫𑐣 𑐨𑐵𑐫𑑂 𑐫𑐵 𑐳𑑄𑐳𑑂𑐎𑐬𑐞, 𑐳𑐾𑐖𑐵𑐬𑐾 𑐳𑐾𑐖𑐵𑐬𑐶𑐫𑐵𑐣𑑀𑑄 𑐨𑐵𑐫𑑂 𑐴𑐶𑐮𑐵𑐡𑐷𑐐𑐸 𑐰 𑐔𑐶𑐟𑑂𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 ।]] right|thumb|350x350px|𑐰𑐶𑐚𑑂𑐬𑐸𑐰𑐶𑐫𑐳𑐫𑐵 𑐴𑐳𑑂𑐟𑐮𑐶𑐏𑐶𑐟 𑐐𑑂𑐬𑐣𑑂𑐠; 𑑑𑑓𑑙𑑐 𑐫𑐵 𑐔𑐬𑑂𑐩𑐥𑐟𑑂𑐬 𑐡𑐶 𑐁𑐬𑑂𑐎𑐶𑐟𑐾𑐎𑑂𑐟𑐸𑐬𑐵 ( 𑐰𑐵𑐳𑑂𑐟𑐸𑐎𑐮𑐵𑐫𑐵 𑐧𑐵𑐬𑐾𑐫𑑂, 𑐰𑐵𑐳𑑂𑐟𑐸𑐎𑐮𑐵𑐫𑐵 𑐧𑐵𑐬𑐾𑐫𑑂 𑐗𑐶𑐟𑐵 𑐳𑐦𑐹𑐟 𑐣𑐵𑐩𑑄 𑐥𑐶𑐡𑑄𑐐𑐸 ) 𑐬𑑀𑐩𑐣 𑐰𑐵𑐳𑑂𑐟𑐸𑐎𑐵𑐬 𑐰 𑐳𑐿𑐣𑑂𑐫 𑐀𑐨𑐶𑐫𑐣𑑂𑐟𑐵 𑐩𑐵𑐬𑑂𑐎𑐳 𑐨𑐶𑐟𑑂𑐬𑐸𑐨𑐶𑐫𑐳 𑐥𑑀𑐮𑐶𑐫𑑀𑑄 𑐔𑑂𑐰𑐫𑐵𑐡𑐷𑐐𑐸 𑐰 𑐠𑑅𑐐𑐸 𑐳𑑄𑐬𑐎𑑂𑐲𑐎, 𑐳𑐩𑑂𑐬𑐵𑐚 𑐳𑐶𑐖𑐬 𑐀𑐐𑐳𑑂𑐚𑐳𑐫𑐵𑐟 𑐡𑐾𑐕𑐵𑐣𑐵𑐡𑐷𑐐𑐸 𑐰𑐵𑐳𑑂𑐟𑐸𑐎𑐮𑐵𑐫𑐵 𑐧𑐵𑐬𑐾𑐫𑑂 𑐕𑐐𑐹 𑐐𑑂𑐬𑐣𑑂𑐠 𑐏𑑅, 𑐐𑐸𑐎𑐶𑐫𑐵𑐟 𑐣𑐶𑐬𑑂𑐩𑐵𑐞 𑐥𑐬𑐶𑐫𑑀𑐖𑐣𑐵𑐫𑐵 𑐣𑐶𑑄𑐟𑐶𑑄 𑐐𑐵𑐂𑐡𑐫𑐵 𑐬𑐸𑐥𑐫𑑂 𑐣𑐵𑐮𑐵𑐟𑑅𑐐𑐸 𑐡𑐸। 𑐥𑑂𑐬𑐵𑐔𑐷𑐣 𑐎𑐵𑐮𑑄 𑐣𑐶𑐳𑐾𑑄 𑐩𑑂𑐰𑐵𑐣𑐵𑐔𑑂𑐰𑑄𑐐𑐸 𑐰𑐵𑐳𑑂𑐟𑐸𑐎𑐮𑐵𑐫𑐵 𑐕𑐐𑐹 𑐖𑐎𑑂𑐎 𑐐𑑂𑐬𑐣𑑂𑐠𑐫𑐵 𑐬𑐸𑐥𑐫𑑂 𑐠𑑂𑐰 𑐳𑐦𑐹 𑐥𑐸𑐣𑐬𑑂𑐖𑐵𑐐𑐬𑐞 𑐃 𑐣𑐶𑐳𑐾𑑄 𑐰𑐵𑐳𑑂𑐟𑐸𑐎𑐮𑐵 𑐳𑐶𑐡𑑂𑐢𑐵𑐣𑑂𑐟𑐫𑐵 𑐣𑑂𑐴𑐵𑐥𑐵𑑄𑐐𑐸 𑐖𑑂𑐘𑐵𑐟 𑐳𑐦𑐹𑐫𑐵 𑐬𑐸𑐥𑐫𑑂 𑐡𑐫𑐵𑐔𑑂𑐰𑑄𑐐𑐸 𑐡𑐸। 𑐣𑐵𑐥𑑄 𑐱𑐵𑐳𑑂𑐟𑑂𑐬𑐷𑐫 𑐰𑐵𑐳𑑂𑐟𑐸𑐎𑐮𑐵𑐫𑐵 𑐐𑑂𑐬𑐣𑑂𑐠𑐫𑐵 𑐕𑐐𑐹 𑐩𑐹 𑐳𑑂𑐬𑑀𑐟𑐫𑐵 𑐬𑐸𑐥𑐫𑑂 𑐣𑑄 𑐠𑑂𑐰 𑐳𑐦𑐹𑐫𑐵𑐟 𑐎𑐵𑐫𑐾𑐐𑐸 𑐫𑐵।

𑐠𑐸𑐎𑐶𑐮𑐶 𑐐𑑂𑐬𑐷𑐎 𑐰 𑐬𑑀𑐩𑐣 𑐨𑐰𑐣𑐫𑐵 𑐠𑐷-𑐠𑐷 𑐖𑐵𑐣𑐎𑐵𑐬𑐷 𑐡𑐸, 𑐣𑐵𑐥𑑄 𑐳𑐿𑐣𑑂𑐫 𑐱𑐶𑐰𑐶𑐬, 𑐣𑐐𑐬, 𑐰 𑐟𑑅𑐢𑑄𑐐𑐸 𑐡𑐫𑐾𑐎𑐵𑐖𑑂𑐫𑐵 (𑐖𑐮𑐩𑐵𑐬𑑂𑐐, 𑐨𑐰𑐣, 𑐳𑑂𑐣𑐵𑐣𑐳𑑂𑐠𑐮, 𑐧𑐣𑑂𑐡𑐬𑐐𑐵𑐴) 𑐰 𑐔𑐶𑐢𑑄𑐐𑐸 (𑐖𑑂𑐫𑐵𑐳𑐵𑑅, 𑐡𑐵𑐫𑐾𑐐𑐸 𑐖𑑂𑐫𑐵𑐨𑑅, 𑐖𑑂𑐫𑐵𑐨𑑅) 𑐣𑐶𑐐𑐸𑐮𑐶𑑄 𑐳𑑄𑐬𑐔𑐣𑐵𑐫𑐵 𑐫𑑀𑐖𑐣𑐵 𑐰 𑐜𑐶𑐖𑐵𑐂𑐣𑐫𑐵 𑐏𑑃 𑐡𑐸𑐠𑑂𑐫𑐵𑑅। 𑐰𑐶𑐟𑑂𑐬𑐸𑐨𑐶𑐫𑐳𑑄 𑐬𑑀𑐩𑐣 𑐰𑐵𑐳𑑂𑐟𑐸𑐱𑐶𑐮𑑂𑐥 𑐎𑑂𑐬𑐵𑐣𑑂𑐟𑐶𑐫𑐵 𑐳𑐸𑐬𑐸𑐂 𑐔𑑂𑐰𑑅𑐐𑐸𑐮𑐶𑑄 𑐎𑑂𑐬𑐳 𑐨𑐮𑑂𑐚𑐶𑐒, 𑐐𑐸𑐩𑑂𑐧𑐡, 𑐎𑑄𑐎𑑂𑐬𑐶𑐚, 𑐰 𑐂𑐩𑑂𑐥𑐾𑐬𑐶𑐫𑐮 𑐬𑑀𑐩𑐣 𑐰𑐵𑐳𑑂𑐟𑐸𑐎𑐮𑐵𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐩𑐾𑐩𑐾𑐐𑐸 𑐣𑑂𑐴𑐹𑐐𑐸 𑐥𑐴𑑅𑐫𑐵 𑐥𑐹𑐬𑑂𑐞 𑐰𑐶𑐎𑐵𑐳 𑐠𑑂𑐰 𑐳𑐦𑐹 𑐔𑑂𑐰𑑅𑐐𑐸 𑐂𑐮𑐫𑑂 𑐩𑐡𑐹𑐐𑐸 𑐖𑐸𑐮। 𑐀𑐠𑐾 𑐖𑐹𑐐𑐸𑐮𑐶𑑄, 𑐰𑐫𑑂𑐎𑑅𑐫𑐵 𑐗𑐶𑐥𑐹 𑐳𑐦𑐸𑐟𑐶𑐂 𑐬𑑀𑐩𑐣 𑐨𑐰𑐣 𑐜𑐶𑐖𑐵𑐂𑐣 𑐰 𑐥𑑂𑐬𑐰𑐶𑐢𑐶𑐫𑐵 𑐠𑑂𑐰 𑐰𑐶𑐱𑐶𑐲𑑂𑐚 𑐣𑑂𑐴𑐹𑐐𑐸 𑐥𑐴𑑅𑐟𑐾𑐐𑐸 𑐏𑑃𑐫𑑂 𑐩𑑂𑐴𑑀 𑐖𑐎𑑂𑐎 𑐖𑐵𑐣𑐎𑐵𑐬𑐷 𑐧𑐶𑐫𑐵𑐟𑑅𑐐𑐸 𑐡𑐸।

𑐳𑐦𑐹𑐫𑐵 𑐥𑐵𑐛𑐫𑑂 𑐧𑐶𑐫𑐵𑐟𑑅𑐐𑐸 𑐳𑐣𑑂𑐡𑐬𑑂𑐨 𑐎𑐠𑑄 𑐠𑑂𑐰 𑐏𑑃 𑐳𑐷𑐎𑐾𑐦𑐸 𑐎𑐶 𑐠𑑂𑐰 𑐳𑐦𑐹𑐫𑐵 𑐩𑐹𑐮 𑐥𑑂𑐬𑐟𑐶𑐮𑐶𑐥𑐶𑐂 𑐔𑑂𑐫𑐵𑐥𑐵 𑐣𑐶𑐳𑐾𑑄 𑐗𑐶𑐥𑐵 𑐎𑐶𑐥𑐵 𑐡𑐫𑐾𑐩𑐵𑑅, 𑐠𑐸𑐎𑐶𑐫𑐵 𑐕𑐥𑐵 𑐖𑐎𑑂𑐎 𑐎𑐶𑐥𑐵 𑐩𑐢𑑂𑐫𑐎𑐵𑐮𑐷𑐣 𑐕𑐸𑑄 𑐣𑑄 𑐴𑐳𑑂𑐟𑐮𑐶𑐏𑐶𑐟 𑐥𑑂𑐬𑐟𑐶𑐮𑐶𑐥𑐶𑐂 𑐩𑑂𑐰𑐵𑐣𑐵𑐔𑑂𑐰𑑄𑐐𑐸 𑐡𑐸। 𑐩𑐡𑐹𑐐𑐸 𑐎𑐶𑐥𑐵𑐫𑐵𑐟 𑑑𑑖𑐐𑐸 𑐱𑐟𑐵𑐧𑑂𑐡𑐷𑐫𑐵 𑐩𑐸𑐡𑑂𑐬𑐶𑐟 𑐳𑑄𑐳𑑂𑐎𑐬𑐞𑐫𑑂 𑐳𑐩𑐵𑐢𑐵𑐣 𑐫𑐵𑐫𑐾𑐐𑐸 𑐎𑐸𑐟𑑅 𑐖𑐸𑐮, 𑐐𑐸𑐎𑐶𑐮𑐶𑑄 𑐫𑐎𑑂𑐰 𑐟𑑅𑐢𑑄𑐐𑐸 𑐥𑑂𑐮𑐾𑐚𑑄 𑐎𑐶𑐥𑐵 𑐡𑐫𑐾𑐎𑐮।

𑐎𑑂𑐫𑐵𑐬𑑀𑐮𑐶𑐣𑑂𑐖𑐶𑐫𑐣 𑐥𑐸𑐣𑐬𑑂𑐖𑐵𑐐𑐬𑐞𑐫𑐵 𑐂𑐮𑐫𑑂 𑐫𑐎𑑂𑐰 𑐥𑑂𑐬𑐟𑐶𑐮𑐶𑐥𑐶 𑐡𑐫𑐾𑐎𑐹𑐐𑐸 𑐏, 𑐟𑐬 𑑑𑑕𑐐𑐸 𑐱𑐟𑐵𑐧𑑂𑐡𑐷 𑐟𑐎𑑂𑐎 𑐠𑑂𑐰 𑐖𑑂𑐫𑐵𑐫𑐵 𑐫𑐎𑑂𑐰 𑐬𑐸𑐔𑐶 𑐰 𑐥𑑂𑐬𑐨𑐵𑐰 𑐩𑑂𑐴𑑀 𑐖𑐎 𑐡𑐟, 𑐀𑐣𑑄𑐮𑐶 𑐣𑑂𑐴𑐵𑐥𑐵 𑐂𑐚𑐵𑐮𑐷𑐂 𑐰 𑐮𑐶𑐥𑐵 𑐫𑐸𑐬𑑀𑐥𑐫𑐵 𑐩𑐾𑐩𑐾𑐐𑐸 𑐠𑐵𑐳𑐫𑑂 𑐠𑐸𑐎𑐶𑐫𑐵 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐟।

𑐄𑐟𑑂𑐥𑐟𑑂𑐟𑐶 𑐰 𑐰𑐶𑐲𑐫𑐰𑐳𑑂𑐟𑐸

𑐳𑐩𑑂𑐨𑐰𑐟𑑅 𑐃𑐳𑐵𑐥𑐹𑐬𑑂𑐰 𑑓𑑐 𑐰 𑑒𑑐 𑐡𑐠𑐸𑐂 𑐔𑑂𑐰𑐫𑐵𑐟𑑅𑐐𑐸 𑐠𑑂𑐰 𑐐𑑂𑐬𑐣𑑂𑐠𑐫𑑂 𑐫𑐎𑑂𑐰 𑐥𑑂𑐬𑐵𑐔𑐷𑐣 𑐐𑑂𑐬𑐷𑐎 𑐰 𑐬𑑀𑐩𑐣 𑐔𑑂𑐰𑐩𑐶𑐟𑐾𑐐𑐸 𑐰𑐵𑐳𑑂𑐟𑐸𑐎𑐮𑐵, 𑐎𑐮𑐵, 𑐥𑑂𑐬𑐵𑐎𑐺𑐟𑐶𑐎 𑐂𑐟𑐶𑐴𑐵𑐳 𑐰 𑐨𑐰𑐣 𑐣𑐶𑐬𑑂𑐩𑐵𑐞 𑐥𑑂𑐬𑐰𑐶𑐢𑐶𑐫𑐵 𑐖𑑂𑐘𑐵𑐣 𑐰 𑐢𑐵𑐬𑐞𑐵𑐟 𑐕𑐠𑐵𑐫𑑂 𑐟𑐫𑐵𑐟𑑅𑐐𑐸 𑐡𑐸। 𑐰𑐶𑐚𑑂𑐬𑐸𑐨𑐶𑐫𑐳𑑄 𑐥𑐵𑐛𑐫𑑂 𑐫𑐎𑑂𑐰 𑐀𑐢𑐶𑐎𑐵𑐬𑐷𑐟𑐾𑐟 𑐄𑐡𑑂𑐢𑐺𑐟 𑐫𑐵𑐣𑐵𑐡𑐶𑐮, 𑐥𑑂𑐬𑐵𑐫𑑅 𑐐𑑂𑐬𑐷𑐎 𑐰𑐵𑐳𑑂𑐟𑐸𑐎𑐵𑐬𑐟𑐾𑐐𑐸 𑐡𑐾𑐐𑑅 𑐣𑐶𑐬𑑂𑐩𑐵𑐞 𑐰 𑐁𑐡𑐾𑐱𑐫𑐵 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐥𑑂𑐬𑐱𑑄𑐳𑐵 𑐫𑐵𑐣𑐵𑐡𑐶𑐮 ( 𑐜𑑀𑐬𑐶𑐎, 𑐁𑐫𑑀𑐣𑐶𑐎 𑐰 𑐎𑑀𑐬𑐶𑐣𑑂𑐠𑐶𑐫𑐣 ), 𑐰 𑐁𑐡𑐶𑐩 𑐗𑑀𑐥𑐜𑐷𑐂 𑐣𑐶𑐬𑑂𑐩𑐵𑐞𑐫𑐵 𑐄𑐟𑑂𑐥𑐟𑑂𑐟𑐶𑐫𑐵 𑐩𑐹 𑐰𑐶𑐰𑐬𑐞 𑐧𑐶𑐫𑐵𑐡𑐶𑐮।

𑐬𑑀𑐩𑐣 𑐔𑑂𑐰𑐩𑐶𑑄 𑐰𑐵𑐳𑑂𑐟𑐸𑐎𑐵𑐬𑐫𑐵 𑐫𑑀𑐐𑑂𑐫𑐟𑐵 (𑐳𑐦𑐹 𑑑) 𑐰 𑐰𑐵𑐳𑑂𑐟𑐸𑐱𑐶𑐮𑑂𑐥 𑐎𑐶𑐥𑐵𑐫𑐵 𑐟𑐵𑐖𑐶𑐫𑐵 𑐏𑑃𑐫𑑂 𑐳𑐮𑑂𑐮𑐵𑐴 𑐧𑐶𑐫𑐵𑐟𑑅𑐐𑐸 𑐡𑐸।

𑐰𑐵𑐳𑑂𑐟𑐸𑐎𑐮𑐵𑐮𑐶𑐳𑐾 𑐳𑑂𑐰𑐵𑐥𑐹 𑐡𑐸𑐐𑐸 𑐰𑐶𑐱𑐾𑐲𑐟𑐵𑐫𑐵 𑐨𑐶𑐟𑑂𑐬𑐸𑐨𑐶𑐫𑐳𑐫𑐵 𑐣𑐵𑑄𑐖𑐵𑑅𑐐𑐸 "𑐳𑑂𑐰𑐎𑐸𑑄" utilitas, firmitas and venustas (𑐄𑐥𑐫𑑀𑐐𑐶𑐟𑐵, 𑐱𑐎𑑂𑐟𑐶 𑐰 𑐳𑐸𑐣𑑂𑐡𑐬𑐟𑐵)𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐳𑐦𑐹 𑐣𑐵𑑄𑐖𑐵𑑅𑐐𑐸 𑐖𑐹𑐳𑐵𑑄 𑐠𑑂𑐰 𑐐𑑂𑐬𑐣𑑂𑐠𑑄 𑐮𑐶𑐥𑐵𑐫𑐵 𑐔𑑂𑐰𑐩𑐶𑐥𑐶𑐣𑑂𑐟 𑐥𑑂𑐬𑐨𑐵𑐰𑐶𑐟 𑐫𑐵𑑅𑐐𑐸 𑐳𑑁𑐣𑑂𑐡𑐬𑑂𑐫 𑐳𑐶𑐡𑑂𑐢𑐵𑐣𑑂𑐟 𑐢𑐵𑑅𑐳𑐵 𑐳𑑂𑐰𑑄𑐐𑐹𑐐𑐸 𑐳𑐦𑐹𑐟𑐶 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸। 𑐳𑐶𑐳𑐾𑐬𑑀 𑐰 𑐰𑐵𑐬𑑀𑐫𑐵𑐫𑐵 𑐮𑑂𑐫𑐵𑐚𑐶𑐣 𑐨𑐵𑐲𑐞𑑄 𑐁𑑄𑐱𑐶𑐎 𑐬𑐸𑐥𑑄 𑐰𑑂𑐫𑐸𑐟𑑂𑐥𑐣𑑂𑐣 𑐏𑑃𑐐𑑂𑐰𑑅𑐟𑐾𑐟 𑐕𑑂𑐫𑐮𑐵 𑐨𑐶𑐟𑑂𑐬𑐸𑐨𑐶𑐫𑐣𑐖𑐸𑑄 𑐡𑐫𑐾𑐎𑐵𑐡𑐷𑐐𑐸 𑐥𑑂𑐬𑐵𑐰𑐶𑐢𑐶𑐎 𑐏𑑃𑐐𑑂𑐰𑑅𑐟: 𑐡𑐳𑐸 𑐎𑑂𑐬𑐩, 𑐰𑑂𑐫𑐰𑐳𑑂𑐠𑐵, 𑐀𑐣𑐸𑐥𑐵𑐟, 𑐁𑐡𑐶𑐟𑐾𑐳𑑄 𑐳𑐡𑐶𑐫𑑁𑑄 𑐣𑐶𑐳𑐾𑑄 𑐰𑐵𑐳𑑂𑐟𑐸𑐎𑐵𑐬𑐟𑐾𑐟 𑐩𑐵𑐬𑑂𑐐𑐡𑐬𑑂𑐱𑐣 𑐫𑐵𑑅𑐐𑐸 𑐡𑐸।

𑐗𑐶𑐟𑐵 𑐳𑐦𑐹 𑐧𑐵𑐫𑑂 𑐳𑑂𑐎𑑂𑐬𑑀𑐮𑐫𑐵𑐟 𑐠𑐸𑐎𑐠𑑄 𑐧𑑂𑐫𑐰𑐳𑑂𑐠𑐶𑐟 𑐫𑐵𑐣𑐵𑐟𑑅𑐐𑐸 𑐡𑐸 :

De architectura (Ten Books on Architecture)Template:Numbered list𑐬𑑀𑐩𑐣 𑐰𑐵𑐳𑑂𑐟𑐸𑐎𑐵𑐬𑐟 𑐂𑐣𑑂𑐖𑐶𑐣𑐶𑐫𑐬𑐶𑐒𑑂𑐐, 𑐎𑐮𑐵 𑐰 𑐱𑐶𑐮𑑂𑐥𑐎𑐮𑐵𑐫𑐵 𑐳𑑄𑐫𑑀𑐖𑐣𑐫𑑂 𑐡𑐎𑑂𑐲 𑐡𑐟। 𑐨𑐶𑐟𑑂𑐬𑐸𑐨𑐶𑐫𑐳𑐫𑐵 𑐡𑐎𑑂𑐲𑐟𑐵𑐫𑐵 𑐟𑐠𑑂𑐫 De architectura𑐳 𑐏𑐣𑐾𑐡𑐸। 𑐰𑐫𑑂𑐎𑐮𑑄 𑐰𑐵𑐳𑑂𑐟𑐸𑐎𑐮𑐵𑐫𑐵 𑐠𑐷𑐠𑐷 𑐥𑐎𑑂𑐲 𑐠𑐷𑐐𑐸 𑐠𑐷𑐠𑐷 𑐰𑐶𑐲𑐫𑐫𑐵𑐟 𑐧𑑂𑐰𑐠𑐮𑐵𑐡𑐷𑐐𑐸 𑐡𑐸। 𑐠𑐸𑐎𑐷 𑐁𑐢𑐸𑐣𑐶𑐎 𑐩𑐶𑐏𑐵𑐫𑐵 𑐣𑐶𑑄𑐟𑐶𑑄 𑐀𑐥𑑂𑐬𑐵𑐳𑑄𑐐𑐶𑐎 𑐏𑐣𑐾𑐡𑐂𑐐𑐸 𑐫𑐎𑑂𑐰 𑐥𑐎𑑂𑐲𑐟 𑐡𑐸𑐠𑑂𑐫𑐵𑑅𑐐𑐸 𑐡𑐸, 𑐐𑐸𑐎𑐶𑐮𑐶 𑐐𑐞𑐶𑐟𑐣𑐶𑐳𑐾𑑄 𑐏𑐐𑑀𑐮𑐱𑐵𑐳𑑂𑐟𑑂𑐬, 𑐩𑑁𑐳𑐩 𑐰𑐶𑐖𑑂𑐘𑐵𑐣 𑐰 𑐔𑐶𑐎𑐶𑐟𑑂𑐳𑐵 𑐟𑐎 𑐡𑐸𑐠𑑂𑐫𑐵𑑅। 𑐬𑑀𑐩𑐣 𑐀𑐰𑐢𑐵𑐬𑐞𑐵𑐫𑑂 𑐰𑐵𑐳𑑂𑐟𑐸𑐎𑐮𑐵𑐫𑑂 𑐩𑐣𑐸 𑐰 𑐰𑐫𑐵𑐐𑐸 𑐥𑑂𑐫𑐏𑐾𑑃𑐬 𑐨𑑁𑐟𑐶𑐎 𑐰 𑐧𑑁𑐡𑑂𑐢𑐶𑐎 𑐖𑐷𑐰𑐣𑐫𑐵𑐟 𑐠𑐷𑐐𑐸 𑐦𑐸𑐎𑑂𑐎 𑐏𑑃𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐾𑐩𑐵𑑅𑐐𑐸 𑐁𑐰𑐱𑑂𑐫𑐎𑐟𑐵𑐫𑐵 𑐏𑑃 𑐎𑐣𑐵𑐟𑑅𑐐𑐸 𑐡𑐸।

𑐨𑐶𑐟𑑂𑐬𑐸𑐨𑐶𑐫𑐳𑑄 𑐰𑐵𑐳𑑂𑐟𑐸𑐎𑐮𑐵𑐫𑐵 𑐫𑐎𑑂𑐰 𑐳𑐿𑐡𑑂𑐢𑐵𑐣𑑂𑐟𑐶𑐎 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐔𑑂𑐰𑐫𑐵𑐡𑐷𑐐𑐸 𑐡𑐸। 𑐡𑐳𑐸𑐫𑐵 𑐣𑐶𑑄𑐟𑐶𑑄, De architectura 𑐫𑐵 𑐣𑐶 (𑑒) 𑐳𑐦𑐸𑐟𑐶𑐂, 𑐰𑐫𑑂𑐎𑐮𑑄 𑐀𑐥𑐵𑐫𑐵 𑐖𑑂𑐫𑐵 𑐫𑐵𑐂𑐥𑐶𑑄 𑐰𑐵𑐳𑑂𑐟𑐸𑐎𑐵𑐬𑐟𑐾𑐟 𑐳𑐸𑐎𑐬𑐵𑐟 𑐥𑐹𑐬𑑂𑐰𑐫𑐵 𑐥𑐡𑐵𑐬𑑂𑐠𑐫𑐵 𑐳𑐶𑐡𑑂𑐢𑐵𑐣𑑂𑐟𑐣𑐵𑐥 𑐥𑐬𑐶𑐔𑐶𑐟 𑐖𑐸𑐂𑐟 𑐳𑐮𑑂𑐮𑐵𑐴 𑐧𑐶𑐫𑐵𑐡𑐶𑐮 𑐐𑐸𑐎𑐶𑐮𑐶𑑄 𑐂𑐩𑐶𑐳𑑄 𑐡𑐫𑐾𑐎𑐵-𑐖𑑂𑐰𑐮𑑄 𑐐𑐠𑐾 𑐰𑑂𑐫𑐰𑐴𑐵𑐬 𑐫𑐵𑐂 𑐢𑐎𑐵𑑅 𑐠𑐸𑐂𑐎𑐾 𑐦𑐂। 𑐳𑐦𑐹 𑑙𑐳 𑐥𑑂𑐮𑐾𑐚𑑀𑐫𑐵 𑐀𑐩𑐹𑐬𑑂𑐟 𑐖𑑂𑐫𑐵𑐩𑐶𑐟𑐶𑐫𑐵𑐟 𑐳𑐬𑑂𑐰𑐾𑐎𑑂𑐲𑐎𑐫𑐵 𑐣𑑂𑐴𑐶𑐠𑑄𑐫𑐵 𑐖𑑂𑐫𑐵𑐣𑐵𑐥 𑐳𑑂𑐰𑐵𑐣𑐵𑐟𑑅𑐐𑐸 𑐡𑐸 । 𑐖𑑂𑐫𑑀𑐟𑐶𑐲 𑐱𑐵𑐳𑑂𑐟𑑂𑐬𑐫𑐵𑐟 𑐩𑐣𑐸𑐫𑐵 𑐖𑐷𑐰𑐣𑐫𑐵 𑐳𑑄𑐐𑐛𑐣𑐫𑐵 𑐀𑐣𑑂𑐟𑐬𑑂𑐡𑐺𑐲𑑂𑐚𑐶𑐫𑐵 𑐣𑐶𑑄𑐟𑐶𑑄 𑐄𑐡𑑂𑐢𑐺𑐟 𑐫𑐵𑑅𑐐𑐸 𑐡𑐸 𑐢𑐵𑑅𑐳𑐵 𑐏𑐐𑑀𑐮𑐱𑐵𑐳𑑂𑐟𑑂𑐬𑐫𑐵𑐟 𑐳𑐹𑐬𑑂𑐫𑐑𑐜𑐷 𑐠𑐸𑐂𑐎𑐾𑐟 𑐁𑐰𑐱𑑂𑐫𑐎 𑐖𑐸𑐐𑐸 𑐏𑑃 𑐢𑐫𑐵𑐟𑑅𑐐𑐸 𑐡𑐸। 𑐀𑐠𑐾 𑐴𑐾 𑐰𑐫𑑂𑐎𑐮𑑄𑐀𑐮𑐾𑐎𑑂𑐖𑐾𑐣𑑂𑐜𑑂𑐬𑐶𑐫𑐵𑐫𑐵 𑐳𑑂𑐟𑐾𑐳𑐶𑐧𑐶𑐫𑐳 𑐰 𑐁𑐬𑑂𑐎𑐶𑐩𑐶𑐜𑐷𑐖𑐫𑐵 𑐁𑐰𑐶𑐲𑑂𑐎𑐵𑐬𑐫𑐵 𑐣𑐶𑑄𑐟𑐶𑑄, 𑐳𑑄𑐐𑐷𑐟𑐫𑐵 𑐣𑐶𑑄𑐟𑐶𑑄 𑐀𑐬𑐶𑐳𑑂𑐚𑑀𑐎𑑂𑐳𑐾𑐣𑐳 ( 𑐀𑐬𑐶𑐳𑑂𑐚𑑀𑐚𑐮𑐫𑐵 𑐱𑐶𑐲𑑂𑐫), 𑐬𑑄𑐐𑐩𑐘𑑂𑐔𑐫𑐵 𑐣𑐶𑑄𑐟𑐶𑑄 𑐀𑐐𑐵𑐠𑐵𑐬𑑂𑐎𑐳 𑐰 𑐰𑐵𑐳𑑂𑐟𑐸𑐎𑐮𑐵𑐫𑐵 𑐣𑐶𑑄𑐟𑐶𑑄 𑐰𑐵𑐬𑑀𑐫𑐵𑐟 𑐄𑐡𑑂𑐢𑐺𑐟 𑐫𑐵𑐣𑐵𑐡𑐶𑐮। thumb|𑐨𑐶𑐟𑑂𑐬𑐸𑐨𑐶𑐫𑐳 𑐮𑐶𑐥𑐵𑐫𑐵 𑐐𑑂𑐬𑐷𑐎 𑐕𑐾𑑃𑐫𑐵 𑐐𑑂𑐰𑐳𑐵𑑅