छ्येलेमि:Eukesh/Auto/NepalScript/दण्डी

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐡𑐞𑑂𑐜𑐷 𑐳𑑄𑐳𑑂𑐎𑐺𑐟 𑐰𑐵𑐒𑑂𑐩𑐫 𑐎𑐠𑑄 𑐕𑐩𑑂𑐴 𑐣𑐵𑑄𑐖𑐵𑐩𑑂𑐴 𑐔𑑂𑐰𑐩𑐶 𑐏। 𑐰𑐫𑑂‌𑐎𑑅𑐫𑐵 𑐧𑐵𑐬𑐾𑐫𑑂 𑐁𑐢𑐶𑐎𑐵𑐬𑐶𑐎 𑐰 𑐋𑐟𑐶𑐴𑐵𑐳𑐶𑐎 𑐥𑑂𑐬𑐩𑐵𑐞 𑐢𑐵𑑅𑐳𑐵 𑐠𑑁𑑄𑐟𑐎𑑂𑐎 𑐩𑐮𑐸𑐣𑐶। 𑐰𑐫𑑂‌𑐎𑑅𑐫𑐵 𑑗𑐐𑐸 𑐎𑐺𑐟𑐶 𑐮𑐹𑐐𑐸 𑐡𑐸। 𑐰𑐫𑑂‌𑐎𑑅 𑐏𑐸𑐐𑐸 𑐱𑐟𑐵𑐧𑑂𑐡𑐷𑐫𑐵 𑐔𑑂𑐰𑐩𑐶 𑐢𑐿𑐐𑐸 𑐰𑐶𑐱𑑂𑐰𑐵𑐳 𑐫𑐵। 𑐰𑐫𑑂‌𑐎𑑅𑐫𑐵 𑐨𑐵𑐲𑐵 𑐩𑐢𑐸𑐬, 𑐳𑐬𑐮 𑐰 𑐳𑐸𑐧𑑀𑐢 𑐖𑐸। 𑐰𑐫𑑂‌𑐎𑐮𑑄 𑐀𑐮𑐒𑑂𑐎𑐵𑐬 𑐳𑐶𑐎𑑂𑐎 𑐧𑐵𑑄𑐮𑐵𑐎𑑂𑐎 𑐕𑑂𑐫𑐾𑐮𑐵𑐡𑐶। 𑐎𑐰𑐶 𑐬𑐵𑐖𑐱𑐾𑐏𑐬𑑄 𑐠𑑅𑐐𑐸 𑐳𑐸𑐨𑐵𑐲𑐶𑐟𑐴𑐵𑐬𑐵𑐰𑐮𑐶 𑐐𑑂𑐬𑐣𑑂𑐠𑐫𑑂 𑐰𑐫𑑂‌𑐎𑑅𑐫𑐵𑐟 𑐠𑐠𑐾 𑐫𑐵𑐣𑐵 𑐰𑐬𑑂𑐞𑐣 𑐫𑐵𑐣𑐡𑐶𑐐𑐸 𑐡𑐸-

𑐟𑑂𑐬𑐫𑑀ऽ𑐐𑑂𑐣𑐫𑐳𑑂𑐟𑑂𑐬𑐫𑑀 𑐰𑐾𑐡𑐵𑐳𑑂𑐟𑑂𑐬𑐫𑑀 𑐡𑐾𑐰𑐵𑐳𑑂𑐟𑑂𑐬𑐫𑑀 𑐐𑐸𑐞𑐵𑑅 ।

𑐟𑑂𑐬𑐫𑑀 𑐡𑐞𑑂𑐜𑐶𑐥𑑂𑐬𑐧𑐣𑑂𑐢𑐵𑐱𑑂𑐔 𑐟𑑂𑐬𑐶𑐲𑐸 𑐮𑑀𑐎𑐾𑐲𑐸 𑐰𑐶𑐱𑑂𑐬𑐸𑐟𑐵𑑅 ॥

𑐩𑑂𑐴𑐳𑐷𑐎𑐵

𑐡𑐞𑑂𑐜𑐷𑐫𑐵 𑐎𑐵𑐮 𑐰 𑐰𑐫𑑂𑐎𑑅𑐫𑐵 𑐬𑐔𑐣𑐵 𑐁𑑅𑐟𑐎 𑐣𑑄 𑐰𑐶𑐰𑐵𑐡𑐵𑐳𑑂𑐥𑐡 𑐡𑐸। 𑐰𑐫𑑂𑐎𑑅𑐫𑐵 𑐖𑐷𑐰𑐣𑐰𑐺𑐟𑑂𑐟𑐫𑐵 𑐰𑐶𑐱𑐾𑐲 𑐖𑑂𑐘𑐵𑐣 𑐩𑐡𑐸। 𑐡𑐎𑑂𑐲𑐶𑐞 𑐨𑐵𑐬𑐟𑐫𑑂 𑐡𑐹𑐐𑐸 '𑐀𑐰𑐣𑑂𑐟𑐶𑐳𑐸𑐣𑑂𑐡𑐬𑐷 𑐎𑐠𑐵' 𑐰 '𑐀𑐰𑐣𑑂𑐟𑐶𑐳𑐸𑐣𑑂𑐡𑐬𑐷 𑐎𑐠𑐵𑐳𑐵𑐬' 𑐣𑐶𑐥𑐸 𑐔𑑂𑐰𑐏𑑃 𑐁𑐢𑐵𑐬𑐫𑑂 𑐰𑐫𑑂𑐎𑑅𑐫𑐵 𑐖𑐷𑐰𑐣𑐫𑐵 𑐰𑐶𑐲𑐫𑐫𑑂 𑐠𑐸𑐮𑐶 𑐖𑐎 𑐏𑑄 (𑐣𑑂𑐴𑐹𑐐𑐸 𑐰 𑐥𑑂𑐬𑐵𑐩𑐵𑐞𑐶𑐎 𑐥𑐵𑐛 𑐎𑐠𑑄) 𑐳𑐷𑐎𑐾𑐕𑐶𑑄 𑐎𑐶 𑐡𑐞𑑂𑐜𑐷𑐫𑐵 𑐀𑐖𑐵 𑐡𑐵𑐩𑑀𑐡𑐬 𑐥𑑄𑐜𑐶𑐟 𑐏 𑐰 𑐰𑐫𑑂𑐎𑑅 𑐕𑐩𑑂𑐴 𑐨𑐚𑑂𑐚 𑐧𑑂𑐬𑐵𑐴𑑂𑐩𑐞 𑐏। 𑐰𑐫𑑂𑐎𑑅 𑐎𑐡𑐵𑐔𑐶𑐟𑑂‌ 𑐨𑐵𑐬𑐰𑐶𑐫𑐵 𑐥𑐵𑐳𑐵 𑐏। 𑐰𑐫𑑂𑐎𑑅𑐫𑐵 𑐐𑑂𑐰𑐴𑐵𑐮𑐶𑑄 𑐔𑐵𑐮𑐸𑐎𑑂𑐫𑐰𑑄𑐱𑐷 𑐬𑐵𑐖𑐵 𑐰𑐶𑐲𑑂𑐞𑐸𑐰𑐬𑑂𑐢𑐣 𑐣𑐵𑐥𑑄 𑐡𑐞𑑂𑐜𑐷 𑐠𑑂𑐫𑐣𑐵𑐡𑐶𑐮। 𑐨𑐵𑐬𑐰𑐶𑐫𑐵 𑐥𑑂𑐫𑑄𑐐𑐸 𑐥𑐸𑐳𑑂𑐟𑐵𑐫𑑂 𑐡𑐞𑑂𑐜𑐷𑐫𑐵 𑐖𑐣𑑂𑐩 𑐖𑐸𑐮। 𑐎𑐵𑑄𑐔𑐷𑐣𑐬𑐾𑐱𑐫𑐵 𑐁𑐱𑑂𑐬𑐫𑐫𑑂 𑐰𑐫𑑂𑐎𑑅𑐫𑐵 𑐖𑐷𑐰𑐣 𑐰𑑂𑐫𑐟𑐷𑐟 𑐖𑐸𑐮। 𑐎𑐣𑑂𑐣𑐜 𑐨𑐵𑐲𑐵𑐫𑐵 𑐀𑐮𑑄𑐎𑐵𑐬𑐐𑑂𑐬𑐣𑑂𑐠 '𑐎𑐰𑐬𑐵𑐖𑐩𑐵𑐬𑑂𑐐' (815 𑐃 𑐁𑐳 𑐥𑐵𑐳)𑐳 𑐡𑐞𑑂𑐜𑐷𑐫𑐵 '𑐎𑐵𑐰𑑂𑐫𑐵𑐡𑐬𑑂𑐱'𑐫𑐵 𑐫𑐠𑐾𑐲𑑂𑐚 𑐥𑑂𑐬𑐨𑐵𑐰 𑐰 𑐳𑐶𑑄𑐴𑐮𑐫𑐵 𑐀𑐮𑑄𑐎𑐵𑐬𑐐𑑂𑐬𑐣𑑂𑐠 '𑐳𑐷𑐫-𑐧𑐳-𑐮𑐎𑐬' (846-866 𑐃॰)𑐫𑐵 𑐎𑐵𑐰𑑂𑐫𑐵𑐡𑐬𑑂𑐱𑐫𑐵 𑐔𑑂𑐰𑐏𑑃𑐫𑐵 𑐁𑐢𑐵𑐬𑐫𑑂 𑐠𑑂𑐰 𑐏𑑃 𑐣𑐶𑐱𑑂𑐔𑐶𑐟 𑐡𑐸 𑐎𑐶 𑑙 𑐱𑐟𑐵𑐧𑑂𑐡𑐷 𑐳𑑂𑐰𑐫𑐵 𑐥𑐹𑐬𑑂𑐰 𑐡𑐞𑑂𑐜𑐷 𑐡𑐫𑐵𑐔𑑂𑐰𑐣। 𑐠𑑂𑐰 𑐎𑐠𑑄 '𑐮𑐎𑑂𑐲𑑂𑐩 𑐮𑐎𑑂𑐲𑑂𑐩𑐷𑑄 𑐟𑐣𑑀𑐟𑐷𑐟𑐶' 𑐄𑐡𑑂𑐢𑐬𑐞𑐫𑑂 𑐎𑐵𑐮𑐶𑐡𑐵𑐳𑐫𑐵 𑐕𑐐𑐹 𑐥𑑂𑐬𑐳𑐶𑐡𑑂𑐢 𑐥𑐡𑑂𑐫𑐵𑑄𑐱𑐫𑑂 𑐁𑐱𑑂𑐬𑐶𑐟 𑐖𑐹𑐎𑐠𑑄 𑐡𑐞𑑂𑐜𑐷𑐫𑐵 𑐎𑐵𑐮 𑐀𑐳𑑄𑐡𑐶𑐐𑑂𑐢 𑐬𑐹𑐥𑑄 𑐎𑐵𑐮𑐶𑐡𑐵𑐳 𑐥𑐱𑑂𑐔𑐵𑐟𑑂‌ 𑐖𑐹𑐐𑐸 𑐖𑐸𑐂𑐩𑐵। 𑐥𑑂𑐬𑑀𑐦𑐾𑐳𑐬 𑐥𑐵𑐛𑐎𑐫𑐵 𑐩𑐟𑑄 𑐎𑐵𑐰𑑂𑐫𑐵𑐡𑐬𑑂𑐱𑐫𑐵 𑐴𑐾𑐟𑐸𑐰𑐶𑐲𑐫𑐎 𑐰𑐶𑐨𑐵𑐐 -- 𑐨𑐬𑑂𑐟𑐺𑐴𑐬𑐶 (650 𑐃o)𑐫𑐵 𑐁𑐢𑐵𑐬𑐫𑑂 𑐡𑐹𑐐𑐸𑐮𑐶𑑄 𑐎𑐵𑐰𑑂𑐫𑐵𑐡𑐬𑑂𑐱𑐫𑐵 𑐬𑐔𑐣𑐵 650 𑐃o 𑐳𑑂𑐰𑐫𑐵 𑐮𑐶𑐥𑐵𑐫𑐵 𑐖𑐹𑐐𑐸 𑐏। 𑐎𑐵𑐰𑑂𑐫𑐵𑐡𑐬𑑂𑐱𑑀𑐎𑑂𑐟 𑐬𑐵𑐖𑐰𑐬𑑂𑐩𑐵 (𑐬𑐣𑑂𑐟𑐶𑐰𑐬𑑂𑐩𑐵)𑐫𑐵𑐟 𑐣𑐬𑐳𑐶𑑄𑐴𑐰𑐬𑑂𑐩𑐵 𑐡𑑂𑐰𑐶𑐟𑐷𑐫𑐫𑐵 "𑐰𑐶𑐬𑐸𑐡"𑐫𑐵 𑐄𑐥𑐣𑐵𑐩 𑐏 𑐢𑐵𑐂𑐥𑐶𑐣𑐶𑐐𑐸 𑐀𑐣𑐸𑐳𑐵𑐬 𑐡𑐞𑑂𑐜𑐷𑐫𑐵 𑐳𑐩𑐫 𑑗𑐐𑐹 𑐱𑐡𑐷𑐫𑐵 𑐄𑐟𑑂𑐟𑐬𑐵𑐬𑑂𑐢 𑐰 𑑘𑐐𑐹𑐫𑐵 𑐁𑐬𑐩𑑂𑐨 𑐏। 𑐫𑐡𑐶 '𑐎𑐵𑐰𑑂𑐫𑐵𑐡𑐬𑑂𑐱'𑐫𑐵 𑐕𑐐𑐹 𑐱𑑂𑐮𑑀𑐎𑐫𑑂 𑐎𑐵𑐡𑐩𑑂𑐧𑐬𑐷𑐫𑐵 𑐱𑐸𑐎𑐣𑐵𑐳𑑀𑐥𑐡𑐾𑐱𑐫𑐵 𑐥𑑂𑐬𑐨𑐵𑐰 𑐳𑑂𑐰𑐷𑐎𑐵𑐬 𑐫𑐵𑐫𑐾𑐐𑐸 𑐏𑑅𑐳𑐵 𑐰𑐫𑑂𑐎𑑅𑐫𑐵 𑐎𑐵𑐮 -- 𑐧𑐵𑐞𑐨𑐚𑑂𑐚 𑐳𑑂𑐰𑐫𑐵 𑐣𑑄 𑐀𑐣𑐣𑑂𑐟𑐬 𑐖𑐸𑐂। 𑐀𑐰𑐣𑑂𑐟𑐶𑐳𑐸𑐣𑑂𑐡𑐬𑐷 𑐎𑐠𑐵𑐳𑐵𑐬𑐫𑐵𑐟 𑐡𑐞𑑂𑐜𑐷𑐫𑐵 𑐎𑐺𑐟𑐶 𑐏 𑐢𑐎𑐵𑑅 𑐎𑐵𑐂𑐥𑐶𑐣𑐶𑐐𑐸 𑐩𑐟𑑄 𑐣𑑄 𑐄𑐥𑐬𑑂𑐫𑐸𑐎𑑂𑐟 𑐎𑐠𑐣𑐫𑐵 𑐥𑐸𑐲𑑂𑐚𑐶 𑐖𑐸𑐂। 𑐕𑐸𑑄 𑐰𑐶𑐡𑑂𑐰𑐵𑐣𑐟𑐾𑐳𑑄 𑐡𑐞𑑂𑐜𑐷𑐫𑐵𑐟 𑐳𑐸𑐧𑐣𑑂𑐢𑐸 𑐳𑑂𑐰𑐫𑐵 𑐥𑐹𑐬𑑂𑐰 𑐰 𑐕𑐸𑑄 𑐰𑐶𑐡𑑂𑐰𑐵𑐣𑐟𑐾𑐳𑑄 𑐰𑐫𑑂𑐎𑑅𑐫𑐵𑐟 𑐧𑐵𑐞𑐨𑐚𑑂𑐚 𑐳𑑂𑐰𑐫𑐵 𑐥𑐹𑐬𑑂𑐰𑐰𑐬𑑂𑐟𑐷 𑐩𑐵𑐣𑐾 𑐫𑐵𑐂। 𑐡𑑂𑐰𑐶𑐟𑐷𑐫 𑐩𑐟 𑐟𑐂𑐥𑐶𑐣𑐶𑐐𑐸 𑐀𑐣𑐸𑐳𑐵𑐬 𑐳𑐸𑐧𑐣𑑂𑐢𑐸, 𑐡𑐞𑑂𑐜𑐷 𑐰 𑐧𑐵𑐞 -- 𑐳𑑂𑐰𑑄𑐩𑑂𑐴 𑐴𑐾 550 𑐃 𑐰 650 𑐃𑐫𑐵 𑐡𑐠𑐸𑐂 𑐄𑐟𑑂𑐥𑐣𑑂𑐣 𑐖𑐹𑐐𑐸 𑐏। 𑐠𑑂𑐰 𑐩𑐣𑐹𑐟𑐾𑐐𑐸 𑐩𑐟𑑄 '𑐀𑐰𑐣𑑂𑐟𑐶𑐳𑐸𑐣𑑂𑐡𑐬𑐷 𑐎𑐠𑐵' 𑐰𑐵 '𑐎𑐠𑐵𑐳𑐵𑐬'𑐫𑐵 (𑐡𑐺𑐝 𑐥𑑂𑐬𑐩𑐵𑐞𑐵𑐨𑐵𑐰𑐫𑐵 𑐎𑐵𑐬𑐞𑑄) 𑐡𑐞𑑂𑐜𑐷𑐎𑐺𑐟 𑐢𑐎𑐵𑑅 𑐎𑐵𑐫𑐾𑐐𑐸 𑐩𑐫𑐵।

𑐔𑑂𑐰𑐏𑑃

• 𑐡𑐱𑐎𑐸𑐩𑐵𑐬𑐔𑐬𑐶𑐟𑐩𑑂
• 𑐎𑐵𑐰𑑂𑐫𑐵𑐡𑐬𑑂𑐱
• 𑐕𑐣𑑂𑐡𑑀𑐰𑐶𑐔𑐶𑐟𑐶𑑅
• 𑐎𑐮𑐵𑐥𑐬𑐶𑐔𑑂𑐕𑐾𑐡𑑅

𑐎𑐵𑐰𑑂𑐫𑐵𑐡𑐬𑑂𑐱

𑐎𑐵𑐰𑑂𑐫𑐵𑐡𑐬𑑂𑐱 𑐎𑐵𑐰𑑂𑐫 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐐𑑂𑐬𑐣𑑂𑐠 𑐏। 𑐠𑐸𑐎𑐶𑐫𑐵 𑐥𑑂𑐬𑐠𑐩 𑐥𑐬𑐶𑐔𑑂𑐕𑐾𑐡𑐫𑑂 𑐎𑐵𑐰𑑂𑐫𑐫𑐵𑐟 𑐳𑑂𑐰𑑄𑐐𑐸 𑐨𑐵𑐐𑐫𑑂 𑐧𑐵𑐫𑐵𑐟𑑅𑐐𑐸 𑐡𑐸–(𑑑) 𑐐𑐡𑑂𑐫, (𑑒) 𑐥𑐡𑑂𑐫 𑐰 (𑑓) 𑐩𑐶𑐱𑑂𑐬।। 𑐐𑐡𑑂𑐫 𑐴𑐵𑐣𑑄 '𑐁𑐏𑑂𑐫𑐵𑐫𑐶𑐎𑐵' 𑐰 '𑐎𑐠𑐵' 𑐱𑐷𑐬𑑂𑐲𑐎𑐫𑑂 𑐰𑐶𑐨𑐵𑐖𑐶𑐟 𑐡𑐸। 𑐠𑑂𑐰 𑐣𑐶𑐐𑐸𑐫𑐵 𑐮𑐎𑑂𑐲𑐞𑐫𑑂 𑐩𑑁𑐮𑐶𑐎 𑐀𑑄𑐟𑐬 𑐣𑐶𑐬𑑂𑐡𑐾𑐱𑐶𑐟 𑐩𑐡𑐸। 𑐎𑐺𑐟𑐶𑐎𑐵𑐬𑑄 𑐳𑑄𑐳𑑂𑐎𑐺𑐟 𑐐𑐡𑑂𑐫 𑐳𑐵𑐴𑐶𑐟𑑂𑐫𑐫𑐵𑐟 𑐥𑑂𑐫𑑄𑐐𑐸 𑐎𑑀𑐚𑐶𑐂 𑐰𑐶𑐨𑐵𑐖𑐶𑐟 𑐫𑐵𑐣𑐵𑐡𑐶–'𑐳𑑄𑐳𑑂𑐎𑐺𑐟', '𑐥𑑂𑐬𑐵𑐎𑐺𑐟', '𑐀𑐥𑐨𑑂𑐬𑑄𑐱' 𑐰 '𑐩𑐶𑐱𑑂𑐬'। '𑐰𑐿𑐡𑐬𑑂𑐨𑐷' 𑐍𑐬 '𑐐𑑁𑐜𑑆𑐷' 𑐣𑐵𑑄𑐫𑐵 𑐣𑐶𑐟𑐵 𑐱𑐿𑐮𑐷𑐟𑐾𑐐𑐸 𑐰 𑑑𑑐 𑐐𑐸𑐞𑐫𑐵 𑐩𑑂𑐴𑐳𑐷𑐎𑐵 𑐣𑑄 𑐠𑑂𑐰 𑐥𑐬𑐶𑐔𑑂𑐕𑐾𑐡𑐫𑑂 𑐡𑐸। 𑐬𑐔𑐫𑐶𑐟𑐵𑐫𑑂 𑐀𑐣𑐸𑐥𑑂𑐬𑐵𑐳𑐫𑐵 𑐨𑐾𑐡 𑐧𑐶𑐫𑐵 𑐥𑑂𑐬𑐟𑑂𑐫𑐾𑐎𑐫𑐵 𑐮𑐎𑑂𑐲𑐞 𑐰 𑐄𑐡𑐵𑐴𑐬𑐞 𑐧𑐶𑐫𑐵𑐟𑑅𑐐𑐸 𑐡𑐸। '𑐱𑑂𑐬𑐸𑐟', '𑐥𑑂𑐬𑐟𑐶𑐨𑐵' 𑐰 '𑐀𑐨𑐶𑐫𑑀𑐐'𑐫𑐵𑐟 𑐡𑑄𑐜𑐷𑑄 𑐎𑐰𑐶 𑐩𑐵𑐟𑑂𑐬𑐫𑐵 𑐳𑑂𑐰𑑄𑐐𑐸 𑐣𑐶𑐫𑐵𑐩𑐎 𑐐𑐸𑐞 𑐩𑐵𑐣𑐾𑐫𑐵𑐣𑐵𑐡𑐶। 𑐡𑑂𑐰𑐶𑐟𑐷𑐫 𑐥𑐬𑐶𑐔𑑂𑐕𑐾𑐡𑐫𑑂 𑐀𑐮𑑄𑐎𑐵𑐬𑐫𑐵 𑐥𑐬𑐶𑐨𑐵𑐲𑐵, 𑐮𑐎𑑂𑐲𑐞 𑐰 𑐄𑐡𑑂𑐡𑐾𑐱𑑂𑐫 𑐧𑐷𑐢𑐸𑑄𑐎𑐵 𑐳𑑂𑐰𑐨𑐵𑐰𑑀𑐎𑑂𑐟𑐶, 𑐄𑐥𑐩𑐵, 𑐬𑐹𑐥𑐎, 𑐡𑐷𑐥𑐎, 𑐁𑐰𑐺𑐟𑑂𑐟𑐶, 𑐁𑐎𑑂𑐲𑐾𑐥, 𑐀𑐬𑑂𑐠𑐵𑐟𑐬𑐣𑑂𑐫𑐵𑐳, 𑐰𑑂𑐫𑐟𑐶𑐬𑐾𑐎, 𑐰𑐶𑐨𑐵𑐰𑐣𑐵, 𑐳𑐩𑐵𑐳𑑀𑐎𑑂𑐟𑐶, 𑐀𑐟𑐶𑐱𑐫𑑀𑐎𑑂𑐟𑐶, 𑐄𑐟𑑂𑐥𑑂𑐬𑐾𑐎𑑂𑐲𑐵, 𑐴𑐾𑐟𑐸, 𑐳𑐹𑐎𑑂𑐲𑑂𑐩, 𑐮𑐾𑐱, 𑐎𑑂𑐬𑐩 (𑐫𑐠𑐵𑐳𑑄𑐏𑑂𑐫), 𑐥𑑂𑐬𑐾𑐫𑐳𑑂, 𑐬𑐳𑐰𑐟𑑂, 𑐅𑐬𑑂𑐖𑐳𑑂𑐰𑐷, 𑐥𑐬𑑂𑐫𑐵𑐫𑑀𑐎𑑂𑐟, 𑐳𑐩𑐵𑐴𑐶𑐟, 𑐄𑐡𑐵𑐟𑑂𑐟, 𑐀𑐥𑑂𑐴𑑂𑐬𑐟𑐶, 𑐱𑑂𑐮𑐾𑐲, 𑐰𑐶𑐱𑐾𑐲𑑀𑐎𑑂𑐟𑐶, 𑐟𑐸𑐮𑑂𑐫𑐫𑑀𑐐𑐶𑐟𑐵, 𑐰𑐶𑐬𑑀𑐢, 𑐀𑐥𑑂𑐬𑐳𑑂𑐟𑐸𑐟𑐥𑑂𑐬𑐱𑑄𑐳𑐵, 𑐰𑑂𑐫𑐵𑐖𑐳𑑂𑐟𑐸𑐟𑐶, 𑐣𑐶𑐡𑐬𑑂𑐱𑐣, 𑐳𑐴𑑀𑐎𑑂𑐟𑐶, 𑐥𑐬𑐶𑐰𑐺𑐟𑑂𑐟𑐶, 𑐁𑐱𑐷, 𑐳𑑄𑐳𑐺𑐲𑑂𑐚𑐶 (𑐳𑑄𑐎𑐷𑐬𑑂𑐞) 𑐟𑐠𑐵 𑐨𑐵𑐰𑐶𑐎 𑐂𑐟𑑂𑐫𑐵𑐡𑐶 𑑓𑑕 𑐀𑐮𑑄𑐎𑐵𑐬𑐟𑐾𑐐𑐸 𑐮𑐎𑑂𑐲𑐞, 𑐨𑐾𑐡 𑐰 𑐄𑐡𑐵𑐴𑐬𑐞 𑐧𑐶𑐫𑐵𑐟𑑅𑐐𑐸 𑐡𑐸। 𑐟𑐺𑐟𑐷𑐫 𑐥𑐬𑐶𑐔𑑂𑐕𑐾𑐡𑐫𑑂 '𑐫𑐩𑐎'𑐫𑐵 𑐰𑐶𑐰𑐾𑐔𑐣 𑐡𑐸। 𑐣𑐵𑐥𑑄, 𑐔𑐶𑐟𑑂𑐬𑐎𑐵𑐰𑑂𑐫, 𑐐𑑀𑐩𑐹𑐟𑑂𑐬𑐶𑐎𑐵, 𑐀𑐬𑑂𑐢𑐨𑑂𑐬𑐩, 𑐳𑐬𑑂𑐰𑐟𑐵𑐨𑐾𑐡𑑂𑐬, 𑐳𑑂𑐰𑐬𑐣𑐶𑐫𑐩, 𑐳𑑂𑐠𑐵𑐣𑐣𑐶𑐫𑐩, 𑐰𑐬𑑂𑐞𑐣𑐶𑐫𑐩 𑐟𑐠𑐵 𑐥𑑂𑐬𑐴𑐾𑐮𑐶𑐎𑐵 𑐂𑐟𑑂𑐫𑐵𑐡𑐶𑐫𑐵 𑐮𑐎𑑂𑐲𑐞 𑐰 𑐄𑐡𑐵𑐴𑐬𑐞 𑐣𑑄 𑐧𑐶𑐫𑐵𑐟𑑅𑐐𑐸 𑐡𑐸। 𑐐𑑂𑐬𑑄𑐠𑐵𑐣𑑂𑐟𑐫𑑂 𑐎𑐵𑐰𑑂𑐫𑐡𑑀𑐲𑐟𑐾𑐐𑐸 𑐩𑑂𑐴𑐳𑐷𑐎𑐵 𑐡𑐸।

𑐳𑑂𑐰𑐫𑐵𑐡𑐶𑐳𑑄

• Kavyadarsa - word, pdf
• Poetics — Banglapedia
• Kavyadarsha of Dandi, Sanskrit text
• Kavyadarsa, Paricchedas 1 and 2 (input by Somadeva Vasudeva) at GRETIL
• Kavyadarsha, Paricchedas 1; 2.1-144, 310-368 (input by Reinhold Grünendahl) at GRETIL