छ्येलेमि:Eukesh/Auto/NepalScript/दक्षिण अमेरिका

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Eukesh/Auto/NepalScript/दक्षिण अमेरिका

200px
क्षेत्रफल	𑑑,𑑗𑑘,𑑔𑑐,𑑐𑑐𑑐 𑐎𑐶𑐩𑐷𑑒
जनसंख्या	𑑓𑑘,𑑒𑑐,𑑐𑑐,𑑐𑑐𑑐
जनघनत्व	𑑒𑑑.𑑔 𑐥𑑂𑐬𑐟𑐶 𑐎𑐶𑐩𑐷𑑒
मनुतेगु संज्ञा	𑐡𑐎𑑂𑐲𑐶𑐞 𑐀𑐩𑐬𑐷𑐎𑐷, 𑐀𑐩𑐾𑐬𑐶𑐎𑐣
देय्‌	𑑑𑑒 (List of countries)
पराधीन लागा	𑑓
भाषा	𑐨𑐵𑐲𑐵𑐟𑐾𑐐𑐸 𑐢𑐮𑑅
ई लागा	UTC-2 𑐣𑐶𑐳𑐾𑑄 UTC-5
तःधंगु नगर	{{{1}}} 𑐳𑐵𑐌 𑐥𑐵𑐄𑐮𑑀 𑐧𑑂𑐫𑐸𑐣𑐳 𑐁𑐫𑐬𑐾𑐳 𑐬𑐶𑐫𑑀 𑐡𑐶 𑐖𑑂𑐫𑐵𑐣𑐾𑐬𑐶𑐫𑑀 𑐧𑑀𑐐𑑀𑐚𑐵 𑐮𑐶𑐩𑐵 𑐳𑐾𑐞𑑂𑐚𑐶𑐫𑐵𑐐𑑀 𑐎𑐵𑐬𑐵𑐎𑐵𑐳

𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵 (𑐳𑑂𑐥𑐾𑐣𑐷 𑐨𑐵𑐲𑐵: América del Sur; 𑐥𑑀𑐬𑑂𑐔𑐸𑐐𑐶𑐖: América do Sul) 𑐄𑐟𑑂𑐟𑐬 𑐀𑐩𑐬𑐷𑐎𑐵𑐫𑐵 𑐡𑐎𑑂𑐲𑐶𑐞 𑐥𑐹𑐬𑑂𑐰𑐫𑑂 𑐳𑑂𑐠𑐶𑐟 𑐥𑐱𑑂𑐔𑐶𑐩𑐷 𑐐𑑀𑐮𑐵𑐬𑑂𑐡𑑂𑐢𑐫𑐵 𑐕𑐐𑐹 𑐩𑐴𑐵𑐡𑑂𑐰𑐷𑐥 𑐏:। 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵 𑐄𑐟𑑂𑐟𑐬𑐫𑑂 𑑑𑑓^𑑐 𑐄𑐟𑑂𑐟𑐬𑐷 𑐀𑐎𑑂𑐲𑐵𑑄𑐱 (𑐐𑑂𑐫𑐵𑐮𑐶𑐣𑐳 𑐀𑐣𑑂𑐟𑐬𑐷𑐥) 𑐣𑐶𑐳𑐾𑑄 𑐡𑐎𑑂𑐲𑐶𑐞𑐫𑑂 𑑕𑑖^𑑐 𑐡𑐎𑑂𑐲𑐶𑐞𑐷 𑐀𑐎𑑂𑐲𑐵𑑄𑐱 (𑐴𑐬𑑂𑐣 𑐀𑐣𑑂𑐟𑐬𑐷𑐥) 𑐟𑐎𑑂𑐎 𑐰 𑐥𑐹𑐬𑑂𑐰𑐫𑑂 𑑓𑑕^𑑐 𑐥𑐱𑑂𑐔𑐶𑐩𑐷 𑐡𑐾𑐱𑐵𑐣𑑂𑐟𑐬 (𑐬𑐾𑐱𑐶𑐎𑑀 𑐀𑐣𑑂𑐟𑐬𑐷𑐥) 𑐣𑐶𑐳𑐾𑑄 𑐥𑐱𑑂𑐔𑐶𑐩𑐫𑑂 𑑘𑑑^𑑐 𑐥𑐱𑑂𑐔𑐶𑐩𑐷 𑐡𑐾𑐱𑐵𑐣𑑂𑐟𑐬 (𑐥𑐵𑐬𑐶𑐣𑐵 𑐀𑐣𑑂𑐟𑐬𑐷𑐥) 𑐟𑐎𑑂𑐎 𑐰𑐶𑐳𑑂𑐟𑐺𑐟 𑐡𑐸। 𑐠𑑂𑐰 𑐩𑐴𑐵𑐡𑐾𑐱𑐫𑐵 𑐄𑐟𑑂𑐟𑐬𑐫𑑂 𑐎𑑂𑐫𑐵𑐬𑐶𑐧𑐶𑐫𑐣 𑐳𑐵𑐐𑐬 𑐰 𑐥𑐣𑐵𑐩𑐵 𑐣𑐴𑐬, 𑐥𑐹𑐬𑑂𑐰 𑐰 𑐄𑐟𑑂𑐟𑐬-𑐥𑐹𑐬𑑂𑐰𑐫𑑂 𑐁𑐣𑑂𑐢𑑂𑐬 𑐩𑐴𑐵𑐳𑐵𑐐𑐬, 𑐥𑐱𑑂𑐔𑐶𑐩𑐫𑑂 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬 𑐰 𑐡𑐎𑑂𑐲𑐶𑐞𑐫𑑂 𑐀𑐞𑑂𑐚𑐵𑐬𑑂𑐎𑐚𑐶𑐎 𑐩𑐴𑐵𑐳𑐵𑐐𑐬 𑐮𑐵। 𑐨𑐹𑐩𑐢𑑂𑐫 𑐬𑐾𑐏𑐵 𑐠𑑂𑐰 𑐩𑐴𑐵𑐡𑐾𑐱𑐫𑐵 𑐄𑐟𑑂𑐟𑐬𑐷 𑐨𑐵𑐐𑑄 𑐰 𑐩𑐎𑐬 𑐬𑐾𑐏𑐵 𑐩𑐢𑑂𑐫𑑄 𑐰𑐣𑐶। 𑐠𑐸𑐎𑐶𑐫𑐵 𑐎𑐵𑐬𑐞𑑄 𑐠𑑂𑐰 𑐩𑐴𑐵𑐡𑐾𑐱𑐫𑐵 𑐀𑐢𑐶𑐎𑐵𑑄𑐱 𑐨𑐵𑐐 𑐄𑐲𑑂𑐞 𑐎𑐚𑐶𑐧𑐣𑑂𑐢𑐫𑑂 𑐮𑐵। 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐄𑐟𑑂𑐟𑐬 𑐣𑐶𑐳𑐾𑑄 𑐡𑐎𑑂𑐲𑐶𑐞 𑐟𑐎𑑂𑐎𑐫𑐵 𑐴𑐵𑐎𑑅 𑐮𑐐𑐨𑐐 𑑗,𑑒𑑐𑑐 𑐎𑐶𑐮𑑀𑐩𑐷𑐚𑐬 𑐰 𑐥𑐱𑑂𑐔𑐶𑐩 𑐣𑐶𑐳𑐾𑑄 𑐥𑐹𑐬𑑂𑐰 𑐧𑑂𑐫𑐵 𑑕,𑑑𑑒𑑐 𑐎𑐶𑐮𑑀𑐩𑐷𑐚𑐬 𑐡𑐸। 𑐴𑐮𑐶𑐩𑐫𑐵 𑐠𑑂𑐰 𑐥𑑂𑐫𑑄𑐐𑐸 𑐡𑐎𑑂𑐮𑐾 𑐟𑑅𑐢𑑄𑐐𑐸 𑐩𑐴𑐵𑐡𑐾𑐱 𑐏। 𑐠𑑂𑐰 𑐩𑐴𑐵𑐡𑐾𑐱‌ 𑐁𑐎𑐵𑐬 𑐎𑐠𑑄 𑐨𑐵𑐬𑐟 𑐳𑑂𑐰𑐫𑐵 𑑖 𑐐𑐸𑐣𑐵𑐟𑐶 𑐟𑑅𑐢𑑄। 𑐥𑐣𑐵𑐥𑐵 𑐣𑐴𑐬𑑄 𑐠𑐸𑐎𑐶𑐫𑐵𑐟 𑐥𑐣𑐵𑐩𑐵 𑐣𑐴𑐬𑐫𑑂 𑐄𑐟𑑂𑐟𑐬 𑐀𑐩𑐬𑐷𑐎𑐵 𑐩𑐴𑐵𑐡𑐾𑐱 𑐳𑑂𑐰𑐫𑐵 𑐀𑐮𑐐 𑐫𑐵𑐂 𑐟𑐬 𑐥𑐣𑐵𑐩𑐵 𑐡𑐾𑐱𑐫𑐵𑐟 𑐁𑐢𑐶𑐎𑐵𑐬𑐶𑐎 𑐎𑐠𑑄 𑐢𑐵𑑅𑐳𑐵 𑐄𑐟𑑂𑐟𑐬 𑐀𑐩𑐬𑐷𑐎𑐵𑐫𑑂 𑐎𑐵𑐫𑐾𑐐𑐸 𑐫𑐵।

𑑓𑑒,𑑐𑑐𑑐 𑐎𑐶𑐮𑑀𑐩𑐷𑐚𑐬 𑐴𑐵𑐎𑑅 𑐳𑐩𑐸𑐡𑑂𑐬𑐟𑐚 𑐡𑐹𑐐𑐸 𑐠𑑂𑐰 𑐩𑐴𑐵𑐡𑐾𑐱𑐫𑐵 𑐳𑐩𑐸𑐡𑑂𑐬𑐷 𑐟𑐚 𑐳𑐷𑐢𑐵 𑐡𑐸, 𑐟𑐚𑐫𑑂 𑐡𑑂𑐰𑐷𑐥, 𑐥𑑂𑐬𑐵𑐫𑐡𑑂𑐰𑐷𑐥 𑐰 𑐏𑐵𑐜𑐷𑐟 𑐩𑑂𑐴𑑀 𑐖𑐸 𑐐𑐸𑐎𑐶𑐮𑐶𑑄 𑐫𑐵𑐣𑐵 𑐧𑐵𑑄𑐮𑐵𑑅𑐐𑐸 𑐧𑐣𑑂𑐡𑐬𑐐𑐵𑐴𑐫𑐵 𑐀𑐨𑐵𑐰 𑐡𑐸। 𑐏𑐣𑐶𑐖 𑐰 𑐥𑑂𑐬𑐵𑐎𑐺𑐟𑐶𑐎 𑐳𑐩𑑂𑐥𑐡𑐵𑐫𑑂 𑐟𑑅𑐩𑑂𑐴𑐶 𑐠𑑂𑐰 𑐩𑐴𑐵𑐡𑑂𑐰𑐷𑐥 𑐄𑐲𑑂𑐞 𑐰 𑐁𑐡𑑂𑐬 𑐖𑐮𑐰𑐵𑐫𑐸, 𑐐𑐸𑑄, 𑐥𑐛𑐵𑐬, 𑐖𑐒𑑂𑐐𑐮 𑐰 𑐩𑐬𑐸𑐨𑐹𑐩𑐶𑐫𑐵 𑐄𑐥𑐳𑑂𑐠𑐶𑐟𑐶𑐫𑐵 𑐎𑐵𑐬𑐞𑑄 𑐫𑐎𑑂𑐰 𑐰𑐶𑐎𑐳𑐶𑐟 𑐩𑐖𑐸𑐣𑐶। 𑐠𑐣 𑐴𑐮𑐶𑐩𑐫𑐵 𑐡𑐎𑑂𑐮𑐾 𑐟𑐵𑑅𑐴𑐵𑐎𑐐𑐸 𑐔𑑂𑐰𑐵𑐥𑐸𑐐𑐸𑑄-𑐱𑑂𑐬𑐾𑐞𑐷 𑐊𑐞𑑂𑐜𑐶𑐖 𑐥𑐬𑑂𑐰𑐟𑐩𑐵𑐮𑐵 𑐰 𑐡𑐎𑑂𑐮𑐾 𑐟𑑅𑐖𑑂𑐖𑐵𑐐𑐸 𑐠𑐵𑐳𑐫𑑂 𑑑𑑒𑐮𑐵 𑐴𑐾 𑐟𑐶 𑐖𑐸𑐫𑐵 𑐔𑑂𑐰𑐣𑐶𑐐𑐸 𑐚𑐶𑐚𑐶𑐎𑐵𑐎𑐵 𑐥𑐸𑐏𑐸 𑐣𑑄 𑐡𑐸। 𑐨𑐹𑐩𑐢𑑂𑐫𑐬𑐾𑐏𑐵𑐫𑐵 𑐣𑐵𑐥𑑄 𑐥𑐾𑐬𑐹 𑐡𑐾𑐱𑐫𑑂 𑐔𑐶𑐩𑑂𑐧𑑀𑐬𑐾𑐖𑑀 𑐰 𑐎𑑀𑐚𑑀𑐥𑑂𑐫𑐵𑐎𑑂𑐳𑐷 𑐣𑐵𑐩𑐎 𑐴𑐮𑐶𑐩𑐫𑐵 𑐡𑐎𑑂𑐮𑐾 𑐟𑑅𑐖𑑂𑐖𑐵𑑅𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐐𑐸𑑄 𑐡𑐸। 𑐠𑑂𑐰 𑐳𑐩𑐸𑐡𑑂𑐬 𑐳𑐟𑐴 𑐳𑑂𑐰𑐫𑐵 𑐮𑐐𑐨𑐐 𑑖,𑑐𑑙𑑖 𑐩𑐶𑐚𑐬 𑐔𑑂𑐰𑐾 𑐮𑐵। 𑐀𑐩𑐾𑐖𑐣 𑐏𑐸𑐳𑐶, 𑐌𑐬𑐷𑐣𑐶𑐎𑑀, 𑐬𑐶𑐫𑑀 𑐡𑐶 𑐮𑐵 𑐥𑑂𑐮𑐵𑐟𑐵 𑐠𑐣𑐫𑐵 𑐩𑐹 𑐏𑐸𑐳𑐶 𑐏। 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐩𑐾𑐩𑐾𑐐𑐸 𑐏𑐸𑐳𑐶𑐂 𑐧𑑂𑐬𑐵𑐖𑐶𑐮𑐫𑐵 𑐳𑐵𑐌 𑐦𑑂𑐬𑐵𑐣𑑂𑐳𑐶𑐳𑑂𑐎𑑀, 𑐎𑑀𑐮𑐩𑑂𑐧𑐶𑐫𑐵𑐫𑐵 𑐩𑑂𑐫𑐵𑐐𑐜𑐵𑐮𑐾𑐣𑐵 𑐰 𑐀𑐬𑑂𑐖𑐾𑐣𑑂𑐚𑐶𑐣𑐵𑐫𑐵 𑐬𑐵𑐫𑑀 𑐎𑑀𑐮𑑀𑐬𑐾𑐜𑑀 𑐮𑐵। 𑐠𑑂𑐰 𑐩𑐴𑐵𑐡𑑂𑐰𑐷𑐥𑐫𑑂 𑐧𑑂𑐬𑐵𑐖𑐶𑐮, 𑐀𑐬𑑂𑐖𑐾𑐞𑑂𑐚𑐶𑐣𑐵, 𑐔𑐶𑐮𑐷, 𑐄𑐬𑐸𑐐𑑂𑐰𑐾, 𑐥𑐵𑐬𑐵𑐐𑑂𑐰𑐾, 𑐧𑑀𑐮𑐶𑐨𑐶𑐫𑐵, 𑐥𑐾𑐬𑐹, 𑐂𑐎𑑂𑐰𑐾𑐜𑑀𑐬, 𑐎𑑀𑐮𑐩𑑂𑐧𑐶𑐫𑐵, 𑐨𑐾𑐣𑐾𑐖𑐸𑐊𑐮𑐵, 𑐐𑐵𑐫𑐣𑐵 (𑐧𑑂𑐬𑐶𑐚𑐶𑐱, 𑐜𑐔, 𑐦𑑂𑐬𑐾𑐘𑑂𑐔) 𑐁𑐡𑐶 𑐡𑐾𑐱 𑐮𑐵।

𑐂𑐟𑐶𑐴𑐵𑐳

[[𑐎𑐶𑐥𑐵:Machu Picchu.jpg|thumb|right|𑐩𑐵𑐔𑐸 𑐥𑐶𑐔𑐸𑐫𑑂 𑐂𑐒𑑂𑐎𑐵 𑐳𑐨𑑂𑐫𑐟𑐵𑐫𑐵 𑐀𑐰𑐱𑐾𑐲]] thumb|right| 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵, 𑐩𑐢𑑂𑐫 𑐀𑐩𑐾𑐬𑐶𑐎𑐵, 𑐩𑐾𑐎𑑂𑐳𑐶𑐎𑑀, 𑐰𑐾𑐳𑑂𑐚 𑐂𑐞𑑂𑐜𑐶𑐖 𑐰 𑐎𑑂𑐫𑐵𑐬𑐶𑐧𑐶𑐫𑐣 𑐡𑐾𑐱𑐟𑐾𑐟 𑐕𑐥𑑄 𑐫𑐵𑐣𑐵 𑐮𑑂𑐫𑐵𑐚𑐶𑐣 𑐀𑐩𑐾𑐬𑐶𑐎𑐵 𑐢𑐵𑐂। 𑐮𑑂𑐫𑐵𑐚𑐶𑐣 𑐥𑑂𑐬𑐵𑐔𑐷𑐣 𑐬𑑀𑐩𑐰𑐵𑐳𑐷𑐟𑐾𑐐𑐸 𑐨𑐵𑐲𑐵 𑐏। 𑐀𑐢𑐶𑐎𑐵𑑄𑐱 𑐨𑐵𑐬𑐟𑐷𑐫 𑐨𑐵𑐲𑐵𑐫𑐵 𑐰𑐶𑐎𑐵𑐳 𑐳𑑄𑐳𑑂𑐎𑐺𑐟 𑐨𑐵𑐲𑐵𑑄 𑐖𑐹𑐠𑐾𑑄 𑐫𑐎𑑂𑐰 𑐫𑐸𑐬𑑀𑐥𑐷𑐫 𑐬𑑀𑐩𑐵𑐣𑑂𑐳 𑐨𑐵𑐲𑐵 𑐡𑐳𑐸 𑐳𑑂𑐥𑐾𑐣𑐷, 𑐥𑑀𑐬𑑂𑐔𑐸𑐐𑐶𑐖, 𑐦𑑂𑐬𑐾𑐘𑑂𑐔 𑐰 𑐂𑐚𑐵𑐮𑐶𑐫𑐣 𑐨𑐵𑐲𑐵𑐟𑐾𑐐𑐸 𑐰𑐶𑐎𑐵𑐳 𑐮𑑂𑐫𑐵𑐚𑐶𑐣𑑄 𑐖𑐹𑐐𑐸 𑐏। 𑐠𑑂𑐰 𑐨𑐵𑐲𑐵 𑐮𑑂𑐴𑐵𑐂𑐐𑐸 𑐠𑐵𑐫𑑂‌𑐟𑐾𑐟 𑐮𑑂𑐫𑐵𑐚𑐶𑐣 𑐢𑐵𑐂। 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂 𑐥𑑀𑐬𑑂𑐔𑐸𑐐𑐮 𑐰 𑐳𑑂𑐥𑐾𑐣𑑄 𑐮𑑂𑐫𑐵𑐚𑐶𑐣 𑐨𑐵𑐲𑐷 𑐩𑐣𑐸𑐟 𑐠𑐣 𑐔𑑂𑐰𑑄 𑐰𑐮 । 𑐮𑐶𑐥𑐵 𑐠𑑂𑐰 𑐠𑐵𑐫𑑂‌𑐫𑐵 𑐩𑐹 𑐨𑐵𑐲𑐵 𑐠𑑂𑐰 𑐴𑐾 𑐨𑐵𑐲𑐵 𑐖𑐹𑐰𑐣 𑐰 𑐠𑑂𑐰 𑐠𑐵𑐫𑑂‌𑐫𑐵𑐟 𑐮𑑂𑐫𑐵𑐚𑐶𑐣 𑐀𑐩𑐾𑐬𑐶𑐎𑐵 𑐢𑐎𑐵 𑐩𑑂𑐴𑐳𑐷𑐎𑐮।

𑐥𑐾𑐬𑐹𑐫𑐵 𑐎𑐾𑐣𑑂𑐡𑑂𑐬𑐷𑐫 𑐥𑐴𑐵𑐜𑐫𑑂 𑐫𑐎𑑂𑐰 𑐮𑐏 𑐡𑑃 𑐣𑑂𑐴𑑂𑐫𑑅 𑐩𑐣𑐸 𑐰𑑅𑐐𑐸 𑐢𑐿𑐐𑐸 𑐰𑐶𑐱𑑂𑐰𑐵𑐳 𑐡𑐸। 𑐠𑐣 𑐫𑐎𑑂𑐰 𑐳𑑄𑐳𑑂𑐎𑐺𑐟𑐶𑐟𑐾𑐐𑐸 𑐰𑐶𑐎𑐵𑐳 𑐖𑐸𑐮। 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐡𑐎𑑂𑐮𑐾 𑐩𑐹 𑐳𑐨𑑂𑐫𑐟𑐵𑐫𑑂 𑐂𑐒𑑂𑐎𑐵 𑐳𑐨𑑂𑐫𑐟𑐵 𑐕𑐐𑐹 𑐏 𑐐𑐸𑐎𑐶𑐫𑐵 𑐎𑑂𑐲𑐾𑐟𑑂𑐬 𑐥𑐾𑐬𑐹, 𑐂𑐎𑑂𑐰𑐾𑐜𑐬, 𑐧𑑀𑐮𑐶𑐨𑐶𑐫𑐵, 𑐀𑐬𑑂𑐖𑐾𑐞𑑂𑐚𑐶𑐣𑐵 𑐰 𑐔𑐶𑐮𑐷𑐫𑐵 𑐄𑐟𑑂𑐟𑐬𑐷 𑐨𑐵𑐐 𑐮𑐵। 𑑑𑑕𑐐𑐸 𑐱𑐟𑐵𑐧𑑂𑐡𑐷𑐫𑐵 𑐀𑐣𑑂𑐟𑐫𑑂 𑐠𑑂𑐰 𑐔𑐬𑐩𑑀𑐟𑑂𑐎𑐬𑑂𑐲𑐫𑑂 𑐠𑑂𑐫𑐣। 𑐂𑐒𑑂𑐎𑐵 𑐳𑐨𑑂𑐫𑐟𑐵𑐫𑑂 𑐱𑐵𑐳𑐎𑐫𑐵𑐟 𑐂𑐒𑑂𑐎𑐵 𑐢𑐵𑐂 𑐰 𑐂𑐩𑐶𑐐𑐸 𑐁𑐡𑐬 𑐫𑐵𑐂𑐐𑐸 𑐔𑐮𑐣 𑐡𑐫𑐵𑐔𑑂𑐰𑐣। 𑐠𑑂𑐰 𑐳𑐨𑑂𑐫𑐟𑐵 𑐠𑑅𑐐𑐸 𑐫𑐵𑐟𑐵𑐫𑐵𑐟, 𑐳𑐘𑑂𑐔𑐵𑐬 𑐰 𑐜𑐵𑐎 𑐰𑑂𑐫𑐰𑐳𑑂𑐠𑐵𑐫𑐵 𑐣𑐶𑑄𑐟𑐶𑑄 𑐣𑐵𑑄𑐖𑐵। 𑐩𑐵𑐔𑐸 𑐥𑐶𑐔𑐸 𑐩𑐹 𑐣𑐐𑐬 𑐏 𑐐𑐸𑐎𑐶𑐫𑐵 𑐥𑐸𑐬𑐵𑐟𑐵𑐟𑑂𑐰𑐶𑐎 𑐀𑐰𑐱𑐾𑐲 𑐠𑑁𑑄 𑐣𑑄 𑐏𑐣𑐾𑐡𑐸। 𑐳𑐹𑐬𑑂𑐡𑑂𑐫𑐫𑐵𑐟 𑐠𑐣𑐫𑐵 𑐳𑐬𑑂𑐰𑑀𑐔𑑂𑐔 𑐡𑑂𑐫𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐰 𑐩𑐾𑐩𑐾𑐥𑐶𑑄 𑐡𑐾𑐰𑐷 𑐡𑐾𑐰𑐟𑐵𑐟𑐾𑐐𑐸 𑐣𑑄 𑐥𑐹𑐖𑐵 𑐫𑐵𑐫𑐾𑐐𑐸 𑐔𑐮𑐣 𑐡𑐫𑐵𑐔𑑂𑐰𑐣। 𑐠𑐣𑐫𑐵 𑐡𑐾𑐐𑐮𑐾 𑐳𑑂𑐰𑐬𑑂𑐞𑐥𑐟𑑂𑐬 𑐀𑐮𑐒𑑂𑐎𑐺𑐟 𑐫𑐵𑐣𑐵 𑐟𑐫𑐾𑐐𑐸 𑐔𑐮𑐣 𑐡𑐸। 𑐱𑐶𑐮𑑂𑐥𑐎𑐮𑐵 𑐰 𑐱𑐮𑑂𑐫 𑐔𑐶𑐎𑐶𑐟𑑂𑐳𑐵𑐫𑑂 𑐠𑑂𑐰 𑐳𑐨𑑂𑐫𑐟𑐵 𑐠𑑅𑐐𑐸 𑐳𑐩𑐎𑐵𑐮𑐷𑐣 𑐳𑐨𑑂𑐫𑐟𑐵 𑐳𑑂𑐰𑐫𑐵 𑐄𑐣𑑂𑐣𑐟 𑐖𑐸।

𑐨𑐹𑐐𑑀𑐮

thumb|right|𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐨𑑁𑐟𑐶𑐎 𑐳𑑂𑐰𑐬𑐹𑐥 𑐢𑐬𑐵𑐟𑐮𑐷𑐫 𑐳𑑂𑐰𑐬𑐹𑐥𑐫𑐵 𑐀𑐣𑑂𑐟𑐬𑐫𑐵 𑐡𑐺𑐲𑑂𑐚𑐶𑑄 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵 𑐩𑐴𑐵𑐡𑑂𑐰𑐷𑐥 𑐰𑐶𑐱𑐾𑐲 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐖𑐸। 𑐥𑐱𑑂𑐔𑐶𑐩𑐫𑑂 𑐟𑐚𑐫𑐵 𑐳𑐩𑐵𑐣𑐵𑐣𑑂𑐟𑐬 𑐊𑐞𑑂𑐜𑐶𑐖 𑐎𑐵𑐬𑑂𑐜𑐶𑐮𑐾𑐬𑐵 𑐥𑐬𑑂𑐰𑐟 𑐱𑐺𑑄𑐏𑐮𑐵 𑐄𑐟𑑂𑐟𑐬 𑐣𑐶𑐳𑐾𑑄 𑐡𑐎𑑂𑐲𑐶𑐞 𑐟𑐎𑑂𑐎 𑐠𑑂𑐫𑑄 । 𑐠𑑂𑐰 𑐥𑐬𑑂𑐰𑐟𑐱𑑂𑐬𑐺𑐒𑑂𑐏𑐮𑐵 𑐄𑐟𑑂𑐟𑐬𑐷 𑐀𑐩𑐾𑐬𑐶𑐎𑐵𑐫𑐵 𑐬𑐎𑐷 𑐥𑐬𑑂𑐰𑐟𑐫𑐵 𑐡𑐎𑑂𑐲𑐶𑐞𑐷 𑐳𑐶𑐮𑐳𑐶𑐮𑐵 𑐏। 𑑗,𑑒𑑐𑑐 𑐎𑐶𑐮𑑀𑐩𑐶𑐚𑐬 𑐴𑐵𑐎𑑅𑐫𑐵 𑐠𑑂𑐰 𑐱𑑂𑐬𑐺𑐒𑑂𑐏𑐮𑐵 𑐴𑐶𑐩𑐵𑐮𑐫 𑐢𑐸𑑄𑐎𑐵 𑐴𑐮𑐶𑐩𑐫𑐵 𑐡𑐎𑑂𑐮𑐾 𑐟𑐖𑑂𑐖𑐵𑑅𑐐𑐸 𑐥𑐬𑑂𑐰𑐟 𑐱𑐺𑑄𑐏𑐮𑐵 𑐏। 𑐠𑐸𑐎𑐶𑐮𑐶 𑐫𑐎𑑂𑐰 𑐟𑐖𑑂𑐖𑐵𑐐𑐸 𑐥𑐬𑑂𑐰𑐟 𑐱𑑂𑐬𑐾𑐞𑐷 , 𑐥𑐛𑐵𑐬, 𑐰 𑐖𑑂𑐰𑐵𑐮𑐵𑐩𑐸𑐏𑐷 𑐔𑑂𑐰𑐎𑐵 𑐮𑐵। 𑐴𑐮𑐶𑐩𑐫𑐵 𑐡𑐎𑑂𑐮𑐾 𑐟𑐖𑑂𑐖𑐵𑑅𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐥𑐬𑑂𑐰𑐟 𑐎𑑀𑐚𑑀𑐥𑐿𑐎𑑂𑐳𑐷 (𑑕,𑑙𑑗𑑐 𑐩𑐷𑐚𑐬) 𑐠𑑂𑐰 𑐨𑐵𑐐𑐫𑑂 𑐮𑐵। 𑐠𑑂𑐰 𑐥𑐬𑑂𑐰𑐟𑐩𑐵𑐮𑐵𑐫𑐵 𑐡𑐎𑑂𑐮𑐾 𑐟𑐖𑑂𑐖𑐵𑑅𑐐𑐸 𑐔𑑂𑐰𑐎𑐵 𑐀𑐎𑐵𑐎𑐵𑐐𑐸𑐁𑐫𑐵𑐟 (𑑖,𑑙𑑖𑑙 𑐩𑐷𑐚𑐬) 𑐣𑑂𑐴𑑂𑐫𑐵𑐧𑐶𑐮𑐾𑑄 𑐔𑑂𑐰𑐵𑐥𑐸𑑄 𑐨𑐸𑐣𑐵𑐟𑐿। 𑐊𑐞𑑂𑐜𑐷𑐖𑐫𑑂 𑐳𑐵𑐢𑐵𑐬𑐞𑐟𑑅 𑐣𑐶𑐐𑐸 𑐱𑑂𑐬𑐾𑐞𑐶 𑐡𑐸 𑐐𑐸𑐎𑐶𑐫𑐵 𑐡𑐠𑐸𑐂 𑐩𑐢𑑂𑐫 𑐧𑑀𑐮𑐰𑐶𑐫𑐵 𑐰 𑐥𑐾𑐬𑐹𑐫𑐵 𑐥𑐛𑐵𑐬 𑐰 𑐦𑑂𑐬𑐾𑐱 𑐰𑐵𑐚𑐬 𑐥𑐸𑐏𑐸 𑐚𑐶𑐚𑐶𑐎𑐵𑐎𑐵 𑐮𑐵। 𑐠𑑂𑐰 𑐩𑐴𑐵𑐡𑑂𑐰𑐷𑐥𑐫𑑂 𑐩𑐸𑐏𑑂𑐫 𑐳𑑂𑐰𑑄𑐐𑐸 𑐥𑐛𑐵𑐬𑐷 𑐨𑐵𑐐 𑐡𑐸। 𑐐𑐵𑐫𑐣𑐵𑐫𑐵 𑐥𑐛𑐵𑐬, 𑐧𑑂𑐬𑐵𑐖𑐶𑐮𑐫𑐵 𑐥𑐛𑐵𑐬 𑐰 𑐥𑐾𑐚𑐵𑐐𑑀𑐣𑐶𑐫𑐵𑐫𑐵 𑐥𑐛𑐵𑐬। 𑐐𑐵𑐫𑐣𑐵𑐫𑐵 𑐥𑐛𑐵𑐬𑐷 𑐨𑐵𑐐 𑐌𑐬𑐷𑐣𑐷𑐎𑑀 𑐰 𑐀𑐩𑐾𑐖𑐣 𑐏𑐸𑐳𑐶𑐫𑐵 𑐩𑐸𑐴𑐵𑐣𑐫𑐵 𑐡𑐠𑐸𑐂 𑐮𑐵। 𑐠𑑂𑐰 𑐥𑐛𑐵𑐬 𑑙𑑐𑑐 𑐣𑐶𑐳𑐾𑑄 𑑑,𑑘𑑐𑑐 𑐩𑐶𑐚𑐬 𑐖𑐵𑑅𑐫𑑂 𑐖𑐮 𑐰𑐶𑐨𑐵𑐖𑐎𑐫𑐵 𑐖𑑂𑐫𑐵 𑐫𑐵𑐂। 𑐟𑑂𑐬𑐶𑐨𑐸𑐖𑐵𑐎𑐵𑐬 𑐧𑑂𑐬𑐵𑐖𑐶𑐮𑐫𑐵 𑐥𑐛𑐵𑐬 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐩𑐢𑑂𑐫𑐰𑐬𑑂𑐟𑐷 𑐨𑐵𑐐𑐫𑑂 𑐊𑐚𑑂𑐮𑐵𑐞𑑂𑐚𑐶𑐎 𑐩𑐴𑐵𑐳𑐵𑐐𑐬𑐫𑐵 𑐟𑐚𑐫𑑂 𑐄𑐟𑑂𑐟𑐬-𑐥𑐹𑐬𑑂𑐰𑐫𑑂 𑐎𑐾𑐥𑐬𑐵𑐐𑑄 𑐥𑑂𑐬𑐵𑐬𑐩𑑂𑐨 𑐖𑐸𑐫𑐵 𑐡𑐎𑑂𑐲𑐶𑐞𑐫𑑂 𑐬𑐶𑐫𑑀 𑐐𑑂𑐬𑐾𑐜𑑀 𑐜𑐷 𑐳𑐸𑐮 𑐟𑐎𑑂𑐎 𑐰𑐶𑐳𑑂𑐟𑐺𑐟 𑐖𑐸। 𑐎𑐛𑑀𑐬 𑐰𑐮𑐶𑐟 𑐔𑐚𑑂𑐚𑐵𑐣𑑄 𑐣𑐶𑐬𑑂𑐩𑐶𑐟 𑐖𑐹𑐐𑐸𑐮𑐶𑑄 𑐀𑐥𑑂𑐰 𑐎𑑂𑐲𑐫 𑐩𑐖𑐸। 𑐥𑐾𑐚𑐵𑐐𑑀𑐣𑐶𑐫𑐵𑐫𑐵 𑐥𑐛𑐵𑐬 𑐀𑐬𑑂𑐖𑐾𑐣𑑂𑐚𑐶𑐣𑐵𑐫𑑂 𑐮𑐶𑐩𑐫𑐾 𑐏𑐸𑐳𑐶𑑄 𑐡𑐎𑑂𑐲𑐶𑐞𑐷 𑐀𑐩𑐾𑐬𑐶𑐎𑐵𑐫𑐵 𑐀𑐣𑑂𑐟𑐶𑐩 𑐕𑑀𑐬 𑐟𑐎𑑂𑐎 𑐠𑑂𑐫𑑄। 𑑓𑑐𑑐 𑐣𑐶𑐳𑐾𑑄 𑑙𑑐𑑐 𑐩𑐶𑐚𑐬 𑐖𑐵𑑅𑐫𑐵 𑐠𑑂𑐰 𑐥𑐛𑐵𑐬 𑐥𑐱𑑂𑐔𑐶𑐩𑐫𑑂 𑐊𑐞𑑂𑐜𑐷𑐖 𑐥𑐬𑑂𑐰𑐟𑐩𑐵𑐮𑐵 𑐣𑐶𑐳𑐾𑑄 𑐥𑐹𑐬𑑂𑐰𑐫𑑂 𑐰𑐾𑐡𑐶𑐎𑐵𑐫𑐸𑐎𑑂𑐟 𑐝𑐵𑐮𑐫𑐵 𑐬𑐹𑐥𑐫𑑂 𑐊𑐚𑐮𑐵𑐣𑑂𑐚𑐶𑐎 𑐩𑐴𑐵𑐳𑐵𑐐𑐬 𑐟𑐎𑑂𑐎 𑐰𑐶𑐳𑑂𑐟𑐺𑐟 𑐡𑐸।

𑐥𑐱𑑂𑐔𑐶𑐩𑐷 𑐐𑐸𑑄 𑐰 𑐥𑐹𑐬𑑂𑐰𑐷 𑐥𑐛𑐵𑐬𑐟𑐫𑐾𑐐𑐸 𑐡𑐠𑐸𑐂 𑐄𑐟𑑂𑐟𑐬 𑐣𑐶𑐳𑐾𑑄 𑐡𑐎𑑂𑐲𑐶𑐞 𑐟𑐎𑑂𑐎 𑐳𑐎𑐮 𑐩𑐴𑐵𑐡𑑂𑐰𑐷𑐥𑐫𑐵 𑐴𑐵𑐎𑑅𑐫𑑂 𑐕𑐐𑐹 𑐟𑑅𑐢𑑄𑐐𑐸 𑐏𑑂𑐫𑑅 𑐡𑐸। 𑐠𑑂𑐰 𑐏𑑂𑐫𑑅𑐫𑐵 𑐳𑐎𑐮 𑐎𑑂𑐲𑐾𑐟𑑂𑐬𑐦𑐮 𑐡𑐎𑑂𑐲𑐶𑐞 𑐀𑐩𑐾𑐬𑐶𑐎𑐵𑐫𑐵 𑐎𑑂𑐲𑐾𑐟𑑂𑐬𑐦𑐮𑐫𑐵 𑐎𑐬𑐶𑐧 𑐧𑐔𑑂𑐕𑐶 𑐡𑐸। 𑐠𑐸𑐎𑐶𑐫𑐵 𑐄𑐟𑑂𑐟𑐬𑐷 𑐨𑐵𑐐𑐫𑐵𑐟 𑐮𑐵𑐣𑑀𑐖 𑐢𑐵𑐂। 𑐌𑐬𑐷𑐣𑐶𑐎𑑀 𑐏𑐸𑐳𑐶𑑄 𑐣𑐶𑐬𑑂𑐩𑐶𑐟 𑐮𑐵𑐣𑑀𑐖 𑐨𑐾𑐣𑐾𑐖𑑆𑐸𑐊𑐮𑐵 𑐰 𑐎𑑀𑐮𑐩𑑂𑐧𑐶𑐫𑐵𑐫𑑂 𑐮𑐵। 𑐏𑑂𑐫𑑅𑐫𑐵 𑐡𑐠𑐸𑐂 𑐀𑐩𑐾𑐖𑐣 𑐏𑐸𑐳𑐶𑐫𑐵 𑐧𑐾𑐳𑐶𑐣 𑐮𑐵। 𑐠𑐸𑐎𑐶𑐫𑐵𑐟 𑐧𑑂𑐬𑐵𑐖𑐶𑐮𑐩𑐶𑐟𑐫𑐾𑐳𑑄 𑐳𑐾𑐮𑑂𑐰𑐵𑐖 𑐢𑐵𑐂। 𑐠𑑂𑐰 𑐏𑐸𑐳𑐶 𑐥𑑂𑐬𑐡𑐾𑐱 𑐄𑐟𑑂𑐟𑐬𑐫𑑂 𑐐𑐵𑐫𑐣𑐵𑐫𑐵 𑐥𑐛𑐵𑐬, 𑐥𑐱𑑂𑐔𑐶𑐩𑐫𑑂 𑐊𑐞𑑂𑐜𑐶𑐖 𑐥𑐬𑑂𑐰𑐟 𑐰 𑐡𑐎𑑂𑐲𑐶𑐞𑐫𑑂 𑐧𑑂𑐬𑐵𑐖𑐶𑐮𑐫𑐵 𑐥𑐛𑐵𑐬𑑄 𑐑𑐾𑐬𑐾 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐀𑐩𑐾𑐖𑐣 𑐰 𑐠𑑂𑐰 𑐏𑐸𑐳𑐶𑐫𑐵 𑐳𑐴𑐵𑐫𑐎 𑑒𑑐𑑐 𑐏𑐸𑐳𑐶𑐂 𑐣𑑂𑐴𑑂𑐫𑐵𑐧𑐶𑐮𑐾𑑄 𑐏𑐸𑐳𑐶𑐧𑐵𑐴𑐵 𑐰𑐿𑐐𑐸𑐮𑐶𑑄 𑐠𑑂𑐰 𑐟𑑂𑐬𑐶𑐨𑐸𑐖𑐵𑐎𑐵𑐬 𑐏𑐸𑐳𑐶𑐫𑐵 𑐟𑑅𑐢𑑄𑐐𑐸 𑐮𑐵𑐐𑐵 𑐡𑐮𑐡𑐮 𑐖𑐸𑐫𑐵𑐔𑑂𑐰𑐣𑐶 𑐰 𑐠𑐣 𑐫𑐵𑐟𑐵𑐫𑐵𑐟𑐫𑐵 𑐰𑐶𑐎𑐵𑐳 𑐖𑐸𑐂𑐩𑐦𑐸। 𑐥𑐬𑐵𑐣𑐵, 𑐥𑐬𑐵𑐐𑑂𑐰𑐾 𑐰 𑐫𑐸𑐬𑐸𑐐𑑂𑐰𑐾 𑐏𑐸𑐳𑐶𑐟 𑐖𑐵𑐣𑐵 𑐥𑐩𑑂𑐥𑐵𑐳 𑐎𑑂𑐲𑐾𑐟𑑂𑐬 𑐡𑐫𑐾𑐎𑐷। 𑐠𑐸𑐎𑐶𑐫𑐵𑐟 𑐮𑐵𑐥𑑂𑐮𑐵𑐚𑐵𑐫𑐵 𑐧𑐾𑐳𑐶𑐣 𑐣𑑄 𑐢𑐵𑐂𑐐𑐸𑐫𑐵। 𑐩𑐢𑑂𑐫 𑐡𑐎𑑂𑐲𑐶𑐞𑐫𑐵 𑐠𑑂𑐰 𑐄𑐥𑐖𑐵𑐅 𑐏𑑂𑐫𑑅 𑐁𑐬𑑂𑐠𑐶𑐎 𑐡𑐺𑐲𑑂𑐚𑐶𑑄 𑐳𑐶𑐎𑑂𑐎 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐖𑐸। 𑐠𑐸𑐎𑐶𑐫𑐵 𑐍𑐳𑐟 𑐖𑐵 𑑑𑑘𑑕 𑐩𑐶𑐚𑐬 𑐳𑑂𑐰𑐫𑐵 𑐩𑑂𑐴𑑀 𑐖𑐸 𑐰 𑐀𑐬𑑂𑐖𑐾𑐣𑑂𑐚𑐷𑐣𑐵, 𑐄𑐬𑐹𑐐𑑂𑐰𑐾, 𑐥𑐬𑐵𑐐𑑂𑐰𑐾 𑐰 𑐕𑐸𑑄 𑐀𑑄𑐱𑐫𑑂 𑐡𑐎𑑂𑐲𑐶𑐞 𑐧𑑂𑐬𑐵𑐖𑐷𑐮 𑐰 𑐡𑐎𑑂𑐲𑐶𑐞 𑐧𑑀𑐮𑐶𑐨𑐶𑐫𑐵𑐫𑑂 𑐟𑐎𑑂𑐎 𑐠𑑂𑐫𑑄। 𑐡𑐎𑐮𑐾 𑐡𑐎𑑂𑐲𑐶𑐞 𑐨𑐵𑐐𑐫𑑂 𑐥𑐾𑐚𑐵𑐐𑑀𑐣𑐶𑐫𑐵𑐫𑐵 𑐩𑐬𑐸𑐳𑑂𑐠𑐮 𑐮𑐵। 𑐊𑐞𑑂𑐜𑐷𑐖 𑐥𑐬𑑂𑐰𑐟 𑐩𑐵𑐮𑐵 𑐰 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑐵 𑐡𑐠𑐸𑐂 𑐣𑐶𑐩𑑂𑐣 𑐨𑐹𑐩𑐶𑐫𑐵 𑐀𑐟𑑂𑐫𑐣𑑂𑐟 𑐳𑑄𑐎𑐬𑐷 𑐟𑐚𑐷𑐫 𑐥𑐚𑑂𑐚𑐷 𑐡𑐸। 𑐮𑐐𑐨𑐐 𑑑𑑐𑑐 𑐎𑐶𑐮𑑀𑐩𑐷𑐚𑐎 𑐧𑑂𑐫𑐵𑐫𑐵 𑐠𑑂𑐰 𑐥𑐚𑑂𑐚𑐷 𑐡𑐎𑑂𑐲𑐶𑐞𑐷 𑐀𑐩𑐾𑐬𑐶𑐎𑐵𑐫𑐵 𑐥𑐱𑑂𑐔𑐶𑐩𑐷 𑐟𑐚 𑐣𑐵𑐥𑑄 𑐄𑐟𑑂𑐟𑐬 𑐣𑐶𑐳𑐾𑑄 𑐡𑐎𑑂𑐲𑐶𑐞 𑐟𑐎𑑂𑐎 𑐠𑑂𑐫𑑄। 𑐥𑐹𑐬𑑂𑐰𑐷 𑐟𑐚𑐷𑐫 𑐥𑑂𑐬𑐡𑐾𑐱 𑐀𑐥𑐾𑐎𑑂𑐲𑐵𑐎𑐺𑐟 𑐀𑐥𑑂𑐰 𑐟𑐧𑑂𑐫𑐵। 𑐠𑐸𑐎𑐶𑐫𑐵 𑐧𑑂𑐫𑐵 𑑑𑑕𑑐 𑐣𑐶𑐳𑐾𑑄 𑑒𑑐𑑐 𑐎𑐶𑐮𑑀𑐩𑐷𑐚𑐬 𑐡𑐸। 𑐠𑐸𑐎𑐶𑐮𑐶 𑐔𑐶𑐔𑐶𑐢𑑄𑐐𑐸 𑐫𑐎𑑂𑐰 𑐧𑐵𑐴𑐵𑐡𑐹𑐐𑐸 𑐏𑐸𑐳𑐶𑐟 𑐧𑐵𑐴𑐵𑐰𑐿 𑐠𑐣𑑂𑐫𑐵𑐐𑐸 𑐏𑐸𑐳𑐶𑐟𑐫𑐾𑐳𑑄 𑐡𑐾𑐮𑑂𑐟𑐵 𑐩𑐡𑐾𑐎𑐸।

𑐡𑐾𑐫𑑂‌

𑐠𑑂𑐰 𑐩𑐴𑐵𑐡𑐾𑐱𑐫𑐵 𑐡𑐾𑐫𑑂‌ 𑐠𑑂𑐰 𑐎𑐠𑑄 𑐡𑐸-

• 𑐀𑐬𑑂𑐖𑐾𑐣𑑂𑐚𑐶𑐣𑐵
• 𑐧𑑀𑐮𑐶𑐨𑐶𑐫𑐵
• 𑐧𑑂𑐬𑐵𑐖𑐶𑐮
• 𑐔𑐶𑐮𑐷
• 𑐎𑑀𑐮𑐩𑑂𑐧𑐶𑐫𑐵
• 𑐃𑐎𑑂𑐰𑐾𑐜𑑀𑐬
• 𑐥𑐵𑐬𑐵𑐐𑑂𑐰𑐾
• 𑐥𑐾𑐬𑐸
• 𑐄𑐬𑐸𑐐𑑂𑐰𑐾
• 𑐨𑐾𑐣𑐾𑐖𑐸𑐊𑐮𑐵
• 𑐐𑐵𑐫𑐣𑐵
• 𑐳𑐸𑐬𑐶𑐣𑐵𑐩
• 𑐦𑑂𑐬𑐾𑐣𑑂𑐔 𑐐𑐵𑐫𑐣𑐵

𑐳𑑂𑐰𑐫𑐵𑐡𑐶𑐳𑑃

• 𑐩𑐴𑐵𑐡𑐾𑐱