छ्येलेमि:Eukesh/Auto/NepalScript/त्रि-षिखि (उपनिषद्)

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

The text describes over a dozen asanas, including Dhanurasana (above).

Eukesh/Auto/NepalScript/त्रि-षिखि (उपनिषद्) 𑐕𑐐𑐹 𑐎𑐵𑐰𑑂𑐫 𑐏। 𑐠𑑂𑐰 𑐎𑐵𑐰𑑂𑐫 𑐩𑐸𑐎𑑂𑐟𑐶𑐎 𑐄𑐥𑐣𑐶𑐲𑐡𑑂‌𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 𑐄𑐥𑐣𑐶𑐲𑐡𑑂 𑐡𑐸𑐣𑐾 𑐮𑐵 । 𑐠𑑂𑐰 𑐱𑑂𑐬𑐸𑐟𑐶 𑐥𑑂𑐬𑐔𑐮𑐣𑐫𑐵 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐢𑐵𑐬𑑂𑐩𑐶𑐎 𑐐𑑂𑐬𑐣𑑂𑐠 𑐏।

𑐱𑑂𑐮𑑀𑐎

𑐠𑐸𑐎𑐶𑐫𑐵 𑐱𑑂𑐮𑑀𑐎 𑐠𑑂𑐰 𑐎𑐠𑑄 𑐡𑐸-

𑑉 𑐥𑐹𑐬𑑂𑐞𑐩𑐡𑑅 𑐥𑐹𑐬𑑂𑐞𑐩𑐶𑐡𑑄 𑐥𑐹𑐬𑑂𑐞𑐵𑐟𑑂𑐥𑐹𑐬𑑂𑐞𑐩𑐸𑐡𑐔𑑂𑐫𑐟𑐾 । 𑐥𑐹𑐬𑑂𑐞𑐳𑑂𑐫 𑐥𑐹𑐬𑑂𑐞𑐩𑐵𑐡𑐵𑐫 𑐥𑐹𑐬𑑂𑐞𑐩𑐾𑐰𑐵𑐰𑐱𑐶𑐲𑑂𑐫𑐟𑐾 ॥ 𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥

॥ 𑐧𑑂𑐬𑐵𑐴𑑂𑐩𑐞𑐩𑑂 - 𑑑॥

𑐟𑑂𑐬𑐶𑐱𑐶𑐏𑐷 𑐧𑑂𑐬𑐵𑐴𑑂𑐩𑐞 𑐁𑐡𑐶𑐟𑑂𑐫𑐮𑑀𑐎𑑄 𑐖𑐐𑐵𑐩 𑐟𑑄 𑐐𑐟𑑂𑐰𑑀𑐰𑐵𑐔 । 𑐨𑐐𑐰𑐣𑑂 𑐎𑐶𑑄 𑐡𑐾𑐴𑑅 𑐎𑐶𑑄 𑐥𑑂𑐬𑐵𑐞𑑅 𑐎𑐶𑑄 𑐎𑐵𑐬𑐞𑑄 𑐎𑐶𑐩𑐵𑐟𑑂𑐩𑐵 ॥𑑑॥

𑐳 𑐴𑑀𑐰𑐵𑐔 𑐳𑐬𑑂𑐰𑐩𑐶𑐡𑑄 𑐱𑐶𑐰 𑐊𑐰 𑐰𑐶𑐖𑐵𑐣𑐷𑐴𑐶 । 𑐎𑐶𑑄𑐟𑐸 𑐣𑐶𑐟𑑂𑐫𑑅 𑐱𑐸𑐡𑑂𑐢𑑀 𑐣𑐶𑐬𑐘𑑂𑐖𑐣𑑀 𑐰𑐶𑐨𑐸𑐬𑐡𑑂𑐰𑐫𑐵𑐣𑐣𑑂𑐡: 𑐱𑐶𑐰 𑐊𑐎𑑅 𑐳𑑂𑐰𑐾𑐣 𑐨𑐵𑐳𑐾𑐡𑑄 𑐳𑐬𑑂𑐰𑑄 𑐡𑐺𑐲𑑂𑐚𑑂𑐰𑐵 𑐟𑐥𑑂𑐟𑐵𑐫𑑅 𑐥𑐶𑐞𑑂𑐜𑐰𑐡𑐾𑐎𑑄 𑐨𑐶𑐣𑑂𑐣𑐰𑐡𑐰𑐨𑐵𑐳𑐟𑐾 । 𑐟𑐡𑑂𑐨𑐵𑐳𑐎𑑄 𑐎𑐶𑐩𑐶𑐟𑐶 𑐔𑐾𑐡𑐸𑐔𑑂𑐫𑐟𑐾 । 𑐳𑐔𑑂𑐕𑐧𑑂𑐡𑐰𑐵𑐔𑑂𑐫𑐩𑐰𑐶𑐡𑑂𑐫𑐵𑐱𑐧𑐮𑑄 𑐧𑑂𑐬𑐴𑑂𑐩 ॥𑑒॥

𑐧𑑂𑐬𑐴𑑂𑐩𑐞𑑀ऽ𑐰𑑂𑐫𑐎𑑂𑐟𑐩𑑂 । 𑐀𑐰𑑂𑐫𑐎𑑂𑐟𑐵𑐣𑑂𑐩𑐴𑐟𑑂 । 𑐩𑐴𑐟𑑀ऽ𑐴𑐒𑑂𑐎𑐵𑐬𑑅 । 𑐀𑐴𑐒𑑂𑐎𑐵𑐬𑐵𑐟𑑂𑐥𑐘𑑂𑐔𑐟𑐣𑑂𑐩𑐵𑐟𑑂𑐬𑐵𑐞𑐶 । 𑐥𑐘𑑂𑐔𑐟𑐣𑑂𑐩𑐵𑐟𑑂𑐬𑐾𑐨𑑂𑐫𑑅 𑐥𑐘𑑂𑐔𑐩𑐴𑐵𑐨𑐹𑐟𑐵𑐣𑐶 । 𑐥𑐘𑑂𑐔𑐩𑐴𑐵𑐨𑐹𑐟𑐾𑐨𑑂𑐫𑑀ऽ𑐏𑐶𑐮𑑄 𑐖𑐐𑐟𑑂 ॥𑑓॥

𑐟𑐡𑐏𑐶𑐮𑑄 𑐎𑐶𑐩𑐶𑐟𑐶 । 𑐨𑐹𑐟𑐰𑐶𑐎𑐵𑐬𑐰𑐶𑐨𑐵𑐐𑐵𑐡𑐶𑐬𑐶𑐟𑐶 । 𑐊𑐎𑐳𑑂𑐩𑐶𑐣𑑂𑐥𑐶𑐞𑑂𑐜𑐾 𑐎𑐠𑑄 𑐨𑐹𑐟𑐰𑐶𑐎𑐵𑐬𑐰𑐶𑐨𑐵𑐐 𑐂𑐟𑐶 । 𑐟𑐟𑑂𑐟𑐟𑑂𑐎𑐵𑐬𑑂𑐫𑐎𑐵𑐬𑐞𑐨𑐾𑐡𑐬𑐹𑐥𑐾𑐞𑐵𑑄𑐱𑐟𑐟𑑂𑐟𑑂𑐰𑐰𑐵𑐔𑐎𑐰𑐵𑐔𑑂𑐫𑐳𑑂𑐠𑐵𑐣𑐨𑐾𑐡𑐰𑐶𑐲𑐫𑐡𑐾𑐰𑐟𑐵𑐎𑑀𑐱𑐨𑐾𑐡𑐰𑐶𑐨𑐵𑐐𑐵 𑐨𑐰𑐣𑑂𑐟𑐶 ॥𑑔।

𑐀𑐠𑐵𑐎𑐵𑐱𑑀ऽ𑐣𑑂𑐟𑑅𑐎𑐬𑐞𑐩𑐣𑑀𑐧𑐸𑐡𑑂𑐢𑐶𑐔𑐶𑐟𑐵𑐴𑐒𑑂𑐎𑐵𑐬𑑅 । 𑐰𑐵𑐫𑐸𑑅 𑐳𑐩𑐵𑐣𑑀𑐡𑐵𑐣𑐰𑑂𑐫𑐵𑐣𑐵𑐥𑐵𑐣𑐥𑑂𑐬𑐵𑐞𑐵𑑅 । 𑐰𑐴𑑂𑐣𑐶𑑅 𑐱𑑂𑐬𑑀𑐟𑑂𑐬𑐟𑑂𑐰𑐎𑑂𑐔𑐎𑑂𑐱𑐸𑐬𑑂𑐖𑐶𑐴𑑂𑐰𑐵𑐑𑑂𑐬𑐵𑐞𑐵𑐣𑐶 । 𑐁𑐥𑑅 𑐱𑐧𑑂𑐡𑐳𑑂𑐥𑐬𑑂𑐱𑐬𑐹𑐥𑐬𑐳𑐐𑐣𑑂𑐢𑐵𑑅 । 𑐥𑐺𑐠𑐶𑐰𑐷 𑐰𑐵𑐎𑑂𑐥𑐵𑐞𑐶𑐥𑐵𑐡𑐥𑐵𑐫𑐹𑐥𑐳𑑂𑐠𑐵𑑅 ॥𑑕॥

𑐖𑑂𑐘𑐵𑐣𑐳𑑄𑐎𑐮𑑂𑐥𑐣𑐶𑐱𑑂𑐔𑐫𑐵𑐣𑐸𑐳𑐣𑑂𑐢𑐵𑐣𑐵𑐨𑐶𑐩𑐵𑐣𑐵 𑐁𑐎𑐵𑐱𑐎𑐵𑐬𑑂𑐫𑐵𑐣𑑂𑐟𑑅𑐎𑐬𑐞𑐰𑐶𑐲𑐫𑐵𑑅 । 𑐳𑐩𑐷𑐎𑐬𑐞𑑀𑐣𑑂𑐣𑐫𑐣-𑐐𑑂𑐬𑐴𑐞𑐱𑑂𑐬𑐰𑐞𑑀𑐔𑑂𑐔𑑂𑐴𑑂𑐰𑐵𑐳𑐵 𑐰𑐵𑐫𑐸𑐎𑐵𑐬𑑂𑐫𑐥𑑂𑐬𑐵𑐞𑐵𑐡𑐶𑐰𑐶𑐲𑐫𑐵𑑅 । 𑐱𑐧𑑂𑐡𑐳𑑂𑐥𑐬𑑂𑐱𑐬𑐹𑐥𑐬𑐳𑐐𑐣𑑂𑐢𑐵 𑐀𑐐𑑂𑐣𑐶𑐎𑐵𑐬𑑂𑐫𑐖𑑂𑐘𑐵𑐣𑐾𑐣𑑂𑐡𑑂𑐬𑐶-𑐫𑐰𑐶𑐲𑐫𑐵 𑐀𑐧𑐵𑐱𑑂𑐬𑐶𑐟𑐵𑑅 । 𑐰𑐔𑐣𑐵𑐡𑐵𑐣𑐐𑐩𑐣𑐰𑐶𑐳𑐬𑑂𑐐𑐵𑐣𑐣𑑂𑐡𑐵𑑅 𑐥𑐺𑐠𑐶𑐰𑐷𑐎𑐵𑐬𑑂𑐫𑐎𑐬𑑂𑐩𑐾𑐣𑑂𑐡𑑂𑐬𑐶𑐫𑐰𑐶𑐲𑐫𑐵𑑅 । 𑐎𑐬𑑂𑐩𑐖𑑂𑐘𑐵𑐣𑐾𑐣𑑂𑐡𑑂𑐬𑐶𑐫𑐰𑐶𑐲𑐫𑐾𑐲𑐸 𑐥𑑂𑐬𑐵𑐞𑐟𑐣𑑂𑐩𑐵𑐟𑑂𑐬𑐰𑐶𑐲𑐫𑐵 𑐀𑐣𑑂𑐟𑐬𑑂𑐨𑐹𑐟𑐵𑑅। 𑐩𑐣𑑀𑐧𑐸𑐡𑑂𑐢𑑂𑐫𑑀𑐱𑑂𑐔𑐶𑐟𑑂𑐟𑐵𑐴𑐒𑑂𑐎𑐵𑐬𑑁 𑐔𑐵𑐣𑑂𑐟𑐬𑑂𑐨𑐹𑐟𑑁 ॥𑑖॥

𑐀𑐰𑐎𑐵𑐱𑐰𑐶𑐢𑐹𑐟𑐡𑐬𑑂𑐱𑐣𑐥𑐶𑐞𑑂𑐜𑐷𑐎𑐬𑐞𑐢𑐵𑐬𑐞𑐵𑑅 𑐳𑐹𑐎𑑂𑐱𑑂𑐩𑐟𑐩𑐵 𑐖𑐿𑐰𑐟𑐣𑑂𑐩𑐵𑐟𑑂𑐬𑐰𑐶𑐲𑐫𑐵𑑅 ॥𑑗॥

𑐊𑐰𑑄 𑐡𑑂𑐰𑐵𑐡𑐱𑐵𑐒𑑂𑐐𑐵𑐣𑐶 𑐁𑐢𑑂𑐫𑐵𑐟𑑂𑐩𑐶𑐎𑐵𑐣𑑂𑐫𑐵𑐢𑐶𑐨𑑁𑐟𑐶𑐎𑐵𑐣𑑂𑐫𑐵𑐢𑐶𑐡𑐿𑐰𑐶𑐎𑐵𑐣𑐶 । 𑐀𑐟𑑂𑐬 𑐣𑐶𑐱𑐵𑐎𑐬𑐔𑐟𑐸𑐬𑑂𑐩𑐸𑐏𑐡𑐶𑐐𑑂𑐰𑐵𑐟𑐵𑐬𑑂𑐎𑐰𑐬𑐸𑐞𑐵𑐱𑑂𑐰𑑂𑐫𑐐𑑂𑐣𑐷𑐣𑑂𑐡𑑂𑐬𑑀𑐥𑐾𑐣𑑂𑐡𑑂𑐬𑐥𑑂𑐬𑐖𑐵𑐥𑐟𑐶𑐫𑐩𑐵 𑐂𑐟𑑂𑐫𑐎𑑂𑐱𑐵𑐢𑐶𑐡𑐾𑐰𑐟𑐵𑐬𑐹𑐥𑐿𑐬𑑂𑐡𑑂𑐰𑐵𑐡𑐱𑐣𑐵𑐜𑑂𑐫𑐣𑑂𑐟𑑅𑐥𑑂𑐬𑐰𑐺𑐟𑑂𑐟𑐵𑑅 𑐥𑑂𑐬𑐵𑐞𑐵 𑐊𑐰𑐵𑐒𑑂𑐐𑐵𑐣𑐶 𑐀𑐒𑑂𑐐𑐖𑑂𑐘𑐵𑐣𑑄 𑐟𑐡𑐾𑐰 𑐖𑑂𑐘𑐵𑐟𑐾𑐟𑐶 ॥𑑘॥

𑐀𑐠 𑐰𑑂𑐫𑑀𑐩𑐵𑐣𑐶𑐮𑐵𑐣𑐮𑐖𑐮𑐵𑐣𑑂𑐣𑐵𑐣𑐵𑑄 𑐥𑐘𑑂𑐔𑐷𑐎𑐬𑐞𑐩𑐶𑐟𑐶 । 𑐖𑑂𑐘𑐵𑐟𑐺𑐟𑑂𑐰𑑄 𑐳𑐩𑐵𑐣𑐫𑑀𑐐𑐾𑐣 𑐱𑑂𑐬𑑀𑐟𑑂𑐬𑐡𑑂𑐰𑐵𑐬𑐵 𑐱𑐧𑑂𑐡𑐐𑐸𑐞𑑀 𑐰𑐵𑐐𑐢𑐶𑐲𑑂𑐛𑐶𑐟 𑐁𑐎𑐵𑐱𑐾 𑐟𑐶𑐲𑑂𑐛𑐟𑐶 𑐁𑐎𑐵𑐱𑐳𑑂𑐟𑐶𑐲𑑂𑐛𑐟𑐶 । 𑐩𑐣𑑀 𑐰𑑂𑐫𑐵𑐣𑐫𑑀𑐐𑐾𑐣 𑐟𑑂𑐰𑐐𑑂𑐡𑑂𑐰𑐵𑐬𑐵 𑐳𑑂𑐥𑐬𑑂𑐱𑐐𑐸𑐞𑑅 𑐥𑐵𑐞𑑂𑐫𑐢𑐶𑐲𑑂𑐛𑐶𑐟𑑀 𑐰𑐵𑐫𑑁 𑐟𑐶𑐲𑑂𑐛𑐟𑐶 𑐰𑐵𑐫𑐸𑐳𑑂𑐟𑐶𑐲𑑂𑐛𑐟𑐶 । 𑐧𑐸𑐡𑑂𑐢𑐶𑐬𑐸𑐡𑐵𑐣𑐫𑑀𑐐𑐾𑐣 𑐔𑐎𑑂𑐱𑐸𑐬𑑂𑐡𑑂𑐰𑐵𑐬𑐵 𑐬𑐹𑐥𑐐𑐸𑐞𑑅 𑐥𑐵𑐡𑐵𑐢𑐶𑐲𑑂𑐛𑐶𑐟𑑀ऽ𑐐𑑂𑐣𑑁 𑐟𑐶𑐲𑑂𑐛𑐟𑑂𑐫𑐐𑑂𑐣𑐶-𑐳𑑂𑐟𑐶𑐲𑑂𑐛𑐟𑐶 । 𑐔𑐶𑐟𑑂𑐟𑐩𑐥𑐵𑐣𑐫𑑀𑐐𑐾𑐣 𑐖𑐶𑐴𑑂𑐰𑐵𑐡𑑂𑐰𑐵𑐬𑐵 𑐬𑐳𑐐𑐸𑐞 𑐄𑐥𑐳𑑂𑐠𑐵𑐢𑐶𑐲𑑂𑐛𑐶𑐟𑑀ऽ𑐥𑑂𑐳𑐸 𑐟𑐶𑐲𑑂𑐛𑐟𑑂𑐫𑐵𑐥𑐳𑑂𑐟𑐶𑐲𑑂𑐛𑐣𑑂𑐟𑐶 । 𑐀𑐴𑐒𑑂𑐎𑐵𑐬𑑅 𑐥𑑂𑐬𑐵𑐞𑐫𑑀𑐐𑐾𑐣 𑐑𑑂𑐬𑐵𑐞𑐡𑑂𑐰𑐵𑐬𑐵 𑐐𑐣𑑂𑐢𑐐𑐸𑐞𑑀 𑐐𑐸𑐡𑐵𑐢𑐶𑐲𑑂𑐛𑐶𑐟𑑅 𑐥𑐺𑐠𑐶𑐰𑑂𑐫𑐵𑑄 𑐟𑐶𑐲𑑂𑐛𑐟𑐶 𑐥𑐺𑐠𑐶𑐰𑐷 𑐟𑐶𑐲𑑂𑐛𑐟𑐶 𑐫 𑐊𑐰𑑄 𑐰𑐾𑐡 ।


 ॥𑐩𑐣𑑂𑐟𑑂𑐬:- 𑑒॥

𑐀𑐟𑑂𑐬𑐿𑐟𑐾 𑐱𑑂𑐮𑑀𑐎𑐵 𑐨𑐰𑐣𑑂𑐟𑐶 । 𑐥𑐺𑐠𑐐𑑂𑐨𑐹𑐟𑐾 𑐲𑑀𑐜𑐱 𑐎𑐮𑐵𑑅 𑐳𑑂𑐰𑐵𑐬𑑂𑐠𑐨𑐵𑐐𑐵𑐣𑑂𑐥𑐬𑐵𑐣𑑂𑐎𑑂𑐬𑐩𑐵𑐟𑑂 । 𑐀𑐣𑑂𑐟𑑅𑐎𑐬𑐞𑐰𑑂𑐫𑐵𑐣𑐵𑐎𑑂𑐱𑐶𑐬𑐳𑐥𑐵𑐫𑐸𑐣𑐨𑑅 𑐎𑑂𑐬𑐩𑐵𑐟𑑂 ॥ 𑑑॥

𑐩𑐸𑐏𑑂𑐫𑐵𑐟𑑂𑐥𑐹𑐬𑑂𑐰𑑀𑐟𑑂𑐟𑐬𑐿𑐬𑑂𑐨𑐵𑐐𑐿𑐬𑑂𑐨𑐹𑐟𑐾𑐨𑐹𑐟𑐾 𑐔𑐟𑐸𑐱𑑂𑐔𑐟𑐸𑑅 । 𑐥𑐹𑐬𑑂𑐰𑐩𑐵𑐎𑐵𑐱𑐩𑐵𑐱𑑂𑐬𑐶𑐟𑑂𑐫 𑐥𑐺𑐠𑐶𑐰𑑂𑐫𑐵𑐡𑐶𑐲𑐸 𑐳𑑄𑐳𑑂𑐠𑐶𑐟𑐵𑑅 ॥ 𑑒॥

𑐩𑐸𑐏𑑂𑐫𑐵𑐡𑐹𑐬𑑂𑐢𑑂𑐰𑐾 𑐥𑐬𑐵 𑐖𑑂𑐘𑐾𑐫𑐵 𑐣 𑐥𑐬𑐵𑐣𑐸𑐟𑑂𑐟𑐬𑐵𑐣𑑂𑐰𑐶𑐡𑐸𑑅 । 𑐊𑐰𑐩𑑄𑐱𑑀 𑐴𑑂𑐫𑐨𑐹𑐟𑑂𑐟𑐳𑑂𑐩𑐵𑐟𑑂𑐟𑐾𑐨𑑂𑐫𑐱𑑂𑐔𑐵𑑄𑐱𑑀 𑐴𑑂𑐫𑐨𑐹𑐟𑑂𑐟𑐠𑐵 ॥ 𑑓॥

𑐟𑐳𑑂𑐩𑐵𑐡𑐣𑑂𑐫𑑀𑐣𑑂𑐫𑐩𑐵𑐱𑑂𑐬𑐶𑐟𑑂𑐫 𑐴𑑂𑐫𑑀𑐟𑑄 𑐥𑑂𑐬𑑀𑐟𑐩𑐣𑐸𑐎𑑂𑐬𑐩𑐵𑐟𑑂 । 𑐥𑐘𑑂𑐔𑐨𑐹𑐟𑐩𑐫𑐷 𑐨𑐹𑐩𑐶𑑅 𑐳𑐵 𑐔𑐾𑐟𑐣𑐳𑐩𑐣𑑂𑐰𑐶𑐟𑐵 ॥ 𑑔॥

𑐟𑐟 𑐌𑐲𑐢𑐫𑑀ऽ𑐣𑑂𑐣𑑄 𑐔 𑐟𑐟𑑅 𑐥𑐶𑐞𑑂𑐜𑐵𑐱𑑂𑐔𑐟𑐸𑐬𑑂𑐰𑐶𑐢𑐵𑑅 । 𑐬𑐳𑐵𑐳𑐺𑐒𑑂𑐩𑐵𑑄𑐳𑐩𑐾𑐡𑑀ऽ𑐳𑑂𑐠𑐶𑐩𑐖𑑂𑐖𑐵𑐱𑐸𑐎𑑂𑐬𑐵𑐞𑐶 𑐢𑐵𑐟𑐰𑑅 ॥ 𑑕॥

𑐎𑐾𑐔𑐶𑐟𑑂𑐟𑐡𑑂𑐫𑑀𑐐𑐟𑑅 𑐥𑐶𑐞𑑂𑐜𑐵 𑐨𑐹𑐟𑐾𑐨𑑂𑐫𑑅 𑐳𑑄𑐨𑐰𑐵𑑅 𑐎𑑂𑐰𑐔𑐶𑐟𑑂 । 𑐟𑐳𑑂𑐩𑐶𑐣𑑂𑐣𑐣𑑂𑐣𑐩𑐫𑑅 𑐥𑐶𑐞𑑂𑐜𑑀 𑐣𑐵𑐨𑐶𑐩𑐞𑑂𑐜𑐮𑐳𑑄𑐳𑑂𑐠𑐶𑐟𑐵𑑅 ॥ 𑑖॥

𑐀𑐳𑑂𑐫 𑐩𑐢𑑂𑐫𑐾ऽ𑐳𑑂𑐟𑐶 𑐴𑐺𑐡𑐫𑑄 𑐳𑐣𑐵𑐮𑑄 𑐥𑐡𑑂𑐩𑐎𑑀𑐱𑐰𑐟𑑂 । 𑐳𑐟𑑂𑐟𑑂𑐰𑐵𑐣𑑂𑐟𑐬𑑂𑐰𑐬𑑂𑐟𑐶𑐣𑑀 𑐡𑐾𑐰𑐵𑑅 𑐎𑐬𑑂𑐟𑑂𑐬𑐴𑐒𑑂𑐎𑐵𑐬𑐔𑐾𑐟𑐣𑐵𑑅 ॥ 𑑗॥

𑐀𑐳𑑂𑐫 𑐧𑐷𑐖𑑄 𑐟𑐩𑑅𑐥𑐶𑐞𑑂𑐜𑑄 𑐩𑑀𑐴𑐬𑐹𑐥𑑄 𑐖𑐜𑑄 𑐑𑐣𑐩𑑂 । 𑐰𑐬𑑂𑐟𑐟𑐾 𑐎𑐞𑑂𑐛𑐩𑐵𑐱𑑂𑐬𑐶𑐟𑑂𑐫 𑐩𑐶𑐱𑑂𑐬𑐷𑐨𑐹𑐟𑐩𑐶𑐡𑑄 𑐖𑐐𑐟𑑂 ॥ 𑑘॥

𑐥𑑂𑐬𑐟𑑂𑐫𑐐𑐵𑐣𑐣𑑂𑐡𑐬𑐹𑐥𑐵𑐟𑑂𑐩𑐵 𑐩𑐹𑐬𑑂𑐢𑑂𑐣𑐶 𑐳𑑂𑐠𑐵𑐣𑐾 𑐥𑐬𑐾 𑐥𑐡𑐾 । 𑐀𑐣𑐣𑑂𑐟𑐱𑐎𑑂𑐟𑐶𑐳𑑄𑐫𑐸𑐎𑑂𑐟𑑀 𑐖𑐐𑐡𑑂𑐬𑐹𑐥𑐾𑐞 𑐨𑐵𑐳𑐟𑐾 ॥ 𑑙॥

𑐳𑐬𑑂𑐰𑐟𑑂𑐬 𑐰𑐬𑑂𑐟𑐟𑐾 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑑄 𑐖𑐵𑐐𑑂𑐬𑐟𑐶 𑐰𑐬𑑂𑐟𑐟𑐾 । 𑐳𑐸𑐲𑐸𑐥𑑂𑐟𑑄 𑐔 𑐟𑐸𑐬𑐷𑐫𑑄 𑐔 𑐣𑐵𑐣𑑂𑐫𑐵𑐰𑐳𑑂𑐠𑐵𑐳𑐸 𑐎𑐸𑐟𑑂𑐬𑐔𑐶𑐟𑑂 ॥ 𑑒.𑑑𑑐॥

𑐳𑐬𑑂𑐰𑐡𑐾𑐱𑐾𑐲𑑂𑐰𑐣𑐸𑐳𑑂𑐫𑐹𑐟𑐱𑑂𑐔𑐟𑐹𑐬𑐹𑐥𑑅 𑐱𑐶𑐰𑐵𑐟𑑂𑐩𑐎𑑅 । 𑐫𑐠𑐵 𑐩𑐴𑐵𑐦𑐮𑐾 𑐳𑐬𑑂𑐰𑐾 𑐬𑐳𑐵𑑅 𑐳𑐬𑑂𑐰𑐥𑑂𑐬𑐰𑐬𑑂𑐟𑐎𑐵𑑅 ॥ 𑑑𑑑॥

𑐟𑐠𑐿𑐰𑐵𑐣𑑂𑐣𑐩𑐫𑐾 𑐎𑑀𑐱𑐾 𑐎𑑀𑐱𑐵𑐳𑑂𑐟𑐶𑐲𑑂𑐛𑐣𑑂𑐟𑐶 𑐔𑐵𑐣𑑂𑐟𑐬𑐾 । 𑐫𑐠𑐵 𑐎𑑀𑐱𑐳𑑂𑐟𑐠𑐵 𑐖𑐷𑐰𑑀 𑐫𑐠𑐵 𑐖𑐷𑐰𑐳𑑂𑐟𑐠𑐵 𑐱𑐶𑐰𑑅 ॥ 𑑑𑑒॥

𑐳𑐰𑐶𑐎𑐵𑐬𑐳𑑂𑐟𑐠𑐵 𑐖𑐷𑐰𑑀 𑐣𑐶𑐬𑑂𑐰𑐶𑐎𑐵𑐬𑐳𑑂𑐟𑐠𑐵 𑐱𑐶𑐰𑑅 । 𑐎𑑀𑐱𑐵𑐳𑑂𑐟𑐳𑑂𑐫 𑐰𑐶𑐎𑐵𑐬𑐵𑐳𑑂𑐟𑐾 𑐴𑑂𑐫𑐰𑐳𑑂𑐠𑐵𑐳𑐸 𑐥𑑂𑐬𑐰𑐬𑑂𑐟𑐎𑐵𑑅 ॥ 𑑑𑑓॥

𑐫𑐠𑐵 𑐬𑐳𑐵𑐱𑐫𑐾 𑐦𑐾𑐣𑑄 𑐩𑐠𑐣𑐵𑐡𑐾𑐰 𑐖𑐵𑐫𑐟𑐾 । 𑐩𑐣𑑀𑐣𑐶𑐬𑑂𑐩𑐠𑐣𑐵𑐡𑐾𑐰 𑐰𑐶𑐎𑐮𑑂𑐥𑐵 𑐧𑐴𑐰𑐳𑑂𑐟𑐠𑐵 ॥ 𑑑𑑔॥

𑐎𑐬𑑂𑐩𑐞𑐵 𑐰𑐬𑑂𑐟𑐟𑐾 𑐎𑐬𑑂𑐩𑐷 𑐟𑐟𑑂𑐟𑑂𑐫𑐵𑐐𑐵𑐔𑑂𑐕𑐵𑐣𑑂𑐟𑐶𑐩𑐵𑐥𑑂𑐣𑐸𑐫𑐵𑐟𑑂 । 𑐀𑐫𑐣𑐾 𑐡𑐎𑑂𑐱𑐶𑐞𑐾 𑐥𑑂𑐬𑐵𑐥𑑂𑐟𑐾 𑐥𑑂𑐬𑐥𑐘𑑂𑐔𑐵𑐨𑐶𑐩𑐸𑐏𑑄 𑐐𑐟𑑅 ॥ 𑑑𑑕॥

𑐀𑐴𑐒𑑂𑐎𑐵𑐬𑐵𑐨𑐶𑐩𑐵𑐣𑐾𑐣 𑐖𑐷𑐰𑑅 𑐳𑑂𑐫𑐵𑐡𑑂𑐢𑐶 𑐳𑐡𑐵𑐱𑐶𑐰𑑅 । 𑐳 𑐔𑐵𑐰𑐶𑐰𑐾𑐎𑐥𑑂𑐬𑐎𑐺𑐟𑐶𑐳𑐒𑑂𑐐𑐟𑑂𑐫𑐵 𑐟𑐟𑑂𑐬 𑐩𑐸𑐴𑑂𑐫𑐟𑐾 ॥ 𑑑𑑖॥

𑐣𑐵𑐣𑐵𑐫𑑀𑐣𑐶𑐱𑐟𑑄 𑐐𑐟𑑂𑐰𑐵 𑐱𑐾𑐟𑐾ऽ𑐳𑑁 𑐰𑐵𑐳𑐣𑐵𑐰𑐱𑐵𑐟𑑂 । 𑐰𑐶𑐩𑑀𑐎𑑂𑐲𑐵𑐟𑑂𑐳𑑄𑐔𑐬𑐟𑑂𑐫𑐾𑐰 𑐩𑐟𑑂𑐳𑑂𑐫𑑅 𑐎𑐹𑐮𑐡𑑂𑐰𑐫𑑄 𑐫𑐠𑐵 ॥ 𑑑𑑗॥

𑐟𑐟𑑅 𑐎𑐵𑐮𑐰𑐱𑐵𑐡𑐾𑐰 𑐴𑑂𑐫𑐵𑐟𑑂𑐩𑐖𑑂𑐘𑐵𑐣𑐰𑐶𑐰𑐾𑐎𑐟𑑅 । 𑐄𑐟𑑂𑐟𑐬𑐵𑐨𑐶𑐩𑐸𑐏𑑀 𑐨𑐹𑐟𑑂𑐰𑐵 𑐳𑑂𑐠𑐵𑐣𑐵𑐟𑑂𑐳𑑂𑐠𑐵𑐣𑐵𑐣𑑂𑐟𑐬𑑄 𑐎𑑂𑐬𑐩𑐵𑐟𑑂 ॥ 𑑑𑑘॥

𑐩𑐹𑐬𑑂𑐢𑑂𑐣𑑂𑐫𑐵𑐢𑐵𑐫𑐵𑐟𑑂𑐩𑐣𑑅 𑐥𑑂𑐬𑐵𑐞𑐵𑐣𑑂𑐫𑑀𑐐𑐵𑐨𑑂𑐫𑐵𑐳𑑄 𑐳𑑂𑐠𑐶𑐟𑐱𑑂𑐔𑐬𑐣𑑂 । 𑐫𑑀𑐐𑐵𑐟𑑂𑐳𑐘𑑂𑐖𑐵𑐫𑐟𑐾 𑐖𑑂𑐘𑐵𑐣𑑄 𑐖𑑂𑐘𑐵𑐣𑐵𑐡𑑂𑐫𑑀𑐐𑑅 𑐥𑑂𑐬𑐰𑐬𑑂𑐟𑐟𑐾 ॥ 𑑑𑑙॥

𑐫𑑀𑐐𑐖𑑂𑐘𑐵𑐣𑐥𑐬𑑀 𑐣𑐶𑐟𑑂𑐫𑑄 𑐳 𑐫𑑀𑐐𑐷 𑐣 𑐥𑑂𑐬𑐞𑐱𑑂𑐫𑐟𑐶 । 𑐰𑐶𑐎𑐵𑐬𑐳𑑂𑐠𑑄 𑐱𑐶𑐰𑑄 𑐥𑐱𑑂𑐫𑐾𑐡𑑂𑐰𑐶𑐎𑐵𑐬𑐱𑑂𑐔 𑐱𑐶𑐰𑐾 𑐣 𑐟𑐸 ॥ 𑑒.𑑒𑑐॥

𑐫𑑀𑐐𑐥𑑂𑐬𑐎𑐵𑐱𑐎𑑄 𑐫𑑀𑐐𑐿𑐬𑑂𑐢𑑂𑐫𑐵𑐫𑐾𑐔𑑂𑐔𑐵𑐣𑐣𑑂𑐫𑐨𑐵𑐰𑐣𑑅 । 𑐫𑑀𑐐𑐖𑑂𑐘𑐵𑐣𑐾 𑐣 𑐰𑐶𑐡𑑂𑐫𑐾𑐟𑐾 𑐟𑐳𑑂𑐫 𑐨𑐵𑐰𑑀 𑐣 𑐳𑐶𑐡𑑂𑐢𑑂𑐫𑐟𑐶 ॥ 𑑒𑑑॥

𑐟𑐳𑑂𑐩𑐵𑐡𑐨𑑂𑐫𑐵𑐳𑐫𑑀𑐐𑐾𑐣 𑐩𑐣𑑅 𑐥𑑂𑐬𑐵𑐞𑐵𑐣𑑂𑐣𑐶𑐬𑑀𑐢𑐫𑐾𑐟𑑂 । 𑐫𑑀𑐐𑐷 𑐣𑐶𑐱𑐶𑐟𑐢𑐵𑐬𑐾𑐞 𑐎𑑂𑐲𑐸𑐬𑐾𑐞𑐿𑐰 𑐣𑐶𑐎𑐺𑐣𑑂𑐟𑐫𑐾𑐟𑑂 ॥ 𑑒𑑒॥

𑐱𑐶𑐏𑐵 𑐖𑑂𑐘𑐵𑐣𑐩𑐫𑐷 𑐰𑐺𑐟𑑂𑐟𑐶𑐬𑑂𑐫𑐩𑐵𑐡𑑂𑐫𑐲𑑂𑐚𑐵𑐒𑑂𑐐𑐳𑐵𑐢𑐣𑐿𑑅 । 𑐖𑑂𑐘𑐵𑐣𑐫𑑀𑐐𑑅 𑐎𑐬𑑂𑐩𑐫𑑀𑐐 𑐂𑐟𑐶 𑐫𑑀𑐐𑑀 𑐡𑑂𑐰𑐶𑐢𑐵 𑐩𑐟𑑅 ॥ 𑑒𑑓॥

𑐎𑑂𑐬𑐶𑐫𑐵𑐫𑑀𑐐𑐩𑐠𑐾𑐡𑐵𑐣𑐷𑑄 𑐱𑑂𑐬𑐸𑐞𑐸 𑐧𑑂𑐬𑐵𑐴𑑂𑐩𑐞𑐳𑐟𑑂𑐟𑐩 । 𑐀𑐰𑑂𑐫𑐵𑐎𑐸𑐮𑐳𑑂𑐫 𑐔𑐶𑐟𑑂𑐟𑐳𑑂𑐫 𑐧𑐣𑑂𑐢𑐣𑑄 𑐰𑐶𑐲𑐫𑐾 𑐎𑑂𑐰𑐔𑐶𑐟𑑂 ॥ 𑑒𑑔॥

𑐫𑐟𑑂𑐳𑑄𑐫𑑀𑐐𑑀 𑐡𑑂𑐰𑐶𑐖𑐱𑑂𑐬𑐾𑐲𑑂𑐛 𑐳 𑐔 𑐡𑑂𑐰𑐿𑐰𑐶𑐢𑑂𑐫𑐩𑐱𑑂𑐬𑐸𑐟𑐾 । 𑐎𑐬𑑂𑐩 𑐎𑐬𑑂𑐟𑐰𑑂𑐫𑐩𑐶𑐟𑑂𑐫𑐾𑐰 𑐰𑐶𑐴𑐶𑐟𑐾𑐲𑑂𑐰𑐾𑐰 𑐎𑐬𑑂𑐩𑐳𑐸 ॥ 𑑒𑑕॥

𑐧𑐣𑑂𑐢𑐣𑑄 𑐩𑐣𑐳𑑀 𑐣𑐶𑐟𑑂𑐫𑑄 𑐎𑐬𑑂𑐩𑐫𑑀𑐐𑑅 𑐳 𑐄𑐔𑑂𑐫𑐟𑐾 । 𑐫𑐟𑑂𑐟 𑐔𑐶𑐟𑑂𑐟𑐳𑑂𑐫 𑐳𑐟𑐟𑐩𑐬𑑂𑐠𑐾 𑐱𑑂𑐬𑐾𑐫𑐳𑐶 𑐧𑐣𑑂𑐢𑐣𑐩𑑂 ॥ 𑑒𑑖॥

𑐖𑑂𑐘𑐵𑐣𑐫𑑀𑐐𑑅 𑐳 𑐰𑐶𑐖𑑂𑐘𑐾𑐫𑑅 𑐳𑐬𑑂𑐰𑐳𑐶𑐡𑑂𑐢𑐶𑐎𑐬𑑅 𑐱𑐶𑐰𑑅 । 𑐫𑐳𑑂𑐫𑑀𑐎𑑂𑐟𑐮𑐎𑑂𑐲𑐞𑐾 𑐫𑑀𑐐𑐾 𑐡𑑂𑐰𑐶𑐰𑐶𑐢𑐾ऽ𑐥𑑂𑐫𑐰𑑂𑐫𑐫𑑄 𑐩𑐣𑑅 ॥ 𑑒𑑗॥

𑐳 𑐫𑐵𑐟𑐶 𑐥𑐬𑐩𑑄 𑐱𑑂𑐬𑐾𑐫𑑀 𑐩𑑀𑐎𑑂𑐲𑐮𑐎𑑂𑐲𑐞𑐩𑐘𑑂𑐖𑐳𑐵 । 𑐡𑐾𑐴𑐾𑐣𑑂𑐡𑑂𑐬𑐶𑐫𑐾𑐲𑐸 𑐰𑐿𑐬𑐵𑐐𑑂𑐫𑑄 𑐫𑐩 𑐂𑐟𑑂𑐫𑐸𑐔𑑂𑐫𑐟𑐾 𑐧𑐸𑐢𑐿𑑅 ॥ 𑑒𑑘॥

𑐀𑐣𑐸𑐬𑐎𑑂𑐟𑐶𑑅 𑐥𑐬𑐾 𑐟𑐟𑑂𑐟𑑂𑐰𑐾 𑐳𑐟𑐟𑑄 𑐣𑐶𑐫𑐩𑑅 𑐳𑑂𑐩𑐺𑐟𑑅 । 𑐳𑐬𑑂𑐰𑐰𑐳𑑂𑐟𑐸𑐣𑑂𑐫𑐸𑐡𑐵𑐳𑐷𑐣𑐨𑐵𑐰𑐩𑐵𑐳𑐣𑐩𑐸𑐟𑑂𑐟𑐩𑐩𑑂 ॥ 𑑒𑑙॥

𑐖𑐐𑐟𑑂𑐳𑐬𑑂𑐰𑐩𑐶𑐡𑑄 𑐩𑐶𑐠𑑂𑐫𑐵𑐥𑑂𑐬𑐟𑐷𑐟𑐶𑑅 𑐥𑑂𑐬𑐵𑐞𑐳𑑄𑐫𑐩𑑅 । 𑐔𑐶𑐟𑑂𑐟𑐳𑑂𑐫𑐵𑐣𑑂𑐟𑐬𑑂𑐩𑐸𑐏𑐷𑐨𑐵𑐰𑑅 𑐥𑑂𑐬𑐟𑑂𑐫𑐵𑐴𑐵𑐬𑐳𑑂𑐟𑐸 𑐳𑐟𑑂𑐟𑐩 ॥ 𑑒.𑑓𑑐॥

𑐔𑐶𑐟𑑂𑐟𑐳𑑂𑐫 𑐣𑐶𑐱𑑂𑐔𑐮𑐷𑐨𑐵𑐰𑑀 𑐢𑐵𑐬𑐞𑐵 𑐢𑐵𑐬𑐞𑑄 𑐰𑐶𑐡𑐸𑑅 । 𑐳𑑀ऽ𑐴𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰𑐾𑐟𑐶 𑐔𑐶𑐣𑑂𑐟𑐣𑑄 𑐢𑑂𑐫𑐵𑐣𑐩𑐸𑐔𑑂𑐫𑐟𑐾 ॥ 𑑓𑑑॥

𑐢𑑂𑐫𑐵𑐣𑐳𑑂𑐫 𑐰𑐶𑐳𑑂𑐩𑐺𑐟𑐶𑑅 𑐳𑐩𑑂𑐫𑐎𑑂𑐳𑐩𑐵𑐢𑐶𑐬𑐨𑐶𑐢𑐷𑐫𑐟𑐾 । 𑐀𑐴𑐶𑑄𑐳𑐵 𑐳𑐟𑑂𑐫𑐩𑐳𑑂𑐟𑐾𑐫𑑄 𑐧𑑂𑐬𑐴𑑂𑐩𑐔𑐬𑑂𑐫𑑄 𑐡𑐫𑐵𑐬𑑂𑐖𑐰𑐩𑑂 ॥ 𑑓𑑒॥

𑐎𑑂𑐲𑐩𑐵 𑐢𑐺𑐟𑐶𑐬𑑂𑐩𑐶𑐟𑐵𑐴𑐵𑐬𑑅 𑐱𑑁𑐔𑑄 𑐔𑐾𑐟𑐶 𑐫𑐩𑐵𑐡𑐱 । 𑐟𑐥𑑅 𑐳𑐣𑑂𑐟𑐸𑐲𑑂𑐚𑐶𑐬𑐵𑐳𑑂𑐟𑐶𑐎𑑂𑐫𑑄 𑐡𑐵𑐣𑐩𑐵𑐬𑐵𑐢𑐣𑑄 𑐴𑐬𑐾𑑅 ॥ 𑑓𑑓॥

𑐰𑐾𑐡𑐵𑐣𑑂𑐟𑐱𑑂𑐬𑐰𑐞𑑄 𑐔𑐿𑐰 𑐴𑑂𑐬𑐷𑐬𑑂𑐩𑐟𑐶𑐱𑑂𑐔 𑐖𑐥𑑀 𑐰𑑂𑐬𑐟𑐩𑑂 ॥ 𑐂𑐟𑐶 । 𑐁𑐳𑐣𑐵𑐣𑐶 𑐟𑐡𑐒𑑂𑐐𑐵𑐣𑐶 𑐳𑑂𑐰𑐳𑑂𑐟𑐶𑐎𑐵𑐡𑐷𑐣𑐶 𑐰𑐿 𑐡𑑂𑐰𑐶𑐖 ॥ 𑑓𑑔॥

𑐰𑐬𑑂𑐞𑑂𑐫𑐣𑑂𑐟𑐾 𑐳𑑂𑐰𑐳𑑂𑐟𑐶𑐎𑑄 𑐥𑐵𑐡𑐟𑐮𑐫𑑀𑐬𑐸𑐨𑐫𑑀𑐬𑐥𑐶 । 𑐥𑐹𑐬𑑂𑐰𑑀𑐟𑑂𑐟𑐬𑐾 𑐖𑐵𑐣𑐸𑐣𑐷 𑐡𑑂𑐰𑐾 𑐎𑐺𑐟𑑂𑐰𑐵𑐳𑐣𑐩𑐸𑐡𑐷𑐬𑐶𑐟𑐩𑑂 ॥ 𑑓𑑕॥

𑐳𑐰𑑂𑐫𑐾 𑐡𑐎𑑂𑐲𑐶𑐞𑐐𑐸𑐮𑑂𑐦𑑄 𑐟𑐸 𑐥𑐺𑐲𑑂𑐛𑐥𑐵𑐬𑑂𑐱𑑂𑐰𑐾 𑐣𑐶𑐫𑑀𑐖𑐫𑐾𑐟𑑂 । 𑐡𑐎𑑂𑐲𑐶𑐞𑐾ऽ𑐥𑐶 𑐟𑐠𑐵 𑐳𑐰𑑂𑐫𑑄 𑐐𑑀𑐩𑐸𑐏𑑄 𑐐𑑀𑐬𑑂𑐩𑐸𑐏𑑄 𑐫𑐠𑐵 ॥ 𑑓𑑖॥

𑐊𑐎𑑄 𑐔𑐬𑐞𑐩𑐣𑑂𑐫𑐳𑑂𑐩𑐶𑐣𑑂𑐣𑐹𑐬𑐵𑐰𑐵𑐬𑑀𑐥𑑂𑐫 𑐣𑐶𑐱𑑂𑐔𑐮𑑅 । 𑐁𑐳𑑂𑐟𑐾 𑐫𑐡𑐶𑐡𑐩𑐾𑐣𑑀𑐑𑑂𑐣𑑄 𑐰𑐷𑐬𑐵𑐳𑐣𑐩𑐸𑐡𑐷𑐬𑐶𑐟𑐩𑑂 ॥ 𑑓𑑗॥

𑐐𑐸𑐡𑑄 𑐣𑐶𑐫𑐩𑑂𑐫 𑐐𑐸𑐮𑑂𑐦𑐵𑐨𑑂𑐫𑐵𑑄 𑐰𑑂𑐫𑐸𑐟𑑂𑐎𑑂𑐬𑐩𑐾𑐞 𑐳𑐩𑐵𑐴𑐶𑐟𑑅 । 𑐫𑑀𑐐𑐵𑐳𑐣𑑄 𑐨𑐰𑐾𑐡𑐾𑐟𑐡𑐶𑐟𑐶 𑐫𑑀𑐐𑐰𑐶𑐡𑑀 𑐰𑐶𑐡𑐸𑑅 ॥ 𑑓𑑘॥

𑐅𑐬𑑂𑐰𑑀𑐬𑐸𑐥𑐬𑐶𑐰𑐿 𑐢𑐟𑑂𑐟𑐾 𑐫𑐡𑐵 𑐥𑐵𑐡𑐟𑐮𑐾 𑐄𑐨𑐾 । 𑐥𑐡𑑂𑐩𑐵𑐳𑐣𑑄 𑐨𑐰𑐾𑐡𑐾𑐟𑐟𑑂𑐳𑐬𑑂𑐰𑐰𑑂𑐫𑐵𑐢𑐶𑐰𑐶𑐲𑐵𑐥𑐴𑐩𑑂 ॥ 𑑓𑑙॥

𑐥𑐡𑑂𑐩𑐵𑐳𑐣𑑄 𑐳𑐸𑐳𑑄𑐳𑑂𑐠𑐵𑐥𑑂𑐫 𑐟𑐡𑐒𑑂𑐐𑐸𑐲𑑂𑐛𑐡𑑂𑐰𑐫𑑄 𑐥𑐸𑐣𑑅 । 𑐰𑑂𑐫𑐸𑐟𑑂𑐎𑑂𑐬𑐩𑐾𑐞𑐿𑐰 𑐴𑐳𑑂𑐟𑐵𑐨𑑂𑐫𑐵𑑄 𑐧𑐡𑑂𑐢𑐥𑐡𑑂𑐩𑐵𑐳𑐣𑑄 𑐨𑐰𑐾𑐟𑑂 ॥ 𑑒.𑑔𑑐॥

𑐥𑐡𑑂𑐩𑐵𑐳𑐣𑑄 𑐳𑐸𑐳𑑄𑐳𑑂𑐠𑐵𑐥𑑂𑐫 𑐖𑐵𑐣𑐹𑐬𑑂𑐰𑑀𑐬𑐣𑑂𑐟𑐬𑐾 𑐎𑐬𑑁 । 𑐣𑐶𑐰𑐾𑐱𑑂𑐫 𑐨𑐹𑐩𑐵𑐰𑐵𑐟𑐶𑐲𑑂𑐛𑐾𑐡𑑂𑐰𑑂𑐫𑑀𑐩𑐳𑑂𑐠𑑅 𑐎𑐸𑐎𑑂𑐎𑐸𑐚𑐵𑐳𑐣𑑅 ॥ 𑑔𑑑॥

𑐎𑐸𑐎𑑂𑐎𑐸𑐚𑐵𑐳𑐣𑐧𑐣𑑂𑐢𑐳𑑂𑐠𑑀 𑐡𑑀𑐬𑑂𑐨𑑂𑐫𑐵𑑄 𑐳𑑄𑐧𑐢𑑂𑐫 𑐎𑐣𑑂𑐢𑐬𑐩𑑂 । 𑐱𑐾𑐟𑐾 𑐎𑐹𑐬𑑂𑐩𑐰𑐡𑐸𑐟𑑂𑐟𑐵𑐣 𑐊𑐟𑐡𑐸𑐟𑑂𑐟𑐵𑐣𑐎𑐹𑐬𑑂𑐩𑐎𑐩𑑂 ॥ 𑑔𑑒॥

𑐥𑐵𑐡𑐵𑐒𑑂𑐐𑐸𑐲𑑂𑐛𑑁 𑐟𑐸 𑐥𑐵𑐞𑐶𑐨𑑂𑐫𑐵𑑄 𑐐𑐺𑐴𑐷𑐟𑑂𑐰𑐵 𑐱𑑂𑐬𑐰𑐞𑐵𑐰𑐢𑐶 । 𑐢𑐣𑐸𑐬𑐵𑐎𑐬𑑂𑐞𑐎𑐵𑐎𑐺𑐲𑑂𑐚𑑄 𑐢𑐣𑐸𑐬𑐵𑐳𑐣𑐩𑐷𑐬𑐶𑐟𑐩𑑂 ॥ 𑑔𑑓॥

𑐳𑐷𑐰𑐣𑐷𑑄 𑐐𑐸𑐮𑑂𑐦𑐡𑐾𑐱𑐵𑐨𑑂𑐫𑐵𑑄 𑐣𑐶𑐥𑐷𑐜𑑂𑐫 𑐰𑑂𑐫𑐸𑐟𑑂𑐎𑑂𑐬𑐩𑐾𑐞 𑐟𑐸 । 𑐥𑑂𑐬𑐳𑐵𑐬𑑂𑐫 𑐖𑐵𑐣𑐸𑐣𑑀𑐬𑑂𑐴𑐳𑑂𑐟𑐵𑐰𑐵𑐳𑐣𑑄 𑐳𑐶𑑄𑐴𑐬𑐹𑐥𑐎𑐩𑑂 ॥ 𑑔𑑔॥

𑐐𑐸𑐮𑑂𑐦𑑁 𑐔 𑐰𑐺𑐲𑐞𑐳𑑂𑐫𑐵𑐢𑑅 𑐳𑐷𑐰𑐣𑑂𑐫𑐸𑐨𑐫𑐥𑐵𑐬𑑂𑐱𑑂𑐰𑐫𑑀𑑅 । 𑐣𑐶𑐰𑐾𑐱𑑂𑐫 𑐥𑐵𑐡𑑁 𑐴𑐳𑑂𑐟𑐵𑐨𑑂𑐫𑐵𑑄 𑐧𑐢𑑂𑐰𑐵 𑐨𑐡𑑂𑐬𑐵𑐳𑐣𑑄 𑐨𑐰𑐾𑐟𑑂 ॥ 𑑔𑑕॥

𑐳𑐷𑐰𑐣𑐷𑐥𑐵𑐬𑑂𑐱𑑂𑐰𑐩𑐸𑐨𑐫𑑄 𑐐𑐸𑐮𑑂𑐦𑐵𑐨𑑂𑐫𑐵𑑄 𑐰𑑂𑐫𑐸𑐟𑑂𑐎𑑂𑐬𑐩𑐾𑐞 𑐟𑐸 । 𑐣𑐶𑐥𑐷𑐜𑑂𑐫𑐵𑐳𑐣𑐩𑐾𑐟𑐔𑑂𑐔 𑐩𑐸𑐎𑑂𑐟𑐵𑐳𑐣𑐩𑐸𑐡𑐷𑐬𑐶𑐟𑐩𑑂 ॥ 𑑔𑑖॥

𑐀𑐰𑐲𑑂𑐚𑐨𑑂𑐫 𑐢𑐬𑐵𑑄 𑐳𑐩𑑂𑐫𑐎𑑂𑐟𑐮𑐵𑐨𑑂𑐫𑐵𑑄 𑐴𑐳𑑂𑐟𑐫𑑀𑐬𑑂𑐡𑑂𑐰𑐫𑑀𑑅 । 𑐎𑐹𑐬𑑂𑐥𑐬𑑁 𑐣𑐵𑐨𑐶𑐥𑐵𑐬𑑂𑐱𑑂𑐰𑐾 𑐟𑐸 𑐳𑑂𑐠𑐵𑐥𑐫𑐶𑐟𑑂𑐰𑐵 𑐩𑐫𑐹𑐬𑐰𑐟𑑂 ॥ 𑑔𑑗॥

𑐳𑐩𑐸𑐣𑑂𑐣𑐟𑐱𑐶𑐬𑑅 𑐥𑐵𑐡𑑄 𑐩𑐫𑐹𑐬𑐵𑐳𑐣𑐩𑐶𑐲𑑂𑐫𑐟𑐾 । 𑐰𑐵𑐩𑑀𑐬𑐸𑐩𑐹𑐮𑐾 𑐡𑐎𑑂𑐲𑐵𑐒𑑂𑐑𑑂𑐬𑐶𑑄 𑐖𑐵𑐣𑑂𑐰𑑀𑐬𑑂𑐰𑐾𑐲𑑂𑐚𑐶𑐟𑐥𑐵𑐞𑐶𑐣𑐵 ॥ 𑑔𑑘॥

𑐰𑐵𑐩𑐾𑐣 𑐰𑐵𑐩𑐵𑐒𑑂𑐐𑐸𑐲𑑂𑐛𑑄 𑐟𑐸 𑐐𑐺𑐴𑐷𑐟𑑄 𑐩𑐟𑑂𑐳𑑂𑐫𑐥𑐷𑐛𑐎𑐩𑑂 । 𑐫𑑀𑐣𑐶𑑄 𑐰𑐵𑐩𑐾𑐣 𑐳𑑄𑐥𑐷𑐜𑑂𑐫 𑐩𑐾𑐝𑑂𑐬𑐵𑐡𑐸𑐥𑐬𑐶 𑐡𑐎𑑂𑐱𑐶𑐞𑐩𑑂 ॥ 𑑔𑑙॥

𑐆𑐖𑐸𑐎𑐵𑐫𑑅 𑐳𑐩𑐵𑐳𑐷𑐣𑑅 𑐳𑐶𑐡𑑂𑐢𑐵𑐳𑐣𑐩𑐸𑐡𑐷𑐬𑐶𑐟𑐩𑑂 । 𑐥𑑂𑐬𑐳𑐵𑐬𑑂𑐫 𑐨𑐸𑐰𑐶 𑐥𑐵𑐡𑑁 𑐟𑐸 𑐡𑑀𑐬𑑂𑐨𑑂𑐫𑐵𑐩𑐒𑑂𑐐𑐸𑐲𑑂𑐛𑐩𑐵𑐡𑐬𑐵𑐟𑑂 ॥ 𑑒.𑑕𑑐॥

𑐖𑐵𑐣𑐹𑐥𑐬𑐶 𑐮𑐮𑐵𑐚𑑄 𑐟𑐸 𑐥𑐱𑑂𑐔𑐶𑐩𑑄 𑐟𑐵𑐣𑐩𑐸𑐔𑑂𑐫𑐟𑐾 । 𑐫𑐾𑐣 𑐎𑐾𑐣 𑐥𑑂𑐬𑐎𑐵𑐬𑐾𑐞 𑐳𑐸𑐏𑑄 𑐢𑐵𑐬𑑂𑐫𑑄 𑐔 𑐖𑐵𑐫𑐟𑐾 ॥ 𑑕𑑑॥

𑐟𑐟𑑂𑐳𑐸𑐏𑐵𑐳𑐣𑐩𑐶𑐟𑑂𑐫𑐸𑐎𑑂𑐟𑐩𑐱𑐎𑑂𑐟𑐳𑑂𑐟𑐟𑑂𑐳𑐩𑐵𑐔𑐬𑐾𑐟𑑂 । 𑐁𑐳𑐣𑑄 𑐰𑐶𑐖𑐶𑐟𑑄 𑐫𑐾𑐣 𑐖𑐶𑐟𑑄 𑐟𑐾𑐣 𑐖𑐐𑐟𑑂𑐟𑑂𑐬𑐫𑐩𑑂 ॥ 𑑕𑑒॥

𑐫𑐩𑐿𑐱𑑂𑐔 𑐣𑐶𑐫𑐩𑐿𑐱𑑂𑐔𑐿𑐰 𑐁𑐳𑐣𑐿𑐱𑑂𑐔 𑐳𑐸𑐳𑑄𑐫𑐟𑑅 । 𑐣𑐵𑐜𑐷𑐱𑐸𑐡𑑂𑐢𑐶𑑄 𑐔 𑐎𑐺𑐟𑑂𑐰𑐵𑐡𑑁 𑐥𑑂𑐬𑐵𑐞𑐵𑐫𑐵𑐩𑑄 𑐳𑐩𑐵𑐔𑐬𑐾𑐟𑑂 ॥ 𑑕𑑓॥

𑐡𑐾𑐴𑐩𑐵𑐣𑑄 𑐳𑑂𑐰𑐵𑐒𑑂𑐐𑐸𑐮𑐶𑐨𑐶𑑅 𑐲𑐞𑑂𑐞𑐰𑐟𑑂𑐫𑐒𑑂𑐐𑐸𑐮𑐵𑐫𑐟𑐩𑑂 । 𑐥𑑂𑐬𑐵𑐞𑑅 𑐱𑐬𑐷𑐬𑐵𑐡𑐢𑐶𑐎𑑀 𑐡𑑂𑐰𑐵𑐡𑐱𑐵𑐒𑑂𑐐𑐸𑐮𑐩𑐵𑐣𑐟𑑅 ॥ 𑑕𑑔॥

𑐡𑐾𑐴𑐳𑑂𑐠𑐩𑐣𑐶𑐮𑑄 𑐡𑐾𑐴𑐳𑐩𑐸𑐡𑑂𑐨𑐹𑐟𑐾𑐣 𑐰𑐴𑑂𑐣𑐶𑐣𑐵 । 𑐣𑑂𑐫𑐹𑐣𑑄 𑐳𑐩𑑄 𑐰𑐵 𑐫𑑀𑐐𑐾𑐣 𑐎𑐸𑐬𑑂𑐰𑐣𑑂𑐧𑑂𑐬𑐴𑑂𑐩𑐰𑐶𑐡𑐶𑐲𑑂𑐫𑐟𑐾 ॥ 𑑕𑑕॥

𑐡𑐾𑐴𑐩𑐢𑑂𑐫𑐾 𑐱𑐶𑐏𑐶𑐳𑑂𑐠𑐵𑐣𑑄 𑐟𑐥𑑂𑐟𑐖𑐵𑐩𑑂𑐧𑐹𑐣𑐡𑐥𑑂𑐬𑐨𑐩𑑂 । 𑐟𑑂𑐬𑐶𑐎𑑀𑐞𑑄 𑐡𑑂𑐰𑐶𑐥𑐡𑐵𑐩𑐣𑑂𑐫𑐔𑑂𑐔𑐟𑐸𑐬𑐳𑑂𑐬𑑄 𑐔𑐟𑐸𑐲𑑂𑐥𑐡𑐩𑑂 ॥ 𑑕𑑖॥

𑐰𑐺𑐟𑑂𑐟𑑄 𑐰𑐶𑐴𑐒𑑂𑐐𑐩𑐵𑐣𑐵𑑄 𑐟𑐸 𑐲𑐜𑐳𑑂𑐬𑑄 𑐳𑐬𑑂𑐥𑐖𑐣𑑂𑐩𑐣𑐵𑐩𑑂 । 𑐀𑐲𑑂𑐚𑐵𑐳𑑂𑐬𑑄 𑐳𑑂𑐰𑐾𑐡𑐖𑐵𑐣𑐵𑑄 𑐟𑐸 𑐟𑐳𑑂𑐩𑐶𑐣𑑂𑐡𑐷𑐥𑐰𑐡𑐸𑐖𑑂𑐖𑑂𑐰𑐮𑐩𑑂 ॥ 𑑕𑑗॥

𑐎𑐣𑑂𑐡𑐳𑑂𑐠𑐵𑐣𑑄 𑐩𑐣𑐸𑐲𑑂𑐫𑐵𑐞𑐵𑑄 𑐡𑐾𑐴𑐩𑐢𑑂𑐫𑑄 𑐣𑐰𑐵𑐒𑑂𑐐𑐸𑐮𑐩𑑂 । 𑐔𑐟𑐸𑐬𑐒𑑂𑐐𑐸𑐮𑐩𑐸𑐟𑑂𑐳𑐾𑐢𑑄 𑐔𑐟𑐸𑐬𑐒𑑂𑐐𑐸𑐮𑐩𑐵𑐫𑐟𑐩𑑂 ॥ 𑑕𑑘॥

𑐀𑐞𑑂𑐜𑐵𑐎𑐺𑐟𑐶 𑐟𑐶𑐬𑐱𑑂𑐔𑐵𑑄 𑐔 𑐡𑑂𑐰𑐶𑐖𑐵𑐣𑐵𑑄 𑐔 𑐔𑐟𑐸𑐲𑑂𑐥𑐡𑐵𑐩𑑂 । 𑐟𑐸𑐣𑑂𑐡𑐩𑐢𑑂𑐫𑑄 𑐟𑐡𑐶𑐲𑑂𑐚𑑄 𑐰𑐿 𑐟𑐣𑑂𑐩𑐢𑑂𑐫𑑄 𑐣𑐵𑐨𑐶𑐬𑐶𑐥𑑂𑐫𑐟𑐾 ॥ 𑑕𑑙॥

𑐟𑐟𑑂𑐬 𑐔𑐎𑑂𑐬𑑄 𑐡𑑂𑐰𑐵𑐡𑐱𑐵𑐬𑑄 𑐟𑐾𑐲𑐸 𑐰𑐶𑐲𑑂𑐞𑑂𑐰𑐵𑐡𑐶𑐩𑐹𑐬𑑂𑐟𑐫𑑅 । 𑐀𑐴𑑄 𑐟𑐟𑑂𑐬 𑐳𑑂𑐠𑐶𑐟𑐱𑑂𑐔𑐎𑑂𑐬𑑄 𑐨𑑂𑐬𑐵𑐩𑐫𑐵𑐩𑐶 𑐳𑑂𑐰𑐩𑐵𑐫𑐫𑐵 ॥ 𑑒.𑑖𑑐॥

𑐀𑐬𑐾𑐲𑐸 𑐨𑑂𑐬𑐩𑐟𑐾 𑐖𑐷𑐰𑑅 𑐎𑑂𑐬𑐩𑐾𑐞 𑐡𑑂𑐰𑐶𑐖𑐳𑐟𑑂𑐟𑐩 । 𑐟𑐣𑑂𑐟𑐸𑐥𑐘𑑂𑐖𑐬𑐩𑐢𑑂𑐫𑐳𑑂𑐠𑐵 𑐫𑐠𑐵 𑐨𑑂𑐬𑐩𑐟𑐶 𑐮𑐹𑐟𑐶𑐎𑐵 ॥ 𑑖𑑑॥

𑐥𑑂𑐬𑐵𑐞𑐵𑐢𑐶𑐬𑐹𑐝𑐱𑑂𑐔𑐬𑐟𑐶 𑐖𑐷𑐰𑐳𑑂𑐟𑐾𑐣 𑐰𑐶𑐣𑐵 𑐣 𑐴𑐶 । 𑐟𑐳𑑂𑐫𑑀𑐬𑑂𑐢𑑂𑐰𑐾 𑐎𑐸𑐞𑑂𑐜𑐮𑐷𑐳𑑂𑐠𑐵𑐣𑑄 𑐣𑐵𑐨𑐾𑐳𑑂𑐟𑐶𑐬𑑂𑐫𑐐𑐠𑑀𑐬𑑂𑐢𑑂𑐰𑐟𑑅 ॥ 𑑖𑑒॥

𑐀𑐲𑑂𑐚𑐥𑑂𑐬𑐎𑐺𑐟𑐶𑐬𑐹𑐥𑐵 𑐳𑐵 𑐔𑐵𑐲𑑂𑐚𑐢𑐵 𑐎𑐸𑐞𑑂𑐜𑐮𑐷𑐎𑐺𑐟𑐵 । 𑐫𑐠𑐵𑐰𑐡𑑂𑐰𑐵𑐫𑐸𑐳𑐵𑐬𑑄 𑐔 𑐖𑑂𑐰𑐮𑐣𑐵𑐡𑐶 𑐔 𑐣𑐶𑐟𑑂𑐫𑐱𑑅 ॥ 𑑖𑑓॥

𑐥𑐬𑐶𑐟𑑅 𑐎𑐣𑑂𑐡𑐥𑐵𑐬𑑂𑐱𑑂𑐰𑐾 𑐟𑐸 𑐣𑐶𑐬𑐸𑐢𑑂𑐫𑐿𑐰 𑐳𑐡𑐵 𑐳𑑂𑐠𑐶𑐟𑐵 । 𑐩𑐸𑐏𑐾𑐣𑐿𑐰 𑐳𑐩𑐵𑐰𑐾𑐲𑑂𑐚𑑂𑐫 𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑐩𑐸𑐏𑑄 𑐟𑐠𑐵 ॥ 𑑖𑑔॥

𑐫𑑀𑐐𑐎𑐵𑐮𑐾𑐣 𑐩𑐬𑐸𑐟𑐵 𑐳𑐵𑐐𑑂𑐣𑐶𑐣𑐵 𑐧𑑀𑐢𑐶𑐟𑐵 𑐳𑐟𑐷 । 𑐳𑑂𑐦𑐸𑐬𑐶𑐟𑐵 𑐴𑐺𑐡𑐫𑐵𑐎𑐵𑐱𑐾 𑐣𑐵𑐐𑐬𑐹𑐥𑐵 𑐩𑐴𑑀𑐖𑑂𑐖𑑂𑐰𑐮𑐵 ॥ 𑑖𑑕॥

𑐀𑐥𑐣𑐵𑐡𑑂𑐡𑑂𑐰𑐫𑐒𑑂𑐐𑐸𑐮𑐵𑐡𑐹𑐬𑑂𑐢𑑂𑐰𑐩𑐢𑑀 𑐩𑐾𑐝𑑂𑐬𑐳𑑂𑐫 𑐟𑐵𑐰𑐟𑐵 । 𑐡𑐾𑐴𑐩𑐢𑑂𑐫𑑄 𑐩𑐣𑐸𑐲𑑂𑐫𑐵𑐞𑐵𑑄 𑐴𑐺𑐣𑑂𑐩𑐢𑑂𑐫𑑄 𑐟𑐸 𑐔𑐟𑐸𑐲𑑂𑐥𑐡𑐵𑐩𑑂 ॥ 𑑖𑑖॥

𑐂𑐟𑐬𑐾𑐲𑐵𑑄 𑐟𑐸𑐣𑑂𑐡𑐩𑐢𑑂𑐫𑐾 𑐥𑑂𑐬𑐵𑐞𑐵𑐥𑐵𑐣𑐳𑐩𑐵𑐫𑐸𑐟𑐩𑑂 । 𑐔𑐟𑐸𑐲𑑂𑐥𑑂𑐬𑐎𑐵𑐬𑐡𑑂𑐰𑑂𑐫𑐫𑐸𑐟𑐾 𑐡𑐾𑐴𑐩𑐢𑑂𑐫𑐾 𑐳𑐸𑐲𑐸𑐩𑑂𑐣𑐫𑐵 ॥ 𑑖𑑗॥

𑐎𑐣𑑂𑐡𑐩𑐢𑑂𑐫𑐾 𑐳𑑂𑐠𑐶𑐟𑐵 𑐣𑐵𑐜𑐷 𑐳𑐸𑐲𑐸𑐩𑑂𑐣𑐵 𑐳𑐸𑐥𑑂𑐬𑐟𑐶𑐲𑑂𑐛𑐶𑐟𑐵 । 𑐥𑐡𑑂𑐩𑐳𑐹𑐟𑑂𑐬𑐥𑑂𑐬𑐟𑐷𑐎𑐵𑐱𑐵 𑐆𑐖𑐸𑐬𑐹𑐬𑑂𑐢𑑂𑐰𑐥𑑂𑐬𑐰𑐬𑑂𑐟𑐶𑐣𑐷 ॥ 𑑖𑑘॥

𑐧𑑂𑐬𑐴𑑂𑐩𑐞𑑀 𑐰𑐶𑐰𑐬𑑄 𑐫𑐵𑐰𑐡𑑂𑐰𑐶𑐡𑑂𑐫𑐸𑐡𑐵𑐨𑐵𑐳𑐣𑐵𑐮𑐎𑐩𑑂 । 𑐰𑐿𑐲𑑂𑐞𑐰𑐷 𑐧𑑂𑐬𑐴𑑂𑐩𑐣𑐵𑐜𑐷 𑐔 𑐣𑐶𑐬𑑂𑐰𑐵𑐞𑐥𑑂𑐬𑐵𑐥𑑂𑐟𑐶𑐥𑐡𑑂𑐢𑐟𑐶𑑅 ॥ 𑑖𑑙॥

𑐂𑐜𑐵 𑐔 𑐥𑐶𑐒𑑂𑐐𑐮𑐵 𑐔𑐿𑐰 𑐟𑐳𑑂𑐫𑐵𑑅 𑐳𑐰𑑂𑐫𑐾𑐟𑐬𑐾 𑐳𑑂𑐠𑐶𑐟𑐾 । 𑐂𑐜𑐵 𑐳𑐩𑐸𑐟𑑂𑐠𑐶𑐟𑐵 𑐎𑐣𑑂𑐡𑐵𑐡𑑂𑐰𑐵𑐩𑐣𑐵𑐳𑐵𑐥𑐸𑐚𑐵𑐰𑐢𑐶: ॥ 𑑒.𑑗𑑐॥

𑐥𑐶𑐒𑑂𑐐𑐮𑐵 𑐔𑑀𑐟𑑂𑐠𑐶𑐟𑐵 𑐟𑐳𑑂𑐩𑐵𑐡𑑂𑐡𑐎𑑂𑐲𑐣𑐵𑐳𑐵𑐥𑐸𑐚𑐵𑐰𑐢𑐶 । 𑐐𑐵𑐣𑑂𑐢𑐵𑐬𑐷 𑐴𑐳𑑂𑐟𑐶𑐖𑐶𑐴𑑂𑐰𑐵 𑐔 𑐡𑑂𑐰𑐾 𑐔𑐵𑐣𑑂𑐫𑐾 𑐣𑐵𑐜𑐶𑐎𑐾 𑐳𑑂𑐠𑐶𑐟𑐾 ॥ 𑑗𑑑॥

𑐥𑐸𑐬𑐟𑑅 𑐥𑐺𑐲𑑂𑐛𑐟𑐳𑑂𑐟𑐳𑑂𑐫 𑐰𑐵𑐩𑐾𑐟𑐬𑐡𑐺𑐱𑑁 𑐥𑑂𑐬𑐟𑐶 । 𑐥𑐹𑐲𑐵𑐫𑐱𑐳𑑂𑐰𑐶𑐣𑐷𑐣𑐵𑐜𑑂𑐫𑑁 𑐟𑐳𑑂𑐩𑐵𑐡𑐾𑐰 𑐳𑐩𑐸𑐟𑑂𑐠𑐶𑐟𑐾 ॥ 𑑗𑑒॥

𑐳𑐰𑑂𑐫𑐾𑐟𑐬𑐱𑑂𑐬𑐸𑐟𑑂𑐫𑐰𑐢𑐶 𑐥𑐵𑐫𑐸𑐩𑐹𑐮𑐵𑐡𑐮𑐩𑑂𑐧𑐸𑐳𑐵 । 𑐀𑐢𑑀𑐐𑐟𑐵 𑐱𑐸𑐨𑐵 𑐣𑐵𑐜𑐷 𑐩𑐾𑐝𑑂𑐬𑐵𑐣𑑂𑐟𑐵𑐰𑐢𑐶𑐬𑐵𑐫𑐟𑐵 ॥ 𑑗𑑓॥

𑐥𑐵𑐡𑐵𑐒𑑂𑐐𑐸𑐲𑑂𑐛𑐵𑐰𑐢𑐶𑑅 𑐎𑐣𑑂𑐡𑐵𑐡𑐢𑑀𑐫𑐵𑐟𑐵 𑐔 𑐎𑑁𑐱𑐶𑐎𑐷 । 𑐡𑐱𑐥𑑂𑐬𑐎𑐵𑐬𑐨𑐹𑐟𑐵𑐳𑑂𑐟𑐵𑑅 𑐎𑐠𑐶𑐟𑐵𑑅 𑐎𑐣𑑂𑐡𑐳𑑄𑐨𑐰𑐵𑑅 ॥ 𑑗𑑔॥

𑐟𑐣𑑂𑐩𑐹𑐮𑐵 𑐧𑐴𑐰𑑀 𑐣𑐵𑐜𑑂𑐫𑑅 𑐳𑑂𑐠𑐹𑐮𑐳𑐹𑐎𑑂𑐲𑑂𑐩𑐵𑐱𑑂𑐔 𑐣𑐵𑐜𑐶𑐎𑐵𑑅 । 𑐡𑑂𑐰𑐵𑐳𑐥𑑂𑐟𑐟𑐶𑐳𑐴𑐳𑑂𑐬𑐵𑐞𑐶 𑐳𑑂𑐠𑐹𑐮𑐵𑑅 𑐳𑐹𑐎𑑂𑐱𑑂𑐩𑐵𑐱𑑂𑐔 𑐣𑐵𑐜𑐫𑑅 ॥ 𑑗𑑕॥

𑐳𑑄𑐏𑑂𑐫𑐵𑐟𑐸𑑄 𑐣𑐿𑐰 𑐱𑐎𑑂𑐫𑐣𑑂𑐟𑐾 𑐳𑑂𑐠𑐹𑐮𑐩𑐹𑐮𑐵𑑅 𑐥𑐺𑐠𑐐𑑂𑐰𑐶𑐢𑐵𑑅 । 𑐫𑐠𑐵𑐱𑑂𑐰𑐟𑑂𑐠𑐡𑐮𑐾 𑐳𑐹𑐎𑑂𑐲𑑂𑐩𑐵: 𑐳𑑂𑐠𑐹𑐮𑐵𑐱𑑂𑐔 𑐰𑐶𑐟𑐟𑐵𑐳𑑂𑐟𑐠𑐵 ॥ 𑑗𑑖॥

𑐥𑑂𑐬𑐵𑐞𑐵𑐥𑐵𑐣𑑁 𑐳𑐩𑐵𑐣𑐱𑑂𑐔 𑐄𑐡𑐵𑐣𑑀 𑐰𑑂𑐫𑐵𑐣 𑐊𑐰 𑐔 । 𑐣𑐵𑐐𑑅 𑐎𑐹𑐬𑑂𑐩𑐱𑑂𑐔 𑐎𑐺𑐎𑐬𑑀 𑐡𑐾𑐰𑐡𑐟𑑂𑐟𑑀 𑐢𑐣𑐘𑑂𑐖𑐫𑑅 ॥ 𑑗𑑗॥

𑐔𑐬𑐣𑑂𑐟𑐶 𑐡𑐱𑐣𑐵𑐜𑐷𑐲𑐸 𑐡𑐱 𑐥𑑂𑐬𑐵𑐞𑐵𑐡𑐶𑐰𑐵𑐫𑐰𑑅 । 𑐥𑑂𑐬𑐵𑐞𑐵𑐡𑐶𑐥𑐘𑑂𑐔𑐎𑑄 𑐟𑐾𑐲𑐸 𑐥𑑂𑐬𑐢𑐵𑐣𑑄 𑐟𑐟𑑂𑐬 𑐔 𑐡𑑂𑐰𑐫𑐩𑑂 ॥ 𑑗𑑘॥

𑐥𑑂𑐬𑐵𑐞 𑐊𑐰𑐵𑐠𑐰𑐵 𑐖𑑂𑐫𑐾𑐲𑑂𑐛𑑀 𑐖𑐷𑐰𑐵𑐟𑑂𑐩𑐵𑐣𑑄 𑐧𑐶𑐨𑐬𑑂𑐟𑐶 𑐫𑑅 । 𑐁𑐳𑑂𑐫𑐣𑐵𑐳𑐶𑐎𑐫𑑀𑐬𑑂𑐩𑐢𑑂𑐫𑑄 𑐴𑐺𑐡𑐫𑑄 𑐣𑐵𑐨𑐶𑐩𑐞𑑂𑐜𑐮𑐩𑑂 ॥ 𑑗𑑙॥

𑐥𑐵𑐡𑐵𑐒𑑂𑐐𑐸𑐲𑑂𑐛𑐩𑐶𑐟𑐶 𑐥𑑂𑐬𑐵𑐞𑐳𑑂𑐠𑐵𑐣𑐵𑐣𑐶 𑐡𑑂𑐰𑐶𑐖𑐳𑐟𑑂𑐟𑐩 । 𑐀𑐥𑐵𑐣𑐱𑑂𑐔𑐬𑐟𑐶 𑐧𑑂𑐬𑐴𑑂𑐩𑐣𑑂𑐐𑐸𑐡𑐩𑐾𑐝𑑂𑐬𑑀𑐬𑐸𑐖𑐵𑐣𑐸𑐲𑐸 ॥ 𑑒.𑑘𑑐॥

𑐳𑐩𑐵𑐣𑑅 𑐳𑐬𑑂𑐰𑐐𑐵𑐟𑑂𑐬𑐾𑐲𑐸 𑐳𑐬𑑂𑐰𑐰𑑂𑐫𑐵𑐥𑐷 𑐰𑑂𑐫𑐰𑐳𑑂𑐠𑐶𑐟𑑅 । 𑐄𑐡𑐵𑐣𑑅 𑐳𑐬𑑂𑐰𑐳𑐣𑑂𑐢𑐶𑐳𑑂𑐠𑑅 𑐥𑐵𑐡𑐫𑑀𑐬𑑂𑐴𑐳𑑂𑐟𑐫𑑀𑐬𑐥𑐶 ॥ 𑑘𑑑॥

𑐰𑑂𑐫𑐵𑐣𑑅 𑐱𑑂𑐬𑑀𑐟𑑂𑐬𑑀𑐬𑐸𑐎𑐚𑑂𑐫𑐵𑑄 𑐔 𑐐𑐸𑐮𑑂𑐦𑐳𑑂𑐎𑐣𑑂𑐢𑐐𑐮𑐾𑐲𑐸 𑐔 । 𑐣𑐵𑐐𑐵𑐡𑐶𑐰𑐵𑐫𑐰𑑅 𑐥𑐘𑑂𑐔 𑐟𑑂𑐰𑐐𑐳𑑂𑐠𑐵𑐡𑐶𑐲𑐸 𑐳𑑄𑐳𑑂𑐠𑐶𑐟𑐵𑑅 ॥ 𑑘𑑒॥

𑐟𑐸𑐣𑑂𑐡𑐳𑑂𑐠𑐖𑐮𑐩𑐣𑑂𑐣𑑄 𑐔 𑐬𑐳𑐵𑐡𑐷𑐣𑐶 𑐳𑐩𑐷𑐎𑐺𑐟𑐩𑑂 । 𑐟𑐸𑐣𑑂𑐡𑐩𑐢𑑂𑐫𑐐𑐟𑑅 𑐥𑑂𑐬𑐵𑐞𑐳𑑂𑐟𑐵𑐣𑐶 𑐎𑐸𑐬𑑂𑐫𑐵𑐟𑑂𑐥𑐺𑐠𑐎𑑂𑐥𑐺𑐠𑐎𑑂 ॥ 𑑘𑑓॥

𑐂𑐟𑑂𑐫𑐵𑐡𑐶𑐔𑐾𑐲𑑂𑐚𑐣𑑄 𑐥𑑂𑐬𑐵𑐞𑑅 𑐎𑐬𑑀𑐟𑐶 𑐔 𑐥𑐺𑐠𑐎𑑂𑐳𑑂𑐠𑐶𑐟𑐩𑑂 । 𑐀𑐥𑐵𑐣𑐰𑐵𑐫𑐸𑐬𑑂𑐩𑐹𑐟𑑂𑐬𑐵𑐡𑐾𑑅 𑐎𑐬𑑀𑐟𑐶 𑐔 𑐰𑐶𑐳𑐬𑑂𑐖𑐣𑐩𑑂 ॥ 𑑘𑑔॥

𑐥𑑂𑐬𑐵𑐞𑐵𑐥𑐵𑐣𑐵𑐡𑐶𑐔𑐾𑐲𑑂𑐚𑐵𑐡𑐶 𑐎𑑂𑐬𑐶𑐫𑐟𑐾 𑐰𑑂𑐫𑐵𑐣𑐰𑐵𑐫𑐸𑐣𑐵 । 𑐄𑐖𑑂𑐖𑐷𑐬𑑂𑐫𑐟𑐾 𑐱𑐬𑐷𑐬𑐳𑑂𑐠𑐩𑐸𑐡𑐵𑐣𑐾𑐣 𑐣𑐨𑐳𑑂𑐰𑐟𑐵 ॥ 𑑘𑑕॥

𑐥𑑀𑐲𑐞𑐵𑐡𑐶𑐱𑐬𑐷𑐬𑐳𑑂𑐫 𑐳𑐩𑐵𑐣𑑅 𑐎𑐸𑐬𑐸𑐟𑐾 𑐳𑐡𑐵 । 𑐄𑐡𑑂𑐐𑐵𑐬𑐵𑐡𑐶𑐎𑑂𑐬𑐶𑐫𑑀 𑐣𑐵𑐐𑑅 𑐎𑐹𑐬𑑂𑐩𑑀ऽ𑐎𑑂𑐲𑐵𑐡𑐶𑐣𑐶𑐩𑐷𑐮𑐣𑑅 ॥ 𑑘𑑖॥

𑐎𑐺𑐎𑐬𑑅 𑐎𑑂𑐲𑐸𑐟𑐫𑑀𑑅 𑐎𑐬𑑂𑐟𑐵 𑐡𑐟𑑂𑐟𑑀 𑐣𑐶𑐡𑑂𑐬𑐵𑐡𑐶𑐎𑐬𑑂𑐩𑐎𑐺𑐟𑑂 । 𑐩𑐺𑐟𑐐𑐵𑐟𑑂𑐬𑐳𑑂𑐫 𑐱𑑀𑐨𑐵𑐡𑐾𑐬𑑂𑐢𑐣𑑄𑐖𑐫 𑐄𑐡𑐵𑐴𑐺𑐟𑑅 ॥ 𑑘𑑗॥

𑐣𑐵𑐜𑐷𑐨𑐾𑐡𑑄 𑐩𑐬𑐸𑐡𑑂𑐨𑐾𑐡𑑄 𑐩𑐬𑐸𑐟𑐵𑑄 𑐳𑑂𑐠𑐵𑐣𑐩𑐾𑐰 𑐔 । 𑐔𑐾𑐲𑑂𑐚𑐵𑐱𑑂𑐔 𑐰𑐶𑐰𑐶𑐢𑐵𑐳𑑂𑐟𑐾𑐲𑐵𑑄 𑐖𑑂𑐘𑐵𑐟𑑂𑐰𑐿𑐰 𑐣𑐶𑐖𑐳𑐟𑑂𑐟𑐩 ॥ 𑑘𑑘॥

𑐱𑐸𑐡𑑂𑐢𑑁 𑐫𑐟𑐾𑐟 𑐣𑐵𑐜𑐷𑐣𑐵𑑄 𑐥𑐹𑐬𑑂𑐰𑑀𑐎𑑂𑐟𑐖𑑂𑐘𑐵𑐣𑐳𑑄𑐫𑐸𑐟𑑅 । 𑐰𑐶𑐰𑐶𑐎𑑂𑐟𑐡𑐾𑐱𑐩𑐵𑐳𑐵𑐡𑑂𑐫 𑐳𑐬𑑂𑐰𑐳𑑄𑐧𑐣𑑂𑐢𑐰𑐬𑑂𑐖𑐶𑐟𑑅 ॥ 𑑘𑑙॥

𑐫𑑀𑐐𑐵𑐒𑑂𑐐𑐡𑑂𑐬𑐰𑑂𑐫𑐳𑑄𑐥𑐹𑐬𑑂𑐞𑑄 𑐟𑐟𑑂𑐬 𑐡𑐵𑐬𑐸𑐩𑐫𑐾 𑐱𑐸𑐨𑐾 । 𑐁𑐳𑐣𑐾 𑐎𑐮𑑂𑐥𑐶𑐟𑐾 𑐡𑐬𑑂𑐨𑐎𑐸𑐱𑐎𑐺𑐲𑑂𑐞𑐵𑐖𑐶𑐣𑐵𑐡𑐶𑐨𑐶𑑅 ॥ 𑑒.𑑙𑑐॥

𑐟𑐵𑐰𑐡𑐵𑐳𑐣𑐩𑐸𑐟𑑂𑐳𑐾𑐢𑐾 𑐟𑐵𑐰𑐡𑑂𑐡𑑂𑐰𑐫𑐳𑐩𑐵𑐫𑐟𑐾 । 𑐄𑐥𑐰𑐶𑐱𑑂𑐫𑐵𑐳𑐣𑑄 𑐳𑐩𑑂𑐫𑐎𑑂𑐳𑑂𑐰𑐳𑑂𑐟𑐶𑐎𑐵𑐡𑐶 𑐫𑐠𑐵𑐬𑐸𑐔𑐶 ॥ 𑑙𑑑॥

𑐧𑐢𑑂𑐰𑐵 𑐥𑑂𑐬𑐵𑐐𑐵𑐳𑐣𑑄 𑐰𑐶𑐥𑑂𑐬𑑀 𑐆𑐖𑐸𑐎𑐵𑐫𑑅 𑐳𑐩𑐵𑐴𑐶𑐟𑑅 । 𑐣𑐵𑐳𑐵𑐐𑑂𑐬𑐣𑑂𑐫𑐳𑑂𑐟𑐣𑐫𑐣𑑀 𑐡𑐣𑑂𑐟𑐿𑐬𑑂𑐡𑐣𑑂𑐟𑐵𑐣𑐳𑑄𑐳𑑂𑐥𑐺𑐱𑐣𑑂 ॥ 𑑙𑑒॥

𑐬𑐳𑐣𑐵𑑄 𑐟𑐵𑐮𑐸𑐣𑐶 𑐣𑑂𑐫𑐳𑑂𑐫 𑐳𑑂𑐰𑐳𑑂𑐠𑐔𑐶𑐟𑑂𑐟𑑀 𑐣𑐶𑐬𑐵𑐩𑐫𑑅 । 𑐁𑐎𑐸𑐘𑑂𑐔𑐶𑐟𑐱𑐶𑐬𑑅 𑐎𑐶𑑄𑐔𑐶𑐣𑑂𑐣𑐶𑐧𑐢𑑂𑐣𑐣𑑂𑐫𑑀𑐐𑐩𑐸𑐡𑑂𑐬𑐫𑐵 ॥ 𑑙𑑓॥

𑐴𑐳𑑂𑐟𑑁 𑐫𑐠𑑀𑐎𑑂𑐟𑐰𑐶𑐢𑐶𑐣𑐵 𑐥𑑂𑐬𑐵𑐞𑐵𑐫𑐵𑐩𑑄 𑐳𑐩𑐵𑐔𑐬𑐾𑐟𑑂 । 𑐬𑐾𑐔𑐣𑑄 𑐥𑐹𑐬𑐞𑑄 𑐰𑐵𑐫𑑀𑑅 𑐱𑑀𑐢𑐣𑑄 𑐬𑐾𑐔𑐣𑑄 𑐟𑐠𑐵 ॥ 𑑙𑑔॥

𑐔𑐟𑐸𑐬𑑂𑐨𑐶𑑅 𑐎𑑂𑐮𑐾𑐱𑐣𑑄 𑐰𑐵𑐫𑑀𑑅 𑐥𑑂𑐬𑐵𑐞𑐵𑐫𑐵𑐩 𑐄𑐡𑐷𑐬𑑂𑐫𑐟𑐾 । 𑐴𑐳𑑂𑐟𑐾𑐣 𑐡𑐎𑑂𑐱𑐶𑐞𑐾𑐣𑐿𑐰 𑐥𑐷𑐜𑐫𑐾𑐣𑑂𑐣𑐵𑐳𑐶𑐎𑐵𑐥𑐸𑐚𑐩𑑂 ॥ 𑑙𑑕॥

𑐱𑐣𑐿𑑅 𑐱𑐣𑐿𑐬𑐠 𑐧𑐴𑐶𑑅 𑐥𑑂𑐬𑐟𑑂𑐬𑐶𑐥𑐾𑐟𑑂𑐥𑐶𑐒𑑂𑐐𑐮𑐵𑐣𑐶𑐮𑐩𑑂 । 𑐂𑐜𑐫𑐵 𑐰𑐵𑐫𑐸𑐩𑐵𑐥𑐹𑐬𑑂𑐫 𑐧𑑂𑐬𑐴𑑂𑐩𑐣𑑂𑐲𑑀𑐜𑐱𑐩𑐵𑐟𑑂𑐬𑐫𑐵 ॥ 𑑙𑑖॥

𑐥𑐹𑐬𑐶𑐟𑑄 𑐎𑐸𑐩𑑂𑐨𑐫𑐾𑐟𑑂𑐥𑐱𑑂𑐔𑐵𑐔𑑂𑐔𑐟𑐸𑑅𑐲𑐲𑑂𑐚𑑂𑐫𑐵 𑐟𑐸 𑐩𑐵𑐟𑑂𑐬𑐫𑐵 । 𑐡𑑂𑐰𑐵𑐟𑑂𑐬𑐶𑑄𑐱𑐣𑑂𑐩𑐵𑐟𑑂𑐬𑐫𑐵 𑐳𑐩𑑂𑐫𑐐𑑂𑐬𑐾𑐔𑐫𑐾𑐟𑑂𑐥𑐶𑐒𑑂𑐐𑐮𑐵𑐣𑐶𑐮𑐩𑑂 ॥ 𑑙𑑗॥

𑐊𑐰𑑄 𑐥𑐸𑐣𑑅 𑐥𑐸𑐣𑑅 𑐎𑐵𑐬𑑂𑐫𑑄 𑐰𑑂𑐫𑐸𑐟𑑂𑐎𑑂𑐬𑐩𑐵𑐣𑐸𑐎𑑂𑐬𑐩𑐾𑐞 𑐟𑐸 । 𑐳𑑄𑐥𑐹𑐬𑑂𑐞𑐎𑐸𑐩𑑂𑐨𑐰𑐡𑑂𑐡𑐾𑐴𑑄 𑐎𑐸𑐩𑑂𑐨𑐫𑐾𑐣𑑂𑐩𑐵𑐟𑐬𑐶𑐱𑑂𑐰𑐣𑐵 ॥ 𑑙𑑘॥

𑐥𑐹𑐬𑐞𑐵𑐣𑑂𑐣𑐵𑐜𑐫𑑅 𑐳𑐬𑑂𑐰𑐵𑑅 𑐥𑐹𑐬𑑂𑐫𑐣𑑂𑐟𑐾 𑐩𑐵𑐟𑐬𑐶𑐱𑑂𑐰𑐣𑐵 । 𑐊𑐰𑑄 𑐎𑐺𑐟𑐾 𑐳𑐟𑐶 𑐧𑑂𑐬𑐴𑑂𑐩𑑄𑐱𑑂𑐔𑐬𑐣𑑂𑐟𑐶 𑐡𑐱 𑐰𑐵𑐫𑐰𑑅 ॥ 𑑙𑑙॥

𑐴𑐺𑐡𑐫𑐵𑐩𑑂𑐨𑑀𑐬𑐸𑐴𑑄 𑐔𑐵𑐥𑐶 𑐰𑑂𑐫𑐵𑐎𑑀𑐔𑑄 𑐨𑐰𑐟𑐶 𑐳𑑂𑐦𑐸𑐚𑐩𑑂 । 𑐟𑐟𑑂𑐬 𑐥𑐱𑑂𑐫𑐾𑐟𑑂𑐥𑐬𑐵𑐟𑑂𑐩𑐵𑐣𑑄 𑐰𑐵𑐳𑐸𑐡𑐾𑐰𑐩𑐎𑐮𑑂𑐩𑐲𑐩𑑂 ॥ 𑑒.𑑑𑑐𑑐॥

𑐥𑑂𑐬𑐵𑐟𑐬𑑂𑐩𑐢𑑂𑐫𑐣𑑂𑐡𑐶𑐣𑐾 𑐳𑐵𑐫𑐩𑐬𑑂𑐢𑐬𑐵𑐟𑑂𑐬𑐾 𑐔 𑐎𑐸𑐩𑑂𑐨𑐎𑐵𑐣𑑂 । 𑐱𑐣𑐿𑐬𑐱𑐷𑐟𑐶𑐥𑐬𑑂𑐫𑐣𑑂𑐟𑑄 𑐔𑐟𑐸𑐬𑑂𑐰𑐵𑐬𑑄 𑐳𑐩𑐨𑑂𑐫𑐳𑐾𑐟𑑂 ॥ 𑑑𑑐𑑑॥

𑐊𑐎𑐵𑐴𑐩𑐵𑐟𑑂𑐬𑑄 𑐎𑐸𑐬𑑂𑐰𑐵𑐞𑑅 𑐳𑐬𑑂𑐰𑐥𑐵𑐥𑐿𑑅 𑐥𑑂𑐬𑐩𑐸𑐔𑑂𑐫𑐟𑐾 । 𑐳𑑄𑐰𑐟𑑂𑐳𑐬𑐟𑑂𑐬𑐫𑐵𑐡𑐹𑐬𑑂𑐢𑑂𑐰𑑄 𑐥𑑂𑐬𑐵𑐞𑐵𑐫𑐵𑐩𑐥𑐬𑑀 𑐣𑐬𑑅 ॥ 𑑑𑑐𑑒॥

𑐫𑑀𑐐𑐳𑐶𑐡𑑂𑐢𑑀 𑐨𑐰𑐾𑐡𑑂𑐫𑑀𑐐𑐷 𑐰𑐵𑐫𑐸𑐖𑐶𑐡𑑂𑐰𑐶𑐖𑐶𑐟𑐾𑐣𑑂𑐡𑑂𑐬𑐶𑐫𑑅 । 𑐀𑐮𑑂𑐥𑐵𑐱𑐷 𑐳𑑂𑐰𑐮𑑂𑐥𑐣𑐶𑐡𑑂𑐬𑐱𑑂𑐔 𑐟𑐾𑐖𑐳𑑂𑐰𑐷 𑐧𑐮𑐰𑐵𑐣𑑂𑐨𑐰𑐾𑐟𑑂 ॥ 𑑑𑑐𑑓॥

𑐀𑐥𑐩𑐺𑐟𑑂𑐫𑐸𑐩𑐟𑐶𑐎𑑂𑐬𑐩𑑂𑐫 𑐡𑐷𑐬𑑂𑐑𑐩𑐵𑐫𑐸𑐬𑐰𑐵𑐥𑑂𑐣𑐸𑐫𑐵𑐟𑑂 । 𑐥𑑂𑐬𑐳𑑂𑐰𑐾𑐡𑐖𑐣𑐣𑑄 𑐫𑐳𑑂𑐫 𑐥𑑂𑐬𑐵𑐞𑐵𑐫𑐵𑐩𑐳𑑂𑐟𑐸 𑐳𑑀ऽ𑐢𑐩𑑅 ॥ 𑑑𑑐𑑔॥

𑐎𑐩𑑂𑐥𑐣𑑄 𑐰𑐥𑐸𑐲𑑀 𑐫𑐳𑑂𑐫 𑐥𑑂𑐬𑐵𑐞𑐵𑐫𑐵𑐩𑐾𑐲𑐸 𑐩𑐢𑑂𑐫𑐩𑑅 । 𑐄𑐟𑑂𑐠𑐵𑐣𑑄 𑐰𑐥𑐸𑐲𑑀 𑐫𑐳𑑂𑐫 𑐳 𑐄𑐟𑑂𑐟𑐩 𑐄𑐡𑐵𑐴𑐺𑐟𑑅 ॥ 𑑑𑑐𑑕॥

𑐀𑐢𑐩𑐾 𑐰𑑂𑐫𑐵𑐢𑐶𑐥𑐵𑐥𑐵𑐣𑐵𑑄 𑐣𑐵𑐱𑑅 𑐳𑑂𑐫𑐵𑐣𑑂𑐩𑐢𑑂𑐫𑐩𑐾 𑐥𑐸𑐣𑑅 । 𑐥𑐵𑐥𑐬𑑀𑐐𑐩𑐴𑐵𑐰𑑂𑐫𑐵𑐢𑐶𑐣𑐵𑐱𑑅 𑐳𑑂𑐫𑐵𑐡𑐸𑐟𑑂𑐟𑐩𑐾 𑐥𑐸𑐣𑑅 ॥ 𑑑𑑐𑑖॥

𑐀𑐮𑑂𑐥𑐩𑐹𑐟𑑂𑐬𑑀ऽ𑐮𑑂𑐥𑐰𑐶𑐲𑑂𑐛𑐱𑑂𑐔 𑐮𑐑𑐸𑐡𑐾𑐴𑑀 𑐩𑐶𑐟𑐵𑐱𑐣𑑅 । 𑐥𑐚𑑂𑐰𑐶𑐣𑑂𑐡𑑂𑐬𑐶𑐫𑑅 𑐥𑐚𑐸𑐩𑐟𑐶𑑅 𑐎𑐵𑐮𑐟𑑂𑐬𑐫𑐰𑐶𑐡𑐵𑐟𑑂𑐩𑐰𑐵𑐣𑑂 ॥ 𑑑𑑐𑑗॥

𑐬𑐾𑐔𑐎𑑄 𑐥𑐹𑐬𑐎𑑄 𑐩𑐸𑐎𑑂𑐟𑑂𑐰𑐵 𑐎𑐸𑐩𑑂𑐨𑐷𑐎𑐬𑐞𑐩𑐾𑐰 𑐫𑑅 । 𑐎𑐬𑑀𑐟𑐶 𑐟𑑂𑐬𑐶𑐲𑐸 𑐎𑐵𑐮𑐾𑐲𑐸 𑐣𑐿𑐰 𑐟𑐳𑑂𑐫𑐵𑐳𑑂𑐟𑐶 𑐡𑐸𑐬𑑂𑐮𑐨𑐩𑑂 ॥ 𑑑𑑐𑑘॥

𑐣𑐵𑐨𑐶𑐎𑐣𑑂𑐡𑐾 𑐔 𑐣𑐵𑐳𑐵𑐐𑑂𑐬𑐾 𑐥𑐵𑐡𑐵𑐒𑑂𑐐𑐸𑐲𑑂𑐛𑐾 𑐔 𑐫𑐟𑑂𑐣𑐰𑐵𑐣𑑂 । 𑐢𑐵𑐬𑐫𑐾𑐣𑑂𑐩𑐣𑐳𑐵 𑐥𑑂𑐬𑐵𑐞𑐵𑐣𑑂𑐳𑐣𑑂𑐢𑑂𑐫𑐵𑐎𑐵𑐮𑐾𑐲𑐸 𑐰𑐵 𑐳𑐡𑐵 ॥ 𑑑𑑐𑑙॥

𑐳𑐬𑑂𑐰𑐬𑑀𑐐𑐿𑐬𑑂𑐰𑐶𑐣𑐶𑐬𑑂𑐩𑐸𑐎𑑂𑐟𑑀 𑐖𑐷𑐰𑐾𑐡𑑂𑐫𑑀𑐐𑐷 𑐐𑐟𑐎𑑂𑐮𑐩𑑅 । 𑐎𑐸𑐎𑑂𑐲𑐶𑐬𑑀𑐐𑐰𑐶𑐣𑐵𑐱𑑅 𑐳𑑂𑐫𑐵𑐣𑑂𑐣𑐵𑐨𑐶𑐎𑐣𑑂𑐡𑐾𑐲𑐸 𑐢𑐵𑐬𑐞𑐵𑐟𑑂 ॥ 𑑒.𑑑𑑑𑑐॥

𑐣𑐵𑐳𑐵𑐐𑑂𑐬𑐾 𑐢𑐵𑐬𑐞𑐵𑐡𑑂𑐡𑐷𑐬𑑂𑐑𑐩𑐵𑐫𑐸𑑅 𑐳𑑂𑐫𑐵𑐡𑑂𑐡𑐾𑐴𑐮𑐵𑐑𑐰𑐩𑑂 । 𑐧𑑂𑐬𑐵𑐴𑑂𑐩𑐾 𑐩𑐸𑐴𑐹𑐬𑑂𑐟𑐾 𑐳𑑄𑐥𑑂𑐬𑐵𑐥𑑂𑐟𑐾 𑐰𑐵𑐫𑐸𑐩𑐵𑐎𑐺𑐲𑑂𑐫 𑐖𑐶𑐴𑑂𑐰𑐫𑐵 ॥ 𑑑𑑑𑑑॥

𑐥𑐶𑐧𑐟𑐳𑑂𑐟𑑂𑐬𑐶𑐲𑐸 𑐩𑐵𑐳𑐾𑐲𑐸 𑐰𑐵𑐎𑑂𑐳𑐶𑐡𑑂𑐢𑐶𑐬𑑂𑐩𑐴𑐟𑐷 𑐨𑐰𑐾𑐟𑑂 । 𑐀𑐨𑑂𑐫𑐵𑐳𑐟𑐱𑑂𑐔 𑐲𑐞𑑂𑐩𑐵𑐳𑐵𑐣𑑂𑐩𑐴𑐵𑐬𑑀𑐐𑐰𑐶𑐣𑐵𑐱𑐣𑐩𑑂 ॥ 𑑑𑑑𑑒॥

𑐫𑐟𑑂𑐬 𑐫𑐟𑑂𑐬 𑐢𑐺𑐟𑑀 𑐰𑐵𑐫𑐸𑐬𑐒𑑂𑐐𑐾 𑐬𑑀𑐐𑐵𑐡𑐶𑐡𑐹𑐲𑐶𑐟𑐾 । 𑐢𑐵𑐬𑐞𑐵𑐡𑐾𑐰 𑐩𑐬𑐸𑐟𑐳𑑂𑐟𑐟𑑂𑐟𑐡𑐵𑐬𑑀𑐐𑑂𑐫𑐩𑐱𑑂𑐬𑐸𑐟𑐾 ॥ 𑑑𑑑𑑓॥

𑐩𑐣𑐳𑑀 𑐢𑐵𑐬𑐞𑐵𑐡𑐾𑐰 𑐥𑐰𑐣𑑀 𑐢𑐵𑐬𑐶𑐟𑑀 𑐨𑐰𑐾𑐟𑑂 । 𑐩𑐣𑐳𑑅 𑐳𑑂𑐠𑐵𑐥𑐣𑐾 𑐴𑐾𑐟𑐸𑐬𑐸𑐔𑑂𑐫𑐟𑐾 𑐡𑑂𑐰𑐶𑐖𑐥𑐸𑐒𑑂𑐐𑐰 ॥ 𑑑𑑑𑑔॥

𑐎𑐬𑐞𑐵𑐣𑐶 𑐳𑐩𑐵𑐴𑐺𑐟𑑂𑐫 𑐰𑐶𑐲𑐫𑐾𑐨𑑂𑐫𑑅 𑐳𑐩𑐵𑐴𑐶𑐟𑑅 । 𑐀𑐥𑐵𑐣𑐩𑐹𑐬𑑂𑐢𑑂𑐰𑐩𑐵𑐎𑐺𑐲𑑂𑐫𑐾𑐡𑐸𑐡𑐬𑑀𑐥𑐬𑐶 𑐢𑐵𑐬𑐫𑐾𑐟𑑂 ॥ 𑑑𑑑𑑕॥

𑐧𑐣𑑂𑐢𑐣𑑂𑐎𑐬𑐵𑐨𑑂𑐫𑐵𑑄 𑐱𑑂𑐬𑑀𑐟𑑂𑐬𑐵𑐡𑐶𑐎𑐬𑐞𑐵𑐣𑐶 𑐫𑐠𑐵𑐟𑐠𑐩𑑂 । 𑐫𑐸𑐘𑑂𑐖𑐵𑐣𑐳𑑂𑐫 𑐫𑐠𑑀𑐎𑑂𑐟𑐾𑐣 𑐰𑐬𑑂𑐟𑑂𑐩𑐣𑐵 𑐳𑑂𑐰𑐰𑐱𑑄 𑐩𑐣𑑅 ॥ 𑑑𑑑𑑖॥

𑐩𑐣𑑀𑐰𑐱𑐵𑐟𑑂𑐥𑑂𑐬𑐵𑐞𑐰𑐵𑐫𑐸𑑅 𑐳𑑂𑐰𑐰𑐱𑐾 𑐳𑑂𑐠𑐵𑐥𑑂𑐫𑐟𑐾 𑐳𑐡𑐵 । 𑐣𑐵𑐳𑐶𑐎𑐵𑐥𑐸𑐚𑐫𑑀𑑅 𑐥𑑂𑐬𑐵𑐞𑑅 𑐥𑐬𑑂𑐫𑐵𑐫𑐾𑐞 𑐥𑑂𑐬𑐰𑐬𑑂𑐟𑐟𑐾 ॥ 𑑑𑑑𑑗॥

𑐟𑐶𑐳𑑂𑐬𑐱𑑂𑐔 𑐣𑐵𑐜𑐶𑐎𑐵𑐳𑑂𑐟𑐵𑐳𑐸 𑐳 𑐫𑐵𑐰𑐣𑑂𑐟𑑄 𑐔𑐬𑐟𑑂𑐫𑐫𑐩𑑂 । 𑐱𑐒𑑂𑐏𑐶𑐣𑐷𑐰𑐶𑐰𑐬𑐾 𑐫𑐵𑐩𑑂𑐫𑐾 𑐥𑑂𑐬𑐵𑐞𑑅 𑐥𑑂𑐬𑐵𑐞𑐨𑐺𑐟𑐵𑑄 𑐳𑐟𑐵𑐩𑑂 ॥ 𑑑𑑑𑑘॥

𑐟𑐵𑐰𑐣𑑂𑐟𑑄 𑐔 𑐥𑐸𑐣𑑅 𑐎𑐵𑐮𑑄 𑐳𑑁𑐩𑑂𑐫𑐾 𑐔𑐬𑐟𑐶 𑐳𑑄𑐟𑐟𑐩𑑂 । 𑐂𑐟𑑂𑐠𑑄 𑐎𑑂𑐬𑐩𑐾𑐞 𑐔𑐬𑐟𑐵 𑐰𑐵𑐫𑐸𑐣𑐵 𑐰𑐵𑐫𑐸𑐖𑐶𑐣𑑂𑐣𑐬𑑅 ॥ 𑑑𑑑𑑙॥

𑐀𑐴𑐱𑑂𑐔 𑐬𑐵𑐟𑑂𑐬𑐶𑑄 𑐥𑐎𑑂𑐲𑑄 𑐔 𑐩𑐵𑐳𑐩𑐺𑐟𑑂𑐰𑐫𑐣𑐵𑐡𑐶𑐎𑐩𑑂 । 𑐀𑐣𑑂𑐟𑐬𑑂𑐩𑐸𑐏𑑀 𑐰𑐶𑐖𑐵𑐣𑐷𑐫𑐵𑐟𑑂𑐎𑐵𑐮𑐨𑐾𑐡𑑄 𑐳𑐩𑐵𑐴𑐶𑐟𑑅 ॥ 𑑒.𑑑𑑒𑑐॥

𑐀𑐒𑑂𑐐𑐸𑐲𑑂𑐛𑐵𑐡𑐶𑐳𑑂𑐰𑐵𑐰𑐫𑐰𑐳𑑂𑐦𑐸𑐬𑐞𑐵𑐡𑐱𑐣𑐿𑐬𑐥𑐶 । 𑐀𑐬𑐶𑐲𑑂𑐚𑐿𑐬𑑂𑐖𑐷𑐰𑐶𑐟𑐳𑑂𑐫𑐵𑐥𑐶 𑐖𑐵𑐣𑐷𑐫𑐵𑐟𑑂𑐎𑑂𑐱𑐫𑐩𑐵𑐟𑑂𑐩𑐣𑑅 ॥𑑑𑑒𑑑॥

𑐖𑑂𑐘𑐵𑐟𑑂𑐰𑐵 𑐫𑐟𑐾𑐟 𑐎𑐿𑐰𑐮𑑂𑐫𑐥𑑂𑐬𑐵𑐥𑑂𑐟𑐫𑐾 𑐫𑑀𑐐𑐰𑐶𑐟𑑂𑐟𑐩𑑅 । 𑐥𑐵𑐡𑐵𑐒𑑂𑐐𑐸𑐲𑑂𑐛𑐾 𑐎𑐬𑐵𑐒𑑂𑐐𑐸𑐲𑑂𑐛𑐾 𑐳𑑂𑐦𑐸𑐬𑐞𑑄 𑐫𑐳𑑂𑐫 𑐣 𑐱𑑂𑐬𑐸𑐟𑐶𑑅 ॥ 𑑑𑑒𑑒॥

𑐟𑐳𑑂𑐫 𑐳𑑄𑐰𑐟𑑂𑐳𑐬𑐵𑐡𑐹𑐬𑑂𑐢𑑂𑐰𑑄 𑐖𑐷𑐰𑐶𑐟𑐳𑑂𑐫 𑐎𑑂𑐲𑐫𑑀 𑐨𑐰𑐾𑐟𑑂 । 𑐩𑐞𑐶𑐧𑐣𑑂𑐢𑐾 𑐟𑐠𑐵 𑐐𑐸𑐮𑑂𑐦𑐾 𑐳𑑂𑐦𑐸𑐬𑐞𑑄 𑐫𑐳𑑂𑐫 𑐣𑐱𑑂𑐫𑐟𑐶 ॥ 𑑑𑑒𑑓॥

𑐲𑐞𑑂𑐩𑐵𑐳𑐵𑐰𑐢𑐶𑐬𑐾𑐟𑐳𑑂𑐫 𑐖𑐷𑐰𑐶𑐟𑐳𑑂𑐫 𑐳𑑂𑐠𑐶𑐟𑐶𑐬𑑂𑐨𑐰𑐾𑐟𑑂 । 𑐎𑐹𑐬𑑂𑐥𑐬𑐾 𑐳𑑂𑐦𑐸𑐬𑐞𑑄 𑐫𑐳𑑂𑐫 𑐟𑐳𑑂𑐫 𑐟𑑂𑐬𑐿𑐩𑐵𑐳𑐶𑐎𑐷 𑐳𑑂𑐠𑐶𑐟𑐶𑑅 ॥ 𑑑𑑒𑑔॥

𑐎𑐸𑐎𑑂𑐲𑐶𑐩𑐾𑐴𑐣𑐥𑐵𑐬𑑂𑐱𑑂𑐰𑐾 𑐔 𑐳𑑂𑐦𑐸𑐬𑐞𑐵𑐣𑐸𑐥𑐮𑐩𑑂𑐨𑐣𑐾 । 𑐩𑐵𑐳𑐵𑐰𑐢𑐶𑐬𑑂𑐖𑐷𑐰𑐶𑐟𑐳𑑂𑐫 𑐟𑐡𑐬𑑂𑐢𑐳𑑂𑐫 𑐟𑐸 𑐡𑐬𑑂𑐱𑐣𑐾 ॥ 𑑑𑑒𑑕॥

𑐁𑐱𑑂𑐬𑐶𑐟𑐾 𑐖𑐛𑐬𑐡𑑂𑐰𑐵𑐬𑐾 𑐡𑐶𑐣𑐵𑐣𑐶 𑐡𑐱 𑐖𑐷𑐰𑐶𑐟𑐩𑑂 । 𑐖𑑂𑐫𑑀𑐟𑐶𑑅 𑐏𑐡𑑂𑐫𑑀𑐟𑐰𑐡𑑂𑐫𑐳𑑂𑐫 𑐟𑐡𑐬𑑂𑐢𑑄 𑐟𑐳𑑂𑐫 𑐖𑐷𑐰𑐶𑐟𑐩𑑂 ॥ 𑑑𑑒𑑖॥

𑐖𑐶𑐴𑑂𑐰𑐵𑐐𑑂𑐬𑐵𑐡𑐬𑑂𑐱𑐣𑐾 𑐟𑑂𑐬𑐷𑐞𑐶 𑐡𑐶𑐣𑐵𑐣𑐶 𑐳𑑂𑐠𑐶𑐟𑐶𑐬𑐵𑐟𑑂𑐩𑐣𑑅 । 𑐖𑑂𑐰𑐵𑐮𑐵𑐫𑐵 𑐡𑐬𑑂𑐱𑐣𑐾 𑐩𑐺𑐟𑑂𑐫𑐸𑐬𑑂𑐡𑑂𑐰𑐶𑐡𑐶𑐣𑐾 𑐨𑐰𑐟𑐶 𑐢𑑂𑐬𑐸𑐰𑐩𑑂 ॥ 𑑑𑑒𑑗॥

𑐊𑐰𑐩𑐵𑐡𑐷𑐣𑑂𑐫𑐬𑐶𑐲𑑂𑐚𑐵𑐣𑐶 𑐡𑐺𑐲𑑂𑐚𑐵𑐫𑐸𑑅 𑐎𑑂𑐲𑐫𑐎𑐵𑐬𑐞𑐩𑑂 । 𑐣𑐶𑑅𑐱𑑂𑐬𑐾𑐫𑐳𑐵𑐫 𑐫𑐸𑐘𑑂𑐖𑐷𑐟 𑐖𑐥𑐢𑑂𑐫𑐵𑐣𑐥𑐬𑐵𑐫𑐞𑑅 ॥ 𑑑𑑒𑑘॥

𑐩𑐣𑐳𑐵 𑐥𑐬𑐩𑐵𑐟𑑂𑐩𑐵𑐣𑑄 𑐢𑑂𑐫𑐵𑐟𑑂𑐰𑐵 𑐟𑐡𑑂𑐬𑐹𑐥𑐟𑐵𑐩𑐶𑐫𑐵𑐟𑑂 । 𑐫𑐡𑑂𑐫𑐲𑑂𑐚𑐵𑐡𑐱𑐨𑐾𑐡𑐾𑐲𑐸 𑐩𑐬𑑂𑐩𑐳𑑂𑐠𑐵𑐣𑐾𑐲𑐸 𑐢𑐵𑐬𑐞𑐩𑑂 ॥ 𑑑𑑒𑑙॥

𑐳𑑂𑐠𑐵𑐣𑐵𑐟𑑂𑐳𑑂𑐠𑐵𑐣𑑄 𑐳𑐩𑐵𑐎𑐺𑐲𑑂𑐫 𑐥𑑂𑐬𑐟𑑂𑐫𑐵𑐴𑐵𑐬𑑅 𑐳 𑐄𑐔𑑂𑐫𑐟𑐾 । 𑐥𑐵𑐡𑐵𑐒𑑂𑐐𑐸𑐲𑑂𑐛𑑄 𑐟𑐠𑐵 𑐐𑐸𑐮𑑂𑐦𑑄 𑐖𑐒𑑂𑐐𑐵𑐩𑐢𑑂𑐫𑑄 𑐟𑐠𑐿𑐰 𑐔 ॥ 𑑒.𑑑𑑓𑑐॥

𑐩𑐢𑑂𑐫𑐩𑐹𑐬𑑂𑐰𑑀𑐱𑑂𑐔 𑐩𑐹𑐮𑑄 𑐥𑐵𑐫𑐸𑐬𑑂𑐴𑐺𑐡𑐫𑐩𑐾𑐰 𑐔 । 𑐩𑐾𑐴𑐣𑑄 𑐡𑐾𑐴𑐩𑐢𑑂𑐫𑑄 𑐔 𑐣𑐵𑐨𑐶𑑄 𑐔 𑐐𑐮𑐎𑐹𑐬𑑂𑐥𑐬𑐩𑑂 ॥ 𑑑𑑓𑑑॥

𑐟𑐵𑐮𑐸𑐩𑐹𑐮𑑄 𑐔 𑐩𑐹𑐮𑑄 𑐔 𑐑𑑂𑐬𑐵𑐞𑐳𑑂𑐫𑐵𑐎𑑂𑐱𑑂𑐞𑑀𑐱𑑂𑐔 𑐩𑐞𑑂𑐜𑐮𑐩𑑂 । 𑐨𑑂𑐬𑐸𑐰𑑀𑐬𑑂𑐩𑐢𑑂𑐫𑐾 𑐮𑐮𑐵𑐚𑑄 𑐔 𑐩𑐹𑐮𑐩𑐹𑐬𑑂𑐢𑑂𑐰𑑄 𑐔 𑐖𑐵𑐣𑐸𑐣𑐷 ॥ 𑑑𑑓𑑒॥

𑐩𑐹𑐮𑑄 𑐔 𑐎𑐬𑐫𑑀𑐬𑑂𑐩𑐹𑐮𑑄 𑐩𑐴𑐵𑐣𑑂𑐟𑑂𑐫𑐾𑐟𑐵𑐣𑐶 𑐰𑐿 𑐡𑑂𑐰𑐶𑐖 । 𑐥𑐘𑑂𑐔𑐨𑐹𑐟𑐩𑐫𑐾 𑐡𑐾𑐴𑐾 𑐨𑐹𑐟𑐾𑐲𑑂𑐰𑐾𑐟𑐾𑐲𑐸 𑐥𑐘𑑂𑐔𑐳𑐸 ॥ 𑑑𑑓𑑓॥

𑐩𑐣𑐳𑑀 𑐢𑐵𑐬𑐞𑑄 𑐫𑐟𑑂𑐫𑐡𑑂𑐫𑐸𑐎𑑂𑐟𑐳𑑂𑐫 𑐔 𑐫𑐩𑐵𑐡𑐶𑐨𑐶𑑅 । 𑐢𑐵𑐬𑐞𑐵 𑐳𑐵 𑐔 𑐳𑑄𑐳𑐵𑐬𑐳𑐵𑐐𑐬𑑀𑐟𑑂𑐟𑐬𑐎𑐵𑐬𑐞𑐩𑑂 ॥ 𑑑𑑓𑑔॥

𑐁𑐖𑐵𑐣𑐸𑐥𑐵𑐡𑐥𑐬𑑂𑐫𑐣𑑂𑐟𑑄 𑐥𑐺𑐠𑐶𑐰𑐷𑐳𑑂𑐠𑐵𑐣𑐩𑐶𑐲𑑂𑐫𑐟𑐾 । 𑐥𑐶𑐟𑑂𑐟𑐮𑐵 𑐔𑐟𑐸𑐬𑐳𑑂𑐬𑐵 𑐔 𑐰𑐳𑐸𑐢𑐵 𑐰𑐖𑑂𑐬𑐮𑐵𑐘𑑂𑐔𑑂𑐴𑐶𑐟𑐵 ॥ 𑑑𑑓𑑕॥

𑐳𑑂𑐩𑐬𑑂𑐟𑐰𑑂𑐫𑐵 𑐥𑐘𑑂𑐔𑐑𑐚𑐶𑐎𑐵𑐳𑑂𑐟𑐟𑑂𑐬𑐵𑐬𑑀𑐥𑑂𑐫𑐥𑑂𑐬𑐨𑐘𑑂𑐖𑐣𑐩𑑂 । 𑐁𑐖𑐵𑐣𑐸𑐎𑐚𑐶𑐥𑐬𑑂𑐫𑐣𑑂𑐟𑐩𑐥𑐵𑑄 𑐳𑑂𑐠𑐵𑐣𑑄 𑐥𑑂𑐬𑐎𑐷𑐬𑑂𑐟𑐶𑐟𑐩𑑂 ॥ 𑑑𑑓𑑖॥

𑐀𑐬𑑂𑐢𑐔𑐣𑑂𑐡𑑂𑐬𑐳𑐩𑐵𑐎𑐵𑐬𑑄 𑐱𑑂𑐰𑐾𑐟𑐩𑐬𑑂𑐖𑐸𑐣𑐮𑐵𑐘𑑂𑐔𑑂𑐴𑐶𑐟𑐩𑑂 । 𑐳𑑂𑐩𑐬𑑂𑐟𑐰𑑂𑐫𑐩𑐩𑑂𑐨𑑅𑐱𑑂𑐰𑐳𑐣𑐩𑐵𑐬𑑀𑐥𑑂𑐫 𑐡𑐱𑐣𑐵𑐜𑐶𑐎𑐵𑑅 ॥ 𑑑𑑓𑑗॥

𑐁𑐡𑐾𑐴𑐩𑐢𑑂𑐫𑐎𑐚𑑂𑐫𑐣𑑂𑐟𑐩𑐐𑑂𑐣𑐶𑐳𑑂𑐠𑐵𑐣𑐩𑐸𑐡𑐵𑐴𑐺𑐟𑐩𑑂 । 𑐟𑐟𑑂𑐬 𑐳𑐶𑐣𑑂𑐡𑐹𑐬𑐰𑐬𑑂𑐞𑑀ऽ𑐐𑑂𑐣𑐶𑐬𑑂𑐖𑑂𑐰𑐮𑐣𑑄 𑐡𑐱𑐥𑐘𑑂𑐔 𑐔 ॥ 𑑑𑑓𑑘॥

𑐳𑑂𑐩𑐬𑑂𑐟𑐰𑑂𑐫𑑀 𑐣𑐵𑐜𑐶𑐎𑐵𑑅 𑐥𑑂𑐬𑐵𑐞𑑄 𑐎𑐺𑐟𑑂𑐰𑐵 𑐎𑐸𑐩𑑂𑐨𑐾 𑐟𑐠𑐾𑐬𑐶𑐟𑐩𑑂 । 𑐣𑐵𑐨𑐾𑐬𑐸𑐥𑐬𑐶 𑐣𑐵𑐳𑐵𑐣𑑂𑐟𑑄 𑐰𑐵𑐫𑐸𑐳𑑂𑐠𑐵𑐣𑑄 𑐟𑐸 𑐟𑐟𑑂𑐬 𑐰𑐿 ॥ 𑑑𑑓𑑙॥

𑐰𑐾𑐡𑐶𑐎𑐵𑐎𑐵𑐬𑐰𑐡𑑂𑐢𑐹𑐩𑑂𑐬𑑀 𑐧𑐮𑐰𑐵𑐣𑑂𑐨𑐹𑐟𑐩𑐵𑐬𑐸𑐟𑑅 । 𑐳𑑂𑐩𑐬𑑂𑐟𑐰𑑂𑐫𑑅 𑐎𑐸𑐩𑑂𑐨𑐎𑐾𑐣𑐿𑐰 𑐥𑑂𑐬𑐵𑐞𑐩𑐵𑐬𑑀𑐥𑑂𑐫 𑐩𑐵𑐬𑐸𑐟𑐩𑑂 ॥ 𑑒.𑑑𑑔𑑐॥

𑐑𑐚𑐶𑐎𑐵𑐰𑐶𑑄𑐱𑐟𑐶𑐳𑑂𑐟𑐳𑑂𑐩𑐵𑐡𑑂{}𑐑𑑂𑐬𑐵𑐞𑐵𑐡𑑂𑐧𑑂𑐬𑐴𑑂𑐩𑐧𑐶𑐮𑐵𑐰𑐢𑐶 । 𑐰𑑂𑐫𑑀𑐩𑐳𑑂𑐠𑐵𑐣𑑄 𑐣𑐨𑐳𑑂𑐟𑐟𑑂𑐬 𑐨𑐶𑐣𑑂𑐣𑐵𑐘𑑂𑐖𑐣𑐳𑐩𑐥𑑂𑐬𑐨𑐩𑑂 ॥ 𑑑𑑔𑑑॥

𑐰𑑂𑐫𑑀𑐩𑑂𑐣𑐶 𑐩𑐵𑐬𑐸𑐟𑐩𑐵𑐬𑑀𑐥𑑂𑐫 𑐎𑐸𑐩𑑂𑐨𑐎𑐾𑐣𑐿𑐰 𑐫𑐟𑑂𑐣𑐰𑐵𑐣𑑂 । 𑐥𑐺𑐠𑐶𑐰𑑂𑐫𑑄𑐱𑐾 𑐟𑐸 𑐡𑐾𑐴𑐳𑑂𑐫 𑐔𑐟𑐸𑐬𑑂𑐧𑐵𑐴𑐸𑑄 𑐎𑐶𑐬𑐷𑐚𑐶𑐣𑐩𑑂 ॥ 𑑑𑑔𑑒॥

𑐀𑐣𑐶𑐬𑐸𑐡𑑂𑐢𑑄 𑐴𑐬𑐶𑑄 𑐫𑑀𑐐𑐷 𑐫𑐟𑐾𑐟 𑐨𑐰𑐩𑐸𑐎𑑂𑐟𑐫𑐾 । 𑐀𑐧𑑄𑐱𑐾 𑐥𑐹𑐬𑐫𑐾𑐡𑑂𑐫𑑀𑐐𑐷 𑐣𑐵𑐬𑐵𑐫𑐞𑐩𑐸𑐡𑐐𑑂𑐬𑐢𑐷𑑅 ॥ 𑑑𑑔𑑓॥

𑐥𑑂𑐬𑐡𑑂𑐫𑐸𑐩𑑂𑐣𑐩𑐐𑑂𑐣𑑁 𑐰𑐵𑐫𑑂𑐰𑑄𑐱𑐾 𑐳𑑄𑐎𑐬𑑂𑐲𑐞𑐩𑐟𑑅 𑐥𑐬𑐩𑑂 । 𑐰𑑂𑐫𑑀𑐩𑐵𑑄𑐱𑐾 𑐥𑐬𑐩𑐵𑐟𑑂𑐩𑐵𑐣𑑄 𑐰𑐵𑐳𑐸𑐡𑐾𑐰𑑄 𑐳𑐡𑐵 𑐳𑑂𑐩𑐬𑐾𑐟𑑂 ॥ 𑑑𑑔𑑔॥

𑐀𑐔𑐶𑐬𑐵𑐡𑐾𑐰 𑐟𑐟𑑂𑐥𑑂𑐬𑐵𑐥𑑂𑐟𑐶𑐬𑑂𑐫𑐸𑐘𑑂𑐖𑐵𑐣𑐳𑑂𑐫 𑐣 𑐳𑑄𑐱𑐫𑑅 । 𑐧𑐢𑑂𑐰𑐵 𑐫𑑀𑐐𑐵𑐳𑐣𑑄 𑐥𑐹𑐬𑑂𑐰𑑄 𑐴𑐺𑐡𑑂𑐡𑐾𑐱𑐾 𑐴𑐺𑐡𑐫𑐵𑐘𑑂𑐖𑐮𑐶𑑅 ॥ 𑑑𑑔𑑕॥

𑐣𑐵𑐳𑐵𑐐𑑂𑐬𑐣𑑂𑐫𑐳𑑂𑐟𑐣𑐫𑐣𑑀 𑐖𑐶𑐴𑑂𑐰𑐵𑑄 𑐎𑐺𑐟𑑂𑐰𑐵 𑐔 𑐟𑐵𑐮𑐸𑐣𑐶 । 𑐡𑐣𑑂𑐟𑐿𑐬𑑂𑐡𑐣𑑂𑐟𑐵𑐣𑐳𑑄𑐳𑑂𑐥𑐺𑐱𑑂𑐫 𑐅𑐬𑑂𑐢𑑂𑐰𑐎𑐵𑐫𑑅 𑐳𑐩𑐵𑐴𑐶𑐟𑑅 ॥ 𑑑𑑔𑑖॥

𑐳𑑄𑐫𑐩𑐾𑐔𑑂𑐔𑐾𑐣𑑂𑐡𑑂𑐬𑐶𑐫𑐐𑑂𑐬𑐵𑐩𑐩𑐵𑐟𑑂𑐩𑐧𑐸𑐡𑑂𑐢𑑂𑐫𑐵 𑐰𑐶𑐱𑐸𑐡𑑂𑐢𑐫𑐵 । 𑐔𑐶𑐣𑑂𑐟𑐣𑑄 𑐰𑐵𑐳𑐸𑐡𑐾𑐰𑐳𑑂𑐫 𑐥𑐬𑐳𑑂𑐫 𑐥𑐬𑐩𑐵𑐟𑑂𑐩𑐣𑑅 ॥ 𑑑𑑔𑑗॥

𑐳𑑂𑐰𑐬𑐹𑐥𑐰𑑂𑐫𑐵𑐥𑑂𑐟𑐬𑐹𑐥𑐳𑑂𑐫 𑐢𑑂𑐫𑐵𑐣𑑄 𑐎𑐿𑐰𑐮𑑂𑐫𑐳𑐶𑐡𑑂𑐢𑐶𑐡𑐩𑑂 । 𑐫𑐵𑐩𑐩𑐵𑐟𑑂𑐬𑑄 𑐰𑐵𑐳𑐸𑐡𑐾𑐰𑑄 𑐔𑐶𑐣𑑂𑐟𑐫𑐾𑐟𑑂𑐎𑐸𑐩𑑂𑐨𑐎𑐾𑐣 𑐫𑑅 ॥ 𑑑𑑔𑑘॥

𑐳𑐥𑑂𑐟𑐖𑐣𑑂𑐩𑐵𑐬𑑂𑐖𑐶𑐟𑑄 𑐥𑐵𑐥𑑄 𑐟𑐳𑑂𑐫 𑐣𑐱𑑂𑐫𑐟𑐶 𑐫𑑀𑐐𑐶𑐣𑑅 ।𑐣𑐵𑐨𑐶𑐎𑐣𑑂𑐡𑐵𑐟𑑂𑐳𑐩𑐵𑐬𑐨𑑂𑐫 𑐫𑐵𑐰𑐡𑑂𑐢𑐺𑐡𑐫𑐐𑑀𑐔𑐬𑐩𑑂 ॥ 𑑑𑑔𑑙॥

𑐖𑐵𑐐𑑂𑐬𑐡𑑂𑐰𑐺𑐟𑑂𑐟𑐶𑑄 𑐰𑐶𑐖𑐵𑐣𑐷𑐫𑐵𑐟𑑂𑐎𑐞𑑂𑐛𑐳𑑂𑐠𑑄 𑐳𑑂𑐰𑐥𑑂𑐣𑐰𑐬𑑂𑐟𑐣𑐩𑑂 । 𑐳𑐸𑐲𑐸𑐥𑑂𑐟𑑄 𑐟𑐵𑐮𑐸𑐩𑐢𑑂𑐫𑐳𑑂𑐠𑑄 𑐟𑐸𑐬𑑂𑐫𑑄 𑐨𑑂𑐬𑐹𑐩𑐢𑑂𑐫𑐳𑑄𑐳𑑂𑐠𑐶𑐟𑐩𑑂 ॥ 𑑒.𑑑𑑕𑑐॥

𑐟𑐸𑐬𑑂𑐫𑐵𑐟𑐷𑐟𑑄 𑐥𑐬𑑄 𑐧𑑂𑐬𑐴𑑂𑐩 𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑐾 𑐟𑐸 𑐮𑐎𑑂𑐲𑐫𑐾𑐟𑑂 । 𑐖𑐵𑐐𑑂𑐬𑐡𑑂𑐰𑐺𑐟𑑂𑐟𑐶𑑄 𑐳𑐩𑐵𑐬𑐨𑑂𑐫 𑐫𑐵𑐰𑐡𑑂𑐧𑑂𑐬𑐴𑑂𑐩𑐧𑐶𑐮𑐵𑐣𑑂𑐟𑐬𑐩𑑂 ॥ 𑑑𑑕𑑑॥

𑐟𑐟𑑂𑐬𑐵𑐟𑑂𑐩𑐵𑐫𑑄 𑐟𑐸𑐬𑐷𑐫𑐳𑑂𑐫 𑐟𑐸𑐬𑑂𑐫𑐵𑐣𑑂𑐟𑐾 𑐰𑐶𑐲𑑂𑐞𑐸𑐬𑐸𑐔𑑂𑐫𑐟𑐾 । 𑐢𑑂𑐫𑐵𑐣𑐾𑐣𑐿𑐰 𑐳𑐩𑐵𑐫𑐸𑐎𑑂𑐟𑑀 𑐰𑑂𑐫𑑀𑐩𑑂𑐣𑐶 𑐔𑐵𑐟𑑂𑐫𑐣𑑂𑐟𑐣𑐶𑐬𑑂𑐩𑐮𑐾 ॥ 𑑑𑑕𑑒॥

𑐳𑐹𑐬𑑂𑐫𑐎𑑀𑐚𑐶𑐡𑑂𑐫𑐸𑐟𑐶𑐬𑐠𑑄 𑐣𑐶𑐟𑑂𑐫𑑀𑐡𑐶𑐟𑐩𑐢𑑀𑐎𑑂𑐲𑐖𑐩𑑂 । 𑐴𑐺𑐡𑐫𑐵𑐩𑑂𑐧𑐸𑐬𑐸𑐴𑐵𑐳𑐷𑐣𑑄 𑐢𑑂𑐫𑐵𑐫𑐾𑐡𑑂𑐰𑐵 𑐰𑐶𑐱𑑂𑐰𑐬𑐹𑐥𑐶𑐞𑐩𑑂 ॥ 𑑑𑑕𑑓॥

𑐀𑐣𑐾𑐎𑐵𑐎𑐵𑐬 𑐏𑐔𑐶𑐟𑐩𑐣𑐾𑐎𑐰𑐡𑐣𑐵𑐣𑑂𑐰𑐶𑐟𑐩𑑂 । 𑐀𑐣𑐾𑐎𑐨𑐸𑐖𑐳𑑄𑐫𑐸𑐎𑑂𑐟𑐩𑐣𑐾𑐎𑐵𑐫𑐸𑐢𑐩𑐞𑑂𑐜𑐶𑐟𑐩𑑂 ॥ 𑑑𑑕𑑔॥

𑐣𑐣𑐵𑐰𑐬𑑂𑐞𑐢𑐬𑑄 𑐡𑐾𑐰𑑄 𑐱𑐵𑐟𑐩𑐸𑐐𑑂𑐬𑐩𑐸𑐡𑐵𑐫𑐸𑐢𑐩𑑂 । 𑐀𑐣𑐾𑐎𑐣𑐫𑐵𑐣𑐵𑐎𑐷𑐬𑑂𑐞𑑄 𑐳𑐹𑐬𑑂𑐫𑐎𑑀𑐚𑐶𑐳𑐩𑐥𑑂𑐬𑐨𑐩𑑂 ॥ 𑑑𑑕𑑕॥

𑐢𑑂𑐫𑐵𑐫𑐟𑑀 𑐫𑑀𑐐𑐶𑐣𑑅 𑐳𑐬𑑂𑐰𑐩𑐣𑑀𑐰𑐺𑐟𑑂𑐟𑐶𑐬𑑂𑐰𑐶𑐣𑐱𑑂𑐫𑐟𑐶 । 𑐴𑐺𑐟𑑂𑐥𑐸𑐞𑑂𑐜𑐬𑐷𑐎𑐩𑐢𑑂𑐫𑐳𑑂𑐠𑑄 𑐔𑐿𑐟𑐣𑑂𑐫𑐖𑑂𑐫𑑀𑐟𑐶𑐬𑐰𑑂𑐫𑐫𑐩𑑂 ॥ 𑑑𑑕𑑖॥

𑐎𑐡𑐩𑑂𑐧𑐐𑑀𑐮𑐎𑐵𑐎𑐵𑐬𑑄 𑐟𑐸𑐬𑑂𑐫𑐵𑐟𑐷𑐟𑑄 𑐥𑐬𑐵𑐟𑑂𑐥𑐬𑐩𑑂 । 𑐀𑐣𑐣𑑂𑐟𑐩𑐵𑐣𑐣𑑂𑐡𑐩𑐫𑑄 𑐔𑐶𑐣𑑂𑐩𑐫𑑄 𑐨𑐵𑐳𑑂𑐎𑐬𑑄 𑐰𑐶𑐨𑐸𑐩𑑂 ॥ 𑑑𑑕𑑗॥

𑐣𑐶𑐰𑐵𑐟𑐡𑐷𑐥𑐳𑐡𑐺𑐱𑐩𑐎𑐺𑐟𑑂𑐬𑐶𑐩𑐩𑐞𑐶𑐥𑑂𑐬𑐨𑐩𑑂 । 𑐢𑑂𑐫𑐵𑐫𑐟𑑀 𑐫𑑀𑐐𑐶𑐣𑐳𑑂𑐟𑐳𑑂𑐫 𑐩𑐸𑐎𑑂𑐟𑐶𑑅 𑐎𑐬𑐟𑐮𑐾 𑐳𑑂𑐠𑐶𑐟𑐵 ॥ 𑑑𑑕𑑘॥

𑐰𑐶𑐱𑑂𑐰𑐬𑐹𑐥𑐳𑑂𑐫 𑐡𑐾𑐰𑐳𑑂𑐫 𑐬𑐹𑐥𑑄 𑐫𑐟𑑂𑐎𑐶𑐘𑑂𑐔𑐶𑐡𑐾𑐰 𑐴𑐶 । 𑐳𑑂𑐠𑐰𑐷𑐫𑑅 𑐳𑐹𑐎𑑂𑐲𑑂𑐩𑐩𑐣𑑂𑐫𑐡𑑂𑐰𑐵 𑐥𑐱𑑂𑐫𑐣𑑂𑐴𑐺𑐡𑐫𑐥𑐒𑑂𑐎𑐖𑐾 ॥ 𑑑𑑕𑑙॥

𑐢𑑂𑐫𑐵𑐫𑐟𑑀 𑐫𑑀𑐐𑐶𑐣𑑀 𑐫𑐳𑑂𑐟𑐸 𑐳𑐵𑐎𑑂𑐲𑐵𑐡𑐾𑐰 𑐥𑑂𑐬𑐎𑐵𑐱𑐟𑐾 । 𑐀𑐞𑐶𑐩𑐵𑐡𑐶𑐦𑐮𑑄 𑐔𑐿𑐰 𑐳𑐸𑐏𑐾𑐣𑐿𑐰𑑀𑐥𑐖𑐵𑐫𑐟𑐾 ॥ 𑑒.𑑑𑑖𑑐॥

𑐖𑐷𑐰𑐵𑐟𑑂𑐩𑐣𑑅 𑐥𑐬𑐳𑑂𑐫𑐵𑐥𑐶 𑐫𑐡𑑂𑐫𑐾𑐰𑐩𑐸𑐨𑐫𑑀𑐬𑐥𑐶 । 𑐀𑐴𑐩𑐾𑐰 𑐥𑐬𑑄𑐧𑑂𑐬𑐴𑑂𑐩 𑐧𑑂𑐬𑐴𑑂𑐩𑐵𑐴𑐩𑐶𑐟𑐶 𑐳𑑄𑐳𑑂𑐠𑐶𑐟𑐶𑑅 ॥ 𑑑𑑖𑑑॥

𑐳𑐩𑐵𑐢𑐶𑑅 𑐳 𑐟𑐸 𑐰𑐶𑐖𑑂𑐘𑐾𑐫𑑅 𑐳𑐬𑑂𑐰𑐰𑐺𑐟𑑂𑐟𑐶𑐰𑐶𑐰𑐬𑑂𑐖𑐶𑐟𑑅 । 𑐧𑑂𑐬𑐴𑑂𑐩 𑐳𑐩𑑂𑐥𑐡𑑂𑐫𑐟𑐾 𑐫𑑀𑐐𑐷 𑐣 𑐨𑐹𑐫𑑅 𑐳𑑄𑐳𑐺𑐟𑐶𑑄 𑐰𑑂𑐬𑐖𑐾𑐟𑑂 ॥ 𑑑𑑖𑑒॥

𑐊𑐰𑑄 𑐰𑐶𑐱𑑀𑐢𑑂𑐫 𑐟𑐟𑑂𑐟𑑂𑐰𑐵𑐣𑐶 𑐫𑑀𑐐𑐷 𑐣𑐶𑑅𑐳𑑂𑐥𑐺𑐴𑐔𑐾𑐟𑐳𑐵 । 𑐫𑐠𑐵 𑐣𑐶𑐬𑐶𑐣𑑂𑐢𑐣𑑀 𑐰𑐴𑑂𑐣𑐶𑑅 𑐳𑑂𑐰𑐫𑐩𑐾𑐰 𑐥𑑂𑐬𑐱𑐵𑐩𑑂𑐫𑐟𑐶 ॥ 𑑑𑑖𑑓॥

𑐐𑑂𑐬𑐵𑐴𑑂𑐫𑐵𑐨𑐵𑐰𑐾 𑐩𑐣𑑅 𑐥𑑂𑐬𑐵𑐞𑑀 𑐣𑐶𑐱𑑂𑐔𑐫𑐖𑑂𑐘𑐵𑐣𑐳𑑄𑐫𑐸𑐟𑑅 । 𑐱𑐸𑐡𑑂𑐢𑐳𑐟𑑂𑐟𑑂𑐰𑐾 𑐥𑐬𑐾 𑐮𑐷𑐣𑑀 𑐖𑐷𑐰𑑅 𑐳𑐿𑐣𑑂𑐢𑐰𑐥𑐶𑐞𑑂𑐜𑐰𑐟𑑂 ॥ 𑑑𑑖𑑔॥

𑐩𑑀𑐴𑐖𑐵𑐮𑐎𑐳𑑄𑐑𑐵𑐟𑑄 𑐰𑐶𑐱𑑂𑐰𑑄 𑐥𑐱𑑂𑐫𑐟𑐶 𑐳𑑂𑐰𑐥𑑂𑐣𑐰𑐟𑑂 । 𑐳𑐸𑐲𑐸𑐥𑑂𑐟𑐶𑐰𑐡𑑂𑐫𑐱𑑂𑐔𑐬𑐟𑐶 𑐳𑑂𑐰𑐨𑐵𑐰𑐥𑐬𑐶𑐣𑐶𑐱𑑂𑐔𑐮𑑅 ॥ 𑑑𑑖𑑕॥

𑐣𑐶𑐬𑑂𑐰𑐵𑐞𑐥𑐡𑐩𑐵𑐱𑑂𑐬𑐶𑐟𑑂𑐫 𑐫𑑀𑐐𑐷 𑐎𑐿𑐰𑐮𑑂𑐫𑐩𑐱𑑂𑐬𑐸𑐟 𑐂𑐟𑑂𑐫𑐸𑐥𑐣𑐶𑐲𑐟𑑂 ॥

𑑉 𑐥𑐹𑐬𑑂𑐞𑐩𑐡𑑅 𑐥𑐹𑐬𑑂𑐞𑐩𑐶𑐡𑑄 𑐥𑐹𑐬𑑂𑐞𑐵𑐟𑑂𑐥𑐹𑐬𑑂𑐞𑐩𑐸𑐡𑐔𑑂𑐫𑐟𑐾 । 𑐥𑐹𑐬𑑂𑐞𑐳𑑂𑐫 𑐥𑐹𑐬𑑂𑐞𑐩𑐵𑐡𑐵𑐫 𑐥𑐹𑐬𑑂𑐞𑐩𑐾𑐰𑐵𑐰𑐱𑐶𑐲𑑂𑐫𑐟𑐾 ॥ 𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥

𑐂𑐟𑐶 𑐟𑑂𑐬𑐶𑐱𑐶𑐏𑐶𑐧𑑂𑐬𑐵𑐴𑑂𑐩𑐞𑑀𑐥𑐣𑐶𑐲𑐟𑑂𑐳𑐩𑐵𑐥𑑂𑐟𑐵

𑐳𑑂𑐰𑐫𑐵𑐡𑐶𑐳𑑃

• 𑐴𑐶𑐣𑑂𑐡𑐹 𑐢𑐬𑑂𑐩
• 𑐄𑐥𑐣𑐶𑐲𑐡𑑂