छ्येलेमि:Eukesh/Auto/NepalScript/तेजो-बिन्दु (उपनिषद्)
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
Eukesh/Auto/NepalScript/तेजो-बिन्दु (उपनिषद्) 𑐕𑐐𑐹 𑐎𑐵𑐰𑑂𑐫 𑐏। 𑐠𑑂𑐰 𑐎𑐵𑐰𑑂𑐫 𑐩𑐸𑐎𑑂𑐟𑐶𑐎 𑐄𑐥𑐣𑐶𑐲𑐡𑑂𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 𑐄𑐥𑐣𑐶𑐲𑐡𑑂 𑐡𑐸𑐣𑐾 𑐮𑐵 [२]। 𑐠𑑂𑐰 𑐱𑑂𑐬𑐸𑐟𑐶 𑐥𑑂𑐬𑐔𑐮𑐣𑐫𑐵 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐢𑐵𑐬𑑂𑐩𑐶𑐎 𑐐𑑂𑐬𑐣𑑂𑐠 𑐏।
𑐱𑑂𑐮𑑀𑐎
[सम्पादन]𑐠𑐸𑐎𑐶𑐫𑐵 𑐱𑑂𑐮𑑀𑐎 𑐠𑑂𑐰 𑐎𑐠𑑄 𑐡𑐸-[३]
- ॥ 𑐟𑐾𑐖𑑀𑐧𑐶𑐣𑑂𑐡𑐹𑐥𑐣𑐶𑐲𑐟𑑂 ॥
- 𑐫𑐟𑑂𑐬 𑐔𑐶𑐣𑑂𑐩𑐵𑐟𑑂𑐬𑐎𑐮𑐣𑐵 𑐫𑐵𑐟𑑂𑐫𑐥𑐴𑑂𑐣𑐰𑐩𑐘𑑂𑐖𑐳𑐵 ।
- 𑐟𑐔𑑂𑐔𑐶𑐣𑑂𑐩𑐵𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑄 𑐧𑑂𑐬𑐴𑑂𑐩 𑐨𑐰𑐵𑐩𑑂𑐫𑐴𑐩𑑂॥
- 𑑉 𑐳𑐴𑐣𑐵𑐰𑐰𑐟𑐸 । 𑐳𑐴 𑐣𑑁 𑐨𑐸𑐣𑐎𑑂𑐟𑐸 । 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 । 𑐟𑐾𑐖𑐳𑑂𑐰𑐶𑐣𑐵𑐰𑐢𑐷𑐟𑐩𑐳𑑂𑐟𑐸 । 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
- 𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥
- 𑑉 𑐳𑐴𑐣𑐵𑐰𑐰𑐟𑐸 । 𑐳𑐴 𑐣𑑁 𑐨𑐸𑐣𑐎𑑂𑐟𑐸 । 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 । 𑐟𑐾𑐖𑐳𑑂𑐰𑐶𑐣𑐵𑐰𑐢𑐷𑐟𑐩𑐳𑑂𑐟𑐸 । 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
𑐥𑑂𑐬𑐠𑐩ॊऽ𑐢𑑂𑐫𑐵𑐫𑑅
[सम्पादन]- 𑑉 𑐟𑐾𑐖𑑀𑐧𑐶𑐣𑑂𑐡𑐸𑑅 𑐥𑐬𑑄 𑐢𑑂𑐫𑐵𑐣𑑄 𑐰𑐶𑐱𑑂𑐰𑐵𑐟𑑂𑐩𑐴𑐺𑐡𑐶𑐳𑑄𑐳𑑂𑐠𑐶𑐟𑐩𑑂 ।
- 𑐁𑐞𑐰𑑄 𑐱𑐵𑐩𑑂𑐨𑐰𑑄 𑐱𑐵𑐣𑑂𑐟𑑄 𑐳𑑂𑐠𑐹𑐮𑑄 𑐳𑐹𑐎𑑂𑐲𑑂𑐩𑑄 𑐥𑐬𑑄 𑐔 𑐫𑐟𑑂 ॥ 𑑑 ॥
- 𑐡𑐸𑑅𑐏𑐵𑐝𑑂𑐫𑑄 𑐔 𑐡𑐸𑐬𑐵𑐬𑐵𑐢𑑂𑐫𑑄 𑐡𑐸𑐲𑑂𑐥𑑂𑐬𑐾𑐎𑑂𑐲𑑂𑐫𑑄 𑐩𑐸𑐎𑑂𑐟𑐩𑐰𑑂𑐫𑐫𑐩𑑂 ।
- 𑐡𑐸𑐬𑑂𑐮𑐨𑑄 𑐟𑐟𑑂𑐳𑑂𑐰𑐫𑑄 𑐢𑑂𑐫𑐵𑐣𑑄 𑐩𑐸𑐣𑐷𑐣𑐵𑑄 𑐔 𑐩𑐣𑐷𑐲𑐶𑐞𑐵𑐩𑑂 ॥ 𑑒 ॥
- 𑐫𑐟𑐵𑐴𑐵𑐬𑑀 𑐖𑐶𑐟𑐎𑑂𑐬𑑀𑐢𑑀 𑐖𑐶𑐟𑐳𑐒𑑂𑐐𑑀 𑐖𑐶𑐟𑐾𑐣𑑂𑐡𑑂𑐬𑐶𑐫𑑅 ।
- 𑐣𑐶𑐬𑑂𑐡𑑂𑐰𑐣𑑂𑐡𑑂𑐰𑑀 𑐣𑐶𑐬𑐴𑐒𑑂𑐎𑐵𑐬𑑀 𑐣𑐶𑐬𑐵𑐱𑐷𑐬𑐥𑐬𑐶𑐐𑑂𑐬𑐴𑑅 ॥ 𑑓 ॥
- 𑐀𑐐𑐩𑑂𑐫𑐵𑐐𑐩𑐎𑐬𑑂𑐟𑐵 𑐫𑑀 𑐐𑐩𑑂𑐫𑐵ऽ𑐐𑐩𑐫𑐩𑐵𑐣𑐳𑑅 ।
- 𑐩𑐸𑐏𑐾 𑐟𑑂𑐬𑐷𑐞𑐶 𑐔 𑐰𑐶𑐣𑑂𑐡𑐣𑑂𑐟𑐶 𑐟𑑂𑐬𑐶𑐢𑐵𑐩𑐵 𑐴𑑄𑐳 𑐄𑐔𑑂𑐫𑐟𑐾 ॥ 𑑔 ॥
- 𑐥𑐬𑑄 𑐐𑐸𑐴𑑂𑐫𑐟𑐩𑑄 𑐰𑐶𑐡𑑂𑐢𑐶 𑐴𑑂𑐫𑐳𑑂𑐟𑐟𑐣𑑂𑐡𑑂𑐬𑑀 𑐣𑐶𑐬𑐵𑐱𑑂𑐬𑐫𑑅 ।
- 𑐳𑑀𑐩𑐬𑐹𑐥𑐎𑐮𑐵 𑐳𑐹𑐎𑑂𑐲𑑂𑐩𑐵 𑐰𑐶𑐲𑑂𑐞𑑀𑐳𑑂𑐟𑐟𑑂𑐥𑐬𑐩𑑄 𑐥𑐡𑐩𑑂 ॥ 𑑕 ॥
- 𑐟𑑂𑐬𑐶𑐰𑐎𑑂𑐟𑑂𑐬𑑄 𑐟𑑂𑐬𑐶𑐐𑐸𑐞𑑄 𑐳𑑂𑐠𑐵𑐣𑑄 𑐟𑑂𑐬𑐶𑐢𑐵𑐟𑐸𑑄 𑐬𑐹𑐥𑐰𑐬𑑂𑐖𑐶𑐟𑐩𑑂 ।
- 𑐣𑐶𑐱𑑂𑐔𑐮𑑄 𑐣𑐶𑐬𑑂𑐰𑐶𑐎𑐮𑑂𑐥𑑄 𑐔 𑐣𑐶𑐬𑐵𑐎𑐵𑐬𑑄 𑐣𑐶𑐬𑐵𑐱𑑂𑐬𑐫𑐩𑑂 ॥ 𑑖 ॥
- 𑐄𑐥𑐵𑐢𑐶𑐬𑐴𑐶𑐟𑑄 𑐳𑑂𑐠𑐵𑐣𑑄 𑐰𑐵𑐒𑑂𑐩𑐣𑑀ऽ𑐟𑐷𑐟𑐐𑑀𑐔𑐬𑐩𑑂 ।
- 𑐳𑑂𑐰𑐨𑐵𑐰𑑄 𑐨𑐵𑐰𑐳𑑄𑐐𑑂𑐬𑐵𑐴𑑂𑐫𑐩𑐳𑐒𑑂𑐑𑐵𑐟𑑄 𑐥𑐡𑐵𑐔𑑂𑐔𑑂𑐫𑐸𑐟𑐩𑑂 ॥ 𑑗 ॥
- 𑐀𑐣𑐵𑐣𑐵𑐣𑐣𑑂𑐡𑐣𑐵𑐟𑐷𑐟𑑄 𑐡𑐸𑐲𑑂𑐥𑑂𑐬𑐾𑐎𑑂𑐲𑑂𑐫𑑄 𑐩𑐸𑐎𑑂𑐟𑐶𑐩𑐰𑑂𑐫𑐫𑐩𑑂 ।
- 𑐔𑐶𑐣𑑂𑐟𑑂𑐫𑐩𑐾𑐰𑑄 𑐰𑐶𑐣𑐶𑐬𑑂𑐩𑐸𑐎𑑂𑐟𑑄 𑐱𑐵𑐱𑑂𑐰𑐟𑑄 𑐢𑑂𑐬𑐸𑐰𑐩𑐔𑑂𑐫𑐸𑐟𑐩𑑂 ॥ 𑑘 ॥
- 𑐟𑐡𑑂𑐧𑑂𑐬𑐴𑑂𑐩𑐞𑐳𑑂𑐟𑐡𑐢𑑂𑐫𑐵𑐟𑑂𑐩𑑄 𑐟𑐡𑑂𑐰𑐶𑐲𑑂𑐞𑑀𑐳𑑂𑐟𑐟𑑂𑐥𑐬𑐵𑐫𑐞𑐩𑑂 ।
- 𑐀𑐔𑐶𑐣𑑂𑐟𑑂𑐫𑑄 𑐔𑐶𑐣𑑂𑐩𑐫𑐵𑐟𑑂𑐩𑐵𑐣𑑄 𑐫𑐡𑑂𑐰𑑂𑐫𑑀𑐩 𑐥𑐬𑐩𑑄 𑐳𑑂𑐠𑐶𑐟𑐩𑑂 ॥ 𑑙 ॥
- 𑐀𑐱𑐹𑐣𑑂𑐫𑑄 𑐱𑐹𑐣𑑂𑐫𑐨𑐵𑐰𑑄 𑐟𑐸 𑐱𑐹𑐣𑑂𑐫𑐵𑐟𑐷𑐟𑑄 𑐴𑐺𑐡𑐶 𑐳𑑂𑐠𑐶𑐟𑐩𑑂 ।
- 𑐣 𑐢𑑂𑐫𑐵𑐣𑑄 𑐔 𑐣 𑐔 𑐢𑑂𑐫𑐵𑐟𑐵 𑐣 𑐢𑑂𑐫𑐾𑐫𑑀 𑐢𑑂𑐫𑐾𑐫 𑐊𑐰 𑐔 ॥ 𑑑𑑐 ॥
- 𑐳𑐬𑑂𑐰𑑄 𑐔 𑐣 𑐥𑐬𑑄 𑐱𑐹𑐣𑑂𑐫𑑄 𑐣 𑐥𑐬𑑄 𑐣𑐵𑐥𑐬𑐵𑐟𑑂𑐥𑐬𑐩𑑂 ।
- 𑐀𑐔𑐶𑐣𑑂𑐟𑑂𑐫𑐩𑐥𑑂𑐬𑐧𑐸𑐡𑑂𑐢𑑄 𑐔 𑐣 𑐳𑐟𑑂𑐫𑑄 𑐣 𑐥𑐬𑑄 𑐰𑐶𑐡𑐸𑑅 ॥ 𑑑𑑑 ॥
- 𑐩𑐸𑐣𑐷𑐣𑐵𑑄 𑐳𑑄𑐥𑑂𑐬𑐫𑐸𑐎𑑂𑐟𑑄 𑐔 𑐣 𑐡𑐾𑐰𑐵 𑐣 𑐥𑐬𑑄 𑐰𑐶𑐡𑐸𑑅 ।
- 𑐮𑑀𑐨𑑄 𑐩𑑀𑐴𑑄 𑐨𑐫𑑄 𑐡𑐬𑑂𑐥𑑄 𑐎𑐵𑐩𑑄 𑐎𑑂𑐬𑑀𑐢𑑄 𑐔 𑐎𑐶𑐮𑑂𑐧𑐶𑐲𑐩𑑂 ॥ 𑑑𑑒 ॥
- 𑐱𑐷𑐟𑑀𑐲𑑂𑐞𑐾 𑐎𑑂𑐲𑐸𑐟𑑂𑐥𑐶𑐥𑐵𑐳𑐾 𑐔 𑐳𑐒𑑂𑐎𑐮𑑂𑐥𑐎𑐰𑐶𑐎𑐮𑑂𑐥𑐎𑐩𑑂 ।
- 𑐣 𑐧𑑂𑐬𑐴𑑂𑐩𑐎𑐸𑐮𑐡𑐬𑑂𑐥𑑄 𑐔 𑐣 𑐩𑐸𑐎𑑂𑐟𑐶𑐐𑑂𑐬𑐣𑑂𑐠𑐶𑐳𑐘𑑂𑐔𑐫𑐩𑑂 ॥ 𑑑𑑓 ॥
- 𑐣 𑐨𑐫𑑄 𑐣 𑐳𑐸𑐏𑑄 𑐡𑐸𑑅𑐏𑑄 𑐟𑐠𑐵 𑐩𑐵𑐣𑐵𑐰𑐩𑐵𑐣𑐫𑑀𑑅 ।
- 𑐊𑐟𑐡𑑂𑐨𑐵𑐰𑐰𑐶𑐣𑐶𑐬𑑂𑐩𑐸𑐎𑑂𑐟𑑄 𑐟𑐡𑑂𑐐𑑂𑐬𑐵𑐴𑑂𑐫𑑄 𑐧𑑂𑐬𑐴𑑂𑐩 𑐟𑐟𑑂𑐥𑐬𑐩𑑂 ॥ 𑑑𑑔 ॥
- 𑐫𑐩𑑀 𑐴𑐶 𑐣𑐶𑐫𑐩𑐳𑑂𑐟𑑂𑐫𑐵𑐐𑑀 𑐩𑑁𑐣𑑄 𑐡𑐾𑐱𑐱𑑂𑐔 𑐎𑐵𑐮𑐟𑑅 ।
- 𑐁𑐳𑐣𑑄 𑐩𑐹𑐮𑐧𑐣𑑂𑐢𑐱𑑂𑐔 𑐡𑐾𑐴𑐳𑐵𑐩𑑂𑐫𑑄 𑐔 𑐡𑐺𑐎𑑂𑐳𑑂𑐠𑐶𑐟𑐶𑑅 ॥ 𑑑𑑕 ॥
- 𑐥𑑂𑐬𑐵𑐞𑐳𑑄𑐫𑐩𑐣𑑄 𑐔𑐿𑐰 𑐥𑑂𑐬𑐟𑑂𑐫𑐵𑐴𑐵𑐬𑐱𑑂𑐔 𑐢𑐵𑐬𑐞𑐵 ।
- 𑐁𑐟𑑂𑐩𑐢𑑂𑐫𑐵𑐣𑑄 𑐳𑐩𑐵𑐢𑐶𑐱𑑂𑐔 𑐥𑑂𑐬𑑀𑐎𑑂𑐟𑐵𑐣𑑂𑐫𑐒𑑂𑐐𑐵𑐣𑐶 𑐰𑐿 𑐎𑑂𑐬𑐩𑐵𑐟𑑂 ॥ 𑑑𑑖 ॥
- 𑐳𑐬𑑂𑐰𑑄 𑐧𑑂𑐬𑐴𑑂𑐩𑐾𑐟𑐶 𑐰𑐿 𑐖𑑂𑐘𑐵𑐣𑐵𑐡𑐶𑐣𑑂𑐡𑑂𑐬𑐶𑐫𑐐𑑂𑐬𑐵𑐩𑐳𑑄𑐫𑐩𑑅 ।
- 𑐫𑐩𑑀ऽऽ𑐫𑐩𑐶𑐟𑐶 𑐳𑑄𑐥𑑂𑐬𑑀𑐎𑑂𑐟𑑀ऽ𑐨𑑂𑐫𑐳𑐣𑐷𑐫𑑀 𑐩𑐸𑐴𑐸𑐬𑑂𑐩𑐸𑐴𑐸𑑅 ॥ 𑑑𑑗 ॥
- 𑐳𑐖𑐵𑐟𑐷𑐫𑐥𑑂𑐬𑐰𑐵𑐴𑐱𑑂𑐔 𑐰𑐶𑐖𑐵𑐟𑐷𑐫𑐟𑐶𑐬𑐳𑑂𑐎𑐺𑐟𑐶𑑅 ।
- 𑐣𑐶𑐫𑐩𑑀 𑐴𑐶 𑐥𑐬𑐵𑐣𑐣𑑂𑐡𑑀 𑐣𑐶𑐫𑐩𑐵𑐟𑑂𑐎𑑂𑐬𑐶𑐫𑐟𑐾 𑐧𑐸𑐢𑐿𑑅 ॥ 𑑑𑑘 ॥
- 𑐟𑑂𑐫𑐵𑐐𑑀 𑐴𑐶 𑐩𑐴𑐟𑐵 𑐥𑐹𑐖𑑂𑐫𑑅 𑐳𑐡𑑂𑐫𑑀 𑐩𑑀𑐎𑑂𑐲𑐥𑑂𑐬𑐡𑐵𑐫𑐎𑑅 ॥ 𑑑𑑙 ॥
- 𑐫𑐳𑑂𑐩𑐵𑐡𑑂𑐰𑐵𑐔𑑀 𑐣𑐶𑐰𑐬𑑂𑐟𑐣𑑂𑐟𑐾 𑐀𑐥𑑂𑐬𑐵𑐥𑑂𑐫 𑐩𑐣𑐳𑐵 𑐳𑐴 ।
- 𑐫𑐣𑑂𑐩𑑁𑐣𑑄 𑐫𑑀𑐐𑐶𑐨𑐶𑐬𑑂𑐐𑐩𑑂𑐫𑑄 𑐟𑐡𑑂𑐨𑐖𑐾𑐟𑑂𑐳𑐬𑑂𑐰𑐡𑐵 𑐧𑐸𑐢𑑅 ॥ 𑑒𑑐 ॥
- 𑐰𑐵𑐔𑑀 𑐫𑐳𑑂𑐩𑐵𑐣𑑂𑐣𑐶𑐰𑐬𑑂𑐟𑐣𑑂𑐟𑐾 𑐟𑐡𑑂𑐰𑐎𑑂𑐟𑐸𑑄 𑐎𑐾𑐣 𑐱𑐎𑑂𑐫𑐟𑐾 ।
- 𑐥𑑂𑐬𑐥𑐘𑑂𑐔𑑀 𑐫𑐡𑐶 𑐰𑐎𑑂𑐟𑐰𑑂𑐫𑑅 𑐳𑑀ऽ𑐥𑐶 𑐱𑐧𑑂𑐡𑐰𑐶𑐰𑐬𑑂𑐖𑐶𑐟𑑅 ॥ 𑑒𑑑 ॥
- 𑐂𑐟𑐶 𑐰𑐵 𑐟𑐡𑑂𑐨𑐰𑐾𑐣𑑂𑐩𑑁𑐣𑑄 𑐳𑐬𑑂𑐰𑑄 𑐳𑐴𑐖𑐳𑑄𑐖𑑂𑐘𑐶𑐟𑐩𑑂 ।
- 𑐐𑐶𑐬𑐵𑑄 𑐩𑑁𑐣𑑄 𑐟𑐸 𑐧𑐵𑐮𑐵𑐣𑐵𑐩𑐫𑐸𑐎𑑂𑐟𑑄 𑐧𑑂𑐬𑐴𑑂𑐩𑐰𑐵𑐡𑐶𑐣𑐵𑐩𑑂 ॥ 𑑒𑑒 ॥
- 𑐁𑐡𑐵𑐰𑐣𑑂𑐟𑐾 𑐔 𑐩𑐢𑑂𑐫𑐾 𑐔 𑐖𑐣𑑀 𑐫𑐳𑑂𑐩𑐶𑐣𑑂𑐣 𑐰𑐶𑐡𑑂𑐫𑐟𑐾 ।
- 𑐫𑐾𑐣𑐾𑐡𑑄 𑐳𑐟𑐟𑑄 𑐰𑑂𑐫𑐵𑐥𑑂𑐟𑑄 𑐳 𑐡𑐾𑐱𑑀 𑐰𑐶𑐖𑐣𑑅 𑐳𑑂𑐩𑐺𑐟𑑅 ॥ 𑑒𑑓 ॥
- 𑐎𑐮𑑂𑐥𑐣𑐵 𑐳𑐬𑑂𑐰𑐨𑐹𑐟𑐵𑐣𑐵𑑄 𑐧𑑂𑐬𑐴𑑂𑐩𑐵𑐡𑐷𑐣𑐵𑑄 𑐣𑐶𑐩𑐾𑐲𑐟𑑅 ।
- 𑐎𑐵𑐮𑐱𑐧𑑂𑐡𑐾𑐣 𑐣𑐶𑐬𑑂𑐡𑐶𑐲𑑂𑐚𑑄 𑐴𑑂𑐫𑐏𑐞𑑂𑐜𑐵𑐣𑐣𑑂𑐡𑐩𑐡𑑂𑐰𑐫𑐩𑑂 ॥ 𑑒𑑔 ॥
- 𑐳𑐸𑐏𑐾𑐣𑐿𑐰 𑐨𑐰𑐾𑐡𑑂𑐫𑐳𑑂𑐩𑐶𑐣𑑂𑐣𑐖𑐳𑑂𑐬𑑄 𑐧𑑂𑐬𑐴𑑂𑐩𑐔𑐶𑐣𑑂𑐟𑐣𑐩𑑂 ।
- 𑐁𑐳𑐣𑑄 𑐟𑐡𑑂𑐰𑐶𑐖𑐵𑐣𑐷𑐫𑐵𑐡𑐣𑑂𑐫𑐟𑑂𑐳𑐸𑐏𑐰𑐶𑐣𑐵𑐱𑐣𑐩𑑂 ॥ 𑑒𑑕 ॥
- 𑐳𑐶𑐡𑑂𑐢𑐫𑐾 𑐳𑐬𑑂𑐰𑐨𑐹𑐟𑐵𑐡𑐶 𑐰𑐶𑐱𑑂𑐰𑐵𑐢𑐶𑐲𑑂𑐛𑐵𑐣𑐩𑐡𑑂𑐰𑐫𑐩𑑂 ।
- 𑐫𑐳𑑂𑐩𑐶𑐣𑑂𑐳𑐶𑐡𑑂𑐢𑐶𑑄 𑐐𑐟𑐵𑑅 𑐳𑐶𑐡𑑂𑐢𑐵𑐳𑑂𑐟𑐟𑑂𑐳𑐶𑐡𑑂𑐢𑐵𑐳𑐣𑐩𑐸𑐔𑑂𑐫𑐟𑐾 ॥ 𑑒𑑖 ॥
- 𑐫𑐣𑑂𑐩𑐹𑐮𑑄 𑐳𑐬𑑂𑐰𑐮𑑀𑐎𑐵𑐣𑐵𑑄 𑐫𑐣𑑂𑐩𑐹𑐮𑑄 𑐔𑐶𑐟𑑂𑐟𑐧𑐣𑑂𑐢𑐣𑐩𑑂 ।
- 𑐩𑐹𑐮𑐧𑐣𑑂𑐢𑑅 𑐳𑐡𑐵 𑐳𑐾𑐰𑑂𑐫𑑀 𑐫𑑀𑐐𑑂𑐫𑑀ऽ𑐳𑑁 𑐧𑑂𑐬𑐴𑑂𑐩𑐰𑐵𑐡𑐶𑐣𑐵𑐩𑑂 ॥ 𑑒𑑗 ॥
- 𑐀𑐒𑑂𑐐𑐵𑐣𑐵𑑄 𑐳𑐩𑐟𑐵𑑄 𑐰𑐶𑐡𑑂𑐫𑐵𑐟𑑂𑐳𑐩𑐾 𑐧𑑂𑐬𑐴𑑂𑐩𑐞𑐶 𑐮𑐷𑐫𑐟𑐾 ।
- 𑐣𑑀 𑐔𑐾𑐣𑑂𑐣𑐿𑐰 𑐳𑐩𑐵𑐣𑐟𑑂𑐰𑐩𑐺𑐖𑐸𑐟𑑂𑐰𑑄 𑐱𑐸𑐲𑑂𑐎𑐰𑐺𑐎𑑂𑐲𑐰𑐟𑑂 ॥ 𑑒𑑘 ॥
- 𑐡𑐺𑐲𑑂𑐚𑐷𑑄 𑐖𑑂𑐘𑐵𑐣𑐩𑐫𑐷𑑄 𑐎𑐺𑐟𑑂𑐰𑐵 𑐥𑐱𑑂𑐫𑐾𑐡𑑂𑐧𑑂𑐬𑐴𑑂𑐩𑐩𑐫𑑄 𑐖𑐐𑐟𑑂 ।
- 𑐳𑐵 𑐡𑐺𑐲𑑂𑐚𑐶𑑅 𑐥𑐬𑐩𑑀𑐡𑐵𑐬𑐵 𑐣 𑐣𑐵𑐳𑐵𑐐𑑂𑐬𑐵𑐰𑐮𑑀𑐎𑐶𑐣𑐷 ॥ 𑑒𑑙 ॥
- 𑐡𑑂𑐬𑐲𑑂𑐚𑐺𑐡𑐬𑑂𑐱𑐣𑐡𑐺𑐱𑑂𑐫𑐵𑐣𑐵𑑄 𑐰𑐶𑐬𑐵𑐩𑑀 𑐫𑐟𑑂𑐬 𑐰𑐵 𑐨𑐰𑐾𑐟𑑂 ।
- 𑐡𑐺𑐲𑑂𑐚𑐶𑐳𑑂𑐟𑐟𑑂𑐬𑐿𑐰 𑐎𑐬𑑂𑐟𑐰𑑂𑐫𑐵 𑐣 𑐣𑐵𑐳𑐵𑐐𑑂𑐬𑐵𑐰𑐮𑑀𑐎𑐶𑐣𑐷 ॥ 𑑓𑑐 ॥
- 𑐔𑐶𑐟𑑂𑐟𑐵𑐡𑐶𑐳𑐬𑑂𑐰𑐨𑐵𑐰𑐾𑐲𑐸 𑐧𑑂𑐬𑐴𑑂𑐩𑐟𑑂𑐰𑐾𑐣𑐿𑐰 𑐨𑐵𑐰𑐣𑐵𑐟𑑂 ।
- 𑐣𑐶𑐬𑑀𑐢𑑅 𑐳𑐬𑑂𑐰𑐰𑐺𑐟𑑂𑐟𑐷𑐣𑐵𑑄 𑐥𑑂𑐬𑐵𑐞𑐵𑐫𑐵𑐩𑑅 𑐳 𑐄𑐔𑑂𑐫𑐟𑐾 ॥ 𑑓𑑑 ॥
- 𑐣𑐶𑐲𑐾𑐢𑐣𑑄 𑐥𑑂𑐬𑐥𑐘𑑂𑐔𑐳𑑂𑐫 𑐬𑐾𑐔𑐎𑐵𑐏𑑂𑐫𑑅 𑐳𑐩𑐷𑐬𑐶𑐟𑑅 ।
- 𑐧𑑂𑐬𑐴𑑂𑐩𑐿𑐰𑐵𑐳𑑂𑐩𑐷𑐟𑐶 𑐫𑐵 𑐰𑐺𑐟𑑂𑐟𑐶𑑅 𑐥𑐹𑐬𑐎𑑀 𑐰𑐵𑐫𑐸𑐬𑐸𑐔𑑂𑐫𑐟𑐾 ॥ 𑑓𑑒 ॥
- 𑐟𑐟𑐳𑑂𑐟𑐡𑑂𑐰𑐺𑐟𑑂𑐟𑐶𑐣𑐿𑐱𑑂𑐔𑐮𑑂𑐫𑑄 𑐎𑐸𑐩𑑂𑐨𑐎𑑅 𑐥𑑂𑐬𑐵𑐞𑐳𑑄𑐫𑐩𑑅 ।
- 𑐀𑐫𑑄 𑐔𑐵𑐥𑐶 𑐥𑑂𑐬𑐧𑐸𑐡𑑂𑐢𑐵𑐣𑐵𑐩𑐖𑑂𑐘𑐵𑐣𑐵𑑄 𑐑𑑂𑐬𑐵𑐞𑐥𑐷𑐜𑐣𑐩𑑂 ॥ 𑑓𑑓 ॥
- 𑐰𑐶𑐲𑐫𑐾𑐲𑑂𑐰𑐵𑐟𑑂𑐩𑐟𑐵𑑄 𑐡𑐺𑐲𑑂𑐚𑑂𑐰𑐵 𑐩𑐣𑐳𑐱𑑂𑐔𑐶𑐟𑑂𑐟𑐬𑐘𑑂𑐖𑐎𑐩𑑂 ।
- 𑐥𑑂𑐬𑐟𑑂𑐫𑐵𑐴𑐵𑐬𑑅 𑐳 𑐰𑐶𑐖𑑂𑐘𑐾𑐫𑑀ऽ𑐨𑑂𑐫𑐳𑐣𑐷𑐫𑑀 𑐩𑐸𑐴𑐸𑐬𑑂𑐩𑐸𑐴𑐸𑑅 ॥ 𑑓𑑔 ॥
- 𑐫𑐟𑑂𑐬 𑐫𑐟𑑂𑐬 𑐩𑐣𑑀 𑐫𑐵𑐟𑐶 𑐧𑑂𑐬𑐴𑑂𑐩𑐞𑐳𑑂𑐟𑐟𑑂𑐬 𑐡𑐬𑑂𑐱𑐣𑐵𑐟𑑂 ।
- 𑐩𑐣𑐳𑐵 𑐢𑐵𑐬𑐞𑑄 𑐔𑐿𑐰 𑐢𑐵𑐬𑐞𑐵 𑐳𑐵 𑐥𑐬𑐵 𑐩𑐟𑐵 ॥ 𑑓𑑕 ॥
- 𑐧𑑂𑐬𑐴𑑂𑐩𑐿𑐰𑐵𑐳𑑂𑐩𑐷𑐟𑐶 𑐳𑐡𑑂𑐰𑐺𑐟𑑂𑐟𑑂𑐫𑐵 𑐣𑐶𑐬𑐵𑐮𑐩𑑂𑐧𑐟𑐫𑐵 𑐳𑑂𑐠𑐶𑐟𑐶𑑅 ।
- 𑐢𑑂𑐫𑐵𑐣𑐱𑐧𑑂𑐡𑐾𑐣 𑐰𑐶𑐏𑑂𑐫𑐵𑐟𑑅 𑐥𑐬𑐩𑐵𑐣𑐣𑑂𑐡𑐡𑐵𑐫𑐎𑑅 ॥ 𑑓𑑖 ॥
- 𑐣𑐶𑐬𑑂𑐰𑐶𑐎𑐵𑐬𑐟𑐫𑐵 𑐰𑐺𑐟𑑂𑐟𑑂𑐫𑐵 𑐧𑑂𑐬𑐴𑑂𑐩𑐵𑐎𑐵𑐬𑐟𑐫𑐵 𑐥𑐸𑐣𑑅 ।
- 𑐰𑐺𑐟𑑂𑐟𑐶𑐰𑐶𑐳𑑂𑐩𑐬𑐞𑑄 𑐳𑐩𑑂𑐫𑐎𑑂𑐳𑐩𑐵𑐢𑐶𑐬𑐨𑐶𑐢𑐷𑐫𑐟𑐾 ॥ 𑑓𑑗 ॥
- 𑐂𑐩𑑄 𑐔𑐵𑐎𑐺𑐟𑑂𑐬𑐶𑐩𑐵𑐣𑐣𑑂𑐡𑑄 𑐟𑐵𑐰𑐟𑑂𑐳𑐵𑐢𑐸 𑐳𑐩𑐨𑑂𑐫𑐳𑐾𑐟𑑂 ।
- 𑐮𑐎𑑂𑐲𑑂𑐫𑑀 𑐫𑐵𑐰𑐟𑑂𑐎𑑂𑐲𑐞𑐵𑐟𑑂𑐥𑐸𑑄𑐳𑑅 𑐥𑑂𑐬𑐟𑑂𑐫𑐎𑑂𑐟𑑂𑐰𑑄 𑐳𑐩𑑂𑐨𑐰𑐾𑐟𑑂𑐳𑑂𑐰𑐫𑐩𑑂 ॥ 𑑓𑑘 ॥
- 𑐟𑐟𑑅 𑐳𑐵𑐢𑐣𑐣𑐶𑐬𑑂𑐩𑐸𑐎𑑂𑐟𑑅 𑐳𑐶𑐡𑑂𑐢𑑀 𑐨𑐰𑐟𑐶 𑐫𑑀𑐐𑐶𑐬𑐵𑐚𑑂 ।
- 𑐟𑐟𑑂𑐳𑑂𑐰𑑄 𑐬𑐹𑐥𑑄 𑐨𑐰𑐾𑐟𑑂𑐟𑐳𑑂𑐫 𑐰𑐶𑐲𑐫𑑀 𑐩𑐣𑐳𑑀 𑐐𑐶𑐬𑐵𑐩𑑂 ॥ 𑑓𑑙 ॥
- 𑐳𑐩𑐵𑐢𑑁 𑐎𑑂𑐬𑐶𑐫𑐩𑐵𑐞𑐾 𑐟𑐸 𑐰𑐶𑐑𑑂𑐣𑐵𑐣𑑂𑐫𑐵𑐫𑐵𑐣𑑂𑐟𑐶 𑐰𑐿 𑐧𑐮𑐵𑐟𑑂 ।
- 𑐀𑐣𑐸𑐳𑐣𑑂𑐢𑐵𑐣𑐬𑐵𑐴𑐶𑐟𑑂𑐫𑐩𑐵𑐮𑐳𑑂𑐫𑑄 𑐨𑑀𑐐𑐮𑐵𑐮𑐳𑐩𑑂 ॥ 𑑔𑑐 ॥
- 𑐮𑐫𑐳𑑂𑐟𑐩𑐱𑑂𑐔 𑐰𑐶𑐎𑑂𑐲𑐾𑐥𑐳𑑂𑐟𑐾𑐖𑑅 𑐳𑑂𑐰𑐾𑐡𑐱𑑂𑐔 𑐱𑐹𑐣𑑂𑐫𑐟𑐵 ।
- 𑐊𑐰𑑄 𑐴𑐶 𑐰𑐶𑐑𑑂𑐣𑐧𑐵𑐴𑐸𑐮𑑂𑐫𑑄 𑐟𑑂𑐫𑐵𑐖𑑂𑐫𑑄 𑐧𑑂𑐬𑐴𑑂𑐩𑐰𑐶𑐱𑐵𑐬𑐡𑐿𑑅 ॥ 𑑔𑑑 ॥
- 𑐨𑐵𑐰𑐰𑐺𑐟𑑂𑐟𑑂𑐫𑐵 𑐴𑐶 𑐨𑐵𑐰𑐟𑑂𑐰𑑄 𑐱𑐹𑐣𑑂𑐫𑐰𑐺𑐟𑑂𑐟𑑂𑐫𑐵 𑐴𑐶 𑐱𑐹𑐣𑑂𑐫𑐟𑐵 ।
- 𑐧𑑂𑐬𑐴𑑂𑐩𑐰𑐺𑐟𑑂𑐟𑑂𑐫𑐵 𑐴𑐶 𑐥𑐹𑐬𑑂𑐞𑐟𑑂𑐰𑑄 𑐟𑐫𑐵 𑐥𑐹𑐬𑑂𑐞𑐟𑑂𑐰𑐩𑐨𑑂𑐫𑐳𑐾𑐟𑑂 ॥ 𑑔𑑒 ॥
- 𑐫𑐾 𑐴𑐶 𑐰𑐺𑐟𑑂𑐟𑐶𑑄 𑐰𑐶𑐴𑐵𑐫𑐿𑐣𑐵𑑄 𑐧𑑂𑐬𑐴𑑂𑐩𑐵𑐏𑑂𑐫𑐵𑑄 𑐥𑐵𑐰𑐣𑐷𑑄 𑐥𑐬𑐵𑐩𑑂 ।
- 𑐰𑐺𑐠𑐿𑐰 𑐟𑐾 𑐟𑐸 𑐖𑐷𑐰𑐣𑑂𑐟𑐶 𑐥𑐱𑐸𑐨𑐶𑐱𑑂𑐔 𑐳𑐩𑐵 𑐣𑐬𑐵𑑅 ॥ 𑑔𑑓 ॥
- 𑐫𑐾 𑐟𑐸 𑐰𑐺𑐟𑑂𑐟𑐶𑑄 𑐰𑐶𑐖𑐵𑐣𑐣𑑂𑐟𑐶 𑐖𑑂𑐘𑐵𑐟𑑂𑐰𑐵 𑐰𑐿 𑐰𑐬𑑂𑐢𑐫𑐣𑑂𑐟𑐶 𑐫𑐾 ।
- 𑐟𑐾 𑐰𑐿 𑐳𑐟𑑂𑐥𑐸𑐬𑐸𑐲𑐵 𑐢𑐣𑑂𑐫𑐵 𑐰𑐣𑑂𑐡𑑂𑐫𑐵𑐳𑑂𑐟𑐾 𑐨𑐸𑐰𑐣𑐟𑑂𑐬𑐫𑐾 ॥ 𑑔𑑔 ॥
- 𑐫𑐾𑐲𑐵𑑄 𑐰𑐺𑐟𑑂𑐟𑐶𑑅 𑐳𑐩𑐵 𑐰𑐺𑐡𑑂𑐢𑐵 𑐥𑐬𑐶𑐥𑐎𑑂𑐰𑐵 𑐔 𑐳𑐵 𑐥𑐸𑐣𑑅 ।
- 𑐟𑐾 𑐰𑐿 𑐳𑐡𑑂𑐧𑑂𑐬𑐴𑑂𑐩𑐟𑐵𑑄 𑐥𑑂𑐬𑐵𑐥𑑂𑐟𑐵 𑐣𑐾𑐟𑐬𑐾 𑐱𑐧𑑂𑐡𑐰𑐵𑐡𑐶𑐣𑑅 ॥ 𑑔𑑕 ॥
- 𑐎𑐸𑐱𑐮𑐵 𑐧𑑂𑐬𑐴𑑂𑐩𑐰𑐵𑐬𑑂𑐟𑐵𑐫𑐵𑑄 𑐰𑐺𑐟𑑂𑐟𑐶𑐴𑐷𑐣𑐵𑑅 𑐳𑐸𑐬𑐵𑐐𑐶𑐞𑑅 ।
- 𑐟𑐾ऽ𑐥𑑂𑐫𑐖𑑂𑐘𑐵𑐣𑐟𑐫𑐵 𑐣𑐹𑐣𑑄 𑐥𑐸𑐣𑐬𑐵𑐫𑐵𑐣𑑂𑐟𑐶 𑐫𑐵𑐣𑑂𑐟𑐶 𑐔 ॥ 𑑔𑑖 ॥
- 𑐣𑐶𑐩𑐶𑐲𑐵𑐬𑑂𑐢𑑄 𑐣 𑐟𑐶𑐲𑑂𑐛𑐣𑑂𑐟𑐶 𑐰𑐺𑐟𑑂𑐟𑐶𑑄 𑐧𑑂𑐬𑐴𑑂𑐩𑐩𑐫𑐷𑑄 𑐰𑐶𑐣𑐵 ।
- 𑐫𑐠𑐵 𑐟𑐶𑐲𑑂𑐛𑐣𑑂𑐟𑐶 𑐧𑑂𑐬𑐴𑑂𑐩𑐵𑐡𑑂𑐫𑐵𑑅 𑐳𑐣𑐎𑐵𑐡𑑂𑐫𑐵𑑅 𑐱𑐸𑐎𑐵𑐡𑐫𑑅 ॥ 𑑔𑑗 ॥
- 𑐎𑐵𑐬𑐞𑑄 𑐫𑐳𑑂𑐫 𑐰𑐿 𑐎𑐵𑐬𑑂𑐫𑑄 𑐎𑐵𑐬𑐞𑑄 𑐟𑐳𑑂𑐫 𑐖𑐵𑐫𑐟𑐾 ।
- 𑐎𑐵𑐬𑐞𑑄 𑐟𑐟𑑂𑐟𑑂𑐰𑐟𑑀 𑐣𑐱𑑂𑐫𑐾𑐟𑑂𑐎𑐵𑐬𑑂𑐫𑐵𑐨𑐵𑐰𑐾 𑐰𑐶𑐔𑐵𑐬𑐟𑑅 ॥ 𑑔𑑘 ॥
- 𑐀𑐠 𑐱𑐸𑐡𑑂𑐢𑑄 𑐨𑐰𑐾𑐡𑑂𑐰𑐳𑑂𑐟𑐸 𑐫𑐡𑑂𑐰𑐿 𑐰𑐵𑐔𑐵𑐩𑐐𑑀𑐔𑐬𑐩𑑂 ।
- 𑐄𑐡𑐾𑐟𑐶 𑐱𑐸𑐡𑑂𑐢𑐔𑐶𑐟𑑂𑐟𑐵𑐣𑐵𑑄 𑐰𑐺𑐟𑑂𑐟𑐶𑐖𑑂𑐘𑐵𑐣𑑄 𑐟𑐟𑑅 𑐥𑐬𑐩𑑂 ॥ 𑑔𑑙 ॥
- 𑐨𑐵𑐰𑐶𑐟𑑄 𑐟𑐷𑐰𑑂𑐬𑐰𑐾𑐐𑐾𑐣 𑐫𑐡𑑂𑐰𑐳𑑂𑐟𑐸 𑐣𑐶𑐱𑑂𑐔𑐫𑐵𑐟𑑂𑐩𑐎𑐩𑑂 ।
- 𑐡𑐺𑐱𑑂𑐫𑑄 𑐴𑑂𑐫𑐡𑐺𑐱𑑂𑐫𑐟𑐵𑑄 𑐣𑐷𑐟𑑂𑐰𑐵 𑐧𑑂𑐬𑐴𑑂𑐩𑐵𑐎𑐵𑐬𑐾𑐞 𑐔𑐶𑐣𑑂𑐟𑐫𑐾𑐟𑑂 ॥ 𑑕𑑐 ॥
- 𑐰𑐶𑐡𑑂𑐰𑐵𑐣𑑂𑐣𑐶𑐟𑑂𑐫𑑄 𑐳𑐸𑐏𑐾 𑐟𑐶𑐲𑑂𑐛𑐾𑐡𑑂𑐢𑐶𑐫𑐵 𑐔𑐶𑐡𑑂𑐬𑐳𑐥𑐹𑐬𑑂𑐞𑐫𑐵 ॥
॥ 𑐡𑑂𑐰𑐶𑐟𑐷𑐫ॊऽ𑐢𑑂𑐫𑐵𑐫𑑅 ॥
[सम्पादन]- 𑐀𑐠 𑐴 𑐎𑐸𑐩𑐵𑐬𑑅 𑐱𑐶𑐰𑑄 𑐥𑐥𑑂𑐬𑐔𑑂𑐕𑐵ऽ𑐏𑐞𑑂𑐜𑐿𑐎𑐬𑐳𑐔𑐶𑐣𑑂𑐩𑐵𑐟𑑂𑐬𑐳𑑂𑐰𑐬𑐹𑐥𑐩𑐣𑐸𑐧𑑂𑐬𑐹𑐴𑐷𑐟𑐶 । 𑐳 𑐴𑑀𑐰𑐵𑐔 𑐥𑐬𑐩𑑅 𑐱𑐶𑐰𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐡𑐺𑐱𑑂𑐫𑐩𑐏𑐞𑑂𑐜𑐿𑐎𑐬𑐳𑑄 𑐖𑐐𑐟𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐨𑐵𑐰𑐩𑐏𑐞𑑂𑐜𑐿𑐎𑐬𑐳𑑄 𑐳𑑂𑐰𑐫𑐩𑑂 ॥ 𑑑 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐩𑐣𑑂𑐟𑑂𑐬 𑐀𑐏𑐞𑑂𑐜𑐿𑐎𑐬𑐳𑐵 𑐎𑑂𑐬𑐶𑐫𑐵 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐖𑑂𑐘𑐵𑐣𑐩𑐏𑐞𑑂𑐜𑐿𑐎𑐬𑐳𑑄 𑐖𑐮𑐩𑑂 ॥ 𑑒 ॥
- 𑐀𑐏𑐞𑑂𑐜𑐿𑐎𑐬𑐳𑐵 𑐨𑐹𑐩𑐶𑐬𑐏𑐞𑑂𑐜𑐿𑐎𑐬𑐳𑑄 𑐰𑐶𑐫𑐟𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐱𑐵𑐳𑑂𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑐵 𑐟𑑂𑐬𑐫𑐷 ॥ 𑑓 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐧𑑂𑐬𑐴𑑂𑐩 𑐔𑐵𑐏𑐞𑑂𑐜𑐿𑐎𑐬𑐳𑑄 𑐰𑑂𑐬𑐟𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑀 𑐖𑐷𑐰 𑐀𑐏𑐞𑑂𑐜𑐿𑐎𑐬𑐳𑑀 𑐴𑑂𑐫𑐖𑑅 ॥ 𑑔 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐧𑑂𑐬𑐴𑑂𑐩𑐵 𑐀𑐏𑐞𑑂𑐜𑐿𑐎𑐬𑐳𑑀 𑐴𑐬𑐶𑑅 ।
- 𑐀𑐏𑐞𑑂𑐜𑐿𑐎𑐬𑐳𑑀 𑐬𑐸𑐡𑑂𑐬 𑐀𑐏𑐞𑑂𑐜𑐿𑐎𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ॥ 𑑕 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐴𑑂𑐫𑐵𑐟𑑂𑐩𑐵 𑐴𑑂𑐫𑐏𑐞𑑂𑐜𑐿𑐎𑐬𑐳𑑀 𑐐𑐸𑐬𑐸𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐮𑐎𑑂𑐲𑑂𑐫𑐩𑐏𑐞𑑂𑐜𑐿𑐎𑐬𑐳𑑄 𑐩𑐴𑑅 ॥ 𑑖 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐡𑐾𑐴 𑐀𑐏𑐞𑑂𑐜𑐿𑐎𑐬𑐳𑑄 𑐩𑐣𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐔𑐶𑐟𑑂𑐟𑐩𑐏𑐞𑑂𑐜𑐿𑐎𑐬𑐳𑑄 𑐳𑐸𑐏𑐩𑑂 ॥ 𑑗 ॥
- 𑐀𑐏𑐞𑑂𑐜𑐿𑐎𑐬𑐳𑐵 𑐰𑐶𑐡𑑂𑐫𑐵 𑐀𑐏𑐞𑑂𑐜𑐿𑐎𑐬𑐳𑑀ऽ𑐰𑑂𑐫𑐫𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐣𑐶𑐟𑑂𑐫𑐩𑐏𑐞𑑂𑐜𑐿𑐎𑐬𑐳𑑄 𑐥𑐬𑐩𑑂 ॥ 𑑘 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐎𑐶𑐘𑑂𑐔𑐶𑐡𑐏𑐞𑑂𑐜𑐿𑐎𑐬𑐳𑑄 𑐥𑐬𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑐵𑐡𑐣𑑂𑐫𑐣𑑂𑐣𑐵𑐳𑑂𑐟𑐶 𑐣𑐵𑐳𑑂𑐟𑐶 𑐲𑐜𑐵𑐣𑐣 ॥ 𑑙 ॥
- 𑐀𑐏𑐞𑑂𑐜𑐿𑐎𑐬𑐳𑐵𑐣𑑂𑐣𑐵𑐳𑑂𑐟𑐶 𑐀𑐏𑐞𑑂𑐜𑐿𑐎𑐬𑐳𑐵𑐣𑑂𑐣 𑐴𑐶 ।
- 𑐀𑐏𑐞𑑂𑐜𑐿𑐎𑐬𑐳𑐵𑐟𑑂𑐎𑐶𑐘𑑂𑐔𑐶𑐡𑐏𑐞𑑂𑐜𑐿𑐎𑐬𑐳𑐵𑐡𑐴𑐩𑑂 ॥ 𑑑𑑐 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐳𑑂𑐠𑐹𑐮𑑄 𑐳𑐹𑐎𑑂𑐲𑑂𑐩𑑄 𑐔𑐵𑐏𑐞𑑂𑐜𑐬𑐹𑐥𑐎𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐰𑐾𑐡𑑂𑐫𑐩𑐏𑐞𑑂𑐜𑐿𑐎𑐬𑐳𑑀 𑐨𑐰𑐵𑐣𑑂 ॥ 𑑑𑑑 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐐𑐸𑐴𑑂𑐫𑐩𑐏𑐞𑑂𑐜𑐿𑐎𑐬𑐳𑐵𑐡𑐶𑐎𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑀 𑐖𑑂𑐘𑐵𑐟𑐵 𑐴𑑂𑐫𑐏𑐞𑑂𑐜𑐿𑐎𑐬𑐳𑐵 𑐳𑑂𑐠𑐶𑐟𑐶𑑅 ॥ 𑑑𑑒 ॥
- 𑐀𑐏𑐞𑑂𑐜𑐿𑐎𑐬𑐳𑐵 𑐩𑐵𑐟𑐵 𑐀𑐏𑐞𑑂𑐜𑐿𑐎𑐬𑐬𑐳𑑅 𑐥𑐶𑐟𑐵 ।
- 𑐀𑐏𑐞𑑂𑐜𑐿𑐎𑐬𑐳𑑀 𑐨𑑂𑐬𑐵𑐟𑐵 𑐀𑐏𑐞𑑂𑐜𑐿𑐎𑐬𑐳𑑅 𑐥𑐟𑐶𑑅 ॥ 𑑑𑑓 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐳𑐹𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑀 𑐰𑐶𑐬𑐵𑐚𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐐𑐵𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑄 𑐱𑐶𑐬𑑅 ॥ 𑑑𑑔 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐔𑐵𑐣𑑂𑐟𑐬𑐏𑐞𑑂𑐜𑐿𑐎𑐬𑐳𑑄 𑐧𑐴𑐶𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐥𑐹𑐬𑑂𑐞𑐩𑐏𑐞𑑂𑐜𑐿𑐎𑐬𑐳𑐵𑐩𑐺𑐟𑐩𑑂 ॥ 𑑑𑑕 ॥
- 𑐀𑐏𑐿𑐞𑑂𑐜𑐿𑐎𑐬𑐳𑑄 𑐐𑑀𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑄 𑐐𑐺𑐴𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐐𑑀𑐥𑑂𑐫𑐩𑐏𑐞𑑂𑐜𑐿𑐎𑐬𑐳𑐱𑐱𑐱𑐷 ॥ 𑑑𑑖 ॥
- 𑐀𑐏𑐞𑑂𑐜𑐿𑐎𑐬𑐳𑐵𑐳𑑂𑐟𑐵𑐬𑐵 𑐀𑐏𑐞𑑂𑐜𑐿𑐎𑐬𑐳𑑀 𑐬𑐰𑐶𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐎𑑂𑐲𑐾𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑐵 𑐎𑑂𑐲𑐩𑐵 ॥ 𑑑𑑗 ॥
- 𑐀𑐏𑐞𑑂𑐜𑐿𑐎𑐬𑐳 𑐱𑐵𑐣𑑂𑐟 𑐀𑐏𑐞𑑂𑐜𑐿𑐎𑐬𑐳𑑀ऽ𑐐𑐸𑐞𑑅 ।
- 𑐀𑐏𑐞𑑂𑐜𑐿𑐎𑐬𑐳𑑅 𑐳𑐵𑐎𑑂𑐲𑐷 𑐀𑐏𑐞𑑂𑐜𑐿𑐎𑐬𑐳𑑅 𑐳𑐸𑐴𑐺𑐟𑑂 ॥ 𑑑𑑘 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐧𑐣𑑂𑐢𑐸𑐬𑐏𑐞𑑂𑐜𑐿𑐎𑐬𑐳𑑅 𑐳𑐏𑐵 ।
- 𑐀𑐏𑐞𑑂𑐜𑐿𑐎𑐬𑐳𑑀 𑐬𑐵𑐖𑐵 𑐀𑐏𑐞𑑂𑐜𑐿𑐎𑐬𑐳𑑄 𑐥𑐸𑐬𑐩𑑂 ॥ 𑑑𑑙 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐬𑐵𑐖𑑂𑐫𑐩𑐏𑐞𑑂𑐜𑐿𑐎𑐬𑐳𑐵𑑅 𑐥𑑂𑐬𑐖𑐵𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐟𑐵𑐬𑐩𑐏𑐞𑑂𑐜𑐿𑐎𑐬𑐳𑑀 𑐖𑐥𑑅 ॥ 𑑒𑑐 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐢𑑂𑐫𑐵𑐣𑐩𑐏𑐞𑑂𑐜𑐿𑐎𑐬𑐳𑑄 𑐥𑐡𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐐𑑂𑐬𑐵𑐴𑑂𑐫𑐩𑐏𑐞𑑂𑐜𑐿𑐎𑐬𑐳𑑄 𑐩𑐴𑐟𑑂 ॥ 𑑒𑑑 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐖𑑂𑐫𑑀𑐟𑐶𑐬𑐏𑐞𑑂𑐜𑐿𑐎𑐬𑐳𑑄 𑐢𑐣𑐩𑑂 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐨𑑀𑐖𑑂𑐫𑐩𑐏𑐞𑑂𑐜𑐿𑐎𑐬𑐳𑑄 𑐴𑐰𑐶𑑅 ॥ 𑑒𑑒 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐴𑑀𑐩 𑐀𑐏𑐞𑑂𑐜𑐿𑐎𑐬𑐳𑑀 𑐖𑐥𑑅 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐳𑑂𑐰𑐬𑑂𑐐𑐩𑐏𑐞𑑂𑐜𑐿𑐎𑐬𑐳𑑅 𑐳𑑂𑐰𑐫𑐩𑑂 ॥ 𑑒𑑓 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐶𑐟𑐶 𑐨𑐵𑐰𑐫𑐾𑐟𑑂 ।
- 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐔𑐶𑐣𑑂𑐩𑐵𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑄 𑐥𑐬𑐩𑑂 ॥ 𑑒𑑔 ॥
- 𑐨𑐰𑐰𑐬𑑂𑐖𑐶𑐟𑐔𑐶𑐣𑑂𑐩𑐵𑐟𑑂𑐬𑑄 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐂𑐡𑑄 𑐔 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐫𑑄 𑐔𑐶𑐣𑑂𑐩𑐫𑐩𑐾𑐰 𑐴𑐶 ॥ 𑑒𑑕 ॥
- 𑐁𑐟𑑂𑐩𑐨𑐵𑐰𑑄 𑐔 𑐔𑐶𑐣𑑂𑐩𑐵𑐟𑑂𑐬𑐩𑐏𑐞𑑂𑐜𑐿𑐎𑐬𑐳𑑄 𑐰𑐶𑐡𑐸𑑅 ।
- 𑐳𑐬𑑂𑐰𑐮𑑀𑐎𑑄 𑐔 𑐔𑐶𑐣𑑂𑐩𑐵𑐟𑑂𑐬𑑄 𑐰𑐟𑑂𑐟𑐵 𑐩𑐟𑑂𑐟𑐵 𑐔 𑐔𑐶𑐣𑑂𑐩𑐫𑐩𑑂 ॥ 𑑒𑑖 ॥
- 𑐁𑐎𑐵𑐱𑑀 𑐨𑐹𑐬𑑂𑐖𑐮𑑄 𑐰𑐵𑐫𑐸𑐬𑐐𑑂𑐣𑐶𑐬𑑂𑐧𑑂𑐬𑐴𑑂𑐩𑐵 𑐴𑐬𑐶𑑅 𑐱𑐶𑐰𑑅 ।
- 𑐫𑐟𑑂𑐎𑐶𑐘𑑂𑐔𑐶𑐡𑑂𑐫𑐣𑑂𑐣 𑐎𑐶𑐘𑑂𑐔𑐶𑐔𑑂𑐔 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ॥ 𑑒𑑗 ॥
- 𑐀𑐏𑐞𑑂𑐜𑐿𑐎𑐬𑐳𑑄 𑐳𑐬𑑂𑐰𑑄 𑐫𑐡𑑂𑐫𑐔𑑂𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐨𑐹𑐟𑑄 𑐨𑐰𑑂𑐫𑑄 𑐨𑐰𑐶𑐲𑑂𑐫𑐘𑑂𑐔 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ॥ 𑑒𑑘 ॥
- 𑐡𑑂𑐬𑐰𑑂𑐫𑑄 𑐎𑐵𑐮𑑄 𑐔 𑐔𑐶𑐣𑑂𑐩𑐵𑐟𑑂𑐬𑑄 𑐖𑑂𑐘𑐵𑐣𑑄 𑐖𑑂𑐘𑐾𑐫𑑄 𑐔𑐶𑐡𑐾𑐰 𑐴𑐶 ।
- 𑐖𑑂𑐘𑐵𑐟𑐵 𑐔𑐶𑐣𑑂𑐩𑐵𑐟𑑂𑐬𑐬𑐹𑐥𑐱𑑂𑐔 𑐳𑐬𑑂𑐰𑑄 𑐔𑐶𑐣𑑂𑐩𑐫𑐩𑐾𑐰 𑐴𑐶 ॥ 𑑒𑑙 ॥
- 𑐳𑑄𑐨𑐵𑐲𑐞𑑄 𑐔 𑐔𑐶𑐣𑑂𑐩𑐵𑐟𑑂𑐬𑑄 𑐫𑐡𑑂𑐫𑐔𑑂𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐀𑐳𑐔𑑂𑐔 𑐳𑐔𑑂𑐔 𑐔𑐶𑐣𑑂𑐩𑐵𑐟𑑂𑐬𑐩𑐵𑐡𑑂𑐫𑐣𑑂𑐟𑑄 𑐔𑐶𑐣𑑂𑐩𑐫𑑄 𑐳𑐡𑐵 ॥ 𑑓𑑐 ॥
- 𑐁𑐡𑐶𑐬𑐣𑑂𑐟𑐱𑑂𑐔 𑐔𑐶𑐣𑑂𑐩𑐵𑐟𑑂𑐬𑑄 𑐐𑐸𑐬𑐸𑐱𑐶𑐲𑑂𑐫𑐵𑐡𑐶 𑐔𑐶𑐣𑑂𑐩𑐫𑐩𑑂 ।
- 𑐡𑐺𑐐𑑂𑐡𑐺𑐱𑑂𑐫𑑄 𑐫𑐡𑐶 𑐔𑐶𑐣𑑂𑐩𑐵𑐟𑑂𑐬𑐩𑐳𑑂𑐟𑐶 𑐔𑐾𑐔𑑂𑐔𑐶𑐣𑑂𑐩𑐫𑑄 𑐳𑐡𑐵 ॥ 𑑓𑑑 ॥
- 𑐳𑐬𑑂𑐰𑐵𑐱𑑂𑐔𑐬𑑂𑐫𑑄 𑐴𑐶 𑐔𑐶𑐣𑑂𑐩𑐵𑐟𑑂𑐬𑑄 𑐡𑐾𑐴𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐮𑐶𑐒𑑂𑐐𑑄 𑐔 𑐎𑐵𑐬𑐞𑑄 𑐔𑐿𑐰 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣 𑐴𑐶 𑐰𑐶𑐡𑑂𑐫𑐟𑐾 ॥ 𑑓𑑒 ॥
- 𑐀𑐴𑑄 𑐟𑑂𑐰𑑄 𑐔𑐿𑐰 𑐔𑐶𑐣𑑂𑐩𑐵𑐟𑑂𑐬𑑄 𑐩𑐹𑐬𑑂𑐟𑐵𑐩𑐹𑐬𑑂𑐟𑐵𑐡𑐶𑐔𑐶𑐣𑑂𑐩𑐫𑐩𑑂 ।
- 𑐥𑐸𑐞𑑂𑐫𑑄 𑐥𑐵𑐥𑑄 𑐔 𑐔𑐶𑐣𑑂𑐩𑐵𑐟𑑂𑐬𑑄 𑐖𑐷𑐰𑐱𑑂𑐔𑐶𑐣𑑂𑐩𑐵𑐟𑑂𑐬𑐰𑐶𑐐𑑂𑐬𑐴𑑅 ॥ 𑑓𑑓 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐳𑐒𑑂𑐎𑐮𑑂𑐥𑐱𑑂𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐰𑐾𑐡𑐣𑐩𑑂 ।
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐩𑐣𑑂𑐟𑑂𑐬𑐵𑐡𑐶 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐡𑐾𑐰𑐟𑐵 ॥ 𑑓𑑔 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐡𑐶𑐎𑑂𑐥𑐵𑐮𑐵𑐱𑑂𑐔𑐶𑐣𑑂𑐩𑐵𑐟𑑂𑐬𑐵𑐡𑑂𑐰𑑂𑐫𑐵𑐰𑐴𑐵𑐬𑐶𑐎𑐩𑑂 ।
- 𑐔𑐶𑐣𑑂𑐩𑐵𑐟𑑂𑐬𑐵𑐟𑑂𑐥𑐬𑐩𑑄 𑐧𑑂𑐬𑐴𑑂𑐩 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐎𑑀ऽ𑐥𑐶 𑐴𑐶 ॥ 𑑓𑑕 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐩𑐵𑐫𑐵 𑐔 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐥𑐹𑐖𑐣𑐩𑑂 ।
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐩𑐣𑑂𑐟𑐰𑑂𑐫𑑄 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐳𑐟𑑂𑐫𑐎𑐩𑑂 ॥ 𑑓𑑖 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐎𑑀𑐱𑐵𑐡𑐶 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐰𑐿 𑐰𑐳𑐸 ।
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐩𑑁𑐣𑑄 𑐔 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐳𑑂𑐟𑑂𑐫𑐩𑑁𑐣𑐎𑐩𑑂 ॥ 𑑓𑑗 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐰𑐿𑐬𑐵𑐐𑑂𑐫𑑄 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐫𑐔𑑂𑐔 𑐫𑐵𑐰𑐔𑑂𑐔 𑐔𑐶𑐣𑑂𑐩𑐵𑐟𑑂𑐬𑑄 𑐫𑐔𑑂𑐔 𑐫𑐵𑐰𑐔𑑂𑐔 𑐡𑐺𑐱𑑂𑐫𑐟𑐾 ॥ 𑑓𑑘 ॥
- 𑐫𑐔𑑂𑐔 𑐫𑐵𑐰𑐔𑑂𑐔 𑐡𑐹𑐬𑐳𑑂𑐠𑑄 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐫𑐔𑑂𑐔 𑐫𑐵𑐰𑐔𑑂𑐔 𑐨𑐹𑐟𑐵𑐡𑐶 𑐫𑐔𑑂𑐔 𑐫𑐵𑐰𑐔𑑂𑐔 𑐮𑐎𑑂𑐲𑑂𑐫𑐟𑐾 ॥ 𑑓𑑙 ॥
- 𑐫𑐔𑑂𑐔 𑐫𑐵𑐰𑐔𑑂𑐔 𑐰𑐾𑐡𑐵𑐣𑑂𑐟𑐵𑑅 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐐𑐩𑐣𑑄 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐩𑑀𑐎𑑂𑐲𑐎𑐩𑑂 ॥ 𑑔𑑐 ॥
- 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣𑐵𑐳𑑂𑐟𑐶 𑐮𑐎𑑂𑐲𑑂𑐫𑑄 𑐔 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐾𑐰 𑐴𑐶 ।
- 𑐀𑐏𑐞𑑂𑐜𑐿𑐎𑐬𑐳𑑄 𑐧𑑂𑐬𑐴𑑂𑐩 𑐔𑐶𑐣𑑂𑐩𑐵𑐟𑑂𑐬𑐵𑐣𑑂𑐣 𑐴𑐶 𑐰𑐶𑐡𑑂𑐫𑐟𑐾 ॥ 𑑔𑑑 ॥
- 𑐱𑐵𑐳𑑂𑐟𑑂𑐬𑐾 𑐩𑐫𑐶 𑐟𑑂𑐰𑐫𑐷𑐱𑐾 𑐔 𑐴𑑂𑐫𑐏𑐞𑑂𑐜𑐿𑐎𑐬𑐳𑑀 𑐨𑐰𑐵𑐣𑑂 ।
- 𑐂𑐟𑑂𑐫𑐾𑐎𑐬𑐹𑐥𑐟𑐫𑐵 𑐫𑑀 𑐰𑐵 𑐖𑐵𑐣𑐵𑐟𑑂𑐫𑐴𑑄 𑐟𑑂𑐰𑐶𑐟𑐶 ॥ 𑑔𑑒 ॥
- 𑐳𑐎𑐺𑐖𑑂𑐖𑑂𑐘𑐵𑐣𑐾𑐣 𑐩𑐸𑐎𑑂𑐟𑐶𑑅 𑐳𑑂𑐫𑐵𑐟𑑂𑐳𑐩𑑂𑐫𑐐𑑂𑐖𑑂𑐘𑐵𑐣𑐾 𑐳𑑂𑐰𑐫𑑄 𑐐𑐸𑐬𑐸𑑅 ॥ 𑑔𑑓 ॥
॥ 𑐟𑐺𑐟𑐷𑐫𑑀ऽ𑐢𑑂𑐫𑐵𑐫𑑅 ॥
[सम्पादन]- 𑐎𑐸𑐩𑐵𑐬𑑅 𑐥𑐶𑐟𑐬𑐩𑐵𑐟𑑂𑐩𑐵𑐣𑐸𑐨𑐰𑐩𑐣𑐸𑐧𑑂𑐬𑐹𑐴𑐷𑐟𑐶 𑐥𑐥𑑂𑐬𑐔𑑂𑐕 । 𑐳 𑐴𑑀𑐰𑐵𑐔 𑐥𑐬𑑅 𑐱𑐶𑐰𑑅 ।
- 𑐥𑐬𑐧𑑂𑐬𑐴𑑂𑐩𑐳𑑂𑐰𑐬𑐹𑐥𑑀ऽ𑐴𑑄 𑐥𑐬𑐩𑐵𑐣𑐣𑑂𑐡𑐩𑐳𑑂𑐩𑑂𑐫𑐴𑐩𑑂 ।
- 𑐎𑐾𑐰𑐮𑑄 𑐖𑑂𑐘𑐵𑐣𑐬𑐹𑐥𑑀ऽ𑐴𑑄 𑐎𑐾𑐰𑐮𑑄 𑐥𑐬𑐩𑑀ऽ𑐳𑑂𑐩𑑂𑐫𑐴𑐩𑑂 ॥ 𑑑 ॥
- 𑐎𑐾𑐰𑐮𑑄 𑐱𑐵𑐣𑑂𑐟𑐬𑐹𑐥𑑀ऽ𑐴𑑄 𑐎𑐾𑐰𑐮𑑄 𑐔𑐶𑐣𑑂𑐩𑐫𑑀ऽ𑐳𑑂𑐩𑑂𑐫𑐴𑐩𑑂 ।
- 𑐎𑐾𑐰𑐮𑑄 𑐣𑐶𑐟𑑂𑐫𑐬𑐹𑐥𑑀ऽ𑐴𑑄 𑐎𑐾𑐰𑐮𑑄 𑐱𑐵𑐱𑑂𑐰𑐟𑑀ऽ𑐳𑑂𑐩𑑂𑐫𑐴𑐩𑑂 ॥ 𑑒 ॥
- 𑐎𑐾𑐰𑐮𑑄 𑐳𑐟𑑂𑐟𑑂𑐰𑐬𑐹𑐥𑑀ऽ𑐴𑐩𑐴𑑄 𑐟𑑂𑐫𑐎𑑂𑐟𑑂𑐰𑐵𑐴𑐩𑐳𑑂𑐩𑑂𑐫𑐴𑐩𑑂 ।
- 𑐳𑐬𑑂𑐰𑐴𑐷𑐣𑐳𑑂𑐰𑐬𑐹𑐥𑑀ऽ𑐴𑑄 𑐔𑐶𑐡𑐵𑐎𑐵𑐱𑐩𑐫𑑀ऽ𑐳𑑂𑐩𑑂𑐫𑐴𑐩𑑂 ॥ 𑑓 ॥
- 𑐎𑐾𑐰𑐮𑑄 𑐟𑐸𑐬𑑂𑐫𑐬𑐹𑐥𑑀ऽ𑐳𑑂𑐩𑐶 𑐟𑐸𑐬𑑂𑐫𑐵𑐟𑐷𑐟𑑀ऽ𑐳𑑂𑐩𑐶 𑐎𑐾𑐰𑐮𑑅 ।
- 𑐳𑐡𑐵 𑐔𑐿𑐟𑐣𑑂𑐫𑐬𑐹𑐥𑑀ऽ𑐳𑑂𑐩𑐶 𑐔𑐶𑐡𑐵𑐣𑐣𑑂𑐡𑐩𑐫𑑀ऽ𑐳𑑂𑐩𑑂𑐫𑐴𑐩𑑂 ॥ 𑑔 ॥
- 𑐎𑐾𑐰𑐮𑐵𑐎𑐵𑐬𑐬𑐹𑐥𑑀ऽ𑐳𑑂𑐩𑐶 𑐱𑐸𑐡𑑂𑐢𑐬𑐹𑐥𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ।
- 𑐎𑐾𑐰𑐮𑑄 𑐖𑑂𑐘𑐵𑐣𑐬𑐹𑐥𑑀ऽ𑐳𑑂𑐩𑐶 𑐎𑐾𑐰𑐮𑑄 𑐥𑑂𑐬𑐶𑐫𑐩𑐳𑑂𑐩𑑂𑐫𑐴𑐩𑑂 ॥ 𑑕 ॥
- 𑐣𑐶𑐬𑑂𑐰𑐶𑐎𑐮𑑂𑐥𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐣𑐶𑐬𑐷𑐴𑑀ऽ𑐳𑑂𑐩𑐶 𑐣𑐶𑐬𑐵𑐩𑐫𑑅 ।
- 𑐳𑐡𑐵ऽ𑐳𑐒𑑂𑐐𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐣𑐶𑐬𑑂𑐰𑐶𑐎𑐵𑐬𑑀ऽ𑐴𑐩𑐰𑑂𑐫𑐫𑑅 ॥ 𑑖 ॥
- 𑐳𑐡𑐿𑐎𑐬𑐳𑐬𑐹𑐥𑑀ऽ𑐳𑑂𑐩𑐶 𑐳𑐡𑐵 𑐔𑐶𑐣𑑂𑐩𑐵𑐟𑑂𑐬𑐰𑐶𑐐𑑂𑐬𑐴𑑅 ।
- 𑐀𑐥𑐬𑐶𑐔𑑂𑐕𑐶𑐣𑑂𑐣𑐬𑐹𑐥𑑀ऽ𑐳𑑂𑐩𑐶 𑐴𑑂𑐫𑐏𑐞𑑂𑐜𑐵𑐣𑐣𑑂𑐡𑐬𑐹𑐥𑐰𑐵𑐣𑑂 ॥ 𑑗 ॥
- 𑐳𑐟𑑂𑐥𑐬𑐵𑐣𑐣𑑂𑐡𑐬𑐹𑐥𑑀ऽ𑐳𑑂𑐩𑐶 𑐔𑐶𑐟𑑂𑐥𑐬𑐵𑐣𑐣𑑂𑐡𑐩𑐳𑑂𑐩𑑂𑐫𑐴𑐩𑑂 ।
- 𑐀𑐣𑑂𑐟𑐬𑐵𑐣𑑂𑐟𑐬𑐬𑐹𑐥𑑀ऽ𑐴𑐩𑐰𑐵𑐒𑑂𑐩𑐣𑐳𑐐𑑀𑐔𑐬𑑅 ॥ 𑑘 ॥
- 𑐁𑐟𑑂𑐩𑐵𑐣𑐣𑑂𑐡𑐳𑑂𑐰𑐬𑐹𑐥𑑀ऽ𑐴𑑄 𑐳𑐟𑑂𑐫𑐵𑐣𑐣𑑂𑐡𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ।
- 𑐁𑐟𑑂𑐩𑐵𑐬𑐵𑐩𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐴𑑂𑐫𑐫𑐩𑐵𑐟𑑂𑐩𑐵 𑐳𑐡𑐵𑐱𑐶𑐰𑑅 ॥ 𑑙 ॥
- 𑐁𑐟𑑂𑐩𑐥𑑂𑐬𑐎𑐵𑐱𑐬𑐹𑐥𑑀ऽ𑐳𑑂𑐩𑐶 𑐴𑑂𑐫𑐵𑐟𑑂𑐩𑐖𑑂𑐫𑑀𑐟𑐶𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ।
- 𑐁𑐡𑐶𑐩𑐢𑑂𑐫𑐵𑐣𑑂𑐟𑐴𑐷𑐣𑑀ऽ𑐳𑑂𑐩𑐶 𑐴𑑂𑐫𑐵𑐎𑐵𑐱𑐳𑐡𑐺𑐱𑑀ऽ𑐳𑑂𑐩𑑂𑐫𑐴𑐩𑑂 ॥ 𑑑𑑐 ॥
- 𑐣𑐶𑐟𑑂𑐫𑐱𑐸𑐡𑑂𑐢𑐔𑐶𑐡𑐵𑐣𑐣𑑂𑐡𑐳𑐟𑑂𑐟𑐵𑐩𑐵𑐟𑑂𑐬𑑀ऽ𑐴𑐩𑐰𑑂𑐫𑐫𑑅 ।
- 𑐣𑐶𑐟𑑂𑐫𑐧𑐸𑐡𑑂𑐢𑐰𑐶𑐱𑐸𑐡𑑂𑐢𑐿𑐎𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐳𑑂𑐩𑑂𑐫𑐴𑐩𑑂 ॥ 𑑑𑑑 ॥
- 𑐣𑐶𑐟𑑂𑐫𑐱𑐾𑐲𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐳𑐬𑑂𑐰𑐵𑐟𑐷𑐟𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ।
- 𑐬𑐹𑐥𑐵𑐟𑐷𑐟𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐥𑐬𑐩𑐵𑐎𑐵𑐱𑐰𑐶𑐐𑑂𑐬𑐴𑑅 ॥ 𑑑𑑒 ॥
- 𑐨𑐹𑐩𑐵𑐣𑐣𑑂𑐡𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐨𑐵𑐲𑐵𑐴𑐷𑐣𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ।
- 𑐳𑐬𑑂𑐰𑐵𑐢𑐶𑐲𑑂𑐛𑐵𑐣𑐬𑐹𑐥𑑀ऽ𑐳𑑂𑐩𑐶 𑐳𑐬𑑂𑐰𑐡𑐵 𑐔𑐶𑐡𑑂𑐑𑐣𑑀ऽ𑐳𑑂𑐩𑑂𑐫𑐴𑐩𑑂 ॥ 𑑑𑑓 ॥
- 𑐡𑐾𑐴𑐨𑐵𑐰𑐰𑐶𑐴𑐷𑐣𑑀ऽ𑐳𑑂𑐩𑐶 𑐔𑐶𑐣𑑂𑐟𑐵𑐴𑐷𑐣𑑀ऽ𑐳𑑂𑐩𑐶 𑐳𑐬𑑂𑐰𑐡𑐵 ।
- 𑐔𑐶𑐟𑑂𑐟𑐰𑐺𑐟𑑂𑐟𑐶𑐰𑐶𑐴𑐷𑐣𑑀ऽ𑐴𑑄 𑐔𑐶𑐡𑐵𑐟𑑂𑐩𑐿𑐎𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ॥ 𑑑𑑔 ॥
- 𑐳𑐬𑑂𑐰𑐡𑐺𑐱𑑂𑐫𑐰𑐶𑐴𑐷𑐣𑑀ऽ𑐴𑑄 𑐡𑐺𑐐𑑂𑐬𑐹𑐥𑑀ऽ𑐳𑑂𑐩𑑂𑐫𑐴𑐩𑐾𑐰 𑐴𑐶 ।
- 𑐳𑐬𑑂𑐰𑐡𑐵 𑐥𑐹𑐬𑑂𑐞𑐬𑐹𑐥𑑀ऽ𑐳𑑂𑐩𑐶 𑐣𑐶𑐟𑑂𑐫𑐟𑐺𑐥𑑂𑐟𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ॥ 𑑑𑑕 ॥
- 𑐀𑐴𑑄 𑐧𑑂𑐬𑐴𑑂𑐩𑐿𑐰 𑐳𑐬𑑂𑐰𑑄 𑐳𑑂𑐫𑐵𑐡𑐴𑑄 𑐔𑐿𑐟𑐣𑑂𑐫𑐩𑐾𑐰 𑐴𑐶 ।
- 𑐀𑐴𑐩𑐾𑐰𑐵𑐴𑐩𑐾𑐰𑐵𑐳𑑂𑐩𑐶 𑐨𑐹𑐩𑐵𑐎𑐵𑐱𑐳𑑂𑐰𑐬𑐹𑐥𑐰𑐵𑐣𑑂 ॥ 𑑑𑑖 ॥
- 𑐀𑐴𑐩𑐾𑐰 𑐩𑐴𑐵𑐣𑐵𑐟𑑂𑐩𑐵 𑐴𑑂𑐫𑐴𑐩𑐾𑐰 𑐥𑐬𑐵𑐟𑑂𑐥𑐬𑑅 ।
- 𑐀𑐴𑐩𑐣𑑂𑐫𑐰𑐡𑐵𑐨𑐵𑐩𑐶 𑐴𑑂𑐫𑐴𑐩𑐾𑐰 𑐱𑐬𑐷𑐬𑐰𑐟𑑂 ॥ 𑑑𑑗 ॥
- 𑐀𑐴𑑄 𑐱𑐶𑐲𑑂𑐫𑐰𑐡𑐵𑐨𑐵𑐩𑐶 𑐴𑑂𑐫𑐫𑑄 𑐮𑑀𑐎𑐟𑑂𑐬𑐫𑐵𑐱𑑂𑐬𑐫𑑅 ।
- 𑐀𑐴𑑄 𑐎𑐵𑐮𑐟𑑂𑐬𑐫𑐵𑐟𑐷𑐟 𑐀𑐴𑑄 𑐰𑐾𑐡𑐿𑐬𑐸𑐥𑐵𑐳𑐶𑐟𑑅 ॥ 𑑑𑑘 ॥
- 𑐀𑐴𑑄 𑐱𑐵𑐳𑑂𑐟𑑂𑐬𑐾𑐞 𑐣𑐶𑐬𑑂𑐞𑐷𑐟 𑐀𑐴𑑄 𑐔𑐶𑐟𑑂𑐟𑐾 𑐰𑑂𑐫𑐰𑐳𑑂𑐠𑐶𑐟𑑅 ।
- 𑐩𑐟𑑂𑐟𑑂𑐫𑐎𑑂𑐟𑑄 𑐣𑐵𑐳𑑂𑐟𑐶 𑐎𑐶𑐘𑑂𑐔𑐶𑐡𑑂𑐰𑐵 𑐩𑐟𑑂𑐟𑑂𑐫𑐎𑑂𑐟𑑄 𑐥𑐺𑐠𑐶𑐰𑐷 𑐔 𑐰𑐵 ॥ 𑑑𑑙 ॥
- 𑐩𑐫𑐵𑐟𑐶𑐬𑐶𑐎𑑂𑐟𑑄 𑐫𑐡𑑂𑐫𑐡𑑂𑐰𑐵 𑐟𑐟𑑂𑐟𑐣𑑂𑐣𑐵𑐳𑑂𑐟𑐷𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐳𑐶𑐡𑑂𑐢𑑀ऽ𑐳𑑂𑐩𑐶 𑐣𑐶𑐟𑑂𑐫𑐱𑐸𑐡𑑂𑐢𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ॥ 𑑒𑑐 ॥
- 𑐣𑐶𑐬𑑂𑐐𑐸𑐞𑑅 𑐎𑐾𑐰𑐮𑐵𑐟𑑂𑐩𑐵𑐳𑑂𑐩𑐶 𑐣𑐶𑐬𑐵𑐎𑐵𑐬𑑀ऽ𑐳𑑂𑐩𑑂𑐫𑐴𑑄 𑐳𑐡𑐵 ।
- 𑐎𑐾𑐰𑐮𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑑀ऽ𑐳𑑂𑐩𑐶 𑐴𑑂𑐫𑐖𑐬𑑀ऽ𑐳𑑂𑐩𑑂𑐫𑐩𑐬𑑀ऽ𑐳𑑂𑐩𑑂𑐫𑐴𑐩𑑂 ॥ 𑑒𑑑 ॥
- 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐨𑐵𑐩𑐶 𑐳𑑂𑐰𑐫𑐩𑐾𑐰 𑐳𑐡𑐵𑐟𑑂𑐩𑐎𑑅 ।
- 𑐳𑑂𑐰𑐫𑐩𑐾𑐰𑐵𑐟𑑂𑐩𑐣𑐶 𑐳𑑂𑐰𑐳𑑂𑐠𑑅 𑐳𑑂𑐰𑐫𑐩𑐾𑐰 𑐥𑐬𑐵 𑐐𑐟𑐶𑑅 ॥ 𑑒𑑒 ॥
- 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐨𑐘𑑂𑐖𑐾 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐬𑐩𑐾 ।
- 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐖𑑂𑐫𑑀𑐟𑐶𑑅 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐩𑐴𑑅 ॥ 𑑒𑑓 ॥
- 𑐳𑑂𑐰𑐳𑑂𑐫𑐵𑐟𑑂𑐩𑐣𑐶 𑐳𑑂𑐰𑐫𑑄 𑐬𑑄𑐳𑑂𑐫𑐾 𑐳𑑂𑐰𑐵𑐟𑑂𑐩𑐣𑑂𑐫𑐾𑐰 𑐰𑐶𑐮𑑀𑐎𑐫𑐾 ।
- 𑐳𑑂𑐰𑐵𑐟𑑂𑐩𑐣𑑂𑐫𑐾𑐰 𑐳𑐸𑐏𑐵𑐳𑐷𑐣𑑅 𑐳𑑂𑐰𑐵𑐟𑑂𑐩𑐩𑐵𑐟𑑂𑐬𑐵𑐰𑐱𑐾𑐲𑐎𑑅 ॥ 𑑒𑑔 ॥
- 𑐳𑑂𑐰𑐔𑐿𑐟𑐣𑑂𑐫𑐾 𑐳𑑂𑐰𑐫𑑄 𑐳𑑂𑐠𑐵𑐳𑑂𑐫𑐾 𑐳𑑂𑐰𑐵𑐟𑑂𑐩𑐬𑐵𑐖𑑂𑐫𑐾 𑐳𑐸𑐏𑐾 𑐬𑐩𑐾 ।
- 𑐳𑑂𑐰𑐵𑐟𑑂𑐩𑐳𑐶𑑄𑐴𑐵𑐳𑐣𑐾 𑐳𑑂𑐠𑐶𑐟𑑂𑐰𑐵 𑐳𑑂𑐰𑐵𑐟𑑂𑐩𑐣𑑀ऽ𑐣𑑂𑐫𑐣𑑂𑐣 𑐔𑐶𑐣𑑂𑐟𑐫𑐾 ॥ 𑑒𑑕 ॥
- 𑐔𑐶𑐡𑑂𑐬𑐹𑐥𑐩𑐵𑐟𑑂𑐬𑑄 𑐧𑑂𑐬𑐴𑑂𑐩𑐿𑐰 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐡𑑂𑐰𑐫𑐩𑑂 ।
- 𑐁𑐣𑐣𑑂𑐡𑐑𑐣 𑐊𑐰𑐵𑐴𑐩𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐎𑐾𑐰𑐮𑐩𑑂 ॥ 𑑒𑑖 ॥
- 𑐳𑐬𑑂𑐰𑐡𑐵 𑐳𑐬𑑂𑐰𑐱𑐹𑐣𑑂𑐫𑑀ऽ𑐴𑑄 𑐳𑐬𑑂𑐰𑐵𑐟𑑂𑐩𑐵𑐣𑐣𑑂𑐡𑐰𑐵𑐣𑐴𑐩𑑂 ।
- 𑐣𑐶𑐟𑑂𑐫𑐵𑐣𑐣𑑂𑐡𑐳𑑂𑐰𑐬𑐹𑐥𑑀ऽ𑐴𑐩𑐵𑐟𑑂𑐩𑐵𑐎𑐵𑐱𑑀ऽ𑐳𑑂𑐩𑐶 𑐣𑐶𑐟𑑂𑐫𑐡𑐵 ॥ 𑑒𑑗 ॥
- 𑐀𑐴𑐩𑐾𑐰 𑐴𑐺𑐡𑐵𑐎𑐵𑐱𑐱𑑂𑐔𑐶𑐡𑐵𑐡𑐶𑐟𑑂𑐫𑐳𑑂𑐰𑐬𑐹𑐥𑐰𑐵𑐣𑑂 ।
- 𑐁𑐟𑑂𑐩𑐣𑐵𑐟𑑂𑐩𑐣𑐶 𑐟𑐺𑐥𑑂𑐟𑑀ऽ𑐳𑑂𑐩𑐶 𑐴𑑂𑐫𑐬𑐹𑐥𑑀ऽ𑐳𑑂𑐩𑑂𑐫𑐴𑐩𑐰𑑂𑐫𑐫𑑅 ॥ 𑑒𑑘 ॥
- 𑐊𑐎𑐳𑑄𑐏𑑂𑐫𑐵𑐰𑐶𑐴𑐷𑐣𑑀ऽ𑐳𑑂𑐩𑐶 𑐣𑐶𑐟𑑂𑐫𑐩𑐸𑐎𑑂𑐟𑐳𑑂𑐰𑐬𑐹𑐥𑐰𑐵𑐣𑑂 ।
- 𑐁𑐎𑐵𑐱𑐵𑐡𑐥𑐶 𑐳𑐹𑐎𑑂𑐲𑑂𑐩𑑀ऽ𑐴𑐩𑐵𑐡𑑂𑐫𑐣𑑂𑐟𑐵𑐨𑐵𑐰𑐰𑐵𑐣𑐴𑐩𑑂 ॥ 𑑒𑑙 ॥
- 𑐳𑐬𑑂𑐰𑐥𑑂𑐬𑐎𑐵𑐱𑐬𑐹𑐥𑑀ऽ𑐴𑑄 𑐥𑐬𑐵𑐰𑐬𑐳𑐸𑐏𑑀ऽ𑐳𑑂𑐩𑑂𑐫𑐴𑐩𑑂 ।
- 𑐳𑐟𑑂𑐟𑐵𑐩𑐵𑐟𑑂𑐬𑐳𑑂𑐰𑐬𑐹𑐥𑑀ऽ𑐴𑑄 𑐱𑐸𑐡𑑂𑐢𑐩𑑀𑐎𑑂𑐲𑐳𑑂𑐰𑐬𑐹𑐥𑐰𑐵𑐣𑑂 ॥ 𑑓𑑐 ॥
- 𑐳𑐟𑑂𑐫𑐵𑐣𑐣𑑂𑐡𑐳𑑂𑐰𑐬𑐹𑐥𑑀ऽ𑐴𑑄 𑐖𑑂𑐘𑐵𑐣𑐵𑐣𑐣𑑂𑐡𑐑𑐣𑑀ऽ𑐳𑑂𑐩𑑂𑐫𑐴𑐩𑑂 ।
- 𑐰𑐶𑐖𑑂𑐘𑐵𑐣𑐩𑐵𑐟𑑂𑐬𑐬𑐹𑐥𑑀ऽ𑐴𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐮𑐎𑑂𑐲𑐞𑑅 ॥ 𑑓𑑑 ॥
- 𑐧𑑂𑐬𑐴𑑂𑐩𑐩𑐵𑐟𑑂𑐬𑐩𑐶𑐡𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐣𑑂𑐣 𑐎𑐶𑐘𑑂𑐔𑐣 ।
- 𑐟𑐡𑐾𑐰𑐵𑐴𑑄 𑐳𑐡𑐵𑐣𑐣𑑂𑐡𑑄 𑐧𑑂𑐬𑐴𑑂𑐩𑐿𑐰𑐵𑐴𑑄 𑐳𑐣𑐵𑐟𑐣𑐩𑑂 ॥ 𑑓𑑒 ॥
- 𑐟𑑂𑐰𑐩𑐶𑐟𑑂𑐫𑐾𑐟𑐟𑑂𑐟𑐡𑐶𑐟𑑂𑐫𑐾𑐟𑐣𑑂𑐩𑐟𑑂𑐟𑑀ऽ𑐣𑑂𑐫𑐣𑑂𑐣𑐵𑐳𑑂𑐟𑐶 𑐎𑐶𑐘𑑂𑐔𑐣 ।
- 𑐔𑐶𑐔𑑂𑐔𑐿𑐟𑐣𑑂𑐫𑐳𑑂𑐰𑐬𑐹𑐥𑑀ऽ𑐴𑐩𑐴𑐩𑐾𑐰 𑐱𑐶𑐰𑑅 𑐥𑐬𑑅 ॥ 𑑓𑑓 ॥
- 𑐀𑐟𑐶𑐨𑐵𑐰𑐳𑑂𑐰𑐬𑐹𑐥𑑀ऽ𑐴𑐩𑐴𑐩𑐾𑐰 𑐳𑐸𑐏𑐵𑐟𑑂𑐩𑐎𑑅 ।
- 𑐳𑐵𑐎𑑂𑐲𑐶𑐰𑐳𑑂𑐟𑐸𑐰𑐶𑐴𑐷𑐣𑐟𑑂𑐰𑐵𑐟𑑂𑐳𑐵𑐎𑑂𑐲𑐶𑐟𑑂𑐰𑑄 𑐣𑐵𑐳𑑂𑐟𑐶 𑐩𑐾 𑐳𑐡𑐵 ॥ 𑑓𑑔 ॥
- 𑐎𑐾𑐰𑐮𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑐟𑑂𑐰𑐵𑐡𑐴𑐩𑐵𑐟𑑂𑐩𑐵 𑐳𑐣𑐵𑐟𑐣𑑅 ।
- 𑐀𑐴𑐩𑐾𑐰𑐵𑐡𑐶𑐱𑐾𑐲𑑀ऽ𑐴𑐩𑐴𑑄 𑐱𑐾𑐲𑑀ऽ𑐴𑐩𑐾𑐰 𑐴𑐶 ॥ 𑑓𑑕 ॥
- 𑐣𑐵𑐩𑐬𑐹𑐥𑐰𑐶𑐩𑐸𑐎𑑂𑐟𑑀ऽ𑐴𑐩𑐴𑐩𑐵𑐣𑐣𑑂𑐡𑐰𑐶𑐐𑑂𑐬𑐴𑑅 ।
- 𑐂𑐣𑑂𑐡𑑂𑐬𑐶𑐫𑐵𑐨𑐵𑐰𑐬𑐹𑐥𑑀ऽ𑐴𑑄 𑐳𑐬𑑂𑐰𑐨𑐵𑐰𑐳𑑂𑐰𑐬𑐹𑐥𑐎𑑅 ॥ 𑑓𑑖 ॥
- 𑐧𑐣𑑂𑐢𑐩𑐸𑐎𑑂𑐟𑐶𑐰𑐶𑐴𑐷𑐣𑑀ऽ𑐴𑑄 𑐱𑐵𑐱𑑂𑐰𑐟𑐵𑐣𑐣𑑂𑐡𑐰𑐶𑐐𑑂𑐬𑐴𑑅 ।
- 𑐁𑐡𑐶𑐔𑐿𑐟𑐣𑑂𑐫𑐩𑐵𑐟𑑂𑐬𑑀ऽ𑐴𑐩𑐏𑐞𑑂𑐜𑐿𑐎𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ॥ 𑑓𑑗 ॥
- 𑐰𑐵𑐒𑑂𑐩𑐣𑑀ऽ𑐐𑑀𑐔𑐬𑐱𑑂𑐔𑐵𑐴𑑄 𑐳𑐬𑑂𑐰𑐟𑑂𑐬 𑐳𑐸𑐏𑐰𑐵𑐣𑐴𑐩𑑂 ।
- 𑐳𑐬𑑂𑐰𑐟𑑂𑐬 𑐥𑐹𑐬𑑂𑐞𑐬𑐹𑐥𑑀ऽ𑐴𑑄 𑐨𑐹𑐩𑐵𑐣𑐣𑑂𑐡𑐩𑐫𑑀ऽ𑐳𑑂𑐩𑑂𑐫𑐴𑐩𑑂 ॥ 𑑓𑑘 ॥
- 𑐳𑐬𑑂𑐰𑐟𑑂𑐬 𑐟𑐺𑐥𑑂𑐟𑐶𑐬𑐹𑐥𑑀ऽ𑐴𑑄 𑐥𑐬𑐵𑐩𑐺𑐟𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ।
- 𑐊𑐎𑐩𑐾𑐰𑐵𑐡𑑂𑐰𑐶𑐟𑐷𑐫𑑄 𑐳𑐡𑑂𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐳𑑄𑐱𑐫𑑅 ॥ 𑑓𑑙 ॥
- 𑐳𑐬𑑂𑐰𑐱𑐹𑐣𑑂𑐫𑐳𑑂𑐰𑐬𑐹𑐥𑑀ऽ𑐴𑑄 𑐳𑐎𑐮𑐵𑐐𑐩𑐐𑑀𑐔𑐬𑑅 ।
- 𑐩𑐸𑐎𑑂𑐟𑑀ऽ𑐴𑑄 𑐩𑑀𑐎𑑂𑐲𑐬𑐹𑐥𑑀ऽ𑐴𑑄 𑐣𑐶𑐬𑑂𑐰𑐵𑐞𑐳𑐸𑐏𑐬𑐹𑐥𑐰𑐵𑐣𑑂 ॥ 𑑔𑑐 ॥
- 𑐳𑐟𑑂𑐫𑐰𑐶𑐖𑑂𑐘𑐵𑐣𑐩𑐵𑐟𑑂𑐬𑑀ऽ𑐴𑑄 𑐳𑐣𑑂𑐩𑐵𑐟𑑂𑐬𑐵𑐣𑐣𑑂𑐡𑐰𑐵𑐣𑐴𑐩𑑂 ।
- 𑐟𑐸𑐬𑐷𑐫𑐵𑐟𑐷𑐟𑐬𑐹𑐥𑑀ऽ𑐴𑑄 𑐣𑐶𑐬𑑂𑐰𑐶𑐎𑐮𑑂𑐥𑐳𑑂𑐰𑐬𑐹𑐥𑐰𑐵𑐣𑑂 ॥ 𑑔𑑑 ॥
- 𑐳𑐬𑑂𑐰𑐡𑐵 𑐴𑑂𑐫𑐖𑐬𑐹𑐥𑑀ऽ𑐴𑑄 𑐣𑐷𑐬𑐵𑐐𑑀ऽ𑐳𑑂𑐩𑐶 𑐣𑐶𑐬𑐘𑑂𑐖𑐣𑑅 ।
- 𑐀𑐴𑑄 𑐱𑐸𑐡𑑂𑐢𑑀ऽ𑐳𑑂𑐩𑐶 𑐧𑐸𑐡𑑂𑐢𑑀ऽ𑐳𑑂𑐩𑐶 𑐣𑐶𑐟𑑂𑐫𑑀ऽ𑐳𑑂𑐩𑐶 𑐥𑑂𑐬𑐨𑐸𑐬𑐳𑑂𑐩𑑂𑐫𑐴𑐩𑑂 ॥ 𑑔𑑒 ॥
- 𑐌𑐒𑑂𑐎𑐵𑐬𑐵𑐬𑑂𑐠𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐣𑐶𑐲𑑂𑐎𑐮𑐒𑑂𑐎𑐩𑐫𑑀ऽ𑐳𑑂𑐩𑑂𑐫𑐴𑐩𑑂 ।
- 𑐔𑐶𑐡𑐵𑐎𑐵𑐬𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐣𑐵𑐴𑐩𑐳𑑂𑐩𑐶 𑐣 𑐳𑑀ऽ𑐳𑑂𑐩𑑂𑐫𑐴𑐩𑑂 ॥ 𑑔𑑓 ॥
- 𑐣 𑐴𑐶 𑐎𑐶𑐘𑑂𑐔𑐶𑐟𑑂𑐳𑑂𑐰𑐬𑐹𑐥𑑀ऽ𑐳𑑂𑐩𑐶 𑐣𑐶𑐬𑑂𑐰𑑂𑐫𑐵𑐥𑐵𑐬𑐳𑑂𑐰𑐬𑐹𑐥𑐰𑐵𑐣𑑂 ।
- 𑐣𑐶𑐬𑑄𑐱𑑀ऽ𑐳𑑂𑐩𑐶 𑐣𑐶𑐬𑐵𑐨𑐵𑐳𑑀 𑐣 𑐩𑐣𑑀 𑐣𑐾𑐣𑑂𑐡𑑂𑐬𑐶𑐫𑑀ऽ𑐳𑑂𑐩𑑂𑐫𑐴𑐩𑑂 ॥ 𑑔𑑔 ॥
- 𑐣 𑐧𑐸𑐡𑑂𑐢𑐶𑐬𑑂𑐣 𑐰𑐶𑐎𑐮𑑂𑐥𑑀ऽ𑐴𑑄 𑐣 𑐡𑐾𑐴𑐵𑐡𑐶𑐟𑑂𑐬𑐫𑑀ऽ𑐳𑑂𑐩𑑂𑐫𑐴𑐩𑑂 ।
- 𑐣 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐬𑐹𑐥𑑀ऽ𑐴𑑄 𑐣 𑐳𑐸𑐲𑐸𑐥𑑂𑐟𑐶𑐳𑑂𑐰𑐬𑐹𑐥𑐰𑐵𑐣𑑂 ॥ 𑑔𑑕 ॥
- 𑐣 𑐟𑐵𑐥𑐟𑑂𑐬𑐫𑐬𑐹𑐥𑑀ऽ𑐴𑑄 𑐣𑐾𑐲𑐞𑐵𑐟𑑂𑐬𑐫𑐰𑐵𑐣𑐴𑐩𑑂 ।
- 𑐱𑑂𑐬𑐰𑐞𑑄 𑐣𑐵𑐳𑑂𑐟𑐶 𑐩𑐾 𑐳𑐶𑐡𑑂𑐢𑐾𑐬𑑂𑐩𑐣𑐣𑑄 𑐔 𑐔𑐶𑐡𑐵𑐟𑑂𑐩𑐣𑐶 ॥ 𑑔𑑖 ॥
- 𑐳𑐖𑐵𑐟𑐷𑐫𑑄 𑐣 𑐩𑐾 𑐎𑐶𑐘𑑂𑐔𑐶𑐡𑑂𑐰𑐶𑐖𑐵𑐟𑐷𑐫𑑄 𑐣 𑐩𑐾 𑐎𑑂𑐰𑐔𑐶𑐟𑑂 ।
- 𑐳𑑂𑐰𑐐𑐟𑑄 𑐔 𑐣 𑐩𑐾 𑐎𑐶𑐘𑑂𑐔𑐶𑐣𑑂𑐣 𑐩𑐾 𑐨𑐾𑐡𑐟𑑂𑐬𑐫𑑄 𑐎𑑂𑐰𑐔𑐶𑐟𑑂 ॥ 𑑔𑑗 ॥
- 𑐀𑐳𑐟𑑂𑐫𑑄 𑐴𑐶 𑐩𑐣𑑀𑐬𑐹𑐥𑐩𑐳𑐟𑑂𑐫𑑄 𑐧𑐸𑐡𑑂𑐢𑐶𑐬𑐹𑐥𑐎𑐩𑑂 ।
- 𑐀𑐴𑐒𑑂𑐎𑐵𑐬𑐩𑐳𑐶𑐡𑑂𑐢𑐷𑐟𑐶 𑐣𑐶𑐟𑑂𑐫𑑀ऽ𑐴𑑄 𑐱𑐵𑐱𑑂𑐰𑐟𑑀 𑐴𑑂𑐫𑐖𑑅 ॥ 𑑔𑑘 ॥
- 𑐡𑐾𑐴𑐟𑑂𑐬𑐫𑐩𑐳𑐡𑑂𑐰𑐶𑐡𑑂𑐢𑐶 𑐎𑐵𑐮𑐟𑑂𑐬𑐫𑐩𑐳𑐟𑑂𑐳𑐡𑐵 ।
- 𑐐𑐸𑐞𑐟𑑂𑐬𑐫𑐩𑐳𑐟𑑂𑐰𑐶𑐡𑑂𑐢𑐶 𑐴𑑂𑐫𑐫𑑄 𑐳𑐟𑑂𑐫𑐵𑐟𑑂𑐩𑐎𑑅 𑐱𑐸𑐔𑐶𑑅 ॥ 𑑔𑑙 ॥
- 𑐱𑑂𑐬𑐸𑐟𑑄 𑐳𑐬𑑂𑐰𑐩𑐳𑐟𑑂𑐡𑑂𑐰𑐶𑐡𑑂𑐢𑐶 𑐰𑐾𑐡𑑄 𑐳𑐬𑑂𑐰𑐩𑐳𑐟𑑂𑐳𑐡𑐵 ।
- 𑐱𑐵𑐳𑑂𑐟𑑂𑐬𑑄 𑐳𑐬𑑂𑐰𑐩𑐳𑐟𑑂𑐡𑑂𑐰𑐶𑐡𑑂𑐢𑐶 𑐴𑑂𑐫𑐴𑑄 𑐳𑐟𑑂𑐫𑐔𑐶𑐡𑐵𑐟𑑂𑐩𑐎𑑅 ॥ 𑑕𑑐 ॥
- 𑐩𑐹𑐬𑑂𑐟𑐶𑐟𑑂𑐬𑐫𑐩𑐳𑐡𑑂𑐰𑐶𑐡𑑂𑐢𑐶 𑐳𑐬𑑂𑐰𑐨𑐹𑐟𑐩𑐳𑐟𑑂𑐳𑐡𑐵 ।
- 𑐳𑐬𑑂𑐰𑐟𑐟𑑂𑐟𑑂𑐰𑐩𑐳𑐡𑑂𑐰𑐶𑐡𑑂𑐢𑐶 𑐴𑑂𑐫𑐴𑑄 𑐨𑐹𑐩𑐵 𑐳𑐡𑐵𑐱𑐶𑐰𑑅 ॥ 𑑕𑑑 ॥
- 𑐐𑐸𑐬𑐸𑐱𑐶𑐲𑑂𑐫𑐩𑐳𑐡𑑂𑐰𑐶𑐡𑑂𑐢𑐶 𑐐𑐸𑐬𑑀𑐬𑑂𑐩𑐣𑑂𑐟𑑂𑐬𑐩𑐳𑐟𑑂𑐟𑐟𑑅 ।
- 𑐫𑐡𑑂𑐡𑐺𑐱𑑂𑐫𑑄 𑐟𑐡𑐳𑐡𑑂𑐰𑐶𑐡𑑂𑐢𑐶 𑐣 𑐩𑐵𑑄 𑐰𑐶𑐡𑑂𑐢𑐶 𑐟𑐠𑐵𑐰𑐶𑐢𑐩𑑂 ॥ 𑑕𑑒 ॥
- 𑐫𑐔𑑂𑐔𑐶𑐣𑑂𑐟𑑂𑐫𑑄 𑐟𑐡𑐳𑐡𑑂𑐰𑐶𑐡𑑂𑐢𑐶 𑐫𑐣𑑂𑐣𑑂𑐫𑐵𑐫𑑄 𑐟𑐡𑐳𑐟𑑂𑐳𑐡𑐵 ।
- 𑐫𑐡𑑂𑐢𑐶𑐟𑑄 𑐟𑐡𑐳𑐡𑑂𑐰𑐶𑐡𑑂𑐢𑐶 𑐣 𑐩𑐵𑑄 𑐰𑐶𑐡𑑂𑐢𑐶 𑐟𑐠𑐵𑐰𑐶𑐢𑐩𑑂 ॥ 𑑕𑑓 ॥
- 𑐳𑐬𑑂𑐰𑐵𑐣𑑂𑐥𑑂𑐬𑐵𑐞𑐵𑐣𑐳𑐡𑑂𑐰𑐶𑐡𑑂𑐢𑐶 𑐳𑐬𑑂𑐰𑐵𑐣𑑂𑐨𑑀𑐐𑐵𑐣𑐳𑐟𑑂𑐟𑑂𑐰𑐶𑐟𑐶 ।
- 𑐡𑐺𑐲𑑂𑐚𑑄 𑐱𑑂𑐬𑐸𑐟𑐩𑐳𑐡𑑂𑐰𑐶𑐡𑑂𑐢𑐶 𑐌𑐟𑑄 𑐥𑑂𑐬𑑀𑐟𑐩𑐳𑐣𑑂𑐩𑐫𑐩𑑂 ॥ 𑑕𑑔 ॥
- 𑐎𑐵𑐬𑑂𑐫𑐵𑐎𑐵𑐬𑑂𑐫𑐩𑐳𑐡𑑂𑐰𑐶𑐡𑑂𑐢𑐶 𑐣𑐲𑑂𑐚𑑄 𑐥𑑂𑐬𑐵𑐥𑑂𑐟𑐩𑐳𑐣𑑂𑐩𑐫𑐩𑑂 ।
- 𑐡𑐸𑑅𑐏𑐵𑐡𑐸𑑅𑐏𑐩𑐳𑐡𑑂𑐰𑐶𑐡𑑂𑐢𑐶 𑐳𑐬𑑂𑐰𑐵𑐳𑐬𑑂𑐰𑐩𑐣𑑂𑐩𑐫𑐩𑑂 ॥ 𑑕𑑕 ॥
- 𑐥𑐹𑐬𑑂𑐞𑐵𑐥𑐹𑐬𑑂𑐞𑐩𑐳𑐡𑑂𑐰𑐶𑐡𑑂𑐢𑐶 𑐢𑐬𑑂𑐩𑐵𑐢𑐬𑑂𑐩𑐩𑐳𑐣𑑂𑐩𑐫𑐩𑑂 ।
- 𑐮𑐵𑐨𑐵𑐮𑐵𑐨𑐵𑐰𑐳𑐡𑑂𑐰𑐶𑐡𑑂𑐢𑐶 𑐖𑐫𑐵𑐖𑐫𑐩𑐳𑐣𑑂𑐩𑐫𑐩𑑂 ॥ 𑑕𑑖 ॥
- 𑐱𑐧𑑂𑐡𑑄 𑐳𑐬𑑂𑐰𑐩𑐳𑐡𑑂𑐰𑐶𑐡𑑂𑐢𑐶 𑐳𑑂𑐥𑐬𑑂𑐱𑑄 𑐳𑐬𑑂𑐰𑐩𑐳𑐟𑑂𑐳𑐡𑐵 ।
- 𑐬𑐹𑐥𑑄 𑐳𑐬𑑂𑐰𑐩𑐳𑐡𑑂𑐰𑐶𑐡𑑂𑐢𑐶 𑐬𑐳𑑄 𑐳𑐬𑑂𑐰𑐩𑐳𑐣𑑂𑐩𑐫𑐩𑑂 ॥ 𑑕𑑗 ॥
- 𑐐𑐣𑑂𑐢𑑄 𑐳𑐬𑑂𑐰𑐩𑐳𑐡𑑂𑐰𑐶𑐡𑑂𑐢𑐶 𑐳𑐬𑑂𑐰𑐵𑐖𑑂𑐘𑐵𑐣𑐩𑐳𑐣𑑂𑐩𑐫𑐩𑑂 ।
- 𑐀𑐳𑐡𑐾𑐰 𑐳𑐡𑐵 𑐳𑐬𑑂𑐰𑐩𑐳𑐡𑐾𑐰 𑐨𑐰𑑀𑐡𑑂𑐨𑐰𑐩𑑂 ॥ 𑑕𑑘 ॥
- 𑐀𑐳𑐡𑐾𑐰 𑐐𑐸𑐞𑑄 𑐳𑐬𑑂𑐰𑑄 𑐳𑐣𑑂𑐩𑐵𑐟𑑂𑐬𑐩𑐴𑐩𑐾𑐰 𑐴𑐶 ।
- 𑐳𑑂𑐰𑐵𑐟𑑂𑐩𑐩𑐣𑑂𑐟𑑂𑐬𑑄 𑐳𑐡𑐵 𑐥𑐱𑑂𑐫𑐾𑐟𑑂𑐳𑑂𑐰𑐵𑐟𑑂𑐩𑐩𑐣𑑂𑐟𑑂𑐬𑑄 𑐳𑐡𑐵𑐨𑑂𑐫𑐳𑐾𑐟𑑂 ॥ 𑑕𑑙 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐡𑐺𑐱𑑂𑐫𑐥𑐵𑐥𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐣𑑂𑐫𑐩𑐣𑑂𑐟𑑂𑐬𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑐 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐡𑐾𑐴𑐡𑑀𑐲𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐖𑐣𑑂𑐩𑐥𑐵𑐥𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑑 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐩𑐺𑐟𑑂𑐫𑐸𑐥𑐵𑐱𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐡𑑂𑐰𑐿𑐟𑐡𑐸𑑅𑐏𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑒 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐨𑐾𑐡𑐧𑐸𑐡𑑂𑐢𑐶𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐔𑐶𑐣𑑂𑐟𑐵𑐡𑐸𑑅𑐏𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑓 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐧𑐸𑐡𑑂𑐢𑐶𑐰𑑂𑐫𑐵𑐢𑐶𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐔𑐶𑐟𑑂𑐟𑐧𑐣𑑂𑐢𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑔 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐳𑐬𑑂𑐰𑐰𑑂𑐫𑐵𑐢𑐷𑐣𑑂𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐳𑐬𑑂𑐰𑐱𑑀𑐎𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑕 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐎𑐵𑐩𑐵𑐡𑐷𑐣𑑂𑐣𑐵𑐱𑐫𑐾𑐟𑑂𑐎𑑂𑐲𑐞𑐵𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐎𑑂𑐬𑑀𑐢𑐱𑐎𑑂𑐟𑐶𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑖 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐔𑐶𑐟𑑂𑐟𑐰𑐺𑐟𑑂𑐟𑐶𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐳𑐒𑑂𑐎𑐮𑑂𑐥𑐵𑐡𑐷𑐣𑑂𑐰𑐶𑐣𑐵𑐱𑐫𑐾𑐟𑑂 ॥ 𑑖𑑗 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐎𑑀𑐚𑐶𑐡𑑀𑐲𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐳𑐬𑑂𑐰𑐟𑐣𑑂𑐟𑑂𑐬𑑄 𑐰𑐶𑐣𑐵𑐱𑐫𑐾𑐟𑑂 ॥ 𑑖𑑘 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐵𑐟𑑂𑐩𑐵𑐖𑑂𑐘𑐵𑐣𑑄 𑐰𑐶𑐣𑐵𑐱𑐫𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐵𑐟𑑂𑐩𑐮𑑀𑐎𑐖𑐫𑐥𑑂𑐬𑐡𑑅 ॥ 𑑖𑑙 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐥𑑂𑐬𑐟𑐬𑑂𑐎𑑂𑐫𑐳𑐸𑐏𑐥𑑂𑐬𑐡𑑅 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐖𑐜𑐟𑑂𑐰𑑄 𑐥𑑂𑐬𑐫𑐔𑑂𑐕𑐟𑐶 ॥ 𑑗𑑐 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐣𑐵𑐟𑑂𑐩𑐵𑐳𑐸𑐬𑐩𑐬𑑂𑐡𑐣𑑅 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐰𑐖𑑂𑐬𑑀ऽ𑐫𑐩𑐵𑐣𑐵𑐟𑑂𑐩𑐵𑐏𑐐𑑂𑐬𑐶𑐣𑑂𑐴𑐾𑐟𑑂 ॥ 𑑗𑑑 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑐩𑐣𑐵𑐟𑑂𑐩𑐵𑐏𑑂𑐫𑐵𑐳𑐸𑐬𑐵𑐣𑑂𑐴𑐬𑐾𑐟𑑂 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐳𑐬𑑂𑐰𑐵𑑄𑐳𑑂𑐟𑐵𑐣𑑂𑐩𑑀𑐎𑑂𑐲𑐫𑐶𑐲𑑂𑐫𑐟𑐶 ॥ 𑑗𑑒 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐩𑐣𑑂𑐟𑑂𑐬𑑀ऽ𑐫𑑄 𑐖𑑂𑐘𑐵𑐣𑐵𑐣𑐣𑑂𑐡𑑄 𑐥𑑂𑐬𑐫𑐔𑑂𑐕𑐟𑐶 ।
- 𑐳𑐥𑑂𑐟𑐎𑑀𑐚𑐶𑐩𑐴𑐵𑐩𑐣𑑂𑐟𑑂𑐬𑑄 𑐖𑐣𑑂𑐩𑐎𑑀𑐚𑐶𑐱𑐟𑐥𑑂𑐬𑐡𑐩𑑂 ॥ 𑑗𑑓 ॥
- 𑐳𑐬𑑂𑐰𑐩𑐣𑑂𑐟𑑂𑐬𑐵𑐣𑑂𑐳𑐩𑐸𑐟𑑂𑐳𑐺𑐖𑑂𑐫 𑐊𑐟𑑄 𑐩𑐣𑑂𑐟𑑂𑐬𑑄 𑐳𑐩𑐨𑑂𑐫𑐳𑐾𑐟𑑂 ।
- 𑐳𑐡𑑂𑐫𑑀 𑐩𑑀𑐎𑑂𑐲𑐩𑐰𑐵𑐥𑑂𑐣𑑀𑐟𑐶 𑐣𑐵𑐟𑑂𑐬 𑐳𑐣𑑂𑐡𑐾𑐴𑐩𑐞𑑂𑐰𑐥𑐶 ॥ 𑑗𑑔 ॥
॥ 𑐔𑐟𑐸𑐬𑑂𑐠𑑀𑐢𑑂𑐫𑐵𑐫𑑅 ॥
[सम्पादन]- 𑐎𑐸𑐩𑐵𑐬𑑅 𑐥𑐬𑐩𑐾𑐱𑑂𑐰𑐬𑑄 𑐥𑐥𑑂𑐬𑐔𑑂𑐕 𑐖𑐷𑐰𑐣𑑂𑐩𑐸𑐎𑑂𑐟𑐰𑐶𑐡𑐾𑐴𑐩𑐸𑐎𑑂𑐟𑐫𑑀𑑅 𑐳𑑂𑐠𑐶𑐟𑐶𑐩𑐣𑐸𑐧𑑂𑐬𑐹𑐴𑐷𑐟𑐶 । 𑐳 𑐴𑑀𑐰𑐵𑐔 𑐥𑐬𑑅 𑐱𑐶𑐰𑑅।
- 𑐔𑐶𑐡𑐵𑐟𑑂𑐩𑐵𑐴𑑄 𑐥𑐬𑐵𑐟𑑂𑐩𑐵𑐴𑑄 𑐣𑐶𑐬𑑂𑐐𑐸𑐞𑑀ऽ𑐴𑑄 𑐥𑐬𑐵𑐟𑑂𑐥𑐬𑑅 ।
- 𑐁𑐟𑑂𑐩𑐩𑐵𑐟𑑂𑐬𑐾𑐞 𑐫𑐳𑑂𑐟𑐶𑐲𑑂𑐛𑐾𑐟𑑂𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑑 ॥
- 𑐡𑐾𑐴𑐟𑑂𑐬𑐫𑐵𑐟𑐶𑐬𑐶𑐎𑑂𑐟𑑀ऽ𑐴𑑄 𑐱𑐸𑐡𑑂𑐢𑐔𑐿𑐟𑐣𑑂𑐫𑐩𑐳𑑂𑐩𑑂𑐫𑐴𑐩𑑂 ।
- 𑐧𑑂𑐬𑐴𑑂𑐩𑐵𑐴𑐩𑐶𑐟𑐶 𑐫𑐳𑑂𑐫𑐵𑐣𑑂𑐟𑑅 𑐳 𑐖𑐷𑐰𑐣𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒 ॥
- 𑐁𑐣𑐣𑑂𑐡𑐑𑐣𑐬𑐹𑐥𑑀ऽ𑐳𑑂𑐩𑐶 𑐥𑐬𑐵𑐣𑐣𑑂𑐡𑐑𑐣𑑀ऽ𑐳𑑂𑐩𑑂𑐫𑐴𑐩𑑂 ।
- 𑐫𑐳𑑂𑐫 𑐡𑐾𑐴𑐵𑐡𑐶𑐎𑑄 𑐣𑐵𑐳𑑂𑐟𑐶 𑐫𑐳𑑂𑐫 𑐧𑑂𑐬𑐴𑑂𑐩𑐾𑐟𑐶 𑐣𑐶𑐱𑑂𑐔𑐫𑑅 ।
- 𑐥𑐬𑐩𑐵𑐣𑐣𑑂𑐡𑐥𑐹𑐬𑑂𑐞𑑀 𑐫𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑓 ॥
- 𑐫𑐳𑑂𑐫 𑐎𑐶𑐘𑑂𑐔𑐶𑐡𑐴𑑄 𑐣𑐵𑐳𑑂𑐟𑐶 𑐔𑐶𑐣𑑂𑐩𑐵𑐟𑑂𑐬𑐾𑐞𑐵𑐰𑐟𑐶𑐲𑑂𑐛𑐟𑐾 ।
- 𑐔𑐿𑐟𑐣𑑂𑐫𑐩𑐵𑐟𑑂𑐬𑑀 𑐫𑐳𑑂𑐫𑐵𑐣𑑂𑐟𑐱𑑂𑐔𑐶𑐣𑑂𑐩𑐵𑐟𑑂𑐬𑐿𑐎𑐳𑑂𑐰𑐬𑐹𑐥𑐰𑐵𑐣𑑂 ॥ 𑑔 ॥
- 𑐳𑐬𑑂𑐰𑐟𑑂𑐬 𑐥𑐹𑐬𑑂𑐞𑐬𑐹𑐥𑐵𑐟𑑂𑐩𑐵 𑐳𑐬𑑂𑐰𑐟𑑂𑐬𑐵𑐟𑑂𑐩𑐵𑐰𑐱𑐾𑐲𑐎𑑅 ।
- 𑐁𑐣𑐣𑑂𑐡𑐬𑐟𑐶𑐬𑐰𑑂𑐫𑐎𑑂𑐟𑑅 𑐥𑐬𑐶𑐥𑐹𑐬𑑂𑐞𑐱𑑂𑐔𑐶𑐡𑐵𑐟𑑂𑐩𑐎𑑅 ॥ 𑑕 ॥
- 𑐱𑐸𑐡𑑂𑐢𑐔𑐿𑐟𑐣𑑂𑐫𑐬𑐹𑐥𑐵𑐟𑑂𑐩𑐵 𑐳𑐬𑑂𑐰𑐳𑐒𑑂𑐐𑐰𑐶𑐰𑐬𑑂𑐖𑐶𑐟𑑅 ।
- 𑐣𑐶𑐟𑑂𑐫𑐵𑐣𑐣𑑂𑐡𑑅 𑐥𑑂𑐬𑐳𑐣𑑂𑐣𑐵𑐟𑑂𑐩𑐵 𑐴𑑂𑐫𑐣𑑂𑐫𑐔𑐶𑐣𑑂𑐟𑐵𑐰𑐶𑐰𑐬𑑂𑐖𑐶𑐟𑑅 ॥ 𑑖 ॥
- 𑐎𑐶𑐘𑑂𑐔𑐶𑐡𑐳𑑂𑐟𑐶𑐟𑑂𑐰𑐴𑐷𑐣𑑀 𑐫𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ।
- 𑐣 𑐩𑐾 𑐔𑐶𑐟𑑂𑐟𑑄 𑐣 𑐩𑐾 𑐧𑐸𑐡𑑂𑐢𑐶𑐬𑑂𑐣𑐵𑐴𑐒𑑂𑐎𑐵𑐬𑑀 𑐣 𑐔𑐾𑐣𑑂𑐡𑑂𑐬𑐶𑐫𑐩𑑂 ॥ 𑑗 ॥
- 𑐣 𑐩𑐾 𑐡𑐾𑐴𑑅 𑐎𑐡𑐵𑐔𑐶𑐡𑑂𑐰𑐵 𑐣 𑐩𑐾 𑐥𑑂𑐬𑐵𑐞𑐵𑐡𑐫𑑅 𑐎𑑂𑐰𑐔𑐶𑐟𑑂 ।
- 𑐣 𑐩𑐾 𑐩𑐵𑐫𑐵 𑐣 𑐩𑐾 𑐎𑐵𑐩𑑀 𑐣 𑐩𑐾 𑐎𑑂𑐬𑑀𑐢𑑅 𑐥𑐬𑑀ऽ𑐳𑑂𑐩𑑂𑐫𑐴𑐩𑑂 ॥ 𑑘 ॥
- 𑐣 𑐩𑐾 𑐎𑐶𑐘𑑂𑐔𑐶𑐡𑐶𑐡𑑄 𑐰𑐵𑐥𑐶 𑐣 𑐩𑐾 𑐎𑐶𑐘𑑂𑐔𑐶𑐟𑑂𑐎𑑂𑐰𑐔𑐶𑐖𑑂𑐖𑐐𑐟𑑂 ।
- 𑐣 𑐩𑐾 𑐡𑑀𑐲𑑀 𑐣 𑐩𑐾 𑐮𑐶𑐒𑑂𑐐𑑄 𑐣 𑐩𑐾 𑐔𑐎𑑂𑐲𑐸𑐬𑑂𑐣 𑐩𑐾 𑐩𑐣𑑅 ॥ 𑑙 ॥
- 𑐣 𑐩𑐾 𑐱𑑂𑐬𑑀𑐟𑑂𑐬𑑄 𑐣 𑐩𑐾 𑐣𑐵𑐳𑐵 𑐣 𑐩𑐾 𑐖𑐶𑐴𑑂𑐰𑐵 𑐣 𑐩𑐾 𑐎𑐬𑑅 ।
- 𑐣 𑐩𑐾 𑐖𑐵𑐐𑑂𑐬𑐣𑑂𑐣 𑐩𑐾 𑐳𑑂𑐰𑐥𑑂𑐣𑑄 𑐣 𑐩𑐾 𑐎𑐵𑐬𑐞𑐩𑐞𑑂𑐰𑐥𑐶 ॥ 𑑑𑑐 ॥
- 𑐣 𑐩𑐾 𑐟𑐸𑐬𑐷𑐫𑐩𑐶𑐟𑐶 𑐫𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ।
- 𑐂𑐡𑑄 𑐳𑐬𑑂𑐰𑑄 𑐣 𑐩𑐾 𑐎𑐶𑐘𑑂𑐔𑐶𑐡𑐫𑑄 𑐳𑐬𑑂𑐰𑑄 𑐣 𑐩𑐾 𑐎𑑂𑐰𑐔𑐶𑐟𑑂 ॥ 𑑑𑑑 ॥
- 𑐣 𑐩𑐾 𑐎𑐵𑐮𑑀 𑐣 𑐩𑐾 𑐡𑐾𑐱𑑀 𑐣 𑐩𑐾 𑐰𑐳𑑂𑐟𑐸 𑐣 𑐩𑐾 𑐩𑐟𑐶𑑅 ।
- 𑐣 𑐩𑐾 𑐳𑑂𑐣𑐵𑐣𑑄 𑐣 𑐩𑐾 𑐳𑐣𑑂𑐢𑑂𑐫𑐵 𑐣 𑐩𑐾 𑐡𑐿𑐰𑑄 𑐣 𑐩𑐾 𑐳𑑂𑐠𑐮𑐩𑑂 ॥ 𑑑𑑒 ॥
- 𑐣 𑐩𑐾 𑐟𑐷𑐬𑑂𑐠𑑄 𑐣 𑐩𑐾 𑐳𑐾𑐰𑐵 𑐣 𑐩𑐾 𑐖𑑂𑐘𑐵𑐣𑑄 𑐣 𑐩𑐾 𑐥𑐡𑐩𑑂 ।
- 𑐣 𑐩𑐾 𑐧𑐣𑑂𑐢𑑀 𑐣 𑐩𑐾 𑐖𑐣𑑂𑐩 𑐣 𑐩𑐾 𑐰𑐵𑐎𑑂𑐫𑑄 𑐣 𑐩𑐾 𑐬𑐰𑐶𑑅 ॥ 𑑑𑑓 ॥
- 𑐣 𑐩𑐾 𑐥𑐸𑐞𑑂𑐫𑑄 𑐣 𑐩𑐾 𑐥𑐵𑐥𑑄 𑐣 𑐩𑐾 𑐎𑐵𑐬𑑂𑐫𑑄 𑐣 𑐩𑐾 𑐱𑐸𑐨𑐩𑑂 ।
- 𑐣𑐾 𑐩𑐾 𑐖𑐷𑐰 𑐂𑐟𑐶 𑐳𑑂𑐰𑐵𑐟𑑂𑐩𑐵 𑐣 𑐩𑐾 𑐎𑐶𑐘𑑂𑐔𑐶𑐖𑑂𑐖𑐐𑐟𑑂𑐬𑐫𑐩𑑂 ॥ 𑑑𑑔 ॥
- 𑐣 𑐩𑐾 𑐩𑑀𑐎𑑂𑐲𑑀 𑐣 𑐩𑐾 𑐡𑑂𑐰𑐿𑐟𑑄 𑐣 𑐩𑐾 𑐰𑐾𑐡𑑀 𑐣 𑐩𑐾 𑐰𑐶𑐢𑐶𑑅 ।
- 𑐣 𑐩𑐾ऽ𑐣𑑂𑐟𑐶𑐎𑑄 𑐣 𑐩𑐾 𑐡𑐹𑐬𑑄 𑐣 𑐩𑐾 𑐧𑑀𑐢𑑀 𑐣 𑐩𑐾 𑐬𑐴𑑅 ॥ 𑑑𑑕 ॥
- 𑐣 𑐩𑐾 𑐐𑐸𑐬𑐸𑐬𑑂𑐣 𑐩𑐾 𑐱𑐶𑐲𑑂𑐫𑑀 𑐣 𑐩𑐾 𑐴𑐷𑐣𑑀 𑐣 𑐔𑐵𑐢𑐶𑐎𑑅 ।
- 𑐣 𑐩𑐾 𑐧𑑂𑐬𑐴𑑂𑐩 𑐣 𑐩𑐾 𑐰𑐶𑐲𑑂𑐞𑐸𑐬𑑂𑐣 𑐩𑐾 𑐬𑐸𑐡𑑂𑐬𑑀 𑐣 𑐔𑐣𑑂𑐡𑑂𑐬𑐩𑐵𑑅 ॥ 𑑑𑑖 ॥
- 𑐣 𑐩𑐾 𑐥𑐺𑐠𑑂𑐰𑐷 𑐣 𑐩𑐾 𑐟𑑀𑐫𑑄 𑐣 𑐩𑐾 𑐰𑐵𑐫𑐸𑐬𑑂𑐣 𑐩𑐾 𑐰𑐶𑐫𑐟𑑂 ।
- 𑐣 𑐩𑐾 𑐰𑐴𑑂𑐣𑐶𑐬𑑂𑐣 𑐩𑐾 𑐐𑑀𑐟𑑂𑐬𑑄 𑐣 𑐩𑐾 𑐮𑐎𑑂𑐲𑑂𑐫𑑄 𑐣 𑐩𑐾 𑐨𑐰𑑅 ॥ 𑑑𑑗 ॥
- 𑐣 𑐩𑐾 𑐢𑑂𑐫𑐵𑐟𑐵 𑐣 𑐩𑐾 𑐢𑑂𑐫𑐾𑐫𑑄 𑐣 𑐩𑐾 𑐢𑑂𑐫𑐵𑐣𑑄 𑐣 𑐩𑐾 𑐩𑐣𑐸𑑅 ।
- 𑐣 𑐩𑐾 𑐱𑐷𑐟𑑄 𑐣 𑐩𑐾 𑐔𑑀𑐲𑑂𑐞𑑄 𑐣 𑐩𑐾 𑐟𑐺𑐲𑑂𑐞𑐵 𑐣 𑐩𑐾 𑐎𑑂𑐲𑐸𑐢𑐵 ॥ 𑑑𑑘 ॥
- 𑐣 𑐩𑐾 𑐩𑐶𑐟𑑂𑐬𑑄 𑐣 𑐩𑐾 𑐱𑐟𑑂𑐬𑐸𑐬𑑂𑐣 𑐩𑐾 𑐩𑑀𑐴𑑀 𑐣 𑐩𑐾 𑐖𑐫𑑅 ।
- 𑐣 𑐩𑐾 𑐥𑐹𑐬𑑂𑐰𑑄 𑐣 𑐩𑐾 𑐥𑐱𑑂𑐔𑐵𑐣𑑂𑐣 𑐩𑐾 𑐔𑑀𑐬𑑂𑐢𑑂𑐰𑑄 𑐣 𑐩𑐾 𑐡𑐶𑐱𑑅 ॥ 𑑑𑑙 ॥
- 𑐣 𑐩𑐾 𑐰𑐎𑑂𑐟𑐰𑑂𑐫𑐩𑐮𑑂𑐥𑑄 𑐰𑐵 𑐣 𑐩𑐾 𑐱𑑂𑐬𑑀𑐟𑐰𑑂𑐫𑐩𑐞𑑂𑐰𑐥𑐶 ।
- 𑐣 𑐩𑐾 𑐐𑐣𑑂𑐟𑐰𑑂𑐫𑐩𑐷𑐲𑐡𑑂𑐰𑐵 𑐣 𑐩𑐾 𑐢𑑂𑐫𑐵𑐟𑐰𑑂𑐫𑐩𑐞𑑂𑐰𑐥𑐶 ॥ 𑑒𑑐 ॥
- 𑐣 𑐩𑐾 𑐨𑑀𑐎𑑂𑐟𑐰𑑂𑐫𑐩𑐷𑐲𑐡𑑂𑐰𑐵 𑐣 𑐩𑐾 𑐳𑑂𑐩𑐬𑑂𑐟𑐰𑑂𑐫𑐩𑐞𑑂𑐰𑐥𑐶 ।
- 𑐣 𑐩𑐾 𑐨𑑀𑐐𑑀 𑐣 𑐩𑐾 𑐬𑐵𑐐𑑀 𑐣 𑐩𑐾 𑐫𑐵𑐐𑑀 𑐣 𑐩𑐾 𑐮𑐫𑑅 ॥ 𑑒𑑑 ॥
- 𑐣 𑐩𑐾 𑐩𑑁𑐬𑑂𑐏𑑂𑐫𑑄 𑐣 𑐩𑐾 𑐱𑐵𑐣𑑂𑐟𑑄 𑐣 𑐩𑐾 𑐧𑐣𑑂𑐢𑑀 𑐣 𑐩𑐾 𑐥𑑂𑐬𑐶𑐫𑐩𑑂 ।
- 𑐣 𑐩𑐾 𑐩𑑀𑐡𑑅 𑐥𑑂𑐬𑐩𑑀𑐡𑑀 𑐰𑐵 𑐣 𑐩𑐾 𑐳𑑂𑐠𑐹𑐮𑑄 𑐣 𑐩𑐾 𑐎𑐺𑐱𑐩𑑂 ॥ 𑑒𑑒 ॥
- 𑐣 𑐩𑐾 𑐡𑐷𑐬𑑂𑐑𑑄 𑐣 𑐩𑐾 𑐴𑑂𑐬𑐳𑑂𑐰𑑄 𑐣 𑐩𑐾 𑐰𑐺𑐡𑑂𑐢𑐶𑐬𑑂𑐣 𑐩𑐾 𑐎𑑂𑐲𑐫𑑅 ।
- 𑐀𑐢𑑂𑐫𑐵𑐬𑑀𑐥𑑀ऽ𑐥𑐰𑐵𑐡𑑀 𑐰𑐵 𑐣 𑐩𑐾 𑐔𑐿𑐎𑑄 𑐣 𑐩𑐾 𑐧𑐴𑐸 ॥ 𑑒𑑓 ॥
- 𑐣 𑐩𑐾 𑐁𑐣𑑂𑐢𑑂𑐫𑑄 𑐣 𑐩𑐾 𑐩𑐵𑐣𑑂𑐡𑑂𑐫𑑄 𑐣 𑐩𑐾 𑐥𑐚𑑂𑐰𑐶𑐡𑐩𑐞𑑂𑐰𑐥𑐶 ।
- 𑐣 𑐩𑐾 𑐩𑐵𑑄𑐳𑑄 𑐣 𑐩𑐾 𑐬𑐎𑑂𑐟𑑄 𑐣 𑐩𑐾 𑐩𑐾𑐡𑑀 𑐣 𑐩𑐾 𑐴𑑂𑐫𑐳𑐺𑐎𑑂 ॥ 𑑒𑑔 ॥
- 𑐣 𑐩𑐾 𑐩𑐖𑑂𑐖𑐵 𑐣 𑐩𑐾ऽ𑐳𑑂𑐠𑐶𑐬𑑂𑐰𑐵 𑐣 𑐩𑐾 𑐟𑑂𑐰𑐐𑑂𑐢𑐵𑐟𑐸𑐳𑐥𑑂𑐟𑐎𑐩𑑂 ।
- 𑐣 𑐩𑐾 𑐱𑐸𑐎𑑂𑐮𑑄 𑐣 𑐩𑐾 𑐬𑐎𑑂𑐟𑑄 𑐣 𑐩𑐾 𑐣𑐷𑐮𑑄 𑐣𑐩𑐾 𑐥𑐺𑐠𑐎𑑂 ॥ 𑑒𑑕 ॥
- 𑐣 𑐩𑐾 𑐟𑐵𑐥𑑀 𑐣 𑐩𑐾 𑐮𑐵𑐨𑑀 𑐩𑐸𑐏𑑂𑐫𑑄 𑐐𑑁𑐞𑑄 𑐣 𑐩𑐾 𑐎𑑂𑐰𑐔𑐶𑐟𑑂 ।
- 𑐣 𑐩𑐾 𑐨𑑂𑐬𑐵𑐣𑑂𑐟𑐶𑐬𑑂𑐣 𑐩𑐾 𑐳𑑂𑐠𑐿𑐬𑑂𑐫𑑄 𑐣 𑐩𑐾 𑐐𑐸𑐴𑑂𑐫𑑄 𑐣 𑐩𑐾 𑐎𑐸𑐮𑐩𑑂 ॥ 𑑒𑑖 ॥
- 𑐣 𑐩𑐾 𑐟𑑂𑐫𑐵𑐖𑑂𑐫𑑄 𑐣 𑐩𑐾 𑐐𑑂𑐬𑐵𑐴𑑂𑐫𑑄 𑐣 𑐩𑐾 𑐴𑐵𑐳𑑂𑐫𑑄 𑐣 𑐩𑐾 𑐣𑐫𑑅 ।
- 𑐣 𑐩𑐾 𑐰𑐺𑐟𑑂𑐟𑑄 𑐣 𑐩𑐾 𑐐𑑂𑐮𑐵𑐣𑐶𑐬𑑂𑐣 𑐩𑐾 𑐱𑑀𑐲𑑂𑐫𑑄 𑐣 𑐩𑐾 𑐳𑐸𑐏𑐩𑑂 ॥ 𑑒𑑗 ॥
- 𑐣 𑐩𑐾 𑐖𑑂𑐘𑐵𑐟𑐵 𑐣 𑐩𑐾 𑐖𑑂𑐘𑐵𑐣𑑄 𑐣 𑐩𑐾 𑐖𑑂𑐘𑐾𑐫𑑄 𑐣 𑐩𑐾 𑐳𑑂𑐰𑐫𑐩𑑂 ।
- 𑐣 𑐩𑐾 𑐟𑐸𑐨𑑂𑐫𑑄 𑐣𑐩𑐾 𑐩𑐴𑑂𑐫𑑄 𑐣 𑐩𑐾 𑐟𑑂𑐰𑑄 𑐔 𑐣 𑐩𑐾 𑐟𑑂𑐰𑐴𑐩𑑂 ॥ 𑑒𑑘 ॥
- 𑐣 𑐩𑐾 𑐖𑐬𑐵 𑐣 𑐩𑐾 𑐧𑐵𑐮𑑂𑐫𑑄 𑐣 𑐩𑐾 𑐫𑑁𑐰𑐣𑐩𑐞𑑂𑐰𑐥𑐶 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑑂𑐫𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑑂𑐫𑐴𑑄 𑐧𑑂𑐬𑐴𑑂𑐩𑐾𑐟𑐶 𑐣𑐶𑐱𑑂𑐔𑐫𑑅 ॥ 𑑒𑑙 ॥
- 𑐔𑐶𑐡𑐴𑑄 𑐔𑐶𑐡𑐴𑑄 𑐔𑐾𑐟𑐶 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ।
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐔𑐶𑐡𑐾𑐰𑐵𑐴𑑄 𑐥𑐬𑑀 𑐰𑐵𑐴𑑄 𑐣 𑐳𑑄𑐱𑐫𑑅 ॥ 𑑓𑑐 ॥
- 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐴𑑄𑐳𑑅 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐳𑑂𑐠𑐶𑐟𑑅 ।
- 𑐳𑑂𑐰𑐫𑐩𑐾𑐰 𑐳𑑂𑐰𑐫𑑄 𑐥𑐱𑑂𑐫𑐾𑐟𑑂𑐳𑑂𑐰𑐵𑐟𑑂𑐩𑐬𑐵𑐖𑑂𑐫𑐾 𑐳𑐸𑐏𑑄 𑐰𑐳𑐾𑐟𑑂 ॥ 𑑓𑑑 ॥
- 𑐳𑑂𑐰𑐵𑐟𑑂𑐩𑐵𑐣𑐣𑑂𑐡𑑄 𑐳𑑂𑐰𑐫𑑄 𑐨𑑀𑐎𑑂𑐲𑑂𑐫𑐾𑐟𑑂𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ।
- 𑐳𑑂𑐰𑐫𑐩𑐾𑐰𑐿𑐎𑐰𑐷𑐬𑑀ऽ𑐐𑑂𑐬𑐾 𑐳𑑂𑐰𑐫𑐩𑐾𑐰 𑐥𑑂𑐬𑐨𑐸𑑅 𑐳𑑂𑐩𑐺𑐟𑑅 ।
- 𑐳𑑂𑐰𑐳𑑂𑐰𑐬𑐹𑐥𑐾 𑐳𑑂𑐰𑐫𑑄 𑐳𑑂𑐰𑐥𑑂𑐳𑑂𑐫𑐾 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑓𑑒 ॥
- 𑐧𑑂𑐬𑐴𑑂𑐩𑐨𑐹𑐟𑑅 𑐥𑑂𑐬𑐱𑐵𑐣𑑂𑐟𑐵𑐟𑑂𑐩𑐵 𑐧𑑂𑐬𑐴𑑂𑐩𑐵𑐣𑐣𑑂𑐡𑐩𑐫𑑅 𑐳𑐸𑐏𑐷 ।
- 𑐳𑑂𑐰𑐔𑑂𑐕𑐬𑐹𑐥𑑀 𑐩𑐴𑐵𑐩𑑁𑐣𑐷 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑓𑑓 ॥
- 𑐳𑐬𑑂𑐰𑐵𑐟𑑂𑐩𑐵 𑐳𑐩𑐬𑐹𑐥𑐵𑐟𑑂𑐩𑐵 𑐱𑐸𑐡𑑂𑐢𑐵𑐟𑑂𑐩𑐵 𑐟𑑂𑐰𑐴𑐩𑐸𑐟𑑂𑐠𑐶𑐟𑑅 ।
- 𑐊𑐎𑐰𑐬𑑂𑐖𑐶𑐟 𑐊𑐎𑐵𑐟𑑂𑐩𑐵 𑐳𑐬𑑂𑐰𑐵𑐟𑑂𑐩𑐵 𑐳𑑂𑐰𑐵𑐟𑑂𑐩𑐩𑐵𑐟𑑂𑐬𑐎𑑅 ॥ 𑑓𑑔 ॥
- 𑐀𑐖𑐵𑐟𑑂𑐩𑐵 𑐔𑐵𑐩𑐺𑐟𑐵𑐟𑑂𑐩𑐵𑐴𑑄 𑐳𑑂𑐰𑐫𑐩𑐵𑐟𑑂𑐩𑐵𑐴𑐩𑐰𑑂𑐫𑐫𑑅 ।
- 𑐮𑐎𑑂𑐲𑑂𑐫𑐵𑐟𑑂𑐩𑐵 𑐮𑐮𑐶𑐟𑐵𑐟𑑂𑐩𑐵𑐴𑑄 𑐟𑐹𑐲𑑂𑐞𑐷𑐩𑐵𑐟𑑂𑐩𑐳𑑂𑐰𑐨𑐵𑐰𑐰𑐵𑐣𑑂 ॥ 𑑓𑑕 ॥
- 𑐁𑐣𑐣𑑂𑐡𑐵𑐟𑑂𑐩𑐵 𑐥𑑂𑐬𑐶𑐫𑑀 𑐴𑑂𑐫𑐵𑐟𑑂𑐩𑐵 𑐩𑑀𑐎𑑂𑐲𑐵𑐟𑑂𑐩𑐵 𑐧𑐣𑑂𑐢𑐰𑐬𑑂𑐖𑐶𑐟𑑅 ।
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐔𑐶𑐡𑐾𑐰𑐵𑐴𑐩𑐾𑐰𑑄 𑐰𑐵𑐥𑐶 𑐣 𑐔𑐶𑐣𑑂𑐟𑑂𑐫𑐟𑐾 ॥ 𑑓𑑖 ॥
- 𑐔𑐶𑐣𑑂𑐩𑐵𑐟𑑂𑐬𑐾𑐞𑐿𑐰 𑐫𑐳𑑂𑐟𑐶𑐲𑑂𑐛𑐾𑐡𑑂𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑓𑑗 ॥
- 𑐣𑐶𑐱𑑂𑐔𑐫𑑄 𑐔 𑐥𑐬𑐶𑐟𑑂𑐫𑐖𑑂𑐫 𑐀𑐴𑑄 𑐧𑑂𑐬𑐴𑑂𑐩𑐾𑐟𑐶 𑐣𑐶𑐱𑑂𑐔𑐫𑐩𑑂 ।
- 𑐁𑐣𑐣𑑂𑐡𑐨𑐬𑐶𑐟𑐳𑑂𑐰𑐵𑐣𑑂𑐟𑑀 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑓𑑘 ॥
- 𑐳𑐬𑑂𑐰𑐩𑐳𑑂𑐟𑐷𑐟𑐶 𑐣𑐵𑐳𑑂𑐟𑐷𑐟𑐶 𑐣𑐶𑐱𑑂𑐔𑐫𑑄 𑐟𑑂𑐫𑐖𑑂𑐫 𑐟𑐶𑐲𑑂𑐛𑐟𑐶 ।
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐣𑐵𑐳𑑂𑐩𑐷𑐟𑐶 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑐎𑑅 ॥ 𑑓𑑙 ॥
- 𑐎𑐶𑐘𑑂𑐔𑐶𑐟𑑂𑐎𑑂𑐰𑐔𑐶𑐟𑑂𑐎𑐡𑐵𑐔𑐶𑐔𑑂𑐔 𑐁𑐟𑑂𑐩𑐵𑐣𑑄 𑐣 𑐳𑑂𑐥𑐺𑐱𑐟𑑂𑐫𑐳𑑁 ।
- 𑐟𑐹𑐲𑑂𑐞𑐷𑐩𑐾𑐰 𑐳𑑂𑐠𑐶𑐟𑐳𑑂𑐟𑐹𑐲𑑂𑐞𑐷𑑄 𑐟𑐹𑐲𑑂𑐞𑐷𑑄 𑐳𑐟𑑂𑐫𑑄 𑐣 𑐎𑐶𑐘𑑂𑐔𑐣 ॥ 𑑔𑑐 ॥
- 𑐥𑐬𑐩𑐵𑐟𑑂𑐩𑐵 𑐐𑐸𑐞𑐵𑐟𑐷𑐟𑑅 𑐳𑐬𑑂𑐰𑐵𑐟𑑂𑐩𑐵 𑐨𑐹𑐟𑐨𑐵𑐰𑐣𑑅 ।
- 𑐎𑐵𑐮𑐨𑐾𑐡𑑄 𑐰𑐳𑑂𑐟𑐸𑐨𑐾𑐡𑑄 𑐡𑐾𑐱𑐨𑐾𑐡𑑄 𑐳𑑂𑐰𑐨𑐾𑐡𑐎𑐩𑑂 ॥ 𑑔𑑑 ॥
- 𑐎𑐶𑐘𑑂𑐔𑐶𑐡𑑂𑐨𑐾𑐡𑑄 𑐣 𑐟𑐳𑑂𑐫𑐵𑐳𑑂𑐟𑐶 𑐎𑐶𑐘𑑂𑐔𑐶𑐡𑑂𑐰𑐵𑐥𑐶 𑐣 𑐰𑐶𑐡𑑂𑐫𑐟𑐾 ।
- 𑐀𑐴𑑄 𑐟𑑂𑐰𑑄 𑐟𑐡𑐶𑐡𑑄 𑐳𑑀ऽ𑐫𑑄 𑐎𑐵𑐮𑐵𑐟𑑂𑐩𑐵 𑐎𑐵𑐮𑐴𑐷𑐣𑐎𑑅 ॥ 𑑔𑑒 ॥
- 𑐱𑐹𑐣𑑂𑐫𑐵𑐟𑑂𑐩𑐵 𑐳𑐹𑐎𑑂𑐲𑑂𑐩𑐬𑐹𑐥𑐵𑐟𑑂𑐩𑐵 𑐰𑐶𑐱𑑂𑐰𑐵𑐟𑑂𑐩𑐵 𑐰𑐶𑐱𑑂𑐰𑐴𑐷𑐣𑐎𑑅 ।
- 𑐡𑐾𑐰𑐵𑐟𑑂𑐩𑐵 𑐡𑐾𑐰𑐴𑐷𑐣𑐵𑐟𑑂𑐩𑐵 𑐩𑐾𑐫𑐵𑐟𑑂𑐩𑐵 𑐩𑐾𑐫𑐰𑐬𑑂𑐖𑐶𑐟𑑅 ॥ 𑑔𑑓 ॥
- 𑐳𑐬𑑂𑐰𑐟𑑂𑐬 𑐖𑐜𑐴𑐷𑐣𑐵𑐟𑑂𑐩𑐵 𑐳𑐬𑑂𑐰𑐾𑐲𑐵𑐩𑐣𑑂𑐟𑐬𑐵𑐟𑑂𑐩𑐎𑑅 ।
- 𑐳𑐬𑑂𑐰𑐳𑐒𑑂𑐎𑐮𑑂𑐥𑐴𑐷𑐣𑐵𑐟𑑂𑐩𑐵 𑐔𑐶𑐣𑑂𑐩𑐵𑐟𑑂𑐬𑑀ऽ𑐳𑑂𑐩𑐷𑐟𑐶 𑐳𑐬𑑂𑐰𑐡𑐵 ॥ 𑑔𑑔 ॥
- 𑐎𑐾𑐰𑐮𑑅 𑐥𑐬𑐩𑐵𑐟𑑂𑐩𑐵𑐴𑑄 𑐎𑐾𑐰𑐮𑑀 𑐖𑑂𑐘𑐵𑐣𑐰𑐶𑐐𑑂𑐬𑐴𑑅 ।
- 𑐳𑐟𑑂𑐟𑐵𑐩𑐵𑐟𑑂𑐬𑐳𑑂𑐰𑐬𑐹𑐥𑐵𑐟𑑂𑐩𑐵 𑐣𑐵𑐣𑑂𑐫𑐟𑑂𑐎𑐶𑐘𑑂𑐔𑐶𑐖𑑂𑐖𑐐𑐡𑑂𑐨𑐫𑐩𑑂 ॥ 𑑔𑑕 ॥
- 𑐖𑐷𑐰𑐾𑐱𑑂𑐰𑐬𑐾𑐟𑐶 𑐰𑐵𑐎𑑂𑐎𑑂𑐰𑐾𑐟𑐶 𑐰𑐾𑐡𑐱𑐵𑐳𑑂𑐟𑑂𑐬𑐵𑐡𑑂𑐫𑐴𑑄 𑐟𑑂𑐰𑐶𑐟𑐶 ।
- 𑐂𑐡𑑄 𑐔𑐿𑐟𑐣𑑂𑐫𑐩𑐾𑐰𑐾𑐟𑐶 𑐀𑐴𑑄 𑐔𑐿𑐟𑐣𑑂𑐫𑐩𑐶𑐟𑑂𑐫𑐥𑐶 ॥ 𑑔𑑖 ॥
- 𑐂𑐟𑐶 𑐣𑐶𑐱𑑂𑐔𑐫𑐱𑐹𑐣𑑂𑐫𑑀 𑐫𑑀 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ।
- 𑐔𑐿𑐟𑐣𑑂𑐫𑐩𑐵𑐟𑑂𑐬𑐳𑑄𑐳𑐶𑐡𑑂𑐢𑑅 𑐳𑑂𑐰𑐵𑐟𑑂𑐩𑐵𑐬𑐵𑐩𑑅 𑐳𑐸𑐏𑐵𑐳𑐣𑑅 ॥ 𑑔𑑗 ॥
- 𑐀𑐥𑐬𑐶𑐔𑑂𑐕𑐶𑐣𑑂𑐣𑐬𑐹𑐥𑐵𑐟𑑂𑐩𑐵 𑐀𑐞𑐸𑐳𑑂𑐠𑐹𑐮𑐵𑐡𑐶𑐰𑐬𑑂𑐖𑐶𑐟𑑅 ।
- 𑐟𑐸𑐬𑑂𑐫𑐟𑐸𑐬𑑂𑐫𑐵 𑐥𑐬𑐵𑐣𑐣𑑂𑐡𑑀 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑔𑑘 ॥
- 𑐣𑐵𑐩𑐬𑐹𑐥𑐰𑐶𑐴𑐷𑐣𑐵𑐟𑑂𑐩𑐵 𑐥𑐬𑐳𑑄𑐰𑐶𑐟𑑂𑐳𑐸𑐏𑐵𑐟𑑂𑐩𑐎𑑅 ।
- 𑐟𑐸𑐬𑐷𑐫𑐵𑐟𑐷𑐟𑐬𑐹𑐥𑐵𑐟𑑂𑐩𑐵 𑐱𑐸𑐨𑐵𑐱𑐸𑐨𑐰𑐶𑐰𑐬𑑂𑐖𑐶𑐟𑑅 ॥ 𑑔𑑙 ॥
- 𑐫𑑀𑐐𑐵𑐟𑑂𑐩𑐵 𑐫𑑀𑐐𑐫𑐸𑐎𑑂𑐟𑐵𑐟𑑂𑐩𑐵 𑐧𑐣𑑂𑐢𑐩𑑀𑐎𑑂𑐲𑐰𑐶𑐰𑐬𑑂𑐖𑐶𑐟𑑅 ।
- 𑐐𑐸𑐞𑐵𑐐𑐸𑐞𑐰𑐶𑐴𑐷𑐣𑐵𑐟𑑂𑐩𑐵 𑐡𑐾𑐱𑐎𑐵𑐮𑐵𑐡𑐶𑐰𑐬𑑂𑐖𑐶𑐟𑑅 ॥ 𑑕𑑐 ॥
- 𑐳𑐵𑐎𑑂𑐲𑑂𑐫𑐳𑐵𑐎𑑂𑐲𑐶𑐟𑑂𑐰𑐴𑐷𑐣𑐵𑐟𑑂𑐩𑐵 𑐎𑐶𑐘𑑂𑐔𑐶𑐟𑑂𑐎𑐶𑐘𑑂𑐔𑐶𑐣𑑂𑐣 𑐎𑐶𑐘𑑂𑐔𑐣 ।
- 𑐫𑐳𑑂𑐫 𑐥𑑂𑐬𑐥𑐘𑑂𑐔𑐩𑐵𑐣𑑄 𑐣 𑐧𑑂𑐬𑐴𑑂𑐩𑐵𑐎𑐵𑐬𑐩𑐥𑐷𑐴 𑐣 ॥ 𑑕𑑑 ॥
- 𑐳𑑂𑐰𑐳𑑂𑐰𑐬𑐹𑐥𑐾 𑐳𑑂𑐰𑐫𑑄𑐖𑑂𑐫𑑀𑐟𑐶𑑅 𑐳𑑂𑐰𑐳𑑂𑐰𑐬𑐹𑐥𑐾 𑐳𑑂𑐰𑐫𑑄𑐬𑐟𑐶𑑅 ।
- 𑐰𑐵𑐔𑐵𑐩𑐐𑑀𑐔𑐬𑐵𑐣𑐣𑑂𑐡𑑀 𑐰𑐵𑐒𑑂𑐩𑐣𑑀𑐐𑑀𑐔𑐬𑑅 𑐳𑑂𑐰𑐫𑐩𑑂 ॥ 𑑕𑑒 ॥
- 𑐀𑐟𑐷𑐟𑐵𑐟𑐷𑐟𑐨𑐵𑐰𑑀 𑐫𑑀 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ।
- 𑐔𑐶𑐟𑑂𑐟𑐰𑐺𑐟𑑂𑐟𑐾𑐬𑐟𑐷𑐟𑑀 𑐫𑐱𑑂𑐔𑐶𑐟𑑂𑐟𑐰𑐺𑐟𑑂𑐟𑑂𑐫𑐰𑐨𑐵𑐳𑐎𑑅 ॥ 𑑕𑑓 ॥
- 𑐳𑐬𑑂𑐰𑐰𑐺𑐟𑑂𑐟𑐶𑐰𑐶𑐴𑐷𑐣𑐵𑐟𑑂𑐩𑐵 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ।
- 𑐟𑐳𑑂𑐩𑐶𑐣𑑂𑐎𑐵𑐮𑐾 𑐰𑐶𑐡𑐾𑐴𑐷𑐟𑐶 𑐡𑐾𑐴𑐳𑑂𑐩𑐬𑐞𑐰𑐬𑑂𑐖𑐶𑐟𑑅 ॥ 𑑕𑑔 ॥
- 𑐃𑐲𑐣𑑂𑐩𑐵𑐟𑑂𑐬𑑄 𑐳𑑂𑐩𑐺𑐟𑑄 𑐔𑐾𑐡𑑂𑐫𑐳𑑂𑐟𑐡𑐵 𑐳𑐬𑑂𑐰𑐳𑐩𑐣𑑂𑐰𑐶𑐟𑑅 ।
- 𑐥𑐬𑐿𑐬𑐡𑐺𑐲𑑂𑐚𑐧𑐵𑐴𑑂𑐫𑐵𑐟𑑂𑐩𑐵 𑐥𑐬𑐩𑐵𑐣𑐣𑑂𑐡𑐔𑐶𑐡𑑂𑐢𑐣𑑅 ॥ 𑑕𑑕 ॥
- 𑐥𑐬𑐿𑐬𑐡𑐺𑐲𑑂𑐚𑐧𑐵𑐴𑑂𑐫𑐵𑐟𑑂𑐩𑐵 𑐳𑐬𑑂𑐰𑐰𑐾𑐡𑐵𑐣𑑂𑐟𑐐𑑀𑐔𑐬𑑅 ।
- 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑐵𑐳𑑂𑐰𑐵𑐡𑑀 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑐵𑐫𑐣𑑅 ॥ 𑑕𑑖 ॥
- 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑐵𑐳𑐎𑑂𑐟𑑀 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑑅 𑐳𑑂𑐰𑐫𑐩𑑂 ।
- 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑐾 𑐩𑐐𑑂𑐣𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐱𑐶𑐰𑐵𑐬𑑂𑐔𑐣𑑅 ॥ 𑑕𑑗 ॥
- 𑐧𑑂𑐬𑐴𑑂𑐩𑐵𑐩𑐺𑐟𑐬𑐳𑐾 𑐟𑐺𑐥𑑂𑐟𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐵𑐣𑐸𑐨𑐵𑐰𑐎𑑅 ।
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐱𑐶𑐰𑐵𑐣𑐣𑑂𑐡𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐬𑐳𑐥𑑂𑐬𑐨𑑅 ॥ 𑑕𑑘 ॥
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐥𑐬𑑄 𑐖𑑂𑐫𑑀𑐟𑐶𑐬𑑂𑐧𑑂𑐬𑐴𑑂𑐩𑐵𑐣𑐣𑑂𑐡𑐣𑐶𑐬𑐣𑑂𑐟𑐬𑑅 ।
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐬𑐳𑐵𑐣𑑂𑐣𑐵𑐡𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐎𑐸𑐚𑐸𑐩𑑂𑐧𑐎𑑅 ॥ 𑑕𑑙 ॥
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐬𑐳𑐵𑐬𑐹𑐝𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐿𑐎𑐔𑐶𑐡𑑂𑐢𑐣𑑅 ।
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐬𑐳𑑀𑐡𑑂𑐧𑐵𑐴𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐬𑐳𑐩𑑂𑐨𑐬𑑅 ॥ 𑑖𑑐 ॥
- 𑐧𑑂𑐬𑐴𑑂𑐩𑐵𑐣𑐣𑑂𑐡𑐖𑐣𑐿𑐬𑑂𑐫𑐸𑐎𑑂𑐟𑑀 𑐧𑑂𑐬𑐴𑑂𑐩𑐵𑐣𑐣𑑂𑐡𑐵𑐟𑑂𑐩𑐣𑐶 𑐳𑑂𑐠𑐶𑐟𑑅 ।
- 𑐁𑐟𑑂𑐩𑐬𑐹𑐥𑐩𑐶𑐡𑑄 𑐳𑐬𑑂𑐰𑐩𑐵𑐟𑑂𑐩𑐣𑑀ऽ𑐣𑑂𑐫𑐣𑑂𑐣 𑐎𑐘𑑂𑐔𑐣 ॥ 𑑖𑑑 ॥
- 𑐳𑐬𑑂𑐰𑐩𑐵𑐟𑑂𑐩𑐵𑐴𑐩𑐵𑐟𑑂𑐩𑐵𑐳𑑂𑐩𑐶 𑐥𑐬𑐩𑐵𑐟𑑂𑐩𑐵 𑐥𑐬𑐵𑐟𑑂𑐩𑐎𑑅 ।
- 𑐣𑐶𑐟𑑂𑐫𑐵𑐣𑐣𑑂𑐡𑐳𑑂𑐰𑐬𑐹𑐥𑐵𑐟𑑂𑐩𑐵 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑖𑑒 ॥
- 𑐥𑐹𑐬𑑂𑐞𑐬𑐹𑐥𑑀 𑐩𑐴𑐵𑐣𑐵𑐟𑑂𑐩𑐵 𑐥𑑂𑐬𑐷𑐟𑐵𑐟𑑂𑐩𑐵 𑐱𑐵𑐱𑑂𑐰𑐟𑐵𑐟𑑂𑐩𑐎𑑅 ।
- 𑐳𑐬𑑂𑐰𑐵𑐣𑑂𑐟𑐬𑑂𑐫𑐵𑐩𑐶𑐬𑐹𑐥𑐵𑐟𑑂𑐩𑐵 𑐣𑐶𑐬𑑂𑐩𑐮𑐵𑐟𑑂𑐩𑐵 𑐣𑐶𑐬𑐵𑐟𑑂𑐩𑐎𑑅 ॥ 𑑖𑑓 ॥
- 𑐣𑐶𑐬𑑂𑐰𑐶𑐎𑐵𑐬𑐳𑑂𑐰𑐬𑐹𑐥𑐵𑐟𑑂𑐩𑐵 𑐱𑐸𑐡𑑂𑐢𑐵𑐟𑑂𑐩𑐵 𑐱𑐵𑐣𑑂𑐟𑐬𑐹𑐥𑐎𑑅 ।
- 𑐱𑐵𑐣𑑂𑐟𑐵𑐱𑐵𑐣𑑂𑐟𑐳𑑂𑐰𑐬𑐹𑐥𑐵𑐟𑑂𑐩𑐵 𑐣𑐿𑐎𑐵𑐟𑑂𑐩𑐟𑑂𑐰𑐰𑐶𑐰𑐬𑑂𑐖𑐶𑐟𑑅 ॥ 𑑖𑑔 ॥
- 𑐖𑐷𑐰𑐵𑐟𑑂𑐩𑐥𑐬𑐩𑐵𑐟𑑂𑐩𑐾𑐟𑐶 𑐔𑐶𑐣𑑂𑐟𑐵𑐳𑐬𑑂𑐰𑐳𑑂𑐰𑐰𑐬𑑂𑐖𑐶𑐟𑑅 ।
- 𑐩𑐸𑐎𑑂𑐟𑐵𑐩𑐸𑐎𑑂𑐟𑐳𑑂𑐰𑐬𑐹𑐥𑐵𑐟𑑂𑐩𑐵 𑐩𑐸𑐎𑑂𑐟𑐵𑐩𑐸𑐎𑑂𑐟𑐰𑐶𑐰𑐬𑑂𑐖𑐶𑐟𑑅 ॥ 𑑖𑑕 ॥
- 𑐧𑐣𑑂𑐢𑐩𑑀𑐎𑑂𑐲𑐳𑑂𑐰𑐬𑐹𑐥𑐵𑐟𑑂𑐩𑐵 𑐧𑐣𑑂𑐢𑐩𑑀𑐎𑑂𑐲𑐰𑐶𑐰𑐬𑑂𑐖𑐶𑐟𑑅 ।
- 𑐡𑑂𑐰𑐿𑐟𑐵𑐡𑑂𑐰𑐿𑐟𑐳𑑂𑐰𑐬𑐹𑐥𑐵𑐟𑑂𑐩𑐵 𑐡𑑂𑐰𑐿𑐟𑐵𑐡𑑂𑐰𑐿𑐟𑐰𑐶𑐰𑐬𑑂𑐖𑐶𑐟𑑅 ॥ 𑑖𑑖 ॥
- 𑐳𑐬𑑂𑐰𑐵𑐳𑐬𑑂𑐰𑐳𑑂𑐰𑐬𑐹𑐥𑐵𑐟𑑂𑐩𑐵 𑐳𑐬𑑂𑐰𑐵𑐳𑐬𑑂𑐰𑐰𑐶𑐰𑐬𑑂𑐖𑐶𑐟𑑅 ।
- 𑐩𑑀𑐡𑐥𑑂𑐬𑐩𑑀𑐡𑐬𑐹𑐥𑐵𑐟𑑂𑐩𑐵 𑐩𑑀𑐡𑐵𑐡𑐶𑐰𑐶𑐣𑐶𑐰𑐬𑑂𑐖𑐶𑐟𑑅 ॥ 𑑖𑑗 ॥
- 𑐳𑐬𑑂𑐰𑐳𑐒𑑂𑐎𑐮𑑂𑐥𑐴𑐷𑐣𑐵𑐟𑑂𑐩𑐵 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ।
- 𑐣𑐶𑐲𑑂𑐎𑐮𑐵𑐟𑑂𑐩𑐵 𑐣𑐶𑐬𑑂𑐩𑐮𑐵𑐟𑑂𑐩𑐵 𑐧𑐸𑐡𑑂𑐢𑐵𑐟𑑂𑐩𑐵𑐥𑐸𑐬𑐸𑐲𑐵𑐟𑑂𑐩𑐎𑑅 ॥ 𑑖𑑘 ॥
- 𑐁𑐣𑐣𑑂𑐡𑐵𑐡𑐶𑐰𑐶𑐴𑐷𑐣𑐵𑐟𑑂𑐩𑐵 𑐀𑐩𑐺𑐟𑐵𑐟𑑂𑐩𑐵𑐩𑐺𑐟𑐵𑐟𑑂𑐩𑐎𑑅 ।
- 𑐎𑐵𑐮𑐟𑑂𑐬𑐫𑐳𑑂𑐰𑐬𑐹𑐥𑐵𑐟𑑂𑐩𑐵 𑐎𑐵𑐮𑐟𑑂𑐬𑐫𑐰𑐶𑐰𑐬𑑂𑐖𑐶𑐟𑑅 ॥ 𑑖𑑙 ॥
- 𑐀𑐏𑐶𑐮𑐵𑐟𑑂𑐩𑐵 𑐴𑑂𑐫𑐩𑐾𑐫𑐵𑐟𑑂𑐩𑐵 𑐩𑐵𑐣𑐵𑐟𑑂𑐩𑐵 𑐩𑐵𑐣𑐰𑐬𑑂𑐖𑐶𑐟𑑅 ।
- 𑐣𑐶𑐟𑑂𑐫𑐥𑑂𑐬𑐟𑑂𑐫𑐎𑑂𑐲𑐬𑐹𑐥𑐵𑐟𑑂𑐩𑐵 𑐣𑐶𑐟𑑂𑐫𑐥𑑂𑐬𑐟𑑂𑐫𑐎𑑂𑐲𑐣𑐶𑐬𑑂𑐞𑐫𑑅 ॥ 𑑗𑑐 ॥
- 𑐀𑐣𑑂𑐫𑐴𑐷𑐣𑐳𑑂𑐰𑐨𑐵𑐰𑐵𑐟𑑂𑐩𑐵 𑐀𑐣𑑂𑐫𑐴𑐷𑐣𑐳𑑂𑐰𑐫𑑄𑐥𑑂𑐬𑐨𑑅 ।
- 𑐰𑐶𑐡𑑂𑐫𑐵𑐰𑐶𑐡𑑂𑐫𑐵𑐡𑐶𑐩𑐾𑐫𑐵𑐟𑑂𑐩𑐵 𑐰𑐶𑐡𑑂𑐫𑐵𑐰𑐶𑐡𑑂𑐫𑐵𑐡𑐶𑐰𑐬𑑂𑐖𑐶𑐟𑑅 ॥ 𑑗𑑑 ॥
- 𑐣𑐶𑐟𑑂𑐫𑐵𑐣𑐶𑐟𑑂𑐫𑐰𑐶𑐴𑐷𑐣𑐵𑐟𑑂𑐩𑐵 𑐂𑐴𑐵𑐩𑐸𑐟𑑂𑐬𑐰𑐶𑐰𑐬𑑂𑐖𑐶𑐟𑑅 ।
- 𑐱𑐩𑐵𑐡𑐶𑐲𑐚𑑂𑐎𑐱𑐹𑐣𑑂𑐫𑐵𑐟𑑂𑐩𑐵 𑐩𑐸𑐩𑐸𑐎𑑂𑐲𑐸𑐟𑑂𑐰𑐵𑐡𑐶𑐰𑐬𑑂𑐖𑐶𑐟𑑅 ॥ 𑑗𑑒 ॥
- 𑐳𑑂𑐠𑐹𑐮𑐡𑐾𑐴𑐰𑐶𑐴𑐷𑐣𑐵𑐟𑑂𑐩𑐵 𑐳𑐹𑐎𑑂𑐲𑑂𑐩𑐡𑐾𑐴𑐰𑐶𑐰𑐬𑑂𑐖𑐶𑐟𑑅 ।
- 𑐎𑐵𑐬𑐞𑐵𑐡𑐶𑐰𑐶𑐴𑐷𑐣𑐵𑐟𑑂𑐩𑐵 𑐟𑐸𑐬𑐷𑐫𑐵𑐡𑐶𑐰𑐶𑐰𑐬𑑂𑐖𑐶𑐟𑑅 ॥ 𑑗𑑓 ॥
- 𑐀𑐣𑑂𑐣𑐎𑑀𑐱𑐰𑐶𑐴𑐷𑐣𑐵𑐟𑑂𑐩𑐵 𑐥𑑂𑐬𑐵𑐞𑐎𑑀𑐱𑐰𑐶𑐰𑐬𑑂𑐖𑐶𑐟𑑅 ।
- 𑐩𑐣𑑅𑐎𑑀𑐱𑐰𑐶𑐴𑐷𑐣𑐵𑐟𑑂𑐩𑐵 𑐰𑐶𑐖𑑂𑐘𑐵𑐣𑐵𑐡𑐶𑐰𑐶𑐰𑐬𑑂𑐖𑐶𑐟𑑅 ॥ 𑑗𑑔 ॥
- 𑐁𑐣𑐣𑑂𑐡𑐎𑑀𑐱𑐴𑐷𑐣𑐵𑐟𑑂𑐩𑐵 𑐥𑐘𑑂𑐔𑐎𑑀𑐱𑐰𑐶𑐰𑐬𑑂𑐖𑐶𑐟𑑅 ।
- 𑐣𑐶𑐬𑑂𑐰𑐶𑐎𑐮𑑂𑐥𑐳𑑂𑐰𑐬𑐹𑐥𑐵𑐟𑑂𑐩𑐵 𑐳𑐰𑐶𑐎𑐮𑑂𑐥𑐰𑐶𑐰𑐬𑑂𑐖𑐶𑐟𑑅 ॥ 𑑗𑑕 ॥
- 𑐡𑐺𑐱𑑂𑐫𑐵𑐣𑐸𑐰𑐶𑐡𑑂𑐢𑐴𑐷𑐣𑐵𑐟𑑂𑐩𑐵 𑐱𑐧𑑂𑐡𑐰𑐶𑐡𑑂𑐢𑐰𑐶𑐰𑐬𑑂𑐖𑐶𑐟𑑅 ।
- 𑐳𑐡𑐵 𑐳𑐩𑐵𑐢𑐶𑐱𑐹𑐣𑑂𑐫𑐵𑐟𑑂𑐩𑐵 𑐁𑐡𑐶𑐩𑐢𑑂𑐫𑐵𑐣𑑂𑐟𑐰𑐬𑑂𑐖𑐶𑐟𑑅 ॥ 𑑗𑑖 ॥
- 𑐥𑑂𑐬𑐖𑑂𑐘𑐵𑐣𑐰𑐵𑐎𑑂𑐫𑐴𑐷𑐣𑐵𑐟𑑂𑐩𑐵 𑐀𑐴𑑄𑐧𑑂𑐬𑐴𑑂𑐩𑐵𑐳𑑂𑐩𑐶𑐰𑐬𑑂𑐖𑐶𑐟𑑅 ।
- 𑐟𑐟𑑂𑐟𑑂𑐰𑐩𑐳𑑂𑐫𑐵𑐡𑐶𑐴𑐷𑐣𑐵𑐟𑑂𑐩𑐵 𑐀𑐫𑐩𑐵𑐟𑑂𑐩𑐾𑐟𑑂𑐫𑐨𑐵𑐰𑐎𑑅 ॥ 𑑗𑑗 ॥
- 𑐌𑐒𑑂𑐎𑐵𑐬𑐰𑐵𑐔𑑂𑐫𑐴𑐷𑐣𑐵𑐟𑑂𑐩𑐵 𑐳𑐬𑑂𑐰𑐰𑐵𑐔𑑂𑐫𑐰𑐶𑐰𑐬𑑂𑐖𑐶𑐟𑑅 ।
- 𑐀𑐰𑐳𑑂𑐠𑐵𑐟𑑂𑐬𑐫𑐴𑐷𑐣𑐵𑐟𑑂𑐩𑐵 𑐀𑐎𑑂𑐲𑐬𑐵𑐟𑑂𑐩𑐵 𑐔𑐶𑐡𑐵𑐟𑑂𑐩𑐎𑑅 ॥ 𑑗𑑘 ॥
- 𑐁𑐟𑑂𑐩𑐖𑑂𑐘𑐾𑐫𑐵𑐡𑐶𑐴𑐷𑐣𑐵𑐟𑑂𑐩𑐵 𑐫𑐟𑑂𑐎𑐶𑐘𑑂𑐔𑐶𑐡𑐶𑐡𑐩𑐵𑐟𑑂𑐩𑐎𑑅 ।
- 𑐨𑐵𑐣𑐵𑐨𑐵𑐣𑐰𑐶𑐴𑐷𑐣𑐵𑐟𑑂𑐩𑐵 𑐰𑐿𑐡𑐾𑐴𑐷 𑐩𑐸𑐎𑑂𑐟 𑐊𑐰 𑐳𑑅 ॥ 𑑗𑑙 ॥
- 𑐁𑐟𑑂𑐩𑐵𑐣𑐩𑐾𑐰 𑐰𑐷𑐎𑑂𑐲𑐳𑑂𑐰 𑐁𑐟𑑂𑐩𑐵𑐣𑑄 𑐧𑑀𑐢𑐫 𑐳𑑂𑐰𑐎𑐩𑑂 ।
- 𑐳𑑂𑐰𑐩𑐵𑐟𑑂𑐩𑐵𑐣𑑄 𑐳𑑂𑐰𑐫𑑄 𑐨𑐸𑐒𑑂𑐎𑑂𑐲𑑂𑐰 𑐳𑑂𑐰𑐳𑑂𑐠𑑀 𑐨𑐰 𑐲𑐜𑐵𑐣𑐣 ॥ 𑑘𑑐 ॥
- 𑐳𑑂𑐰𑐩𑐵𑐟𑑂𑐩𑐣𑐶 𑐳𑑂𑐰𑐫𑑄 𑐟𑐺𑐥𑑂𑐟𑑅 𑐳𑑂𑐰𑐩𑐵𑐟𑑂𑐩𑐵𑐣𑑄 𑐳𑑂𑐰𑐫𑑄 𑐔𑐬 ।
- 𑐁𑐟𑑂𑐩𑐵𑐣𑐩𑐾𑐰 𑐩𑑀𑐡𑐳𑑂𑐰 𑐰𑐿𑐡𑐾𑐴𑐷 𑐩𑐸𑐎𑑂𑐟𑐶𑐎𑑀 𑐨𑐰𑐾𑐟𑑂𑐫𑐸𑐥𑐣𑐶𑐲𑐟𑑂 ॥
॥ 𑐥𑐘𑑂𑐔𑐩𑑀ऽ𑐢𑑂𑐫𑐵𑐫𑑅 ॥
[सम्पादन]- 𑐣𑐶𑐡𑐵𑐑𑑀 𑐣𑐵𑐩 𑐰𑐿 𑐩𑐸𑐣𑐶𑑅 𑐥𑐥𑑂𑐬𑐔𑑂𑐕 𑐆𑐨𑐸𑑄 𑐨𑐐𑐰𑐣𑑂𑐟𑐩𑐵𑐟𑑂𑐩𑐵𑐣𑐵𑐟𑑂𑐩𑐰𑐶𑐰𑐾𑐎𑐩𑐣𑐸𑐧𑑂𑐬𑐹𑐴𑐷𑐟𑐶 । 𑐳 𑐴𑑀𑐰𑐵𑐔 𑐆𑐨𑐸𑑅।
- 𑐳𑐬𑑂𑐰𑐰𑐵𑐔𑑀ऽ𑐰𑐢𑐶𑐬𑑂𑐧𑑂𑐬𑐴𑑂𑐩 𑐳𑐬𑑂𑐰𑐔𑐶𑐣𑑂𑐟𑐵𑐰𑐢𑐶𑐬𑑂𑐐𑐸𑐬𑐸𑑅 ।
- 𑐳𑐬𑑂𑐰𑐎𑐵𑐬𑐞𑐎𑐵𑐬𑑂𑐫𑐵𑐟𑑂𑐩𑐵 𑐎𑐵𑐬𑑂𑐫𑐎𑐵𑐬𑐞𑐰𑐬𑑂𑐖𑐶𑐟𑑅 ॥ 𑑑 ॥
- 𑐳𑐬𑑂𑐰𑐳𑐒𑑂𑐎𑐮𑑂𑐥𑐬𑐴𑐶𑐟𑑅 𑐳𑐬𑑂𑐰𑐣𑐵𑐡𑐩𑐫𑑅 𑐱𑐶𑐰𑑅 ।
- 𑐳𑐬𑑂𑐰𑐰𑐬𑑂𑐖𑐶𑐟𑐔𑐶𑐣𑑂𑐩𑐵𑐟𑑂𑐬𑑅 𑐳𑐬𑑂𑐰𑐵𑐣𑐣𑑂𑐡𑐩𑐫𑑅 𑐥𑐬𑑅 ॥ 𑑒 ॥
- 𑐳𑐬𑑂𑐰𑐟𑐾𑐖𑑅𑐥𑑂𑐬𑐎𑐵𑐱𑐵𑐟𑑂𑐩𑐵 𑐣𑐵𑐡𑐵𑐣𑐣𑑂𑐡𑐩𑐫𑐵𑐟𑑂𑐩𑐎𑑅 ।
- 𑐳𑐬𑑂𑐰𑐵𑐣𑐸𑐨𑐰𑐣𑐶𑐬𑑂𑐩𑐸𑐎𑑂𑐟𑑅 𑐳𑐬𑑂𑐰𑐢𑑂𑐫𑐵𑐣𑐰𑐶𑐰𑐬𑑂𑐖𑐶𑐟𑑅 ॥ 𑑓 ॥
- 𑐳𑐬𑑂𑐰𑐣𑐵𑐡𑐎𑐮𑐵𑐟𑐷𑐟 𑐊𑐲 𑐁𑐟𑑂𑐩𑐵𑐴𑐩𑐰𑑂𑐫𑐫𑑅 ।
- 𑐁𑐟𑑂𑐩𑐵𑐣𑐵𑐟𑑂𑐩𑐰𑐶𑐰𑐾𑐎𑐵𑐡𑐶𑐨𑐾𑐡𑐵𑐨𑐾𑐡𑐰𑐶𑐰𑐬𑑂𑐖𑐶𑐟𑑅 ॥ 𑑔 ॥
- 𑐱𑐵𑐣𑑂𑐟𑐵𑐱𑐵𑐣𑑂𑐟𑐵𑐡𑐶𑐴𑐷𑐣𑐵𑐟𑑂𑐩𑐵 𑐣𑐵𑐡𑐵𑐣𑑂𑐟𑐬𑑂𑐖𑑂𑐫𑑀𑐟𑐶𑐬𑐹𑐥𑐎𑑅 ।
- 𑐩𑐴𑐵𑐰𑐵𑐎𑑂𑐫𑐵𑐬𑑂𑐠𑐟𑑀 𑐡𑐹𑐬𑑀 𑐧𑑂𑐬𑐴𑑂𑐩𑐵𑐳𑑂𑐩𑐷𑐟𑑂𑐫𑐟𑐶𑐡𑐹𑐬𑐟𑑅 ॥ 𑑕 ॥
- 𑐟𑐔𑑂𑐕𑐧𑑂𑐡𑐰𑐬𑑂𑐖𑑂𑐫𑐳𑑂𑐟𑑂𑐰𑑄𑐱𑐧𑑂𑐡𑐴𑐷𑐣𑑀 𑐰𑐵𑐎𑑂𑐫𑐵𑐬𑑂𑐠𑐰𑐬𑑂𑐖𑐶𑐟𑑅 ।
- 𑐎𑑂𑐲𑐬𑐵𑐎𑑂𑐲𑐬𑐰𑐶𑐴𑐷𑐣𑑀 𑐫𑑀 𑐣𑐵𑐡𑐵𑐣𑑂𑐟𑐬𑑂𑐖𑑂𑐫𑑀𑐟𑐶𑐬𑐾𑐰 𑐳𑑅 ॥ 𑑖 ॥
- 𑐀𑐏𑐞𑑂𑐜𑐿𑐎𑐬𑐳𑑀 𑐰𑐵𑐴𑐩𑐵𑐣𑐣𑑂𑐡𑑀ऽ𑐳𑑂𑐩𑐷𑐟𑐶 𑐰𑐬𑑂𑐖𑐶𑐟𑑅 ।
- 𑐳𑐬𑑂𑐰𑐵𑐟𑐷𑐟𑐳𑑂𑐰𑐨𑐵𑐰𑐵𑐟𑑂𑐩𑐵 𑐣𑐵𑐡𑐵𑐣𑑂𑐟𑐬𑑂𑐖𑑂𑐫𑑀𑐟𑐶𑐬𑐾𑐰 𑐳𑑅 ॥ 𑑗 ॥
- 𑐁𑐟𑑂𑐩𑐾𑐟𑐶 𑐱𑐧𑑂𑐡𑐴𑐷𑐣𑑀 𑐫 𑐁𑐟𑑂𑐩𑐱𑐧𑑂𑐡𑐵𑐬𑑂𑐠𑐰𑐬𑑂𑐖𑐶𑐟𑑅 ।
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐴𑐷𑐣𑑀 𑐫 𑐊𑐲𑐿𑐰𑐵𑐟𑑂𑐩𑐵 𑐳𑐣𑐵𑐟𑐣𑑅 ॥ 𑑘 ॥
- 𑐳 𑐣𑐶𑐬𑑂𑐡𑐾𑐲𑑂𑐚𑐸𑐩𑐱𑐎𑑂𑐫𑑀 𑐫𑑀 𑐰𑐾𑐡𑐰𑐵𑐎𑑂𑐫𑐿𑐬𑐐𑐩𑑂𑐫𑐟𑑅 ।
- 𑐫𑐳𑑂𑐫 𑐎𑐶𑐘𑑂𑐔𑐶𑐡𑑂𑐧𑐴𑐶𑐬𑑂𑐣𑐵𑐳𑑂𑐟𑐶 𑐎𑐶𑐘𑑂𑐔𑐶𑐡𑐣𑑂𑐟𑑅 𑐎𑐶𑐫𑐣𑑂𑐣 𑐔 ॥ 𑑙 ॥
- 𑐫𑐳𑑂𑐫 𑐮𑐶𑐒𑑂𑐐𑑄 𑐥𑑂𑐬𑐥𑐘𑑂𑐔𑑄 𑐰𑐵 𑐧𑑂𑐬𑐴𑑂𑐩𑐿𑐰𑐵𑐟𑑂𑐩𑐵 𑐣 𑐳𑑄𑐱𑐫𑑅 ।
- 𑐣𑐵𑐳𑑂𑐟𑐶 𑐫𑐳𑑂𑐫 𑐱𑐬𑐷𑐬𑑄 𑐰𑐵 𑐖𑐷𑐰𑑀 𑐰𑐵 𑐨𑐹𑐟𑐨𑑁𑐟𑐶𑐎𑑅 ॥ 𑑑𑑐 ॥
- 𑐣𑐵𑐩𑐬𑐹𑐥𑐵𑐡𑐶𑐎𑑄 𑐣𑐵𑐳𑑂𑐟𑐶 𑐨𑑀𑐖𑑂𑐫𑑄 𑐰𑐵 𑐨𑑀𑐐𑐨𑐸𑐎𑑂𑐔 𑐰𑐵 ।
- 𑐳𑐡𑑂𑐰𑐵ऽ𑐳𑐡𑑂𑐰𑐵 𑐳𑑂𑐠𑐶𑐟𑐶𑐬𑑂𑐰𑐵𑐥𑐶 𑐫𑐳𑑂𑐫 𑐣𑐵𑐳𑑂𑐟𑐶 𑐎𑑂𑐲𑐬𑐵𑐎𑑂𑐲𑐬𑐩𑑂 ॥ 𑑑𑑑 ॥
- 𑐐𑐸𑐞𑑄 𑐰𑐵 𑐰𑐶𑐐𑐸𑐞𑑄 𑐰𑐵𑐥𑐶 𑐳𑐩 𑐁𑐟𑑂𑐩𑐵 𑐣 𑐳𑑄𑐱𑐫𑑅 ।
- 𑐫𑐳𑑂𑐫 𑐰𑐵𑐔𑑂𑐫𑑄 𑐰𑐵𑐔𑐎𑑄 𑐰𑐵 𑐱𑑂𑐬𑐰𑐞𑑄 𑐩𑐣𑐣𑑄 𑐔 𑐰𑐵 ॥ 𑑑𑑒 ॥
- 𑐐𑐸𑐬𑐸𑐱𑐶𑐲𑑂𑐫𑐵𑐡𑐶𑐨𑐾𑐡𑑄 𑐰𑐵 𑐡𑐾𑐰𑐮𑑀𑐎𑐵𑑅 𑐳𑐸𑐬𑐵𑐳𑐸𑐬𑐵𑑅 ।
- 𑐫𑐟𑑂𑐬 𑐢𑐬𑑂𑐩𑐩𑐢𑐬𑑂𑐩𑑄 𑐰𑐵 𑐱𑐸𑐡𑑂𑐢𑑄 𑐰𑐵𑐱𑐸𑐡𑑂𑐢𑐩𑐞𑑂𑐰𑐥𑐶 ॥ 𑑑𑑓 ॥
- 𑐫𑐟𑑂𑐬 𑐎𑐵𑐮𑐩𑐎𑐵𑐮𑑄 𑐰𑐵 𑐣𑐶𑐱𑑂𑐔𑐫𑑅 𑐳𑑄𑐱𑐫𑑀 𑐣 𑐴𑐶 ।
- 𑐫𑐟𑑂𑐬 𑐩𑐣𑑂𑐟𑑂𑐬𑐩𑐩𑐣𑑂𑐟𑑂𑐬𑑄 𑐰𑐵 𑐰𑐶𑐡𑑂𑐫𑐵𑐰𑐶𑐡𑑂𑐫𑐾 𑐣 𑐰𑐶𑐡𑑂𑐫𑐟𑐾 ॥ 𑑑𑑔 ॥
- 𑐡𑑂𑐬𑐲𑑂𑐚𑐺𑐡𑐬𑑂𑐱𑐣𑐡𑐺𑐱𑑂𑐫𑑄 𑐰𑐵 𑐃𑐲𑐣𑑂𑐩𑐵𑐟𑑂𑐬𑑄 𑐎𑐮𑐵𑐟𑑂𑐩𑐎𑐩𑑂 ।
- 𑐀𑐣𑐵𑐟𑑂𑐩𑐾𑐟𑐶 𑐥𑑂𑐬𑐳𑐒𑑂𑐐𑑀 𑐰𑐵 𑐴𑑂𑐫𑐣𑐵𑐟𑑂𑐩𑐾𑐟𑐶 𑐩𑐣𑑀ऽ𑐥𑐶 𑐰𑐵 ॥ 𑑑𑑕 ॥
- 𑐀𑐣𑐵𑐟𑑂𑐩𑐾𑐟𑐶 𑐖𑐐𑐡𑑂𑐰𑐵𑐥𑐶 𑐣𑐵𑐳𑑂𑐟𑐶 𑐣𑐵𑐳𑑂𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐳𑐬𑑂𑐰𑐳𑐒𑑂𑐎𑐮𑑂𑐥𑐱𑐹𑐣𑑂𑐫𑐟𑑂𑐰𑐵𑐟𑑂𑐳𑐬𑑂𑐰𑐎𑐵𑐬𑑂𑐫𑐰𑐶𑐰𑐬𑑂𑐖𑐣𑐵𑐟𑑂 ॥ 𑑑𑑖 ॥
- 𑐎𑐾𑐰𑐮𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑐟𑑂𑐰𑐵𑐣𑑂𑐣𑐵𑐳𑑂𑐟𑑂𑐫𑐣𑐵𑐟𑑂𑐩𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐡𑐾𑐴𑐟𑑂𑐬𑐫𑐰𑐶𑐴𑐷𑐣𑐟𑑂𑐰𑐵𑐟𑑂𑐎𑐵𑐮𑐟𑑂𑐬𑐫𑐰𑐶𑐰𑐬𑑂𑐖𑐣𑐵𑐟𑑂 ॥ 𑑑𑑗 ॥
- 𑐖𑐷𑐰𑐟𑑂𑐬𑐫𑐐𑐸𑐞𑐵𑐨𑐵𑐰𑐵𑐟𑑂𑐟𑐵𑐥𑐟𑑂𑐬𑐫𑐰𑐶𑐰𑐬𑑂𑐖𑐣𑐵𑐟𑑂 ।
- 𑐮𑑀𑐎𑐟𑑂𑐬𑐫𑐰𑐶𑐴𑐷𑐣𑐟𑑂𑐰𑐵𑐟𑑂𑐳𑐬𑑂𑐰𑐩𑐵𑐟𑑂𑐩𑐾𑐟𑐶 𑐱𑐵𑐳𑐣𑐵𑐟𑑂 ॥ 𑑑𑑘 ॥
- 𑐔𑐶𑐟𑑂𑐟𑐵𑐨𑐵𑐔𑑂𑐔𑐶𑐣𑑂𑐟𑐣𑐷𑐫𑑄 𑐡𑐾𑐴𑐵𑐨𑐵𑐰𑐵𑐖𑑂𑐖𑐬𑐵 𑐣 𑐔 ।
- 𑐥𑐵𑐡𑐵𑐨𑐵𑐰𑐵𑐡𑑂𑐐𑐟𑐶𑐬𑑂𑐣𑐵𑐳𑑂𑐟𑐶 𑐴𑐳𑑂𑐟𑐵𑐨𑐵𑐰𑐵𑐟𑑂𑐎𑑂𑐬𑐶𑐫𑐵 𑐣 𑐔 ॥ 𑑑𑑙 ॥
- 𑐩𑐺𑐟𑑂𑐫𑐸𑐬𑑂𑐣𑐵𑐳𑑂𑐟𑐶 𑐖𑐣𑐵𑐨𑐵𑐰𑐵𑐡𑑂𑐧𑐸𑐡𑑂𑐢𑑂𑐫𑐨𑐵𑐰𑐵𑐟𑑂𑐳𑐸𑐏𑐵𑐡𑐶𑐎𑐩𑑂 ।
- 𑐢𑐬𑑂𑐩𑑀 𑐣𑐵𑐳𑑂𑐟𑐶 𑐱𑐸𑐔𑐶𑐬𑑂𑐣𑐵𑐳𑑂𑐟𑐶 𑐳𑐟𑑂𑐫𑑄 𑐣𑐵𑐳𑑂𑐟𑐶 𑐨𑐫𑑄 𑐣 𑐔 ॥ 𑑒𑑐 ॥
- 𑐀𑐎𑑂𑐲𑐬𑑀𑐔𑑂𑐔𑐵𑐬𑐞𑑄 𑐣𑐵𑐳𑑂𑐟𑐶 𑐐𑐸𑐬𑐸𑐱𑐶𑐲𑑂𑐫𑐵𑐡𑐶 𑐣𑐵𑐳𑑂𑐟𑑂𑐫𑐥𑐶 ।
- 𑐊𑐎𑐵𑐨𑐵𑐰𑐾 𑐡𑑂𑐰𑐶𑐟𑐷𑐫𑑄 𑐣 𑐣 𑐡𑑂𑐰𑐶𑐟𑐷𑐫𑐾 𑐣 𑐔𑐿𑐎𑐟𑐵 ॥ 𑑒𑑑 ॥
- 𑐳𑐟𑑂𑐫𑐟𑑂𑐰𑐩𑐳𑑂𑐟𑐶 𑐔𑐾𑐟𑑂𑐎𑐶𑐘𑑂𑐔𑐶𑐡𑐳𑐟𑑂𑐫𑑄 𑐣 𑐔 𑐳𑑄𑐨𑐰𑐾𑐟𑑂 ।
- 𑐀𑐳𑐟𑑂𑐫𑐟𑑂𑐰𑑄 𑐫𑐡𑐶 𑐨𑐰𑐾𑐟𑑂𑐳𑐟𑑂𑐫𑐟𑑂𑐰𑑄 𑐣 𑐑𑐚𑐶𑐲𑑂𑐫𑐟𑐶 ॥ 𑑒𑑒 ॥
- 𑐱𑐸𑐨𑑄 𑐫𑐡𑑂𑐫𑐱𑐸𑐨𑑄 𑐰𑐶𑐡𑑂𑐢𑐶 𑐀𑐱𑐸𑐨𑐵𑐔𑑂𑐕𑐸𑐨𑐩𑐶𑐲𑑂𑐫𑐟𑐾 ।
- 𑐨𑐫𑑄 𑐫𑐡𑑂𑐫𑐨𑐰𑑄 𑐰𑐶𑐡𑑂𑐢𑐶 𑐀𑐨𑐫𑐵𑐡𑑂𑐨𑐫𑐩𑐵𑐥𑐟𑐾𑐟𑑂 ॥ 𑑒𑑓 ॥
- 𑐧𑐣𑑂𑐢𑐟𑑂𑐰𑐩𑐥𑐶 𑐔𑐾𑐣𑑂𑐩𑑀𑐎𑑂𑐲𑑀 𑐧𑐣𑑂𑐢𑐵𑐨𑐵𑐰𑐾 𑐎𑑂𑐰 𑐩𑑀𑐎𑑂𑐲𑐟𑐵 ।
- 𑐩𑐬𑐞𑑄 𑐫𑐡𑐶 𑐔𑐾𑐖𑑂𑐖𑐣𑑂𑐩 𑐖𑐣𑑂𑐩𑐵𑐨𑐵𑐰𑐾 𑐩𑐺𑐟𑐶𑐬𑑂𑐣 𑐔 ॥ 𑑒𑑔 ॥
- 𑐟𑑂𑐰𑐩𑐶𑐟𑑂𑐫𑐥𑐶 𑐨𑐰𑐾𑐔𑑂𑐔𑐵𑐴𑑄 𑐟𑑂𑐰𑑄 𑐣𑑀 𑐔𑐾𑐡𑐴𑐩𑐾𑐰 𑐣 ।
- 𑐂𑐡𑑄 𑐫𑐡𑐶 𑐟𑐡𑐾𑐰𑐵𑐳𑑂𑐟𑐶 𑐟𑐡𑐨𑐵𑐡𑐶𑐡𑑄 𑐣 𑐔 ॥ 𑑒𑑕 ॥
- 𑐀𑐳𑑂𑐟𑐷𑐟𑐶 𑐔𑐾𑐣𑑂𑐣𑐵𑐳𑑂𑐟𑐶 𑐟𑐡𑐵 𑐣𑐵𑐳𑑂𑐟𑐶 𑐔𑐾𑐡𑐳𑑂𑐟𑐶 𑐎𑐶𑐘𑑂𑐔𑐣 ।
- 𑐎𑐵𑐬𑑂𑐫𑑄 𑐔𑐾𑐟𑑂𑐎𑐵𑐬𑐞𑑄 𑐎𑐶𑐘𑑂𑐔𑐶𑐟𑑂𑐎𑐵𑐬𑑂𑐫𑐵𑐨𑐵𑐰𑐾 𑐣 𑐎𑐵𑐬𑐞𑐩𑑂 ॥ 𑑒𑑖 ॥
- 𑐡𑑂𑐰𑐿𑐟𑑄 𑐫𑐡𑐶 𑐟𑐡𑐵ऽ𑐡𑑂𑐰𑐿𑐟𑑄 𑐡𑑂𑐰𑐿𑐟𑐵𑐨𑐵𑐰𑐾 𑐡𑑂𑐰𑐫𑑄 𑐣 𑐔 ।
- 𑐡𑐺𑐱𑑂𑐫𑑄 𑐫𑐡𑐶 𑐡𑐺𑐐𑐥𑑂𑐫𑐳𑑂𑐟𑐶 𑐡𑐺𑐱𑑂𑐫𑐵𑐨𑐵𑐰𑐾 𑐡𑐺𑐐𑐾𑐣 𑐣 ॥ 𑑒𑑗 ॥
- 𑐀𑐣𑑂𑐟𑐬𑑂𑐫𑐡𑐶 𑐧𑐴𑐶𑑅 𑐳𑐟𑑂𑐫𑐩𑐣𑑂𑐟𑐵𑐨𑐵𑐰𑐾 𑐧𑐴𑐶𑐬𑑂𑐣 𑐔 ।
- 𑐥𑐹𑐬𑑂𑐞𑐟𑑂𑐰𑐩𑐳𑑂𑐟𑐶 𑐔𑐾𑐟𑑂𑐎𑐶𑐘𑑂𑐔𑐶𑐡𑐥𑐹𑐬𑑂𑐞𑐟𑑂𑐰𑑄 𑐥𑑂𑐬𑐳𑐖𑑂𑐫𑐟𑐾 ॥ 𑑒𑑘 ॥
- 𑐟𑐳𑑂𑐩𑐵𑐡𑐾𑐟𑐟𑑂𑐎𑑂𑐰𑐔𑐶𑐣𑑂𑐣𑐵𑐳𑑂𑐟𑐶 𑐟𑑂𑐰𑑄 𑐔𑐵𑐴𑑄 𑐰𑐵 𑐂𑐩𑐾 𑐂𑐡𑐩𑑂 ।
- 𑐣𑐵𑐳𑑂𑐟𑐶 𑐡𑐺𑐲𑑂𑐚𑐵𑐣𑑂𑐟𑐶𑐎𑑄 𑐳𑐟𑑂𑐫𑐾 𑐣𑐵𑐳𑑂𑐟𑐶 𑐡𑐵𑐬𑑂𑐲𑑂𑐚𑐵𑐣𑑂𑐟𑐶𑐎𑑄 𑐴𑑂𑐫𑐖𑐾 ॥ 𑑒𑑙 ॥
- 𑐥𑐬𑑄𑐧𑑂𑐬𑐴𑑂𑐩𑐵𑐴𑐩𑐳𑑂𑐩𑐷𑐟𑐶 𑐳𑑂𑐩𑐬𑐞𑐳𑑂𑐫 𑐩𑐣𑑀 𑐣 𑐴𑐶 ।
- 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐖𑐐𑐡𑐶𑐡𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐟𑑂𑐰𑐩𑐥𑑂𑐫𑐴𑐩𑑂 ॥ 𑑓𑑐 ॥
- 𑐔𑐶𑐣𑑂𑐩𑐵𑐟𑑂𑐬𑑄 𑐎𑐾𑐰𑐮𑑄 𑐔𑐵𑐴𑑄 𑐣𑐵𑐳𑑂𑐟𑑂𑐫𑐣𑐵𑐟𑑂𑐩𑑂𑐫𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐂𑐡𑑄 𑐥𑑂𑐬𑐥𑐘𑑂𑐔𑑄 𑐣𑐵𑐳𑑂𑐟𑑂𑐫𑐾𑐰 𑐣𑑀𑐟𑑂𑐥𑐣𑑂𑐣𑑄 𑐣𑑀 𑐳𑑂𑐠𑐶𑐟𑑄 𑐎𑑂𑐰𑐔𑐶𑐟𑑂 ॥ 𑑓𑑑 ॥
- 𑐔𑐶𑐟𑑂𑐟𑑄 𑐥𑑂𑐬𑐥𑐘𑑂𑐔𑐩𑐶𑐟𑑂𑐫𑐵𑐴𑐸𑐬𑑂𑐣𑐵𑐳𑑂𑐟𑐶 𑐣𑐵𑐳𑑂𑐟𑑂𑐫𑐾𑐰 𑐳𑐬𑑂𑐰𑐡𑐵 ।
- 𑐣 𑐥𑑂𑐬𑐥𑐘𑑂𑐔𑑄 𑐣 𑐔𑐶𑐟𑑂𑐟𑐵𑐡𑐶 𑐣𑐵𑐴𑐒𑑂𑐎𑐵𑐬𑑀 𑐣 𑐖𑐷𑐰𑐎𑑅 ॥ 𑑓𑑒 ॥
- 𑐩𑐵𑐫𑐵𑐎𑐵𑐬𑑂𑐫𑐵𑐡𑐶𑐎𑑄 𑐣𑐵𑐳𑑂𑐟𑐶 𑐩𑐵𑐫𑐵 𑐣𑐵𑐳𑑂𑐟𑐶 𑐨𑐫𑑄 𑐣𑐴𑐶 ।
- 𑐎𑐬𑑂𑐟𑐵 𑐣𑐵𑐳𑑂𑐟𑐶 𑐎𑑂𑐬𑐶𑐫𑐵 𑐣𑐵𑐳𑑂𑐟𑐶 𑐱𑑂𑐬𑐰𑐞𑑄 𑐩𑐣𑐣𑑄 𑐣𑐴𑐶 ॥ 𑑓𑑓 ॥
- 𑐳𑐩𑐵𑐢𑐶𑐡𑑂𑐰𑐶𑐟𑐫𑑄 𑐣𑐵𑐳𑑂𑐟𑐶 𑐩𑐵𑐟𑐺𑐩𑐵𑐣𑐵𑐡𑐶 𑐣𑐵𑐳𑑂𑐟𑐶 𑐴𑐶 ।
- 𑐀𑐖𑑂𑐘𑐵𑐣𑑄 𑐔𑐵𑐥𑐶 𑐣𑐵𑐳𑑂𑐟𑑂𑐫𑐾𑐰 𑐴𑑂𑐫𑐰𑐶𑐰𑐾𑐎𑑄 𑐎𑐡𑐵𑐔𑐣 ॥ 𑑓𑑔 ॥
- 𑐀𑐣𑐸𑐧𑐣𑑂𑐢𑐔𑐟𑐸𑐲𑑂𑐎𑑄 𑐣 𑐳𑐩𑑂𑐧𑐣𑑂𑐢𑐟𑑂𑐬𑐫𑐩𑐾𑐰 𑐣 ।
- 𑐣 𑐐𑐒𑑂𑐐𑐵 𑐣 𑐐𑐫𑐵 𑐳𑐾𑐟𑐸𑐬𑑂𑐣 𑐨𑐹𑐟𑑄 𑐣𑐵𑐣𑑂𑐫𑐡𑐳𑑂𑐟𑐶 𑐴𑐶 ॥ 𑑓𑑕 ॥
- 𑐣 𑐨𑐹𑐩𑐶𑐬𑑂𑐣 𑐖𑐮𑑄 𑐣𑐵𑐐𑑂𑐣𑐶𑐬𑑂𑐣 𑐣 𑐰𑐵𑐫𑐸𑐬𑑂𑐣 𑐔 𑐏𑑄 𑐎𑑂𑐰𑐔𑐶𑐟𑑂 ।
- 𑐣 𑐡𑐾𑐰𑐵 𑐣 𑐔 𑐡𑐶𑐎𑑂𑐥𑐵𑐮𑐵 𑐣 𑐰𑐾𑐡𑐵 𑐣 𑐐𑐸𑐬𑐸𑑅 𑐎𑑂𑐰𑐔𑐶𑐟𑑂 ॥ 𑑓𑑖 ॥
- 𑐣 𑐡𑐹𑐬𑑄 𑐣𑐵𑐳𑑂𑐟𑐶𑐎𑑄 𑐣𑐵𑐮𑑄 𑐣 𑐩𑐢𑑂𑐫𑑄 𑐣 𑐎𑑂𑐰𑐔𑐶𑐟𑑂𑐳𑑂𑐠𑐶𑐟𑐩𑑂 ।
- 𑐣𑐵𑐡𑑂𑐰𑐿𑐟𑑄 𑐡𑑂𑐰𑐿𑐟𑐳𑐟𑑂𑐫𑑄 𑐰𑐵 𑐴𑑂𑐫𑐳𑐟𑑂𑐫𑑄 𑐰𑐵 𑐂𑐡𑑄 𑐣 𑐔 ॥ 𑑓𑑗 ॥
- 𑐧𑐣𑑂𑐢𑐩𑑀𑐎𑑂𑐲𑐵𑐡𑐶𑐎𑑄 𑐣𑐵𑐳𑑂𑐟𑐶 𑐳𑐡𑑂𑐰𑐵ऽ𑐳𑐡𑑂𑐰𑐵 𑐳𑐸𑐏𑐵𑐡𑐶 𑐰𑐵 ।
- 𑐖𑐵𑐟𑐶𑐬𑑂𑐣𑐵𑐳𑑂𑐟𑐶 𑐐𑐟𑐶𑐬𑑂𑐣𑐵𑐳𑑂𑐟𑐶 𑐰𑐬𑑂𑐞𑑀 𑐣𑐵𑐳𑑂𑐟𑐶 𑐣 𑐮𑑁𑐎𑐶𑐎𑐩𑑂 ॥ 𑑓𑑘 ॥
- 𑐳𑐬𑑂𑐰𑑄 𑐧𑑂𑐬𑐴𑑂𑐩𑐾𑐟𑐶 𑐣𑐵𑐳𑑂𑐟𑑂𑐫𑐾𑐰 𑐧𑑂𑐬𑐴𑑂𑐩 𑐂𑐟𑑂𑐫𑐥𑐶 𑐣𑐵𑐳𑑂𑐟𑐶 𑐴𑐶 ।
- 𑐔𑐶𑐡𑐶𑐟𑑂𑐫𑐾𑐰𑐾𑐟𑐶 𑐣𑐵𑐳𑑂𑐟𑑂𑐫𑐾𑐰 𑐔𑐶𑐡𑐴𑑄𑐨𑐵𑐲𑐞𑑄 𑐣 𑐴𑐶 ॥ 𑑓𑑙 ॥
- 𑐀𑐴𑑄 𑐧𑑂𑐬𑐴𑑂𑐩𑐵𑐳𑑂𑐩𑐶 𑐣𑐵𑐳𑑂𑐟𑑂𑐫𑐾𑐰 𑐣𑐶𑐟𑑂𑐫𑐱𑐸𑐡𑑂𑐢𑑀ऽ𑐳𑑂𑐩𑐶 𑐣 𑐎𑑂𑐰𑐔𑐶𑐟𑑂 ।
- 𑐰𑐵𑐔𑐵 𑐫𑐡𑐸𑐔𑑂𑐫𑐟𑐾 𑐎𑐶𑐘𑑂𑐔𑐶𑐣𑑂𑐩𑐣𑐳𑐵 𑐩𑐣𑐸𑐟𑐾 𑐎𑑂𑐰𑐔𑐶𑐟𑑂 ॥ 𑑔𑑐 ॥
- 𑐧𑐸𑐡𑑂𑐢𑑂𑐫𑐵 𑐣𑐶𑐱𑑂𑐔𑐶𑐣𑐸𑐟𑐾 𑐣𑐵𑐳𑑂𑐟𑐶 𑐔𑐶𑐟𑑂𑐟𑐾𑐣 𑐖𑑂𑐘𑐵𑐫𑐟𑐾 𑐣𑐴𑐶 ।
- 𑐫𑑀𑐐𑐷 𑐫𑑀𑐐𑐵𑐡𑐶𑐎𑑄 𑐣𑐵𑐳𑑂𑐟𑐶 𑐳𑐡𑐵 𑐳𑐬𑑂𑐰𑑄 𑐳𑐡𑐵 𑐣 𑐔 ॥ 𑑔𑑑 ॥
- 𑐀𑐴𑑀𑐬𑐵𑐟𑑂𑐬𑐵𑐡𑐶𑐎𑑄 𑐣𑐵𑐳𑑂𑐟𑐶 𑐳𑑂𑐣𑐵𑐣𑐢𑑂𑐫𑐵𑐣𑐵𑐡𑐶𑐎𑑄 𑐣𑐴𑐶 ।
- 𑐨𑑂𑐬𑐵𑐣𑑂𑐟𑐶𑐬𑐨𑑂𑐬𑐵𑐣𑑂𑐟𑐶𑐬𑑂𑐣𑐵𑐳𑑂𑐟𑑂𑐫𑐾𑐰 𑐣𑐵𑐳𑑂𑐟𑑂𑐫𑐣𑐵𑐟𑑂𑐩𑐾𑐟𑐶 𑐣𑐶𑐱𑑂𑐔𑐶𑐣𑐸 ॥ 𑑔𑑒 ॥
- 𑐰𑐾𑐡𑐱𑐵𑐳𑑂𑐟𑑂𑐬𑑄 𑐥𑐸𑐬𑐵𑐞𑑄 𑐔 𑐎𑐵𑐬𑑂𑐫𑑄 𑐎𑐵𑐬𑐞𑐩𑐷𑐱𑑂𑐰𑐬𑑅 ।
- 𑐮𑑀𑐎𑑀 𑐨𑐹𑐟𑑄 𑐖𑐣𑐳𑑂𑐟𑑂𑐰𑐿𑐎𑑂𑐫𑑄 𑐳𑐬𑑂𑐰𑑄 𑐩𑐶𑐠𑑂𑐫𑐵 𑐣 𑐳𑑄𑐱𑐫𑑅 ॥ 𑑔𑑓 ॥
- 𑐧𑐣𑑂𑐢𑑀 𑐩𑑀𑐎𑑂𑐲𑑅 𑐳𑐸𑐏𑑄 𑐡𑐸𑑅𑐏𑑄 𑐢𑑂𑐫𑐵𑐣𑑄 𑐔𑐶𑐟𑑂𑐟𑑄 𑐳𑐸𑐬𑐵𑐳𑐸𑐬𑐵𑑅 ।
- 𑐐𑑁𑐞𑑄 𑐩𑐸𑐏𑑂𑐫𑑄 𑐥𑐬𑑄 𑐔𑐵𑐣𑑂𑐫𑐟𑑂𑐳𑐬𑑂𑐰𑑄 𑐩𑐶𑐠𑑂𑐫𑐵 𑐣 𑐳𑑄𑐱𑐫𑑅 ॥ 𑑔𑑔 ॥
- 𑐰𑐵𑐔𑐵 𑐰𑐡𑐟𑐶 𑐫𑐟𑑂𑐎𑐶𑐘𑑂𑐔𑐶𑐟𑑂𑐳𑐒𑑂𑐎𑐮𑑂𑐥𑐿𑑅 𑐎𑐮𑑂𑐥𑑂𑐫𑐟𑐾 𑐔 𑐫𑐟𑑂 ।
- 𑐩𑐣𑐳𑐵 𑐔𑐶𑐣𑑂𑐟𑑂𑐫𑐟𑐾 𑐫𑐡𑑂𑐫𑐟𑑂𑐳𑐬𑑂𑐰𑑄 𑐩𑐶𑐠𑑂𑐫𑐵 𑐣 𑐳𑑄𑐱𑐫𑑅 ॥ 𑑔𑑕 ॥
- 𑐧𑐸𑐡𑑂𑐢𑑂𑐫𑐵 𑐣𑐶𑐱𑑂𑐔𑐷𑐫𑐟𑐾 𑐎𑐶𑐘𑑂𑐔𑐶𑐔𑑂𑐔𑐶𑐟𑑂𑐟𑐾 𑐣𑐶𑐱𑑂𑐔𑐷𑐫𑐟𑐾 𑐎𑑂𑐰𑐔𑐶𑐟𑑂 ।
- 𑐱𑐵𑐳𑑂𑐟𑑂𑐬𑐿𑑅 𑐥𑑂𑐬𑐥𑐘𑑂𑐔𑑂𑐫𑐟𑐾 𑐫𑐡𑑂𑐫𑐣𑑂𑐣𑐾𑐟𑑂𑐬𑐾𑐞𑐿𑐰 𑐣𑐶𑐬𑐷𑐎𑑂𑐲𑑂𑐫𑐟𑐾 ॥ 𑑔𑑖 ॥
- 𑐱𑑂𑐬𑑀𑐟𑑂𑐬𑐵𑐨𑑂𑐫𑐵𑑄 𑐱𑑂𑐬𑐹𑐫𑐟𑐾 𑐫𑐡𑑂𑐫𑐡𑐣𑑂𑐫𑐟𑑂𑐳𑐡𑑂𑐨𑐵𑐰𑐩𑐾𑐰 𑐔 ।
- 𑐣𑐾𑐟𑑂𑐬𑑄 𑐱𑑂𑐬𑑀𑐟𑑂𑐬𑑄 𑐐𑐵𑐟𑑂𑐬𑐩𑐾𑐰 𑐩𑐶𑐠𑑂𑐫𑐾𑐟𑐶 𑐔 𑐳𑐸𑐣𑐶𑐱𑑂𑐔𑐶𑐟𑐩𑑂 ॥ 𑑔𑑗 ॥
- 𑐂𑐡𑐩𑐶𑐟𑑂𑐫𑐾𑐰 𑐣𑐶𑐬𑑂𑐡𑐶𑐲𑑂𑐚𑐩𑐫𑐩𑐶𑐟𑑂𑐫𑐾𑐰 𑐎𑐮𑑂𑐥𑑂𑐫𑐟𑐾 ।
- 𑐟𑑂𑐰𑐩𑐴𑑄 𑐟𑐡𑐶𑐡𑑄 𑐳𑑀ऽ𑐴𑐩𑐣𑑂𑐫𑐟𑑂𑐳𑐡𑑂𑐨𑐵𑐰𑐩𑐾𑐰 𑐔 ॥ 𑑔𑑘 ॥
- 𑐫𑐡𑑂𑐫𑐟𑑂𑐳𑑄𑐨𑐵𑐰𑑂𑐫𑐟𑐾 𑐮𑑀𑐎𑐾 𑐳𑐬𑑂𑐰𑐳𑐒𑑂𑐎𑐮𑑂𑐥𑐳𑑄𑐨𑑂𑐬𑐩𑑅 ।
- 𑐳𑐬𑑂𑐰𑐵𑐢𑑂𑐫𑐵𑐳𑑄 𑐳𑐬𑑂𑐰𑐐𑑀𑐥𑑂𑐫𑑄 𑐳𑐬𑑂𑐰𑐨𑑀𑐐𑐥𑑂𑐬𑐨𑐾𑐡𑐎𑐩𑑂 ॥ 𑑔𑑙 ॥
- 𑐳𑐬𑑂𑐰𑐡𑑀𑐲𑐥𑑂𑐬𑐨𑐾𑐡𑐵𑐔𑑂𑐔 𑐣𑐵𑐳𑑂𑐟𑑂𑐫𑐣𑐵𑐟𑑂𑐩𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐩𑐡𑐷𑐫𑑄 𑐔 𑐟𑑂𑐰𑐡𑐷𑐫𑑄 𑐔 𑐩𑐩𑐾𑐟𑐶 𑐔 𑐟𑐰𑐾𑐟𑐶 𑐔 ॥ 𑑕𑑐 ॥
- 𑐩𑐴𑑂𑐫𑑄 𑐟𑐸𑐨𑑂𑐫𑑄 𑐩𑐫𑐾𑐟𑑂𑐫𑐵𑐡𑐶 𑐟𑐟𑑂𑐳𑐬𑑂𑐰𑑄 𑐰𑐶𑐟𑐠𑑄 𑐨𑐰𑐾𑐟𑑂 ।
- 𑐬𑐎𑑂𑐲𑐎𑑀 𑐰𑐶𑐲𑑂𑐞𑐸𑐬𑐶𑐟𑑂𑐫𑐵𑐡𑐶 𑐧𑑂𑐬𑐴𑑂𑐩𑐵 𑐳𑐺𑐲𑑂𑐚𑐾𑐳𑑂𑐟𑐸 𑐎𑐵𑐬𑐞𑐩𑑂 ॥ 𑑕𑑑 ॥
- 𑐳𑑄𑐴𑐵𑐬𑐾 𑐬𑐸𑐡𑑂𑐬 𑐂𑐟𑑂𑐫𑐾𑐰𑑄 𑐳𑐬𑑂𑐰𑑄 𑐩𑐶𑐠𑑂𑐫𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐳𑑂𑐣𑐵𑐣𑑄 𑐖𑐥𑐳𑑂𑐟𑐥𑑀 𑐴𑑀𑐩𑑅 𑐳𑑂𑐰𑐵𑐢𑑂𑐫𑐵𑐫𑑀 𑐡𑐾𑐰𑐥𑐹𑐖𑐣𑐩𑑂 ॥ 𑑕𑑒 ॥
- 𑐩𑐣𑑂𑐟𑑂𑐬𑑄 𑐟𑐣𑑂𑐟𑑂𑐬𑑄 𑐔 𑐳𑐟𑑂𑐳𑐒𑑂𑐐𑑀 𑐐𑐸𑐞𑐡𑑀𑐲𑐰𑐶𑐖𑐺𑐩𑑂𑐨𑐞𑐩𑑂 ।
- 𑐀𑐣𑑂𑐟𑑅𑐎𑐬𑐞𑐳𑐡𑑂𑐨𑐵𑐰 𑐀𑐰𑐶𑐡𑑂𑐫𑐵𑐱𑑂𑐔 𑐳𑑄𑐨𑐰𑑅 ॥ 𑑕𑑓 ॥
- 𑐀𑐣𑐾𑐎𑐎𑑀𑐚𑐶𑐧𑑂𑐬𑐴𑑂𑐩𑐵𑐞𑑂𑐜𑑄 𑐳𑐬𑑂𑐰𑑄 𑐩𑐶𑐠𑑂𑐫𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐳𑐬𑑂𑐰𑐡𑐾𑐱𑐶𑐎𑐰𑐵𑐎𑑂𑐫𑑀𑐎𑑂𑐟𑐶𑐬𑑂𑐫𑐾𑐣 𑐎𑐾𑐣𑐵𑐥𑐶 𑐣𑐶𑐱𑑂𑐔𑐶𑐟𑐩𑑂 ॥ 𑑕𑑔 ॥
- 𑐡𑐺𑐱𑑂𑐫𑐟𑐾 𑐖𑐐𑐟𑐶 𑐫𑐡𑑂𑐫𑐡𑑂𑐫𑐡𑑂𑐫𑐖𑑂𑐖𑐐𑐟𑐶 𑐰𑐷𑐎𑑂𑐲𑑂𑐫𑐟𑐾 ।
- 𑐰𑐬𑑂𑐟𑐟𑐾 𑐖𑐐𑐟𑐶 𑐫𑐡𑑂𑐫𑐟𑑂𑐳𑐬𑑂𑐰𑑄 𑐩𑐶𑐠𑑂𑐫𑐾𑐟𑐶 𑐣𑐶𑐱𑑂𑐔𑐶𑐣𑐸 ॥ 𑑕𑑕 ॥
- 𑐫𑐾𑐣 𑐎𑐾𑐣𑐵𑐎𑑂𑐲𑐬𑐾𑐞𑑀𑐎𑑂𑐟𑑄 𑐫𑐾𑐣 𑐎𑐾𑐣 𑐰𑐶𑐣𑐶𑐱𑑂𑐔𑐶𑐟𑐩𑑂 ।
- 𑐫𑐾𑐣 𑐎𑐾𑐣𑐵𑐥𑐶 𑐐𑐡𑐶𑐟𑑄 𑐫𑐾𑐣 𑐎𑐾𑐣𑐵𑐥𑐶 𑐩𑑀𑐡𑐶𑐟𑐩𑑂 ॥ 𑑕𑑖 ॥
- 𑐫𑐾𑐣 𑐎𑐾𑐣𑐵𑐥𑐶 𑐫𑐡𑑂𑐡𑐟𑑂𑐟𑑄 𑐫𑐾𑐣 𑐎𑐾𑐣𑐵𑐥𑐶 𑐫𑐟𑑂𑐎𑐺𑐟𑐩𑑂 ।
- 𑐫𑐟𑑂𑐬 𑐫𑐟𑑂𑐬 𑐱𑐸𑐨𑑄 𑐎𑐬𑑂𑐩 𑐫𑐟𑑂𑐬 𑐫𑐟𑑂𑐬 𑐔 𑐡𑐸𑐲𑑂𑐎𑐺𑐟𑐩𑑂 ॥ 𑑕𑑗 ॥
- 𑐫𑐡𑑂𑐫𑐟𑑂𑐎𑐬𑑀𑐲𑐶 𑐳𑐟𑑂𑐫𑐾𑐣 𑐳𑐬𑑂𑐰𑑄 𑐩𑐶𑐠𑑂𑐫𑐾𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐟𑑂𑐰𑐩𑐾𑐰 𑐥𑐬𑐩𑐵𑐟𑑂𑐩𑐵𑐳𑐶 𑐟𑑂𑐰𑐩𑐾𑐰 𑐥𑐬𑐩𑑀 𑐐𑐸𑐬𑐸𑑅 ॥ 𑑕𑑘 ॥
- 𑐟𑑂𑐰𑐩𑐾𑐰𑐵𑐎𑐵𑐱𑐬𑐹𑐥𑑀ऽ𑐳𑐶 𑐳𑐵𑐎𑑂𑐲𑐶𑐴𑐷𑐣𑑀ऽ𑐳𑐶 𑐳𑐬𑑂𑐰𑐡𑐵 ।
- 𑐟𑑂𑐰𑐩𑐾𑐰 𑐳𑐬𑑂𑐰𑐨𑐵𑐰𑑀ऽ𑐳𑐶 𑐟𑑂𑐰𑑄 𑐧𑑂𑐬𑐴𑑂𑐩𑐵𑐳𑐶 𑐣 𑐳𑑄𑐱𑐫𑑅 ॥ 𑑕𑑙 ॥
- 𑐎𑐵𑐮𑐴𑐷𑐣𑑀ऽ𑐳𑐶 𑐎𑐵𑐮𑑀ऽ𑐳𑐶 𑐳𑐡𑐵 𑐧𑑂𑐬𑐴𑑂𑐩𑐵𑐳𑐶 𑐔𑐶𑐡𑑂𑐑𑐣𑑅 ।
- 𑐳𑐬𑑂𑐰𑐟𑑅 𑐳𑑂𑐰𑐳𑑂𑐰𑐬𑐹𑐥𑑀ऽ𑐳𑐶 𑐔𑐿𑐟𑐣𑑂𑐫𑐑𑐣𑐰𑐵𑐣𑐳𑐶॥ 𑑖𑑐 ॥
- 𑐳𑐟𑑂𑐫𑑀ऽ𑐳𑐶 𑐳𑐶𑐡𑑂𑐢𑑀ऽ𑐳𑐶 𑐳𑐣𑐵𑐟𑐣𑑀ऽ𑐳𑐶 𑐩𑐸𑐎𑑂𑐟𑑀ऽ𑐳𑐶 𑐩𑑀𑐎𑑂𑐲𑑀ऽ𑐳𑐶 𑐩𑐸𑐡𑐵𑐩𑐺𑐟𑑀ऽ𑐳𑐶 ।
- 𑐡𑐾𑐰𑑀ऽ𑐳𑐶 𑐱𑐵𑐣𑑂𑐟𑑀ऽ𑐳𑐶 𑐣𑐶𑐬𑐵𑐩𑐫𑑀ऽ𑐳𑐶 𑐧𑑂𑐬𑐴𑑂𑐩𑐵𑐳𑐶 𑐥𑐹𑐬𑑂𑐞𑑀ऽ𑐳𑐶 𑐥𑐬𑐵𑐟𑑂𑐥𑐬𑑀ऽ𑐳𑐶 ॥ 𑑖𑑑 ॥
- 𑐳𑐩𑑀ऽ𑐳𑐶 𑐳𑐔𑑂𑐔𑐵𑐥𑐶 𑐳𑐣𑐵𑐟𑐣𑑀ऽ𑐳𑐶 𑐳𑐟𑑂𑐫𑐵𑐡𑐶𑐰𑐵𑐎𑑂𑐫𑐿𑑅 𑐥𑑂𑐬𑐟𑐶𑐧𑑀𑐢𑐶𑐟𑑀ऽ𑐳𑐶 ।
- 𑐳𑐬𑑂𑐰𑐵𑐒𑑂𑐐𑐴𑐷𑐣𑑀ऽ𑐳𑐶 𑐳𑐡𑐵 𑐳𑑂𑐠𑐶𑐟𑑀ऽ𑐳𑐶 𑐧𑑂𑐬𑐴𑑂𑐩𑐾𑐣𑑂𑐡𑑂𑐬𑐬𑐸𑐡𑑂𑐬𑐵𑐡𑐶𑐰𑐶𑐨𑐵𑐰𑐶𑐟𑑀ऽ𑐳𑐶 ॥ 𑑖𑑒 ॥
- 𑐳𑐬𑑂𑐰𑐥𑑂𑐬𑐥𑐘𑑂𑐔𑐨𑑂𑐬𑐩𑐰𑐬𑑂𑐖𑐶𑐟𑑀ऽ𑐳𑐶 𑐳𑐬𑑂𑐰𑐾𑐲𑐸 𑐨𑐹𑐟𑐾𑐲𑐸 𑐔 𑐨𑐵𑐳𑐶𑐟𑑀ऽ𑐳𑐶 ।
- 𑐳𑐬𑑂𑐰𑐟𑑂𑐬 𑐳𑐒𑑂𑐎𑐮𑑂𑐥𑐰𑐶𑐰𑐬𑑂𑐖𑐶𑐟𑑀ऽ𑐳𑐶 𑐳𑐬𑑂𑐰𑐵𑐐𑐩𑐵𑐣𑑂𑐟𑐵𑐬𑑂𑐠𑐰𑐶𑐨𑐵𑐰𑐶𑐟𑑀ऽ𑐳𑐶 ॥ 𑑖𑑓 ॥
- 𑐳𑐬𑑂𑐰𑐟𑑂𑐬 𑐳𑐣𑑂𑐟𑑀𑐲𑐳𑐸𑐏𑐵𑐳𑐣𑑀ऽ𑐳𑐶 𑐳𑐬𑑂𑐰𑐟𑑂𑐬 𑐐𑐟𑑂𑐫𑐵𑐡𑐶𑐰𑐶𑐰𑐬𑑂𑐖𑐶𑐟𑑀ऽ𑐳𑐶 ।
- 𑐳𑐬𑑂𑐰𑐟𑑂𑐬 𑐮𑐎𑑂𑐲𑑂𑐫𑐵𑐡𑐶𑐰𑐶𑐰𑐬𑑂𑐖𑐶𑐟𑑀ऽ𑐳𑐶 𑐢𑑂𑐫𑐵𑐟𑑀ऽ𑐳𑐶 𑐰𑐶𑐲𑑂𑐞𑑂𑐰𑐵𑐡𑐶𑐳𑐸𑐬𑐿𑐬𑐖𑐳𑑂𑐬𑐩𑑂 ॥ 𑑖𑑔 ॥
- 𑐔𑐶𑐡𑐵𑐎𑐵𑐬𑐳𑑂𑐰𑐬𑐹𑐥𑑀ऽ𑐳𑐶 𑐔𑐶𑐣𑑂𑐩𑐵𑐟𑑂𑐬𑑀ऽ𑐳𑐶 𑐣𑐶𑐬𑐒𑑂𑐎𑐸𑐱𑑅 ।
- 𑐁𑐟𑑂𑐩𑐣𑑂𑐫𑐾𑐰 𑐳𑑂𑐠𑐶𑐟𑑀ऽ𑐳𑐶 𑐟𑑂𑐰𑑄 𑐳𑐬𑑂𑐰𑐱𑐹𑐣𑑂𑐫𑑀ऽ𑐳𑐶 𑐣𑐶𑐬𑑂𑐐𑐸𑐞𑑅 ॥ 𑑖𑑕 ॥
- 𑐁𑐣𑐣𑑂𑐡𑑀ऽ𑐳𑐶 𑐥𑐬𑑀ऽ𑐳𑐶 𑐟𑑂𑐰𑐩𑐾𑐎 𑐊𑐰𑐵𑐡𑑂𑐰𑐶𑐟𑐷𑐫𑐎𑑅 ।
- 𑐔𑐶𑐡𑑂𑐑𑐣𑐵𑐣𑐣𑑂𑐡𑐬𑐹𑐥𑑀ऽ𑐳𑐶 𑐥𑐬𑐶𑐥𑐹𑐬𑑂𑐞𑐳𑑂𑐰𑐬𑐹𑐥𑐎𑑅 ॥ 𑑖𑑖 ॥
- 𑐳𑐡𑐳𑐶 𑐟𑑂𑐰𑐩𑐳𑐶 𑐖𑑂𑐘𑑀ऽ𑐳𑐶 𑐳𑑀ऽ𑐳𑐶 𑐖𑐵𑐣𑐵𑐳𑐶 𑐰𑐷𑐎𑑂𑐲𑐳𑐶 ।
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐬𑐹𑐥𑑀ऽ𑐳𑐶 𑐰𑐵𑐳𑐸𑐡𑐾𑐰𑑀ऽ𑐳𑐶 𑐰𑐿 𑐥𑑂𑐬𑐨𑐸𑑅 ॥ 𑑖𑑗 ॥
- 𑐀𑐩𑐺𑐟𑑀ऽ𑐳𑐶 𑐰𑐶𑐨𑐸𑐱𑑂𑐔𑐵𑐳𑐶 𑐔𑐘𑑂𑐔𑐮𑑀 𑐴𑑂𑐫𑐔𑐮𑑀 𑐴𑑂𑐫𑐳𑐶 ।
- 𑐳𑐬𑑂𑐰𑑀ऽ𑐳𑐶 𑐳𑐬𑑂𑐰𑐴𑐷𑐣𑑀ऽ𑐳𑐶 𑐱𑐵𑐣𑑂𑐟𑐵𑐱𑐵𑐣𑑂𑐟𑐰𑐶𑐰𑐬𑑂𑐖𑐶𑐟𑑅 ॥ 𑑖𑑘 ॥
- 𑐳𑐟𑑂𑐟𑐵𑐩𑐵𑐟𑑂𑐬𑐥𑑂𑐬𑐎𑐵𑐱𑑀ऽ𑐳𑐶 𑐳𑐟𑑂𑐟𑐵𑐳𑐵𑐩𑐵𑐣𑑂𑐫𑐎𑑀 𑐴𑑂𑐫𑐳𑐶 ।
- 𑐣𑐶𑐟𑑂𑐫𑐳𑐶𑐡𑑂𑐢𑐶𑐳𑑂𑐰𑐬𑐹𑐥𑑀ऽ𑐳𑐶 𑐳𑐬𑑂𑐰𑐳𑐶𑐡𑑂𑐢𑐶𑐰𑐶𑐰𑐬𑑂𑐖𑐶𑐟𑑅 ॥ 𑑖𑑙 ॥
- 𑐃𑐲𑐣𑑂𑐩𑐵𑐟𑑂𑐬𑐰𑐶𑐱𑐹𑐣𑑂𑐫𑑀ऽ𑐳𑐶 𑐀𑐞𑐸𑐩𑐵𑐟𑑂𑐬𑐰𑐶𑐰𑐬𑑂𑐖𑐶𑐟𑑅 ।
- 𑐀𑐳𑑂𑐟𑐶𑐟𑑂𑐰𑐰𑐬𑑂𑐖𑐶𑐟𑑀ऽ𑐳𑐶 𑐟𑑂𑐰𑑄 𑐣𑐵𑐳𑑂𑐟𑐶𑐟𑑂𑐰𑐵𑐡𑐶𑐰𑐶𑐰𑐬𑑂𑐖𑐶𑐟𑑅 ॥ 𑑗𑑐 ॥
- 𑐮𑐎𑑂𑐲𑑂𑐫𑐮𑐎𑑂𑐲𑐞𑐴𑐷𑐣𑑀ऽ𑐳𑐶 𑐣𑐶𑐬𑑂𑐰𑐶𑐎𑐵𑐬𑑀 𑐣𑐶𑐬𑐵𑐩𑐫𑑅 ।
- 𑐳𑐬𑑂𑐰𑐣𑐵𑐡𑐵𑐣𑑂𑐟𑐬𑑀ऽ𑐳𑐶 𑐟𑑂𑐰𑑄 𑐎𑐮𑐵𑐎𑐵𑐲𑑂𑐛𑐵𑐰𑐶𑐰𑐬𑑂𑐖𑐶𑐟𑑅 ॥ 𑑗𑑑 ॥
- 𑐧𑑂𑐬𑐴𑑂𑐩𑐰𑐶𑐲𑑂𑐞𑑂𑐰𑐷𑐱𑐴𑐷𑐣𑑀ऽ𑐳𑐶 𑐳𑑂𑐰𑐳𑑂𑐰𑐬𑐹𑐥𑑄 𑐥𑑂𑐬𑐥𑐱𑑂𑐫𑐳𑐶 ।
- 𑐳𑑂𑐰𑐳𑑂𑐰𑐬𑐹𑐥𑐵𑐰𑐱𑐾𑐲𑑀ऽ𑐳𑐶 𑐳𑑂𑐰𑐵𑐣𑐣𑑂𑐡𑐵𑐧𑑂𑐢𑑁 𑐣𑐶𑐩𑐖𑑂𑐖𑐳𑐶 ॥ 𑑗𑑒 ॥
- 𑐳𑑂𑐰𑐵𑐟𑑂𑐩𑐬𑐵𑐖𑑂𑐫𑐾 𑐳𑑂𑐰𑐩𑐾𑐰𑐵𑐳𑐶 𑐳𑑂𑐰𑐫𑑄𑐨𑐵𑐰𑐰𑐶𑐰𑐬𑑂𑐖𑐶𑐟𑑅 ।
- 𑐱𑐶𑐲𑑂𑐚𑐥𑐹𑐬𑑂𑐞𑐳𑑂𑐰𑐬𑐹𑐥𑑀ऽ𑐳𑐶 𑐳𑑂𑐰𑐳𑑂𑐩𑐵𑐟𑑂𑐎𑐶𑐘𑑂𑐔𑐶𑐣𑑂𑐣 𑐥𑐱𑑂𑐫𑐳𑐶 ॥ 𑑗𑑓 ॥
- 𑐳𑑂𑐰𑐳𑑂𑐰𑐬𑐹𑐥𑐵𑐣𑑂𑐣 𑐔𑐮𑐳𑐶 𑐳𑑂𑐰𑐳𑑂𑐰𑐬𑐹𑐥𑐾𑐞 𑐖𑐺𑐩𑑂𑐨𑐳𑐶 ।
- 𑐳𑑂𑐰𑐳𑑂𑐰𑐬𑐹𑐥𑐵𑐡𑐣𑐣𑑂𑐫𑑀ऽ𑐳𑐶 𑐴𑑂𑐫𑐴𑐩𑐾𑐰𑐵𑐳𑐶 𑐣𑐶𑐱𑑂𑐔𑐶𑐣𑐸 ॥ 𑑗𑑔 ॥
- 𑐂𑐡𑑄 𑐥𑑂𑐬𑐥𑐘𑑂𑐔𑑄 𑐫𑐟𑑂𑐎𑐶𑐘𑑂𑐔𑐶𑐡𑑂𑐫𑐡𑑂𑐫𑐖𑑂𑐖𑐐𑐟𑐶 𑐰𑐶𑐡𑑂𑐫𑐟𑐾 ।
- 𑐡𑐺𑐱𑑂𑐫𑐬𑐹𑐥𑑄 𑐔 𑐡𑐺𑐐𑑂𑐬𑐹𑐥𑑄 𑐳𑐬𑑂𑐰𑑄 𑐱𑐱𑐰𑐶𑐲𑐵𑐞𑐰𑐟𑑂 ॥ 𑑗𑑕 ॥
- 𑐨𑐹𑐩𑐶𑐬𑐵𑐥𑑀ऽ𑐣𑐮𑑀 𑐰𑐵𑐫𑐸𑑅 𑐏𑑄 𑐩𑐣𑑀 𑐧𑐸𑐡𑑂𑐢𑐶𑐬𑐾𑐰 𑐔 ।
- 𑐀𑐴𑐒𑑂𑐎𑐵𑐬𑐱𑑂𑐔 𑐟𑐾𑐖𑐱𑑂𑐔 𑐮𑑀𑐎𑑄 𑐨𑐸𑐰𑐣𑐩𑐞𑑂𑐜𑐮𑐩𑑂 ॥ 𑑗𑑖 ॥
- 𑐣𑐵𑐱𑑀 𑐖𑐣𑑂𑐩 𑐔 𑐳𑐟𑑂𑐫𑑄 𑐔 𑐥𑐸𑐞𑑂𑐫𑐥𑐵𑐥𑐖𑐫𑐵𑐡𑐶𑐎𑐩𑑂 ।
- 𑐬𑐵𑐐𑑅 𑐎𑐵𑐩𑑅 𑐎𑑂𑐬𑑀𑐢𑐮𑑀𑐨𑑁 𑐢𑑂𑐫𑐵𑐣𑑄 𑐢𑑂𑐫𑐾𑐫𑑄 𑐐𑐸𑐞𑑄 𑐥𑐬𑐩𑑂 ॥ 𑑗𑑗 ॥
- 𑐐𑐸𑐬𑐸𑐱𑐶𑐲𑑂𑐫𑑀𑐥𑐡𑐾𑐱𑐵𑐡𑐶𑐬𑐵𑐡𑐶𑐬𑐣𑑂𑐟𑑄 𑐱𑐩𑑄 𑐱𑐸𑐨𑐩𑑂 ।
- 𑐨𑐹𑐟𑑄 𑐨𑐰𑑂𑐫𑑄 𑐰𑐬𑑂𑐟𑐩𑐵𑐣𑑄 𑐮𑐎𑑂𑐲𑑂𑐫𑑄 𑐮𑐎𑑂𑐲𑐞𑐩𑐡𑑂𑐰𑐫𑐩𑑂 ॥ 𑑗𑑘 ॥
- 𑐱𑐩𑑀 𑐰𑐶𑐔𑐵𑐬𑑅 𑐳𑐣𑑂𑐟𑑀𑐲𑑀 𑐨𑑀𑐎𑑂𑐟𑐺𑐨𑑀𑐖𑑂𑐫𑐵𑐡𑐶𑐬𑐹𑐥𑐎𑐩𑑂 ।
- 𑐫𑐩𑐵𑐡𑑂𑐫𑐲𑑂𑐚𑐵𑐒𑑂𑐐𑐫𑑀𑐐𑑄 𑐔 𑐐𑐩𑐣𑐵𑐐𑐩𑐣𑐵𑐟𑑂𑐩𑐎𑐩𑑂 ॥ 𑑗𑑙 ॥
- 𑐁𑐡𑐶𑐩𑐢𑑂𑐫𑐵𑐣𑑂𑐟𑐬𑐒𑑂𑐐𑑄 𑐔 𑐐𑑂𑐬𑐵𑐴𑑂𑐫𑑄 𑐟𑑂𑐫𑐵𑐖𑑂𑐫𑑄 𑐴𑐬𑐶𑑅 𑐱𑐶𑐰𑑅 ।
- 𑐂𑐣𑑂𑐡𑑂𑐬𑐶𑐫𑐵𑐞𑐶 𑐩𑐣𑐱𑑂𑐔𑐿𑐰 𑐀𑐰𑐳𑑂𑐠𑐵𑐟𑑂𑐬𑐶𑐟𑐫𑑄 𑐟𑐠𑐵 ॥ 𑑘𑑐 ॥
- 𑐔𑐟𑐸𑐬𑑂𑐰𑐶𑑄𑐱𑐟𑐶𑐟𑐟𑑂𑐟𑑂𑐰𑑄 𑐔 𑐳𑐵𑐢𑐣𑐵𑐣𑐵𑑄 𑐔𑐟𑐸𑐲𑑂𑐚𑐫𑐩𑑂 ।
- 𑐳𑐖𑐵𑐟𑐷𑐫𑑄 𑐰𑐶𑐖𑐵𑐟𑐷𑐫𑑄 𑐮𑑀𑐎𑐵 𑐨𑐹𑐬𑐵𑐡𑐫𑑅 𑐎𑑂𑐬𑐩𑐵𑐟𑑂 ॥ 𑑘𑑑 ॥
- 𑐳𑐬𑑂𑐰𑐰𑐬𑑂𑐞𑐵𑐱𑑂𑐬𑐩𑐵𑐔𑐵𑐬𑑄 𑐩𑐣𑑂𑐟𑑂𑐬𑐟𑐣𑑂𑐟𑑂𑐬𑐵𑐡𑐶𑐳𑑄𑐐𑑂𑐬𑐴𑐩𑑂 ।
- 𑐰𑐶𑐡𑑂𑐫𑐵𑐰𑐶𑐡𑑂𑐫𑐵𑐡𑐶𑐬𑐹𑐥𑑄 𑐔 𑐳𑐬𑑂𑐰𑐰𑐾𑐡𑑄 𑐖𑐜𑐵𑐖𑐜𑐩𑑂 ॥ 𑑘𑑒 ॥
- 𑐧𑐣𑑂𑐢𑐩𑑀𑐎𑑂𑐲𑐰𑐶𑐨𑐵𑐐𑑄 𑐔 𑐖𑑂𑐘𑐵𑐣𑐰𑐶𑐖𑑂𑐘𑐵𑐣𑐬𑐹𑐥𑐎𑐩𑑂 ।
- 𑐧𑑀𑐢𑐵𑐧𑑀𑐢𑐳𑑂𑐰𑐬𑐹𑐥𑑄 𑐰𑐵 𑐡𑑂𑐰𑐿𑐟𑐵𑐡𑑂𑐰𑐿𑐟𑐵𑐡𑐶𑐨𑐵𑐲𑐞𑐩𑑂 ॥ 𑑘𑑓 ॥
- 𑐳𑐬𑑂𑐰𑐰𑐾𑐡𑐵𑐣𑑂𑐟𑐳𑐶𑐡𑑂𑐢𑐵𑐣𑑂𑐟𑑄 𑐳𑐬𑑂𑐰𑐱𑐵𑐳𑑂𑐟𑑂𑐬𑐵𑐬𑑂𑐠𑐣𑐶𑐬𑑂𑐞𑐫𑐩𑑂 ।
- 𑐀𑐣𑐾𑐎𑐖𑐷𑐰𑐳𑐡𑑂𑐨𑐵𑐰𑐩𑐾𑐎𑐖𑐷𑐰𑐵𑐡𑐶𑐣𑐶𑐬𑑂𑐞𑐫𑐩𑑂 ॥ 𑑘𑑔 ॥
- 𑐫𑐡𑑂𑐫𑐡𑑂𑐢𑑂𑐫𑐵𑐫𑐟𑐶 𑐔𑐶𑐟𑑂𑐟𑐾𑐣 𑐫𑐡𑑂𑐫𑐟𑑂𑐳𑐒𑑂𑐎𑐮𑑂𑐥𑐟𑐾 𑐎𑑂𑐰𑐔𑐶𑐟𑑂 ।
- 𑐧𑐸𑐡𑑂𑐢𑑂𑐫𑐵 𑐣𑐶𑐱𑑂𑐔𑐷𑐫𑐟𑐾 𑐫𑐡𑑂𑐫𑐡𑑂𑐐𑐸𑐬𑐸𑐞𑐵 𑐳𑑄𑐱𑐺𑐞𑑀𑐟𑐶 𑐫𑐟𑑂 ॥ 𑑘𑑕 ॥
- 𑐫𑐡𑑂𑐫𑐡𑑂𑐰𑐵𑐔𑐵 𑐰𑑂𑐫𑐵𑐎𑐬𑑀𑐟𑐶 𑐫𑐡𑑂𑐫𑐡𑐵𑐔𑐵𑐬𑑂𑐫𑐨𑐵𑐲𑐞𑐩𑑂 ।
- 𑐫𑐡𑑂𑐫𑐟𑑂𑐳𑑂𑐰𑐬𑐾𑐣𑑂𑐡𑑂𑐬𑐶𑐫𑐿𑐬𑑂𑐨𑐵𑐰𑑂𑐫𑑄 𑐫𑐡𑑂𑐫𑐣𑑂𑐩𑐷𑐩𑐵𑑄𑐳𑐟𑐾 𑐥𑐺𑐠𑐎𑑂 ॥ 𑑘𑑖 ॥
- 𑐫𑐡𑑂𑐫𑐣𑑂𑐣𑑂𑐫𑐵𑐫𑐾𑐣 𑐣𑐶𑐬𑑂𑐞𑐷𑐟𑑄 𑐩𑐴𑐡𑑂𑐨𑐶𑐬𑑂𑐰𑐾𑐡𑐥𑐵𑐬𑐐𑐿𑑅 ।
- 𑐱𑐶𑐰𑑅 𑐎𑑂𑐲𑐬𑐟𑐶 𑐮𑑀𑐎𑐵𑐣𑑂𑐰𑐿 𑐰𑐶𑐲𑑂𑐞𑐸𑑅 𑐥𑐵𑐟𑐶 𑐖𑐐𑐟𑑂𑐟𑑂𑐬𑐫𑐩𑑂 ॥ 𑑘𑑗 ॥
- 𑐧𑑂𑐬𑐴𑑂𑐩𑐵 𑐳𑐺𑐖𑐟𑐶 𑐮𑑀𑐎𑐵𑐣𑑂𑐰𑐿 𑐊𑐰𑐩𑐵𑐡𑐶𑐎𑑂𑐬𑐶𑐫𑐵𑐡𑐶𑐎𑐩𑑂 ।
- 𑐫𑐡𑑂𑐫𑐡𑐳𑑂𑐟𑐶 𑐥𑐸𑐬𑐵𑐞𑐾𑐲𑐸 𑐫𑐡𑑂𑐫𑐡𑑂𑐰𑐾𑐡𑐾𑐲𑐸 𑐣𑐶𑐬𑑂𑐞𑐫𑐩𑑂 ॥ 𑑘𑑘 ॥
- 𑐳𑐬𑑂𑐰𑑀𑐥𑐣𑐶𑐲𑐡𑐵𑑄 𑐨𑐵𑐰𑑄 𑐳𑐬𑑂𑐰𑑄 𑐱𑐱𑐰𑐶𑐲𑐵𑐞𑐰𑐟𑑂 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑄 𑐟𑐡𑐣𑑂𑐟𑑅𑐎𑐬𑐞𑑄 𑐳𑑂𑐩𑐺𑐟𑐩𑑂 ॥ 𑑘𑑙 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑀 𑐩𑐴𑐟𑑂𑐳𑑄𑐳𑐵𑐬 𑐄𑐔𑑂𑐫𑐟𑐾 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑐳𑑂𑐟𑐡𑑂𑐧𑐣𑑂𑐢𑐩𑐶𑐟𑐶 𑐔𑑀𑐔𑑂𑐫𑐟𑐾 ॥ 𑑙𑑐 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑐳𑑂𑐟𑐡𑑂𑐡𑐸𑑅𑐏𑐩𑐶𑐟𑐶 𑐔𑑀𑐔𑑂𑐫𑐟𑐾 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐡𑑂𑐨𑐵𑐣𑑄 𑐟𑐡𑐾𑐰 𑐣𑐬𑐎𑑄 𑐳𑑂𑐩𑐺𑐟𑐩𑑂 ॥ 𑑙𑑑 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑀 𑐖𑐐𑐟𑑂𑐳𑐬𑑂𑐰𑐩𑐶𑐟𑐷𑐬𑑂𑐫𑐟𑐾 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑀 𑐴𑐺𑐡𑐫𑐐𑑂𑐬𑐣𑑂𑐠𑐶𑐬𑐷𑐬𑐶𑐟𑐶𑑅 ॥ 𑑙𑑒 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐖𑑂𑐖𑑂𑐘𑐵𑐣𑑄 𑐟𑐡𑐾𑐰𑐵𑐖𑑂𑐘𑐵𑐣𑐩𑐸𑐔𑑂𑐫𑐟𑐾 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐖𑑂𑐖𑑂𑐘𑐵𑐣𑑄 𑐟𑐡𑐳𑐡𑑂𑐨𑐵𑐰𑐩𑐾𑐰 𑐔 ॥ 𑑙𑑓 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐵 𑐧𑐸𑐡𑑂𑐢𑐶𑑅 𑐳𑐵 𑐔𑐵𑐰𑐶𑐡𑑂𑐫𑐾𑐟𑐶 𑐨𑐞𑑂𑐫𑐟𑐾 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐖𑑂𑐖𑑂𑐘𑐵𑐣𑑄 𑐟𑐡𑐾𑐰 𑐡𑑂𑐰𑐿𑐟𑐩𑐸𑐔𑑂𑐫𑐟𑐾 ॥ 𑑙𑑔 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑅 𑐳𑐟𑑂𑐫𑐖𑐷𑐰𑑅 𑐳 𑐊𑐰 𑐴𑐶 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐖𑑂𑐖𑑂𑐘𑐵𑐣𑑄 𑐥𑐬𑐶𑐔𑑂𑐕𑐶𑐣𑑂𑐣𑐩𑐶𑐟𑐷𑐬𑐶𑐟𑐩𑑂 ॥ 𑑙𑑕 ॥
- 𑐡𑐾𑐴𑑀ऽ𑐴𑐩𑐶𑐟𑐶 𑐳𑐒𑑂𑐎𑐮𑑂𑐥𑑀 𑐩𑐴𑐵𑐥𑐵𑐥𑐩𑐶𑐟𑐶 𑐳𑑂𑐦𑐸𑐚𑐩𑑂 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐫𑐵 𑐧𑐸𑐡𑑂𑐢𑐶𑐳𑑂𑐟𑐺𑐲𑑂𑐞𑐵 𑐡𑑀𑐲𑐵𑐩𑐫𑑅 𑐎𑐶𑐮 ॥ 𑑙𑑖 ॥
- 𑐫𑐟𑑂𑐎𑐶𑐘𑑂𑐔𑐶𑐡𑐥𑐶 𑐳𑐒𑑂𑐎𑐮𑑂𑐥𑐳𑑂𑐟𑐵𑐥𑐟𑑂𑐬𑐫𑐩𑐶𑐟𑐷𑐬𑐶𑐟𑐩𑑂 ।
- 𑐎𑐵𑐩𑑄 𑐎𑑂𑐬𑑀𑐢𑑄 𑐧𑐣𑑂𑐢𑐣𑑄 𑐳𑐬𑑂𑐰𑐡𑐸𑑅𑐏𑑄 𑐰𑐶𑐱𑑂𑐰𑑄 𑐡𑑀𑐲𑑄 𑐎𑐵𑐮𑐣𑐵𑐣𑐵𑐳𑑂𑐰𑐬𑐹𑐥𑐩𑑂 ।
- 𑐫𑐟𑑂𑐎𑐶𑐘𑑂𑐔𑐾𑐡𑑄 𑐳𑐬𑑂𑐰𑐳𑐒𑑂𑐎𑐮𑑂𑐥𑐖𑐵𑐮𑑄 𑐟𑐟𑑂𑐎𑐶𑐘𑑂𑐔𑐾𑐡𑑄 𑐩𑐵𑐣𑐳𑑄 𑐳𑑀𑐩 𑐰𑐶𑐡𑑂𑐢𑐶 ॥ 𑑙𑑗 ॥
- 𑐩𑐣 𑐊𑐰 𑐖𑐐𑐟𑑂𑐳𑐬𑑂𑐰𑑄 𑐩𑐣 𑐊𑐰 𑐩𑐴𑐵𑐬𑐶𑐥𑐸𑑅 ।
- 𑐩𑐣 𑐊𑐰 𑐴𑐶 𑐳𑑄𑐳𑐵𑐬𑑀 𑐩𑐣 𑐊𑐰 𑐖𑐐𑐟𑑂𑐟𑑂𑐬𑐫𑐩𑑂 ॥ 𑑙𑑘 ॥
- 𑐩𑐣 𑐊𑐰 𑐩𑐴𑐡𑑂𑐡𑐸𑑅𑐏𑑄 𑐩𑐣 𑐊𑐰 𑐖𑐬𑐵𑐡𑐶𑐎𑐩𑑂 ।
- 𑐩𑐣 𑐊𑐰 𑐴𑐶 𑐎𑐵𑐮𑐱𑑂𑐔 𑐩𑐣 𑐊𑐰 𑐩𑐮𑑄 𑐟𑐠𑐵 ॥ 𑑙𑑙 ॥
- 𑐩𑐣 𑐊𑐰 𑐴𑐶 𑐳𑐒𑑂𑐎𑐮𑑂𑐥𑑀 𑐩𑐣 𑐊𑐰 𑐴𑐶 𑐖𑐷𑐰𑐎𑑅 ।
- 𑐩𑐣 𑐊𑐰 𑐴𑐶 𑐔𑐶𑐟𑑂𑐟𑑄 𑐔 𑐩𑐣𑑀ऽ𑐴𑐒𑑂𑐎𑐵𑐬 𑐊𑐰 𑐔 ॥ 𑑑𑑐𑑐 ॥
- 𑐩𑐣 𑐊𑐰 𑐩𑐴𑐡𑑂𑐧𑐣𑑂𑐢𑑄 𑐩𑐣𑑀ऽ𑐣𑑂𑐟𑑅𑐎𑐬𑐞𑑄 𑐔 𑐟𑐟𑑂 ।
- 𑐩𑐣 𑐊𑐰 𑐴𑐶 𑐨𑐹𑐩𑐶𑐱𑑂𑐔 𑐩𑐣 𑐊𑐰 𑐴𑐶 𑐟𑑀𑐫𑐎𑐩𑑂 ॥ 𑑑𑑐𑑑 ॥
- 𑐩𑐣 𑐊𑐰 𑐴𑐶 𑐟𑐾𑐖𑐱𑑂𑐔 𑐩𑐣 𑐊𑐰 𑐩𑐬𑐸𑐣𑑂𑐩𑐴𑐵𑐣𑑂 ।
- 𑐩𑐣 𑐊𑐰 𑐴𑐶 𑐔𑐵𑐎𑐵𑐱𑑄 𑐩𑐣 𑐊𑐰 𑐴𑐶 𑐱𑐧𑑂𑐡𑐎𑐩𑑂 ॥ 𑑑𑑐𑑒 ॥
- 𑐳𑑂𑐥𑐬𑑂𑐱𑑄 𑐬𑐹𑐥𑑄 𑐬𑐳𑑄 𑐐𑐣𑑂𑐢𑑄 𑐎𑑀𑐱𑐵𑑅 𑐥𑐘𑑂𑐔 𑐩𑐣𑑀𑐨𑐰𑐵𑑅 ।
- 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐳𑐸𑐲𑐸𑐥𑑂𑐟𑑂𑐫𑐵𑐡𑐶 𑐩𑐣𑑀𑐩𑐫𑐬𑐶𑐟𑐷𑐬𑐶𑐟𑐩𑑂 ॥ 𑑑𑑐𑑓 ॥
- 𑐡𑐶𑐎𑑂𑐥𑐵𑐮𑐵 𑐰𑐳𑐰𑑀 𑐬𑐸𑐡𑑂𑐬𑐵 𑐁𑐡𑐶𑐟𑑂𑐫𑐵𑐱𑑂𑐔 𑐩𑐣𑑀𑐩𑐫𑐵𑑅 ।
- 𑐡𑐺𑐱𑑂𑐫𑑄 𑐖𑐜𑑄 𑐡𑑂𑐰𑐣𑑂𑐡𑑂𑐰𑐖𑐵𑐟𑐩𑐖𑑂𑐘𑐵𑐣𑑄 𑐩𑐵𑐣𑐳𑑄 𑐳𑑂𑐩𑐺𑐟𑐩𑑂 ॥ 𑑑𑑐𑑔 ॥
- 𑐳𑐒𑑂𑐎𑐮𑑂𑐥𑐩𑐾𑐰 𑐫𑐟𑑂𑐎𑐶𑐘𑑂𑐔𑐶𑐟𑑂𑐟𑐟𑑂𑐟𑐣𑑂𑐣𑐵𑐳𑑂𑐟𑐷𑐟𑐶 𑐣𑐶𑐱𑑂𑐔𑐶𑐣𑐸 ।
- 𑐣𑐵𑐳𑑂𑐟𑐶 𑐣𑐵𑐳𑑂𑐟𑐶 𑐖𑐐𑐟𑑂𑐳𑐬𑑂𑐰𑑄 𑐐𑐸𑐬𑐸𑐱𑐶𑐲𑑂𑐫𑐵𑐡𑐶𑐎𑑄 𑐣𑐴𑐷𑐟𑑂𑐫𑐸𑐥𑐣𑐶𑐲𑐟𑑂 ॥ 𑑑𑑐𑑕 ॥
॥ 𑐲𑐲𑑂𑐛𑑀ऽ𑐢𑑂𑐫𑐵𑐫𑑅 ॥
[सम्पादन]- 𑐆𑐨𑐸𑑅॥𑐳𑐬𑑂𑐰𑑄 𑐳𑐔𑑂𑐔𑐶𑐣𑑂𑐩𑐫𑑄 𑐰𑐶𑐡𑑂𑐢𑐶 𑐳𑐬𑑂𑐰𑑄 𑐳𑐔𑑂𑐔𑐶𑐣𑑂𑐩𑐫𑑄 𑐟𑐟𑐩𑑂 ।
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐡𑑂𑐰𑐿𑐟𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐡𑑂𑐰𑐫𑐩𑑂 ॥ 𑑑 ॥
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑑄 𑐴𑐶 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐣𑑂𑐫𑐎𑐩𑑂 ।
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐬𑐹𑐥𑑀ऽ𑐴𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐾𑐰 𑐏𑐩𑑂 ॥ 𑑒 ॥
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐾𑐰 𑐟𑑂𑐰𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐎𑑀ऽ𑐳𑑂𑐩𑑂𑐫𑐴𑐩𑑂 ।
- 𑐩𑐣𑑀𑐧𑐸𑐡𑑂𑐢𑐶𑐬𑐴𑐒𑑂𑐎𑐵𑐬𑐔𑐶𑐟𑑂𑐟𑐳𑐒𑑂𑐑𑐵𑐟𑐎𑐵 𑐀𑐩𑐷 ॥ 𑑓 ॥
- 𑐣 𑐟𑑂𑐰𑑄 𑐣𑐵𑐴𑑄 𑐣 𑐔𑐵𑐣𑑂𑐫𑐡𑑂𑐰𑐵 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ।
- 𑐣 𑐰𑐵𑐎𑑂𑐫𑑄 𑐣 𑐥𑐡𑑄 𑐰𑐾𑐡𑑄 𑐣𑐵𑐎𑑂𑐲𑐬𑑄 𑐣 𑐖𑐜𑑄 𑐎𑑂𑐰𑐔𑐶𑐟𑑂 ॥ 𑑔 ॥
- 𑐣 𑐩𑐢𑑂𑐫𑑄 𑐣𑐵𑐡𑐶 𑐣𑐵𑐣𑑂𑐟𑑄 𑐰𑐵 𑐣 𑐳𑐟𑑂𑐫𑑄 𑐣 𑐣𑐶𑐧𑐣𑑂𑐢𑐣𑐩𑑂 ।
- 𑐣 𑐡𑐸𑑅𑐏𑑄 𑐣 𑐳𑐸𑐏𑑄 𑐨𑐵𑐰𑑄 𑐣 𑐩𑐵𑐫𑐵 𑐥𑑂𑐬𑐎𑐺𑐟𑐶𑐳𑑂𑐟𑐠𑐵 ॥ 𑑕 ॥
- 𑐣 𑐡𑐾𑐴𑑄 𑐣 𑐩𑐸𑐏𑑄 𑐑𑑂𑐬𑐵𑐞𑑄 𑐣 𑐖𑐶𑐴𑑂𑐰𑐵 𑐣 𑐔 𑐟𑐵𑐮𑐸𑐣𑐷 ।
- 𑐣 𑐡𑐣𑑂𑐟𑑀𑐲𑑂𑐛𑑁 𑐮𑐮𑐵𑐚𑑄 𑐔 𑐣𑐶𑐱𑑂𑐰𑐵𑐳𑑀𑐔𑑂𑐕𑑂𑐰𑐵𑐳 𑐊𑐰 𑐔 ॥ 𑑖 ॥
- 𑐣 𑐳𑑂𑐰𑐾𑐡𑐩𑐳𑑂𑐠𑐶 𑐩𑐵𑑄𑐳𑑄 𑐔 𑐣 𑐬𑐎𑑂𑐟𑑄 𑐣 𑐔 𑐩𑐹𑐟𑑂𑐬𑐎𑐩𑑂 ।
- 𑐣 𑐡𑐹𑐬𑑄 𑐣𑐵𑐣𑑂𑐟𑐶𑐎𑑄 𑐣𑐵𑐒𑑂𑐐𑑄 𑐣𑑀𑐡𑐬𑑄 𑐣 𑐎𑐶𑐬𑐷𑐚𑐎𑐩𑑂 ॥ 𑑗 ॥
- 𑐣 𑐴𑐳𑑂𑐟𑐥𑐵𑐡𑐔𑐮𑐣𑑄 𑐣 𑐱𑐵𑐳𑑂𑐟𑑂𑐬𑑄 𑐣 𑐔 𑐱𑐵𑐳𑐣𑐩𑑂 ।
- 𑐣 𑐰𑐾𑐟𑑂𑐟𑐵 𑐰𑐾𑐡𑐣𑑄 𑐰𑐾𑐡𑑂𑐫𑑄 𑐣 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐳𑐸𑐥𑑂𑐟𑐫𑑅 ॥ 𑑘 ॥
- 𑐟𑐸𑐬𑑂𑐫𑐵𑐟𑐷𑐟𑑄 𑐣 𑐩𑐾 𑐎𑐶𑐘𑑂𑐔𑐶𑐟𑑂𑐳𑐬𑑂𑐰𑑄 𑐳𑐔𑑂𑐔𑐶𑐣𑑂𑐩𑐫𑑄 𑐟𑐟𑐩𑑂 ।
- 𑐣𑐵𑐢𑑂𑐫𑐵𑐟𑑂𑐩𑐶𑐎𑑄 𑐣𑐵𑐢𑐶𑐨𑐹𑐟𑑄 𑐣𑐵𑐢𑐶𑐡𑐿𑐰𑑄 𑐣 𑐩𑐵𑐫𑐶𑐎𑐩𑑂 ॥ 𑑙 ॥
- 𑐣 𑐰𑐶𑐱𑑂𑐰𑐟𑐿𑐖𑐳𑑅 𑐥𑑂𑐬𑐵𑐖𑑂𑐘𑑀 𑐰𑐶𑐬𑐵𑐚𑑂𑐳𑐹𑐟𑑂𑐬𑐵𑐟𑑂𑐩𑐎𑐾𑐱𑑂𑐰𑐬𑑅 ।
- 𑐣 𑐐𑐩𑐵𑐐𑐩𑐔𑐾𑐲𑑂𑐚𑐵 𑐔 𑐣 𑐣𑐲𑑂𑐚𑑄 𑐣 𑐥𑑂𑐬𑐫𑑀𑐖𑐣𑐩𑑂 ॥ 𑑑𑑐 ॥
- 𑐟𑑂𑐫𑐵𑐖𑑂𑐫𑑄 𑐐𑑂𑐬𑐵𑐴𑑂𑐫𑑄 𑐣 𑐡𑐹𑐲𑑂𑐫𑑄 𑐰𑐵 𑐴𑑂𑐫𑐩𑐾𑐢𑑂𑐫𑐵𑐩𑐾𑐢𑑂𑐫𑐎𑑄 𑐟𑐠𑐵 ।
- 𑐣 𑐥𑐷𑐣𑑄 𑐣 𑐎𑐺𑐱𑑄 𑐎𑑂𑐮𑐾𑐡𑑄 𑐣 𑐎𑐵𑐮𑑄 𑐡𑐾𑐱𑐨𑐵𑐲𑐞𑐩𑑂 ॥ 𑑑𑑑 ॥
- 𑐣 𑐳𑐬𑑂𑐰𑑄 𑐣 𑐨𑐫𑑄 𑐡𑑂𑐰𑐿𑐟𑑄 𑐣 𑐰𑐺𑐎𑑂𑐲𑐟𑐺𑐞𑐥𑐬𑑂𑐰𑐟𑐵𑑅 ।
- 𑐣 𑐢𑑂𑐫𑐵𑐣𑑄 𑐫𑑀𑐐𑐳𑑄𑐳𑐶𑐡𑑂𑐢𑐶𑐬𑑂𑐣 𑐧𑑂𑐬𑐴𑑂𑐩𑐰𑐿𑐱𑑂𑐫𑐎𑑂𑐲𑐟𑑂𑐬𑐎𑐩𑑂 ॥ 𑑑𑑒 ॥
- 𑐣 𑐥𑐎𑑂𑐲𑐷 𑐣 𑐩𑐺𑐐𑑀 𑐣𑐵𑐒𑑂𑐐𑐷 𑐣 𑐮𑑀𑐨𑑀 𑐩𑑀𑐴 𑐊𑐰 𑐔 ।
- 𑐣 𑐩𑐡𑑀 𑐣 𑐔 𑐩𑐵𑐟𑑂𑐳𑐬𑑂𑐫𑑄 𑐎𑐵𑐩𑐎𑑂𑐬𑑀𑐢𑐵𑐡𑐫𑐳𑑂𑐟𑐠𑐵 ॥ 𑑑𑑓 ॥
- 𑐣 𑐳𑑂𑐟𑑂𑐬𑐷𑐱𑐹𑐡𑑂𑐬𑐧𑐶𑐜𑐵𑐮𑐵𑐡𑐶 𑐨𑐎𑑂𑐲𑑂𑐫𑐨𑑀𑐖𑑂𑐫𑐵𑐡𑐶𑐎𑑄 𑐔 𑐫𑐟𑑂 ।
- 𑐣 𑐥𑑂𑐬𑑁𑐝𑐴𑐷𑐣𑑀 𑐣𑐵𑐳𑑂𑐟𑐶𑐎𑑂𑐫𑑄 𑐣 𑐰𑐵𑐬𑑂𑐟𑐵𑐰𑐳𑐬𑑀ऽ𑐟𑐶 𑐴𑐶 ॥ 𑑑𑑔 ॥
- 𑐣 𑐮𑑁𑐎𑐶𑐎𑑀 𑐣 𑐮𑑀𑐎𑑀 𑐰𑐵 𑐣 𑐰𑑂𑐫𑐵𑐥𑐵𑐬𑑀 𑐣 𑐩𑐹𑐝𑐟𑐵 ।
- 𑐣 𑐨𑑀𑐎𑑂𑐟𑐵 𑐨𑑀𑐖𑐣𑑄 𑐨𑑀𑐖𑑂𑐫𑑄 𑐣 𑐥𑐵𑐟𑑂𑐬𑑄 𑐥𑐵𑐣𑐥𑐾𑐫𑐎𑐩𑑂 ॥ 𑑑𑑕 ॥
- 𑐣 𑐱𑐟𑑂𑐬𑐸𑐩𑐶𑐟𑑂𑐬𑐥𑐸𑐟𑑂𑐬𑐵𑐡𑐶𑐬𑑂𑐣 𑐩𑐵𑐟𑐵 𑐣 𑐥𑐶𑐟𑐵 𑐳𑑂𑐰𑐳𑐵 ।
- 𑐣 𑐖𑐣𑑂𑐩 𑐣 𑐩𑐺𑐟𑐶𑐬𑑂𑐰𑐺𑐡𑑂𑐢𑐶𑐬𑑂𑐣 𑐡𑐾𑐴𑑀ऽ𑐴𑐩𑐶𑐟𑐶 𑐨𑑂𑐬𑐩𑑅 ॥ 𑑑𑑖 ॥
- 𑐣 𑐱𑐹𑐣𑑂𑐫𑑄 𑐣𑐵𑐥𑐶 𑐔𑐵𑐱𑐹𑐣𑑂𑐫𑑄 𑐣𑐵𑐣𑑂𑐟𑑅𑐎𑐬𑐞𑐳𑑄𑐳𑐺𑐟𑐶𑑅 ।
- 𑐣 𑐬𑐵𑐟𑑂𑐬𑐶𑐬𑑂𑐣 𑐡𑐶𑐰𑐵 𑐣𑐎𑑂𑐟𑑄 𑐣 𑐧𑑂𑐬𑐴𑑂𑐩𑐵 𑐣 𑐴𑐬𑐶𑑅 𑐱𑐶𑐰𑑅 ॥ 𑑑𑑗 ॥
- 𑐣 𑐰𑐵𑐬𑐥𑐎𑑂𑐲𑐩𑐵𑐳𑐵𑐡𑐶 𑐰𑐟𑑂𑐳𑐬𑑄 𑐣 𑐔 𑐔𑐘𑑂𑐔𑐮𑐩𑑂 ।
- 𑐣 𑐧𑑂𑐬𑐴𑑂𑐩𑐮𑑀𑐎𑑀 𑐰𑐿𑐎𑐸𑐞𑑂𑐛𑑀 𑐣 𑐎𑐿𑐮𑐵𑐳𑑀 𑐣 𑐔𑐵𑐣𑑂𑐫𑐎𑑅 ॥ 𑑑𑑘 ॥
- 𑐣 𑐳𑑂𑐰𑐬𑑂𑐐𑑀 𑐣 𑐔 𑐡𑐾𑐰𑐾𑐣𑑂𑐡𑑂𑐬𑑀 𑐣𑐵𑐐𑑂𑐣𑐶𑐮𑑀𑐎𑑀 𑐣 𑐔𑐵𑐐𑑂𑐣𑐶𑐎𑑅 ।
- 𑐣 𑐫𑐩𑑀 𑐫𑐩𑐮𑑀𑐎𑑀 𑐰𑐵 𑐣 𑐮𑑀𑐎𑐵 𑐮𑑀𑐎𑐥𑐵𑐮𑐎𑐵𑑅 ॥ 𑑑𑑙 ॥
- 𑐣 𑐨𑐹𑐬𑑂𑐨𑐸𑐰𑑅𑐳𑑂𑐰𑐳𑑂𑐟𑑂𑐬𑐿𑐮𑑀𑐎𑑂𑐫𑑄 𑐣 𑐥𑐵𑐟𑐵𑐮𑑄 𑐣 𑐨𑐹𑐟𑐮𑐩𑑂 ।
- 𑐣𑐵𑐰𑐶𑐡𑑂𑐫𑐵 𑐣 𑐔 𑐰𑐶𑐡𑑂𑐫𑐵 𑐔 𑐣 𑐩𑐵𑐫𑐵 𑐥𑑂𑐬𑐎𑐺𑐟𑐶𑐬𑑂𑐖𑐜𑐵 ॥ 𑑒𑑐 ॥
- 𑐣 𑐳𑑂𑐠𑐶𑐬𑑄 𑐎𑑂𑐲𑐞𑐶𑐎𑑄 𑐣𑐵𑐱𑑄 𑐣 𑐐𑐟𑐶𑐬𑑂𑐣 𑐔 𑐢𑐵𑐰𑐣𑐩𑑂 ।
- 𑐣 𑐢𑑂𑐫𑐵𑐟𑐰𑑂𑐫𑑄 𑐣 𑐩𑐾 𑐢𑑂𑐫𑐵𑐣𑑄 𑐣 𑐩𑐣𑑂𑐟𑑂𑐬𑑀 𑐣 𑐖𑐥𑑅 𑐎𑑂𑐰𑐔𑐶𑐟𑑂 ॥ 𑑒𑑑 ॥
- 𑐣 𑐥𑐡𑐵𑐬𑑂𑐠𑐵 𑐣 𑐥𑐹𑐖𑐵𑐬𑑂𑐴𑑄 𑐣𑐵𑐨𑐶𑐲𑐾𑐎𑑀 𑐣 𑐔𑐵𑐬𑑂𑐔𑐣𑐩𑑂 ।
- 𑐣 𑐥𑐸𑐲𑑂𑐥𑑄 𑐣 𑐦𑐮𑑄 𑐥𑐟𑑂𑐬𑑄 𑐐𑐣𑑂𑐢𑐥𑐸𑐲𑑂𑐥𑐵𑐡𑐶𑐢𑐹𑐥𑐎𑐩𑑂 ॥ 𑑒𑑒 ॥
- 𑐣 𑐳𑑂𑐟𑑀𑐟𑑂𑐬𑑄 𑐣 𑐣𑐩𑐳𑑂𑐎𑐵𑐬𑑀 𑐣 𑐥𑑂𑐬𑐡𑐎𑑂𑐲𑐶𑐞𑐩𑐞𑑂𑐰𑐥𑐶 ।
- 𑐣 𑐥𑑂𑐬𑐵𑐬𑑂𑐠𑐣𑐵 𑐥𑐺𑐠𑐐𑑂𑐨𑐵𑐰𑑀 𑐣 𑐴𑐰𑐶𑐬𑑂𑐣𑐵𑐐𑑂𑐣𑐶𑐰𑐣𑑂𑐡𑐣𑐩𑑂 ॥ 𑑒𑑓 ॥
- 𑐣 𑐴𑑀𑐩𑑀 𑐣 𑐔 𑐎𑐬𑑂𑐩𑐵𑐞𑐶 𑐣 𑐡𑐸𑐬𑑂𑐰𑐵𑐎𑑂𑐫𑑄 𑐳𑐸𑐨𑐵𑐲𑐞𑐩𑑂 ।
- 𑐣 𑐐𑐵𑐫𑐟𑑂𑐬𑐷 𑐣 𑐰𑐵 𑐳𑐣𑑂𑐢𑐶𑐬𑑂𑐣 𑐩𑐣𑐳𑑂𑐫𑑄 𑐣 𑐡𑐸𑑅𑐳𑑂𑐠𑐶𑐟𑐶𑑅 ॥ 𑑒𑑔 ॥
- 𑐣 𑐡𑐸𑐬𑐵𑐱𑐵 𑐣 𑐡𑐸𑐲𑑂𑐚𑐵𑐟𑑂𑐩𑐵 𑐣 𑐔𑐵𑐞𑑂𑐜𑐵𑐮𑑀 𑐣 𑐥𑑁𑐮𑑂𑐎𑐳𑑅 ।
- 𑐣 𑐡𑐸𑑅𑐳𑐴𑑄 𑐡𑐸𑐬𑐵𑐮𑐵𑐥𑑄 𑐣 𑐎𑐶𑐬𑐵𑐟𑑀 𑐣 𑐎𑐿𑐟𑐰𑐩𑑂 ॥ 𑑒𑑕 ॥
- 𑐣 𑐥𑐎𑑂𑐲𑐥𑐵𑐟𑑄 𑐣 𑐥𑐎𑑂𑐲𑑄 𑐰𑐵 𑐣 𑐰𑐶𑐨𑐹𑐲𑐞𑐟𑐳𑑂𑐎𑐬𑑁 ।
- 𑐣 𑐔 𑐡𑐩𑑂𑐨𑑀 𑐡𑐵𑐩𑑂𑐨𑐶𑐎𑑀 𑐰𑐵 𑐣 𑐴𑐷𑐣𑑀 𑐣𑐵𑐢𑐶𑐎𑑀 𑐣𑐬𑑅 ॥ 𑑒𑑖 ॥
- 𑐣𑐿𑐎𑑄 𑐡𑑂𑐰𑐫𑑄 𑐟𑑂𑐬𑐫𑑄 𑐟𑐸𑐬𑑂𑐫𑑄 𑐣 𑐩𑐴𑐟𑑂𑐰𑑄 𑐣 𑐔𑐵𑐮𑑂𑐥𑐟𑐵 ।
- 𑐣 𑐥𑐹𑐬𑑂𑐞𑑄 𑐣 𑐥𑐬𑐶𑐔𑑂𑐕𑐶𑐣𑑂𑐣𑑄 𑐣 𑐎𑐵𑐱𑐷 𑐣 𑐰𑑂𑐬𑐟𑑄 𑐟𑐥𑑅 ॥ 𑑒𑑗 ॥
- 𑐣 𑐐𑑀𑐟𑑂𑐬𑑄 𑐣 𑐎𑐸𑐮𑑄 𑐳𑐹𑐟𑑂𑐬𑑄 𑐣 𑐰𑐶𑐨𑐸𑐟𑑂𑐰𑑄 𑐣 𑐱𑐹𑐣𑑂𑐫𑐟𑐵 ।
- 𑐣 𑐳𑑂𑐟𑑂𑐬𑐷 𑐣 𑐫𑑀𑐲𑐶𑐣𑑂𑐣𑑀 𑐰𑐺𑐡𑑂𑐢𑐵 𑐣 𑐎𑐣𑑂𑐫𑐵 𑐣 𑐰𑐶𑐟𑐣𑑂𑐟𑐸𑐟𑐵 ॥ 𑑒𑑘 ॥
- 𑐣 𑐳𑐹𑐟𑐎𑑄 𑐣 𑐖𑐵𑐟𑑄 𑐰𑐵 𑐣𑐵𑐣𑑂𑐟𑐬𑑂𑐩𑐸𑐏𑐳𑐸𑐰𑐶𑐨𑑂𑐬𑐩𑑅 ।
- 𑐣 𑐩𑐴𑐵𑐰𑐵𑐎𑑂𑐫𑐩𑐿𑐎𑑂𑐫𑑄 𑐰𑐵 𑐣𑐵𑐞𑐶𑐩𑐵𑐡𑐶𑐰𑐶𑐨𑐹𑐟𑐫𑑅 ॥ 𑑒𑑙 ॥
- 𑐳𑐬𑑂𑐰𑐔𑐿𑐟𑐣𑑂𑐫𑐩𑐵𑐟𑑂𑐬𑐟𑑂𑐰𑐵𑐟𑑂𑐳𑐬𑑂𑐰𑐡𑑀𑐲𑑅 𑐳𑐡𑐵 𑐣 𑐴𑐶 ।
- 𑐳𑐬𑑂𑐰𑑄 𑐳𑐣𑑂𑐩𑐵𑐟𑑂𑐬𑐬𑐹𑐥𑐟𑑂𑐰𑐵𑐟𑑂𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑐎𑐩𑑂 ॥ 𑑓𑑐 ॥
- 𑐧𑑂𑐬𑐴𑑂𑐩𑐿𑐰 𑐳𑐬𑑂𑐰𑑄 𑐣𑐵𑐣𑑂𑐫𑑀ऽ𑐳𑑂𑐟𑐶 𑐟𑐡𑐴𑑄 𑐟𑐡𑐴𑑄 𑐟𑐠𑐵 ।
- 𑐟𑐡𑐾𑐰𑐵𑐴𑑄 𑐟𑐡𑐾𑐰𑐵𑐴𑑄 𑐧𑑂𑐬𑐴𑑂𑐩𑐿𑐰𑐵𑐴𑑄 𑐳𑐣𑐵𑐟𑐣𑐩𑑂 ॥ 𑑓𑑑 ॥
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐳𑑄𑐳𑐵𑐬𑐷 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐩𑐾 𑐩𑐣𑑅 ।
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐩𑐾 𑐧𑐸𑐡𑑂𑐢𑐶𑐬𑑂𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐔𑐾𑐣𑑂𑐡𑑂𑐬𑐶𑐫𑑅 ॥ 𑑓𑑒 ॥
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐡𑐾𑐴𑑀ऽ𑐴𑑄 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐐𑑀𑐔𑐬𑑅 ।
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐖𑐷𑐰𑑀ऽ𑐴𑑄 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐨𑐾𑐡𑐨𑐹𑑅 ॥ 𑑓𑑓 ॥
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐖𑐜𑑀 𑐣𑐵𑐴𑐩𑐴𑑄 𑐧𑑂𑐬𑐴𑑂𑐩 𑐣 𑐩𑐾 𑐩𑐺𑐟𑐶𑑅 ।
- 𑐧𑑂𑐬𑐴𑑂𑐩𑐿𑐰𑐵𑐴𑑄 𑐣 𑐔 𑐥𑑂𑐬𑐵𑐞𑑀 𑐧𑑂𑐬𑐴𑑂𑐩𑐿𑐰𑐵𑐴𑑄 𑐥𑐬𑐵𑐟𑑂𑐥𑐬𑑅 ॥ 𑑓𑑔 ॥
- 𑐂𑐡𑑄 𑐧𑑂𑐬𑐴𑑂𑐩 𑐥𑐬𑑄 𑐧𑑂𑐬𑐴𑑂𑐩 𑐳𑐟𑑂𑐫𑑄 𑐧𑑂𑐬𑐴𑑂𑐩 𑐥𑑂𑐬𑐨𑐸𑐬𑑂𑐴𑐶 𑐳𑑅 ।
- 𑐎𑐵𑐮𑑀 𑐧𑑂𑐬𑐴𑑂𑐩 𑐎𑐮𑐵 𑐧𑑂𑐬𑐴𑑂𑐩 𑐳𑐸𑐏𑑄 𑐧𑑂𑐬𑐴𑑂𑐩 𑐳𑑂𑐰𑐫𑑄𑐥𑑂𑐬𑐨𑐩𑑂 ॥ 𑑓𑑕 ॥
- 𑐊𑐎𑑄 𑐧𑑂𑐬𑐴𑑂𑐩 𑐡𑑂𑐰𑐫𑑄 𑐧𑑂𑐬𑐴𑑂𑐩 𑐩𑑀𑐴𑑀 𑐧𑑂𑐬𑐴𑑂𑐩 𑐱𑐩𑐵𑐡𑐶𑐎𑐩𑑂 ।
- 𑐡𑑀𑐲𑑀 𑐧𑑂𑐬𑐴𑑂𑐩 𑐐𑐸𑐞𑑀 𑐧𑑂𑐬𑐴𑑂𑐩 𑐡𑐩𑑅 𑐱𑐵𑐣𑑂𑐟𑑄 𑐰𑐶𑐨𑐸𑑅 𑐥𑑂𑐬𑐨𑐸𑑅 ॥ 𑑓𑑖 ॥
- 𑐮𑑀𑐎𑑀 𑐧𑑂𑐬𑐴𑑂𑐩 𑐐𑐸𑐬𑐸𑐬𑑂𑐧𑑂𑐬𑐴𑑂𑐩 𑐱𑐶𑐲𑑂𑐫𑑀 𑐧𑑂𑐬𑐴𑑂𑐩 𑐳𑐡𑐵𑐱𑐶𑐰𑑅 ।
- 𑐥𑐹𑐬𑑂𑐰𑑄 𑐧𑑂𑐬𑐴𑑂𑐩 𑐥𑐬𑑄 𑐧𑑂𑐬𑐴𑑂𑐩 𑐱𑐸𑐡𑑂𑐢𑑄 𑐧𑑂𑐬𑐴𑑂𑐩 𑐱𑐸𑐨𑐵𑐱𑐸𑐨𑐩𑑂 ॥ 𑑓𑑗 ॥
- 𑐖𑐷𑐰 𑐊𑐰 𑐳𑐡𑐵 𑐧𑑂𑐬𑐴𑑂𑐩 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐳𑑂𑐩𑑂𑐫𑐴𑐩𑑂 |
- 𑐳𑐬𑑂𑐰𑑄 𑐧𑑂𑐬𑐴𑑂𑐩𑐩𑐫𑑄 𑐥𑑂𑐬𑑀𑐎𑑂𑐟𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐩𑐫𑑄 𑐖𑐐𑐟𑑂 ॥ 𑑓𑑘 ॥
- 𑐳𑑂𑐰𑐫𑑄 𑐧𑑂𑐬𑐴𑑂𑐩 𑐣 𑐳𑐣𑑂𑐡𑐾𑐴𑑅 𑐳𑑂𑐰𑐳𑑂𑐩𑐵𑐡𑐣𑑂𑐫𑐣𑑂𑐣 𑐎𑐶𑐘𑑂𑐔𑐣 ।
- 𑐳𑐬𑑂𑐰𑐩𑐵𑐟𑑂𑐩𑐿𑐰 𑐱𑐸𑐡𑑂𑐢𑐵𑐟𑑂𑐩𑐵 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑐩𑐡𑑂𑐰𑐫𑐩𑑂 ॥ 𑑓𑑙 ॥
- 𑐣𑐶𑐟𑑂𑐫𑐣𑐶𑐬𑑂𑐩𑐮𑐬𑐹𑐥𑐵𑐟𑑂𑐩𑐵 𑐴𑑂𑐫𑐵𑐟𑑂𑐩𑐣𑑀ऽ𑐣𑑂𑐫𑐣𑑂𑐣 𑐎𑐶𑐘𑑂𑐔𑐣 ।
- 𑐀𑐞𑐸𑐩𑐵𑐟𑑂𑐬𑐮𑐳𑐡𑑂𑐬𑐹𑐥𑐩𑐞𑐸𑐩𑐵𑐟𑑂𑐬𑐩𑐶𑐡𑑄 𑐖𑐐𑐟𑑂 ॥ 𑑔𑑐 ॥
- 𑐀𑐞𑐸𑐩𑐵𑐟𑑂𑐬𑑄 𑐱𑐬𑐷𑐬𑑄 𑐰𑐵 𑐴𑑂𑐫𑐞𑐸𑐩𑐵𑐟𑑂𑐬𑐩𑐳𑐟𑑂𑐫𑐎𑐩𑑂 ।
- 𑐀𑐞𑐸𑐩𑐵𑐟𑑂𑐬𑐩𑐔𑐶𑐣𑑂𑐟𑑂𑐫𑑄 𑐰𑐵 𑐔𑐶𑐣𑑂𑐟𑑂𑐫𑑄 𑐰𑐵 𑐴𑑂𑐫𑐞𑐸𑐩𑐵𑐟𑑂𑐬𑐎𑐩𑑂 ॥ 𑑔𑑑 ॥
- 𑐧𑑂𑐬𑐴𑑂𑐩𑐿𑐰 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐖𑐐𑐟𑑂𑐟𑑂𑐬𑐫𑐩𑑂 ।
- 𑐁𑐣𑐣𑑂𑐡𑑄 𑐥𑐬𑐩𑐵𑐣𑐣𑑂𑐡𑐩𑐣𑑂𑐫𑐟𑑂𑐎𑐶𑐘𑑂𑐔𑐶𑐣𑑂𑐣 𑐎𑐶𑐘𑑂𑐔𑐣 ॥ 𑑔𑑒 ॥
- 𑐔𑐿𑐟𑐣𑑂𑐫𑐩𑐵𑐟𑑂𑐬𑐩𑑀𑐒𑑂𑐎𑐵𑐬𑑄 𑐧𑑂𑐬𑐴𑑂𑐩𑐿𑐰 𑐳𑐎𑐮𑑄 𑐳𑑂𑐰𑐫𑐩𑑂 ।
- 𑐀𑐴𑐩𑐾𑐰 𑐖𑐐𑐟𑑂𑐳𑐬𑑂𑐰𑐩𑐴𑐩𑐾𑐰 𑐥𑐬𑑄 𑐥𑐡𑐩𑑂 ॥ 𑑔𑑓 ॥
- 𑐀𑐴𑐩𑐾𑐰 𑐐𑐸𑐞𑐵𑐟𑐷𑐟 𑐀𑐴𑐩𑐾𑐰 𑐥𑐬𑐵𑐟𑑂𑐥𑐬𑑅 ।
- 𑐀𑐴𑐩𑐾𑐰 𑐥𑐬𑑄 𑐧𑑂𑐬𑐴𑑂𑐩 𑐀𑐴𑐩𑐾𑐰 𑐐𑐸𑐬𑑀𑐬𑑂𑐐𑐸𑐬𑐸𑑅 ॥ 𑑔𑑔 ॥
- 𑐀𑐴𑐩𑐾𑐰𑐵𑐏𑐶𑐮𑐵𑐢𑐵𑐬 𑐀𑐴𑐩𑐾𑐰 𑐳𑐸𑐏𑐵𑐟𑑂𑐳𑐸𑐏𑐩𑑂 ।
- 𑐁𑐟𑑂𑐩𑐣𑑀ऽ𑐣𑑂𑐫𑐖𑑂𑐖𑐐𑐣𑑂𑐣𑐵𑐳𑑂𑐟𑐶 𑐁𑐟𑑂𑐩𑐣𑑀ऽ𑐣𑑂𑐫𑐟𑑂𑐳𑐸𑐏𑑄 𑐣 𑐔 ॥ 𑑔𑑕 ॥
- 𑐁𑐟𑑂𑐩𑐣𑑀ऽ𑐣𑑂𑐫𑐵 𑐐𑐟𑐶𑐬𑑂𑐣𑐵𑐳𑑂𑐟𑐶 𑐳𑐬𑑂𑐰𑐩𑐵𑐟𑑂𑐩𑐩𑐫𑑄 𑐖𑐐𑐟𑑂 ।
- 𑐁𑐟𑑂𑐩𑐣𑑀ऽ𑐣𑑂𑐫𑐣𑑂𑐣𑐴𑐶 𑐎𑑂𑐰𑐵𑐥𑐶 𑐁𑐟𑑂𑐩𑐣𑑀ऽ𑐣𑑂𑐫𑐟𑑂𑐟𑐺𑐞𑑄 𑐣𑐴𑐶 ॥ 𑑔𑑖 ॥
- 𑐁𑐟𑑂𑐩𑐣𑑀ऽ𑐣𑑂𑐫𑐟𑑂𑐟𑐸𑐲𑑄 𑐣𑐵𑐳𑑂𑐟𑐶 𑐳𑐬𑑂𑐰𑐩𑐵𑐟𑑂𑐩𑐩𑐫𑑄 𑐖𑐐𑐟𑑂 ।
- 𑐧𑑂𑐬𑐴𑑂𑐩𑐩𑐵𑐟𑑂𑐬𑐩𑐶𑐡𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑐩𑐳𑐣𑑂𑐣 𑐴𑐶 ॥ 𑑔𑑗 ॥
- 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐱𑑂𑐬𑐸𑐟𑑄 𑐳𑐬𑑂𑐰𑑄 𑐳𑑂𑐰𑐫𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ।
- 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐰𑐺𑐟𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐬𑐳𑑄 𑐳𑐸𑐏𑐩𑑂 ॥ 𑑔𑑘 ॥
- 𑐧𑑂𑐬𑐴𑑂𑐩𑐩𑐵𑐟𑑂𑐬𑑄 𑐔𑐶𑐡𑐵𑐎𑐵𑐱𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐰𑑂𑐫𑐫𑐩𑑂 ।
- 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐟𑐬𑐣𑑂𑐣𑐵𑐳𑑂𑐟𑐶 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐖𑑂𑐖𑐐𑐣𑑂𑐣 𑐔 ॥ 𑑔𑑙 ॥
- 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐡𑐴 𑐣𑐵𑐳𑑂𑐟𑐶 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐟𑑂𑐦𑐮𑑄 𑐣𑐴𑐶 ।
- 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐟𑑂𑐟𑐺𑐞𑑄 𑐣𑐵𑐳𑑂𑐟𑐶 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐟𑑂𑐥𑐡𑑄 𑐣𑐴𑐶 ॥ 𑑕𑑐 ॥
- 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐡𑑂𑐐𑐸𑐬𑐸𑐬𑑂𑐣𑐵𑐳𑑂𑐟𑐶 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐩𑐳𑐡𑑂𑐰𑐥𑐸𑑅 ।
- 𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐣𑑂𑐣 𑐔𑐵𑐴𑐣𑑂𑐟𑐵 𑐟𑑂𑐰𑐟𑑂𑐟𑐾𑐡𑐣𑑂𑐟𑐾 𑐣𑐴𑐶 𑐎𑑂𑐰𑐔𑐶𑐟𑑂 ॥ 𑑕𑑑 ॥
- 𑐳𑑂𑐰𑐫𑑄 𑐧𑑂𑐬𑐴𑑂𑐩𑐵𑐟𑑂𑐩𑐎𑑄 𑐰𑐶𑐡𑑂𑐢𑐶 𑐳𑑂𑐰𑐳𑑂𑐩𑐵𑐡𑐣𑑂𑐫𑐣𑑂𑐣 𑐎𑐶𑐘𑑂𑐔𑐣 ।
- 𑐫𑐟𑑂𑐎𑐶𑐘𑑂𑐔𑐶𑐡𑑂𑐡𑐺𑐱𑑂𑐫𑐟𑐾 𑐮𑑀𑐎𑐾 𑐫𑐟𑑂𑐎𑐶𑐘𑑂𑐔𑐶𑐡𑑂𑐨𑐵𑐲𑑂𑐫𑐟𑐾 𑐖𑐣𑐿𑑅 ॥ 𑑕𑑒 ॥
- 𑐫𑐟𑑂𑐎𑐶𑐘𑑂𑐔𑐶𑐡𑑂𑐨𑐸𑐖𑑂𑐫𑐟𑐾 𑐎𑑂𑐰𑐵𑐥𑐶 𑐟𑐟𑑂𑐳𑐬𑑂𑐰𑐩𑐳𑐡𑐾𑐰 𑐴𑐶 ।
- 𑐎𑐬𑑂𑐟𑐺𑐨𑐾𑐡𑑄 𑐎𑑂𑐬𑐶𑐫𑐵𑐨𑐾𑐡𑑄 𑐐𑐸𑐞𑐨𑐾𑐡𑑄 𑐬𑐳𑐵𑐡𑐶𑐎𑐩𑑂 ॥ 𑑕𑑓 ॥
- 𑐮𑐶𑐒𑑂𑐐𑐨𑐾𑐡𑐩𑐶𑐡𑑄 𑐳𑐬𑑂𑐰𑐩𑐳𑐡𑐾𑐰 𑐳𑐡𑐵 𑐳𑐸𑐏𑐩𑑂 ।
- 𑐎𑐵𑐮𑐨𑐾𑐡𑑄 𑐡𑐾𑐱𑐨𑐾𑐡𑑄 𑐰𑐳𑑂𑐟𑐸𑐨𑐾𑐡𑑄 𑐖𑐫𑐵𑐖𑐫𑐩𑑂 ॥ 𑑕𑑔 ॥
- 𑐫𑐡𑑂𑐫𑐡𑑂𑐨𑐾𑐡𑑄 𑐔 𑐟𑐟𑑂𑐳𑐬𑑂𑐰𑐩𑐳𑐡𑐾𑐰 𑐴𑐶 𑐎𑐾𑐰𑐮𑐩𑑂 ।
- 𑐀𑐳𑐡𑐣𑑂𑐟𑑅𑐎𑐬𑐞𑐎𑐩𑐳𑐡𑐾𑐰𑐾𑐣𑑂𑐡𑑂𑐬𑐶𑐫𑐵𑐡𑐶𑐎𑐩𑑂 ॥ 𑑕𑑕 ॥
- 𑐀𑐳𑐟𑑂𑐥𑑂𑐬𑐵𑐞𑐵𑐡𑐶𑐎𑑄 𑐳𑐬𑑂𑐰𑑄 𑐳𑐒𑑂𑐑𑐵𑐟𑐩𑐳𑐡𑐵𑐟𑑂𑐩𑐎𑐩𑑂 ।
- 𑐀𑐳𑐟𑑂𑐫𑑄 𑐥𑐘𑑂𑐔𑐎𑑀𑐱𑐵𑐏𑑂𑐫𑐩𑐳𑐟𑑂𑐫𑑄 𑐥𑐘𑑂𑐔 𑐡𑐾𑐰𑐟𑐵𑑅 ॥ 𑑕𑑖 ॥
- 𑐀𑐳𑐟𑑂𑐫𑑄 𑐲𑐜𑑂𑐰𑐶𑐎𑐵𑐬𑐵𑐡𑐶 𑐀𑐳𑐟𑑂𑐫𑐩𑐬𑐶𑐰𑐬𑑂𑐐𑐎𑐩𑑂 ।
- 𑐀𑐳𑐟𑑂𑐫𑑄 𑐲𑐜𑐺𑐟𑐸𑐱𑑂𑐔𑐿𑐰 𑐀𑐳𑐟𑑂𑐫𑑄 𑐲𑐜𑑂𑐬𑐳𑐳𑑂𑐟𑐠𑐵 ॥ 𑑕𑑗 ॥
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑑀ऽ𑐴𑐩𑐣𑐸𑐟𑑂𑐥𑐣𑑂𑐣𑐩𑐶𑐡𑑄 𑐖𑐐𑐟𑑂 ।
- 𑐁𑐟𑑂𑐩𑐿𑐰𑐵𑐴𑑄 𑐥𑐬𑑄 𑐳𑐟𑑂𑐫𑑄 𑐣𑐵𑐣𑑂𑐫𑐵𑑅 𑐳𑑄𑐳𑐵𑐬𑐡𑐺𑐲𑑂𑐚𑐫𑑅 ॥ 𑑕𑑘 ॥
- 𑐳𑐟𑑂𑐫𑐩𑐵𑐣𑐣𑑂𑐡𑐬𑐹𑐥𑑀ऽ𑐴𑑄 𑐔𑐶𑐡𑑂𑐑𑐣𑐵𑐣𑐣𑑂𑐡𑐰𑐶𑐐𑑂𑐬𑐴𑑅 ।
- 𑐀𑐴𑐩𑐾𑐰 𑐥𑐬𑐵𑐣𑐣𑑂𑐡 𑐀𑐴𑐩𑐾𑐰 𑐥𑐬𑐵𑐟𑑂𑐥𑐬𑑅 ॥ 𑑕𑑙 ॥
- 𑐖𑑂𑐘𑐵𑐣𑐵𑐎𑐵𑐬𑐩𑐶𑐡𑑄 𑐳𑐬𑑂𑐰𑑄 𑐖𑑂𑐘𑐵𑐣𑐵𑐣𑐣𑑂𑐡𑑀ऽ𑐴𑐩𑐡𑑂𑐰𑐫𑑅 ।
- 𑐳𑐬𑑂𑐰𑐥𑑂𑐬𑐎𑐵𑐱𑐬𑐹𑐥𑑀ऽ𑐴𑑄 𑐳𑐬𑑂𑐰𑐵𑐨𑐵𑐰𑐳𑑂𑐰𑐬𑐹𑐥𑐎𑐩𑑂 ॥ 𑑖𑑐 ॥
- 𑐀𑐴𑐩𑐾𑐰 𑐳𑐡𑐵 𑐨𑐵𑐩𑐷𑐟𑑂𑐫𑐾𑐰𑑄 𑐬𑐹𑐥𑑄 𑐎𑐸𑐟𑑀ऽ𑐥𑑂𑐫𑐳𑐟𑑂 ।
- 𑐟𑑂𑐰𑐩𑐶𑐟𑑂𑐫𑐾𑐰𑑄 𑐥𑐬𑑄 𑐧𑑂𑐬𑐴𑑂𑐩 𑐔𑐶𑐣𑑂𑐩𑐫𑐵𑐣𑐣𑑂𑐡𑐬𑐹𑐥𑐰𑐵𑐣𑑂 ॥ 𑑖𑑑 ॥
- 𑐔𑐶𑐡𑐵𑐎𑐵𑐬𑑄 𑐔𑐶𑐡𑐵𑐎𑐵𑐱𑑄 𑐔𑐶𑐡𑐾𑐰 𑐥𑐬𑐩𑑄 𑐳𑐸𑐏𑐩𑑂 ।
- 𑐁𑐟𑑂𑐩𑐿𑐰𑐵𑐴𑐩𑐳𑐣𑑂𑐣𑐵𑐴𑑄 𑐎𑐹𑐚𑐳𑑂𑐠𑑀ऽ𑐴𑑄 𑐐𑐸𑐬𑐸𑑅 𑐥𑐬𑑅 ॥ 𑑖𑑒 ॥
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑑀ऽ𑐴𑐩𑐣𑐸𑐟𑑂𑐥𑐣𑑂𑐣𑐩𑐶𑐡𑑄 𑐖𑐐𑐟𑑂 ।
- 𑐎𑐵𑐮𑑀 𑐣𑐵𑐳𑑂𑐟𑐶 𑐖𑐐𑐣𑑂𑐣𑐵𑐳𑑂𑐟𑐶 𑐩𑐵𑐫𑐵𑐥𑑂𑐬𑐎𑐺𑐟𑐶𑐬𑐾𑐰 𑐣 ॥ 𑑖𑑓 ॥
- 𑐀𑐴𑐩𑐾𑐰 𑐴𑐬𑐶𑑅 𑐳𑐵𑐎𑑂𑐲𑐵𑐡𑐴𑐩𑐾𑐰 𑐳𑐡𑐵𑐱𑐶𑐰𑑅 ।
- 𑐱𑐸𑐡𑑂𑐢𑐔𑐿𑐟𑐣𑑂𑐫𑐨𑐵𑐰𑑀ऽ𑐴𑑄 𑐱𑐸𑐡𑑂𑐢𑐳𑐟𑑂𑐟𑑂𑐰𑐵𑐣𑐸𑐨𑐵𑐰𑐣𑑅 ॥ 𑑖𑑔 ॥
- 𑐀𑐡𑑂𑐰𑐫𑐵𑐣𑐣𑑂𑐡𑐩𑐵𑐟𑑂𑐬𑑀ऽ𑐴𑑄 𑐔𑐶𑐡𑑂𑐑𑐣𑐿𑐎𑐬𑐳𑑀ऽ𑐳𑑂𑐩𑑂𑐫𑐴𑐩𑑂 ।
- 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐳𑐟𑐟𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ॥ 𑑖𑑕 ॥
- 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐳𑐟𑐟𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐔𑐾𑐟𑐣𑐩𑑂 ।
- 𑐳𑐬𑑂𑐰𑐵𑐣𑑂𑐟𑐬𑑂𑐫𑐵𑐩𑐶𑐬𑐹𑐥𑑀ऽ𑐴𑑄 𑐳𑐬𑑂𑐰𑐳𑐵𑐎𑑂𑐲𑐶𑐟𑑂𑐰𑐮𑐎𑑂𑐲𑐞𑑅 ॥ 𑑖𑑖 ॥
- 𑐥𑐬𑐩𑐵𑐟𑑂𑐩𑐵 𑐥𑐬𑑄 𑐖𑑂𑐫𑑀𑐟𑐶𑑅 𑐥𑐬𑑄 𑐢𑐵𑐩 𑐥𑐬𑐵 𑐐𑐟𑐶𑑅 ।
- 𑐳𑐬𑑂𑐰𑐰𑐾𑐡𑐵𑐣𑑂𑐟𑐳𑐵𑐬𑑀ऽ𑐴𑑄 𑐳𑐬𑑂𑐰𑐱𑐵𑐳𑑂𑐟𑑂𑐬𑐳𑐸𑐣𑐶𑐱𑑂𑐔𑐶𑐟𑑅 ॥ 𑑖𑑗 ॥
- 𑐫𑑀𑐐𑐵𑐣𑐣𑑂𑐡𑐳𑑂𑐰𑐬𑐹𑐥𑑀ऽ𑐴𑑄 𑐩𑐸𑐏𑑂𑐫𑐵𑐣𑐣𑑂𑐡𑐩𑐴𑑀𑐡𑐫𑑅 ।
- 𑐳𑐬𑑂𑐰𑐖𑑂𑐘𑐵𑐣𑐥𑑂𑐬𑐎𑐵𑐱𑑀ऽ𑐳𑑂𑐩𑐶 𑐩𑐸𑐏𑑂𑐫𑐰𑐶𑐖𑑂𑐘𑐵𑐣𑐰𑐶𑐐𑑂𑐬𑐴𑑅 ॥ 𑑖𑑘 ॥
- 𑐟𑐸𑐬𑑂𑐫𑐵𑐟𑐸𑐬𑑂𑐫𑐥𑑂𑐬𑐎𑐵𑐱𑑀ऽ𑐳𑑂𑐩𑐶 𑐟𑐸𑐬𑑂𑐫𑐵𑐟𑐸𑐬𑑂𑐫𑐵𑐡𑐶𑐰𑐬𑑂𑐖𑐶𑐟𑑅 ।
- 𑐔𑐶𑐡𑐎𑑂𑐲𑐬ॊऽ𑐴𑑄 𑐳𑐟𑑂𑐫𑑀ऽ𑐴𑑄 𑐰𑐵𑐳𑐸𑐡𑐰𑑀ऽ𑐖𑐬𑐬𑑀ऽ𑐩𑐬𑑅 ॥ 𑑖𑑙 ॥
- 𑐀𑐴𑑄 𑐧𑑂𑐬𑐴𑑂𑐩 𑐔𑐶𑐡𑐵𑐎𑐵𑐱𑑄 𑐣𑐶𑐟𑑂𑐫𑑄 𑐧𑑂𑐬𑐴𑑂𑐩 𑐣𑐶𑐬𑐘𑑂𑐖𑐣𑐩𑑂 ।
- 𑐱𑐸𑐡𑑂𑐢𑑄 𑐧𑐸𑐡𑑂𑐢𑑄 𑐳𑐡𑐵𑐩𑐸𑐎𑑂𑐟𑐩𑐣𑐵𑐩𑐎𑐩𑐬𑐹𑐥𑐎𑐩𑑂 ॥ 𑑗𑑐 ॥
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐬𑐹𑐥𑑀ऽ𑐴𑐩𑐣𑐸𑐟𑑂𑐥𑐣𑑂𑐣𑐩𑐶𑐡𑑄 𑐖𑐐𑐟𑑂 ।
- 𑐟𑑂𑐫𑐵𑐳𑐟𑑂𑐫𑑄 𑐖𑐐𑐣𑑂𑐣𑐵𑐳𑑂𑐟𑐶 𑐳𑐒𑑂𑐎𑐮𑑂𑐥𑐎𑐮𑐣𑐵𑐡𑐶𑐎𑐩𑑂 ॥ 𑑗𑑑 ॥
- 𑐣𑐶𑐟𑑂𑐫𑐵𑐣𑐣𑑂𑐡𑐩𑐫𑑄 𑐧𑑂𑐬𑐴𑑂𑐩 𑐎𑐾𑐰𑐮𑑄 𑐳𑐬𑑂𑐰𑐡𑐵 𑐳𑑂𑐰𑐫𑐩𑑂 ।
- 𑐀𑐣𑐣𑑂𑐟𑐩𑐰𑑂𑐫𑐫𑑄 𑐱𑐵𑐣𑑂𑐟𑐩𑐾𑐎𑐬𑐹𑐥𑐩𑐣𑐵𑐩𑐫𑐩𑑂 ॥ 𑑗𑑒 ॥
- 𑐩𑐟𑑂𑐟𑑀ऽ𑐣𑑂𑐫𑐡𑐳𑑂𑐟𑐶 𑐔𑐾𑐣𑑂𑐩𑐶𑐠𑑂𑐫𑐵 𑐫𑐠𑐵 𑐩𑐬𑐸𑐩𑐬𑐷𑐔𑐶𑐎𑐵 ।
- 𑐰𑐣𑑂𑐢𑑂𑐫𑐵𑐎𑐸𑐩𑐵𑐬𑐰𑐔𑐣𑐾 𑐨𑐷𑐟𑐶𑐱𑑂𑐔𑐾𑐡𑐳𑑂𑐟𑐶 𑐎𑐶𑐘𑑂𑐔𑐣 ॥ 𑑗𑑓 ॥
- 𑐱𑐱𑐱𑐺𑐒𑑂𑐐𑐾𑐞 𑐣𑐵𑐐𑐾𑐣𑑂𑐡𑑂𑐬𑑀 𑐩𑐺𑐟𑐱𑑂𑐔𑐾𑐖𑑂𑐖𑐐𑐡𑐳𑑂𑐟𑐶 𑐟𑐟𑑂 ।
- 𑐩𑐺𑐐𑐟𑐺𑐲𑑂𑐞𑐵𑐖𑐮𑑄 𑐥𑐷𑐟𑑂𑐰𑐵 𑐟𑐺𑐥𑑂𑐟𑐱𑑂𑐔𑐾𑐡𑐳𑑂𑐟𑑂𑐰𑐶𑐡𑑄 𑐖𑐐𑐟𑑂 ॥ 𑑗𑑔 ॥
- 𑐣𑐬𑐱𑐺𑐒𑑂𑐐𑐾𑐞 𑐣𑐲𑑂𑐚𑐱𑑂𑐔𑐾𑐟𑑂𑐎𑐱𑑂𑐔𑐶𑐡𑐳𑑂𑐟𑑂𑐰𑐶𑐡𑐩𑐾𑐰 𑐴𑐶 ।
- 𑐐𑐣𑑂𑐢𑐬𑑂𑐰𑐣𑐐𑐬𑐾 𑐳𑐟𑑂𑐫𑐾 𑐖𑐐𑐡𑑂𑐨𑐰𑐟𑐶 𑐳𑐬𑑂𑐰𑐡𑐵 ॥ 𑑗𑑕 ॥
- 𑐐𑐐𑐣𑐾 𑐣𑐷𑐮𑐶𑐩𑐵𑐳𑐟𑑂𑐫𑐾 𑐖𑐐𑐟𑑂𑐳𑐟𑑂𑐫𑑄 𑐨𑐰𑐶𑐲𑑂𑐫𑐟𑐶 ।
- 𑐱𑐸𑐎𑑂𑐟𑐶𑐎𑐵𑐬𑐖𑐟𑑄 𑐳𑐟𑑂𑐫𑑄 𑐨𑐹𑐲𑐞𑑄 𑐔𑐾𑐖𑑂𑐖𑐐𑐡𑑂𑐨𑐰𑐾𑐟𑑂 ॥ 𑑗𑑖 ॥
- 𑐬𑐖𑑂𑐖𑐸𑐳𑐬𑑂𑐥𑐾𑐞 𑐡𑐲𑑂𑐚𑐱𑑂𑐔𑐾𑐣𑑂𑐣𑐬𑑀 𑐨𑐰𑐟𑐸 𑐳𑑄𑐳𑐺𑐟𑐶𑑅 ।
- 𑐖𑐵𑐟𑐬𑐹𑐥𑐾𑐞 𑐧𑐵𑐞𑐾𑐣 𑐖𑑂𑐰𑐵𑐮𑐵𑐐𑑂𑐣𑑁 𑐣𑐵𑐱𑐶𑐟𑐾 𑐖𑐐𑐟𑑂 ॥ 𑑗𑑗 ॥
- 𑐰𑐶𑐣𑑂𑐢𑑂𑐫𑐵𑐚𑐰𑑂𑐫𑐵𑑄 𑐥𑐵𑐫𑐳𑐵𑐣𑑂𑐣𑐩𑐳𑑂𑐟𑐶 𑐔𑐾𑐖𑑂𑐖𑐐𑐡𑐸𑐡𑑂𑐨𑐰𑑅 ।
- 𑐬𑐩𑑂𑐨𑐵𑐳𑑂𑐟𑐩𑑂𑐨𑐾𑐣 𑐎𑐵𑐲𑑂𑐛𑐾𑐣 𑐥𑐵𑐎𑐳𑐶𑐡𑑂𑐢𑑁 𑐖𑐐𑐡𑑂𑐨𑐰𑐾𑐟𑑂 ॥ 𑑗𑑘 ॥
- 𑐳𑐡𑑂𑐫𑑅 𑐎𑐸𑐩𑐵𑐬𑐶𑐎𑐬𑐹𑐥𑐿𑑅 𑐥𑐵𑐎𑐾 𑐳𑐶𑐡𑑂𑐢𑐾 𑐖𑐐𑐡𑑂𑐨𑐰𑐾𑐟𑑂 ।
- 𑐔𑐶𑐟𑑂𑐬𑐳𑑂𑐠𑐡𑐷𑐥𑐿𑐳𑑂𑐟𑐩𑐳𑑀 𑐣𑐵𑐱𑐱𑑂𑐔𑐾𑐡𑐳𑑂𑐟𑑂𑐰𑐶𑐡𑑄 𑐖𑐐𑐟𑑂 ॥ 𑑗𑑙 ॥
- 𑐩𑐵𑐳𑐵𑐟𑑂𑐥𑐹𑐬𑑂𑐰𑑄 𑐩𑐺𑐟𑑀 𑐩𑐬𑑂𑐟𑑂𑐫𑑀 𑐴𑑂𑐫𑐵𑐐𑐟𑐱𑑂𑐔𑐾𑐖𑑂𑐖𑐐𑐡𑑂𑐨𑐰𑐾𑐟𑑂 ।
- 𑐟𑐎𑑂𑐬𑑄 𑐎𑑂𑐲𑐷𑐬𑐳𑑂𑐰𑐬𑐹𑐥𑑄 𑐔𑐾𑐟𑑂𑐎𑑂𑐰𑐔𑐶𑐣𑑂𑐣𑐶𑐟𑑂𑐫𑑄 𑐖𑐐𑐡𑑂𑐨𑐰𑐾𑐟𑑂 ॥ 𑑘𑑐 ॥
- 𑐐𑑀𑐳𑑂𑐟𑐣𑐵𑐡𑐸𑐡𑑂𑐨𑐰𑑄 𑐎𑑂𑐲𑐷𑐬𑑄 𑐥𑐸𑐣𑐬𑐵𑐬𑑀𑐥𑐞𑐾 𑐖𑐐𑐟𑑂 ।
- 𑐨𑐹𑐬𑐖𑑀ऽ𑐧𑑂𑐢𑑁 𑐳𑐩𑐸𑐟𑑂𑐥𑐣𑑂𑐣𑐾 𑐖𑐐𑐡𑑂𑐨𑐰𑐟𑐸 𑐳𑐬𑑂𑐰𑐡𑐵 ॥ 𑑘𑑑 ॥
- 𑐎𑐹𑐬𑑂𑐩𑐬𑑀𑐩𑑂𑐞𑐵 𑐐𑐖𑐾 𑐧𑐡𑑂𑐢𑐾 𑐖𑐐𑐡𑐳𑑂𑐟𑐸 𑐩𑐡𑑀𑐟𑑂𑐎𑐚𑐾 ।
- 𑐣𑐵𑐮𑐳𑑂𑐠𑐟𑐣𑑂𑐟𑐸𑐣𑐵 𑐩𑐾𑐬𑐸𑐱𑑂𑐔𑐵𑐮𑐶𑐟𑐱𑑂𑐔𑐾𑐖𑑂𑐖𑐐𑐡𑑂𑐨𑐰𑐾𑐟𑑂 ॥ 𑑘𑑒 ॥
- 𑐟𑐬𑐒𑑂𑐐𑐩𑐵𑐮𑐫𑐵 𑐳𑐶𑐣𑑂𑐢𑐸𑐬𑑂𑐧𑐡𑑂𑐢𑐱𑑂𑐔𑐾𑐡𑐳𑑂𑐟𑑂𑐰𑐶𑐡𑑄 𑐖𑐐𑐟𑑂 ।
- 𑐀𑐐𑑂𑐣𑐾𑐬𑐢𑐱𑑂𑐔𑐾𑐖𑑂𑐖𑑂𑐰𑐮𑐣𑑄 𑐖𑐐𑐡𑑂𑐨𑐰𑐟𑐸 𑐳𑐬𑑂𑐰𑐡𑐵 ॥ 𑑘𑑓 ॥
- 𑐖𑑂𑐰𑐵𑐮𑐵𑐰𑐴𑑂𑐣𑐶𑑅 𑐱𑐷𑐟𑐮𑐱𑑂𑐔𑐾𑐡𑐳𑑂𑐟𑐶𑐬𑐹𑐥𑐩𑐶𑐡𑑄 𑐖𑐐𑐟𑑂 ।
- 𑐖𑑂𑐰𑐵𑐮𑐵𑐐𑑂𑐣𑐶𑐩𑐞𑑂𑐜𑐮𑐾 𑐥𑐡𑑂𑐩𑐰𑐺𑐡𑑂𑐢𑐶𑐱𑑂𑐔𑐾𑐖𑑂𑐖𑐐𑐡𑐳𑑂𑐟𑑂𑐰𑐶𑐡𑐩𑑂 ॥ 𑑘𑑔 ॥
- 𑐩𑐴𑐔𑑂𑐕𑐿𑐮𑐾𑐣𑑂𑐡𑑂𑐬𑐣𑐷𑐮𑑄 𑐰𑐵 𑐳𑐩𑑂𑐨𑐰𑐔𑑂𑐔𑐾𑐡𑐶𑐡𑑄 𑐖𑐐𑐟𑑂 ।
- 𑐩𑐾𑐬𑐸𑐬𑐵𑐐𑐟𑑂𑐫 𑐥𑐡𑑂𑐩𑐵𑐎𑑂𑐲𑐾 𑐳𑑂𑐠𑐶𑐟𑐱𑑂𑐔𑐾𑐡𑐳𑑂𑐟𑑂𑐰𑐶𑐡𑑄 𑐖𑐐𑐟𑑂 ॥ 𑑘𑑕 ॥
- 𑐣𑐶𑐐𑐶𑐬𑐾𑐔𑑂𑐔𑐾𑐡𑑂𑐨𑐺𑐒𑑂𑐐𑐳𑐹𑐣𑐸𑐬𑑂𑐩𑐾𑐬𑐸𑑄 𑐔𑐮𑐰𑐡𑐳𑑂𑐟𑑂𑐰𑐶𑐡𑐩𑑂 ।
- 𑐰𑑂𑐩𑐱𑐎𑐾𑐣 𑐴𑐟𑐾 𑐳𑐶𑑄𑐴𑐾 𑐖𑐐𑐟𑑂𑐳𑐟𑑂𑐫𑑄 𑐟𑐡𑐵𑐳𑑂𑐟𑐸 𑐟𑐾 ॥ 𑑘𑑖 ॥
- 𑐀𑐞𑐸𑐎𑑀𑐚𑐬𑐰𑐶𑐳𑑂𑐟𑐷𑐬𑑂𑐞𑐾 𑐟𑑂𑐬𑐿𑐮𑑀𑐎𑑂𑐫𑑄 𑐔𑐾𑐖𑑂𑐖𑐐𑐡𑑂𑐨𑐰𑐾𑐟𑑂 ।
- 𑐟𑐺𑐞𑐵𑐣𑐮𑐱𑑂𑐔 𑐣𑐶𑐟𑑂𑐫𑐱𑑂𑐔𑐾𑐟𑑂𑐎𑑂𑐲𑐞𑐶𑐎𑑄 𑐟𑐖𑑂𑐖𑐐𑐡𑑂𑐨𑐰𑐾𑐟𑑂 ॥ 𑑘𑑗 ॥
- 𑐳𑑂𑐰𑐥𑑂𑐣𑐡𑐺𑐲𑑂𑐚𑑄 𑐔 𑐫𑐡𑑂𑐰𑐳𑑂𑐟𑐸 𑐖𑐵𑐐𑐬𑐾 𑐔𑐾𑐖𑑂𑐖𑐐𑐡𑑂𑐨𑐰𑑅 ।
- 𑐣𑐡𑐷𑐰𑐾𑐐𑑀 𑐣𑐶𑐱𑑂𑐔𑐮𑐱𑑂𑐔𑐾𑐟𑑂𑐎𑐾𑐣𑐵𑐥𑐷𑐡𑑄 𑐨𑐰𑐾𑐖𑑂𑐖𑐐𑐟𑑂 ॥ 𑑘𑑘 ॥
- 𑐎𑑂𑐲𑐸𑐢𑐶𑐟𑐳𑑂𑐫𑐵𑐐𑑂𑐣𑐶𑐬𑑂𑐨𑑀𑐖𑑂𑐫𑐱𑑂𑐔𑐾𑐣𑑂𑐣𑐶𑐩𑐶𑐲𑑄 𑐎𑐮𑑂𑐥𑐶𑐟𑑄 𑐨𑐰𑐾𑐟𑑂 ।
- 𑐖𑐵𑐟𑑂𑐫𑐣𑑂𑐢𑐿 𑐬𑐟𑑂𑐣𑐰𑐶𑐲𑐫𑑅 𑐳𑐸𑐖𑑂𑐘𑐵𑐟𑐱𑑂𑐔𑐾𑐖𑑂𑐖𑐐𑐟𑑂𑐳𑐡𑐵 ॥ 𑑘𑑙 ॥
- 𑐣𑐥𑐸𑑄𑐳𑐎𑐎𑐸𑐩𑐵𑐬𑐳𑑂𑐫 𑐳𑑂𑐟𑑂𑐬𑐷𑐳𑐸𑐏𑑄 𑐔𑐾𑐡𑑂𑐨𑐰𑐖𑑂𑐖𑐐𑐟𑑂 ।
- 𑐣𑐶𑐬𑑂𑐩𑐶𑐟𑑅 𑐱𑐱𑐱𑐺𑐒𑑂𑐐𑐾𑐞 𑐬𑐠𑐱𑑂𑐔𑐾𑐖𑑂𑐖𑐐𑐡𑐳𑑂𑐟𑐶 𑐟𑐟𑑂 ॥ 𑑙𑑐 ॥
- 𑐳𑐡𑑂𑐫𑑀𑐖𑐵𑐟𑐵 𑐟𑐸 𑐫𑐵 𑐎𑐣𑑂𑐫𑐵 𑐨𑑀𑐐𑐫𑑀𑐐𑑂𑐫𑐵 𑐨𑐰𑐾𑐖𑑂𑐖𑐐𑐟𑑂 ।
- 𑐰𑐣𑑂𑐢𑑂𑐫𑐵 𑐐𑐬𑑂𑐨𑐵𑐥𑑂𑐟𑐟𑐟𑑂𑐳𑑁𑐏𑑂𑐫𑑄 𑐖𑑂𑐘𑐵𑐟𑐵 𑐔𑐾𑐡𑐳𑑂𑐟𑑂𑐰𑐶𑐡𑑄 𑐖𑐐𑐟𑑂 ॥ 𑑙𑑑 ॥
- 𑐎𑐵𑐎𑑀 𑐰𑐵 𑐴𑑄𑐳𑐰𑐡𑑂𑐐𑐔𑑂𑐕𑐾𑐖𑑂𑐖𑐐𑐡𑑂𑐨𑐰𑐟𑐸 𑐣𑐶𑐱𑑂𑐔𑐮𑐩𑑂 ।
- 𑐩𑐴𑐵𑐏𑐬𑑀 𑐰𑐵 𑐳𑐶𑑄𑐴𑐾𑐣 𑐫𑐸𑐢𑑂𑐫𑐟𑐾 𑐔𑐾𑐖𑑂𑐖𑐐𑐟𑑂𑐳𑑂𑐠𑐶𑐟𑐶𑑅 ॥ 𑑙𑑒 ॥
- 𑐩𑐴𑐵𑐏𑐬𑑀 𑐐𑐖𑐐𑐟𑐶𑑄 𑐐𑐟𑐱𑑂𑐔𑐾𑐖𑑂𑐖𑐐𑐡𑐳𑑂𑐟𑐸 𑐟𑐟𑑂 ।
- 𑐳𑐩𑑂𑐥𑐹𑐬𑑂𑐞𑐔𑐣𑑂𑐡𑑂𑐬𑐳𑐹𑐬𑑂𑐫𑐱𑑂𑐔𑐾𑐖𑑂𑐖𑐐𑐡𑑂𑐨𑐵𑐟𑐸 𑐳𑑂𑐰𑐫𑑄 𑐖𑐜𑐩𑑂 ॥ 𑑙𑑓 ॥
- 𑐔𑐣𑑂𑐡𑑂𑐬𑐳𑐹𑐬𑑂𑐫𑐵𑐡𑐶𑐎𑑁 𑐟𑑂𑐫𑐎𑑂𑐟𑑂𑐰𑐵 𑐬𑐵𑐴𑐸𑐱𑑂𑐔𑐾𑐡𑑂𑐡𑐺𑐱𑑂𑐫𑐟𑐾 𑐖𑐐𑐟𑑂 ।
- 𑐨𑐺𑐲𑑂𑐚𑐧𑐷𑐖𑐳𑐩𑐸𑐟𑑂𑐥𑐣𑑂𑐣𑐰𑐺𑐡𑑂𑐢𑐶𑐱𑑂𑐔𑐾𑐖𑑂𑐖𑐐𑐡𑐳𑑂𑐟𑐸 𑐳𑐟𑑂 ॥ 𑑙𑑔 ॥
- 𑐡𑐬𑐶𑐡𑑂𑐬𑑀 𑐢𑐣𑐶𑐎𑐵𑐣𑐵𑑄 𑐔 𑐳𑐸𑐏𑑄 𑐨𑐸𑐒𑑂𑐎𑑂𑐟𑐾 𑐟𑐡𑐵 𑐖𑐐𑐟𑑂 ।
- 𑐱𑐸𑐣𑐵 𑐰𑐷𑐬𑑂𑐫𑐾𑐞 𑐳𑐶𑑄𑐴𑐳𑑂𑐟𑐸 𑐖𑐶𑐟𑑀 𑐫𑐡𑐶 𑐖𑐐𑐟𑑂𑐟𑐡𑐵 ॥ 𑑙𑑕 ॥
- 𑐖𑑂𑐘𑐵𑐣𑐶𑐣𑑀 𑐴𑐺𑐡𑐫𑑄 𑐩𑐹𑐝𑐿𑐬𑑂𑐖𑑂𑐘𑐵𑐟𑑄 𑐔𑐾𑐟𑑂𑐎𑐮𑑂𑐥𑐣𑑄 𑐟𑐡𑐵 ।
- 𑐱𑑂𑐰𑐵𑐣𑐾𑐣 𑐳𑐵𑐐𑐬𑐾 𑐥𑐷𑐟𑐾 𑐣𑐶𑑅𑐱𑐾𑐲𑐾𑐞 𑐩𑐣𑑀 𑐨𑐰𑐾𑐟𑑂 ॥ 𑑙𑑖 ॥
- 𑐱𑐸𑐡𑑂𑐢𑐵𑐎𑐵𑐱𑑀 𑐩𑐣𑐸𑐲𑑂𑐫𑐾𑐲𑐸 𑐥𑐟𑐶𑐟𑐱𑑂𑐔𑐾𑐟𑑂𑐟𑐡𑐵 𑐖𑐐𑐟𑑂 ।
- 𑐨𑐹𑐩𑑁 𑐰𑐵 𑐥𑐟𑐶𑐟𑑄 𑐰𑑂𑐫𑑀𑐩 𑐰𑑂𑐫𑑀𑐩𑐥𑐸𑐲𑑂𑐥𑑄 𑐳𑐸𑐐𑐣𑑂𑐢𑐎𑐩𑑂 ॥ 𑑙𑑗 ॥
- 𑐱𑐸𑐡𑑂𑐢𑐵𑐎𑐵𑐱𑐾 𑐰𑐣𑐾 𑐖𑐵𑐟𑐾 𑐔𑐮𑐶𑐟𑐾 𑐟𑐸 𑐟𑐡𑐵 𑐖𑐐𑐟𑑂 ।
- 𑐎𑐾𑐰𑐮𑐾 𑐡𑐬𑑂𑐥𑐞𑐾 𑐣𑐵𑐳𑑂𑐟𑐶 𑐥𑑂𑐬𑐟𑐶𑐧𑐶𑐩𑑂𑐧𑑄 𑐟𑐡𑐵 𑐖𑐐𑐟𑑂 ॥ 𑑙𑑘 ॥
- 𑐀𑐖𑐎𑐸𑐎𑑂𑐲𑑁 𑐖𑐐𑐣𑑂𑐣𑐵𑐳𑑂𑐟𑐶 𑐴𑑂𑐫𑐵𑐟𑑂𑐩𑐎𑐸𑐎𑑂𑐲𑑁 𑐖𑐐𑐣𑑂𑐣𑐴𑐶 ।
- 𑐳𑐬𑑂𑐰𑐠𑐵 𑐨𑐾𑐡𑐎𑐮𑐣𑑄 𑐡𑑂𑐰𑐿𑐟𑐵𑐡𑑂𑐰𑐿𑐟𑑄 𑐣 𑐰𑐶𑐡𑑂𑐫𑐟𑐾 ॥ 𑑙𑑙 ॥
- 𑐩𑐵𑐫𑐵𑐎𑐵𑐬𑑂𑐫𑐩𑐶𑐡𑑄 𑐨𑐾𑐡𑐩𑐳𑑂𑐟𑐶 𑐔𑐾𑐡𑑂𑐧𑑂𑐬𑐴𑑂𑐩𑐨𑐵𑐰𑐣𑐩𑑂 ।
- 𑐡𑐾𑐴𑑀ऽ𑐴𑐩𑐶𑐟𑐶 𑐡𑐸𑑅𑐏𑑄 𑐔𑐾𑐡𑑂𑐧𑑂𑐬𑐴𑑂𑐩𑐵𑐴𑐩𑐶𑐟𑐶 𑐣𑐶𑐱𑑂𑐔𑐫𑑅 ॥ 𑑑𑑐𑑐 ॥
- 𑐴𑐺𑐡𑐫𑐐𑑂𑐬𑐣𑑂𑐠𑐶𑐬𑐳𑑂𑐟𑐶𑐟𑑂𑐰𑐾 𑐕𑐶𑐡𑑂𑐫𑐟𑐾 𑐧𑑂𑐬𑐴𑑂𑐩𑐔𑐎𑑂𑐬𑐎𑐩𑑂 ।
- 𑐳𑑄𑐱𑐫𑐾 𑐳𑐩𑐣𑐸𑐥𑑂𑐬𑐵𑐥𑑂𑐟𑐾 𑐧𑑂𑐬𑐴𑑂𑐩𑐣𑐶𑐱𑑂𑐔𑐫𑐩𑐵𑐱𑑂𑐬𑐫𑐾𑐟𑑂 ॥ 𑑑𑑐𑑑 ॥
- 𑐀𑐣𑐵𑐟𑑂𑐩𑐬𑐹𑐥𑐔𑑀𑐬𑐱𑑂𑐔𑐾𑐡𑐵𑐟𑑂𑐩𑐬𑐟𑑂𑐣𑐳𑑂𑐫 𑐬𑐎𑑂𑐲𑐞𑐩𑑂 ।
- 𑐣𑐶𑐟𑑂𑐫𑐵𑐣𑐣𑑂𑐡𑐩𑐫𑑄 𑐧𑑂𑐬𑐴𑑂𑐩 𑐎𑐾𑐰𑐮𑑄 𑐳𑐬𑑂𑐰𑐡𑐵 𑐳𑑂𑐰𑐫𑐩𑑂 ॥ 𑑑𑑐𑑒 ॥
- 𑐊𑐰𑐩𑐵𑐡𑐶𑐳𑐸𑐡𑐺𑐲𑑂𑐚𑐵𑐣𑑂𑐟𑐿𑑅 𑐳𑐵𑐢𑐶𑐟𑑄 𑐧𑑂𑐬𑐴𑑂𑐩𑐩𑐵𑐟𑑂𑐬𑐎𑐩𑑂 ।
- 𑐧𑑂𑐬𑐴𑑂𑐩𑐿𑐰 𑐳𑐬𑑂𑐰𑐨𑐰𑐣𑑄 𑐨𑐸𑐰𑐣𑑄 𑐣𑐵𑐩 𑐳𑐣𑑂𑐟𑑂𑐫𑐖 ॥ 𑑑𑑐𑑓 ॥
- 𑐀𑐴𑑄 𑐧𑑂𑐬𑐴𑑂𑐩𑐾𑐟𑐶 𑐣𑐶𑐱𑑂𑐔𑐶𑐟𑑂𑐫 𑐀𑐴𑑄𑐨𑐵𑐰𑑄 𑐥𑐬𑐶𑐟𑑂𑐫𑐖 ।
- 𑐳𑐬𑑂𑐰𑐩𑐾𑐰 𑐮𑐫𑑄 𑐫𑐵𑐟𑐶 𑐳𑐸𑐥𑑂𑐟𑐴𑐳𑑂𑐟𑐳𑑂𑐠𑐥𑐸𑐲𑑂𑐥𑐰𑐟𑑂 ॥ 𑑑𑑐𑑔 ॥
- 𑐣 𑐡𑐾𑐴𑑀 𑐣 𑐔 𑐎𑐬𑑂𑐩𑐵𑐞𑐶 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ।
- 𑐣 𑐨𑐹𑐟𑑄 𑐣 𑐔 𑐎𑐵𑐬𑑂𑐫𑑄 𑐔 𑐣 𑐔𑐵𑐰𑐳𑑂𑐠𑐵𑐔𑐟𑐸𑐲𑑂𑐚𑐫𑐩𑑂 ॥ 𑑑𑑐𑑕 ॥
- 𑐮𑐎𑑂𑐲𑐞𑐵𑐟𑑂𑐬𑐫𑐰𑐶𑐖𑑂𑐘𑐵𑐣𑑄 𑐳𑐬𑑂𑐰𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ।
- 𑐳𑐬𑑂𑐰𑐰𑑂𑐫𑐵𑐥𑐵𑐬𑐩𑐸𑐟𑑂𑐳𑐺𑐖𑑂𑐫 𑐴𑑂𑐫𑐴𑑄 𑐧𑑂𑐬𑐴𑑂𑐩𑐾𑐟𑐶 𑐨𑐵𑐰𑐫 ॥ 𑑑𑑐𑑖 ॥
- 𑐀𑐴𑑄 𑐧𑑂𑐬𑐴𑑂𑐩 𑐣 𑐳𑐣𑑂𑐡𑐾𑐴𑑀 𑐴𑑂𑐫𑐴𑑄 𑐧𑑂𑐬𑐴𑑂𑐩 𑐔𑐶𑐡𑐵𑐟𑑂𑐩𑐎𑐩𑑂 ।
- 𑐳𑐔𑑂𑐔𑐶𑐡𑐵𑐣𑐣𑑂𑐡𑐩𑐵𑐟𑑂𑐬𑑀ऽ𑐴𑐩𑐶𑐟𑐶 𑐣𑐶𑐱𑑂𑐔𑐶𑐟𑑂𑐫 𑐟𑐟𑑂𑐟𑑂𑐫𑐖 ॥ 𑑑𑑐𑑗 ॥
- 𑐱𑐵𑐒𑑂𑐎𑐬𑐷𑐫𑑄 𑐩𑐴𑐵𑐱𑐵𑐳𑑂𑐟𑑂𑐬𑑄 𑐣 𑐡𑐾𑐫𑑄 𑐫𑐳𑑂𑐫 𑐎𑐳𑑂𑐫𑐔𑐶𑐟𑑂 ।
- 𑐣𑐵𑐳𑑂𑐟𑐶𑐎𑐵𑐫 𑐎𑐺𑐟𑐑𑑂𑐣𑐵𑐫 𑐡𑐸𑐬𑑂𑐰𑐺𑐟𑑂𑐟𑐵𑐫 𑐡𑐸𑐬𑐵𑐟𑑂𑐩𑐣𑐾 ॥ 𑑑𑑐𑑘 ॥
- 𑐐𑐸𑐬𑐸𑐨𑐎𑑂𑐟𑐶𑐰𑐶𑐱𑐸𑐡𑑂𑐢𑐵𑐣𑑂𑐟𑑅𑐎𑐬𑐞𑐵𑐫 𑐩𑐴𑐵𑐟𑑂𑐩𑐣𑐾 ।
- 𑐳𑐩𑑂𑐫𑐎𑑂𑐥𑐬𑐷𑐎𑑂𑐲𑑂𑐫 𑐡𑐵𑐟𑐰𑑂𑐫𑑄 𑐩𑐵𑐳𑑄 𑐲𑐵𑐞𑑂𑐩𑐵𑐳𑐰𑐟𑑂𑐳𑐬𑐩𑑂 ॥ 𑑑𑑐𑑙 ॥
- 𑐳𑐬𑑂𑐰𑑀𑐥𑐣𑐶𑐲𑐡𑐨𑑂𑐫𑐵𑐳𑑄 𑐡𑐹𑐬𑐟𑐳𑑂𑐟𑑂𑐫𑐖𑑂𑐫 𑐳𑐵𑐡𑐬𑐩𑑂 ।
- 𑐟𑐾𑐖𑑀𑐧𑐶𑐣𑑂𑐡𑐹𑐥𑐣𑐶𑐲𑐡𑐩𑐨𑑂𑐫𑐳𑐾𑐟𑑂𑐳𑐬𑑂𑐰𑐡𑐵 𑐩𑐸𑐡𑐵 ॥ 𑑑𑑑𑑐 ॥
- 𑐳𑐎𑐺𑐡𑐨𑑂𑐫𑐵𑐳𑐩𑐵𑐟𑑂𑐬𑐾𑐞 𑐧𑑂𑐬𑐴𑑂𑐩𑐿𑐰 𑐨𑐰𑐟𑐶 𑐳𑑂𑐰𑐫𑐩𑑂 ।
- 𑐧𑑂𑐬𑐴𑑂𑐩𑐿𑐰 𑐨𑐰𑐟𑐶 𑐳𑑂𑐰𑐫𑐩𑐶𑐟𑑂𑐫𑐸𑐥𑐣𑐶𑐲𑐟𑑂 ॥
- 𑑉 𑐳𑐴 𑐣𑐵𑐰𑐰𑐟𑐸 ॥𑐳𑐴 𑐣𑑁 𑐨𑐸𑐣𑐎𑑂𑐟𑐸 ॥ 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 ॥ 𑐟𑐾𑐖𑐳𑑂𑐰𑐶𑐣𑐵𑐰𑐢𑐷𑐟𑐩𑐳𑑂𑐟𑐸 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
- 𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ||
- 𑑉 𑐳𑐴 𑐣𑐵𑐰𑐰𑐟𑐸 ॥𑐳𑐴 𑐣𑑁 𑐨𑐸𑐣𑐎𑑂𑐟𑐸 ॥ 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 ॥ 𑐟𑐾𑐖𑐳𑑂𑐰𑐶𑐣𑐵𑐰𑐢𑐷𑐟𑐩𑐳𑑂𑐟𑐸 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
- ॥ 𑐂𑐟𑐶 𑐟𑐾𑐖𑑀𑐧𑐶𑐣𑑂𑐡𑐹𑐥𑐣𑐶𑐲𑐟𑑂𑐳𑐩𑐵𑐥𑑂𑐟𑐵 ॥