छ्येलेमि:Eukesh/Auto/NepalScript/तुभालु

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Tuuvalu (Tuvaluan)
𑐟𑐸𑐨𑐵𑐮𑐸

ध्वांय राष्ट्रीय चिं
म्ये: Tuvalu mo te Atua (Tuvaluan) Tuvalu for the Almighty
𑐟𑐸𑐨𑐵𑐮𑐸यागु नक्सा
राजधानी	Funafuti
तधंगु सहर	Funafuti
औपचारिक भाय	Tuvaluan English
सरकार	Unitary parliamentary constitutional monarchy
- Monarch	Charles III
- Governor-General	Tofiga Vaevalu Falani
- Prime Minister	Feleti Teo
Independence
- from the United Kingdom	1 October 1978
क्षेत्रफल
- फुकं	[[{{{area_magnitude}}}वर्ग मि |{{{area}}} किमि²]] (192nd)
	({{{areami²}}} वर्ग माइल)
- लयागु प्रतिशत (%)	negligible
जनसंख्या
- 2021 एस्टिमेटेड	11,900 (194th)
- 2017 सेन्सस्	10,645
- जनघनत्व	{{{population_density}}}/किमि² (27th) ({{{population_densitymi²}}}/वर्ग माइल)
कुल ग्राहस्थ उत्पादन (पि पि पि)	2023 एस्टिमेट
- फुकं	$63 million ([[List of countries by GDP (PPP)|]])
- प्रति छ्यं	$5,765 ([[List of countries by GDP (PPP) per capita|]])
मुद्रा	Tuvaluan dollar Australian dollar (AUD)
ई क्षेत्र	(UTC+12)
इन्टरनेट TLD	.tv
कलिंग कोड	++688

𑐟𑐸𑐨𑐵𑐮𑐸 (𑐥𑐸𑐮𑐵𑑄 𑐣𑐵𑑄 𑐊𑐮𑐶𑐳 𑐚𑐵𑐥𑐸) 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑑂 𑐌𑐱𑐶𑐣𑐶𑐫𑐵𑐫𑐵 𑐥𑑀𑐮𑐶𑐣𑐾𑐳𑐶𑐫𑐵𑐮𑐷 𑐄𑐥𑐎𑑂𑐲𑐾𑐟𑑂𑐬𑐫𑑂 𑐮𑐵𑑅𑐐𑐸 𑐕𑐐𑐹 𑐚𑐵𑐥𑐸 𑐡𑐾𑐫𑑂 𑐏। 𑐠𑑂𑐰 𑐡𑐾𑐫𑑂 𑐴𑐰𑐵𑐃 𑐰 𑐀𑐲𑑂𑐚𑑂𑐬𑐾𑐮𑐶𑐫𑐵𑐫𑐵 𑐡𑐠𑐸𑐂 𑐮𑐵। 𑐳𑐵𑐣𑑂𑐟𑐵 𑐎𑑂𑐬𑐸𑐖 𑐚𑐵𑐥𑐸𑐫𑐵 𑐥𑐹𑐬𑑂𑐰-𑐄𑐟𑑂𑐟𑐬𑐥𑐹𑐬𑑂𑐰𑐫𑑂, 𑐨𑐵𑐣𑐸𑐁𑐟𑐸𑐫𑐵 𑐄𑐟𑑂𑐟𑐬𑐥𑐹𑐬𑑂𑐰𑐫𑑂 ,𑐣𑐵𑐄𑐬𑐸𑐫𑐵 𑐡𑐎𑑂𑐲𑐶𑐞𑐥𑐹𑐬𑑂𑐰𑐫𑑂, 𑐎𑐶𑐬𑐶𑐧𑐵𑐟𑐷𑐫𑐵 𑐡𑐎𑑂𑐲𑐶𑐞𑐫𑑂,𑐚𑑀𑐎𑐾𑐮𑐵𑐄𑐫𑐵 𑐥𑐱𑑂𑐔𑐶𑐩𑐫𑑂, 𑐳𑐵𑐩𑑀𑐁 𑐰 𑐰𑐵𑐮𑐶𑐳 𑐰 𑐦𑐸𑐚𑐸𑐣𑐵𑐫𑐵 𑐄𑐟𑑂𑐟𑐬𑐥𑐱𑑂𑐔𑐶𑐩𑐫𑑂 𑐰 𑐦𑐶𑐖𑐷𑐫𑐵 𑐄𑐟𑑂𑐟𑐬𑐫𑑂 𑐠𑑂𑐰 𑐡𑐾𑐫𑑂 𑐮𑐵।

𑐟𑐸𑐰𑐵𑐮𑐸 𑐡𑐾𑐫𑑂 𑑕° 𑐰 𑑑𑑐 ° 𑐡𑐎𑑂𑐲𑐶𑐞𑐫𑐵 𑐀𑐎𑑂𑐲𑐵𑑄𑐱 𑐰 𑑑𑑗𑑖° 𑐰 𑑑𑑘𑑐° 𑐫𑐵 𑐡𑐾𑐱𑐵𑐣𑑂𑐟𑐬𑐫𑐵 𑐡𑐠𑐸𑐂 𑐡𑐫𑐵𑐔𑑂𑐰𑑄𑐐𑐸 𑐳𑑂𑐰𑑄𑐐𑐸 𑐬𑐷𑐦 𑐚𑐵𑐥𑐸 𑐰 𑑖𑐐𑐸 𑐊𑐚𑑀𑐮𑑄 𑐡𑐫𑐾𑐎𑐵 𑐟𑑅𑐐𑐸 𑐡𑐸। 𑐠𑑂𑐰 𑐡𑐾𑐫𑑂 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐟𑐶𑐠𑐶 𑐢𑑂𑐰𑑅𑐫𑐵 𑐥𑐱𑑂𑐔𑐶𑐩𑐫𑑂 𑐮𑐵𑑅। 𑐳𑐣𑑂 𑑒𑑐𑑑𑑗𑐫𑐵 𑐩𑐣𑐹𑐮𑑂𑐫𑐵 𑐎𑐠𑑄 𑐟𑐸𑐨𑐵𑐮𑐸𑐫𑐵 𑐖𑐣𑐳𑑄𑐏𑑂𑐫𑐵 𑑑𑑐,𑑖𑑔𑑕 𑐡𑐸। 𑐠𑑂𑐰 𑐎𑐠𑑄 𑐠𑑂𑐰 𑐡𑐾𑐫𑑂 𑐴𑐮𑐶𑐩𑐫𑑂 𑐣𑐶𑐐𑐸𑐐𑐸 𑐡𑐎𑐮𑐫𑑂 𑐩𑑂𑐴𑑀 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐡𑐾𑐫𑑂 𑐏। 𑐠𑑂𑐰 𑐡𑐾𑐫𑑂 𑐳𑑂𑐰𑐫𑐵 𑐩𑑂𑐴𑑀 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐡𑐾𑐫𑑂 𑐨𑑂𑐫𑐵𑐚𑐶𑐎𑐣 𑐳𑐶𑐚𑐷 𑐖𑐎 𑐡𑐸। 𑐣𑐵𑐥𑑄, 𑐀𑑄𑐐𑑂𑐬𑐾𑐖𑐷 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐡𑐹𑐐𑐸 𑐡𑐎𑐮𑐫𑑂 𑐩𑑂𑐴𑑀 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐡𑐾𑐫𑑂 𑐠𑑂𑐰 𑐴𑐾 𑐏। 𑐟𑐸𑐰𑐵𑐮𑐸𑐫𑐵 𑐎𑐸𑐮 𑐧𑑃 𑐨𑐹𑐨𑐵𑐐 𑑒𑑖 𑐰𑐬𑑂𑐐 𑐎𑐶𑐮𑑀𑐩𑐶𑐚𑐬 (𑑑𑑐 𑐰𑐬𑑂𑐐 𑐩𑐵𑐂𑐮) 𑐡𑐸।

𑐟𑐸𑐨𑐵𑐮𑐸𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐫𑐵 𑐧𑐵𑐳𑐶𑐣𑑂𑐡𑐵𑐟 𑐥𑑀𑐮𑐶𑐣𑐾𑐳𑐶𑐫𑐵𑐩𑐶 𑐏। 𑐎𑐬𑐶𑐧 𑐳𑑂𑐰𑐡𑑂𑐰𑑅 𑐡𑑃 𑐣𑑂𑐴𑑂𑐫𑑅 𑐱𑐸𑐬𑐸 𑐖𑐹𑐐𑐸 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑑂 𑐥𑑀𑐮𑐶𑐣𑐾𑐳𑐶𑐫𑐵𑐩𑐶𑐟𑐾𑐐𑐸 𑐁𑐥𑑂𑐬𑐰𑐵𑐳𑐣𑐫𑐵 𑐕𑐐𑐹 𑐥𑐸𑐔𑑅 𑐠𑐣 𑐠𑑂𑐫𑑄𑐐𑐸 𑐏 । 𑐥𑑂𑐬𑐱𑐵𑐣𑑂𑐟 𑐚𑐵𑐥𑐸𑐣𑐵𑐥 𑐫𑐸𑐬𑑀𑐥𑐩𑐶 𑐳𑑂𑐰𑐵𑐥𑐹𑐫𑐵 𑐫𑐎𑑂𑐰 𑐣𑑂𑐴𑑂𑐫𑑅 𑐥𑑀𑐮𑐶𑐣𑐾𑐳𑐶𑐫𑐵𑐩𑐶𑐟𑐫𑐾𑐳𑑄 𑐚𑐵𑐥𑐸𑐟𑐾𑐐𑐸 𑐡𑐠𑐸𑐂 𑐮𑑅𑐏𑐟𑐫𑑂 𑐫𑐎𑑂𑐰 𑐫𑐵𑐟𑑂𑐬𑐵 𑐫𑐵𑑅𑐐𑐸 𑐏। 𑐥𑑀𑐮𑐶𑐣𑐾𑐳𑐶𑐫𑐵𑐩𑐶 𑐣𑐾𑐨𑐶𑐐𑐾𑐳𑐣 𑐳𑐷𑐥𑑄 𑐂𑐩𑐶𑐟 𑐜𑐧𑐮-𑐴𑐮 𑐳𑐾𑐮𑐶𑐒 𑐎𑑂𑐫𑐵𑐣𑑀 𑐰𑐵 𑐁𑐄𑐚𑐬𑐶𑐐𑐬 𑐎𑑂𑐫𑐵𑐣𑑀𑐫𑑂 𑐰𑐶𑐳𑑂𑐟𑐺𑐟 𑐫𑑀𑐖𑐣𑐵𑐧𑐡𑑂𑐢 𑐫𑐵𑐟𑑂𑐬𑐵 𑐫𑐵𑐫𑐾𑐟 𑐳𑐎𑑂𑐲𑐩 𑐫𑐵𑐟। 𑐰𑐶𑐖𑑂𑐘𑐟𑐾𑐐𑐸 𑐢𑐵𑐥𑐹 𑐎𑐠𑑄 𑐥𑑀𑐮𑐶𑐣𑐾𑐳𑐶𑐫𑐵𑐩𑐶𑐟 𑐳𑐵𑐩𑑀𑐁 𑐰 𑐟𑑀𑐒𑑂𑐐𑐵 𑐣𑐶𑐳𑐾𑑄 𑐟𑐸𑐨𑐵𑐮𑐸𑐫𑐵 𑐊𑐚𑑀𑐮𑐫𑑂 𑐠𑑂𑐫𑐣। 𑐠𑐸𑐎𑐶𑐮𑐶𑑄 𑐮𑐶𑐥𑐵𑐫𑐵 𑐩𑐾𑐮𑐵𑐣𑐾𑐳𑐶𑐫𑐵 𑐰 𑐩𑐵𑐂𑐎𑑂𑐬𑑀𑐣𑐾𑐳𑐶𑐫𑐵𑐫𑑂 𑐥𑑀𑐮𑐶𑐣𑐾𑐳𑐶𑐫𑐵𑐩𑐶𑐟𑐾𑐐𑐸 𑐠𑐥 𑐁𑐥𑑂𑐬𑐰𑐵𑐳𑐣𑐫𑐵 𑐣𑐶𑑄𑐟𑐶𑑄 𑐕𑐐𑐹 𑐥𑐮𑐵𑑅𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐟।

𑐳𑐣𑑂 𑑑𑑕𑑖𑑙𑐂 𑐳𑑂𑐥𑐾𑐣𑐶𑐱 𑐀𑐣𑑂𑐰𑐾𑐲𑐎 𑐰 𑐩𑐵𑐣𑐎𑐶𑐥𑐵𑐩𑐶, 𑐀𑐮𑑂𑐨𑐵𑐬𑑀 𑐜𑐷 𑐩𑐾𑐣𑑂𑐜𑐵𑐣𑐵 𑐡𑑂𑐰𑐷𑐥𑐳𑐩𑐹𑐴𑐫𑑂 𑐠𑑂𑐫𑑄𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐫𑐸𑐬𑑀𑐥𑐾𑐮𑐷 𑐖𑐸𑐮। 𑐰𑐫𑑂𑐎𑐮𑑄 𑐚𑐾𑐬𑐵 𑐀𑐲𑑂𑐚𑑂𑐬𑐾𑐮𑐶𑐳𑐫𑐵 𑐩𑐵𑐮𑐾𑐐𑐸 𑐣𑐶𑑄𑐟𑐶𑑄 𑐫𑐵𑐣𑐵𑐔𑑂𑐰𑑄𑐐𑐸 𑐕𑐐𑐹 𑐀𑐨𑐶𑐫𑐵𑐣𑐫𑐵 𑐗𑑂𑐰𑐮𑐫𑑂 𑐣𑐸𑐂 𑐚𑐵𑐥𑐸𑐫𑐵𑐟 𑐏𑑄𑐎𑐮। 𑐦𑐸𑐣𑐵𑐦𑐸𑐟𑐶 𑐚𑐵𑐥𑐸𑐫𑐵𑐟 𑐳𑐣𑑂 𑑑𑑘𑑑𑑙𑐂 𑐊𑐮𑐶𑐳 𑐚𑐵𑐥𑐸𑐫𑐵 𑐣𑐵𑑄 𑐧𑐶𑐮। 𑐮𑐶𑐥𑐵 𑐠𑑂𑐰 𑐚𑐵𑐥𑐸𑐥𑐸𑐔𑑅𑐫𑐵𑐟 𑐴𑐾 𑐀𑑄𑐐𑑂𑐬𑐾𑐖𑐷 𑐴𑐵𑐂𑐜𑑂𑐬𑑀𑐐𑑂𑐬𑐵𑐦𑐬 𑐀𑐮𑐾𑐎𑑂𑐖𑐾𑐣𑑂𑐜𑐬 𑐖𑐬𑑂𑐖 𑐦𑐶𑐣𑑂𑐜𑐮𑐾𑑄 𑐊𑐮𑐶𑐳 𑐚𑐵𑐥𑐸𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐮। 𑑑𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐮𑐶𑐥𑐵𑑄𑐐𑐸 𑐂𑐮𑐫𑑂 𑐐𑑂𑐬𑐾𑐚 𑐧𑑂𑐬𑐶𑐚𑐾𑐣𑑄 𑐊𑐮𑐶𑐳 𑐚𑐵𑐥𑐸𑐫𑐵𑐟 𑐠𑑅𑐐𑐸 𑐥𑑂𑐬𑐨𑐵𑐰 𑐎𑑂𑐲𑐾𑐟𑑂𑐬𑐫𑑂 𑐮𑐵𑑅𑐐𑐸 𑐎𑐠𑑄 𑐣𑐵𑑄 𑐟𑑅𑐐𑐸 𑐡𑐵𑐧𑐷 𑐫𑐵𑐟। 𑑙 𑐰 𑑑𑑖 𑐀𑐎𑑂𑐚𑑀𑐧𑐬 𑑑𑑘𑑙𑑒𑐫𑐵 𑐡𑐠𑐸𑐂 𑐊𑐔𑐊𑐩𑐊𑐳 𑐎𑐸𑐬𑐵𑐎𑑀𑐁𑐫𑐵 𑐎𑑂𑐫𑐵𑐥𑑂𑐚𑐾𑐣 𑐴𑐬𑑂𑐧𑐬𑑂𑐚 𑐐𑐶𑐧𑑂𑐳𑐣𑑄 𑐥𑑂𑐬𑐟𑑂𑐫𑐾𑐎 𑐊𑐮𑐶𑐳 𑐚𑐵𑐥𑐸𑐫𑐵𑐟 𑐧𑐾𑐮𑐵𑐫𑐟𑐷 𑐳𑑄𑐬𑐎𑑂𑐲𑐞 𑐎𑑂𑐲𑐾𑐟𑑂𑐬 𑐑𑑀𑐲𑐞𑐵 𑐫𑐵𑐟। 𑐧𑐾𑐮𑐵𑐫𑐟𑑄 𑐧𑐾𑐮𑐵𑐫𑐟𑐷 𑐥𑐱𑑂𑐔𑐶𑐩𑐷 𑐥𑑂𑐬𑐱𑐵𑐣𑑂𑐟 𑐎𑑂𑐲𑐾𑐟𑑂𑐬 (BWPT)𑐫𑐵 𑐕𑐐𑐹 𑐨𑐵𑐐𑐫𑐵 𑐬𑐸𑐥𑐫𑑂 𑐊𑐮𑐶𑐳 𑐚𑐵𑐥𑐸𑐫𑐵 𑐥𑑂𑐬𑐱𑐵𑐳𑐣 𑐫𑐵𑐫𑐾𑐟 𑐕𑐩𑑂𑐴 𑐬𑐾𑐖𑐶𑐜𑐾𑐣𑑂𑐚 𑐎𑐩𑐶𑐱𑑂𑐣𑐬𑐫𑐵𑐟 𑐣𑐶𑐫𑐸𑐎𑑂𑐟 𑐫𑐵𑐟। 𑐳𑐣𑑂 𑑑𑑙𑑑𑑖 𑐣𑐶𑐳𑐾𑑄 𑑑𑑙𑑗𑑕 𑐟𑐎𑑂𑐎 𑐐𑐶𑐮𑑂𑐧𑐬𑑂𑐚 𑐰 𑐊𑐮𑐶𑐳 𑐁𑐂𑐮𑑂𑐫𑐵𑐞𑑂𑐜 𑐄𑐥𑐣𑐶𑐰𑐾𑐱𑐫𑐵 𑐨𑐵𑐐𑐫𑐵 𑐬𑐸𑐥𑐫𑑂 𑐂𑐩𑐶𑐟 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑑅𑐐𑐸 𑐏।

𑐳𑐣𑑂 𑑑𑑙𑑗𑑔𑐫𑑂 𑐐𑐶𑐮𑑂𑐧𑐬𑑂𑐚 𑐚𑐵𑐥𑐸 𑐰 𑐊𑐮𑐶𑐳 𑐚𑐵𑐥𑐸𑐫𑐵 𑐠𑑅𑐐𑐸 𑐴𑐾 𑐥𑑂𑐬𑐱𑐵𑐳𑐣 𑐡𑐫𑐾𑐩𑐵𑑅 𑐎𑐶 𑐩𑑂𑐰𑐵𑑅 𑐢𑐂𑐐𑐸 𑐣𑐶𑐬𑑂𑐞𑐫 𑐫𑐵𑐫𑐾𑐟 𑐖𑐣𑐩𑐟 𑐳𑑄𑐐𑑂𑐬𑐴 𑐖𑐸𑐮। 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐐𑐶𑐮𑑂𑐧𑐬𑑂𑐚 𑐰 𑐊𑐮𑐶𑐳 𑐚𑐵𑐥𑐸𑐫𑐵 𑐄𑐥𑐣𑐶𑐰𑐾𑐱 𑐎𑐵𑐣𑐹𑐣𑐷 𑐬𑐸𑐥𑑄 𑑑 𑐀𑐎𑑂𑐚𑑀𑐧𑐬 𑑑𑑙𑑗𑑕 𑐏𑐸𑐣𑐸 𑐩𑐡𑐫𑐵 𑐰𑐣; 𑐳𑐣𑑂 𑑑𑑙𑑗𑑖𑐫𑐵 𑑑 𑐖𑐣𑐰𑐬𑐷𑐂 𑐥𑐸𑐮𑐵𑑄𑐐𑐸 𑐥𑑂𑐬𑐱𑐵𑐳𑐣 𑐁𑐢𑐶𑐎𑐵𑐬𑐶𑐎 𑐬𑐸𑐥𑑄 𑐀𑐮𑐐 𑐖𑐸𑐮 𑐰 𑐣𑐶𑐐𑐸 𑐧𑑂𑐫𑐵𑐐𑐮𑑄 𑐧𑐾𑐮𑐵𑐫𑐟𑐷 𑐄𑐥𑐣𑐶𑐰𑐾𑐱 𑐎𑐶𑐬𑐶𑐧𑐵𑐟𑐷 𑐰 𑐟𑐸𑐨𑐵𑐮𑐸 𑐥𑐮𑐶𑐳𑑂𑐠𑐵 𑐖𑐸𑐮। 𑑑 𑐀𑐎𑑂𑐚𑑀𑐧𑐬 𑑑𑑙𑑗𑑘𑐫𑑂 𑐟𑐸𑐨𑐵𑐮𑐸 𑐬𑐵𑐲𑑂𑐚𑑂𑐬𑐩𑑄𑐜𑐮 𑐡𑐸𑐣𑐾 𑐕𑐐𑐹 𑐳𑐵𑐬𑑂𑐰𑐨𑑁𑐩 𑐬𑐵𑐖𑑂𑐫𑐫𑐵 𑐬𑐸𑐥𑐫𑑂 𑐥𑐹𑐬𑑂𑐞 𑐳𑑂𑐰𑐟𑐣𑑂𑐟𑑂𑐬 𑐖𑐸𑐮। 𑐠𑑂𑐰 𑐕𑐐𑐹 𑐳𑑄𑐰𑐿𑐢𑐵𑐣𑐶𑐎 𑐬𑐵𑐖𑐟𑐣𑑂𑐟𑑂𑐬 𑐏 𑐐𑐸𑐎𑐶𑐮𑐶 𑐖𑐸𑐖𑐸 𑐔𑐵𑐬𑑂𑐮𑑂𑐳 𑐟𑐺𑐟𑐷𑐫 𑐟𑐸𑐨𑐵𑐮𑐸𑐫𑐵 𑐖𑐸𑐖𑐸 𑐏। 𑑕 𑐳𑐾𑐥𑑂𑐚𑐾𑐩𑑂𑐧𑐬 𑑒𑑐𑑐𑑐 𑐏𑐸𑐣𑐸 𑐟𑐸𑐨𑐵𑐮𑐸 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑐫𑐵 𑑑𑑘𑑙𑐐𑐸 𑐡𑐸𑐖𑑅 𑐖𑐸𑐮।

𑐠𑑂𑐰 𑐚𑐵𑐥𑐸𑐂 𑐫𑐎𑑂𑐰 𑐩𑐵𑐟𑑂𑐬𑐵𑐫𑑂 𑐧𑐸𑑃 𑐩𑐡𑐸𑐐𑐸𑐮𑐶𑑄 𑐠𑑂𑐰 𑐡𑐾𑐫𑑂 𑐁𑐫𑐵𑐟 𑐰 𑐣𑐳𑐵𑐫𑐵 𑐣𑐶𑑄𑐟𑐶𑑄 𑐣𑑂𑐫𑐵 𑐮𑐵𑐫𑐾𑐐𑐸 𑐖𑑂𑐫𑐵𑐫𑑂 𑐫𑐎𑑂𑐰 𑐣𑐶𑐬𑑂𑐨𑐬 𑐖𑐸। 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐎𑐩𑑂𑐥𑐣𑐷𑐫𑐵𑐟 𑐮𑐵𑐂𑐳𑐾𑐣𑑂𑐳 𑐧𑐷𑐐𑐸 𑐣𑑂𑐫𑐵 𑐮𑐵𑐫𑐾𑐐𑐸 𑐀𑐣𑐸𑐩𑐟𑐶, 𑐀𑐣𑐸𑐡𑐵𑐣 𑐰 𑐐𑑂𑐰𑐵𑐴𑐵𑐮𑐶 𑐥𑐬𑐶𑐫𑑀𑐖𑐣𑐵, 𑐎𑐵𑐬𑑂𑐐𑑀 𑐖𑐴𑐵𑐖𑐫𑑂 𑐖𑑂𑐫𑐵 𑐫𑐵𑐂𑐥𑐶𑑄 𑐟𑐸𑐨𑐵𑐮𑐸𑐫𑐵 𑐣𑐵𑐰𑐶𑐎𑐟𑐾𑐳𑑄 𑐕𑑂𑐰𑑅𑐐𑐸 𑐬𑐾𑐩𑐶𑐚𑑂𑐫𑐵𑐣𑑂𑐳 𑐠𑐣𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑐵 𑐩𑐴𑐟𑑂𑐰𑐥𑐹𑐬𑑂𑐞 𑐧𑑂𑐰 𑐏𑑅। 𑐠𑑂𑐰 𑐡𑐾𑐫𑑂 𑐕𑐐𑐹 𑐎𑑂𑐰𑐫𑑂 𑐔𑑂𑐰𑑄𑐐𑐸 𑐚𑐵𑐥𑐸 𑐡𑐾𑐫𑑂 𑐖𑐹𑐐𑐸𑐮𑐶𑑄 𑐖𑐮𑐰𑐵𑐫𑐸 𑐥𑐬𑐶𑐰𑐬𑑂𑐟𑐣𑐫𑐵 𑐎𑐵𑐬𑐞𑑄 𑐳𑐩𑐸𑐡𑑂𑐬𑐫𑐵 𑐳𑐟𑐴 𑐀𑐥𑑂𑐰𑐂𑐐𑐸 𑐟𑐳𑐎𑑄 𑐖𑑀𑐏𑐶𑐩𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸। 𑐠𑑂𑐰 𑐔𑐷𑐢𑑄𑐐𑐸 𑐚𑐵𑐥𑐸 𑐬𑐵𑐖𑑂𑐫𑐫𑐵 𑐐𑐛𑐧𑐣𑑂𑐢𑐣𑐫𑐵 𑐕𑐐𑐹 𑐧𑑂𑐰 𑐎𑐠𑑄 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐖𑐮𑐰𑐵𑐫𑐸 𑐰𑐵𑐬𑑂𑐟𑐵𑐫𑑂 𑐳𑐎𑑂𑐬𑐶𑐫 𑐡𑐸।

𑐥𑑂𑐬𑐱𑐵𑐳𑐣

𑐟𑐸𑐨𑐵𑐮𑐸𑐫𑐵 𑐩𑐵𑐣𑐎𑐶𑐥𑐵

𑐟𑐸𑐨𑐵𑐮𑐸𑐂 𑑖𑐐𑐸 𑐊𑐚𑑀𑐮 𑐰 𑐳𑑂𑐰𑑄𑐐𑐸 𑐬𑐷𑐦 𑐚𑐵𑐥𑐸 𑐡𑐸, 𑐐𑐸𑐎𑐶𑐮𑐶𑑄 𑐡𑐾𑐫𑑂 𑐫𑐵 𑐕𑐐𑐹 𑐖𑐶𑐮𑑂𑐮𑐵 𑐡𑐫𑐾𑐎𑐶। 𑐡𑐎𑐮𑐫𑑂 𑐔𑐶𑐢𑑄𑐐𑐸, 𑐣𑐶𑐄𑐮𑐵𑐎𑐶𑐟𑐵, 𑐣𑐶𑐄𑐟𑐵𑐌𑐫𑐵 𑐨𑐵𑐐𑐫𑐵 𑐬𑐸𑐥𑐫𑑂 𑐥𑑂𑐬𑐱𑐵𑐳𑐶𑐟 𑐫𑐵𑐂। 𑑒𑑐𑑑𑑗𑐫𑐵 𑐖𑐣𑐐𑐞𑐣𑐵 𑐎𑐠𑑄𑐫𑐵 𑐖𑐶𑐮𑑂𑐮𑐵, 𑐂𑐩𑐶𑐐𑐸 𑐚𑐵𑐥𑐸 𑐮𑑂𑐫𑐵𑑅, 𑐰 𑐂𑐩𑐶𑐐𑐸 𑐖𑐣𑐳𑑄𑐏𑑂𑐫𑐵 𑐎𑑂𑐰𑐫𑑂 𑐧𑐶𑐫𑐵𑐟𑑅𑐎𑐠𑑄 𑐡𑐸-

𑐖𑐶𑐮𑑂𑐮𑐵	𑐚𑐵𑐥𑐸𑐟	𑐖𑐣𑐳𑑄𑐏𑑂𑐫𑐵
𑐦𑐸𑐣𑐵𑐦𑐸𑐟𑐶	𑑖	𑑖,𑑓𑑒𑑐
𑐣𑐵𑐣𑐸𑐩𑐵𑐒𑑂𑐐𑐵	𑑑	𑑔𑑙𑑑
𑐣𑐵𑐣𑐸𑐩𑐶𑐫𑐵	𑑙	𑑕𑑑𑑒
𑐣𑐶𑐄𑐮𑐵𑐎𑐶𑐟𑐵	𑑑	𑑓𑑔
𑐣𑐶𑐄𑐟𑐵𑐌	𑑑	𑑕𑑘𑑒
𑐣𑐸𑐂	𑑒𑑑	𑑖𑑑𑑐
𑐣𑐸𑐎𑐸𑐦𑐾𑐟𑐵𑐄	𑑓𑑓	𑑕𑑙𑑗
𑐣𑐸𑐎𑐸𑐮𑐵𑐊𑐮𑐾	𑑑𑑕	𑑓𑑐𑑐
𑐨𑐵𑐂𑐟𑐸𑐥𑐸	𑑙	𑑑,𑑐𑑖𑑑

𑐳𑐎𑐮 𑐚𑐵𑐥𑐸𑐂 𑐠𑑅𑐐𑐸 𑐴𑐾 𑐄𑐔𑑂𑐔-𑐥𑑂𑐬𑐩𑐸𑐏 ( 𑐄𑐮𑐸-𑐀𑐮𑐶𑐎𑐷 ), 𑐠𑐷𑐠𑐷 𑐄𑐥-𑐥𑑂𑐬𑐩𑐸𑐏 (𑐀𑐮𑐶𑐎𑐶), 𑐰 𑐕𑐐𑐹 𑐳𑐵𑐩𑐸𑐡𑐵𑐫𑐶𑐎 𑐥𑐬𑐶𑐲𑐡 (𑐦𑐵𑐮𑐾𑐎𑐵𑐄𑐥𑐸𑐮𑐾) 𑐡𑐂। 𑐦𑐵𑐮𑐾𑐎𑐵𑐄𑐥𑐸𑐮𑐾 , 𑐐𑐸𑐎𑐶𑐫𑐵𑐟 𑐟𑐾 𑐳𑐶𑐣𑐵 𑐌 𑐎𑐵𑐣𑐵 (𑐨𑐹𑐩𑐶𑐫𑐵 𑐟𑐸𑐫𑐸 𑐳𑑄 𑐡𑐸𑐥𑐶𑑄) 𑐣𑑄 𑐢𑐵𑐂 , 𑐀𑐐𑑂𑐬𑐖𑐟𑐾𑐐𑐸 𑐥𑐬𑐩𑑂𑐥𑐬𑐵𑐐𑐟 𑐳𑐨𑐵 𑐏।

𑐄𑐮𑐸-𑐀𑐮𑐶𑐎𑐷 𑐰 𑐀𑐮𑐶𑐎𑐷𑐟𑐾𑐳𑑄 𑐳𑑂𑐠𑐵𑐣𑐷𑐫 𑐟𑐴𑐮𑐫𑑂 𑐀𑐣𑑁𑐥𑐔𑐵𑐬𑐶𑐎 𑐀𑐢𑐶𑐎𑐵𑐬𑐫𑐵 𑐥𑑂𑐬𑐫𑑀𑐐 𑐫𑐵𑐂, 𑐠𑑂𑐰 𑐀𑐢𑐶𑐎𑐵𑐬 𑐰𑑄𑐱𑐫𑐵 𑐁𑐢𑐵𑐬𑐫𑑂 𑐖𑐸𑐂। 𑐳𑐣𑑂 𑑑𑑙𑑙𑑗𑐂 𑐦𑐮𑐾𑐎𑐵𑐄𑐥𑐸𑐮𑐾 𑐋𑐣 𑐥𑐵𑐬𑐶𑐟 𑐖𑐸𑐂𑐢𑐸𑑄𑐎𑐵 𑐦𑐮𑐾𑐎𑐵𑐄𑐥𑐸𑐮𑐾𑐫𑐵 𑐀𑐢𑐶𑐎𑐵𑐬 𑐰 𑐖𑑂𑐫𑐵 𑐥𑐸𑐮𑐾 𑐌 𑐎𑑁𑐥𑐸𑐮𑐾 𑐣𑐵𑐥 𑐳𑐵𑐗𑐵 𑐖𑐸𑐮, 𑐥𑑂𑐬𑐟𑑂𑐫𑐾𑐎 𑐊𑐚𑑀𑐮𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐸𑐂𑐩𑑂𑐴 𑐕𑐩𑑂𑐴 𑐐𑐵𑑄𑐫𑐵 𑐣𑐵𑐫𑑅 𑐡𑐸।

𑐟𑐸𑐨𑐵𑐮𑐸𑐂 𑐕𑐐𑐹 𑐣𑐐𑐬 𑐥𑐬𑐶𑐲𑐡 (𑐦𑐸𑐣𑐵𑐦𑐸𑐟𑐶) 𑐰 𑑗𑐐𑐸 𑐚𑐵𑐥𑐸 𑐥𑐬𑐶𑐲𑐡𑐫𑐵 𑐣𑐶𑑄𑐟𑐶𑑄 𑐥𑐬𑐶𑐨𑐵𑐲𑐶𑐟 𑐁𑐂𑐊𑐳𑐌 𑑓𑑑𑑖𑑖-𑑒 𑐎𑑀𑐜 𑐡𑐸। 𑐁𑑅 𑐠𑑅𑐐𑐸 𑐴𑐾 𑐚𑐵𑐥𑐸 𑐥𑐬𑐶𑐲𑐡 𑐡𑐸𑐐𑐸 𑐣𑐶𑐄𑐮𑐵𑐎𑐶𑐟𑐵 𑐢𑐵𑑅𑐳𑐵 𑐣𑐶𑐄𑐟𑐵𑐌𑐫𑐵 𑐕𑐐𑐹 𑐨𑐵𑐐𑐫𑐵 𑐬𑐸𑐥𑐫𑑂 𑐥𑑂𑐬𑐱𑐵𑐳𑐶𑐟 𑐖𑐹𑐐𑐸𑐮𑐶𑑄 𑐳𑐹𑐔𑐷𑐎𑐺𑐟 𑐩𑐖𑐹।

𑐨𑐵𑐫𑑂

𑐟𑐸𑐨𑐵𑐮𑐸 𑐨𑐵𑐲𑐵 𑐰 𑐀𑑄𑐐𑑂𑐬𑐾𑐖𑐷 𑐟𑐸𑐨𑐵𑐮𑐸𑐫𑐵 𑐬𑐵𑐲𑑂𑐚𑑂𑐬𑐨𑐵𑐲𑐵 𑐏। 𑐟𑐸𑐨𑐵𑐮𑐸𑐨𑐵𑐫𑑂 𑐥𑑀𑐮𑐶𑐣𑐾𑐳𑐶𑐫𑐵𑐩𑐶 𑐨𑐵𑐲𑐵𑐫𑐵 𑐊𑐮𑐶𑐳𑐶𑐫𑐣 𑐥𑐸𑐔𑐮𑐫𑑂 𑐮𑐵। 𑐠𑑂𑐰 𑐨𑐵𑐲𑐵 𑐴𑐰𑐵𑐃, 𑐩𑐵𑐌𑐬𑐷, 𑐟𑐵𑐴𑐶𑐟𑐶𑐫𑐵, 𑐬𑐵𑐥𑐵 𑐣𑐸𑐂, 𑐳𑐵𑐩𑑀𑐁 𑐰 𑐟𑑀𑐒𑑂𑐐𑐣 𑐠𑐾𑑄 𑐣𑑂𑐫𑐵𑑅𑐐𑐸 𑐩𑐾𑐩𑐾𑐐𑐸 𑐥𑑀𑐮𑐶𑐣𑐾𑐳𑐶𑐫𑐵𑐮𑐷 𑐨𑐵𑐲𑐵 𑐣𑐵𑐥 𑐳𑑂𑐰𑐵𑐥𑐹 𑐡𑐸। 𑐠𑑂𑐰 𑐨𑐵𑐫𑑂 𑐩𑐵𑐂𑐎𑑂𑐬𑑀𑐣𑐾𑐳𑐶𑐫𑐵 𑐰 𑐄𑐟𑑂𑐟𑐬𑐷 𑐰 𑐩𑐢𑑂𑐫 𑐩𑐾𑐮𑐵𑐣𑐾𑐳𑐶𑐫𑐵𑐫𑑂 𑐥𑑀𑐮𑐶𑐣𑐾𑐳𑐶𑐫𑐣 𑐁𑐄𑐚𑐮𑐵𑐫𑐬𑐫𑑂 𑐮𑑂𑐴𑐵𑐂𑐐𑐸 𑐨𑐵𑐫𑑂 𑐣𑐵𑐥 𑐡𑐎𑐮𑐫𑑂 𑐀𑐥𑑂𑐰 𑐳𑑂𑐰𑐵𑐥𑐹 𑐡𑐸। 𑐟𑐸𑐨𑐵𑐮𑐸 𑐨𑐵𑐲𑐵𑑄 𑐳𑐵𑐩𑑀𑐁𑐣 𑐨𑐵𑐲𑐵𑐫𑐵 𑐫𑐎𑑂𑐰 𑐳𑑂𑐰𑐬𑐸𑐥 𑐠𑐶𑑄𑐎𑐵 𑐎𑐵𑑅𑐐𑐸 𑐡𑐸। 𑐠𑐸𑐎𑐶𑐫𑐵 𑐎𑐵𑐬𑐞 𑑑𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐀𑐣𑑂𑐟 𑐰 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐳𑐸𑐬𑐸𑐂 𑐎𑑂𑐬𑐶𑐱𑑂𑐔𑐶𑐫𑐣 𑐩𑐶𑐳𑐣𑐬𑐷𑐟𑐾𑐐𑐸 𑐥𑑂𑐬𑐢𑐵𑐣 𑐨𑐵𑐲𑐵 𑐳𑐵𑐩𑑀𑐁𑐣 𑐨𑐵𑐲𑐵 𑐖𑐹𑐐𑐸𑐮𑐶𑑄 𑐏।

𑐟𑐸𑐨𑐵𑐮𑐸𑐩𑐶 𑐨𑐵𑐲𑐵 𑐠𑐣 𑐮𑐐𑐨𑐐 𑐳𑐎𑐳𑐶𑐣𑑄 𑐮𑑂𑐴𑐵𑐂, 𑐢𑐵𑑅𑐳𑐵 𑐐𑐶𑐮𑑂𑐧𑐬𑑂𑐚𑐷𑐖 𑐣𑐵𑐥 𑐟𑐳𑐎𑑄 𑐖𑑂𑐰𑑅𑐮𑐵𑑅𑐐𑐸 𑐩𑐵𑐂𑐎𑑂𑐬𑑀𑐣𑐾𑐳𑐶𑐫𑐣 𑐨𑐵𑐲𑐵 𑐣𑐸𑐂𑐂 𑐣𑑄 𑐮𑑂𑐴𑐵𑐂। 𑐀𑑄𑐐𑑂𑐬𑐾𑐖𑐷 𑐨𑐵𑐫𑑂 𑐣𑑄 𑐕𑐐𑐹 𑐁𑐢𑐶𑐎𑐵𑐬𑐶𑐎 𑐨𑐵𑐫𑑂 𑐏 𑐟𑐬 𑐣𑑂𑐴𑐶𑐠𑑄𑐫𑐵 𑐕𑑂𑐫𑐾𑐮𑐾𑐖𑑂𑐫𑐵𑐫𑑂 𑐠𑑂𑐰 𑐨𑐵𑐫𑑂 𑐮𑑂𑐴𑐵𑐂𑐩𑐏𑐸। 𑐳𑑄𑐳𑐡 𑐰 𑐁𑐢𑐶𑐎𑐵𑐬𑐶𑐎 𑐖𑑂𑐫𑐵𑐏𑑃𑐟 𑐟𑐸𑐨𑐵𑐮𑐸 𑐨𑐵𑐳𑑄 𑐳𑑄𑐔𑐵𑐮𑐣 𑐖𑐸𑐂।

𑐴𑐮𑐶𑐩𑐫𑑂 𑐠𑑂𑐫𑑄𑐩𑐠𑑂𑐫𑑄 𑑑𑑓,𑑐𑑐𑑐 𑐟𑐸𑐨𑐵𑐮𑐸 𑐨𑐵𑐲𑐵 𑐮𑑂𑐴𑐵𑐂𑐥𑐶𑑄 𑐡𑐸। 𑐬𑐾𑐜𑐶𑐫𑑀 𑐟𑐸𑐨𑐵𑐮𑐸 𑐟𑐸𑐨𑐵𑐮𑐸-𑐨𑐵𑐲𑐵𑐫𑐵 𑐎𑐵𑐬𑑂𑐫𑐎𑑂𑐬𑐩 𑐥𑑂𑐬𑐳𑐵𑐬𑐞 𑐫𑐵𑐂।

𑐳𑑂𑐰𑐫𑐵𑐡𑐶𑐳𑑃

• 𑐡𑐾𑐫𑑂