छ्येलेमि:Eukesh/Auto/NepalScript/तर्किएया इतिहास

देवनागरीइ ब्वनेत: तर्किएया इतिहास तियादिसँ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐰𑐬𑑂𑐟𑐩𑐵𑐣 𑐟𑐬𑑂𑐎𑐶𑐊 𑐡𑐾𑐫𑑂 𑐡𑐹𑐐𑐸 𑐠𑐵𑐫𑑂 𑐋𑐟𑐶𑐴𑐵𑐳𑐶𑐎 𑐎𑐠𑑄 𑐫𑐎𑑂𑐰 𑐳𑐵𑐩𑑂𑐬𑐵𑐖𑑂𑐫 𑐡𑐹𑐐𑐸 𑐠𑐵𑐫𑑂 𑐏। 𑐠𑑂𑐰 𑐡𑐾𑐳𑐫𑑂 𑐂𑐟𑐶𑐴𑐵𑐳𑐫𑑂 𑐧𑐿𑐖𑐣𑑂𑐚𑐵𑐂𑐣 𑐳𑐵𑐩𑑂𑐬𑐵𑐖𑑂𑐫, 𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫 𑐠𑐾𑑄 𑐣𑑂𑐫𑐵𑑅𑐐𑐸 𑐳𑐵𑐩𑑂𑐬𑐵𑐖𑑂𑐫𑐟 𑐡𑐫𑐵𑐔𑑂𑐰𑐣। 𑑒𑑐𑐐𑐹 𑐳𑐡𑐷𑐂 𑐰𑐫𑐵 𑐴𑐮𑐶𑐩 𑐴𑐟𑐵 𑑑 𑐢𑐸𑑄𑐎𑐵 𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐰𑐶𑐑𑐚𑐣 𑐣𑐵𑐥𑑄 𑐐𑐞𑐟𑐣𑑂𑐟𑑂𑐬 𑐚𑐬𑑂𑐎𑐷𑐫𑐵 𑐥𑐮𑐶𑐳𑑂𑐠𑐵 𑐖𑐸𑐮। 𑐠𑑂𑐰 𑐡𑐾𑐫𑑂‌𑐫𑐵 𑐀𑐧𑐸 𑐢𑐎𑐵𑑅 𑐴𑐣𑐵𑐟𑑅𑐩𑑂𑐴 𑐎𑐾𑐩𑐾𑐮 𑐀𑐟𑐵𑐟𑐸𑐬𑑂𑐎𑐖𑐸𑑄 𑐠𑑂𑐰 𑐡𑐾𑐫𑑂‌𑐫𑐵 𑐁𑐢𑐸𑐣𑐶𑐎𑐶𑐎𑐬𑐞𑐫𑑂 𑐟𑐶𑐧𑑅 𑐧𑐶𑐫𑐵𑐡𑐶𑐮।

𑐧𑐶𑐖𑐣𑑂𑐟𑐶𑐣 𑐳𑐵𑐩𑑂𑐬𑐵𑐖𑑂𑐫

Template:𑐩𑐹 𑐥𑑁

A map showing the Western and Eastern Roman empires c. 395, divided in the Balkans and North Africa — Division of the empire after the death of Theodosius I in 395 The Western Roman Empire The Byzantine/Eastern Roman Empire

𑐧𑐿𑐖𑐣𑑂𑐚𑐵𑐂𑐣 𑐳𑐵𑐩𑑂𑐬𑐵𑐖𑑂𑐫 𑐰𑐵 𑐧𑐿𑐖𑐣𑑂𑐚𑐶𑐫𑐩 𑐢𑐵𑐐𑐸 𑐏𑑃𑐐𑑂𑐰𑑅𑐫𑐵 𑐕𑑂𑐫𑑂‌𑐮𑐾𑐖𑑂𑐫𑐵 𑑑𑑙𑐍𑑄 𑐱𑐟𑐵𑐧𑑂𑐡𑐷 𑐣𑐶𑐳𑐾𑑄 𑐩𑐢𑑂𑐫𑐫𑐸𑐐𑐷𑐣 𑐫𑐸𑐣𑐵𑐣𑐷 𑐨𑐵𑐲𑐵-𑐮𑑂𑐴𑐵𑐂𑐐𑐸, 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑐮 𑐬𑐵𑐖𑐢𑐵𑐣𑐷 𑐡𑐸𑐐𑐸 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐃𑑄𑐐𑐷𑐟 𑐫𑐵𑐂। 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐥𑐹𑐬𑑂𑐰𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫 𑐣𑑄 𑐢𑐵𑐂, 𑐟𑐬 𑐠𑑂𑐰 𑐣𑐵𑑄 𑐥𑐱𑑂𑐔𑐶𑐩𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐟𑐣 𑐳𑑂𑐰𑐫𑐵 𑐣𑑂𑐴𑑂𑐫𑑅𑐫𑐵 𑐃 𑐫𑐵𑐟 𑐬𑐶𑐦𑐬 𑐫𑐵𑐫𑑂‌𑐟 𑐀𑐥𑑂𑐰 𑐕𑑂𑐫𑑂‌𑐮𑐶। 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫 𑐡𑐸𑐧𑐶𑐮𑐾 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐠𑐸𑐎𑐶𑐐𑐸 𑐳𑐩𑐎𑐎𑑂𑐲𑐷 𑐥𑐱𑑂𑐔𑐶𑐩𑐷 𑐫𑐸𑐬𑑀𑐥𑑄 𑐫𑐸𑐣𑐵𑐣𑐷𑐟𑐾𑐐𑐸 𑐳𑐵𑐩𑑂𑐬𑐵𑐖𑑂𑐫 𑐢𑐵𑐫𑑂‌𑐐𑐸 𑐫𑐵 𑐕𑐵𑐫𑑂 𑐢𑐵𑑅𑐳𑐵 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑑂 𑐫𑐸𑐣𑐵𑐣𑐷 𑐨𑐵𑐲𑐵, 𑐳𑑄𑐳𑑂𑐎𑐺𑐟𑐶 𑐰 𑐖𑐣𑐳𑑄𑐏𑑂𑐫𑐵𑐫𑐵 𑐀𑐥𑑂𑐰 𑐥𑑂𑐬𑐨𑐵𑐰 𑐡𑐸। ^[१] 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑐵𑐐𑐬𑐶𑐎𑐟𑐾𑐐𑐸 𑐣𑐶𑑄𑐟𑐶 𑐢𑐵𑑅𑐳𑐵 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑐵𑑄 𑐎𑐾𑐰𑐮 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫(𑐫𑐸𑐣𑐵𑐣𑐷 𑐨𑐵𑐲𑐵: Βασιλεία των Ρωμαίων) 𑐏। 𑐂𑐩𑐶𑐐𑐸 𑐣𑐶𑑄𑐟𑐶 𑐠𑑂𑐰 𑐴𑐾 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫 𑐏 𑐰 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐳𑐩𑑂𑐬𑐵𑐚𑐟 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐳𑐩𑑂𑐬𑐵𑐚𑐟𑐾𑐐𑐸 𑐟𑐵𑑅𑐴𑐵𑐎𑐐𑐸 𑐩𑐥𑑄𑐐𑐸 𑐄𑐟𑑂𑐟𑐬𑐵𑐢𑐶𑐎𑐵𑐬𑐷𑐫𑐵 𑐱𑑂𑐬𑐺𑐒𑑂𑐏𑐮𑐵𑐫𑐵 𑐳𑐩𑑂𑐬𑐵𑐚𑐟 𑐏। 𑐩𑐸𑐳𑑂𑐩𑐵𑑄 𑐴𑐮𑐶𑐩𑐫𑑂 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐥𑑂𑐬𑐵𑐠𑐩𑐶𑐎 𑐟𑐰𑑄 روم‎ (𑐬𑐸𑐩 𑐰𑐵 Rûm) 𑐢𑐎𑐵 𑐩𑑂𑐴𑐳𑐷𑐎𑐶।

𑐬𑑀𑐩𑐣 𑐂𑐟𑐶𑐴𑐵𑐳𑐫𑐵 𑐧𑐿𑐖𑐣𑑂𑐚𑐵𑐂𑐣 𑐎𑐵𑐮𑐏𑐞𑑂𑐜 𑐐𑐧𑑂𑐮𑐾 𑐣𑑂𑐴𑑂𑐫𑐠𑐣 𑐢𑐿𑐐𑐸 𑐰𑐶𑐲𑐫𑐫𑑂 𑐣𑐶𑐱𑑂𑐔𑐶𑐟 𑐥𑐸𑐲𑑂𑐚𑐶 𑐰𑐵 𑐰𑐶𑐖𑑂𑐘𑐟𑐾𑐐𑐸 𑐳𑐴𑐩𑐟𑐶 𑐩𑐡𑐸। 𑐫𑐎𑑂𑐰 𑐰𑐶𑐖𑑂𑐘𑐟𑐾𑐳𑑄 𑐠𑑂𑐰 𑐏𑐞𑑂𑐜𑐫𑐵𑐟 𑐳𑐩𑑂𑐬𑐵𑐚 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣 𑑑 (𑐱𑐵𑐳𑐣 𑑓𑑐𑑖–𑑓𑑓𑑗)𑐫𑐵𑐟 𑐥𑑂𑐬𑐠𑐩 "𑐧𑐿𑐖𑐣𑑂𑐚𑐵𑐂𑐣 𑐳𑐩𑑂𑐬𑐵𑐚"𑐫𑐵 𑐬𑐸𑐥𑐫𑑂 𑐎𑐵𑐫𑑂‌𑐐𑐸 𑐫𑐵। 𑐰𑐫𑑂‌𑐎𑑅𑐫𑐵 𑐂𑐮𑐾 𑐬𑑀𑐩 𑐳𑐵𑐩𑑂𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑑓𑑓𑑐𑐫𑑂 𑐬𑑀𑐩𑑄 𑐧𑐿𑐖𑐣𑑂𑐚𑐶𑐫𑐩𑐫𑑂 𑐴𑐶𑐮𑐵𑐕𑑂𑐰𑐐𑐸 𑐏। 𑐧𑐿𑐖𑐣𑑂𑐚𑐶𑐫𑐩𑐫𑑂 𑐰𑐫𑑂‌𑐎𑑅𑐮𑑄 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑐮𑐫𑐵𑐟 𑐥𑐸𑐣𑐬𑑂𑐣𑐶𑐬𑑂𑐩𑐶𑐟 𑐫𑐵𑐣𑐵 𑐣𑑀𑐨𑐵 𑐬𑑀𑐩𑐵 𑐰𑐵 ("𑐣𑑂𑐴𑐸𑐐𑐸 𑐬𑑀𑐩")𑐫𑐵 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮।

𑐕𑐸𑑄 𑐰𑐶𑐖𑑂𑐘𑐟𑐾𑐳𑑄 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐠𑐶𑐫𑑀𑐡𑑀𑐳𑐶𑐫𑐳 𑑑 (𑑓𑑗𑑙–𑑓𑑙𑑕)𑐫𑐵 𑐎𑐵𑐬𑑂𑐫𑐎𑐵𑐮𑐫𑑂 𑐖𑐸𑐐𑐸 𑐰 𑐏𑑂𑐬𑐶𑐳𑑂𑐚𑐷 𑐢𑐬𑑂𑐩 𑐣𑑄 𑐥𑑂𑐬𑐵𑐔𑐷𑐣 𑐬𑑀𑐩𑐣 𑐢𑐬𑑂𑐩𑐫𑐵 𑐠𑐵𑐳𑐫𑑂 𑐠𑑅 𑐬𑐵𑐖𑐢𑐬𑑂𑐩 𑐖𑐸𑐂𑐢𑐸𑑄𑐎𑐵, 𑐰𑐵 𑑓𑑙𑑕𑐫𑑂 𑐰𑐫𑑂‌𑐎𑑅𑐫𑐵 𑐣𑐶𑐢𑐣 𑐢𑐸𑑄𑐎𑐵, 𑐐𑐧𑑂𑐮𑐾 𑐥𑐹𑐬𑑂𑐰 𑐰 𑐥𑐱𑑂𑐔𑐶𑐩𑐫𑐵 𑐡𑐠𑐸𑐂 𑐬𑐵𑐖𑐣𑐿𑐟𑐶𑐎 𑐰𑐶𑐨𑐵𑐖𑐣 𑐳𑑂𑐠𑐵𑐫𑐷 𑐖𑐸𑐧𑐶𑐮𑐾 𑐖𑐸𑐖𑐸 𑐢𑐎𑐵 𑐰𑐶𑐱𑑂𑐰𑐵𑐳 𑐫𑐵𑐂। 𑐩𑐾𑐩𑐾𑐥𑐶𑑄 𑐰𑐶𑐖𑑂𑐘𑐟𑐾𑐳𑑄 𑐠𑑂𑐰 𑐰𑐶𑐨𑐵𑐖𑐣 𑐰 𑐥𑐮𑐶𑐳𑑂𑐠𑐵𑐫𑐵𑐟 𑐀𑐖𑐴𑑂 𑐮𑐶𑐧𑐵𑐎𑑂𑐎 𑑔𑑗𑑖𑐫𑑂 𑐟𑐿, 𑐠𑑂𑐰 𑐃𑐮𑐾 𑐬𑑀𑐩𑐸𑐮𑐳 𑐀𑐐𑐳𑑂𑐚𑐸𑐮𑐳, 𑐀𑐣𑑂𑐟𑐶𑐩 𑐥𑐱𑑂𑐔𑐶𑐩𑐷 𑐳𑐩𑑂𑐬𑐵𑐚, 𑐫𑐵 𑐥𑐡𑐔𑑂𑐫𑐹𑐟 𑐢𑐸𑑄𑐎𑐵 𑐳𑐵𑐩𑑂𑐬𑐵𑐖𑑂𑐫𑐫𑐵 𑐳𑐎𑐮 𑐀𑐢𑐶𑐎𑐵𑐬 𑐫𑐸𑐣𑐵𑐣𑐷 𑐥𑐹𑐬𑑂𑐰𑐫𑐵 𑐮𑑂𑐴𑐵𑐟𑐾 𑐮𑐵𑐰𑐣𑐾 𑐢𑐸𑑄𑐎𑐵 𑐖𑐸𑐐𑐸 𑐢𑐿𑐐𑐸 𑐢𑐵𑐥𑐹 𑐡𑐸। 𑐩𑐾𑐩𑐾𑐐𑐸 𑐰𑐶𑐔𑐵𑐫𑑂 𑐴𑐾𑐬𑐵𑐎𑑂𑐮𑐶𑐫𑐳𑐫𑐵 𑐂𑐮𑐾 (𑑖𑑒𑑐)𑐫𑑂 𑐮𑑂𑐫𑐵𑐚𑐶𑐣 𑐥𑐡𑐟𑐾𑐟 𑐨𑐵𑐫𑑂‌𑐴𑐶𑐮𑑂𑐴𑐵 𑐁𑐢𑐶𑐎𑐵𑐬𑐶𑐎 𑐟𑐰𑑄 𑐫𑐸𑐣𑐵𑐣𑐷 𑐨𑐵𑐲𑐵𑐫𑑂 𑐥𑐡𑐟𑐾𑐐𑐸 𑐣𑐵𑑄 𑐧𑑂𑐫𑐸𑐧𑐶𑐮𑐾 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐖𑐸𑐐𑐸 𑐢𑐿𑐐𑐸 𑐣𑑄 𑐰𑐶𑐔𑐵 𑐡𑐸।^[२]

𑐥𑐮𑐶𑐳𑑂𑐠𑐵 𑐣𑑂𑐴𑑂𑐫𑐵𑐧𑐶𑐮𑐾 𑐴𑐾 𑐖𑐸𑐐𑐸 𑐖𑐸𑐳𑐵𑑄 𑐠𑑂𑐰 𑐥𑐮𑐶𑐳𑑂𑐠𑐵𑐫𑐵 𑐣𑐶𑑄𑐟𑐶 𑑓𑑓𑑐 𑐣𑐶𑐳𑐾𑑄𑐫𑐵 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑐫𑐵 𑐣𑑂𑐴𑐸𑐐𑐸 𑐬𑐵𑐖𑐢𑐵𑐣𑐷𑐫𑐵 𑐥𑐮𑐶𑐳𑑂𑐠𑐵, 𑐫𑐸𑐣𑐵𑐣𑐷𑐎𑐬𑐞 𑐰 𑐏𑑂𑐬𑐶𑐳𑑂𑐚𑐷𑐎𑐬𑐞 𑐴𑐾 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑑂𑐴𑐸𑐐𑐸 𑐴𑐶𑐮𑐾𑐖𑑂𑐫𑐵 𑐏।

𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐟𑐣 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑐮 𑐀𑐚𑑂𑐚𑑀𑐩𑑂𑐫𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐮𑑂𑐴𑐵𑐟𑐾 𑑑𑑔𑑕𑑓𑐫𑑂 𑐮𑐵𑐫𑑂‌𑐢𑐸𑑄𑐎𑐵 𑐖𑐸𑐐𑐸 𑐢𑐎𑐵 𑐰𑐶𑐱𑑂𑐰𑐵𑐳 𑐫𑐵𑐂। 𑐀𑐠𑐾 𑐖𑐸𑐳𑐵𑑄 𑐫𑐸𑐣𑐵𑐣𑐷𑐟𑐾𑐳𑑄 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐎𑑂𑐲𑐾𑐟𑑂𑐬𑐫𑑂 𑐩𑑀𑐬𑐶𑐫𑐵𑐫𑐵 𑐜𑐾𑐳𑑂𑐥𑑀𑐚𑐾𑐚𑐫𑐵 𑐣𑐵𑐩𑐾 𑑑𑑔𑑖𑑐 𑐟𑐎𑑂𑐎 𑐰 𑐟𑑂𑐬𑐾𑐧𑐶𑐖𑑀𑐣𑑂𑐡 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑐵𑐩𑐾 𑑑𑑔𑑖𑑑 𑐟𑐎𑑂𑐎 𑐱𑐵𑐳𑐣 𑐫𑐵𑐟।

𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫

𑐀𑐚𑑀𑐩𑑂𑐫𑐵𑐣 𑐳𑐵𑐩𑑂𑐬𑐵𑐖𑑂𑐫 𑐰𑐵 𑐄𑐳𑑂𑐩𑐵𑐣𑐷 𑐳𑐵𑐩𑑂𑐬𑐵𑐖𑑂𑐫 (𑐄𑐳𑑂𑐩𑐵𑐣𑐷 𑐟𑐸𑐬𑑂𑐎 𑐨𑐵𑐲𑐵:دولت علیہ عثمانیہ "𑐡𑑁𑐮𑐟 𑐀𑐮𑐿𑐴𑐶 𑐄𑐳𑐩𑐵𑐣𑐶𑐫𑐵") 𑐳𑐣𑑂 𑑑𑑒𑑙𑑙𑐣𑐶𑐳𑐾𑑄 𑐳𑐣𑑂 𑑑𑑙𑑒𑑒 𑐟𑐎𑑂𑐎 𑐡𑐹𑐐𑐸 𑐕𑐐𑐹 𑐩𑐸𑐳𑑂𑐩𑐵𑑄 𑐳𑐮𑑂𑐟𑐣𑐟 𑐏। 𑐠𑑂𑐰 𑐳𑐮𑑂𑐟𑐣𑐟𑐫𑐵 𑐥𑐮𑐶𑐳𑑂𑐠𑐵𑐩𑐶, 𑐖𑐸𑐖𑐸 𑐰 𑐳𑐘𑑂𑐔𑐵𑐮𑐎 𑐚𑐬𑑂𑐎 𑐖𑐵𑐟𑐶𑐫𑐵 𑐩𑐣𑐸 𑐏। 𑐠𑑅𑐐𑐸 𑐡𑐎𑑂𑐮𑐾 𑐥𑑂𑐬𑐨𑐵𑐰𑐱𑐵𑐮𑐷 𑐃𑐮𑐾 (𑑑𑑖𑐐𑐸 𑐣𑐶𑐳𑐾𑑄 𑑑𑑗𑐐𑐸 𑐱𑐟𑐵𑐧𑑂𑐡𑐷𑐂) 𑐠𑑂𑐰 𑐳𑐮𑑆𑑂𑐟𑐣𑐟 𑐳𑑂𑐰𑑄𑐐𑐸 𑐩𑐴𑐵𑐡𑐾𑐱𑐫𑑂 𑐦𑐿𑐮𑐾𑐖𑐸𑐫𑐵𑐔𑑂𑐰𑐣। 𑐠𑑂𑐰 𑐡𑐾𑐫𑑂‌𑐫𑑂 𑐡𑐎𑑂𑐲𑐶𑐞 𑐥𑐹𑐬𑑂𑐰𑐷 𑐫𑐹𑐬𑑀𑐥, 𑐥𑐱𑑂𑐔𑐶𑐩𑐷 𑐊𑐳𑐶𑐫𑐵 𑐰 𑐄𑐟𑑂𑐟𑐬𑐷 𑐀𑐦𑑂𑐬𑐶𑐎𑐵𑐫𑐵 𑐫𑐎𑑂𑐰 𑐠𑐵𑐫𑑂‌ 𑐠𑑂𑐰 𑐬𑐵𑐖𑑂𑐫𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 𑐮𑐵𑐟। 𑐠𑑂𑐰 𑐡𑐾𑐫𑑂‌𑐫𑐵 𑐳𑐷𑐩𑐵𑐣𑐵 𑐥𑐱𑑂𑐔𑐶𑐩𑐫𑑂 𑐖𑐶𑐧𑑂𑐬𑐵𑐮𑑂𑐚𑐬 𑐳𑑂𑐚𑑂𑐬𑐾𑐚, 𑐥𑐹𑐬𑑂𑐰𑐫𑑂 𑐂𑐬𑐵𑐣 𑐰 𑐄𑐟𑑂𑐟𑐬𑐫𑑂 𑐀𑐳𑑂𑐚𑑂𑐬𑐷𑐫𑐵𑐫𑐵 𑐳𑐷𑐩𑐵𑐣𑐵, 𑐳𑑂𑐮𑑀𑐨𑐵𑐎𑐶𑐫𑐵 𑐰 𑐎𑐬𑐷𑐩𑐫𑐵 (𑐁𑐫𑐵 𑐫𑐹𑐎𑑂𑐬𑐾𑐣) 𑐣𑐶𑐳𑐾𑑄 𑐡𑐎𑑂𑐲𑐶𑐞𑐫𑑂 𑐳𑐹𑐜𑐵𑐣, 𑐳𑑀𑐩𑐵𑐮𑐶𑐫𑐵 𑐰 𑐫𑐩𑐣 𑐟𑐎𑑂𑐎 𑐠𑑂𑐫𑑄।

𑐄𑐡𑐫 (𑐳𑐣𑑂 𑑑𑑒𑑙𑑙 -𑐳𑐣𑑂 𑑑𑑔𑑕𑑓)

𑐳𑐮𑐵𑐖𑐎 𑐬𑐸𑐩𑐫𑐵 𑐳𑐮𑑂𑐟𑐣𑐟𑐫𑐵 𑐥𑐟𑐣 𑐢𑐸𑑄𑐎𑐵 𑐀𑐣𑐵𑐟𑐹𑐮𑐶𑐫𑐵𑐫𑑂 𑐎𑐾𑐣𑑂𑐡𑑂𑐬𑐶𑐎𑐺𑐟 𑐱𑐎𑑂𑐟𑐶 𑐩𑐣𑑂𑐟। 𑐱𑐎𑑂𑐟𑐶𑐫𑐵 𑐎𑐵𑐳𑐵 𑐎𑐠𑑄 𑐠𑐷-𑐠𑐷 𑐠𑐵𑐳𑐫𑑂 𑐠𑐷-𑐠𑐷 𑐔𑐶𑐢𑑄𑐐𑐸 𑐬𑐵𑐖𑑂𑐫𑐟𑐫𑐾𑐐𑐸 𑐥𑐮𑐶𑐳𑑂𑐠𑐵 𑐖𑐹𑐰𑐣। 𑐠𑐣𑑂𑐫𑐵𑐐𑐸 𑐔𑐶𑐢𑑄𑐐𑐸 𑐬𑐵𑐖𑑂𑐫𑐟𑐫𑐾𑐐𑐸 𑐥𑐮𑐶𑐳𑑂𑐠𑐵 𑐖𑐸𑐮। 𑐠𑐠𑐾 𑐥𑐮𑐶𑐳𑑂𑐠𑐵 𑐖𑐹𑐐𑐸 𑐬𑐵𑐖𑑂𑐫𑐟 𑐐𑑆𑐵𑐖𑑆𑐷 𑐀𑐩𑐵𑐬𑐵𑐟𑐫𑐵 𑐣𑐵𑐩𑑄 𑐣𑐵𑑄𑐖𑐵। 𑐳𑐣𑑂 𑑑𑑓𑑐𑑐 𑐟𑐎𑑂𑐎 𑐧𑐿𑐖𑐣𑑂𑐚𑐵𑐂𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐀𑐢𑐷𑐣𑐫𑑂 𑐡𑐹𑐐𑐸 𑐀𑐣𑐵𑐟𑐹𑐮𑐶𑐫𑐵 𑑑𑑐𑐐𑐸 𑐐𑑆𑐵𑐖𑑆𑐷 𑐀𑐩𑐵𑐬𑐵𑐟𑐫𑑂 𑐰𑐶𑐨𑐎𑑂𑐟 𑐖𑐸𑐮। 𑐠𑑂𑐰 𑐴𑐾 𑐀𑐩𑐶𑐬𑐵𑐟𑐫𑑂 𑐕𑐐𑐹 𑐥𑐱𑑂𑐔𑐶𑐩𑐷 𑐀𑐣𑐵𑐟𑐹𑐮𑐶𑐫𑐵𑐫𑑂 𑐕𑐐𑐹 𑐬𑐵𑐖𑑂𑐫 𑐄𑐳𑑂𑐩𑐵𑐣 𑐥𑑂𑐬𑐠𑐩𑐫𑐵 𑐖𑐸𑐫𑐵𑐔𑑂𑐰𑐣। 𑐄𑐳𑑂𑐩𑐵𑐣𑐫𑐵 𑐣𑐵𑐩𑑄 𑐴𑐾 𑐠𑑂𑐰 𑐬𑐵𑐖𑑂𑐫𑐫𑐵 𑐣𑐵𑑄 𑐰𑑅𑐐𑐸 𑐏। 𑐳𑐣𑑂 𑑑𑑒𑑘𑑑𑐫𑑂 𑐀𑐬𑑂𑐟𑐐𑑆𑐬𑐮 𑐩𑐡𑐫𑐾𑐢𑐸𑑄𑐎𑐵 𑐠𑑂𑐰 𑐬𑐵𑐖𑑂𑐫 𑐄𑐳𑑂𑐩𑐵𑐣 𑐥𑑂𑐬𑐠𑐩𑐫𑐵 𑐮𑑂𑐴𑐵𑐟𑐫𑑂 𑐮𑐵𑐰𑐣। 𑐰𑐫𑑂‌𑐎𑐮𑑄 𑐳𑐣𑑂 𑑑𑑒𑑙𑑙𑐂 𑐳𑐮𑐖𑑀𑐎𑑆𑐷 𑐳𑐮𑑆𑑂𑐟𑐣𑐟𑑄 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵 𑐫𑐵𑐣𑐵 𑐄𑐳𑑂𑐩𑐵𑐣 𑐥𑑂𑐬𑐠𑐩𑑄 𑐄𑐳𑑂𑐩𑐵𑐣𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐖𑐐 𑐡𑐫𑐾𑐎𑐮। 𑐄𑐳𑑂𑐩𑐵𑐣 𑐥𑑂𑐬𑐠𑐩𑑄 𑐠𑑂𑐰 𑐔𑐶𑐢𑑄𑐐𑐸 𑐬𑐵𑐖𑑂𑐫𑐫𑐵 𑐳𑐷𑐩𑐵 𑐧𑐿𑐖𑐣𑑂𑐚𑐵𑐂𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐳𑐷𑐩𑐵 𑐟𑐎𑑂𑐎 𑐠𑑂𑐫𑑄𑐎𑐮 𑐰 𑐠𑑅𑐐𑐸 𑐡𑐾𑐫𑑂‌𑐫𑐵 𑐬𑐵𑐖𑐢𑐵𑐣𑐷 𑐧𑐬𑐳𑐵𑐫𑑂 𑐴𑐶𑐮𑐵𑐕𑑂𑐰𑐮। 𑐄𑐳𑑂𑐩𑐵𑐣 𑐥𑑂𑐬𑐠𑐩𑐫𑐵𑐟 𑐟𑐬𑑂𑐎𑐟𑐫𑐾𑐳𑑄 𑐳𑐶𑐎𑑂𑐎 𑐩𑐵𑐣𑐾𑐫𑐵। 𑐰𑐫𑑂‌𑐎𑑅𑐫𑐵 𑐳𑐵𑐩𑑂𑐬𑐵𑐖𑑂𑐫𑐫𑐵 𑐁𑐢𑐵𑐬𑐫𑑂 𑐴𑐾 𑐰𑐫𑑂‌𑐎𑑅 𑐩𑐡𑐹𑐐𑐸 𑐕𑐐𑐹 𑐱𑐟𑐵𑐧𑑂𑐡𑐷𑐫𑐵 𑐡𑐸𑐣𑐾 𑐄𑐳𑑂𑐩𑐵𑐣𑐷 𑐳𑐮𑑆𑑂𑐟𑐣𑐟 𑐥𑐹𑐬𑑂𑐰𑐷 𑐨𑐹𑐩𑐢𑑂𑐫𑐳𑐵𑐐𑐬 𑐰 𑐧𑐵𑐮𑑂𑐎𑐣 𑐎𑑂𑐲𑐾𑐟𑑂𑐬 𑐟𑐎𑑂𑐎 𑐠𑑂𑐫𑐣। 𑐠𑑂𑐰 𑐬𑐵𑐖𑑂𑐫𑐫𑐵 𑐳𑐷𑐩𑐵 𑐦𑐿𑐮𑐾𑐖𑐸𑐂𑐐𑐸 𑐠𑑂𑐰 𑐎𑑂𑐬𑐩 𑐄𑐳𑑂𑐩𑐵𑐣𑐫𑐵 𑐄𑐟𑑂𑐟𑐬𑐵𑐢𑐶𑐎𑐵𑐬𑐷𑐟𑐫𑐾𑐳𑑄 𑐣𑑄 𑐣𑐶𑐬𑐣𑑂𑐟𑐬𑐟𑐵 𑐧𑐶𑐮। 𑐀𑐠𑐾 𑐖𑐸𑐳𑐵𑑄 𑐳𑐣𑑂 𑑑𑑔𑑐𑑒𑐂 𑐟𑐾𑐩𑐸𑐬𑐮𑐾𑐣𑑄 𑐀𑐣𑐵𑐟𑐹𑐮𑐶𑐫𑐵𑐫𑑂 𑐁𑐎𑑂𑐬𑐩𑐞 𑐫𑐵𑐟 𑐰 𑐄𑐳𑑂𑐩𑐵𑐣𑐷 𑐳𑐸𑐮𑑂𑐟𑐵𑐣 𑐧𑐵𑐊𑐖𑐷𑐡 𑐥𑑂𑐬𑐠𑐩 𑐫𑐸𑐡𑑂𑐢 𑐧𑐸𑐫𑐵 𑐧𑐣𑑂𑐡𑐷 𑐖𑐸𑐮। 𑐠𑑂𑐰 𑐢𑐸𑑄𑐎𑐵 𑐄𑐳𑑂𑐩𑐵𑐣 𑐬𑐵𑐖𑑂𑐫𑐫𑑂 𑐀𑐳𑑂𑐠𑐶𑐬𑐟𑐵 𑐱𑑂𑐬𑐺𑐖𑐣𑐵 𑐖𑐸𑐮। 𑐧𑐵𑐮𑑂𑐎𑐣𑐫𑐵 𑐠𑐾𑐳𑐵𑐮𑑀𑐣𑐶𑐣𑐶, 𑐩𑑂𑐫𑐵𑐳𑐾𑐜𑑀𑐣𑐶𑐫𑐵 𑐰 𑐎𑑀𑐳𑑀𑐨𑑀 𑐠𑑂𑐰 𑐬𑐵𑐖𑑂𑐫𑑄 𑐳𑐣𑑂 𑑑𑑔𑑐𑑒𑐂 𑐧𑐵𑐫𑐵 𑐰𑐣 𑐟𑐬 𑐮𑐶𑐥𑐵 𑐠𑑂𑐰 𑐨𑐹𑐨𑐵𑐐 𑐩𑐸𑐬𑐵𑐡 𑑒𑐣𑑄 𑐳𑐣𑑂 𑑑𑑔𑑓𑑐 𑐰 𑑑𑑔𑑕𑑐𑐫𑑂 𑐴𑐵𑐣𑑄 𑐳𑐵𑐩𑑂𑐬𑐵𑐖𑑂𑐫𑐫𑑂 𑐮𑐵𑐎𑐮।

𑐧𑐵𑐊𑐖𑐷𑐡 𑐥𑑂𑐬𑐠𑐩𑐫𑐵 𑐧𑐣𑑂𑐡𑐷𑐎𑐬𑐞 𑐢𑐸𑑄𑐎𑐵 𑐰𑑅𑐐𑐸 𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐀𑐳𑑂𑐠𑐶𑐬𑐟𑐵 𑐐𑐺𑐴𑐫𑐸𑐡𑑂𑐢𑐫𑑂 𑐴𑐶𑐮𑐵𑐰𑐣। 𑐠𑑂𑐰 𑐐𑐺𑐴𑐫𑐸𑐡𑑂𑐢 𑐳𑐣𑑂 𑑑𑑔𑑐𑑒 𑐣𑐶𑐳𑐾𑑄 𑐳𑐣𑑂 𑑑𑑔𑑑𑑓 𑐟𑐎𑑂𑐎 𑐖𑐸𑐫𑐵𑐔𑑂𑐰𑐣। 𑐠𑑂𑐰 𑐫𑐸𑐡𑑂𑐢𑐫𑑂 𑐧𑐵𑐊𑐖𑐷𑐡𑐫𑐀 𑐎𑐵𑐫𑑂‌𑐥𑐶𑑄𑐳𑑄 𑐄𑐟𑑂𑐟𑐬𑐵𑐢𑐶𑐎𑐵𑐬𑐷𑐫𑐵 𑐣𑐶𑐫𑐸𑐎𑑂𑐟𑐶𑐫𑐵 𑐰𑐶𑐲𑐫𑐫𑑂‌ 𑐠𑑅-𑐠𑑅 𑐡𑐠𑐸𑐂 𑐮𑑂𑐰𑐵𑐟। 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑐵 𑐮𑑂𑐰𑐵𑐥𑐸 𑐧𑐵𑐊𑐖𑑆𑐷𑐡 𑐥𑑂𑐬𑐠𑐩𑐫𑐵 𑐎𑐵𑐫𑑂‌ 𑐩𑐾𑐴𑐩𑐾𑐡 𑐥𑑂𑐬𑐠𑐩 𑐳𑐩𑑂𑐬𑐵𑐚 𑐖𑐸𑐂 𑐢𑐸𑑄𑐎𑐵 𑐎𑑂𑐰𑐔𑐵𑐮। 𑐰𑐫𑑂‌𑐎𑑅𑐫𑐵 𑐕𑐫𑐾 𑐩𑐾𑐴𑐩𑐾𑐡 𑐡 𑐎𑐣𑑂𑐎𑑂𑐰𑐾𑐬𑐬𑑄 𑐬𑐵𑐖𑑂𑐫 𑐰 𑐬𑐵𑐖𑑂𑐫𑐫𑐵 𑐳𑐵𑐩𑐬𑐶𑐎 𑐱𑐎𑑂𑐟𑐶𑐫𑐵𑐟 𑐥𑐸𑐬𑑂𑐣𑐳𑑄𑐬𑐔𑐣𑐵 𑐫𑐵𑐣𑐵 𑐠𑑅𑐐𑐸 𑐣𑑂𑐴𑐸𑐐𑐸 𑐳𑑄𑐬𑐔𑐣𑐵𑐫𑐵 𑐡𑐳𑐸 𑐩𑐾 𑑒𑑙, 𑐳𑐣𑑂 𑑑𑑔𑑓𑑑𑐫𑑂 𑑒𑑑𑐡𑑃𑐫𑐵 𑐄𑐩𑐾𑐬𑐫𑑂 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑑀𑐮 𑐟𑑂𑐫𑐵𑐣𑐵 𑐎𑑂𑐫𑐣𑐵𑐡𑐶𑐮। 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑑀𑐮 𑐟𑑂𑐫𑐵𑐫𑐾𑐢𑐸𑑄𑐎𑐵 𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐀𑐣 𑐴𑐾 𑐴𑐶𑐮𑐵𑐕𑑂𑐰𑐮। 𑐎𑐣𑑂𑐳𑑂𑐚𑑂𑐫𑐵𑐣𑑂𑐚𑐶𑐣𑑀𑐥𑑀𑐮 𑐥𑐹𑐬𑑂𑐰𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐖𑐹𑐐𑐸𑐮𑐶𑑄 𑐠𑑂𑐰 𑐣𑐐𑐬 𑐟𑑂𑐫𑐵𑐫𑐾𑐢𑐸𑑄𑐎𑐵 𑐩𑐾𑐴𑐩𑐾𑐡 𑑒𑐣𑑄 𑐠𑑅𑐐𑐸 𑐣𑐵𑑄 𑐎𑐾𑐖𑐬-𑐂-𑐬𑐸𑐩 (Kayser-i Rûm)𑐫𑑂 𑐴𑐶𑐮𑐵𑐕𑑂𑐰𑐮। 𑐠𑑂𑐰 𑐣𑐵𑑄 𑐥𑑂𑐬𑐵𑐔𑐷𑐣 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐮𑑂𑐫𑐵𑐚𑐶𑐣 𑐨𑐵𑐲𑐵𑐫𑐵 Caesar Romanus 𑐀𑐬𑑂𑐠𑐵𑐟 𑐬𑑀𑐩𑐣 𑐖𑐸𑐖𑐸𑐫𑐵 𑐣𑐵𑐩𑑄 𑐟𑑅𑐐𑐸 𑐏। 𑐫𑐸𑐬𑑀𑐥𑐫𑑂 𑐢𑐵𑑅𑐳𑐵 𑐰 𑐃𑐮𑐾 𑐄𑐳𑑂𑐩𑐵𑐣 𑐳𑐵𑐩𑑂𑐬𑐵𑐖𑑂𑐫 𑐕𑐐𑐹 𑐐𑐿𑐴𑑂𑐬 𑐫𑐸𑐬𑑀𑐥𑐾𑐮𑐷 𑐩𑐸𑐳𑑂𑐩𑐵𑑄 𑐳𑐵𑐩𑑂𑐬𑐵𑐖𑑂𑐫𑐫𑐵 𑐬𑐸𑐥𑐫𑑂 𑐔𑐶𑐟𑑂𑐬𑐶𑐟 𑐖𑐸𑐫𑐵𑐔𑑂𑐰𑐣। 𑐥𑐹𑐬𑑂𑐰𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐩𑐹 𑐧𑐵𑐳𑐶𑐣𑑂𑐡𑐵 𑐫𑐰𑐣𑐟𑐫𑐾𑐳𑑄 𑐰 𑐫𑐸𑐬𑑀𑐥𑐫𑐵 𑐩𑐾𑐩𑐾𑐐𑐸 𑐱𑐎𑑂𑐟𑐶𑐟𑐫𑐾𑐳𑑄 𑐄𑐳𑑂𑐩𑐵𑐣𑐟𑐫𑐾𑐐𑐸 𑐠𑑂𑐰 𑐣𑑂𑐴𑐸𑐐𑐸 𑐣𑐵𑑄𑐫𑐵𑐟 𑐩𑐵𑐣𑐾𑐩𑐫𑐵। 𑐣𑐵𑐥𑑄, 𑐥𑐹𑐬𑑂𑐰𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐰𑐵𑐳𑑂𑐟𑐰𑐶𑐎 𑐄𑐟𑑂𑐟𑐬𑐵𑐢𑐶𑐎𑐵𑐬𑐷𑐫𑐵 𑐬𑐸𑐥𑐫𑑂 𑐬𑐸𑐳𑐷 𑐖𑐵𑐬𑐟𑐫𑐾𑐳𑑄 𑐠𑑅 𑐖𑐹𑐐𑐸 𑐀𑐜𑐵𑐣 𑐎𑐵𑐮। 𑐠𑑅𑐫𑐵𑐟 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐰𑐿𑐢𑐵𑐣𑐶𑐎 𑐄𑐟𑑂𑐟𑐬𑐵𑐢𑐶𑐎𑐵𑐬𑐷 𑐳𑐵𑐧𑐶𑐟 𑐫𑐵𑐫𑐾𑐟 𑐩𑐾𑐴𑐩𑐾𑐡𑑄 𑐥𑐱𑑂𑐔𑐶𑐩𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐣𑑄 𑐠𑑅𑐐𑐸 𑐀𑐢𑐷𑐣𑐫𑑂 𑐫𑐵𑐫𑐾𑐐𑐸 𑐰𑐶𑐔𑐵𑐬𑑄 𑐥𑐱𑑂𑐔𑐶𑐩𑐷 𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐬𑑀𑐩 𑐎𑐾𑐣𑑂𑐡𑑂𑐬𑐶𑐟 𑐁𑐎𑑂𑐬𑐩𑐞 𑐣𑑂𑐴𑑂𑐫𑐠𑐣। 𑐳𑐣𑑂 𑑑𑑔𑑘𑑐𑐫𑐵 𑐖𑐸𑐮𑐵𑐃 𑑒𑑘𑐫𑑂 𑐄𑐳𑑂𑐩𑐵𑐣𑐷 𑐳𑐾𑐣𑐵𑑄 𑐂𑐚𑐵𑐮𑐷 𑐥𑑂𑐬𑐵𑐫𑐡𑑂𑐰𑐷𑐥𑐫𑐵 𑐌𑐚𑑂𑐬𑐵𑐣𑑂𑐚𑑀 𑐰 𑐀𑐥𑑀𑐮𑐫𑐵 𑐣𑐐𑐬 𑐠𑑅𑐐𑐸 𑐀𑐢𑐷𑐣𑐫𑑂 𑐮𑐵𑐎𑐮। 𑐳𑐣𑑂 𑑑𑑔𑑘𑑑𑐫𑐵 𑐩𑐾 𑑓 𑐏𑐸𑐣𑐸 𑐩𑐾𑐴𑐩𑐾𑐡 𑐩𑐡𑐾𑐫𑐾 𑐢𑐸𑑄𑐎𑐵 𑐂𑐚𑐵𑐮𑐷 𑐎𑐧𑑂𑐖𑐵 𑐫𑐵𑐫𑐾𑐐𑐸 𑐠𑑅𑐐𑐸 𑐫𑑀𑐖𑐣𑐵 𑐎𑑂𑐰𑐔𑐵𑐫𑐾𑐎𑐮।

𑐰𑐶𑐎𑐵𑐳 (𑐳𑐣𑑂 𑑑𑑔𑑕𑑓 -𑐳𑐣𑑂 𑑑𑑖𑑘𑑓)

𑐄𑐳𑑂𑐩𑐵𑐣𑐷 𑐂𑐟𑐶𑐴𑐵𑐳𑐫𑑂 𑐠𑑂𑐰 𑐳𑐩𑐫 𑐣𑐶𑐐𑐸 𑐠𑐷-𑐠𑐷 𑐨𑐵𑐐𑐫𑑂 𑐧𑐵𑐫𑐾𑐕𑐶𑑄:

𑐳𑐣𑑂 𑑑𑑕𑑖𑑖 𑐟𑐎𑑂𑐎𑐫𑐵 𑐁𑐬𑑂𑐠𑐶𑐎, 𑐨𑑁𑐐𑑀𑐮𑐶𑐎 𑐰 𑐳𑐵𑐩𑐵𑐖𑐶𑐎 𑐰𑐺𑐡𑑂𑐢𑐶𑐫𑐵 𑐫𑐸𑐐
𑐳𑐣𑑂 𑑑𑑕𑑖𑑖 𑐢𑐸𑑄𑐎𑐵𑐫𑐵 𑐕𑐐𑐹 𑐬𑐵𑐖𑐣𑐿𑐟𑐶𑐎 𑐰 𑐳𑐵𑐩𑐬𑐶𑐎 𑐀𑐥𑑂𑐬𑐐𑐟𑐶𑐫𑐵 𑐫𑐸𑐐

𑐳𑑂𑐰𑐫𑐵𑐡𑐶𑐳𑑃

𑐚𑐬𑑂𑐎𑐷

𑐮𑐶𑐢𑑄𑐳𑐵

↑ Byzantium and the Magyars, Gyula Moravcsik, Samuel R. Rosenbaum p. 11
↑ Europe: A History. Oxford: Oxford University Press 1996. ISBN 0-19-820171-0

𑐥𑐸𑐔𑑅:𑐚𑐬𑑂𑐎𑐷

[1] Byzantium and the Magyars, Gyula Moravcsik, Samuel R. Rosenbaum p. 11

[Europe-2] Europe: A History. Oxford: Oxford University Press 1996. ISBN 0-19-820171-0

[१]

[२]