छ्येलेमि:Eukesh/Auto/NepalScript/तमिल संकिपा

𑐟𑐩𑐶𑐮 𑐳𑑄𑐎𑐶𑐥𑐵
𑐟𑐩𑐶𑐮 𑐳𑑄𑐎𑐶𑐥𑐵
	𑐔𑐾𑐣𑑂𑐣𑐃𑐫𑐵 𑐎𑐩𑐮𑐵 𑐠𑐶𑐊𑐟𑐬
Number of screens	1546 Single-screens in Tamil Nadu
Main distributors	Ayngaran International; Aascar Films; AVM Productions
Produced feature films (2012)
Total	262
Gross Box Office (2013)
National films	India: Template:INRConvert

देवनागरीइ ब्वनेत: तमिल संकिपा तियादिसँ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐟𑐩𑐶𑐮 𑐳𑑄𑐎𑐶𑐥𑐵 𑐟𑐩𑐶𑐮𑐣𑐵𑐜𑐸 𑐬𑐵𑐖𑑂𑐫𑐫𑐵 𑐩𑐹 𑐣𑑂𑐰𑐰𑐵𑐂𑐐𑐸 𑐨𑐵𑐲𑐵 𑐟𑐩𑐶𑐮 𑐨𑐵𑐲𑐵𑐫𑑂 𑐳𑑄𑐎𑐶𑐥𑐵𑐫𑐵 𑐣𑐶𑐬𑑂𑐩𑐵𑐞𑐫𑑂 𑐳𑐩𑐬𑑂𑐥𑐶𑐟 𑐨𑐵𑐬𑐟𑐷𑐫 𑐳𑐶𑐣𑐾𑐩𑐵𑐫𑐵 𑐏𑐞𑑂𑐜 𑐏। 𑐠𑑂𑐰 𑐳𑐶𑐣𑐾𑐩𑐵𑐫𑐵𑐟 𑐎𑐮𑐶𑐄𑐜𑐫𑐵 𑐣𑐵𑐩𑑄 𑐣𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐣𑐵𑑄 𑐎𑑀𑐡𑐩𑑂𑐧𑐎𑐩𑑂 (𑐟𑐩𑐶𑐮 𑐳𑑄𑐎𑐶𑐥𑐵 𑐳𑑂𑐚𑐸𑐜𑐶𑐫𑑀𑑄 𑐖𑐵𑑅𑐐𑐸 𑐔𑐾𑐣𑑂𑐣𑐃𑐫𑐵 𑐟𑑂𑐰𑐵𑑅) 𑐰 𑐴𑐮𑐶𑐄𑐜𑐫𑐵 𑐣𑐵𑑄 𑐳𑑂𑐰𑐵𑐣𑐵𑑅 𑐡𑐫𑐾𑐎𑐹𑐐𑐸 𑐣𑐵𑑄 𑐏।

𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐟𑐩𑐶𑐮 𑐩𑐹𑐎 𑐳𑑄𑐎𑐶𑐥𑐵 𑐎𑐷𑐔𑐎 𑐰𑐢𑐵𑐩 𑐳𑐣𑑂 𑑑𑑙𑑑𑑘𑐂 𑐁𑐬. 𑐣𑐚𑐬𑐵𑐖𑐵 𑐩𑐸𑐡𑐮𑐶𑐫𑐬𑑄 𑐡𑐫𑑂𑐎𑐹𑐐𑐸 𑐏। 𑐣𑑂𑐴𑐵𑐥𑐵𑑄𑐐𑐸 𑐟𑐩𑐶𑐮 𑐏𑑃 𑐮𑑂𑐴𑐵𑐂𑐐𑐸 𑐦𑐷𑐔𑐬 𑐳𑑄𑐎𑐶𑐥𑐵 𑐎𑐵𑐮𑐶𑐡𑐵𑐳, 𑐊𑐔. 𑐊𑐩. 𑐬𑐾𑐜𑑂𑐜𑐷𑐫𑐵 𑐣𑐶𑐬𑑂𑐡𑐾𑐱𑐣𑐫𑑂 𑐧𑐴𑐸𑐨𑐵𑐲𑐷 𑐳𑑄𑐎𑐶𑐥𑐵𑐫𑐵 𑐎𑐠𑑄 𑐨𑐵𑐬𑐟𑐫𑐵 𑐣𑑂𑐴𑐵𑐥𑐵𑑄𑐐𑐸 𑐏𑑃 𑐮𑑂𑐴𑐵𑐂𑐐𑐸 𑐳𑑄𑐎𑐶𑐥𑐵 𑐁𑐮𑐩 𑐁𑐬𑐵𑐫𑐵 𑑗 𑐮𑐵 𑐢𑐸𑑄𑐎𑐵 𑑓𑑑 𑐀𑐎𑑂𑐚𑑀𑐧𑐬 𑑑𑑙𑑓𑑑𑐫𑑂 𑐥𑐶𑐴𑐵𑑄𑐰𑐮। 𑐟𑐩𑐶𑐮 𑐳𑑄𑐎𑐶𑐥𑐵 𑐠𑑅𑐐𑐸 𑐄𑐣𑑂𑐣𑐟 𑐁𑐏𑑂𑐫𑐵𑐣 𑐰 𑐰𑐶𑐰𑐶𑐢 𑐳𑑄𑐎𑐶𑐥𑐵𑐫𑐵 𑐣𑐶𑑄𑐟𑐶𑑄 𑐣𑐵𑑄𑐖𑐵𑑅𑐐𑐸 𑐡𑐸। 𑐳𑐣𑑂 𑑑𑑙𑑙𑑐𑐫𑐵 𑐡𑐱𑐎 𑐰 𑑒𑑐𑑐𑑐𑐫𑐵 𑐡𑐱𑐎𑐫𑐵 𑐳𑐸𑐬𑐸𑐂 𑐖𑐵𑐟𑐷𑐫 𑐰 𑐨𑐵𑐲𑐶𑐎 𑐥𑑄𑐐𑑅𑐫𑐵𑐟 𑐔𑐷𑐎𑐵𑑅 𑐫𑐎𑑂𑐰 𑐣𑐶𑐬𑑂𑐩𑐵𑐞 𑐖𑐹𑐐𑐸 𑐡𑐸। 𑐠𑐣𑑂𑐫𑐵𑐐𑐸 𑐳𑑄𑐎𑐶𑐥𑐵𑐫𑑂 𑐬𑑀𑐖𑐵 (𑑑𑑙𑑙𑑒), 𑐧𑐩𑑂𑐧𑐃 (𑑑𑑙𑑙𑑕), 𑐂𑐞𑑂𑐜𑐶𑐫𑐣 (𑑑𑑙𑑙𑑖) 𑐰 𑐊𑐣𑑂𑐠𑐶𑐬𑐣 (𑑒𑑐𑑑𑑐) 𑐮𑐵। 𑐟𑐩𑐶𑐮 𑐳𑑄𑐎𑐶𑐥𑐵𑑄 𑐰𑐫𑐵𑑄 𑐮𑐶𑐥𑐵 𑐨𑐵𑐬𑐟𑐷𑐫 𑐳𑑄𑐎𑐶𑐥𑐵𑐫𑐵 𑐕𑐸𑑄 𑐰𑑂𑐫𑐵𑐰𑐳𑐵𑐫𑐶𑐎 𑐬𑐸𑐥𑑄 𑐳𑐦𑐮 𑐀𑐨𑐶𑐣𑐾𑐟𑐵, 𑐣𑐶𑐬𑑂𑐡𑐾𑐱𑐎 𑐰 𑐳𑑄𑐎𑐶𑐥𑐵 𑐡𑐫𑐾𑐎𑐹𑐐𑐸 𑐡𑐸।

𑐳𑐣𑑂 𑑑𑑙𑑓𑑐𑐫𑐵 𑐡𑐱𑐎𑐫𑐵 𑐀𑐣𑑂𑐟𑑂𑐫 𑐟𑐎𑑂𑐎 𑐩𑐡𑑂𑐬𑐵𑐳 𑐬𑐵𑐖𑑂𑐫𑐫𑐵 𑐰𑑂𑐫𑐰𑐳𑑂𑐠𑐵𑐥𑐶𑐎𑐵 𑐳𑑄𑐳𑐡𑑄 𑐳𑐣𑑂 𑑑𑑙𑑓𑑙𑐫𑐵 𑐩𑐣𑑀𑐬𑐘𑑂𑐖𑐣 𑐎𑐬 𑐋𑐣 𑐥𑐵𑐬𑐶𑐟 𑐫𑐵𑐟। 𑐩𑐡𑑂𑐬𑐵𑐳 (𑐠𑑁𑑄𑐎𑐣𑑂𑐴𑐫𑑂 𑐔𑐾𑐣𑑂𑐣𑐃), 𑐀𑐣𑑄𑐮𑐶 𑐴𑐶𑐣𑑂𑐡𑐷 𑐳𑑄𑐎𑐶𑐥𑐵, 𑐩𑐾𑐩𑐾𑐐𑐸 𑐡𑐎𑑂𑐲𑐶𑐞 𑐨𑐵𑐬𑐟𑐷𑐫 𑐳𑑄𑐎𑐶𑐥𑐵 𑐄𑐡𑑂𑐫𑑀𑐐, 𑐣𑐵𑐥𑑄 𑐱𑑂𑐬𑐷𑐮𑑄𑐎𑐵𑐫𑐵 𑐳𑑄𑐎𑐶𑐥𑐵𑐫𑐵 𑐣𑐶𑑄𑐟𑐶𑑄 𑐕𑐐𑐹 𑐩𑐵𑐢𑑂𑐫𑐩𑐶𑐎 𑐎𑐾𑐣𑑂𑐡𑑂𑐬 𑐖𑐸𑐮। 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐮𑐶𑐥𑐵𑑄𑐐𑐸 𑐃𑐮𑐫𑑂 𑐟𑐩𑐶𑐮 𑐳𑑄𑐎𑐶𑐥𑐵𑑄 𑐰𑐶𑐱𑑂𑐰𑐰𑑂𑐫𑐵𑐥𑐷 𑐄𑐥𑐳𑑂𑐠𑐶𑐟𑐶 𑐳𑑂𑐠𑐵𑐥𑐶𑐟 𑐫𑐵𑐟। 𑐠𑑂𑐰 𑐃𑐮𑐫𑑂 𑐱𑑂𑐬𑐷𑐮𑑄𑐎𑐵, 𑐩𑐮𑐾𑐱𑐶𑐫𑐵 𑐰 𑐳𑐶𑑄𑐐𑐵𑐥𑐸𑐬𑐫𑐵 𑐟𑐩𑐶𑐮 𑐨𑐵𑐲𑐷 𑐡𑐬𑑂𑐱𑐎𑐟𑐾𑐐𑐸 𑐡𑐠𑐸𑐂 𑐧𑐮𑑂𑐮𑐵𑑅𑐐𑐸 𑐧𑐎𑑂𑐳 𑐀𑐦𑐶𑐳 𑐳𑐦𑐮𑐟𑐵 𑐎𑐵𑐫𑐾𑐦𑐟। 𑐟𑐩𑐶𑐮 𑐳𑑄𑐎𑐶𑐥𑐵 𑐩𑐢𑑂𑐫𑐥𑐹𑐬𑑂𑐰, 𑐌𑐳𑐶𑐫𑐵𑐣𑐶𑐫𑐵, 𑐫𑐸𑐬𑑀𑐥, 𑐄𑐟𑑂𑐟𑐬 𑐀𑐩𑐾𑐬𑐶𑐎𑐵, 𑐀𑐦𑑂𑐬𑐶𑐎𑐵𑐫𑐵 𑐕𑐸𑑄 𑐨𑐵𑐐, 𑐰 𑐖𑐵𑐥𑐵𑐣𑐫𑑂 𑐣𑑄 𑐰𑐶𑐟𑐬𑐞 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐠𑑂𑐰 𑐄𑐡𑑂𑐫𑑀𑐐𑑄 𑐱𑑂𑐬𑐷𑐮𑑄𑐎𑐵, 𑐩𑐮𑐾𑐳𑐶𑐫𑐵, 𑐳𑐶𑑄𑐐𑐵𑐥𑐸𑐬 𑐰 𑐥𑐱𑑂𑐔𑐶𑐩𑐫𑐵 𑐟𑐩𑐶𑐮 𑐥𑑂𑐬𑐰𑐵𑐳𑐷 𑐖𑐣𑐳𑑄𑐏𑑂𑐫𑐵 𑐡𑐠𑐸𑐂 𑐳𑑂𑐰𑐟𑐣𑑂𑐟𑑂𑐬 𑐳𑑄𑐎𑐶𑐥𑐵 𑐡𑐫𑐾𑐎𑐾𑐐𑐸 𑐥𑑂𑐬𑐾𑐬𑐞𑐵 𑐣𑑄 𑐧𑐶𑐮।