छ्येलेमि:Eukesh/Auto/NepalScript/जर्ज वाशिङ्तन
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐖𑐬𑑂𑐖 𑐰𑐵𑐱𑐶𑐒𑑂𑐟𑐣 𑐰𑐵 𑐖𑐬𑑂𑐖 𑐰𑐵𑐱𑐶𑑄𑐐𑐚𑐣 (𑐦𑐾𑐧𑑂𑐬𑐸𑐀𑐬𑐷 𑑒𑑒, 𑑑𑑗𑑓𑑒 - 𑐜𑐶𑐳𑐾𑐩𑑂𑐧𑐬 𑑑𑑔, 𑑑𑑗𑑙𑑙) 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐕𑐩𑑂𑐴 𑐥𑐮𑐶𑐳𑑂𑐠𑐵𑐩𑐶 𑐏। 𑐰𑐫𑑂𑐎𑑅 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐩𑑂𑐴 𑐬𑐵𑐲𑑂𑐚𑑂𑐬𑐥𑐟𑐶 𑐣𑑄 𑐏। 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐬𑐵𑐖𑐢𑐵𑐣𑐷 𑐰 𑐰𑐵𑐱𑐶𑐒𑑂𑐟𑐣 𑐬𑐵𑐖𑑂𑐫𑐫𑐵 𑐣𑐵𑑄 𑐰𑐫𑑂𑐎𑑅𑐫𑐵 𑐣𑐵𑐩𑑄 𑐴𑐾 𑐟𑑅𑐐𑐸 𑐏। 𑐠𑑅𑐐𑐸 𑐖𑐷𑐰𑐣𑐫𑑂 𑐰𑐫𑑂𑐎𑐮𑑄 𑐕𑐩𑑂𑐴 𑐀𑐩𑐾𑐬𑐶𑐎𑐷 𑐳𑑄𑐳𑑂𑐠𑐵𑐥𑐎 𑐀𑐧𑐸, 𑐳𑐿𑐣𑑂𑐫 𑐀𑐢𑐶𑐎𑐵𑐬𑐷, 𑐧𑐸𑑄𑐖𑑂𑐫𑐵 𑐰 𑐳𑐣𑑂 𑑑𑑗𑑘𑑙 𑐣𑐶𑐳𑐾𑑄 𑑑𑑗𑑙𑑗 𑐟𑐎𑑂𑐎 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐖𑑂𑐫𑐵 𑐫𑐵𑐣𑐵𑐡𑐶𑐮। 𑐰𑐵𑐱𑐶𑑄𑐐𑐚𑐣𑑄 𑐀𑐩𑐾𑐬𑐶𑐎𑐷 𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐫𑐸𑐡𑑂𑐢𑐫𑑂 𑐡𑐾𑐱𑐨𑐎𑑂𑐟 𑐳𑐾𑐣𑐵𑐫𑐵𑐟 𑐰𑐶𑐖𑐫𑐫𑐵 𑐣𑐶𑑄𑐟𑐶𑑄 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐮 𑐰 𑐀𑐣𑑄𑐮𑐶 𑐳𑐣𑑂 𑑑𑑗𑑘𑑗𑐫𑑂 𑐳𑑄𑐰𑐿𑐢𑐵𑐣𑐶𑐎 𑐩𑐴𑐵𑐢𑐶𑐰𑐾𑐱𑐣𑐫𑐵 𑐀𑐢𑑂𑐫𑐎𑑂𑐲𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐣𑐵𑐡𑐶𑐮, 𑐐𑐸𑐎𑐶𑐮𑐶𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐰𑐬𑑂𑐟𑐩𑐵𑐣 𑐳𑑄𑐰𑐶𑐢𑐵𑐣𑐫𑐵 𑐩𑐳𑑂𑐫𑑁𑐡𑐵 𑐡𑐫𑐾𑐎𑐮। 𑐠𑐸𑐎𑐠𑑄 𑐰𑐵𑐱𑐶𑑄𑐐𑐚𑐣𑐫𑐵𑐟 𑐳𑐵𑐩𑐵𑐣𑑂𑐫𑐟𑐫𑐵 𑐀𑐩𑐾𑐬𑐶𑐎𑐵 𑐡𑐾𑐫𑑂𑐫𑐵 𑐀𑐧𑐸𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐾𑐐𑐸 𑐫𑐵।
𑐰𑐵𑐱𑐶𑑄𑐐𑐚𑐣𑐫𑐵 𑐣𑑂𑐴𑐵𑐥𑐵𑑄𑐐𑐸 𑐳𑐵𑐬𑑂𑐰𑐖𑐣𑐶𑐎 𑐥𑐡 𑐳𑐣𑑂 𑑑𑑗𑑔𑑙 𑐣𑐶𑐳𑐾𑑄 𑑑𑑗𑑕𑑐 𑐟𑐎𑑂𑐎 𑐨𑐬𑑂𑐖𑐶𑐣𑐶𑐫𑐵𑐫𑐵 𑐄𑐥𑐣𑐶𑐰𑐾𑐱𑐫𑑂 𑐔𑑂𑐰𑑄𑐐𑐸 𑐎𑐸𑐮𑐥𑐾𑐥𑐬 𑐎𑐵𑐄𑐣𑑂𑐚𑐷𑐫𑐵 𑐳𑐬𑑂𑐨𑐾𑐫𑐬𑐫𑐵 𑐬𑐸𑐥𑐫𑑂 𑐖𑐸𑐮। 𑐳𑐣𑑂 𑑑𑑗𑑕𑑒𑐂 𑐰𑐫𑑂𑐎𑐮𑑄 𑐳𑐿𑐣𑐶𑐎 𑐟𑐵𑐮𑐶𑐩 𑐎𑐫𑐵 𑐨𑐬𑑂𑐖𑐶𑐣𑐶𑐫𑐵 𑐬𑐾𑐖𑐶𑐩𑐾𑐣𑑂𑐚𑐫𑑂 𑐩𑐾𑐖𑐬𑐫𑐵 𑐥𑐡 𑐥𑑂𑐬𑐵𑐥𑑂𑐟 𑐫𑐵𑐣𑐵𑐡𑐶𑐮। 𑐦𑑂𑐬𑐵𑐣𑑂𑐳𑐾𑐮𑐷 𑐰 𑐁𑐡𑐶𑐰𑐵𑐳𑐷 𑐫𑐸𑐡𑑂𑐢𑐫𑐵 𑐂𑐮𑐫𑑂 𑐰𑐵𑐱𑐶𑑄𑐐𑐚𑐣𑐫𑐵𑐟 𑐳𑐣𑑂 𑑑𑑗𑑕𑑔𑐂 𑐮𑐾𑐦𑑂𑐚𑐶𑐣𑐾𑐣𑑂𑐚 𑐎𑐬𑑂𑐣𑐮𑐫𑐵 𑐥𑐡𑐫𑑂 𑐥𑐡𑑀𑐣𑑂𑐣𑐟𑐶 𑐫𑐵𑐟 𑐰 𑐰𑐫𑐵𑑄 𑐮𑐶𑐥𑐵 𑐳𑐣𑑂 𑑑𑑗𑑕𑑕𑐂 𑐨𑐬𑑂𑐖𑐶𑐣𑐶𑐫𑐵 𑐬𑐾𑐖𑐶𑐩𑐾𑐣𑑂𑐚𑐫𑐵 𑐥𑑂𑐬𑐩𑐸𑐏 𑐖𑐸𑐫𑐵𑐡𑐶𑐮। 𑐮𑐶𑐥𑐵 𑐰𑐫𑑂𑐎𑑅 𑐨𑐬𑑂𑐖𑐶𑐣𑐶𑐫𑐵 𑐴𑐵𑐄𑐳 𑐀𑐦 𑐧𑐬𑑂𑐐𑐾𑐳𑐾𑐳𑐫𑑂 (Virginia House of Burgesses) 𑐣𑐶𑐬𑑂𑐰𑐵𑐔𑐶𑐟 𑐖𑐸𑐮 𑐰 𑐦𑐶𑐮𑐵𑐜𑐾𑐮𑑂𑐦𑐶𑐫𑐵𑐫𑑂 𑐔𑑂𑐰𑑄𑐐𑐸 𑐎𑐣𑑂𑐚𑐶𑐣𑐾𑐣𑑂𑐚𑐮 𑐎𑐵𑑄𑐐𑑂𑐬𑐾𑐳𑐫𑐵 𑐥𑑂𑐬𑐟𑐶𑐣𑐶𑐢𑐶𑐫𑐵 𑐬𑐸𑐥𑐫𑑂 𑐩𑐣𑑀𑐣𑐶𑐟 𑐖𑐸𑐫𑐵𑐡𑐶𑐮। 𑐎𑐣𑑂𑐚𑐶𑐣𑐾𑐣𑑂𑐚𑐮 𑐎𑐵𑑄𑐐𑑂𑐬𑐾𑐳𑑄 𑐰𑐫𑑂𑐎𑑅𑐫𑐵𑐟 𑐎𑐣𑑂𑐟𑐶𑐣𑐾𑐣𑑂𑐟𑐮 𑐁𑐬𑑂𑐩𑐷𑐫𑐵 𑐥𑑂𑐬𑐩𑐸𑐏 𑐳𑐾𑐣𑐵𑐥𑐟𑐶 𑐣𑐶𑐫𑐸𑐎𑑂𑐟 𑐫𑐵𑐟। 𑐰𑐵𑐱𑐶𑑄𑐐𑐚𑐣𑐫𑐵 𑐣𑐾𑐟𑐺𑐟𑑂𑐟𑑂𑐰𑐫𑑂 𑐀𑐩𑐾𑐬𑐶𑐎𑐷 𑐳𑐾𑐣𑐵𑑄 𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐫𑐸𑐡𑑂𑐢𑐫𑑂 𑐧𑐾𑐮𑐵𑐫𑐟𑐷𑐟𑐾𑐐𑐸 𑐰𑐶𑐬𑐸𑐡𑑂𑐢 𑐣𑐶𑐬𑑂𑐞𑐵𑐫𑐎 𑐬𑐸𑐥𑑄 𑐟𑑂𑐫𑐵𑐟𑑅। 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐧𑐾𑐮𑐵𑐫𑐟𑐷𑐟𑐾𑐳𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑐵𑐬𑑂𑐰𑐨𑑁𑐩𑐳𑐟𑑂𑐟𑐵 𑐰 𑐳𑑂𑐰𑐟𑐣𑑂𑐟𑑂𑐬𑐟𑐵𑐫𑐵𑐟 𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐥𑐾𑐬𑐶𑐳 𑐳𑐣𑑂𑐢𑐶𑐂 𑐴𑐳𑑂𑐟𑐵𑐎𑑂𑐲𑐬 𑐫𑐵𑐟। 𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐫𑐸𑐡𑑂𑐢 𑐎𑑂𑐰𑐔𑐵𑐫𑐾𑐢𑐸𑑄𑐎𑐵 𑐳𑐣𑑂 𑑑𑑗𑑘𑑓𑐫𑑂 𑐰𑐫𑑂𑐎𑐮𑑄 𑐠𑑅𑐐𑐸 𑐳𑐿𑐣𑑂𑐫 𑐖𑐶𑐩𑑂𑐩𑐾𑐰𑐵𑐬𑐷𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐡𑐶𑐮।
𑐰𑐵𑐱𑐶𑑄𑐐𑐚𑐣𑑄 𑐳𑑄𑐰𑐶𑐢𑐵𑐣𑐫𑐵𑐟 𑐳𑑂𑐰𑐷𑐎𑐵𑐬 𑐫𑐵𑐫𑐾𑐐𑐸 𑐰 𑐀𑐣𑐸𑐩𑑀𑐡𑐣 𑐫𑐵𑐫𑐾𑐐𑐸 𑐖𑑂𑐫𑐵𑐫𑑂 𑐀𑐥𑐬𑐶𑐴𑐵𑐬𑑂𑐫 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑐡𑐶𑐮, 𑐐𑐸𑐎𑐶𑑄 𑐳𑐣𑑂 𑑑𑑗𑑘𑑙 𑐫𑑂 𑐎𑐣𑑂𑐦𑐾𑐜𑐾𑐬𑐾𑐳𑐣𑐫𑐵 𑐢𑐵𑐬𑐵𑐫𑐵𑐟 𑐥𑑂𑐬𑐟𑐶𑐳𑑂𑐠𑐵𑐥𑐣 𑐫𑐵𑐟। 𑐀𑐣𑑄𑐮𑐶 𑐰𑐫𑑂𑐎𑑅𑐫𑐵𑐟 𑐣𑐶𑐎𑑂𑐰𑑅𑐟𑐎 𑐳𑐣𑑂 𑑑𑑗𑑘𑑘 𑐰 𑑑𑑗𑑙𑑒 𑐫𑑂 𑐂𑐮𑐾𑐎𑑂𑐚𑑀𑐬𑐮 𑐎𑐮𑐾𑐖𑑄 𑐳𑐬𑑂𑐰𑐳𑐩𑑂𑐩𑐟𑐶𑑄 𑐬𑐵𑐲𑑂𑐚𑑂𑐬𑐥𑐟𑐶 𑐣𑐶𑐬𑑂𑐰𑐵𑐔𑐶𑐟 𑐫𑐵𑐟। 𑐩𑐣𑑂𑐟𑑂𑐬𑐶𑐥𑐬𑐶𑐲𑐡𑐫𑐵 𑐡𑐸𑐖𑑅 𑐠𑑀𑐩𑐳 𑐖𑐾𑐦𑐬𑐳𑐣 𑐰 𑐀𑐮𑐾𑐎𑑂𑐖𑐾𑐣𑑂𑐜𑐬 𑐴𑑂𑐫𑐵𑐩𑐶𑐮𑑂𑐚𑐣 𑐡𑐠𑐸𑐂 𑐧𑑂𑐰𑐮𑑄𑐐𑐸 𑐟𑐔𑑂𑐰𑑅𑐐𑐸 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐫𑑂 𑐣𑐶𑐲𑑂𑐥𑐎𑑂𑐲 𑐖𑐸𑐫𑐵𑐡𑐶𑐮। 𑐣𑐵𑐥𑑄, 𑐰𑐵𑐱𑐶𑑄𑐐𑐚𑐣𑑄 𑐧𑐮𑑂𑐮𑐵𑑅𑐐𑐸 𑐰 𑐰𑐶𑐟𑑂𑐟𑐷𑐫 𑐬𑐸𑐥𑐫𑑂 𑐳𑑂𑐠𑐶𑐬 𑐬𑐵𑐲𑑂𑐚𑑂𑐬𑐶𑐫 𑐳𑐬𑐎𑐵𑐬 𑐡𑐫𑐾𑐎𑐵𑐡𑐶𑐮। 𑐦𑑂𑐬𑐵𑐣𑑂𑐳𑐾𑐮𑐷 𑐎𑑂𑐬𑐵𑐣𑑂𑐟𑐶𑐫𑐵 𑐂𑐮𑐫𑑂 𑐰𑐫𑑂𑐎𑐮𑑄 𑐟𑐚𑐳𑑂𑐠𑐟𑐵𑐫𑐵 𑐣𑐷𑐟𑐶 𑐑𑑀𑐲𑐞𑐵 𑐫𑐵𑐣𑐵𑐡𑐶𑐮 𑐰 𑐖𑐾 𑐳𑐣𑑂𑐢𑐶𑐫𑐵𑐟 𑐳𑑂𑐰𑐷𑐎𑐺𑐟𑐶 𑐧𑐶𑐫𑐵𑐡𑐶𑐮। 𑐰𑐫𑑂𑐎𑐮𑑄 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐥𑐡𑐫𑐵 𑐣𑐶𑑄𑐟𑐶𑑄 𑐳𑑂𑐠𑐵𑐫𑐷 𑐄𑐡𑐵𑐴𑐬𑐞 𑐡𑐫𑐾𑐎𑐵𑐡𑐶𑐮, 𑐐𑐸𑐎𑐶𑐮𑐶 𑐐𑐞𑐟𑐣𑑂𑐟𑑂𑐬𑐰𑐵𑐡, 𑐱𑐵𑐣𑑂𑐟𑐶𑐥𑐹𑐬𑑂𑐞 𑐳𑐟𑑂𑐟𑐵 𑐴𑐳𑑂𑐟𑐵𑐣𑑂𑐟𑐬𑐞, "𑐩𑐶𑐳𑑂𑐟𑐬 𑐥𑑂𑐬𑐾𑐖𑐶𑐡𑐾𑐣𑑂𑐟" 𑐄𑐥𑐵𑐢𑐶𑐫𑐵 𑐕𑑂𑐫𑐾𑐮𑐾𑐖𑑂𑐫𑐵, 𑐰 𑐣𑐶𑐐𑐸 𑐎𑐵𑐬𑑂𑐫𑐎𑐵𑐮𑐫𑐵 𑐥𑐬𑐩𑑂𑐥𑐬𑐵 𑐡𑐫𑐾𑐎𑐹𑐐𑐸 𑐮𑐵। 𑐰𑐫𑑂𑐎𑑅𑐫𑐵 𑐳𑐣𑑂 𑑑𑑗𑑙𑑖𑐫𑐵 𑐰𑐶𑐡𑐵𑐃 𑐳𑐩𑑂𑐧𑑀𑐢𑐣 𑐐𑐞𑐟𑐣𑑂𑐟𑑂𑐬𑐰𑐵𑐡𑐫𑐵 𑐕𑐐𑐹 𑐥𑑂𑐬𑐩𑐸𑐏 𑐰𑐎𑑂𑐟𑐰𑑂𑐫 𑐖𑐸𑐮 𑐐𑐸𑐎𑐶𑐮𑐶 𑐰𑐫𑑂𑐎𑐮𑑄 𑐬𑐵𑐲𑑂𑐚𑑂𑐬𑐶𑐫 𑐊𑐎𑐟𑐵𑐫𑐵 𑐩𑐴𑐟𑑂𑐟𑑂𑐰 𑐰 𑐎𑑂𑐲𑐾𑐟𑑂𑐬𑐷𑐫𑐟𑐵𑐰𑐵𑐡, 𑐥𑐎𑑂𑐲𑐥𑐵𑐟 𑐰 𑐰𑐶𑐡𑐾𑐱𑐷 𑐥𑑂𑐬𑐨𑐵𑐰𑑄 𑐠𑐸𑐎𑐶𑐫𑐵𑐟 𑐡𑐹𑐐𑐸 𑐏𑐟𑐬𑐵𑐫𑐵 𑐧𑐵𑐬𑐾𑐫𑑂 𑐔𑑂𑐰𑐫𑐵𑐡𑐶𑐮।
𑐰𑐵𑐱𑐶𑑄𑐐𑐚𑐣𑐫𑐵 𑐕𑐰𑐶 𑐀𑐩𑐾𑐬𑐶𑐎𑐷 𑐳𑑄𑐳𑑂𑐎𑐺𑐟𑐶𑐫𑐵 𑐄𑐟𑑂𑐎𑐺𑐲𑑂𑐚𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। 𑐰𑐫𑑂𑐎𑑅𑐫𑐵 𑐮𑐸𑐩𑐣𑑂𑐟𑐶𑐂 𑐳𑑂𑐩𑐵𑐬𑐎, 𑐕𑐐𑐹 𑐳𑑄𑐑𑐷𑐫 𑐧𑐶𑐡𑐵, 𑐠𑐷𑐠𑐷 𑐳𑑄𑐔𑐵𑐬 𑐩𑐵𑐢𑑂𑐫𑐩𑐫𑐵 𑐔𑐶𑐟𑑂𑐬𑐞, 𑐬𑐵𑐲𑑂𑐚𑑂𑐬𑐶𑐫 𑐬𑐵𑐖𑐢𑐵𑐣𑐷, 𑐰𑐵𑐱𑐶𑑄𑐐𑐚𑐣 𑐬𑐵𑐖𑑂𑐫 𑐣𑐵𑐥𑑄𑐫𑐵 𑐨𑑁𑐐𑑀𑐮𑐶𑐎 𑐠𑐵𑐫𑑂, 𑐚𑐶𑐎𑐚, 𑐰 𑐩𑐸𑐡𑑂𑐬𑐵 𑐟𑐫𑐵𑐟𑑅𑐐𑐸 𑐡𑐸। 𑐳𑐣𑑂 𑑑𑑙𑑗𑑖𑐫𑑂 𑐰𑐵𑐱𑐶𑑄𑐐𑐚𑐣𑐫𑐵𑐟 𑐩𑐺𑐟𑑂𑐫𑐸 𑐮𑐶𑐥𑐵 𑐰𑐫𑑂𑐎𑑅𑐫𑐵𑐟 𑐀𑐩𑐾𑐬𑐶𑐎𑐷 𑐳𑐾𑐣𑐵𑐫𑐵 𑐡𑐎𑐮𑐫𑑂 𑐄𑐔𑑂𑐔 𑐥𑐡 𑐖𑐾𑐣𑐾𑐬𑐮 𑐀𑐦 𑐡 𑐁𑐬𑑂𑐩𑐷𑐖 𑐁𑐬𑑂𑐩𑐷𑐖 𑐩𑐵𑐣𑐵𑐬𑑂𑐠 𑐎𑐠𑑄 𑐰𑐫𑑂𑐎𑑅𑐫𑐵𑐟 𑐮𑑅𑐮𑑂𑐴𑐵𑐟। 𑐠𑐷𑐠𑐷 𑐳𑐬𑑂𑐰𑐾𑐎𑑂𑐲𑐞𑑄 𑐰𑐵𑐱𑐶𑑄𑐐𑐚𑐣𑐫𑐵𑐟 𑐣𑐶𑐬𑐣𑑂𑐟𑐬 𑐎𑐠𑑄 𑐀𑐩𑐾𑐬𑐶𑐎𑐷 𑐂𑐟𑐶𑐴𑐵𑐳𑐫𑐵 𑐡𑐎𑐮𑐫𑑂 𑐟𑑅𑐢𑑄𑐩𑑂𑐴 𑐰 𑐮𑑀𑐎𑐥𑑂𑐬𑐶𑐫 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐬𑐸𑐥𑐫𑑂 𑐳𑑂𑐠𑐵𑐥𑐶𑐟 𑐫𑐵𑑅𑐐𑐸 𑐡𑐸।