छ्येलेमि:Eukesh/Auto/NepalScript/च्वापुखुसि
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐔𑑂𑐰𑐵𑐥𑐸𑐏𑐸𑐳𑐶 𑐑𑐣𑐵 𑐔𑑂𑐰𑐵𑐥𑐸𑐫𑐵 𑐢𑐷 𑐏 𑐐𑐸𑐎𑐶𑐮𑐶𑑄 𑐠𑑅𑐐𑐸 𑐴𑐾 𑐟𑑁𑐮𑐫𑐵 𑐎𑐵𑐬𑐞𑑄 𑐔𑑂𑐰𑐵𑐥𑐸𑐐𑐸𑑄 𑐎𑑂𑐰𑐴𑐵𑑄 𑐰𑑄𑐳𑐾𑑄 𑐏𑐸𑐳𑐶 𑐠𑐾𑑄 𑐴𑐾, 𑐟𑐬 𑐧𑐶𑐳𑑂𑐟𑐵𑐬𑑄 𑐎𑑂𑐰𑐫𑑂 𑐥𑐵𑐏𑐾 𑐣𑑂𑐴𑑂𑐫𑐵𑐣𑐵𑐔𑑂𑐰𑐣𑐶। 𑐔𑑂𑐰𑐵𑐥𑐸𑐐𑐸𑑄𑐂 𑐰𑐵 𑐏𑑂𑐰𑐵𑑄𑐐𑐸 𑐠𑐵𑐳𑐫𑑂 𑐔𑑂𑐰𑐵𑐥𑐸𑐐𑐵𑐣𑐵 𑐩𑐸𑐣𑐵𑐰𑐂𑐐𑐸 𑐔𑑂𑐰𑐵𑐥𑐸𑐫𑐵 𑐩𑐵𑐟𑑂𑐬𑐵 𑐥𑑂𑐬𑐵𑐎𑐺𑐟𑐶𑐎 𑐬𑐸𑐥𑐫𑑂 𑐰𑐵𑐲𑑂𑐥𑐶𑐎𑐬𑐞, 𑐔𑑂𑐰𑐵𑐥𑐸𑐴𑐸𑐬, 𑐳𑐧𑑂𑐮𑐶𑐩𑐾𑐳𑐣, 𑐎𑐵𑐮𑑂𑐨𑐶𑐒𑑂𑐐 𑐁𑐡𑐶 𑐥𑑂𑐬𑐎𑐺𑐫𑐵𑑄 𑐩𑐡𑐫𑐵 𑐰𑐣𑐶। 𑐀𑐠𑐾 𑐩𑐖𑐸𑐳𑐵𑑅, 𑐥𑑂𑐬𑐵𑐫𑑅 𑐳𑐡𑐶𑐫𑑁𑑄 𑐟𑐎 𑐔𑑂𑐰𑐵𑐥𑐸 𑐩𑐸𑐣𑐵𑐔𑑂𑐰𑐣𑐶। 𑐀𑐠𑐾 𑐩𑐸𑐣𑐾𑐧𑐶𑐮𑐾 𑐔𑑂𑐰𑐵𑐥𑐸𑐂 𑐎𑑂𑐬𑐾𑐨𑐵𑐳 (crevasses) 𑐰 𑐳𑐾𑐬𑐵𑐎 (seracs) 𑐁𑐡𑐶 𑐳𑑄𑐬𑐔𑐣𑐵 𑐡𑐫𑐵𑐰𑐂। 𑐣𑐵𑐥𑑄, 𑐠𑑅𑐐𑐸 𑐟𑑁𑐮𑐫𑐵 𑐨𑐵𑐬𑑄 𑐫𑐵𑐣𑐵 𑐕𑐢𑐷 𑐖𑐸𑐫𑐵𑐔𑑂𑐰𑑄𑐐𑐸 𑐔𑑂𑐰𑐵𑐥𑐸 𑐰𑐶𑐎𑐺𑐟 𑐖𑐸𑐂 𑐰 𑐠𑑂𑐰 𑐧𑐸𑐮𑐸𑐴𑐸𑑃 𑐧𑐸𑐮𑐸𑐴𑐸𑑃 𑐧𑐵𑐴𑐵𑐰𑐣𑐶। 𑐔𑑂𑐰𑐵𑐥𑐸 𑐠𑐠𑐾 𑐳𑐣𑐵𑑅 𑐣𑑂𑐴𑑂𑐫𑐵𑐂𑐧𑐮𑐫𑑂 𑐠𑑂𑐰𑑄 𑐠𑑅𑐐𑐸 𑐣𑐵𑐥𑑄𑐫𑐵 𑐔𑐚𑑂𑐚𑐵𑐣𑐫𑑂 𑐑𑐬𑑂𑐲𑐞 𑐫𑐵𑐣𑐵 𑐳𑐬𑑂𑐎 (*cirques), 𑐩𑑀𑐬𑐾𑐣 (moraines) 𑐰𑐵 𑐦𑑂𑐫𑑀𑐬𑑂𑐡 (fjords) 𑐠𑐾𑑄 𑐣𑑂𑐫𑐵𑑅𑐐𑐸 𑐳𑑄𑐬𑐔𑐣𑐵 𑐡𑐫𑐾𑐎𑐶। 𑐔𑑂𑐰𑐵𑐥𑐸𑐏𑐸𑐳𑐶 𑐮𑐶𑐥𑐵 𑐮𑑅𑐫𑐵 𑐳𑑂𑐬𑑀𑐟 (𑐡𑐳𑐸 𑐏𑐸𑐳𑐶) 𑐫𑑂 𑐧𑐵𑐴𑐵 𑐰𑐣𑐶।
𑐥𑐺𑐠𑑂𑐰𑐷𑐂 𑑙𑑙% 𑐔𑑂𑐰𑐵𑐥𑐸𑐏𑐸𑐳𑐶𑐟 𑐢𑑂𑐬𑐸𑐰𑐷𑐫 𑐎𑑂𑐲𑐾𑐟𑑂𑐬𑐫𑑂 𑐡𑐸𑐣𑐾 𑐮𑐵। 𑐟𑐬 𑐔𑑂𑐰𑐵𑐥𑐸𑐏𑐸𑐳𑐶 𑐀𑐲𑑂𑐚𑑂𑐬𑐾𑐮𑐶𑐫𑐵𑐫𑐵 𑐩𑐹 𑐨𑐹𑐩𑐶 𑐟𑑂𑐰𑐟𑐵𑑅 𑐩𑐾𑐩𑐾𑐐𑐸 𑐳𑐎𑐮 𑐩𑐴𑐵𑐡𑑂𑐰𑐷𑐥𑐫𑑂 𑐥𑐬𑑂𑐰𑑅 𑐗𑑂𑐰𑐮𑐫𑑂 𑐏𑐣𑐾𑐡𑐸, 𑐐𑐸𑐎𑐶𑐮𑐶 𑐌𑐳𑐶𑐫𑐵𑐣𑐶𑐫𑐵𑐫𑐵 𑐄𑐔𑑂𑐔-𑐀𑐎𑑂𑐲𑐵𑑄𑐱𑐫𑑂 𑐡𑐹𑐐𑐸 𑐣𑑂𑐫𑐸𑐖𑐶𑐮𑑂𑐫𑐵𑐣𑑂𑐡 𑐠𑐾𑑄 𑐖𑐵𑑅𑐐𑐸 𑐩𑐴𑐵𑐳𑐵𑐐𑐬𑐷𑐫 𑐚𑐵𑐥𑐸 𑐡𑐾𑐫𑑂 𑐣𑑄 𑐮𑐵।