छ्येलेमि:Eukesh/Auto/NepalScript/गोल्डा मेयर

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Meir, before 1910

Golda Mabovitch in Milwaukee, Wisconsin, 1914

[[Image:Golda working in kibbutz Merhavia1.jpg|thumb|upright|Golda Meir in the fields at Kibbutz Merhavia

𑐐𑑀𑐮𑑂𑐜𑐵 𑐩𑐾𑐫𑐬 גּוֹלְדָּה מֵאִיר
𑑔𑐍𑑄 𑐂𑐖𑐬𑐵𑐫𑐮𑐫𑐵 𑐥𑑂𑐬𑐢𑐵𑐣 𑐩𑐣𑑂𑐟𑑂𑐬𑐷
कार्यालयय्‌ 𑐩𑐾 𑑑𑑓 𑑑𑑙𑑖𑑙 – 𑐖𑐸𑐣 𑑓 𑑑𑑙𑑗𑑔
न्हापायाम्ह पदाधिकारी	𑐮𑐾𑐨𑐷 𑐊𑐱𑑂𑐎𑑀𑐮
लिपायाम्ह पदाधिकारी	𑐫𑐶𑐟𑑂𑐖𑑂𑐫𑐵𑐎 𑐬𑐧𑐶𑐣
बुगु	𑐩𑐾 𑑓 𑑑𑑘𑑙𑑘 𑐎𑐷𑐨, 𑐬𑐸𑐳𑐷 𑐳𑐵𑐩𑑂𑐬𑐵𑐖𑑂𑐫
मदुगु	𑐜𑐶𑐳𑐾𑐩𑑂𑐧𑐬 𑑘, 𑑑𑑙𑑗𑑘 𑐖𑐾𑐬𑐸𑐳𑐵𑐮𑐾𑐩, 𑐂𑐖𑐬𑐵𑐫𑐮
राजनीतिक पार्टी	𑐮𑐾𑐧𑐬 𑐏𑐮𑑅

𑐐𑑀𑐮𑑂𑐜𑐵 𑐩𑐾𑐫𑐬 (𑐴𑐶𑐧𑑂𑐬𑐸: גּוֹלְדָּה מֵאִיר ) 𑐂𑐖𑐬𑐵𑐫𑐮𑐫𑐵 𑑔𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐏। 𑐂𑐖𑐬𑐵𑐫𑐮𑐫𑐵 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵𑐫𑑂 𑐴𑐳𑑂𑐟𑐵𑐎𑑂𑐲𑐬 𑐫𑐵𑐂𑐥𑐶𑑄 𑐣𑐶𑐩𑑂𑐴 𑐩𑐶𑐳𑐵𑐫𑑂 𑐰𑐫𑑂𑐎𑑅 𑐕𑐩𑑂𑐴 𑐏𑑅। 𑐰𑐫𑑂𑐎𑑅 𑐣𑐵𑐥𑑄 𑐬𑐾𑐔𑐾𑐮 𑐎𑑀𑐴𑐾𑐣 𑐠𑑂𑐰 𑐡𑐳𑑂𑐟𑐵𑐧𑐾𑐖𑐫𑑂 𑐴𑐳𑑂𑐟𑐵𑐎𑑂𑐲𑐬 𑐫𑐵𑐂𑐩𑑂𑐴 𑐩𑐾𑐩𑑂𑐴 𑐩𑐶𑐳𑐵 𑐏। 𑐰𑐫𑑂𑐎𑑅 𑐳𑐣𑑂 𑑑𑑙𑑖𑑙 𑐰 𑐳𑐣𑑂 𑑑𑑙𑑗𑑔𑐫𑐵 𑐡𑐠𑐸𑐂 𑐂𑐖𑐬𑐵𑐫𑐮𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐣𑐵𑐡𑐶𑐮। 𑐠𑑂𑐰 𑐥𑐡𑐫𑑂 𑐳𑐾𑐰𑐵 𑐫𑐵𑐂𑐩𑑂𑐴 𑐰𑐫𑑂𑐎𑑅 𑐣𑑂𑐴𑐵𑐥𑐵𑑄𑐩𑑂𑐴 𑐰 𑐁𑑅𑐟𑐎𑐫𑐵 𑐕𑐩𑑂𑐴 𑐖𑐎 𑐩𑐶𑐳𑐵 𑐏𑑅।

𑐩𑐾𑐫𑐬𑐫𑐵 𑐖𑐣𑑂𑐩 𑐎𑐷𑐰, 𑐬𑐹𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑑂 𑐖𑐹𑐐𑐸 𑐏। 𑐰𑐫𑑂𑐎𑑅 𑐩𑐔𑐵𑐧𑐶𑐮𑐾 𑐠𑑅𑐐𑐸 𑐥𑐬𑐶𑐰𑐵𑐬 𑐣𑐵𑐥𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐠𑐵𑐫𑑂𑐴𑐶𑐮𑐵 𑐡𑐶𑐮। 𑐰𑐫𑑂𑐎𑑅 𑑒𑑓𑐡𑑃 𑐟𑐎 𑐀𑐩𑐾𑐬𑐶𑐎𑐵𑐫𑑂 𑐴𑐾 𑐔𑑂𑐰𑐣𑐵𑐡𑐶𑐮। 𑑒𑑓 𑐡𑑃𑐫𑑂 𑐰𑐫𑑂𑐎𑑅 𑐠𑑅𑐐𑐸 𑐨𑐵𑐟𑑅 𑐣𑐵𑐥 𑐂𑐖𑐬𑐵𑐫𑐮𑐫𑑂 𑐠𑑂𑐫𑐣𑐵𑐡𑐶𑐮। 𑐀𑐣, 𑐰𑐫𑑂𑐎𑑅 𑐕𑐐𑐹 𑐣𑑂𑐴𑐵𑐥𑐵𑑄𑐐𑐸 𑐎𑐶𑐧𑐸𑐟𑑂𑐖𑐫𑑂 𑐳𑐵𑐢𑐵𑐬𑐞 𑐬𑐸𑐥𑑄 𑐔𑑂𑐰𑐣𑐵𑐡𑐶𑐮। 𑐩𑐾𑐫𑐬𑑄 𑐠𑑅𑐐𑐸 𑐬𑐵𑐖𑐣𑐷𑐟𑐶𑐎 𑐖𑐷𑐰𑐣𑐫𑐵 𑐴𑐶𑐳𑑂𑐚𑐵𑐜𑑂𑐬𑐚 𑐴𑐶𑐳𑑂𑐚𑐵𑐜𑑂𑐬𑐚𑐫𑐵 𑐎𑐵𑐬𑑂𑐫𑐳𑐩𑐶𑐟𑐶𑐫𑐵 𑐳𑐔𑐶𑐰𑐫𑐵 𑐬𑐸𑐥𑑄 𑐫𑐵𑐣𑐵𑐡𑐶𑐮। 𑐰𑐫𑑂𑐎𑑅 𑑑𑑙𑑒𑑐 𑐡𑐱𑐎𑐫𑐵 𑐀𑐣𑑂𑐟 𑐰 𑑑𑑙𑑓𑑐 𑐡𑐱𑐎𑐫𑐵 𑐱𑐸𑐬𑐸𑐁𑐟𑐫𑑂 𑐀𑐩𑐾𑐬𑐶𑐎𑐵𑐫𑑂 𑐫𑐎𑑂𑐰 𑐩𑐶𑐱𑐣𑐫𑑂 𑐰𑐣𑐵𑐡𑐶𑐮। 𑐠𑑂𑐰 𑐂𑐮𑐫𑑂 𑐰𑐫𑑂𑐎𑑅 𑐴𑐵𑐥𑑀𑐁𑐮𑐶𑐩 𑐁𑐣𑑂𑐡𑑀𑐮𑐣 𑐰 𑐖𑐵𑐫𑑀𑐣𑐷𑐰𑐵𑐡𑐷 𑐁𑐣𑑂𑐡𑑀𑐮𑐣𑐫𑐵 𑐗𑑂𑐰𑐮𑐫𑑂 𑐂𑐖𑐬𑐵𑐂𑐮 𑐰 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐳𑐎𑑂𑐬𑐶𑐫 𑐖𑐸𑐫𑐵𑐡𑐶𑐮। 𑐳𑐣𑑂 𑑑𑑙𑑔𑑘𑐳 𑐰𑐫𑑂𑐎𑑅 𑐄𑐥𑐶𑐥𑐸𑐮𑑂𑐳 𑐎𑐵𑐄𑐣𑑂𑐳𑐶𑐮𑐫𑐵 𑐳𑐡𑐳𑑂𑐫𑐫𑐵 𑐬𑐹𑐥𑐫𑑂 𑐣𑐶𑐫𑐸𑐎𑑂𑐟 𑐖𑐸𑐫𑐵𑐡𑐶𑐮 𑐰 𑐀𑐣𑑄 𑐰𑐫𑑂𑐎𑐮𑑄 𑐂𑐖𑐬𑐵𑐫𑐮𑐫𑐵 𑐳𑑂𑐰𑐟𑐣𑑂𑐟𑑂𑐬𑐟𑐵𑐫𑐵 𑐑𑑀𑐲𑐞𑐵𑐫𑑂 𑐮𑑂𑐴𑐵𑐔𑐶𑑄 (𑐴𑐳𑑂𑐟𑐵𑐎𑑂𑐲𑐬) 𑐫𑐵𑐣𑐵𑐡𑐶𑐮।

𑐩𑐾𑐫𑐬 𑐮𑐶𑐥𑐵 𑐳𑑄𑐰𑐶𑐢𑐵𑐣 𑐳𑐨𑐵𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐶𑐮। 𑐠𑑂𑐰 𑐳𑐨𑐵 𑐮𑐶𑐥𑐵 𑐂𑐖𑐬𑐵𑐫𑐮𑐫𑐵 𑐣𑑂𑐴𑐵𑐥𑐵𑑄𑐐𑐸 𑐳𑑄𑐳𑐡 𑐣𑐾𑐳𑐾𑐚 𑐖𑐹𑐰𑐣। 𑐰𑐫𑑂𑐎𑑅 𑐣𑑂𑐴𑐵𑐥𑐵𑑄𑐐𑐸 𑐂𑐖𑐬𑐵𑐂𑐮𑐷 𑐳𑐬𑐎𑐵𑐬𑐫𑑂 𑐱𑑂𑐬𑐩 𑐩𑐣𑑂𑐟𑑂𑐬𑐷𑐂 𑐣𑐶𑐫𑐸𑐎𑑂𑐟 𑐖𑐸𑐫𑐵𑐡𑐶𑐮। 𑐠𑑂𑐰 𑐨𑐹𑐩𑐶𑐎𑐵𑐫𑑂 𑐰𑐫𑑂𑐎𑐮𑑄 𑐳𑐵𑐩𑐵𑐖𑐶𑐎 𑐎𑐵𑐣𑐹𑐣𑐫𑐵 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐮 𑐰 𑐂𑐖𑐬𑐵𑐫𑐮𑐫𑑂 𑐱𑑂𑐬𑐩 𑐎𑐵𑐣𑐹𑐣𑐫𑐵 𑐖𑐐 𑐟𑐫𑐵𑐡𑐶𑐮। 𑐳𑐣𑑂 𑑑𑑙𑑕𑑕𑐳 𑐰𑐫𑑂𑐎𑐮𑑄 𑐟𑐾𑐮 𑐀𑐨𑐶𑐰𑐫𑐵 𑐩𑐾𑐫𑐬𑐫𑐵 𑐣𑐶𑑄𑐟𑐶𑑄 𑐥𑐷𑐊𑐁𑐃𑐫𑐵 𑐕𑐩𑑂𑐴 𑐄𑐩𑑂𑐩𑐾𑐡𑐰𑐵𑐬𑐫𑐵 𑐬𑐹𑐥𑐫𑑂 𑐣𑐵𑐩𑐵𑑄𑐎𑐺𑐟 𑐖𑐸𑐳𑐵𑑄 𑐳𑐣𑑂 𑑑𑑙𑑕𑑖𑐳 𑐰𑐫𑑂𑐎𑑅𑐫𑐵𑐟 𑐟𑐟𑑂𑐎𑐵𑐮𑐷𑐣 𑐳𑐬𑐎𑐵𑐬𑑄 𑐰𑐶𑐡𑐾𑐱 𑐩𑐣𑑂𑐟𑑂𑐬𑐷𑐫𑐵 𑐥𑐡𑐨𑐵𑐬 𑐮𑑅𑐮𑑂𑐴𑐵𑐟। 𑐠𑑂𑐰 𑐃𑐮𑐫𑑂 𑐰𑐫𑑂𑐎𑐮𑑄 𑐠𑑅𑐐𑐸 𑐖𑐵𑐟 𑐩𑐵𑐫𑐬𑑂𑐳𑐣𑑄 𑐴𑐶𑐮𑐵𑑅 𑐩𑐾𑐫𑐬 𑐫𑐵𑐣𑐵𑐡𑐶𑐮। 𑐰𑐫𑑂𑐎𑑅 𑐠𑑂𑐰 𑐥𑐡𑐫𑑂 𑐕𑐐𑐹 𑐡𑐱𑐎 𑐟𑐎 𑐔𑑂𑐰𑐣𑐵𑐡𑐶𑐮। 𑐠𑑂𑐰 𑐂𑐮𑐫𑑂 𑐳𑐶𑐣𑐵𑐃 𑐫𑐸𑐡𑑂𑐢 𑐣𑑂𑐴𑑂𑐫𑐠𑐣। 𑐰𑐫𑑂𑐎𑑅 𑐳𑐣𑑂 𑑑𑑙𑑖𑑖𑐳 𑐠𑑅𑐐𑐸 𑐥𑐡 𑐟𑑂𑐰𑐟𑐵𑐡𑐶𑐮। 𑐮𑐶𑐥𑐵, 𑐰𑐫𑑂𑐎𑑅 𑐩𑐥𑐃 𑐥𑐵𑐬𑑂𑐚𑐷𑐫𑐵 𑐳𑐔𑐶𑐰 𑐣𑐶𑐫𑐸𑐎𑑂𑐟 𑐖𑐸𑐫𑐵𑐡𑐶𑐮। 𑐠𑑂𑐰 𑐥𑐡𑐫𑑂 𑐰𑐫𑑂𑐎𑐮𑑄 𑐱𑑂𑐬𑐩𑐶𑐎 𑐡𑐮𑐟𑐾𑐐𑐸 𑐊𑐎𑐷𑐎𑐬𑐞𑐫𑐵 𑐣𑐶𑐟𑐶𑑄 𑐫𑐎𑑂𑐰 𑐖𑑂𑐫𑐵 𑐫𑐵𑐣𑐵𑐡𑐶𑐮। 𑐣𑐵𑐥𑑄, 𑐰𑐫𑑂𑐎𑑅 𑐣𑑂𑐴𑐹𑐐𑐸 𑐮𑐾𑐧𑐬 𑐥𑐵𑐬𑑂𑐚𑐷𑐫𑐵 𑐳𑐔𑐶𑐰 𑐖𑐸𑐫𑐵𑐡𑐶𑐮।

𑐮𑐾𑐰𑐷 𑐊𑐱𑐎𑑀𑐮𑐫𑐵 𑐩𑐺𑐟𑑂𑐫𑐸 𑐣𑐵𑐥𑑄, 𑐰𑐫𑑂𑐎𑑅𑐫𑐵𑐟 𑐮𑐾𑐧𑐬 𑐥𑐵𑐬𑑂𑐚𑐷𑐫𑐵 𑐀𑐢𑑂𑐫𑐎𑑂𑐲𑐫𑐵 𑐬𑐹𑐥𑐫𑑂 𑐣𑐶𑐫𑐸𑐎𑑂𑐟 𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐖𑐸𑐮, 𑐰 𑐩𑐵𑐬𑑂𑐔 𑐳𑐣𑑂 𑑑𑑙𑑖𑑙𑐳 𑐰𑐫𑑂𑐎𑐮𑑄 𑐂𑐖𑐬𑐵𑐂𑐮𑐫𑐵 𑑑𑑔𑐐𑐹 𑐳𑐬𑐎𑐵𑐬 𑐡𑐫𑐾𑐎𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐣𑐾𑐟𑐺𑐟𑑂𑐰𑐫𑑂 𑐰𑐫𑑂𑐎𑑅𑐫𑐵 𑐥𑐎𑑂𑐲𑑄 𑐣𑑂𑐴𑐾𑐐𑐸 𑐣𑐾𑐳𑐾𑐚𑐫𑑂 𑐳𑐬𑑂𑐰𑐵𑐢𑐶𑐎 𑑕𑑖 𑐳𑐷𑐚 𑐟𑑂𑐫𑐵𑐟। 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐥𑐡 𑐎𑐵𑐫𑐾𑐢𑐸𑑄𑐎𑐵 𑐰𑐫𑑂𑐎𑐮𑑄 𑐳𑑄𑐑𑐬𑑂𑐲𑐫𑐵 𑐫𑐸𑐡𑑂𑐢 𑐧𑐶𑐮𑐾 𑐂𑐖𑐬𑐵𑐂𑐮𑐫𑐵 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐮। 𑐰𑐫𑑂𑐎𑐮𑑄 𑐂𑐖𑐬𑐵𑐂𑐮 𑐰 𑐀𑐬𑐧 𑐡𑐾𑐫𑑂𑐟𑐾𑐐𑐸 𑐡𑐠𑐸𑐂 𑐳𑑂𑐠𑐵𑐫𑐷 𑐱𑐵𑐣𑑂𑐟𑐶 𑐡𑐫𑐾𑐎𑐾𑐟 𑐥𑑂𑐬𑐟𑑂𑐫𑐎𑑂𑐲 𑐏𑑃𑐮𑑂𑐴𑐵𑐧𑐮𑑂𑐴𑐵 𑐫𑐵𑐫𑐾𑐐𑐸 𑐎𑐸𑐟𑑅 𑐰 𑐂𑐣𑐵𑐥 𑐫𑐵𑐣𑐵𑐡𑐶𑐮। 𑐠𑑂𑐰 𑐂𑐣𑐵𑐥 𑐀𑐧𑐶𑐮𑐾𑐫𑐵 𑐀𑐬𑐧 𑐡𑐾𑐫𑑂𑐟𑐾𑐳𑑄, 𑐰𑐶𑐱𑐾𑐲 𑐬𑐸𑐥𑑄 𑐩𑐶𑐳𑑂𑐬𑑄 𑐳𑐶𑐢𑐵 𑐰𑐶𑐬𑑀𑐢 𑐫𑐵𑐟।

𑐥𑑂𑐬𑐢𑐵𑐣 𑐩𑐣𑑂𑐟𑑂𑐬𑐷𑐫𑐵 𑐬𑐹𑐥𑐫𑑂 𑐠𑑅𑐐𑐸 𑐎𑐵𑐬𑑂𑐫𑐎𑐵𑐮 𑐧𑐶𑐮𑐾 𑐩𑐾𑐫𑐬𑑄 𑐫𑐎𑑂𑐰 𑐳𑑄𑐎𑐚 𑐳𑑂𑐰𑐫𑐾𑐩𑐵𑐮: 𑐧𑑂𑐮𑑂𑐫𑐵𑐎 𑐥𑑂𑐫𑐵𑐣𑑂𑐠𑐬𑑂𑐳𑐫𑐵 𑐰𑐶𑐬𑑀𑐢, 𑐁𑐟𑑄𑐎𑐰𑐵𑐡𑐷 𑐮𑐴𑐬; 𑐰 𑐫𑑀𑐩 𑐎𑐶𑐥𑑂𑐥𑐸𑐬 𑐫𑐸𑐡𑑂𑐢, 𑐐𑐸𑐎𑐶𑐮𑐶 𑐣𑐶𑐡𑑂𑐰 𑐳𑑂𑐰𑐫𑐵 𑐀𑐥𑑂𑐰 𑐩𑐣𑐹 𑐱𑐴𑐷𑐡 𑐖𑐸𑐮। 𑐊𑐐𑑂𑐬𑐵𑐣𑑂𑐟 𑐎𑐩𑐶𑐚𑐷, 𑐐𑐸𑐎𑐶𑐮𑐶𑑄 𑐫𑐸𑐡𑑂𑐢 𑐣𑑂𑐴𑑂𑐫𑑅𑐫𑐵 𑐖𑐵𑐳𑐸𑐳𑐷 𑐰𑐶𑐦𑐮𑐟𑐵 𑐢𑐸𑑄𑐎𑐵 𑐳𑑂𑐠𑐵𑐥𑐶𑐟 𑐖𑐹𑐐𑐸 𑐎𑐩𑐶𑐚𑐷𑑄 𑐰𑐫𑑂𑐎𑑅𑐫𑐵 𑐳𑐬𑐎𑐵𑐬 𑐰 𑐳𑐬𑐎𑐵𑐬𑐷 𑐣𑐾𑐟𑐵 𑐰𑐶𑐬𑐸𑐡𑑂𑐢 𑐟𑑅𑐔𑑂𑐰𑑅𑐐𑐸 𑐣𑐶𑐲𑑂𑐎𑐬𑑂𑐲 𑐥𑐶𑐠𑐣। 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅𑐫𑐵 𑐎𑐠𑑄 𑐧𑐹𑐐𑐸 𑐳𑐵𑐬𑑂𑐰𑐖𑐣𑐶𑐎 𑐁𑐎𑑂𑐬𑑀𑐱𑐫𑐵 𑐗𑑂𑐰𑐮𑐫𑑂 𑐩𑐾𑐫𑐬𑑄 𑐠𑑅𑐐𑐸 𑐥𑐡𑑄 𑐬𑐵𑐖𑐷𑐣𑐵𑐩𑐵 𑐧𑐶𑐫𑐵𑐡𑐶𑐮 𑐰 𑐳𑐵𑐬𑑂𑐰𑐖𑐣𑐶𑐎 𑐖𑐷𑐰𑐣𑑄 𑐣𑐶𑐰𑐺𑐟𑑂𑐟 𑐖𑐸𑐫𑐵𑐡𑐶𑐮।

𑐳𑑂𑐰𑐫𑐵𑐡𑐶𑐳𑑃

• 𑐂𑐖𑐬𑐵𑐫𑐮