छ्येलेमि:Eukesh/Auto/NepalScript/गुह्येश्वरी देगः

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑑅 𑐣𑐾𑐥𑐵𑑅𑐫𑐵 𑐫𑐾𑑃 𑐖𑐶𑐮𑑂𑐮𑐵𑐫𑐵 𑐐𑑂𑐰𑐮𑐫𑑂 𑐔𑑂𑐰𑑄𑐐𑐸 𑐕𑐐𑐸 𑐱𑐎𑑂𑐟𑐶𑐥𑐷𑐛 𑐰 𑐴𑐶𑐣𑑂𑐡𑐹 𑐡𑐾𑐐𑑅 𑐏𑑅। 𑐠𑑂𑐰 𑐡𑐾𑐐𑑅 𑐱𑐵𑐎𑑂𑐟 𑐥𑐶𑐛 𑐏𑑅𑐳𑐵 𑐠𑑂𑐰 𑐥𑐱𑐸𑐥𑐟𑐶 𑐎𑑂𑐲𑐾𑐟𑑂𑐬𑑄 𑐠𑑂𑐫𑑄-𑐩𑐠𑑂𑐫𑑄 𑑑 𑐎𑐶𑐮𑑀𑐩𑐶𑐚𑐬 𑐥𑐹𑐬𑑂𑐰𑐫𑑂 𑐧𑐵𑐐𑐩𑐟𑐷 𑐏𑐸𑐳𑐶𑐫𑐵 𑐡𑐎𑑂𑐲𑐶𑐞𑐷 𑐟𑐚𑐫𑑂 𑐮𑐵𑑅। 𑐰𑐶𑐱𑐾𑐲 𑐫𑐵𑐣𑐵𑑅 𑐟𑐵𑐣𑑂𑐟𑑂𑐬𑐶𑐎 𑐄𑐥𑐵𑐳𑐎𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐠𑑂𑐰 𑐕𑐐𑐹 𑐩𑐴𑐟𑑂𑐰𑐥𑐹𑐬𑑂𑐞 𑐟𑐷𑐬𑑂𑐠𑐳𑑂𑐠𑐮 𑐏𑑅 । 𑐠𑑂𑐰 𑐡𑐾𑐐𑑅𑐫𑐵 𑐖𑐷𑐬𑑂𑐞𑑀𑐡𑑂𑐢𑐵𑐬 𑐖𑐸𑐖𑐸 𑐥𑑂𑐬𑐟𑐵𑐥 𑐩𑐮𑑂𑐮𑑄 𑑑𑑗 𑐍𑑄 𑐱𑐟𑐵𑐧𑑂𑐡𑐷𑐂 𑐫𑐵𑐣𑐵𑐡𑐶𑐮।

𑐡𑐾𑐰𑐷 𑐨𑐵𑐐𑐰𑐟 𑐥𑐸𑐬𑐵𑐞𑐫𑑂 𑐁𑐡𑐶𑐱𑐎𑑂𑐟𑐶𑐫𑐵 𑐥𑐰𑐶𑐟𑑂𑐬 𑐳𑑂𑐠𑐮𑐫𑐵 𑐢𑐮𑑄𑐏𑐫𑑂 𑐠𑑂𑐰 𑐡𑐾𑐐𑑅𑐫𑐵 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸 𑐰 𑐣𑐾𑐥𑐵𑑅𑐫𑐵 𑐡𑑂𑐫𑑅𑐫𑐵𑐟 𑐐𑐸𑐴𑑂𑐫𑐎𑐵𑐮𑐷 𑐢𑐎𑐵𑑅 𑐩𑑂𑐴𑐳𑐷𑐎𑐵𑐟𑑅𑐐𑐸 𑐡𑐸 ।

𑐠𑑂𑐰 𑐡𑐾𑐐𑑅𑐫𑐵 𑐣𑐵𑑄 𑐳𑑄𑐳𑑂𑐎𑐺𑐟𑐫𑐵 𑐐𑐸𑐴𑑂𑐫 (𑐐𑑀𑐥𑑂𑐫 𑐰𑐵 𑐐𑐸𑐥𑑂𑐟) 𑐰 𑐃𑐱𑑂𑐰𑐬𑐷 (𑐡𑐾𑐰𑐷) 𑐏𑑃𑐐𑑂𑐰𑑅 𑐳𑑂𑐰𑐵𑐣𑐵𑑅 𑐡𑐫𑐵𑐰𑑅𑐐𑐸 𑐏। 𑐴𑐶𑐣𑑂𑐡𑐹 𑐧𑐵𑐏𑑃 𑐎𑐠𑑄 𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑐮𑐫𑑂 𑐳𑐟𑐷𑐫𑐵 𑐩𑐮𑐵𑐱𑐫 𑐎𑐸𑐟𑐸𑑄 𑐰𑑅𑐐𑐸 𑐠𑐵𑐫𑑂𑐫𑐵 𑐔𑐶𑑄 𑐎𑐠𑑄 𑐩𑑂𑐴𑐳𑐷𑐎𑐵𑐟𑑅𑐐𑐸 𑐡𑐸 ।

𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑑅𑐫𑐵 𑐩𑐹 𑐢𑑂𑐰𑐵𑐏𑐵

𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑐮𑐫𑑂 𑐣𑑂𑐴𑐶𑐠𑑄𑐫𑐵 𑐥𑐹𑐖𑐵 (𑐣𑐶𑐟𑑂𑐫𑐥𑐹𑐖𑐵) 𑐎𑐬𑑂𑐩𑐵𑐔𑐵𑐬𑑂𑐫 𑐁𑐔𑐵𑐖𑐸 𑐟𑐫𑐾𑐳𑑄 𑐳𑐬𑑂𑐰𑐩𑑂𑐣𑐵𑐫 𑐟𑐣𑑂𑐟𑑂𑐬 𑐎𑐠𑑄 𑐫𑐵𑐂। 𑐰𑐶𑐱𑐾𑐲 𑐀𑐰𑐳𑐬𑐫𑑂 𑐰 𑐩𑐹 𑐳𑐩𑐵𑐬𑑀𑐴𑐫𑐵 𑐂𑐮𑐫𑑂 𑐬𑐵𑐖𑑀𑐥𑐵𑐢𑑂𑐫𑐵𑐫 𑐧𑑂𑐬𑐵𑐴𑑂𑐩𑐞, 𑐐𑐸𑐥𑐶𑑄 𑐰𑐿𑐡𑐶𑐎 𑐰 𑐎𑑁𑐮 𑐥𑐸𑐖𑐵𑐬𑐷 𑐣𑐶𑐐𑐸𑐮𑐶𑑄 𑐖𑐸𑐂, 𑐰𑐿𑐡𑐶𑐎 𑐥𑐹𑐖𑐵 𑐫𑐵𑐂, 𑐢𑐵𑑅𑐳𑐵 𑐁𑐔𑐵𑐖𑐸 𑐟𑐫𑐾𑐳𑑄 𑐟𑐣𑑂𑐟𑑂𑐬 𑐎𑐠𑑄 𑐥𑐸𑐖𑐵 𑐫𑐵𑐃 ।

𑐧𑐵𑐏𑑄

𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑑅𑐫𑐵 𑐟𑑀𑐮𑑄

𑐩𑐾𑐬𑐸𑐟𑐣𑑂𑐟𑑂𑐬 𑐰 𑐳𑑂𑐎𑐣𑑂𑐡𑐥𑐸𑐬𑐵𑐞𑐫𑐵 𑐴𑐶𑐩𑐰𑐟𑐏𑐞𑑂𑐜 𑐎𑐠𑑄 𑐳𑐟𑐷𑐫𑐵 𑐩𑐮𑐵𑐱𑐫 𑐎𑐸𑐟𑐸𑑄 𑐰𑑅𑐐𑐸 𑐠𑐵𑐫𑑂 𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑑅 𑐏𑑅 । 𑐠𑑂𑐰 𑐴𑐾 𑐰𑐶𑐰𑐬𑐞 𑐡𑐾𑐰𑐩𑐵𑐮𑐵 𑐰𑑄𑐱𑐵𑐰𑐮𑐷, 𑐨𑐵𑐲𑐵 𑐰𑑄𑐱𑐵𑐰𑐮𑐷 𑐰 𑐳𑑂𑐰𑐳𑑂𑐠𑐵𑐣𑐷 𑐧𑐵𑐏𑐣𑐫𑑂 𑐣𑑄 𑐏𑐣𑐾𑐡𑐸।

𑐠𑑂𑐰 𑐐𑑂𑐬𑐣𑑂𑐠𑐫𑑂 𑐠𑑂𑐰 𑐡𑐾𑐐𑑅𑐫𑐵𑐟 𑐳𑐟𑐷𑐫𑐵 𑐐𑐸𑐴𑑂𑐫 𑐰𑐵 𑐐𑐸𑐡 𑐎𑐸𑐟𑐸𑑄 𑐰𑑅𑐐𑐸 𑐠𑐵𑐫𑑂 𑐢𑐎𑐵𑑅 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸, 𑐀𑐮𑐾 𑐡𑑂𑐫𑑅𑐫𑐵𑐟 𑐐𑐸𑐴𑑂𑐫𑐎𑐵𑐮𑐷, 𑐐𑐸𑐴𑑂𑐫𑐾𑐱𑐷, 𑐐𑐸𑐴𑑂𑐫𑐾𑐱𑑂𑐰𑐬𑐷, 𑐐𑐸𑐴𑑂𑐫𑐎𑐾𑐱𑑂𑐰𑐬𑐷, 𑐐𑐸𑐴𑑂𑐫𑐎𑐵𑐮𑐶𑐎𑐵 𑐠𑐾𑑄𑐖𑑂𑐫𑐵𑑅𑐐𑐸 𑐠𑐷𑐠𑐷 𑐣𑐵𑑄 𑐧𑐶𑐫𑐵𑑅 𑐩𑑂𑐴𑐳𑐷𑐎𑐵𑐟𑑅𑐐𑐸 𑐡𑐸। 𑐐𑐸𑐴𑑂𑐫𑐾𑐱𑑂𑐰𑐬𑐷𑐫𑐵𑐟 𑐩𑐣𑑂𑐠𑐣𑐨𑐿𑐬𑐰 𑐟𑐣𑑂𑐟𑑂𑐬𑐫𑑂 𑐥𑐱𑐸𑐥𑐟𑐶𑐫𑐵 𑐎𑐮𑐵𑐫𑐵 𑐬𑐸𑐥𑐫𑑂 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸।

𑐰𑐵𑐬𑐵𑐴𑐷 𑐟𑐣𑑂𑐟𑑂𑐬𑐫𑑂, 𑐳𑐟𑐷𑐫𑐵 𑐩𑑂𑐴𑐫𑐵 𑐐𑐸𑐐𑐸 𑐧𑑂𑐰 𑐎𑐸𑐟𑐸𑐰𑐣 𑐢𑐂𑐐𑐸 𑐏𑑃𑐫𑐵 𑐄𑐮𑑂𑐮𑐾𑐏 𑐩𑐫𑐵। 𑐠𑐸𑐎𑐶 𑐣𑐾𑐥𑐵𑐮𑐫𑐵 𑐐𑐸𑐴𑑂𑐫𑐩𑐞𑑂𑐜𑐮𑐫𑑂 𑐩𑐾𑐩𑐾𑐐𑐸 𑐠𑐵𑐫𑑂 𑐳𑑂𑐰𑐫𑐵 𑑑 𑐎𑑀𑐚𑐶 𑐐𑐸𑐞𑐵𑑄 𑐫𑐎𑑂𑐰 𑐥𑐸𑐞𑑂𑐫 𑐮𑐵𑐂𑐐𑐸 𑐢𑐎𑐵 𑐄𑐮𑑂𑐮𑐾𑐏 𑐫𑐵𑐣𑐵𑐟𑐐𑐸 𑐡𑐸 𑐰 𑐐𑐸𑐴𑑂𑐫𑐾𑐱𑑂𑐰𑐬𑐷 𑐳𑑂𑐰𑐫𑐵 𑐟𑑅𑐢𑑄𑐐𑐸 𑐱𑐎𑑂𑐟𑐶𑐥𑐷𑐛 𑐐𑐣𑐣𑑄 𑐩𑐡𑐸 𑐢𑐎𑐵𑑅 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸।

𑐐𑐸𑐴𑑂𑐫𑐾𑐱𑑂𑐰𑐬𑐷 𑐡𑐾𑐐𑑅𑐫𑐵𑐟 𑐟𑐣𑑂𑐟𑑂𑐬 𑐔𑐸𑐜𑐵𑐩𑐞𑐶𑐥𑐵𑐏𑐾𑑄 𑐥𑐷𑐛𑐣𑐶𑐬𑑂𑐞𑐫𑐫𑑂 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐱𑐎𑑂𑐟𑐶𑐥𑐷𑐛𑐮𑐶𑐳𑐾 𑐩𑑂𑐴𑐩𑐳𑐷𑐎𑐾 𑐩𑐖𑑂𑐫𑐹, 𑐐𑐣 𑐳𑐟𑐷𑐫𑐵 𑐣𑐶𑐥𑐵𑑄 𑐥𑐸𑐮𑐶 𑐣𑐾𑐥𑐵𑐮𑐫𑑂 𑐎𑐸𑐟𑐸𑑄 𑐰𑑄𑐐𑐸 𑐰 𑐥𑐷𑐛𑐫𑐵 𑐡𑑂𑐫𑑅 𑐩𑐴𑐵𑐩𑐵𑐫𑐵 𑐏𑑅 𑐢𑐎𑐵𑑅 𑐢𑐫𑐵𑐟𑑅𑐐𑐸 𑐡𑐸 । 𑐣𑐾𑐥𑐵𑐮 𑐩𑐴𑐵𑐟𑑂𑐩𑑂𑐫 𑑑𑑑।𑑑𑑐𑑗 𑐰 𑑑।𑑓𑑘 𑐎𑐠𑑄 𑐳𑐟𑐷𑐫𑐵 𑐣𑐶𑐐𑐸 𑐥𑐸𑐮𑐶 𑐰𑐶𑐲𑑂𑐞𑐸𑐩𑐟𑐶 𑐰 𑐧𑐵𑐐𑐩𑐟𑐶 𑐏𑐸𑐳𑐶𑐫𑐵 𑐳𑑄𑐐𑐩 𑐮𑐶𑐎𑑂𑐎 𑐮𑐵𑑅 𑐰 𑐠𑑂𑐰 𑐥𑐷𑐛𑐫𑐵 𑐡𑑂𑐫𑑅 𑐩𑐴𑐵𑐩𑐵𑐫𑐵 𑐏𑑅, 𑐢𑐵𑑅𑐳𑐵 𑐐𑐸𑐴𑑂𑐫𑐵𑑄𑐐 𑐧𑐵𑐐𑐩𑐟𑐶 𑐏𑐸𑐳𑐶𑐫𑐵 𑐮𑐶𑐎𑑂𑐎, 𑐥𑐱𑐸𑐥𑐟𑐶 𑐡𑐾𑐐𑑅𑐫𑐵 𑐩𑐺𑐐𑐳𑑂𑐠𑐮𑐷 𑐣𑐵𑐥𑐳𑑄 𑐮𑐵𑑅 𑐰 𑐠𑐣𑐫𑐵 𑐡𑑂𑐫𑑅 𑐐𑐸𑐴𑑂𑐫𑐾𑐱𑑂𑐰𑐬𑐷 𑐰𑐵 𑐐𑐸𑐴𑑂𑐫𑐎𑐵𑐮𑐷 𑐢𑐎𑐵 𑐢𑐫𑐵𑐟𑐐𑐸 𑐡𑐸।

𑐟𑑂𑐬𑐶𑐥𑐸𑐬𑐵 𑐬𑐴𑐳𑑂𑐫𑐫𑐵 𑐩𑐵𑐴𑐵𑐟𑑂𑐩𑑂𑐫 𑐏𑐞𑑂𑐜𑐫𑑂 𑐡𑐾𑐰𑐷 𑐮𑐮𑐶𑐟𑐵 𑐳𑐡𑐵𑑄 𑐔𑑂𑐰𑐣𑐷𑐐𑐸 𑑑𑑒 𑐐𑐹 𑐠𑐵𑐫𑑂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸𑐳𑐵 𑐣𑐾𑐥𑐵𑐮𑐫𑑂 𑐰𑐫𑑂𑐎𑐫𑐵𑐐𑐸 𑐬𑐸𑐥𑐫𑐵𑐟 𑐐𑐸𑐴𑑂𑐫𑐎𑐾𑐱𑑂𑐰𑐬𑐷 𑐢𑐎𑐵𑑅 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸 (𑐟𑑂𑐬𑐶𑐥𑐸𑐬 𑐬𑐴𑐳𑑂𑐫 𑑑।𑑔𑑘।𑑗𑑔 : 𑐣𑐾𑐥𑐵𑐮𑐾 𑐐𑐸𑐴𑑂𑐫𑐎𑐾𑐱𑑂𑐰𑐬𑐷) । 𑐮𑐮𑐶𑐟𑐵 𑐳𑐴𑐳𑑂𑐬𑐣𑐵𑐩𑐫𑑂 𑐡𑐾𑐰𑐷𑐫𑐵 𑑗𑑐𑑗𑐐𑐸 𑐣𑐵𑑄 "𑐐𑐸𑐴𑑂𑐫𑐬𑐹𑐥𑐶𑐞𑐷" (𑐮𑐮𑐶𑐟𑐵 𑐳𑐴𑐳𑑂𑐬𑐣𑐵𑐩 𑑑𑑓𑑗𑐐𑐸 𑐱𑑂𑐮𑑀𑐎: 𑐳𑐬𑐳𑑂𑐰𑐟𑐷 𑐱𑐵𑐳𑑂𑐟𑑂𑐬𑐩𑐫𑐷, 𑐐𑐸𑐴𑐵𑑄𑐧𑐵 𑐐𑐸𑐴𑑂𑐫𑐬𑐹𑐥𑐶𑐞𑐷) 𑐢𑐎𑐵𑑅 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸। 𑑕𑑑 𑐱𑐎𑑂𑐟𑐶𑐥𑐷𑐛 𑐣𑑄 𑐳𑑄𑐳𑑂𑐎𑐺𑐟 𑐰𑐬𑑂𑐞𑐩𑐵𑐮𑐵𑐫𑐵 𑑕𑑑 𑐁𑐏𑑅 𑐥𑑂𑐬𑐟𑐶𑐣𑐶𑐢𑐶 𑐫𑐵, 𑐐𑐸𑐎𑐶 𑐐𑐸𑐴𑑂𑐫𑐾𑐱𑑂𑐰𑐬𑐷 "𑐂" 𑐁𑐏𑑅𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐂 । 𑐠𑑂𑐰 𑐡𑐾𑐐𑑅𑐫𑐵𑐟 𑐟𑐵𑐣𑑂𑐟𑑂𑐬𑐶𑐎 𑐀𑐨𑑂𑐫𑐵𑐳 𑐫𑐎𑑂𑐰 𑐩𑐵𑐣𑐾 𑐰 𑐥𑐹𑐖𑑂𑐫 𑐫𑐵। 𑐩𑑀𑐴𑐣𑐷 𑐣𑐏𑑅 𑐰 𑐖𑐵𑐟𑑂𑐬𑐵𑐫𑐵 𑐂𑐮𑐫𑑂 𑐡𑐾𑐐𑐮𑐫𑑂 𑐟𑐳𑐎𑑄 𑐩𑐣𑐹𑐟𑐾𑐐𑐸 𑐴𑐸𑐮 𑐖𑐸𑐂।