छ्येलेमि:Eukesh/Auto/NepalScript/गुँजला
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐐𑐸𑑃𑐖𑐮𑐵, 𑐩𑐶𑐐𑐸𑑃, 𑐧𑐵𑐫𑑂 𑐖𑑂𑐰𑐵𑐮𑐵𑐩𑐸𑐏𑐷 𑐢𑐵𑐐𑐸 𑐥𑐺𑐠𑑂𑐰𑐷𑐫𑐵 𑐳𑐟𑐴𑑄 𑐮𑐵𑐨𑐵, 𑐩𑐶 𑐁𑐡𑐶 𑐥𑐶𑐴𑐵𑑄 𑐰𑐂𑐐𑐸 𑐕𑐐𑐹 𑐠𑐵𑐫𑑂 𑐏।
𑐥𑐺𑐠𑑂𑐰𑐷𑐂 𑐩𑐶𑐐𑐸𑑃 𑐀𑐥𑑂𑐰 𑐫𑐵𑐣𑐵 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚𑐟 𑐜𑐵𑐂𑐨𑐬𑑂𑐖 𑐖𑐸𑐂𑐐𑐸 𑐰𑐵 𑐎𑐣𑑂𑐨𑐬𑑂𑐖 𑐖𑐸𑐂𑐐𑐸 𑐠𑐵𑐳𑐫𑑂 𑐏𑐣𑐾 𑐡𑐸 𑐰 𑐥𑐺𑐠𑑂𑐰𑐷𑐫𑐵 𑐀𑐥𑑂𑐰 𑐥𑑂𑐮𑐾𑐚𑐫𑐵 𑐳𑐷𑐩𑐵 𑐮𑑅𑐫𑐵 𑐡𑐸𑐣𑐾 𑐡𑐹𑐐𑐸𑐮𑐶𑑄 𑐀𑐥𑑂𑐰 𑐖𑑂𑐰𑐵𑐮𑐵𑐩𑐸𑐏𑐷 𑐮𑐏𑐫𑑂 𑐡𑐸𑐣𑐾 𑐡𑐫𑐵𑐔𑑂𑐰𑐣𑐶। 𑐡𑐳𑐸𑐫𑐵 𑐣𑐶𑑄𑐟𑐶𑑄, 𑐕𑐐𑐹 𑐩𑐢𑑂𑐫-𑐩𑐴𑐵𑐳𑐵𑐐𑐬 𑐳𑐶𑐠 (𑐬𑐶𑐖), 𑐐𑐠𑐾𑐎𑐶 𑐩𑐢𑑂𑐫-𑐊𑐚𑐮𑐵𑐣𑑂𑐚𑐶𑐎 𑐬𑐶𑐖𑐫𑑂 𑐜𑐵𑐂𑐨𑐬𑑂𑐖𑐾𑐣𑑂𑐚 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚𑐫𑐵 𑐎𑐵𑐬𑐞𑑄 𑐐𑐸𑑃𑐖𑐮𑐵/𑐩𑐶𑐐𑐸𑑃 𑐡𑐂 𑐢𑐵𑑅𑐳𑐵 𑐥𑑂𑐫𑐵𑐳𑐶𑐦𑐶𑐎 𑐬𑐶𑑄𑐐 𑐀𑐦 𑐦𑐵𑐫𑐬𑐫𑑂 𑐎𑐣𑑂𑐨𑐬𑑂𑐖𑐾𑐣𑑂𑐚 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚𑐫𑐵 𑐎𑐵𑐬𑐞𑑄 𑐩𑐶𑐐𑐸𑑃 𑐡𑐂। 𑐜𑐵𑐂𑐨𑐬𑑂𑐖𑐾𑐣𑑂𑐚 𑐚𑐾𑐎𑑂𑐚𑑀𑐣𑐶𑐎 𑐐𑐟𑐶𑐰𑐶𑐢𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐖𑐸𑐂𑐐𑐸 𑐩𑐶𑐐𑐸𑑃 𑐁𑐥𑐵𑐮𑑄 𑐩𑐸𑐂 𑐩𑐏𑐸 𑐢𑐵𑑅𑐳𑐵 𑐎𑐣𑑂𑐨𑐬𑑂𑐖𑐾𑐣𑑂𑐚 𑐚𑐾𑐎𑑂𑐚𑑀𑐣𑐶𑐎𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐡𑐂𑐐𑐸 𑐩𑐶𑐐𑐸𑑃 𑐟𑐔𑑂𑐰𑐮𑑄 𑐩𑐸𑐂𑐐𑐸 𑐖𑐸𑐂। 𑐎𑑂𑐬𑐳𑑂𑐚𑐫𑐵 𑐥𑑂𑐮𑐾𑐚𑐫𑐵 𑐟𑐣𑐵𑐔𑑂𑐰𑑄𑐐𑐸 𑐰 𑐳𑐵𑐮𑐸𑐫𑐵𑐰𑑄𑐐𑐸 𑐠𑐵𑐳𑐫𑑂 𑐣𑑄 𑐐𑐸𑑃𑐖𑐮𑐵 𑐡𑐫𑐾𑐦𑐸, 𑐐𑐠𑐾𑐎𑐶 𑐥𑐹𑐬𑑂𑐰𑐷 𑐀𑐦𑑂𑐬𑐶𑐎𑐷 𑐬𑐶𑐦𑑂𑐚, 𑐰𑐾𑐮𑑂𑐳 𑐐𑑂𑐬𑐾-𑐎𑑂𑐮𑐶𑐫𑐬𑐰𑐵𑐚𑐬 𑐖𑑂𑐰𑐵𑐮𑐵𑐩𑐸𑐏𑐷 𑐎𑑂𑐲𑐾𑐟𑑂𑐬 𑐰 𑐄𑐟𑑂𑐟𑐬 𑐀𑐩𑐾𑐬𑐶𑐎𑐵𑐫𑐵 𑐬𑐶𑐫𑑀 𑐐𑑂𑐬𑐵𑐣𑑂𑐡𑐾 𑐬𑐶𑐦𑑂𑐚𑐫𑑂। 𑐥𑑂𑐮𑐾𑐚𑐫𑐵 𑐳𑐷𑐩𑐵𑑄 𑐟𑐵𑐥𑐵𑐎𑑂𑐎 𑐖𑑂𑐰𑐵𑐮𑐵𑐩𑐸𑐏𑐷 𑐡𑐎𑐮𑐫𑑂 𑐀𑐥𑑂𑐰 𑐥𑐺𑐠𑑂𑐰𑐷𑐫𑐵 𑐡𑐸𑐣𑐾 𑑓,𑑐𑑐𑑐 𑐎𑐶𑐮𑑀𑐩𑐶𑐚𑐬 (𑑑,𑑙𑑐𑑐 𑐩𑐵𑐂𑐮) 𑐐𑐵𑐮𑐫𑑂 𑐔𑑂𑐰𑑄𑐐𑐸 𑐩𑐾𑐣𑑂𑐚𑐮 𑐥𑑂𑐮𑐩 𑐢𑐵𑑅𑐐𑐸 𑐎𑑀𑐬–𑐩𑐾𑐣𑑂𑐚𑐮 𑐳𑐷𑐩𑐵𑑄 𑐀𑐥𑐰𑐾𑐮𑐶𑐒 𑐜𑐵𑐫𑐥𑐶𑐬 (upwelling diapirs)𑐥𑐵𑐏𑐾𑑄 𑐄𑐟𑑂𑐥𑐣𑑂𑐣 𑐖𑐸𑐂𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸। 𑐠𑐸𑐎𑐶𑐮𑐶𑑄 𑐴𑐚𑐳𑑂𑐥𑐚 𑐐𑐸𑑃𑐖𑐮𑐵 𑐰𑐵 𑐂𑐣𑑂𑐚𑑂𑐬𑐵𑐥𑑂𑐮𑐾𑐚 𑐐𑐸𑑃𑐖𑐮𑐵 𑐖𑐸𑐂, 𑐐𑐸𑐎𑐶𑐮𑐶 𑐥𑑂𑐮𑐩𑑄 𑐎𑑂𑐬𑐳𑑂𑐚𑐫𑐵𑐟 𑐳𑐵𑐮𑐸𑐎𑐾𑐦𑐸 𑐰 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚𑐫𑐵 𑐣𑐶𑐬𑐣𑑂𑐟𑐬 𑐐𑐟𑐶𑐫𑐵 𑐎𑐵𑐬𑐞𑑄 𑐐𑐸𑑃𑐖𑐮𑐵 𑐚𑐵𑐥𑐸 𑐗𑑂𑐰𑑅 𑐡𑐫𑐵𑐰𑐂, 𑐐𑐸𑐎𑐶𑐫𑐵 𑐡𑐳𑐸 𑐴𑐰𑐵𑐃 𑐴𑐚𑐳𑑂𑐥𑐚 𑐏। 𑐐𑐸𑑃𑐖𑐮𑐵 𑐁𑐥𑐵𑐮𑑄 𑐚𑑂𑐬𑐵𑐣𑑂𑐳𑐦𑐬𑑂𑐩 𑐚𑐾𑐎𑑂𑐚𑑀𑐣𑐶𑐎 𑐳𑐷𑐩𑐵𑐫𑑂 𑐡𑐂𑐩𑐏𑐸 𑐐𑐣 𑐣𑐶𑐐𑐸 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚 𑐕𑐐𑐹 𑐩𑐾𑐐𑐸𑐫𑐵 𑐮𑐶𑐄𑐣𑐾 𑐳𑑂𑐮𑐵𑐂𑐜 𑐖𑐸𑐂।
𑐟𑐵𑐖𑐶
[सम्पादन]- 𑐦𑐳𑐫𑑂 𑐩𑐶 𑐩𑐸𑐂𑐐𑐸 𑐐𑐸𑑃𑐖𑐮𑐵
- 𑐮𑐏𑐫𑑂 𑐩𑐶 𑐩𑐸𑐂𑐐𑐸 𑐐𑐸𑑃𑐖𑐮𑐵: 𑐮𑐏𑐫𑑂 𑐡𑐸𑐣𑐾𑐫𑐵 𑐩𑐶𑐐𑐸𑑃 𑐢𑐫𑐵𑐐𑐸 𑐥𑐺𑐠𑑂𑐰𑐷𑐂 𑐮𑑅𑐫𑐵 𑐡𑐸𑐣𑐾𑐫𑐵 𑐡𑐫𑐵𑐔𑑂𑐰𑐣𑐶𑐐𑐸 𑐨𑐾𑐣𑑂𑐚 𑐧𑐵𑐫𑑂 𑐦𑐶𑐳𑐬 𑐏𑑅 𑐐𑐸𑐎𑐶𑑄 𑐩𑐵𑐐𑑂𑐩𑐵 𑐥𑐶𑐴𑐵𑑄 𑐰𑐫𑐾𑐦𑐸। 𑐫𑐎𑑂𑐰 𑐮𑑅 𑐡𑐸𑐣𑐾𑐫𑐵 𑐩𑐶𑐐𑐸𑑃 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚𑐫𑐵 𑐳𑐶𑐠𑐫𑑂 𑐮𑐶𑐎𑑂𑐎 𑐮𑐵, 𑐐𑐸𑐎𑐶𑐫𑐵𑐟 𑐩𑐢𑑂𑐫-𑐳𑐩𑐸𑐡𑑂𑐬𑐫𑐵 𑐬𑐷𑐖𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐩𑐢𑑂𑐫 𑐳𑐩𑐸𑐡𑑂𑐬𑐫𑐵 𑐩𑐶𑐐𑐸𑑃 𑐰𑐵 𑐖𑑂𑐰𑐵𑐮𑐵𑐩𑐸𑐏𑐷𑑄 𑐖𑐎 𑐥𑐺𑐠𑑂𑐰𑐷𑐫𑐵 𑐳𑐎𑐮 𑐩𑑂𑐫𑐵𑐐𑑂𑐩𑐵𑐫𑐵 𑑗𑑕% 𑐄𑐟𑑂𑐥𑐵𑐡𑐣 𑐫𑐵𑐂𑐐𑐸 𑐀𑐣𑐸𑐩𑐵𑐣 𑐡𑐸। 𑐫𑐡𑑂𑐫𑐥𑐶 𑐀𑐢𑐶𑐎𑐵𑑄𑐱 𑐮𑑅 𑐩𑐶𑐐𑐸𑑃 𑐳𑐩𑐸𑐡𑑂𑐬 𑐰 𑐩𑐴𑐵𑐳𑐵𑐐𑐬𑐫𑐵 𑐐𑐵𑑅 𑐮𑐵𑑅𑐐𑐸 𑐠𑐵𑐳𑐫𑑂 𑐡𑐫𑐵𑐔𑑂𑐰𑐣𑐶 𑐰 𑐐𑐸𑐮𑐶𑑄 𑐩𑑂𑐴𑑀 𑐐𑐵𑑅 𑐮𑐵𑑅𑐐𑐸 𑐮𑐏𑐫𑑂 𑐣𑑄 𑐡𑐫𑐵𑐔𑑂𑐰𑐣𑐶। 𑐠𑐠𑐾 𑐩𑑂𑐴𑑀 𑐖𑐎 𑐐𑐵𑑅𑐮𑐵𑑅𑐐𑐸 𑐠𑐵𑐳𑐫𑑂 𑐡𑐂𑐐𑐸 𑐩𑐶𑐐𑐸𑑃 𑐩𑐸𑐂𑐧𑐶𑐮𑐾 𑐠𑐸𑐎𑐶𑐮𑐶𑑄 𑐮𑐏𑐫𑑂 𑐖𑐎 𑐩𑐏𑐸𑐳𑐾𑑄 𑐰𑐵𑐫𑐸𑐩𑐞𑑂𑐜𑐮𑐫𑑂 𑐮𑐵𑐨𑐵 𑐰 𑐐𑑂𑐫𑐵𑐳 𑐰𑐵𑑄𑐕𑑂𑐰𑐫𑐾𑐦𑐸। 𑐳𑐎𑐮 𑐮𑑅-𑐩𑐶𑐐𑐸𑑄𑐫𑐵 𑐮𑑂𑐫𑐵𑑅 𑑑𑑐 𑐮𑐏 𑐳𑑂𑐰𑐫𑐵 𑐀𑐥𑑂𑐰 𑐡𑐸 𑐐𑐸𑐎𑐶𑐮𑐶 𑐁𑐥𑐵𑐮𑑄 𑐁𑑅 𑐰𑐶𑐮𑐸𑐥𑑂𑐟 𑐖𑐸𑐂𑐢𑐸𑑄𑐎𑐮। 𑐠𑐸𑐎𑐶𑐮𑐶 𑐠𑑂𑐫𑑄-𑐩𑐠𑑂𑐫𑑄 𑑗𑑕,𑑐𑑐𑑐 𑐳𑐩𑐸𑐡𑑂𑐬𑐫𑐵 𑐟𑐮𑑄 𑑑𑐎𑐶𑐩𑐶 (𑑐.𑑖𑑒 𑐩𑐵𑐂𑐮) 𑐳𑑂𑐰𑐫𑐵 𑐀𑐥𑑂𑐰 𑐔𑑂𑐰𑐫𑑂 𑐠𑐴𑐵𑑄 𑐰𑐣𑐶। 𑐰𑑄𑐐𑐸 𑑑𑑑,𑑗𑑐𑑐 𑐡𑑃𑐫𑐵 𑐡𑐸𑐣𑐾 𑐥𑐺𑐠𑑂𑐰𑐷𑐫𑐵 𑐩𑐴𑐵𑐳𑐵𑐐𑐬 𑐰 𑐳𑐩𑐸𑐡𑑂𑐬𑐫𑑂 𑑑𑑑𑑙 𑐮𑑅𑐩𑐶𑐐𑐸𑑄 𑐖𑐎𑑂𑐎 𑐩𑐸𑐫𑐵𑐰𑑅𑐐𑐸 𑐏𑐣𑐾𑐡𑐸 𑐡𑐸।
𑐳𑑂𑐰𑐫𑐵𑐡𑐶𑐳𑑃
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Volcanoes |