छ्येलेमि:Eukesh/Auto/NepalScript/गणेशमान सिंह
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
.jpg)
thumb|right|𑐳𑐣𑑂 𑑑𑑙𑑙𑑓 𑐩𑐾𑑄 𑐐𑐞𑐾𑐱𑐩𑐵𑐣 𑐳𑐶𑑄𑐴 𑐐𑐞𑐾𑐱𑐩𑐵𑐣 𑐳𑐶𑑄𑐴 𑐣𑐾𑐥𑐵𑑅 𑐫𑐵𑐩𑑂𑐴 𑐳𑐬𑑂𑐰𑐩𑐵𑐣𑑂𑐫 𑐣𑐾𑐟𑐵 𑐰 𑑒𑑐𑑔𑑖 𑐳𑐵𑐮𑐫𑐵 𑐖𑐣𑐁𑐣𑑂𑐡𑑀𑐮𑐣𑐫𑐵 "𑐎𑐩𑐵𑐞𑑂𑐜𑐬" 𑐏𑑅 । 𑐰𑐫𑑂𑐎𑐫𑐵𑐟 "𑐮𑑀𑐴𑐥𑐸𑐬𑐸𑐲" 𑐎𑐠𑑄 𑐳𑐩𑑂𑐰𑑀𑐢𑐣 𑐫𑐵𑐫𑐾𑐐𑐸 𑐣𑑄 𑐫𑐵 । 𑐰𑐫𑑂𑐎𑐮𑑄 𑐠𑑅𑐐𑐸 𑐖𑐷𑐰𑐣𑐫𑑂 𑐬𑐵𑐞𑐵𑐱𑐵𑐳𑐣 𑐰 𑐥𑐘𑑂𑐔𑐵𑐫𑐟𑐷 𑐱𑐵𑐳𑐣 𑐫𑐵𑐣𑐵 𑐣𑐶𑐐𑐸 𑐀𑐥𑑂𑐬𑐖𑐵𑐟𑐵𑐣𑑂𑐟𑑂𑐬𑐶𑐎 𑐱𑐵𑐳𑐣𑐫𑐵 𑐰𑐶𑐬𑐸𑐡𑑂𑐢𑐫𑑂 𑐠𑐷-𑐠𑐷 𑐎𑐠𑑄 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐮 𑐰 𑐣𑐾𑐥𑐵𑐩𑐶𑐥𑐶𑑄𑐟 𑐥𑑂𑐬𑐖𑐵𑐟𑐣𑑂𑐟𑑂𑐬 𑐴𑐫𑐾𑐐𑐸𑐮𑐶 𑐫𑐎𑑂𑐰 𑐐𑑂𑐰𑐴𑐵𑐮𑐶 𑐫𑐵𑐣𑐵𑐡𑐶𑐮।
𑐖𑐷𑐰𑐣𑐷
[सम्पादन]𑐐𑐞𑐾𑐱𑐩𑐵𑐣 𑐳𑐶𑑄𑐴𑐫𑐵 𑐖𑐣𑑂𑐩 𑐰𑐶॰𑐳𑑄॰ 𑑑𑑙𑑗𑑒, 𑐎𑐵𑐬𑑂𑐟𑐶𑐎 𑑒𑑔 𑐐𑐟𑐾 𑐀𑐧𑐸 𑐖𑑂𑐘𑐵𑐣𑐩𑐵𑐣 𑐳𑐶𑑄𑐴 𑐰 𑐩𑐵𑑄 𑐳𑐵𑐣𑐸𑐣𑐵𑐣𑐷 𑐱𑑂𑐬𑐾𑐲𑑂𑐛𑐫𑐵 𑐎𑐵𑐫𑑂𑐫𑐵 𑐎𑐠𑑄 𑐖𑐸𑐐𑐸 𑐏: । 𑐰𑐫𑑂𑐎𑑅𑐫𑐵 𑐀𑐧𑐸 𑐖𑑂𑐘𑐵𑐣𑐩𑐵𑐣 𑐳𑐶𑑄𑐴 𑐰𑐫𑑂𑐎𑑅 𑐩𑐔𑐵𑐧𑐮𑐾 𑐴𑐾 𑐩𑐡𑐸𑐐𑐸𑐮𑐶𑑄 𑐰𑐫𑑂𑐎𑑅𑐫𑐵𑐟 𑐰𑐫𑑂𑐎𑑅𑐫𑐵 𑐀𑐖𑐵 𑐧𑐜𑐵𑐎𑐵𑐖𑐷 𑐳𑐬𑐡𑐵𑐬 𑐬𑐟𑑂𑐣𑐩𑐵𑐣 𑐳𑐶𑑄𑐴𑑄 𑐳𑑂𑐰𑐫𑐵𑐡𑐶𑐮।
𑐬𑐵𑐞𑐵 𑐱𑐵𑐳𑐣 𑐰𑐶𑐬𑑀𑐢𑐷 𑐀𑐨𑐶𑐫𑐵𑐣
[सम्पादन]𑐰𑐫𑑂𑐎𑐮𑑄 𑐠𑑅𑐐𑐸 𑐥𑑂𑐬𑐵𑐠𑐩𑐶𑐎 𑐱𑐶𑐎𑑂𑐲𑐵 𑐡𑐬𑐧𑐵𑐬 𑐴𑐵𑐂 𑐳𑑂𑐎𑐹𑐮𑐫𑑂 𑐎𑐫𑐵𑐡𑐶𑐮 । 𑐡𑐬𑐧𑐵𑐬 𑐴𑐵𑐂 𑐳𑑂𑐎𑐹𑐮𑐫𑑂 𑐰𑐫𑑂𑐎𑑅𑐫𑐵𑐟 𑐬𑐵𑐞𑐵𑐟𑐾𑐟 𑐳𑐩𑑂𑐩𑐵𑐣 𑐩𑐫𑐵𑐐𑐸𑐮𑐶𑑄 𑐰 𑐬𑐵𑐞𑐵𑐟𑐾𑐐𑐸 𑐣𑑂𑐴𑑂𑐫:𑐣𑐾 𑐳𑐵𑐂𑐎𑐮 𑐐𑐫𑐵 𑐖𑐹𑐐𑐸𑐮𑐶𑑄 𑐮𑐶𑐎𑐵𑐣𑐵 𑐕𑑂𑐰𑐮 । 𑐰 𑐢𑐸𑑄𑐎𑐵 𑐰𑐫𑑂𑐎𑐮𑑄 𑐩𑑂𑐫𑐵𑐚𑑂𑐬𑐶𑐎𑐸𑐮𑐾𑐱𑐣 𑐰 𑐁𑐂॰𑐊𑐳𑑂𑐳𑐷॰ 𑐨𑐵𑐬𑐟𑐫𑐵 𑐎𑐮𑐎𑐟𑑂𑐟𑐵𑑄 𑐫𑐵𑐣𑐵𑐡𑐶𑐮 । 𑐨𑐵𑐬𑐟𑑄 𑐣𑐾𑐥𑐵𑑅 𑐰𑐫𑐾 𑐢𑐸𑑄𑐎𑐵 𑐰𑐫𑑂𑐎𑑅𑐫𑐵 𑐳𑑄𑐐𑐟 𑐐𑑄𑐐𑐵 𑐮𑐵𑐮 𑐱𑑂𑐬𑐾𑐲𑑂𑐛𑐣𑐵𑐥 𑐖𑐹𑐰𑐣 । 𑐰𑐫𑑂𑐎𑑅𑐫𑐵 𑐳𑑄𑐐𑐟𑐫𑑂 𑐴𑐾 𑐰𑐫𑑂𑐎𑐮𑑄 𑐥𑑂𑐬𑐖𑐵 𑐥𑐬𑐶𑐲𑐡𑐫𑐵 𑐳𑐡𑐳𑑂𑐫𑐟𑐵 𑐎𑐫𑐵𑐡𑐶𑐮 । 𑐀𑐧𑐮𑐾 𑐴𑐾 𑐰𑐫𑑂𑐎𑑅𑐫𑐵 𑐂𑐴𑐶𑐥𑐵 𑐩𑑄𑐐𑐮𑐵𑐡𑐾𑐰𑐷 𑐳𑐶𑑄𑐴 𑐣𑐵𑐥 𑐖𑐹𑐰𑐣 । 𑐰𑐫𑑂𑐎𑑅𑐫𑐵 𑐂𑐴𑐶𑐥𑐵𑐫𑐵 𑐣𑐶𑐮𑐵 𑐴𑐾 𑐩𑐡𑐸𑐣𑐶𑐧𑐶𑐮𑐾 𑐰𑐫𑑂𑐎𑑅𑐫𑐵𑐟 𑐬𑐵𑐖𑐡𑑂𑐬𑑀𑐴𑐫𑐵 𑐩𑐸𑐡𑑂𑐢𑐵 𑐟𑐫𑐵 𑐖𑑂𑐫𑐵𑐣 𑐳𑐖𑐵𑐫𑑃𑐫𑐵 𑐣𑐶𑑄𑐟𑐶 𑐬𑐵𑐞𑐵𑐟𑐾𑐳𑑄 𑐗𑑂𑐫𑐵𑐮𑐏𑐵𑐣𑐵𑐫𑑂 𑐟𑐮 । 𑐟𑐬 𑐮𑐶𑐥𑐵 𑐥𑑂𑐫𑐩𑑂𑐴 𑐳𑐴𑐶𑐡𑐟𑐾𑐟 𑐳𑑂𑐫𑐵𑐣𑐵 𑐰𑐫𑑂𑐎𑑅𑐫𑐵𑐟 𑐁𑐖𑐷𑐰𑐣 𑐎𑐿𑐡 𑐰 𑐳𑐬𑑂𑐰𑐱𑑂𑐰 𑐴𑐬𑐞𑐫𑐵 𑐳𑐖𑐵𑐫𑑃 𑐧𑐷𑐐𑐸 𑐖𑐸𑐮 ।
𑐰𑐫𑑂𑐎𑑅 𑐥𑑂𑐫𑐡𑑃 𑐟𑐎𑑂𑐎 𑐬𑐵𑐞𑐵𑐟𑐾𑐐𑐸 𑐗𑑂𑐫𑐵𑐮𑐏𑐵𑐣𑐵𑐫𑑂 𑐫𑐵𑐟𑐣𑐵 𑐣𑐫𑐵 𑐔𑑂𑐰𑐣𑐵𑐡𑐶𑐮 । 𑐠𑑂𑐰 𑐃 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑐵 𑐁𑐢𑐸𑐣𑐶𑐎 𑐎𑐵𑐮𑐫𑐵 𑐖𑐾𑐮 𑐫𑐸𑐐 𑐣𑑄 𑐏: । 𑐖𑐾𑐮𑐫𑑂 𑐰𑐫𑑂𑐎𑐮𑑄 𑐱𑐸𑐎𑑂𑐬𑐬𑐵𑐖 𑐱𑐵𑐳𑑂𑐟𑑂𑐬𑐷𑐫𑐵 𑐥𑑂𑐬𑐨𑐵𑐰𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐕𑐐𑐹 𑐏𑑃𑐐𑑂𑐰𑑅 𑐢𑐸𑐎𑐹 𑐔𑑂𑐰𑐾𑐐𑐸 𑐖𑑂𑐫𑐵 𑐣𑑄 𑐣𑑂𑐴𑑂𑐫𑐠𑐣𑐵𑐡𑐶𑐮 । 𑐥𑑂𑐫𑐡𑑃 𑐮𑐶𑐥𑐵 𑐰𑐫𑑂𑐎𑑅 𑐖𑐾𑐮𑑄 𑐧𑐶𑐳𑑂𑐫𑐸𑑄𑐰𑐣𑐵 𑐨𑐵𑐬𑐟𑐫𑑂 𑐠𑑂𑐫𑐣𑐵𑐡𑐶𑐮 𑐰 𑐰𑐫𑑂𑐎𑐮𑑄 𑐣𑑂𑐴𑑂𑐫𑐠𑐣𑐵𑐡𑐶𑐐𑐸 𑐳𑐦𑐹 𑐮𑐶𑐥𑐵 𑐖𑐾𑐮𑐫𑑂 𑐴𑐾 𑐟𑐣𑐵 𑐰𑐣 । 𑐨𑐵𑐬𑐟𑐫𑐵 𑐎𑐮𑐎𑐟𑑂𑐟𑐵𑐫𑑂 𑐰𑐫𑑂𑐎𑐮𑑄 𑐰𑐶𑐱𑑂𑐰𑐾𑐱𑑂𑐰𑐬 𑐥𑑂𑐬𑐳𑐵𑐡 𑐎𑑀𑐂𑐬𑐵𑐮𑐵 𑐣𑐵𑐥 𑐖𑐵𑐣𑐵 𑐣𑐾𑐥𑐵𑐮𑐷 𑐬𑐵𑐲𑑂𑐚𑑂𑐬𑐶𑐫 𑐎𑐵𑑄𑐐𑑂𑐬𑐾𑐳 𑐥𑐵𑐬𑑂𑐚𑐷𑐫𑐵 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮 । 𑐰𑐫𑑂𑐎𑐮𑑄 𑐨𑐵𑐬𑐟𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐳𑑄𑐐𑑂𑐬𑐵𑐩𑐫𑑂 𑐣𑑄 𑐧𑑂𑐰𑐟𑐶 𑐎𑐫𑐵𑐡𑐶𑐮 𑐰 𑐩𑐴𑐵𑐟𑑂𑐩𑐵 𑐐𑐵𑐣𑑂𑐢𑐷, 𑐖𑐰𑐵𑐴𑐬𑐮𑐵𑐮 𑐣𑐾𑐴𑐬𑐸, 𑐖𑐫𑐥𑑂𑐬𑐎𑐵𑐱 𑐣𑐵𑐬𑐵𑐫𑐞 𑐁𑐡𑐶𑐫𑐵 𑐥𑑂𑐬𑐨𑐵𑐰𑐫𑑂 𑐮𑐵𑐣𑐵𑐡𑐶𑐮 ।
𑐰𑐶॰𑐳𑑄॰ 𑑒𑑐𑑐𑑖𑐳 𑐣𑐾𑐥𑐵𑐮𑐷 𑐬𑐵𑐲𑑂𑐚𑑂𑐬𑐶𑐫 𑐎𑐵𑑄𑐐𑑂𑐬𑐾𑐳 𑐰 𑐣𑐾𑐥𑐵𑐮𑐷 𑐥𑑂𑐬𑐖𑐵𑐟𑐵𑐣𑑂𑐟𑑂𑐬𑐶𑐎 𑐎𑐵𑑄𑐐𑑂𑐬𑐾𑐳𑐫𑐵𑐟 𑐕𑐢𑐷 𑐫𑐵𑐣𑐵 𑐣𑐾𑐥𑐵𑐮𑐷 𑐎𑐵𑑃𑐐𑑂𑐬𑐾𑐳𑐫𑐵 𑐥𑐮𑐶𑐳𑑂𑐠𑐵 𑐫𑐵𑐫𑐾𑐐𑐸𑐮𑐶 𑐣𑑄 𑐰𑐫𑑂𑐎𑑅𑐫𑐵 𑐟𑐢𑑄𑐐𑐸 𑐮𑑂𑐴𑐵: 𑐡𑐸 ।
𑐰𑐶॰𑐳𑑄॰ 𑑒𑑐𑑐𑑖𑐳 𑐀𑐧𑑂𑐮𑐾𑐫𑐵 𑐖𑐸𑐖𑐸 𑐟𑑂𑐬𑐶𑐨𑐹𑐰𑐣𑐫𑐵𑐟 𑐬𑐵𑐞𑐵𑐟𑐾𑐐𑐸 𑐎𑐧𑑂𑐖𑐵𑑄 𑐥𑐶𑐣𑐾 𑐥𑐵𑐮𑑂𑐥𑐵𑐫𑑂 𑐴𑐫𑐾𑐟𑑅 𑐳𑐾𑐣𑐵𑐟𑐾𑐟 𑐨𑐜𑑂𑐎𑐾𑐫𑐵𑐐𑐸 𑐁𑐬𑑀𑐥𑐫𑑂 𑐰𑐫𑑂𑐎𑑅𑐫𑐵𑐟 𑐠𑑀𑐬𑐷𑐫𑐵 𑐐𑐸𑑄𑐂 𑐬𑐵𑐞𑐵𑐟𑐾𑐳𑑄 𑐖𑑂𑐰𑐣 । 𑐬𑐵𑐞𑐵𑐟𑐫𑑂 𑐴𑐵𑐎𑐶𑐩𑐟𑐾𑐟 𑐰𑐫𑑂𑐎𑐮𑑄 𑐀𑐩𑐵𑐣𑐵𑐬𑑂𑐠 𑐏𑑃𑐐𑑂𑐰𑑅 𑐕𑑂𑐫𑑂𑐮𑐵 ("𑐟𑑃" 𑐢𑐎𑐵) 𑐏𑑃𑐮𑑂𑐴𑐵𑐐𑐸𑐮𑐶𑑄 𑐬𑐵𑐞𑐵𑐟𑐾𑐳𑑄 𑐰𑐫𑑂𑐎𑑅𑐫𑐵𑐟 𑐡𑑂𑐰𑐕𑐶𑐎𑑂𑐰: (𑑑,𑑐𑑐𑑐) 𑐎𑑀𑐬𑑂𑐬𑐵𑑄 𑐡𑐵𑐫𑐾𑐎𑐮 । 𑐄𑐮𑐶 𑐎𑑀𑐬𑑂𑐬𑐵 𑐣𑐫𑐵 𑐧𑐾𑐴𑑀𑐱 𑐖𑐸𑐫𑐵 𑐣𑑄 𑐰𑐫𑑂𑐎𑐮𑑄 𑐠𑐐𑐸 𑐁𑐡𑐬𑑂𑐱 𑐟𑑂𑐰:𑐟𑐵 𑐩𑐡𑐷 । 𑐠𑑂𑐰 𑐑𑐚𑐣𑐵 𑐢𑐸𑑄𑐎𑐵 𑐰𑐫𑑂𑐎𑑅𑐫𑐵𑐟 "𑐮𑑁𑐴 𑐥𑐸𑐬𑐸𑐲" 𑐢𑐎𑐵 𑐴𑐣𑐶𑐐𑐸 𑐫𑐵𑐟 । 𑐠𑑂𑐰 𑐢𑐸𑑄𑐎𑐵 𑐰𑐫𑑂𑐎𑑅𑐫𑐵𑐟 𑑒𑑐𑑐𑑗 𑐳𑐵𑐮 𑐟𑐎𑑂𑐎 𑐬𑐵𑐞𑐵𑐟𑐾𑐳𑑄 𑐗𑑂𑐫𑐵𑐮𑐏𑐵𑐣𑐵𑐫𑑂 𑐎𑐸𑐣𑐵 𑐟𑐮 ।
𑐥𑑂𑐬𑐠𑐩 𑐥𑑂𑐬𑐖𑐵𑐟𑐵𑐣𑑂𑐟𑑂𑐬𑐶𑐎 𑐎𑐵𑐮
[सम्पादन]𑑒𑑐𑑐𑑗 𑐳𑐵𑐮𑐫𑐵 𑐎𑑂𑐬𑐵𑐣𑑂𑐟𑐶 𑐳𑐦𑐮 𑐖𑐸𑐂𑐢𑐸𑑄𑐎𑐵 𑐰𑐫𑑂𑐎𑑅 𑐖𑐾𑐮𑑄 𑐩𑐸𑐎𑑂𑐟 𑐖𑐸𑐫𑐵𑐡𑐶𑐮 । 𑐰 𑐢𑐸𑑄𑐎𑐵 𑐥𑐮𑐶𑐳𑑂𑐠𑐵 𑐖𑐸𑐐𑐸 𑐳𑐬𑐎𑐵𑐬𑐫𑑂 𑐰𑐫𑑂𑐎𑑅 𑐄𑐡𑑂𑐫𑑀𑐐 𑐟𑐠𑐵 𑐰𑐵𑐞𑐶𑐖𑑂𑐫 𑐩𑐣𑑂𑐟𑑂𑐬𑐷 𑐖𑐸𑐫𑐵𑐡𑐶𑐮 । 𑐰𑐶॰𑐳𑑄॰ 𑑒𑑐𑑑𑑗 𑐳𑐵𑐮𑐫𑐵 𑐣𑐾𑐥𑐵𑑅𑐫𑐵 𑐣𑑂𑐴𑐵𑐥𑐵𑑄𑐐𑐸 𑐣𑐶𑐬𑑂𑐰𑐵𑐔𑐣𑐫𑑂 𑐰𑐫𑑂𑐎𑐮𑑄 𑐫𑐾𑑃𑐫𑐵 𑐣𑐶𑐬𑑂𑐰𑐵𑐔𑐣 𑐮𑐵𑐐𑐵 𑐮𑑂𑐫𑐵 𑑓 𑐣𑑄 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵 𑐣𑐶𑐬𑑂𑐩𑐵𑐞 𑐟𑐠𑐵 𑐫𑐵𑐟𑐵𑐫𑐵𑐟 𑐩𑐣𑑂𑐟𑑂𑐬𑐷 𑐖𑐸𑐫𑐵𑐡𑐶𑐮 ।
𑐥𑐘𑑂𑐔𑐵𑐫𑐟 𑐎𑐵𑐮
[सम्पादन]𑑒𑑐𑑑𑑗 𑐳𑐵𑐮, 𑐥𑑁𑐲 𑑑 𑐐𑐟𑐾 𑐖𑐸𑐖𑐸 𑐩𑐴𑐾𑐣𑑂𑐡𑑂𑐬𑑄 𑐳𑐟𑑂𑐟𑐵 𑐠𑑅𑐐𑐸 𑐮𑑂𑐴𑐵𑐟𑐫𑑂 𑐎𑐵𑐫𑐾𑐢𑐸𑑄𑐎𑐵 𑐰𑐫𑑂𑐎𑑅𑐫𑐵𑐟 𑐳𑐸𑐣𑑂𑐡𑐬𑐷𑐖𑐮 𑐖𑐾𑐮𑐫𑑂 𑐎𑐸𑐣𑐵𑐧𑐶𑐮 । 𑐰𑐶॰𑐳𑑄॰ 𑑒𑑐𑑒𑑕𑐫𑑂 𑐎𑐵𑐬𑐵𑐐𑐵𑐬𑑄 𑐥𑐶𑐴𑐵𑑄𑐰𑐫𑑂𑐢𑐸𑑄𑐎𑐵 𑐰𑐫𑑂𑐎𑑅 𑐨𑐵𑐬𑐟𑐫𑑂 𑐣𑐶𑐬𑑂𑐰𑐵𑐳𑐶𑐟 𑐖𑐸𑐫𑐵𑐡𑐶𑐮 । 𑐰𑐫𑑂𑐎𑐮𑑄 𑐨𑐵𑐬𑐟𑑄 𑐴𑐾 𑐥𑑂𑐬𑐖𑐵𑐟𑐵𑐣𑑂𑐟𑑂𑐬𑐶𑐎 𑐥𑐸𑐣𑐬𑑂𑐧𑐴𑐵𑐮𑐷𑐫𑐵 𑐎𑐸𑐟𑑅 𑐰𑐶𑐱𑑂𑐰𑐾𑐱𑑂𑐰𑐬𑐥𑑂𑐬𑐳𑐵𑐡 𑐎𑑀𑐂𑐬𑐵𑐮𑐵 𑐣𑐵𑐥𑑄 𑐫𑐵𑐣𑐵𑐡𑐶𑐮 । 𑑒𑑐𑑓𑑓 𑐳𑐵𑐮 𑐥𑑁𑐲 𑑑𑑖 𑐐𑐟𑐾 𑐰𑐫𑑂𑐎𑑅 𑐰𑐶𑐱𑑂𑐰𑐾𑐱𑑂𑐰𑐬𑐥𑑂𑐬𑐳𑐵𑐡 𑐎𑑀𑐂𑐬𑐵𑐮𑐵 𑐣𑐵𑐥𑑄 𑐬𑐵𑐲𑑂𑐚𑑂𑐬𑐶𑐫 𑐩𑐾𑐮𑐩𑐶𑐮𑐵𑐥𑐫𑐵 𑐣𑐷𑐟𑐶 𑐎𑐠𑑄 𑐣𑐾𑐥𑐵𑑅 𑐮𑐶𑐴𑐵𑑄 𑐧𑐶𑐖𑑂𑐫𑐵𑐟 । 𑑒𑑐𑑓𑑘 𑐳𑐵𑐮𑐫𑐵 𑐖𑐸𑐖𑐸 𑐰𑐷𑐬𑐾𑐣𑑂𑐡𑑂𑐬𑑄 𑐫𑐵𑐣𑐵𑐡𑐶𑐐𑐸 𑐖𑐣𑐩𑐟𑐳𑑄𑐐𑑂𑐬𑐴𑐫𑑂 𑐢𑐵𑑄𑐢𑐮𑐷 𑐖𑐸𑐂𑐢𑐸𑑄𑐎𑐵 𑐰𑐫𑑂𑐎𑑅 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵 𑐣𑐶𑑄𑐟𑐶 𑐴𑐵𑐣𑑄 𑐣𑑂𑐴𑐸𑐐𑐸 𑐖𑑂𑐫𑐵 𑐫𑐵𑐫𑐾𑐟 𑐎𑐸𑐟𑑅 𑐫𑐵𑐣𑐵𑐡𑐶𑐮 । 𑐰 𑐴𑐾 𑐃𑐮𑐫𑑂 𑐰𑐶॰𑐳𑑄॰ 𑑒𑑐𑑓𑑙𑐳 𑐰𑐶𑐱𑑂𑐰𑐾𑐱𑑂𑐰𑐬𑐥𑑂𑐬𑐳𑐵𑐡 𑐎𑑀𑐂𑐬𑐵𑐮𑐵𑐫𑐵 𑐡𑐾𑐴𑐵𑐰𑐳𑐵𑐣 𑐖𑐸𑐂𑐢𑐸𑑄𑐎𑐵 𑐰𑐫𑑂𑐎𑐮𑑄 𑐎𑐺𑐲𑑂𑐞 𑐥𑑂𑐬𑐳𑐵𑐡 𑐨𑐚𑑂𑐚𑐬𑐵𑐃 𑐰 𑐐𑐶𑐬𑐶𑐖𑐵 𑐥𑑂𑐬𑐳𑐵𑐡 𑐎𑑀𑐂𑐬𑐵𑐮𑐵 𑐣𑐵𑐥𑑄 𑐣𑐾𑐥𑐵𑐮𑐷 𑐎𑐵𑑃𑐐𑑂𑐬𑐾𑐳 𑐥𑐵𑐬𑑂𑐚𑐷 𑐰 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵 𑐁𑐣𑑂𑐡𑑀𑐮𑐣 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐮 । 𑐰𑐶॰𑐳𑑄॰ 𑑒𑑐𑑔𑑕 𑐳𑐵𑐮, 𑐩𑐵𑐑 𑑕𑐐𑐟𑐾 𑐰𑐫𑑂𑐎𑐮𑑄 𑐎𑐩𑑂𑐫𑐸𑐣𑐶𑐳𑑂𑐚 𑐥𑐵𑐬𑑂𑐚𑐷 𑐣𑐵𑐥 𑐕𑐢𑐷 𑐖𑐸𑐫𑐵 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐫𑐵𑐣𑐵𑐡𑐶𑐮। 𑐰𑐶॰𑐳𑑄॰ 𑑒𑑐𑑔𑑖, 𑐦𑐵𑐮𑑂𑐐𑐸𑐞 𑑗 𑐐𑐟𑐾 𑐣𑐶𑐳𑐾𑑄 𑐰𑐫𑑂𑐎𑐮𑑄 𑐠𑑅𑐐𑐸 𑐴𑐾 𑐕𑐾𑑃 𑐔𑐵𑐎𑑂𑐳𑐷𑐧𑐵𑐬𑐷𑑄 𑐖𑐣 𑐁𑐣𑑂𑐡𑑀𑐮𑐣𑐫𑐵 𑐑𑑀𑐲𑐞𑐵 𑐫𑐵𑐣𑐵𑐡𑐶𑐮 । 𑐠𑑂𑐰 𑐁𑐣𑑂𑐡𑑀𑐮𑐣𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐰𑐶॰𑐳𑑄॰ 𑑒𑑐𑑔𑑖 𑐔𑐿𑐟𑑂𑐬 𑑒𑑖 𑐐𑐟𑐾 𑐥𑑂𑐬𑐖𑐵𑐟𑐣𑑂𑐟𑑂𑐬 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐖𑐸𑐮 ।
𑐣𑐶𑐐𑐸𑐐𑐸 𑐥𑑂𑐬𑐖𑐵𑐟𑐵𑐣𑑂𑐟𑑂𑐬𑐶𑐎 𑐎𑐵𑐮
[सम्पादन]𑐥𑑂𑐬𑐖𑐵𑐟𑐣𑑂𑐟𑑂𑐬 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐖𑐸𑐂 𑐢𑐸𑑄𑐎𑐵 𑐰𑐫𑑂𑐎𑑅𑐫𑐵𑐟 𑐣𑐾𑐥𑐵𑑅𑐫𑐵 𑐖𑐸𑐖𑐸 𑐰𑐷𑐬𑐾𑐣𑑂𑐡𑑂𑐬𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐖𑐸𑐂𑐟 𑐂𑐣𑐵𑐥 𑐫𑐵𑐣𑐵𑐡𑐶𑐮 । 𑐟𑐬 𑐰𑐫𑑂𑐎𑐮𑑄 𑐖𑐸𑐖𑐸𑐫𑐵 𑐥𑑂𑐬𑐳𑑂𑐟𑐵𑐰𑐫𑐵𑐟 𑐀𑐳𑑂𑐰𑐷𑐎𑐵𑐬 𑐫𑐵𑐳𑐾𑑄 𑐠𑑅𑐩𑑂𑐴𑑂 𑐥𑐵𑐳𑐵 𑐎𑐺𑐲𑑂𑐞𑐥𑑂𑐬𑐳𑐵𑐡 𑐨𑐚𑑂𑐚𑐬𑐵𑐃𑐫𑐵𑐟 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐡𑐫𑐾𑐎𑐵𑐡𑐶𑐮 𑐰 𑐠𑑅 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵 𑐥𑐴𑐬𑐾𑐡𑐵𑐬 𑐖𑐸𑐫𑐵 𑐔𑑂𑐰𑐣𑐵𑐡𑐶𑐮 । 𑐰𑐫𑑂𑐎𑑅𑐫𑐵𑐟 𑐠𑐣𑑂𑐫𑐵𑐐𑐸 𑐟𑑂𑐫𑐵𑐐𑐫𑐵 𑐣𑐶𑑄𑐟𑐶 "𑐳𑐬𑑂𑐰𑑀𑐔𑑂𑐔 𑐣𑐾𑐟𑐵" 𑐢𑐎𑐵 𑐴𑐣𑐶𑐐𑐸 𑐣𑑄 𑐫𑐵𑐟 । 𑐰𑐫𑑂𑐎𑑅𑐫𑐵 𑐥𑐵𑐬𑑂𑐚𑐷 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳𑑄 𑐥𑑂𑐬𑐖𑐵𑐟𑐣𑑂𑐟𑑂𑐬 𑐰𑐫𑐾 𑐢𑐸𑑄𑐎𑐵 𑐧𑐴𑐸𑐩𑐟 𑐴𑐮 । 𑐟𑐬 𑐧𑐴𑐸𑐩𑐟 𑐴𑐫𑐾𑐢𑐸𑑄𑐎𑐵 𑐣𑑄 𑐰𑐫𑑂𑐎𑑅𑐫𑐵 𑐁𑐡𑐬𑑂𑐱 𑐎𑐠𑑄 𑐎𑐵𑑄𑐐𑑂𑐬𑐾𑐳𑑄 𑐖𑑂𑐫𑐵 𑐫𑐵𑐫𑐾𑐐𑐸 𑐎𑐸𑐟𑑅 𑐩𑐫𑐵𑐐𑐸𑐮𑐶𑑄 𑐰𑐫𑑂𑐎𑐮𑑄 𑐎𑐵𑑄𑐐𑑂𑐬𑐾𑐳 𑐥𑐵𑐬𑑂𑐚𑐷 𑐴𑐾 𑐟𑑂𑐰𑐟𑐵𑐡𑐶𑐮 । 𑐀𑐟𑑅, 𑐩𑐾𑐐𑐸 𑐣𑐶𑐬𑑂𑐰𑐵𑐔𑐣𑐫𑑂 𑐎𑐵𑑄𑐐𑑂𑐬𑐾𑐳𑑄 𑐧𑐴𑐸𑐩𑐟 𑐴𑐫𑐾 𑐩𑐦𑐟 𑐰 𑐣𑐾𑐎𑐥𑐵 (𑐊𑐩𑐵𑐮𑐾) 𑐣𑑄 𑐀𑐮𑑂𑐥𑐩𑐟𑑄 𑐔𑐸𑐣𑐵𑐰 𑐟𑑂𑐫𑐵𑐟 । 𑐣𑐾𑐥𑐵𑑅𑐫𑐵 𑐬𑐵𑐖𑐣𑐿𑐟𑐶𑐎 𑐥𑐵𑐬𑑂𑐚𑐷𑐟𑐾𑐳𑑄 𑐁𑐡𑐬𑑂𑐱 𑐎𑐵𑐫𑐩 𑐫𑐵𑐫𑐾𑐩𑐦𑐸𑐐𑐸 𑐃𑐮𑐾 𑐰𑐫𑑂𑐎𑐮𑑄 𑐩𑐔𑐵 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵𑐟 𑐏𑐟𑐬𑐵 𑐡𑐸𑐐𑐸 𑐢𑐵𑐥𑐹 𑐣𑑂𑐴𑑂𑐫𑐧𑑂𑐰𑐫𑐵𑐡𑐶𑐮 । 𑐟𑐬 𑐰𑐫𑑂𑐎𑑅𑐫𑐵 𑐏𑑃𑐫𑐵𑐟 𑐩𑐣𑐸𑐟𑐾𑐳𑑄 𑐩𑐟𑐮𑐧 𑐩𑐫𑐵𑐟 । 𑐦𑐮𑐳𑑂𑐰𑐬𑐸𑐥, 𑐰𑐫𑑂𑐎𑑅 𑐩𑐡𑐫𑑂 𑐢𑐸𑑄𑐎𑐵, 𑐖𑐸𑐖𑐸 𑐖𑑂𑐘𑐵𑐣𑐾𑐣𑑂𑐡𑑂𑐬𑑄 𑐴𑐵𑐣𑑄 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵𑐟 𑐎𑑂𑐰𑐟𑑂𑐫𑐾𑐮𑐵 𑐱𑐵𑐳𑐣 𑐫𑐵𑐟।
𑐳𑐶𑐬𑐥𑐵
[सम्पादन]𑐰𑐫𑑂𑐎𑑅𑐫𑐵𑐟 𑐮𑑅𑐮𑑂𑐴𑐵𑐐𑐸 𑐩𑐹 𑐳𑐶𑐬𑐥𑐵 𑐠𑑂𑐰 𑐎𑐠𑑄 𑐡𑐸-
- 𑐫𑐸𑐣𑐵𑐂𑐚𑐾𑐜 𑐣𑐾𑐳𑐣𑑂𑐳 𑐴𑑂𑐫𑐸𑐩𑐣 𑐬𑐵𑐂𑐚 𑐊𑐰𑐵𑐬𑑂𑐡 (𑐠𑑂𑐰 𑐳𑐶𑐬𑐥𑐵 𑐮𑑅𑐮𑑂𑐴𑐵𑐩𑑂𑐴 𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄𑐩𑑂𑐴 𑐊𑐳𑐶𑐫𑐵𑐩𑐶 𑐰𑐫𑑂𑐎𑑅 𑐴𑐾 𑐏:)
- 𑐄 𑐠𑐵𑐣𑑂𑐟 𑐥𑐶𑐱 𑐊𑐰𑐵𑐬𑑂𑐡
𑐬𑐵𑐖𑐣𑐷𑐟𑐶𑐂 𑐥𑑂𑐬𑐨𑐵𑐰
[सम्पादन]𑐰𑐫𑑂𑐎 𑐣𑐾𑐥𑐵𑐩𑐶 𑐬𑐵𑐖𑐣𑐷𑐟𑐷 𑐢𑐿𑐬𑑂𑐫, 𑐱𑑁𑐬𑑂𑐫 𑐰 𑐣𑐿𑐟𑐶𑐎𑐟𑐵𑐫𑐵 𑐥𑑂𑐬𑐟𑐶𑐎 𑐖𑐸𑐫𑐵𑐡𑐶𑐐𑐸 𑐡𑐸 । 𑐰𑐫𑑂𑐎𑐮𑑄 𑐣𑐶𑐎𑑂𑐰𑑅 𑐥𑑂𑐬𑐖𑐵𑐟𑐣𑑂𑐟𑑂𑐬 𑐴𑐫𑐾𑐟 𑐣𑐾𑐟𑐺𑐟𑑂𑐰 𑐫𑐵𑐣𑐵, 𑐥𑑂𑐬𑐖𑐵𑐟𑐣𑑂𑐟𑑂𑐬 𑐴𑐫𑐾𑐟 𑐱𑐵𑐬𑐶𑐬𑐶𑐎 𑐰 𑐩𑐵𑐣𑐳𑐶𑐎 𑐫𑐵𑐟𑐣𑐵 𑐦𑐫𑐵, 𑐣𑐾𑐥𑐵𑑅𑐫𑐵𑐐𑐸 𑐂𑐟𑐶𑐴𑐵𑐳𑐫𑑂 𑐴𑐾 𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄𑐐𑐸 𑐱𑐵𑐣𑑂𑐟𑐶𑐥𑐹𑐬𑑂𑐞 𑐳𑐦𑐮 𑐁𑐣𑑂𑐡𑑀𑐮𑐣𑐫𑐵 𑐣𑐾𑐟𑐺𑐟𑑂𑐰 𑐫𑐵𑐣𑐵𑐡𑐶𑐫𑐵, 𑐣𑐵𑐥𑑄 𑐥𑑂𑐬𑐖𑐵𑐟𑐣𑑂𑐟𑑂𑐬 𑐰𑐫𑐾 𑐢𑐸𑑄𑐎𑐵 𑐕𑐸𑑄 𑐥𑐡 𑐩𑐎𑐵𑐳𑐾𑑄 𑐥𑑂𑐬𑐖𑐵𑐟𑐣𑑂𑐟𑑂𑐬𑐫𑐵 𑐥𑐴𑐬𑐾𑐡𑐵𑐬 𑐖𑐸𑐫𑐵 𑐰 𑐠𑑅𑐐𑐸 𑐁𑐡𑐬𑑂𑐱𑐫𑐵 𑐣𑐶𑑄𑐟𑐶 𑐥𑐵𑐬𑑂𑐚𑐷𑐫𑐵𑐟 𑐴𑐾 𑐟𑑂𑐰:𑐟𑐵 𑐣𑐾𑐥𑐵:𑐫𑐵 𑐬𑐵𑐖𑐣𑐷𑐟𑐶𑐂 𑐕𑐩𑑂𑐴 𑐴𑐣𑐾𑐧𑐴𑐩𑑂𑐴 𑐰𑑂𑐫𑐎𑑂𑐟𑐶𑐟𑑂𑐰 𑐖𑐸𑐫𑐵 𑐎𑑂𑐫𑐣𑐵𑐡𑐶𑐮 ।