𑐎𑑀𑐮𑐶𑐫𑐵

देवनागरीइ ब्वनेत: कोलिया तियादिसँ

𑐎𑑀𑐮𑐶𑐫𑐵 𑐧𑐵𑐫𑑂 𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 ( Pluvialis fulva ) 𑐕𑐐𑐹 𑐩𑐵𑐂𑐐𑑂𑐬𑐾𑐟𑐬𑐷 𑐳𑐩𑐸𑐡𑑂𑐬𑐳𑐶𑐠𑐫𑑂 𑐡𑐂𑐐𑐸 𑐔𑐏𑐸𑑄 𑐏 𑐐𑐸𑐎𑐶𑐮𑐶𑑄 𑐀𑐮𑐵𑐳𑑂𑐎𑐵 𑐰 𑐳𑐵𑐂𑐧𑐾𑐬𑐶𑐫𑐵𑐫𑑂 𑐟𑐵𑐴𑐵𑐮𑐵 𑐂𑐮𑐫𑑂 𑐥𑑂𑐬𑐖𑐣𑐣 𑐫𑐵𑐂। 𑐐𑐿𑐬-𑐥𑑂𑐬𑐖𑐣𑐣 𑐩𑑁𑐳𑐩𑐫𑑂, 𑐠𑑂𑐰 𑐩𑐢𑑂𑐫𑐩 𑐁𑐎𑐵𑐬𑐫𑐵 𑐥𑑂𑐮𑑀𑐨𑐬 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬 𑐥𑐵𑐬 𑐫𑐵𑐣𑐵𑑅 𑐰𑑂𑐫𑐵𑐥𑐎 𑐬𑐸𑐥𑑄 𑐩𑐵𑐂𑐐𑑂𑐬𑐾𑐚 𑐖𑐸𑐂।

𑐰𑐬𑑂𑐐𑐷𑐎𑐬𑐞

𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬𑐫𑐵 𑐍𑐥𑐔𑐵𑐬𑐶𑐎 𑐰𑐬𑑂𑐞𑐣 𑐳𑐣𑑂 𑑑𑑗𑑘𑑙𑐳 𑐖𑐬𑑂𑐩𑐣 𑐥𑑂𑐬𑐎𑐺𑐟𑐶𑐰𑐶𑐡𑑂 𑐖𑑀𑐴𑐵𑐣 𑐦𑑂𑐬𑐾𑐜𑐬𑐶𑐎 𑐐𑑂𑐩𑐾𑐮𑐶𑐣𑑄 𑐎𑐵𑐬𑑂𑐮 𑐮𑐶𑐣𑐶𑐫𑐳𑐫𑐵 𑐳𑐶𑐳𑑂𑐚𑐾𑐩𑐵 𑐣𑐾𑐔𑐸𑐬𑐾𑐫𑐵 𑐳𑑄𑐱𑑀𑐢𑐶𑐟 𑐰 𑐰𑐶𑐳𑑂𑐟𑐵𑐬𑐶𑐟 𑐳𑑄𑐳𑑂𑐎𑐬𑐞𑐫𑑂 𑐫𑐵𑐣𑐵𑐡𑐶𑐮। 𑐰𑐫𑑂𑐎𑐮𑑄 𑐠𑑂𑐰 𑐗𑑄𑐐𑑅 𑐫𑐵𑐟 𑐩𑐾𑐩𑐾𑐐𑐸 𑐥𑑂𑐮𑑀𑐨𑐬 𑐣𑐵𑐥𑑄 𑐔𑐵𑐬𑐵𑐜𑑂𑐬𑐶𑐫𑐳 𑐖𑐶𑐣𑐳𑐫𑑂 𑐟𑐫𑐵𑑅 𑐔𑐵𑐬𑐵𑐜𑑂𑐬𑐶𑐫𑐳 𑐦𑐸𑐮𑑂𑐨𑐳 𑐣𑐵𑑄𑐫𑐵 𑐧𑐵𑐂𑐣𑑀𑐩𑐶𑐫𑐮 𑐣𑐵𑑄 𑐡𑐫𑐾𑐎𑐵𑐡𑐶𑐮। ^[१] 𑐐𑑂𑐩𑐾𑐮𑐶𑐣𑑄 𑐠𑑅𑐐𑐸 𑐰𑐶𑐰𑐬𑐞 "𑐦𑐸𑐮𑑂𑐨𑐳 𑐥𑑂𑐮𑑀𑐨𑐬"𑐫𑐵 𑐁𑐢𑐵𑐬𑐫𑑂 𑐡𑐫𑐾𑐎𑐵𑐡𑐶𑐮 𑐐𑐸𑐎𑐶𑐫𑐵𑐟 𑐳𑐣𑑂 𑑑𑑗𑑘𑑕𑐫𑑂 𑐀𑑄𑐐𑑂𑐬𑐾𑐖 𑐀𑐬𑑂𑐣𑐶𑐠𑑅𑐮𑐖𑐶𑐳𑑂𑐟 𑐖𑑀𑐣 𑐮𑐵𑐠𑐩𑑄 𑐟𑐴𑐶𑐟𑐷𑐫𑐵 𑐣𑐩𑐹𑐣𑐵𑐥𑐵𑐏𑐾𑑄 𑐰𑐬𑑂𑐞𑐣 𑐫𑐵𑐣𑐵𑐡𑐶𑐐𑐸 𑐏। ^[२] 𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐁𑑅 𑐥𑑂𑐮𑐸𑐨𑐶𑐫𑐵𑐮𑐶𑐳 𑐖𑐶𑐣𑐳𑐫𑑂 𑐡𑐸𑐠𑑂𑐫𑐵𑑅𑐎𑐹𑐐𑐸 𑐡𑐸 𑐐𑐸𑐎𑐶𑐫𑐵𑐟 𑐦𑑂𑐬𑐵𑐣𑑂𑐳𑐾𑐮𑐷 𑐥𑑂𑐬𑐵𑐞𑐷𑐱𑐵𑐳𑑂𑐟𑑂𑐬𑐷 𑐩𑑂𑐫𑐵𑐠𑐸𑐬𑐶𑐣 𑐖𑑂𑐫𑐵𑐎𑑂𑐳 𑐧𑑂𑐬𑐶𑐳𑐣𑑄 𑐳𑐣𑑂 𑑑𑑗𑑖𑑐𑐂 𑐣𑑂𑐴𑑂𑐫𑐠𑑄𑐐𑐸 𑐏 ^[३] 𑐠𑑂𑐰 𑐖𑐶𑐣𑐳𑐫𑐵 𑐣𑐵𑑄 𑐮𑑂𑐫𑐵𑐚𑐶𑐣 𑐏 𑐰 𑐰 𑐠𑐸𑐎𑐶𑐫𑐵 𑐀𑐬𑑂𑐠 𑐰𑐵 𑐰𑐂𑐐𑐸 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐏 (pluvia 𑐢𑐵𑐂𑐐𑐸 𑐮𑑂𑐫𑐵𑐟𑐶𑐣 𑐨𑐵𑐳𑐫𑑂 '𑐰𑐬𑑂𑐲𑐵' 𑐏)। 𑐰𑐵 𑐰𑐫𑐾𑐟𑑂𑐫𑑄𑐐𑐸 𑐂𑐮𑐫𑑂 𑐥𑑂𑐮𑑀𑐨𑐬𑐟 𑐩𑐸𑐣𑐵𑐔𑑂𑐰𑑄𑐐𑐸 𑐰𑐶𑐱𑑂𑐰𑐵𑐳𑑄 𑐠𑐠𑐾 𑐣𑐵𑑄 𑐰𑑅𑐐𑐸 𑐏𑑅। 𑐠𑑂𑐰 𑐰𑐶𑐱𑐶𑐲𑑂𑐚 𑐣𑐵𑑄 𑐣𑑄 𑐮𑑂𑐫𑐵𑐟𑐶𑐣 𑐨𑐵𑐳𑑄 𑐰𑑅𑐐𑐸 𑐏 𑐰 𑐠𑐸𑐎𑐶𑐫𑐵 𑐀𑐬𑑂𑐠 'tawny' 𑐰𑐵 '𑐩𑑂𑐴𑐵𑐳𑐸𑐐𑐸-𑐳𑐶𑐫𑐸' 𑐏। ^[४] 𑐠𑑂𑐰 𑐥𑑂𑐬𑐖𑐵𑐟𑐶 𑐩𑑀𑐣𑑀𑐟𑐵𑐂𑐥𑐶𑐎 𑐏: 𑐠𑐸𑐎𑐶𑐫𑐵 𑐕𑐸𑑄 𑐣𑑄 𑐄𑐥𑐥𑑂𑐬𑐖𑐵𑐟𑐶 𑐩𑑂𑐴𑐳𑐷𑐎𑐹𑐐𑐸 𑐩𑐡𑐸। ^[५]

𑐰𑐶𑐰𑐬𑐞

𑐮𑑂𑐫𑐵𑐩𑑂𑐴 𑐎𑑀𑐮𑐶𑐫𑐵 25 𑐳𑐾𑐩𑐶 (𑑙.𑑘 𑐂𑐣𑑂𑐔) 𑐖𑐸𑐂 𑐰 𑐂𑐩𑐶𑐐𑐸 𑐥𑐥𑐹 𑐍𑐳𑐟 61 𑐳𑐾𑐩𑐶 (𑑒𑑔 𑐂𑐣)𑐫𑐵 𑐧𑑂𑐫𑐵 𑐖𑐸𑐂। 𑐂𑐩𑐶𑐐𑐸 𑐡𑐎𑐮𑐫𑑂 𑐫𑐵𑐄𑑄𑐐𑐸, 𑐡𑐵𑑅 𑐩𑐡𑐸𑐐𑐸 𑐧𑐶𑐮𑐾, 𑐗𑑄𑐐𑑅𑐟𑐫𑑂𑐐𑐸 𑐟𑑁𑐮 𑑑𑑓𑑕 𑐐𑑂𑐬𑐵𑐩 𑐖𑐸𑐂 । 𑐩𑐵𑐬𑑂𑐔𑐫𑑂, 𑐗𑑄𑐐𑑅𑐟𑐫𑑂𑐐𑐸 𑐟𑑁𑐮 𑐀𑐥𑑂𑐰𑐫𑐾𑐐𑐸 𑐣𑑂𑐴𑑂𑐫𑐠𑐣𑐶। 𑐂𑐩𑐶𑐐𑐸 𑐁𑐬𑑂𑐎𑐚𑐶𑐎 𑐥𑑂𑐬𑐖𑐣𑐣𑐳𑑂𑐠𑐮𑐫𑑂 𑐰𑐣𑐾 𑐣𑑂𑐴𑑂𑐫𑑅, 𑐗𑑄𑐐𑑅𑐟𑐫𑑂𑐐𑐸 𑐟𑑁𑐮 𑑒𑑐𑑐 𑐐𑑂𑐬𑐵𑐩 𑐖𑐸𑐂 । ^[६]

𑐥𑑂𑐬𑐖𑐣𑐣𑐫𑐵 𑐥𑑂𑐮𑐸𑐩𑐾𑐖𑐫𑑂 𑐩𑐶𑐖𑑄𑐫𑐵 𑐕𑑂𑐫𑐣𑐫𑑂 , 𑐖𑑃𑐫𑑂 𑐰 𑐥𑐥𑐹𑐂 𑐮𑐸𑑃 𑐰 𑐴𑐵𑐎𑐸𑐐𑐸 𑐬𑑄𑐐𑐫𑐵 𑐡𑐵𑐐 𑐡𑐂। 𑐏𑑂𑐰𑐵𑑅 𑐰 𑐐𑑅𑐥𑑅 𑐟𑐸𑐫𑐸𑐐𑐸 𑐳𑐶𑐠𑐫𑑂 𑐴𑐵𑐎𑐸𑐐𑐸, 𑐣𑐸𑐐𑑅𑐥𑐵 𑐴𑐵𑐎𑐸𑐐𑐸, 𑐥𑑂𑐫𑑄 𑐴𑐵𑐎𑐸𑐐𑐸 𑐖𑐸𑐂। 𑐩𑑂𑐴𑐸𑐟𑐸 𑐴𑐵𑐎𑐸, 𑐟𑐸𑐟𑐶 𑐨𑐸𑐫𑐹 𑐣𑐶𑐳𑐾𑑄 𑐴𑐵𑐎𑐸 𑐖𑐸𑐂। 𑐩𑐶𑐳𑐵𑐫𑐵 𑐣𑐸𑐐𑐥𑐵 𑐩𑐶𑐖𑑄𑐫𑐵 𑐖𑑂𑐰𑑅𑐮𑐵𑑅 𑐟𑐬 𑐴𑐵𑐎𑐸𑐐𑐸 𑐣𑐸𑐐𑑅𑐥𑐵𑐫𑑂 𑐡𑐵𑐐 𑐡𑐂 𑐀𑐮𑐾 𑐣𑐸𑐐𑑅𑐥𑐵𑐫𑐵 𑐁𑐎𑐵𑐬 𑐩𑑂𑐴𑑂𑐰 𑐖𑐸𑐂।

𑐐𑐿𑐴𑑂𑐬 𑐥𑑂𑐬𑐖𑐣𑐣 𑐂𑐮𑐫𑑂 𑐠𑑂𑐰 𑐗𑑄𑐐𑐟𑐾𑐐𑐸 𑐥𑐵 𑐣𑐶𑐟𑐵𑑄 𑐩𑐶𑐖𑑄 𑐰 𑐩𑐶𑐳𑐵𑐫𑑂 𑐖𑑂𑐰𑑅। 𑐏𑑂𑐰𑐵𑐮𑐫𑑂 𑐰 𑐣𑐸𑐐𑑅𑐥𑐵𑐫𑑂 𑐴𑑂𑐫𑐵𑐄𑑃𑐐𑐸 𑐳𑐶𑐠𑐫𑑂 𑐔𑑂𑐰𑑄𑐐𑐸 𑐴𑐵𑐎𑐸𑐐𑐸 𑐬𑑄𑐐𑐫𑐵 𑐠𑐵𑐳𑐫𑑂 𑐐𑐵𑐝𑐵 𑐳𑐶𑐫𑐸𑐐𑐸, 𑐨𑐸𑐫𑐸, 𑐰 𑐩𑑂𑐴𑐵𑐳𑐸𑐳𑐾 𑐔𑑂𑐰𑑄𑐐𑐸 𑐧𑐸𑐚𑑂𑐚𑐵 𑐰 𑐫𑐵𑐄𑑄𑐐𑐸 𑐎𑑂𑐰𑐫𑑂 𑐔𑑂𑐰𑑄𑐐𑐸 𑐧𑑂𑐰 (underparts) 𑐡𑐂।

𑐠𑐵𑐫𑑂 𑐴𑐶𑐮𑐾 𑐣𑑂𑐴𑑂𑐫𑑅 𑐩𑐵𑐬𑑂𑐔 𑐰 𑐀𑐥𑑂𑐬𑐶𑐮 𑐮𑐵𑐫𑑂 𑐥𑑂𑐬𑐖𑐣𑐣𑐫𑐵 𑐥𑐵𑑅 𑐧𑐸𑐂। 𑐏𑐾𑑃𑐫𑑂 𑐠𑑂𑐰𑐂𑐐𑐸 𑐂𑐮𑐫𑑂 𑐁𑐬𑑂𑐎𑐚𑐶𑐎𑐫𑑂 𑐂𑐩𑐶𑐐𑐸 𑐥𑐵𑑅𑐫𑐵 𑐬𑐸𑐥 𑐴𑐵𑐣𑑄 𑐐𑐿𑐴𑑂𑐬𑐥𑑂𑐬𑐖𑐣𑐣 𑐬𑐸𑐥𑐫𑑂 𑐴𑐶𑐮𑐵𑐰𑐣𑐶।

𑐩𑐔𑐵-𑐧𑐸𑐳𑑄 𑐡𑐸𑐥𑐶𑑄 𑐏𑐵𑐔𑐵𑐟𑐾𑐐𑐸 𑐕𑑂𑐫𑑄 𑐰 𑐥𑑂𑐰𑐵𑐠𑐫𑑂 𑐮𑐸𑑃 𑐬𑑄𑐐𑐫𑐵 𑐡𑐵𑐐 𑐰 𑐴𑐵𑐎𑐸𑐐𑐸 𑐬𑑄𑐐𑐫𑐵 𑐡𑐵𑐐 𑐡𑐂 𑐐𑐸𑐎𑐶𑐫𑐵 𑐎𑑂𑐰𑐫𑑂 𑐟𑐸𑐂𑐳𑐾-𑐩𑑂𑐴𑐵𑐳𑐸𑐐𑐸 𑐨𑐵𑐐 𑐡𑐂 । 𑐏𑐵𑐔𑐵 𑐧𑐸𑐂𑐧𑐮𑐫𑑂 𑐟𑐸𑐟𑐶 𑐰 𑐥𑐸𑐮𑐶 𑐮𑑂𑐫𑐵𑐩𑑂𑐴 𑐁𑐎𑐵𑐬𑐫𑐵 𑐖𑐸𑐂 ।

𑐠𑐣𑑂𑐫𑐵𑐐𑐸 𑐴𑐾 𑐗𑑄𑐐𑑅 𑐫𑐸𑐬𑑀𑐥𑐶𑐫𑐣 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬, 𑐥𑑂𑐮𑐸𑐨𑐶𑐫𑐵𑐮𑐶𑐳 𑐊𑐥𑑂𑐬𑐶𑐎𑐬𑐶𑐫𑐵 𑐰 𑐀𑐩𑐾𑐬𑐶𑐎𑐣 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐥𑑂𑐮𑐸𑐨𑐶𑐫𑐵𑐮𑐶𑐳 𑐜𑑀𑐩𑑀𑐣𑐶𑐎𑐵 𑐣𑑄 𑐡𑐸। 𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐀𑐩𑐾𑐬𑐶𑐎𑐣 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐣𑐵𑐥 𑐀𑐥𑑂𑐰 𑐖𑑂𑐰𑑅𑐮𑐵𑑅। 𑐀𑐩𑐾𑐬𑐶𑐎𑐣 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬𑐫𑐵 𑐖𑑂𑐰𑐮𑐫𑑂 𑐠𑑂𑐰 𑐗𑑄𑐐𑑅𑐫𑐵𑐟 𑐕𑐐𑐹 𑐃𑐮𑐾 𑐩𑑂𑐴𑑀 𑐐𑑀𑐮𑑂𑐜𑐾𑐣 𑐥𑑂𑐮𑑀𑐨𑐬𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। ^[७] 𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐀𑐩𑐾𑐬𑐶𑐎𑐣 𑐐𑑀𑐮𑑂𑐜𑐾𑐣 𑐥𑑂𑐮𑑀𑐨𑐬 𑐳𑑂𑐰𑐫𑐵 𑐔𑐷𑐢𑑄, 𑐟𑐵𑑅𑐴𑐵𑐎𑑅𑐐𑐸 𑐟𑐸𑐟𑐶 𑐡𑐸, 𑐰 𑐁𑐥𑐵𑐮𑑄 𑐖𑑄𑐫𑑂 𑐀𑐥𑑂𑐰 𑐩𑑂𑐴𑐵𑐳𑐸𑐐𑐸 𑐬𑑄𑐐 𑐡𑐸।

𑐰𑐶𑐟𑐬𑐞 𑐰 𑐔𑑂𑐰𑐣𑐶𑐐𑐸 𑐠𑐵𑐫𑑂

𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬 𑐔𑐵𑐴𑐶𑐩𑐵𑐩𑐶 𑐗𑑄𑐐𑑅 𑐏, 𑐰 𑐩𑐾, 𑐖𑐸𑐣, 𑐰 𑐖𑐸𑐮𑐵𑐃𑐫𑐵 𑐂𑐮𑐫𑑂 𑐀𑐮𑐵𑐳𑑂𑐎𑐵 𑐰 𑐳𑐵𑐂𑐧𑐾𑐬𑐶𑐫𑐵𑐫𑑂 𑐥𑑂𑐬𑐖𑐣𑐣 𑐫𑐵𑐂। 𑐠𑐣𑑄 𑐠𑑂𑐰 𑐀𑐐𑐳𑑂𑐚 𑐰 𑐳𑐾𑐥𑑂𑐚𑐾𑐩𑑂𑐧𑐬𑐫𑑂 𑐡𑐎𑑂𑐲𑐶𑐞𑐫𑑂 𑐊𑐳𑐶𑐫𑐵, 𑐀𑐲𑑂𑐚𑑂𑐬𑐾𑐮𑐶𑐫𑐵 𑐰 𑐥𑑂𑐬𑐱𑐵𑐣𑑂𑐟 𑐚𑐵𑐥𑐸𑐂 𑐰𑐣𑐶, 𑐰 𑐀𑐥𑑂𑐬𑐶𑐮 𑐰𑐵 𑐩𑐾 𑐟𑐎𑑂𑐎 𑐔𑑂𑐰𑐣𑐶। 𑐥𑐱𑑂𑐔𑐶𑐩𑐷 𑐫𑐸𑐬𑑀𑐥𑐫𑐵 𑐡𑐸𑐬𑑂𑐮𑐨 𑐨𑑂𑐫𑐵𑐐𑑂𑐬𑐾𑐣𑑂𑐟 𑐗𑑄𑐐 𑐏𑐣𑐾𑐡𑐿।

𑐳𑐩𑐸𑐡𑑂𑐬𑐫𑐵 𑐳𑐶𑐠𑐫𑑂 𑐔𑑂𑐰𑑄𑐣𑐶𑐩𑑂𑐴 𑐔𑐏𑐸𑑄𑐔𑐵 𑐖𑐹𑐳𑐵𑑄 𑐥𑑂𑐬𑐱𑐵𑐣𑑂𑐟 𑐐𑑀𑐮𑑂𑐜𑐾𑐣 𑐥𑑂𑐮𑑀𑐨𑐬𑑄 𑐀𑐥𑑂𑐰𑑅 𑐫𑐵𑐣𑐵𑑅 𑐳𑐶𑐠 𑐳𑑂𑐰𑐫𑐵 𑐡𑐸𑐣𑐾𑐫𑐵 𑐠𑐵𑐳𑐫𑑂 𑐣𑐫𑐾𑐐𑐸 𑐫𑐵𑐂 𑐰 𑐔𑐷𑐴𑐵𑐎𑑅𑐐𑐸 𑐳𑑂𑐰𑐵𑑄𑐩𑐵 𑐰 𑐔𑐎𑑄𑐐𑐸 𑐠𑐵𑐳𑐫𑑂 𑐔𑑂𑐰𑐣𑐾 𑐫𑐫𑐾𑐎𑐷। ^[६] 𑐥𑑂𑐬𑐖𑐣𑐣𑐫𑐵 𑐩𑑁𑐳𑐩𑐫𑑂 𑐁𑐬𑑂𑐎𑐚𑐶𑐎 𑐟𑐸𑐣𑑂𑐡𑑂𑐬𑐵𑐫𑑂 𑐣𑐳𑐵𑐫𑐵 𑐣𑐶𑑄𑐟𑐶𑑄 𑐎𑐷 𑐰 𑐳𑐷𑐳𑐵𑐫𑐵 𑐣𑐶𑑄𑐟𑐶𑑄 𑐰𑐣𑐶, 𑐰 𑐱𑐶𑐎𑐵𑐬𑐷 𑐥𑑂𑐬𑐵𑐞𑐷𑑄 𑐠𑑅𑐫𑐵𑐟 𑐥𑐣𑐾𑐟 𑐥𑑂𑐬𑐨𑐵𑐰𑐎𑐵𑐬𑐷 𑐎𑐾𑐩𑑀𑐦𑑂𑐮𑐵𑐖 𑐕𑑂𑐫𑐮𑐷।

𑐴𑐰𑐵𑐃𑐂, 𑐥𑑂𑐬𑐱𑐵𑐣𑑂𑐟 𑐐𑑀𑐮𑑂𑐜𑐾𑐣 𑐥𑑂𑐮𑑀𑐨𑐬, 𑐳𑑂𑐠𑐵𑐣𑐷𑐫 𑐬𑐸𑐥𑐫𑑂 𑐎𑑀𑐮𑐶𑐫𑐵𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑐣 𑐠𑑂𑐰 𑐗𑑄𑐐𑐮𑑄 𑐩𑐣𑐸𑐫𑐵 𑐄𑐥𑐳𑑂𑐠𑐶𑐟𑐶 𑐰 𑐥𑑂𑐬𑐵𑐎𑐺𑐟𑐶𑐎 𑐰𑐵𑐟𑐵𑐰𑐬𑐞𑐫𑑂 𑐩𑐣𑐸𑐫𑐵 𑐴𑐶𑐄𑐥𑐵𑑅 𑐣𑐵𑐥𑑄 (𑐡𑐳𑐸: 𑐎𑐾𑐧𑑅, 𑐥𑐵𑐬𑑂𑐎, 𑐩𑐳𑐵𑐣𑐑𑐵𑐚, 𑐥𑐮𑐶, 𑐔𑐵𑐬𑐵𑐐𑐵𑐴, 𑐰 𑐐𑐮𑑂𑐦 𑐎𑑀𑐬𑑂𑐳 𑐁𑐡𑐶) 𑐟𑐳𑐎𑑄 𑐠𑑅𑐫𑐵𑐟 𑐀𑐣𑐸𑐎𑐹𑐮𑐣 𑐫𑐵𑑅𑐐𑐸 𑐡𑐸। 𑐎𑑀𑐮𑐶𑐫𑐵 𑐠𑑅𑐐𑐸 𑐠𑐵𑐫𑑂 𑐩𑑂𑐴𑐳𑐷𑐎𑐶𑐩𑑂𑐴 𑐥𑑂𑐬𑐵𑐞𑐷 𑐖𑐸𑐂𑐐𑐸𑐮𑐶𑑄 𑐥𑑂𑐬𑐟𑑂𑐫𑐾𑐎 𑐗𑑄𑐐𑑅 𑐡𑑃𑐫𑑂 𑐡𑑃𑐳𑑄 𑐕𑐐𑐹 𑐴𑐾 𑐠𑐵𑐳𑐫𑑂 𑐮𑐶𑐴𑐵𑑄 𑐰𑐂, 𑐰 𑐠𑑅𑐐𑐸 𑐠𑐵𑐫𑑂 𑐬𑐎𑑂𑐲𑐵 𑐫𑐵𑐂, 𑐐𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐩𑐣𑐸𑐟𑐾𑐳𑑄 𑐎𑑀𑐮𑐶𑐫𑐵𑐫𑐵 𑐰𑐂𑐐𑐸-𑐰𑐣𑐾𑐐𑐸𑐫𑐵𑐟 𑐰𑐶𑐱𑐾𑐲 𑐬𑐸𑐔𑐶 𑐟𑐫𑐵 𑐀𑐰𑐮𑑀𑐎𑐣 𑐫𑐵𑐂। 𑐐𑐸𑐮𑐶𑐏𑐾 𑐥𑐬𑑂𑐫𑐰𑐾𑐎𑑂𑐲𑐎𑐟𑐫𑑂𑐳𑑄 𑐠𑑅 𑐗𑑄𑐐𑑅𑐟𑐫𑑂𑐟 𑐣𑐵𑑄 𑐧𑐶𑐫𑐾𑐐𑐸 𑐰 𑐣𑐎𑐾𑐐𑐸 𑐫𑐵𑐂, 𑐀𑐮𑐾 𑐐𑐸𑐮𑐶𑐏𑐾 𑐗𑑄𑐐𑑅𑐟 𑐠𑑅 𑐴𑐾𑐬𑐔𑐵𑐴 𑐫𑐵𑐂𑐥𑐶𑐣𑐶𑐐𑐸 𑐖𑑅𑐏𑑅 𑐮𑐴𑐶𑐣𑐵 𑐥𑐱𑐸 𑐠𑐾𑑄 𑐖𑐸𑐂। 𑐬𑐾𑐎𑐬𑑂𑐜 𑐫𑐵𑐣𑐵𑐟𑑅𑐐𑐸 𑐡𑐎𑐮𑐫𑑂 𑐠𑑃𑐩𑑂𑐴 𑐎𑑀𑐮𑐶𑐫𑐵 𑐩𑑂𑐴𑑀𑐟𑐶 𑐣𑑄 𑑒𑑑 𑐡𑑃, 𑑓 𑐮𑐵 𑐩𑑂𑐰𑐵𑑅𑐐𑐸 𑐡𑐸; 𑐠𑐸𑐎𑐶𑐫𑐵 𑐏𑑃 𑐳𑐷𑐎𑐵 𑐣𑑂𑐴𑑂𑐫𑐠𑐣𑐵 𑐂𑐮𑐫𑑂 𑐠𑐸𑐎𑐶𑐫𑐵 𑐄𑐩𑐾𑐬 𑐩𑐳𑑂𑐫𑐹𑐐𑐸 𑐖𑐸𑐮। ^[६]

𑐎𑑀𑐮𑐶𑐫𑐵 𑐴𑐰𑐵𑐃 𑐀𑐜𑐸𑐧𑑀𑐣 𑐳𑑀𑐳𑐵𑐂𑐚𑐷𑐫𑐵 𑐣𑐵𑐐𑐬𑐶𑐎 𑐰𑐶𑐖𑑂𑐘𑐵𑐣 𑐥𑐬𑐶𑐫𑑀𑐖𑐣𑐵𑐫𑐵 𑐰𑐶𑐲𑐫 𑐏𑑅 𑐐𑐸𑐎𑐶𑐫𑐵𑐟 𑐎𑑀𑐮𑐶𑐫𑐵 𑐎𑐵𑐄𑐣𑑂𑐚, www.koleacount.org 𑐢𑐵𑐂 । 𑐡𑑃𑐫𑑂𑐡𑐳𑑄 𑐕𑐐𑐹 𑐴𑐾 𑐎𑑂𑐲𑐾𑐟𑑂𑐬𑐫𑑂 𑐮𑐶𑐴𑐵𑑄 𑐰𑐂𑐐𑐸 𑐗𑑄𑐐𑑅𑐟𑐫𑑂𑐐𑐸 𑐧𑐵𑐣𑐷𑐫𑐵 𑐎𑐵𑐬𑐞𑑄 𑐴𑐰𑐵𑐃𑐫𑐵 𑐰𑐿𑐖𑑂𑐘𑐵𑐣𑐶𑐎𑐟𑐫𑑂𑐳𑑄 𑐗𑑄𑐐𑑅𑐟𑐫𑑂𑐎𑐾 𑐔𑐶𑐔𑐶𑐢𑑄𑐐𑐸 𑐮𑐵𑐂𑐟 𑐮𑐾𑐨𑐮 𑐖𑐶𑐫𑑀𑐮𑑀𑐎𑐾𑐚𑐬 𑐄𑐥𑐎𑐬𑐞 𑐳𑑂𑐰𑐵𑐣𑐵𑑅 𑐰𑐂𑐐𑐸 𑐡𑑃𑐫𑑂 𑐕𑐐𑐹 𑐴𑐾 𑐠𑐵𑐳𑐫𑑂 𑐮𑐶𑐟 𑐴𑐫𑐾𑐐𑐸 𑐖𑑂𑐫𑐵 𑐫𑐵𑐂। 𑐠𑐸𑐖𑐵𑑅𑐐𑐸 𑐀𑐣𑐸𑐳𑐣𑑂𑐢𑐵𑐣𑑄 𑐗𑑄𑐐𑑅𑐟𑐳𑐾𑑄 𑐀𑐮𑐵𑐳𑑂𑐎𑐵 𑐰 𑐴𑐰𑐵𑐃 𑐡𑐠𑐸𑐂 𑑓–𑑔 𑐣𑑂𑐴𑐸𑐫𑐵 𑑓𑑐𑑐𑑐 𑐩𑐵𑐂𑐮 (𑑔𑑘𑑐𑑐 𑐎𑐶𑐩𑐶) 𑐣𑐣𑐳𑑂𑐚𑐥 𑐧𑑂𑐰𑑅𑐐𑐸 𑐎𑑂𑐫𑑄𑐐𑐸 𑐡𑐸। ^[८]

𑐥𑑂𑐫𑐵𑐳𑐶𑐦𑐶𑐎 𑐐𑑀𑐮𑑂𑐡𑐾𑐣 𑐥𑑂𑐮𑑀𑐨𑐬𑐟 𑐄𑐟𑑂𑐟𑐬𑐥𑐵𑐏𑐾 𑐰𑐣𑐾𑐐𑐸 𑐕𑐸𑑄 𑐡𑐶𑑄 𑐣𑑂𑐴𑑂𑐫𑑅 𑐥𑐸𑐔𑐮𑐫𑑂 𑐩𑐸𑐣𑐷, 𑐀𑐮𑐾 𑐎𑐬𑐶𑐧 𑑓𑑐𑑐𑑐 𑐦𑐶𑐟 𑐰𑐵 𑑙𑑑𑑐 𑐩𑐶 𑐔𑑂𑐰𑐫𑑂 𑐣𑐶𑐳𑐾𑑄 𑑑𑑖𑐡𑑂𑐰 𑐦𑐶𑐟 𑐰𑐵 𑑔𑑙𑑐𑑐 𑐩𑐶𑐟𑐬 𑐟𑐎 𑐔𑑂𑐰𑐾 𑐧𑑂𑐰𑐂। ^[६] 𑐕𑐸𑑄 𑐗𑑄𑐐𑑅𑐟 𑐩𑐵𑐂𑐐𑑂𑐬𑐾𑐚 𑐫𑐵𑐂𑐩𑐏𑐸। 𑐠𑐸𑐥𑐶𑑄 𑐳𑐵𑐩𑐵𑐣𑑂𑐫𑐟𑐫𑐵 𑐣𑑂𑐴𑐵𑐥𑐵𑑄𑐐𑐸 𑐡𑑃𑐫𑐵 𑐩𑐔𑐵 𑐗𑑄𑐐𑑅, 𑐧𑐸𑐬𑐵𑐧𑐸𑐬𑐷𑐥𑐶𑑄, 𑐑𑐵𑑅𑐥𑐵𑑅 𑐖𑐹𑐥𑐶𑑄 𑐰𑐵 𑐫𑐵𑐟𑑂𑐬𑐵 𑐫𑐵𑐫𑐾𑐟 𑐥𑐬𑑂𑐫𑐵𑐥𑑂𑐟 𑐡𑐵𑑅 𑐨𑐞𑑂𑐜𑐵𑐬 𑐫𑐵𑐫𑐾 𑐩𑐡𑐸𑐥𑐶𑑄 𑐗𑑄𑐐𑑅𑐟 𑐖𑐸𑐂।

𑐳𑑂𑐰𑐫𑐵𑐡𑐶𑐳𑑃

𑐗𑑄𑐐𑑅

𑐮𑐶𑐢𑑄𑐳𑐵

↑ Systema naturae per regna tria naturae : secundum classes, ordines, genera, species, cum characteribus, differentiis, synonymis, locis. Georg. Emanuel. Beer.
↑ A General Synopsis of Birds. Printed for Leigh and Sotheby.
↑ Ornithologie, ou, Méthode Contenant la Division des Oiseaux en Ordres, Sections, Genres, Especes & leurs Variétés. Jean-Baptiste Bauche.
↑ The Helm Dictionary of Scientific Bird Names.
↑ Buttonquail, thick-knees, sheathbills, plovers, oystercatchers, stilts, painted-snipes, jacanas, Plains-wanderer, seedsnipes. IOC World Bird List Version 12.2. International Ornithologists' Union (August 2022).
1 2 3 4 (2016) Hawai'i's Kōlea: The Amazing Transpacific Life of the Pacific Golden-Plover. Honolulu: University of Hawai'i Press. Cite error: Invalid <ref> tag; name "Johnson-2016" defined multiple times with different content
↑ (2002) "Taxonomic recommendations for European birds". Ibis 144 (1): 153–159. DOI:10.1046/j.0019-1019.2001.00026.x.
↑ "Tracking the migrations of Pacific Golden-Plovers (Pluvialis fulva) between Hawaii and Alaska: New insight on flight performance, breeding ground destinations, and nesting from birds carrying light level geolocators". Wader Study Group Bulletin 118 (1): 26–31.

[1] Systema naturae per regna tria naturae : secundum classes, ordines, genera, species, cum characteribus, differentiis, synonymis, locis. Georg. Emanuel. Beer.

[2] A General Synopsis of Birds. Printed for Leigh and Sotheby.

[3] Ornithologie, ou, Méthode Contenant la Division des Oiseaux en Ordres, Sections, Genres, Especes & leurs Variétés. Jean-Baptiste Bauche.

[job-4] The Helm Dictionary of Scientific Bird Names.

[ioc-5] Buttonquail, thick-knees, sheathbills, plovers, oystercatchers, stilts, painted-snipes, jacanas, Plains-wanderer, seedsnipes. IOC World Bird List Version 12.2. International Ornithologists' Union (August 2022).

[Johnson-2016-6] 1 2 3 4 (2016) Hawai'i's Kōlea: The Amazing Transpacific Life of the Pacific Golden-Plover. Honolulu: University of Hawai'i Press. Cite error: Invalid <ref> tag; name "Johnson-2016" defined multiple times with different content

[7] (2002) "Taxonomic recommendations for European birds". Ibis 144 (1): 153–159. DOI:10.1046/j.0019-1019.2001.00026.x.

[8] "Tracking the migrations of Pacific Golden-Plovers (Pluvialis fulva) between Hawaii and Alaska: New insight on flight performance, breeding ground destinations, and nesting from birds carrying light level geolocators". Wader Study Group Bulletin 118 (1): 26–31.

[१]

[२]

[३]

[४]

[५]

[६]

[७]

[८]