छ्येलेमि:Eukesh/Auto/NepalScript/केम्पे गौडा प्रथम

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Map of The Nadaprabhus of Yelahanka

A view of Bangalore Fort

𑐎𑐾𑐩𑑂𑐥𑐾 𑐐𑑁𑐜𑐵 𑐥𑑂𑐬𑐠𑐩
𑐫𑐮𑐴𑑄𑐎 𑐣𑐵𑐜𑐸𑐫𑐵 𑐳𑐵𑐩𑐣𑑂𑐟
बूगु	𑐴𑐶𑐬𑐶𑐫 𑐎𑐾𑐩𑑂𑐥𑐾 𑐐𑑁𑐜𑐵 𑐖𑐸𑐣 𑑒𑑗, 𑐳𑐣𑑂 𑑑𑑕𑑑𑑐 Magadi
मदूगु	𑐳𑐣𑑂 𑑑𑑕𑑖𑑙
प्रसिद्धि	𑐧𑑄𑐐𑐮𑐹𑐬𑐸 𑐣𑐐𑐬𑐫𑐵 𑐥𑐮𑐶𑐳𑑂𑐠𑐵𑐩𑐶
पूर्वाधिकारी	𑐎𑐾𑐩𑑂𑐥𑐘𑑂𑐖𑐾 𑐐𑑁𑐜𑐵
उत्तराधिकारी	𑐐𑐶𑐡𑑂𑐡𑐾 𑐐𑑁𑐜𑐵

𑐎𑐾𑐩𑑂𑐥𑐾 𑐐𑑁𑐜𑐵 𑐥𑑂𑐬𑐠𑐩 𑐰𑐵 𑐴𑐶𑐬𑐶𑐫 𑐎𑐾𑐩𑑂𑐥𑐾 𑐐𑑁𑐜𑐵 𑐡𑐎𑑂𑐲𑐶𑐞 𑐨𑐵𑐬𑐟𑐫𑐵 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑐫𑐵 𑐕𑐩𑑂𑐴 𑐳𑐵𑐩𑐣𑑂𑐟 𑐏। 𑐰𑐫𑑂‌𑐎𑐮𑑄 𑐠𑑅𑐐𑐸 𑐱𑐵𑐳𑐣𑐎𑐵𑐮𑐫𑑂 𑐳𑐣𑑂 𑑑𑑕𑑓𑑗𑐳 𑐧𑑄𑐐𑐮𑐹𑐬𑐸 𑐣𑐐𑐬 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐣𑐵𑐥𑑄, 𑐣𑐐𑐬𑐫𑐵 𑐥𑑂𑐫𑐏𑐾𑑄 𑐎𑐶𑐮𑑂𑐮𑐵 𑐡𑐫𑐾𑐎𑐵 𑐕𑐐𑐹 𑐳𑐵𑐩𑐬𑐶𑐎 𑐡𑐺𑐲𑑂𑐚𑐶𑐎𑑀𑐞𑑄 𑐳𑐧𑐮 𑐣𑐐𑐬 𑐡𑐫𑐾𑐎𑐵𑐡𑐶𑐮। 𑐰𑐫𑑂‌𑐎𑐮𑑄 𑐠𑑂𑐰 𑐣𑐐𑐬𑐫𑑂 𑐧𑐣𑐫𑑂‌𑐖𑑂𑐫𑐵𑐩𑐶, 𑐱𑐶𑐮𑑂𑐥𑐷, 𑐧𑐸𑑄𑐖𑑂𑐫𑐵𑐩𑐶 𑐁𑐡𑐶𑐟𑐾𑐳𑑄 𑐀𑐥𑐸𑐂𑐎𑑅 𑐠𑑅𑐐𑐸 𑐖𑑂𑐫𑐵 𑐫𑐵𑐫𑐾𑐕𑐶𑑄𑐐𑐸 𑐰𑐵𑐟𑐵𑐰𑐬𑐞 𑐡𑐫𑐾𑐎𑐵𑐡𑐶𑐮। 𑐠𑑂𑐰 𑐬𑐸𑐥𑐫𑑂 𑐰𑐫𑑂‌𑐎𑑅𑐫𑐵 𑐖𑑂𑐫𑐵 𑐣𑐾𑐥𑐵𑑅𑐫𑐵 𑐐𑐸𑐞𑐎𑐵𑐩𑐡𑐾𑐰𑐫𑐵 𑐫𑐾𑑃𑐫𑐵 𑐥𑐮𑐶𑐳𑑂𑐠𑐵 𑐠𑐾𑑄 𑐴𑐾 𑐔𑑂𑐰𑑄। 𑐣𑐵𑐥𑑄, 𑐥𑑂𑐬𑐔𑐮𑐶𑐟 𑐧𑐵𑐏𑑃𑐣𑐫𑑂, 𑐐𑐸𑐞𑐎𑐵𑐩𑐡𑐾𑐰𑐫𑐵𑐟 𑐠𑐾𑑄 𑐴𑐾 𑐎𑐾𑐩𑑂𑐥𑐾 𑐐𑑁𑐜𑐵𑐫𑐵𑐟 𑐣𑑄 𑐎𑐵𑐣𑑂𑐟𑐶 𑐰𑐵 𑐮𑐎𑑂𑐲𑑂𑐩𑐷 𑐡𑐾𑐰𑐷 𑐩𑑂𑐴𑐐𑐳𑐫𑑂 𑐩𑑂𑐴𑑄𑐐𑐸 𑐢𑐿𑐐𑐸 𑐏𑑄 𑐎𑐣𑐵𑐟𑑅𑐐𑐸 𑐡𑐸।

𑐧𑑄𑐐𑐮𑐹𑐬𑐸𑐫𑐵 𑐥𑐮𑐶𑐳𑑂𑐠𑐵

𑐧𑑄𑐐𑐮𑐹𑐬𑐸 𑐡𑐹𑐐𑐸 𑐠𑐵𑐫𑑂‌ 𑐡𑐎𑑂𑐲𑐶𑐞 𑐨𑐵𑐬𑐟𑐫𑐵 𑐎𑐾𑐣𑑂𑐡𑑂𑐬𑐫𑑂 𑐮𑐵। 𑐎𑐾𑐩𑑂𑐥𑐾𑐐𑑁𑐜𑐵𑑄 𑐠𑑂𑐰 𑐠𑐵𑐳𑐫𑑂 𑐣𑐐𑐬 𑐡𑐫𑐾𑐎𑐾𑐟 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑐣𑐵𑐥 𑐳𑐴𑐮𑐴 𑐫𑐵𑑅𑐐𑐸 𑐰 𑐐𑑂𑐰𑐴𑐵𑐮𑐶𑐫𑐵 𑐬𑐸𑐥𑐫𑑂 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑑄 𑐰𑐫𑑂‌𑐎𑑅𑐫𑐵𑐟 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑑄 𑐕𑐸𑑄 𑐴𑑀𑐧𑐮𑐶 (𑐥𑑂𑐬𑐱𑐵𑐳𑐣𑐶𑐎 𑐂𑐎𑐵𑐂) 𑐣𑐐𑐬 𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐧𑑂𑐫𑐸𑐐𑐸 𑐏𑑄 𑐂𑐟𑐶𑐴𑐵𑐳𑐫𑑂 𑐔𑑂𑐰𑐫𑐵𑐟𑑅𑐐𑐸 𑐡𑐸। 𑐰𑐫𑑂‌𑐎𑑅𑐫𑐵𑐟 𑐧𑑂𑐫𑐸𑐐𑐸 𑐴𑑀𑐧𑐮𑐶 𑐠𑑂𑐰 𑐎𑐠𑑄 𑐡𑐸-

1. 𑐎𑐳𑐧𑐵 𑐴𑐮ॆ 𑐧ॆ𑑄𑐐𑐮𑐹𑐬𑐸
2. 𑐰𑐬𑑂𑐟𑐹𑐬𑐸 𑐴𑑀𑐧𑐮𑐶
3. 𑐫𑐮𑐴𑑄𑐎𑐣𑐵𑐜𑐸
4. 𑐧𑐾𑐐𑐹𑐬𑐸 𑐴𑑀𑐧𑐮𑐶
5. 𑐴𑐮𑐳𑐹𑐬𑐸 𑐴𑑀𑐧𑐮𑐶
6. 𑐟ॆ𑑄𑐐𑐬 (𑐎ॆ𑑄𑐐𑐾𑐬𑐶) 𑐴𑑀𑐧𑐮𑐶
7. 𑐟𑐮𑐑𑐚𑑂𑐚𑐥𑐸𑐬 𑐴𑑀𑐧𑐮𑐶
8. 𑐖𑐶𑐐𑐞𑐶 𑐴𑑀𑐧𑐮𑐶
9. 𑐎𑐸𑑄𑐧𑐮𑐐𑑀𑐜𑐸 𑐴𑑀𑐧𑐮𑐶
10. 𑐎𑐣𑑂𑐣𑐾𑐮𑑂𑐮𑐶 𑐴𑑀𑐧𑐮𑐶
11. 𑐧𑐵𑐞𑐵𑐰𑐬 𑐴𑑀𑐧𑐮𑐶
12. 𑐴ॆ𑐳𑐬𑐸𑐑𑐚𑑂𑐚 𑐴𑑀𑐧𑐮𑐶

𑐠𑑂𑐰 𑐠𑐵𑐳𑐫𑑂 𑐰𑐫𑑂‌𑐎𑐮𑑄 𑐥𑑂𑐫𑐏𑐾𑑄 𑐥𑐏𑐵𑑅 𑐠𑐣𑐵𑑅 𑐕𑐐𑐹 𑐎𑐶𑐮𑑂𑐮𑐵 (𑐧𑐾𑑄𑐐𑐮𑐹𑐬𑐸 𑐎𑑀𑐚𑐾 𑐰𑐵 ಬೆಂಗಳೂರು ಕೋಟೆ) 𑐰 𑐣𑐐𑐬 (𑐧𑐾𑑄𑐐𑐮𑐹𑐬𑐸 𑐥𑐾𑐚𑐾 𑐰𑐵 ಬೆಂಗಳೂರು ಪೇಟೆ) 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐎𑐶𑐮𑑂𑐮𑐵𑐫𑑂 𑐰𑐫𑑂‌𑐎𑑅𑐫𑐵 𑐥𑐬𑐶𑐰𑐵𑐬, 𑐡𑐾𑐐𑑅, 𑐮𑑂𑐰𑐵𑐨𑑅 𑐁𑐡𑐶𑐫𑐵 𑐠𑐵𑐫𑑂‌ 𑐡𑐫𑐾𑐎𑐵𑐡𑐶𑐮 𑐢𑐵𑑅𑐳𑐵 𑐣𑐐𑐬 𑐡𑐸𑐣𑐾 𑐠𑐷𑐠𑐷 𑐠𑐵𑐳𑐫𑑂 𑐠𑐷𑐠𑐷 𑐧𑐣𑐫𑑂‌𑐖𑑂𑐫𑐵𑐫𑐵 𑐎𑐾𑐣𑑂𑐡𑑂𑐬 𑐡𑐫𑐾𑐎𑐵𑐡𑐶𑐮। 𑐧𑐾𑑄𑐐𑐮𑐹𑐬𑐸 𑐥𑐾𑐚𑐾 𑐴𑐾 𑐥𑐬𑐶𑐩𑐵𑐬𑑂𑐖𑐶𑐟 𑐖𑐸𑐫𑐵𑐰𑐳𑐾𑑄 𑐰𑐬𑑂𑐟𑐩𑐵𑐣 𑐧𑑄𑐐𑐮𑐹𑐬𑐸 𑐣𑐐𑐬𑐫𑐵 𑐬𑐸𑐥 𑐎𑐫𑐵𑐰𑑅𑐐𑐸 𑐏। 𑐠𑑂𑐰 𑐣𑐐𑐬𑐫𑑂 𑐀𑐧𑐶𑐮𑐫𑑂 𑐡𑐸𑐣𑐾 𑐰𑐫𑐾𑐟 𑐰 𑐥𑐶𑐣𑐾 𑐰𑐣𑐾𑐟 𑐠𑐷𑐠𑐷 𑐢𑑂𑐰𑐏𑐵 𑐡𑐫𑐾𑐎𑐵𑐡𑐶𑐮। 𑐣𑐐𑐬𑐫𑐵 𑐥𑑅𑐏𑐵𑑅 𑐠𑐣𑐵𑐔𑑂𑐰𑑄𑐧𑐶𑐮𑐫𑑂 𑐎𑐾𑐩𑑂𑐥𑐾 𑐐𑑁𑐜𑐵𑐫𑐵 𑐨𑑁𑐩𑐔𑐵 𑐩𑐡𑐫𑐵 𑐰𑑄𑐐𑐸 𑐰 𑐰𑐫𑑂‌𑐎𑑅 𑐩𑐡𑐹𑐐𑐸 𑐠𑐵𑐳𑐫𑑂 𑐎𑑀𑐬𑐩𑐒𑑂𑐐𑐮𑐵 𑐢𑐵𑑅𑐐𑐸 𑐡𑐾𑐐𑑅 𑐡𑐫𑐾𑐎𑐵𑐡𑐶𑐮। 𑐠𑑂𑐰 𑐴𑐾 𑐎𑑀𑐬𑐩𑐒𑑂𑐐𑐮𑐵 𑐠𑑁𑑄𑐫𑐵 𑐧𑐾𑑄𑐐𑐮𑐹𑐬𑐸 𑐣𑐐𑐬𑐫𑐵 𑐕𑐐𑐹 𑐨𑐶𑑄𑐐𑐸 𑐟𑑂𑐰𑐵𑐫𑐵 𑐬𑐸𑐥𑐫𑑂 𑐰𑐶𑐎𑐱𑐶𑐟 𑐖𑐹𑐐𑐸 𑐡𑐸।

𑐧𑐾𑑄𑐐𑐮𑐹𑐬𑐸 𑐥𑐾𑐚𑐫𑑂 𑐣𑐶𑐟𑐵 𑐩𑐹 𑐮𑑄 𑐡𑐫𑐾𑐎𑐵𑐟𑐮𑑅- 𑐥𑐹𑐬𑑂𑐰-𑐥𑐱𑑂𑐔𑐶𑐩 𑐖𑐸𑐂𑐐𑐸 𑐔𑐶𑐎𑐵𑐥𑐾𑐚 𑐮𑑄 𑐰 𑐄𑐟𑑂𑐟𑐬-𑐡𑐎𑑂𑐲𑐶𑐞 𑐖𑐸𑐂𑐐𑐸 𑐡𑑀𑐡𑑂𑐡𑐵𑐥𑐾𑐚 𑐮𑑄, 𑐠𑑂𑐰 𑐣𑐶𑐟𑐵 𑐮𑑄 𑐡𑑀𑐡𑑂𑐡𑐵𑐥𑐾𑐚 𑐔𑐸𑐎𑐫𑑂 (𑐰𑐬𑑂𑐟𑐩𑐵𑐣 𑐊𑐰𑐾𑐣𑑂𑐫𑐸 𑐬𑑀𑐜𑐫𑑂) 𑐣𑐵𑐥𑐮𑐵𑑅। 𑐠𑑂𑐰 𑐴𑐾 𑐧𑐾𑐒𑑂𑐐𑐮𑐹𑐬𑐸𑐫𑐵 𑐎𑐾𑐣𑑂𑐡𑑂𑐬 𑐏। 𑐥𑐾𑐚𑐾 𑐣𑐐𑐬𑐫𑑂 𑐰𑐫𑐾-𑐰𑐣𑐾𑐟𑑅 𑐥𑑂𑐫𑐟𑐵 𑐩𑐹 𑐡𑑂𑐰𑐵𑐬 𑐥𑐹𑐬𑑂𑐰𑐫𑑂 𑐴𑐮𑐳𑐹𑐬𑐸 𑐡𑑂𑐰𑐵𑐬, 𑐥𑐱𑑂𑐔𑐶𑐩𑐫𑑂 𑐳𑑀𑐜𑐾𑐎𑑀𑐥𑑂𑐥 𑐡𑑂𑐰𑐵𑐬, 𑐄𑐟𑑂𑐟𑐬𑐫𑑂 𑐫𑐮𑐴𑑄𑐎 𑐡𑑂𑐰𑐵𑐬 𑐰 𑐡𑐎𑑂𑐲𑐶𑐞𑐫𑑂 𑐁𑐣ॆ𑐎𑐮𑑂 𑐡𑑂𑐰𑐵𑐬 𑐡𑐫𑐾𑐎𑐵𑐡𑐶𑐮 𑐢𑐵𑑅𑐳𑐵 𑐩𑐾𑐩𑐾𑐐𑐸 𑐣𑑂𑐫𑐵𑐟𑐵 𑐡𑑂𑐰𑐵𑐬- 𑐰𑐬𑑂𑐟𑐹𑐬𑐸 𑐡𑑂𑐰𑐵𑐬, 𑐳𑐬𑑂𑐖𑐵𑐥𑐸𑐬𑐫𑐵 𑐡𑑂𑐰𑐵𑐬, 𑐎ॆ𑑄𑐐𑐾𑐬𑐶 𑐡𑑂𑐰𑐵𑐬, 𑐫𑐱𑐰𑑄𑐟𑐥𑐸𑐬𑐫𑐵 𑐡𑑂𑐰𑐵𑐬 𑐰 𑐎𑐵𑐣𑐎𑐵𑐣𑐴𑐮𑑂𑐮𑐶(𑐎𑐣𑐎𑐥𑐸𑐬) 𑐡𑑂𑐰𑐵𑐬 𑐣𑑄 𑐡𑐫𑐾𑐎𑐵𑐡𑐶𑐮। 𑐀𑐧𑐶𑐮𑐫𑑂‌𑐫𑐵 𑐥𑐾𑐚𑐾𑐫𑑂 𑐡𑐫𑐾𑐎𑐵𑐟𑑅𑐐𑐸 𑐳𑑄𑐬𑐔𑐣𑐵 𑐰𑐬𑑂𑐟𑐩𑐵𑐣 𑐧𑑄𑐐𑐮𑐹𑐬𑐸𑐂 𑐎𑑂𑐰𑐳𑑄 𑐔𑑂𑐰𑑅𑐐𑐸 𑐠𑐵𑐳𑐫𑑂 𑐡𑐸-

• 𑐊𑐰𑐾𑐣𑑂𑐫𑐸 𑐬𑑀𑐡 𑐎𑑂𑐬𑐳𑐶𑐒𑑂𑐐𑐫𑑂 𑐎𑐾𑐩𑑂𑐥𑐾𑐐𑑁𑐜𑐵𑑄 𑐡𑐫𑐾𑐎𑐵𑐟𑑅𑐐𑐸 𑐴𑐣𑐸𑐩𑐵𑐣 𑐡𑐾𑐐𑑅 𑐡𑐸
• 𑐧𑑄𑐐𑐮𑐹𑐬𑐸 𑐎𑐶𑐮𑑂𑐮𑐵 𑐥𑐱𑑂𑐔𑐶𑐩𑐫𑑂 "𑐧𑐶𑐣𑑂𑐣𑐷 𑐩𑐶𑐮" 𑐡𑐹𑐐𑐸 𑐠𑐵𑐳𑑄 𑐥𑐹𑐬𑑂𑐰𑐫𑑂 𑐀𑐮𑑂𑐳𑐸𑐬 𑐥𑐸𑐮𑐶𑐳 𑐳𑑂𑐟𑐾𑐳𑐣 𑐟𑐎𑑂𑐎 𑐰 𑐄𑐟𑑂𑐟𑐬𑐫𑑂 𑐀𑐘𑑂𑐖𑐣𑐾𑐫𑐵 𑐡𑐾𑐐𑑅 𑐡𑐹𑐐𑐸 𑐠𑐵𑐳𑑄 𑐡𑐎𑑂𑐲𑐶𑐞𑐫𑑂 𑐱𑐶𑐰𑐱𑑄𑐎𑐬 𑐳𑐬𑑂𑐎𑐮 𑐟𑐎𑑂𑐎 𑐠𑑂𑐫𑑄
• 𑐩𑐹 𑐮𑑄 𑐥𑐹𑐬𑑂𑐰𑐫𑑂 𑐰𑐬𑑂𑐟𑐩𑐵𑐣 𑐳𑐸𑐣𑐎𑑂𑐎𑐵𑐮𑑂𑐥𑐾𑐟 𑐳𑐬𑑂𑐎𑐮 𑐣𑐶𑐳𑐾𑑄 𑐐𑐸𑐜𑐱𑐾𑐡 𑐬𑑀𑐜 𑐟𑐎𑑂𑐎 𑐠𑑂𑐫𑑄। 𑐠𑑂𑐰 𑐮𑑄𑐫𑐵𑐟 𑐰𑐬𑑂𑐟𑐩𑐵𑐣𑐫𑑂 𑐌𑐮𑑂𑐡 𑐟𑐵𑐮𑐸𑐎 𑐎𑐔𑐾𑐬𑐷 𑐬𑑀𑐡 𑐢𑐵𑐂।
• 𑐥𑐾𑐚𑐫𑐵 𑐩𑐹 𑐮𑑄 𑐄𑐟𑑂𑐟𑐬𑐫𑑂 𑐊𑐰𑐾𑐣𑑂𑐫𑐸 𑐬𑑀𑐜 (𑐡𑑀𑐡𑑂𑐡𑐵𑐥𑐾𑐚 𑐬𑑀𑐜) 𑐣𑐶𑐳𑐾𑑄 𑐡𑐎𑑂𑐲𑐶𑐞𑐫𑑂 𑐎𑐺𑐲𑑂𑐞 𑐬𑐵𑐖𑐾𑐣𑑂𑐡𑑂𑐬 𑐬𑑀𑐜 𑐟𑐎𑑂𑐎 𑐠𑑂𑐫𑑄

𑐀𑐧𑐶𑐮𑐫𑑂‌𑐫𑐵 𑐣𑐐𑐬𑐫𑑂 𑐩𑐣𑐹𑐟 𑐔𑑂𑐰𑐣𑐾𑐟 𑐠𑐷𑐠𑐷 𑐠𑐵𑐫𑑂 𑐡𑐫𑐾𑐎𑐵𑐟𑐮𑑅। 𑐡𑐳𑐸- 𑐧𑐬𑑂𑐩𑑂𑐴𑐸𑐟𑐾𑐐𑐸 𑐣𑐶𑑄𑐟𑐶𑑄 𑐀𑐐𑑂𑐬𑐵𑐴𑐵𑐬 𑐡𑐫𑐾𑐎𑐶𑐐𑐸 𑐖𑑂𑐫𑐵 𑐖𑐸𑐮। 𑐣𑐵𑐥𑑄, 𑐠𑐷𑐠𑐷 𑐖𑑂𑐫𑐵𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐧𑐖𑐵𑑅 𑐡𑐫𑐾𑐎𑐵𑐟𑐮 𑐡𑐳𑐸- 𑐠𑐬𑐵𑐐𑐸𑐥𑐾𑐚-𑐖𑐵𑐎𑐶, 𑐧𑐸𑐧𑑅 𑐁𑐡𑐶𑐫𑐵 𑐧𑐖𑐵𑐴𑑂< 𑐧𑐵𑐮𑐾𑐥𑐾𑐚-𑐔𑐸𑐬𑐵 𑐰 𑐧𑐵𑐖𑑄𑐟𑐾𑐐𑐸 𑐧𑐖𑐵𑑅, 𑐔𑐶𑐎𑑂𑐎𑐵𑐥𑐾𑐚 𑐰 𑐣𑐵𑐐𑐬𑑂𑐠𑐥𑐾𑐚 𑐰𑐳𑑅 𑐰 𑐎𑐵𑐥𑑅𑐫𑐵 𑐧𑐖𑐵𑐴𑑂, 𑐧𑐮𑐵𑐥𑐸𑐬𑐥𑐾𑐚 𑐰 𑐐𑐣𑐶𑐐𑐬𑐥𑐾𑐚 𑐔𑐶𑐎𑑄 𑐡𑐫𑐾𑐎𑐶𑐐𑐸 𑐳𑐵𑑅 𑐰 𑐔𑐶𑐎𑑄 𑐡𑐫𑐾𑐎𑐶𑐥𑐶𑑄 𑐐𑐣𑐶𑐐𑐵 𑐟𑐾𑐐𑐸 𑐧𑐖𑐵𑑅, 𑐟𑐶𑐐𑐵𑐮𑐵𑐬𑐵𑐥𑐾𑐚-𑐳𑑂𑐰𑐵𑑄 𑐩𑐷𑐐𑐸 𑐩𑐵𑐮𑐷𑐟𑐾𑐐𑐸 𑐧𑐖𑐵𑑅, 𑐎𑐧𑑂𑐧𑐣𑐥𑐾𑐚-𑐎𑐵𑐥𑑅 𑐡𑐫𑐾𑐎𑐶𑐥𑐶𑑄 𑐡𑐾𑐰𑑄𑐐 𑐖𑐵𑐟𑐶𑐫𑐵 𑐩𑐣𑐹𑐟𑐾𑐐𑐸 𑐧𑐖𑐵𑑅।

𑐣𑐐𑐬𑐫𑑂 𑐮𑑅 𑐩𑐸𑑄𑐎𑐵𑐟𑐫𑐾𑐟 𑐠𑐷𑐠𑐷 𑐥𑐸𑐏𑐸 (𑐎𑐣𑑂𑐣𑐜 𑐨𑐵𑐳𑐫𑑂 "𑐎𑐾𑐬𑐾") 𑐡𑐫𑐾𑐎𑐷𑐐𑐸 𑐖𑑂𑐫𑐵 𑐖𑐸𑐮। 𑐠𑑂𑐰 𑐣𑐐𑐬𑐫𑐵 𑐩𑐹 𑐥𑐸𑐏𑐹𑐮𑐶 𑐕𑐸𑑄 𑐠𑑂𑐰 𑐎𑐠𑑄 𑐡𑐸-

• 𑐣𑐐𑐬𑐫𑐵 𑐡𑐸𑐣𑐾𑐫𑐵 𑐔𑐎𑑂𑐬𑐫𑐵 𑐥𑐸𑐏𑐸𑐮𑐶 𑐎𑐾𑐩𑑂𑐥𑐾 𑐐𑐌𑐜𑐵 𑐀𑐐𑑂𑐬𑐴𑐵𑐬, 𑐳𑐶𑐡𑑂𑐢𑐶𑐎𑐚𑑂𑐚𑐾, 𑐳𑐩𑑂𑐥𑐵𑑄𑐐𑐷 (Sampangi), 𑐢𑐬𑑂𑐩𑐧𑐸𑐡𑑂𑐢𑐶 (Dharmambudhi), 𑐎𑐾𑐩𑑂𑐥𑐩𑑂‌𑐧𑐸𑐡𑑂𑐢𑐶 𑐎𑐾𑐬𑐾 (Kempambudhi kere), 𑐰 𑐎𑐬𑐣𑐖𑐷 (Karanji) 𑐮𑐵।
• 𑐣𑐐𑐬𑐫𑐵 𑐥𑐶𑐣𑐾𑐫𑐵 𑐔𑐎𑑂𑐬𑐫𑐵 𑐥𑐸𑐏𑐸𑐮𑐶 𑐫𑐾𑐡𑐶𑐫𑐸𑐬 (Yediyur), 𑐔𑐾𑐣𑑂𑐣𑐩𑑂𑐩𑐵 (Chennamma), 𑐩𑐰𑐮𑑂𑐮𑐶 (Mavalli), 𑐀𑐎𑑂𑐎𑐶 𑐟𑐶𑐩𑐣𑑂𑐣𑐵 𑐴𑐮𑑂𑐮𑐶 (Akki Thimmana halli), 𑐖𑐎𑑂𑐎𑐬𑐵𑐫 𑐎𑐾𑐬𑐾 (Jakkaraya kere) 𑐁𑐡𑐶 𑐮𑐵। 𑐠𑐸𑐎𑐶𑐫𑐵 𑐁𑐥𑐵𑐮𑑄 𑐥𑐸𑐏𑐸 𑐣𑐐𑐬 𑐰𑐶𑐎𑐵𑐳𑐫𑐵 𑐗𑑂𑐰𑐮𑐫𑑂 𑐀𑐟𑐶𑐎𑑂𑐬𑐩𑐞 𑐖𑐸𑐂 𑐢𑐸𑑄𑐎𑐹𑐐𑐸 𑐡𑐸।
• 𑐣𑐐𑐬𑐫𑐵 𑐩𑐹 𑐡𑐾𑐐𑐮𑐫𑑂 𑐐𑐰𑐶 𑐐𑐒𑑂𑐐𑐵𑐢𑐬𑐾𑐱𑑂𑐰𑐬 𑐡𑐾𑐐𑑅 (Gavi Gangadhareshwara Temple), 𑐣𑐣𑑂𑐡𑐶 𑐡𑐾𑐐𑑅 (Nandi 𑐰𑐵 Bull Temple) (Basavanna), 𑐜𑑀𑐜𑑆𑐵 𑐐𑐞𑐥𑐟𑐶 (Dodda Ganapathi), 𑐎𑐬𑐣𑐖𑐷 𑐀𑐘𑑂𑐖𑐣𑐾𑐫 (Karanji Anjaneya), 𑐀𑐮𑑂𑐳𑐸𑐬 𑐳𑑀𑐩𑐾𑐱𑑂𑐰𑐬 (Ulsoor Someswara), 𑐎𑑀𑐬𑐩𑐒𑑂𑐐𑐮𑐵 𑐮𑐎𑑂𑐲𑑂𑐩𑐷, 𑐩𑐴𑐵𑐎𑐵𑐮𑐷, 𑐰𑐷𑐬𑐨𑐡𑑂𑐬, 𑐰𑐶𑐣𑐵𑐫𑐎, 𑐎𑐵𑐮𑐨𑐿𑐬𑐰 𑐁𑐡𑐶 𑐮𑐵।

𑐳𑑂𑐰𑐫𑐵𑐡𑐶𑐳𑑃

• 𑐎𑐬𑑂𑐣𑐵𑐚𑐎
• 𑐧𑑄𑐐𑐮𑐹𑐬𑐸