छ्येलेमि:Eukesh/Auto/NepalScript/एसियाया इतिहास
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐊𑐳𑐶𑐫𑐵𑐫𑐵 𑐂𑐟𑐶𑐴𑐵𑐳𑐫𑐵𑐟 𑐥𑐹𑐬𑑂𑐰𑐷 𑐊𑐳𑐶𑐫𑐵, 𑐡𑐎𑑂𑐲𑐶𑐞 𑐊𑐳𑐶𑐫𑐵 , 𑐡𑐎𑑂𑐲𑐶𑐞𑐥𑐹𑐬𑑂𑐰 𑐊𑐳𑐶𑐫𑐵 𑐰 𑐩𑐢𑑂𑐫𑐥𑐹𑐬𑑂𑐰 𑐠𑐾𑑄 𑐣𑑂𑐫𑐵𑑅𑐐𑐸 𑐫𑐎𑑂𑐰 𑐰𑐶𑐱𑐶𑐲𑑂𑐚 𑐎𑑂𑐲𑐾𑐟𑑂𑐬𑐫𑐵 𑐳𑐵𑐩𑐹𑐴𑐶𑐎 𑐂𑐟𑐶𑐴𑐵𑐳𑐫𑐵 𑐬𑐸𑐥𑐫𑑂 𑐳𑑂𑐰𑐫𑐾𑐕𑐶𑑄 𑐐𑐸𑐎𑐶𑐫𑐵𑐟 𑐫𑐸𑐬𑐾𑐳𑐶𑐫𑐵𑐮𑐷 𑐳𑑂𑐚𑐾𑐥𑐫𑐵 𑐁𑐣𑑂𑐟𑐬𑐶𑐎 𑐏𑑂𑐫𑐮𑑄 𑐳𑑂𑐰𑐵𑐣𑐵𑐟𑑅𑐐𑐸 𑐡𑐸।
𑐎𑐵𑐮𑐏𑐞𑑂𑐜
[सम्पादन]𑐥𑑂𑐬𑐵𑐐𑐿𑐟𑐶𑐴𑐵𑐳
[सम्पादन]𑐥𑐸𑐬𑐵𑐟𑐟𑑂𑐰𑐰𑐶𑐡𑑂 𑐬𑐵𑐎𑐾𑐱 𑐟𑐶𑐰𑐵𑐬𑐷𑑄 𑐨𑐵𑐬𑐟𑐫𑐵 𑐮𑐵𑐴𑐸𑐬𑐵𑐡𑐾𑐰𑐵𑐫𑑂 𑐫𑐵𑑅𑐐𑐸 𑐕𑐐𑐹 𑐄𑐟𑑂𑐏𑐣𑐣𑐫𑐵 𑐥𑑂𑐬𑐟𑐶𑐰𑐾𑐡𑐣𑐫𑑂 𑐣𑑂𑐴𑐸𑐐𑐸 C14 𑐜𑐾𑐚𑐶𑐒 𑐎𑐠𑑄 𑐃𑐳𑐵𑐥𑐹𑐬𑑂𑐰 𑑙𑑐𑑐𑑐 𑐣𑐶𑐳𑐾𑑄 𑑘𑑐𑑐𑑐 𑐃𑐳𑐵𑐥𑐹𑐬𑑂𑐰𑐫𑐵 𑐡𑐠𑐸𑐂 𑐠𑐣 𑐖𑐵𑐎𑐶 𑐡𑐹𑐐𑐸 𑐖𑐸𑐮। 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐮𑐵𑐴𑐸𑐬𑐵𑐡𑐾𑐰𑐵𑐫𑐵𑐟 𑐩𑐸𑐎𑑂𑐎𑑄 𑐡𑐎𑑂𑐲𑐶𑐞 𑐊𑐳𑐶𑐫𑐵𑐫𑐵 𑐡𑐎𑐮𑐫𑑂 𑐥𑑂𑐬𑐵𑐬𑐩𑑂𑐨𑐶𑐎 𑐣𑐰𑐥𑐵𑐲𑐵𑐞 𑐫𑐸𑐐𑐫𑐵 𑐠𑐵𑐫𑑂 𑐡𑐫𑐾𑐎𑐹𑐐𑐸 𑐡𑐸। 𑐎𑐬𑐶𑐧 𑑙,𑑐𑑐𑑐 𑐡𑑃 𑐣𑑂𑐴𑑂𑐫𑑅 𑐳𑐶𑐣𑑂𑐢𑐸 𑐏𑐸𑐳𑐶𑐫𑐵 𑐥𑐱𑑂𑐔𑐶𑐩𑐷 𑐳𑐶𑐠𑐫𑑂 𑐄𑐥𑐩𑐴𑐵𑐡𑑂𑐰𑐷𑐥𑐫𑑂 𑐳𑑂𑐠𑐵𑐫𑐷 𑐧𑐳𑑀𑐧𑐵𑐳 𑐫𑐵𑐂𑐐𑐸 𑐖𑐷𑐰𑐣𑐫𑐵 𑐄𑐡𑐫 𑐖𑐸𑐮, 𑐐𑐸𑐎𑐶𑐮𑐶𑑄 𑐧𑐸𑐮𑐸𑐴𑐸𑑃 𑐃𑐳𑐵𑐥𑐹𑐬𑑂𑐰 𑐳𑑂𑐰𑑄𑐐𑐸𑐐𑐸 𑐳𑐴𑐳𑑂𑐬𑐵𑐧𑑂𑐡𑐷𑐫𑐵 𑐳𑐶𑐣𑑂𑐢𑐸 𑐳𑑂𑐰𑐣𑐶𑐐𑑅 𑐮𑐴𑐣𑐵𑐫𑐵 𑐰𑐶𑐎𑐵𑐳 𑐖𑐸𑐮।
𑐐𑑀𑐧𑐾𑐎𑑂𑐮𑐷 𑐚𑐾𑐥𑐾 (Göbekli Tepe) 𑐚𑐬𑑂𑐎𑐷𑐫𑐵 𑐡𑐎𑑂𑐲𑐶𑐞𑐥𑐹𑐬𑑂𑐰𑐷 𑐊𑐣𑐵𑐟𑑀𑐮𑐶𑐫𑐵 𑐎𑑂𑐲𑐾𑐟𑑂𑐬𑐫𑐵 𑐕𑐐𑐹 𑐣𑐰𑐥𑐵𑐲𑐵𑐞𑐎𑐵𑐮𑐷𑐣 𑐠𑐵𑐫𑑂 𑐏। 𑐥𑑀𑐚𑐬𑐷 𑐳𑑂𑐰𑐫𑐵 𑐣𑑂𑐴𑑂𑐫𑑅𑐫𑐵 𑐣𑐰𑐥𑐵𑐲𑐵𑐞 𑐫𑐸𑐐𑐫𑐵 𑐠𑑂𑐰 𑐠𑐵𑐫𑑂 𑐎𑐬𑐶𑐧 𑑙𑑕𑑐𑑐 𑐰 𑑘𑑐𑑐𑑐 𑐃𑐳𑐵𑐥𑐹𑐬𑑂𑐰𑐫𑐵 𑐀𑐰𑐱𑐾𑐲 𑐡𑐸। 𑐠𑑂𑐰 𑐠𑐵𑐳𑐫𑑂 𑐟𑑅𑐢𑑄𑐐𑐸 𑐮𑑂𑐰𑐴𑑄𑐫𑐵 𑐳𑑂𑐟𑐩𑑂𑐨𑑄 𑐳𑐩𑐬𑑂𑐠𑐣 𑐫𑐵𑐣𑐵𑐟𑑅𑐐𑐸 𑐫𑐎𑑂𑐰 𑐟𑑅𑐢𑑄𑐐𑐸 𑐔𑐵𑐎𑐮𑐵𑑅𑐐𑐸 𑐳𑑄𑐬𑐔𑐣𑐵𑐟 𑐡𑐸। 𑐠𑑂𑐰 𑐳𑑄𑐬𑐔𑐣𑐵𑐟 𑐴𑐮𑐶𑑄𑐫𑐵 𑐡𑐎𑐮𑐫𑑂 𑐥𑐸𑐮𑐵𑑄𑐐𑐸 𑐖𑑂𑐘𑐵𑐟 𑐩𑐾𑐐𑐵𑐮𑐶𑐠 𑐏।
𑐔𑐷𑐣𑐫𑐵 𑐴𑐾𑐧𑐾𑐂 𑐥𑑂𑐬𑐵𑐣𑑂𑐟𑐫𑑂 𑐫𑐶𑐎𑑂𑐳𑐶𑐫𑐣𑐫𑐵 𑐮𑐶𑐎𑑂𑐎 𑐥𑑂𑐬𑐵𑐐𑐿𑐟𑐶𑐴𑐵𑐳𑐶𑐎 𑐧𑐾𑐂𑐦𑐸𑐜𑐷 𑐳𑑂𑐠𑐮 (Beifudi site)𑐫𑑂 𑐎𑐬𑐶𑐧 𑑘𑑐𑑐𑑐–𑑗𑑐𑑐𑑐 𑐃𑐳𑐵𑐥𑐹𑐬𑑂𑐰𑐫𑐵 𑐳𑐶𑐱𑐵𑐣 𑐰 𑐖𑐶𑐒𑐮𑑀𑐒𑐰𑐵 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐳𑐩𑐎𑐵𑐮𑐷𑐣 𑐕𑐐𑐹 𑐳𑑄𑐳𑑂𑐎𑐺𑐟𑐶𑐫𑐵 𑐀𑐰𑐱𑐾𑐲 𑐡𑐸। 𑐎𑐸𑐮 𑐄𑐟𑑂𑐏𑐣𑐣 𑐎𑑂𑐲𑐾𑐟𑑂𑐬𑐦𑐮 𑑑𑑒𑑐𑑐 𑐰𑐬𑑂𑐐𑐩𑐶𑐚𑐬 𑐳𑑂𑐰𑐫𑐵 𑐀𑐥𑑂𑐰 𑐡𑐸 𑐰 𑐠𑑂𑐰 𑐠𑐵𑐳𑐫𑑂 𑐣𑐰𑐥𑐵𑐲𑐵𑐞𑐎𑐵𑐮𑐷𑐣 𑐰𑐳𑑂𑐟𑐸 𑐣𑐶𑐐𑐸 𑐔𑐬𑐞𑐫𑑂 𑐮𑐸𑐂𑐎𑐹𑐐𑐸 𑐡𑐸।
𑐃𑐳𑐵𑐥𑐹𑐬𑑂𑐰 𑑕𑑕𑑐𑑐𑐫𑐵 𑐣𑐵𑐥𑑄 𑐮𑐾𑐧𑐵𑐣𑐣, 𑐂𑐖𑐬𑐵𑐫𑐮, 𑐳𑐶𑐬𑐶𑐫𑐵, 𑐊𑐣𑐵𑐟𑑀𑐮𑐶𑐫𑐵, 𑐰 𑐄𑐟𑑂𑐟𑐬𑐷 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑑂 𑐳𑐸𑐏𑑂𑐏𑐵 𑐨𑐹𑐩𑐶𑐫𑐵 𑐎𑐺𑐲𑐶𑐂 𑐁𑐢𑐵𑐬𑐶𑐟 𑐴𑐮𑐵𑐦𑐶𑐫𑐣 (Halafian) 𑐳𑑄𑐳𑑂𑐎𑐺𑐟𑐶 𑐏𑐣𑐾𑐡𑐟।
𑐡𑐎𑑂𑐲𑐶𑐞𑐷 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑑂 𑐳𑐸𑐩𑐾𑐬 𑐰 𑐊𑐮𑐵𑐩𑐫𑐵 𑐖𑐮𑑀𑐝 𑐏𑑂𑐫𑑅 𑐡𑐸। 𑐰𑐵 𑐩𑑂𑐴𑑂𑐰 𑐖𑐎 𑐰𑐂𑐐𑐸 𑐖𑐹𑐐𑐸𑐮𑐶𑑄 𑐠𑐣 𑐧𑐳𑑂𑐟𑐷 𑐡𑐫𑐾𑐎𑐾𑐟 𑐳𑐶𑑃𑐔𑐵𑐂 𑐥𑑂𑐬𑐞𑐵𑐮𑐶 𑐁𑐰𑐱𑑂𑐫𑐎 𑐖𑐸𑐮। 𑐄𑐧𑐿𑐡 (Ubaid) 𑐳𑑄𑐳𑑂𑐎𑐺𑐟𑐶 𑑕𑑕𑑐𑑐 𑐃𑐳𑐵𑐥𑐹𑐬𑑂𑐰 𑐣𑐶𑐳𑐾𑑄 𑐧𑑂𑐰𑐮𑐣।
𑐥𑑂𑐬𑐵𑐔𑐷𑐣
[सम्पादन]𑐎𑑃𑐫𑑂 𑐫𑐸𑐐
[सम्पादन]𑐔𑐵𑐮𑑂𑐎𑑀𑐮𑐶𑐠𑐶𑐎 𑐎𑐵𑐮 (𑐰𑐵 𑐟𑐵𑐩𑑂𑐬 𑐫𑐸𑐐) 𑐎𑐬𑐶𑐧 𑑔𑑕𑑐𑑐 𑐃𑐳𑐵𑐥𑐹𑐬𑑂𑐰 𑐣𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐏, 𑐀𑐣𑑄𑐮𑐶 𑐎𑐬𑐶𑐧 𑑓𑑕𑑐𑑐 𑐃𑐳𑐵𑐥𑐹𑐬𑑂𑐰𑐫𑑂 𑐎𑑃𑐫𑑂 𑐫𑐸𑐐 𑐣𑑂𑐴𑑂𑐫𑐠𑐣, 𑐐𑐸𑐎𑐶𑐮𑐶𑑄 𑐣𑐰𑐥𑐵𑐲𑐵𑐞 𑐫𑐸𑐐𑐫𑐵 𑐳𑑄𑐳𑑂𑐎𑐺𑐟𑐶𑐫𑐵 𑐠𑐵𑐫𑑂 𑐎𑐵𑐮।
𑐳𑐶𑐣𑑂𑐢𑐸 𑐳𑑂𑐰𑐣𑐶𑐐𑑅 𑐮𑐴𑐣𑐵 𑐕𑐐𑐹 𑐎𑑃𑐫𑑂 𑐫𑐸𑐐𑐫𑐵 𑐳𑐨𑑂𑐫𑐟𑐵 𑐏 (𑑓𑑓𑑐𑑐–𑑑𑑓𑑐𑑐 𑐃𑐳𑐵𑐥𑐹𑐬𑑂𑐰; 𑐥𑐬𑐶𑐥𑐎𑑂𑐰 𑐃 𑑒𑑖𑑐𑑐–𑑑𑑙𑑐𑑐 𑐃𑐳𑐵𑐥𑐹𑐬𑑂𑐰) 𑐐𑐸𑐎𑐶𑐫𑐵 𑐎𑐾𑐣𑑂𑐡𑑂𑐬 𑐀𑐥𑑂𑐰 𑐫𑐵𑐣𑐵𑑅 𑐨𑐵𑐬𑐟𑐷𑐫 𑐄𑐥𑐩𑐴𑐵𑐡𑑂𑐰𑐷𑐥𑐫𑐵 𑐥𑐱𑑂𑐔𑐶𑐩𑐷 𑐨𑐵𑐐𑐫𑑂 𑐡𑐹𑐐𑐸 𑐏; 𑐠𑑂𑐰 𑐳𑐨𑑂𑐫𑐟𑐵𑐫𑐵 𑐂𑐮𑐫𑑂 𑐴𑐶𑐣𑑂𑐡𑐹 𑐢𑐬𑑂𑐩𑐫𑐵 𑐕𑐐𑐹 𑐥𑑂𑐬𑐵𑐬𑐩𑑂𑐨𑐶𑐎 𑐬𑐸𑐥𑐫𑐵 𑐰𑐶𑐎𑐵𑐳 𑐖𑐹𑐐𑐸 𑐩𑐵𑐣𑐾 𑐫𑐵𑐂। 𑐠𑑂𑐰 𑐳𑐨𑑂𑐫𑐟𑐵𑐫𑐵 𑐕𑐸𑑄 𑐟𑑅𑐢𑑄𑐐𑐸 𑐣𑐐𑐬𑐫𑑂 𑐴𑐬𑐥𑑂𑐥𑐵 𑐰 𑐩𑑀𑐴𑐾𑐣𑑂𑐖𑑀-𑐡𑐵𑐬𑑀 𑐮𑐵, 𑐐𑐸𑐎𑐶𑐮𑐶 𑐄𑐔𑑂𑐔 𑐳𑑂𑐟𑐬𑐫𑐵 𑐣𑐐𑐬 𑐫𑑀𑐖𑐣𑐵 𑐰 𑐎𑐮𑐵 𑐡𑐸। 𑐃𑐳𑐵𑐥𑐹𑐬𑑂𑐰 𑑑𑑗𑑐𑑐𑐫𑐵 𑐣𑐵𑐥𑑄 𑐠𑑂𑐰 𑐎𑑂𑐲𑐾𑐟𑑂𑐬𑐫𑐵 𑐰𑐶𑐣𑐵𑐱 𑐖𑐸𑐮। 𑐠𑐸𑐎𑐶𑐫𑐵 𑐎𑐵𑐬𑐞 𑐁𑑅𑐟𑐎 𑐧𑐴𑐳𑐫𑐵 𑐰𑐶𑐲𑐫 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐫𑐡𑑂𑐫𑐥𑐶 𑐥𑑂𑐬𑐩𑐵𑐞𑑄 𑐠𑑂𑐰 𑐰𑐶𑐣𑐵𑐳 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥 (𑐰𑐶𑐱𑐾𑐲 𑐫𑐵𑐣𑐵𑑅 𑐏𑐸𑐳𑐶𑐧𑐵𑑅)𑐫𑐵 𑐎𑐵𑐬𑐞𑑄 𑐖𑐹𑐐𑐸 𑐏𑐣𑐾𑐡𑐸। 𑐠𑐸𑐎𑐶𑐫𑐵 𑐕𑐸𑑄 𑐳𑐩𑐫 𑐢𑐸𑑄𑐎𑐵 𑐨𑐵𑐬𑐟𑐫𑑂 𑐰𑐿𑐡𑐶𑐎 𑐎𑐵𑐮𑐫𑐵 𑐄𑐡𑐫 𑐖𑐸𑐮। 𑐠𑑂𑐰 𑐎𑐵𑐮 𑐎𑐬𑐶𑐧 𑑑𑑕𑑐𑑐 𑐣𑐶𑐳𑐾𑑄 𑑕𑑐𑑐 𑐃𑐳𑐵𑐥𑐹𑐬𑑂𑐰 𑐟𑐎𑑂𑐎 𑐡𑐫𑐵𑐔𑑂𑐰𑐣। 𑐠𑑂𑐰 𑐃𑐮𑐾 𑐳𑑄𑐳𑑂𑐎𑐺𑐟 𑐨𑐵𑐲𑐵𑐫𑐵 𑐰𑐶𑐎𑐵𑐳 𑐖𑐸𑐮 𑐰 𑐰𑐾𑐡 𑐔𑑂𑐰𑐫𑐾𑐐𑐸 𑐖𑑂𑐫𑐵 𑐖𑐸𑐮। 𑐠𑑂𑐰 𑐴𑐾 𑐰𑐿𑐡𑐶𑐎 𑐢𑐬𑑂𑐩𑐫𑐵 𑐁𑐢𑐵𑐬 𑐖𑐸𑐮, 𑐐𑐸𑐎𑐶𑐮𑐶𑑄 𑐀𑐣𑑂𑐟𑐟𑑅 𑐥𑐬𑐶𑐲𑑂𑐎𑐺𑐟 𑐖𑐸𑐫𑐵 𑐴𑐶𑐣𑑂𑐡𑐹 𑐢𑐬𑑂𑐩𑐫𑑂 𑐰𑐶𑐎𑐱𑐶𑐟 𑐖𑐸𑐮।
𑐔𑐷𑐣 𑐰 𑐨𑐶𑐫𑐟𑐣𑐵𑐩 𑐣𑑄 𑐢𑐵𑐟𑐸𑐫𑐵 𑐖𑑂𑐫𑐵𑐫𑐵 𑐎𑐾𑐣𑑂𑐡𑑂𑐬 𑐡𑐫𑐵𑐰𑐮। 𑐣𑐰𑐥𑐵𑐲𑐵𑐞 𑐫𑐸𑐐𑐫𑐵 𑐣𑑂𑐴𑐵𑐥𑐵𑑄𑐐𑐸 𑐎𑑃𑐫𑑂 𑐜𑑂𑐬𑐩, 𑐐𑐸𑐎𑐶𑐫𑐵𑐟 𑐜𑑀𑐒 𑐳𑑀𑐣 (Dong Son) 𑐜𑑂𑐬𑐩 𑐢𑐵𑐂, 𑐨𑐶𑐫𑐟𑐣𑐵𑐩 𑐰 𑐡𑐎𑑂𑐲𑐶𑐞𑐷 𑐔𑐷𑐣𑐫𑐵 𑐴𑑂𑐫𑐵𑑄𑐐𑐸 𑐏𑐸𑐳𑐶𑐫𑐵 𑐜𑐾𑐮𑑂𑐚𑐵 𑐎𑑂𑐲𑐾𑐟𑑂𑐬 𑐰 𑐰𑐫𑐵 𑐖𑑅𑐏𑑅 𑐮𑐸𑐫𑐵𑐰𑑅𑐐𑐸 𑐡𑐸। 𑐠𑐸𑐥𑐶𑑄 𑐨𑐶𑐫𑐟𑐣𑐵𑐩𑐫𑐵 𑐥𑑂𑐬𑐵𑐐𑐿𑐟𑐶𑐴𑐵𑐳𑐶𑐎 𑐜𑑀𑑄𑐐 𑐳𑑀𑐣 𑐟𑐖𑐶𑐮𑐖𑐶𑐮𑐶𑐳𑐾 𑐳𑑂𑐰𑐵𑐥𑐹 𑐡𑐸।
𑐠𑐵𑐂𑐮𑑂𑐫𑐵𑐞𑑂𑐜 (𑐡𑐎𑑂𑐲𑐶𑐞𑐥𑐹𑐬𑑂𑐰𑐷 𑐊𑐳𑐶𑐫𑐵)𑐫𑐵 𑐧𑐵𑐣 𑐔𑐶𑐫𑐵𑐒𑐫𑑂 𑐃𑐳𑐵𑐥𑐹𑐬𑑂𑐰 𑑒𑑑𑑐𑑐𑐫𑐵 𑐎𑑃𑐫𑑂𑐫𑐵 𑐰𑐳𑑂𑐟𑐸𑐟 𑐮𑐸𑐫𑐵𑐰𑑅𑐐𑐸 𑐡𑐸।
𑐧𑐬𑑂𑐩𑐵𑐫𑐵 𑐣𑑂𑐫𑐵𑐄𑑄𑐐𑐐𑐵𑐣𑐫𑑂 𑐎𑑃𑐫𑑂 𑐖𑑂𑐫𑐵𑐨𑑅𑐫𑐵 𑐣𑐵𑐥𑑄 𑐳𑐾𑐬𑐵𑐩𑐶𑐎 𑐰 𑐮𑑂𑐰𑐴𑑄𑐫𑐵 𑐎𑐮𑐵𑐎𑐺𑐟𑐶 𑐣𑑄 𑐄𑐟𑑂𑐏𑐣𑐣 𑐖𑐹𑐐𑐸 𑐡𑐸। 𑐠𑐸𑐎𑐶𑐫𑐵𑐟 𑐰𑐺𑐴𑐡 𑐬𑐸𑐥𑑄 𑑓𑑕𑑐𑑐–𑑕𑑐𑑐 𑐃𑐳𑐵𑐥𑐹𑐬𑑂𑐰𑐫𑐵 𑐢𑐎𑐵𑑅 𑐢𑐫𑐵𑐟𑑅𑐐𑐸 𑐡𑐸।
𑐣 𑐰 𑐀𑐎𑑂𑐲𑐷𑐫 𑐫𑐸𑐐
[सम्पादन]𑐣 𑐫𑐸𑐐𑐫𑑂 𑐊𑐳𑐶𑐫𑐵𑐫𑐵 𑐡𑐎𑑂𑐰𑑄 𑐩𑐹 𑐳𑐨𑑂𑐫𑐟𑐵𑐫𑑂 𑐣𑐫𑐵 𑐖𑑂𑐫𑐵𑐨𑑅, 𑐮𑑂𑐰𑐵𑐨𑑅 𑐰 𑐎𑐰𑐔𑐫𑐵 𑐰𑑂𑐫𑐵𑐥𑐎 𑐕𑑂𑐫𑐾𑐮𑐾𑐖𑑂𑐫𑐵 𑐏𑐣𑐾𑐡𑐟।
𑐩𑐢𑑂𑐫𑐥𑐹𑐬𑑂𑐰
[सम्पादन]𑐳𑐵𑐂𑐬𑐳𑑄 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐦𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐀𑐎𑐶𑐩𑐣𑐶𑐡 𑐬𑐵𑐖𑐰𑑄𑐱𑑄 𑐃𑐳𑐵𑐥𑐹𑐬𑑂𑐰 𑑖𑐐𑐸 𑐣𑐶𑐳𑐾𑑄 𑑔𑐐𑐸 𑐱𑐟𑐵𑐧𑑂𑐡𑐷𑐂 𑐐𑑂𑐬𑐷𑐳 𑐰 𑐚𑐬𑑂𑐎𑐷 𑐣𑐶𑐳𑐾𑑄 𑐳𑐶𑐣𑑂𑐢𑐸 𑐏𑐸𑐳𑐶 𑐰 𑐩𑐢𑑂𑐫 𑐊𑐳𑐶𑐫𑐵 𑐟𑐎𑑂𑐎𑐫𑐵 𑐎𑑂𑐲𑐾𑐟𑑂𑐬𑐫𑑂 𑐱𑐵𑐳𑐣 𑐫𑐵𑐟। 𑐦𑐵𑐬𑐳𑐷 𑐬𑐵𑐖𑐣𑐷𑐟𑐶𑐫𑑂 𑐠𑐷𑐠𑐷 𑐳𑑄𑐳𑑂𑐎𑐺𑐟𑐶𑐫𑐵 𑐣𑐶𑑄𑐟𑐶𑑄 𑐳𑐴𑐶𑐲𑑂𑐞𑐸𑐟𑐵, 𑐎𑐾𑐣𑑂𑐡𑑂𑐬𑐷𑐎𑐺𑐟 𑐳𑐬𑐎𑐵𑐬, 𑐰 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐥𑐹𑐬𑑂𑐰𑐵𑐢𑐵𑐬 𑐰𑐶𑐎𑐵𑐳 𑐏𑐣𑐾𑐡𑐟। 𑐮𑐶𑐥𑐵 𑐡𑐾𑐬𑐶𑐫𑐳𑐫𑐵 𑐱𑐵𑐳𑐣𑐫𑑂 𑐳𑐵𑐩𑑂𑐬𑐵𑐖𑑂𑐫𑐫𑐵 𑐨𑐹𑐨𑐵𑐐 𑐊𑐎𑐷𑐎𑐬𑐞, 𑐎𑐬𑑂𑐩𑐔𑐵𑐬𑐷𑐟𑐣𑑂𑐟𑑂𑐬𑐫𑐵 𑐰𑐶𑐎𑐵𑐳, 𑐎𑐸𑐮𑐷𑐣𑐟𑐾𑐟 𑐳𑐿𑐣𑑂𑐫 𑐥𑐡𑐫𑐵 𑐮𑑅𑐮𑑂𑐴𑐵𑐣𑐵, 𑐎𑐬 𑐳𑑄𑐎𑐮𑐣 𑐖𑑂𑐫𑐵𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑐰 𑐎𑑂𑐲𑐾𑐟𑑂𑐬𑐷𑐫 𑐀𑐢𑐶𑐎𑐵𑐬𑐷𑐟𑐾𑐐𑐸 𑐣𑐶𑐲𑑂𑐛𑐵 𑐳𑐸𑐣𑐶𑐱𑑂𑐔𑐶𑐟 𑐫𑐵𑐫𑐾𑐟 𑐖𑐵𑐳𑐸𑐳𑐟𑐾𑐐𑐸 𑐕𑑂𑐫𑐾𑐮𑐵 𑐖𑐸𑐮। 𑐠𑑂𑐰 𑐃𑐮𑐫𑑂 𑐦𑐵𑐬𑐳𑐫𑐵 𑐥𑑂𑐬𑐵𑐠𑐩𑐶𑐎 𑐢𑐬𑑂𑐩 𑐖𑑀𑐬𑑀𑐳𑑂𑐚𑑂𑐬𑐶𑐫𑐣 𑐢𑐬𑑂𑐩 𑐖𑐸𑐫𑐵𑐔𑑂𑐰𑐣 𑐐𑐸𑐎𑐶𑐫𑐵𑐟 𑐡𑐵𑐬𑑂𑐱𑐣𑐶𑐎 𑐖𑑀𑐬𑑀𑐳𑑂𑐚𑑂𑐬𑐬𑑄 𑐰𑐶𑐎𑐵𑐳 𑐫𑐵𑐣𑐵𑐡𑐶𑐮। 𑐠𑐸𑐎𑐶𑑄 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑑂 𑐊𑐎𑐾𑐱𑑂𑐰𑐬𑐰𑐵𑐡𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐬𑐸𑐥 𑐣𑑂𑐴𑑂𑐫𑐧𑑂𑐰𑐮। 𑐢𑐬𑑂𑐩𑑄 𑐥𑐱𑐸𑐧𑐮𑐶 𑐰 𑐳𑑄𑐳𑑂𑐎𑐵𑐬𑐫𑑂 [[𑐎𑐵𑐫𑐾𑐐𑐸 𑐟𑑂𑐰𑑄𑐳𑐵]𑐫𑐵 𑐕𑑂𑐫𑐮𑐵𑐧𑐸𑐮𑐵𑐫𑑂 𑐥𑑂𑐬𑐟𑐶𑐧𑐣𑑂𑐢 𑐟𑐮। 𑐣𑐵𑐥𑑄 𑐰𑑂𑐫𑐎𑑂𑐟𑐶𑐐𑐟 𑐣𑐿𑐟𑐶𑐎𑐟𑐵𑐫𑐵 𑐩𑐵𑐢𑑂𑐫𑐩𑑄 𑐁𑐢𑑂𑐫𑐵𑐟𑑂𑐩𑐶𑐎 𑐩𑑀𑐎𑑂𑐲𑐫𑐵 𑐀𑐰𑐢𑐵𑐬𑐞𑐵, 𑐀𑐣𑑂𑐟𑐶𑐩 𑐎𑐵𑐮, 𑐰 𑐩𑐣𑐹𑐫𑐵 𑐥𑐵𑐥 𑐰 𑐥𑐸𑐞𑑂𑐫𑐫𑐵 𑐮𑑂𑐫𑐵𑐏𑑃𑐫𑐵 𑐁𑐢𑐵𑐬𑐫𑑂 𑐳𑑂𑐰𑐬𑑂𑐐 𑐰 𑐣𑐬𑑂𑐎 𑐠𑑂𑐫𑐣𑐶𑐐𑐸 𑐣𑐶𑐬𑑂𑐞𑐫 𑐁𑐡𑐶 𑐀𑐰𑐢𑐵𑐬𑐞𑐵 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅। 𑐠𑐸𑐐𑐸 𑐀𑐰𑐢𑐵𑐬𑐞𑐵𑑄 𑐮𑐶𑐥𑐵𑐫𑐵 𑐳𑐩𑑂𑐬𑐵𑐚 𑐰 𑐖𑐣𑐩𑐵𑐣𑐳𑐫𑐵𑐟 𑐟𑐳𑐎𑑄 𑐥𑑂𑐬𑐨𑐵𑐰𑐶𑐟 𑐫𑐵𑐟। 𑐠𑑂𑐰 𑐢𑐬𑑂𑐩 𑐠𑐩𑑄𑐟𑐸𑑄 𑐢𑐵𑑅𑐳𑐵 𑐠𑑂𑐰 𑐢𑐬𑑂𑐩 𑐳𑑂𑐰𑐫𑐵 𑐣𑑂𑐴𑐵𑐥𑐵𑐫𑐵 𑐫𑐎𑑂𑐰 𑐥𑐸𑐮𑐵𑑄𑐐𑐸 𑐥𑑂𑐬𑐵𑐔𑐷𑐣 𑐢𑐵𑐬𑑂𑐩𑐶𑐎 𑐰𑐶𑐱𑑂𑐰𑐵𑐳 𑐰 𑐀𑐨𑑂𑐫𑐵𑐳𑑄 𑐥𑑂𑐬𑐨𑐵𑐰𑐶𑐟 𑐖𑐸𑐫𑐵 𑐰𑐶𑐎𑐱𑐶𑐟 𑐖𑐹𑐐𑐸 𑐏। 𑐦𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫 𑐩𑐢𑑂𑐫𑐥𑐹𑐬𑑂𑐰𑐫𑑂 𑐱𑐵𑐣𑑂𑐟𑐶 𑐰 𑐳𑑂𑐠𑐵𑐫𑐶𑐟𑑂𑐰 𑐳𑑂𑐠𑐵𑐥𑐶𑐟 𑐫𑐵𑐫𑐾𑐟 𑐳𑐦𑐮 𑐖𑐸𑐮 𑐰 𑐎𑐮𑐵, 𑐬𑐵𑐖𑐣𑐷𑐟𑐶, 𑐰 𑐢𑐬𑑂𑐩𑐫𑑂 𑐩𑐹 𑐥𑑂𑐬𑐨𑐵𑐰 𑐮𑐵𑐎𑐮।
𑐀𑐮𑐾𑐎𑑂𑐖𑐾𑐣𑑂𑐜𑐬𑑄 𑐃𑐳𑐵𑐥𑐹𑐬𑑂𑐰 𑑔𑐐𑐸 𑐱𑐟𑐵𑐧𑑂𑐡𑐷𑐂 𑐠𑑂𑐰 𑐬𑐵𑐖𑐰𑑄𑐱𑐫𑐵𑐟 𑐟𑑂𑐫𑐵𑐎𑐮, 𑐐𑐸𑐎𑐶𑐮𑐶𑑄 𑐊𑐳𑐶𑐫𑐵𑐫𑑂 𑐳𑑄𑐎𑑂𑐲𑐶𑐥𑑂𑐟 𑐴𑐾𑐮𑐾𑐣𑐶𑐳𑑂𑐚𑐶𑐎 𑐃 𑐡𑐫𑐾𑐎𑐮। 𑐰𑐫𑑂𑐎𑐮𑑄 𑐠𑑅𑐐𑐸 𑐬𑐵𑐖𑑂𑐫𑐫𑐵 𑐳𑑂𑐠𑐵𑐫𑐶𑐟𑑂𑐰 𑐳𑑂𑐠𑐵𑐥𑐶𑐟 𑐫𑐵𑐫𑐾𑐟 𑐀𑐳𑐩𑐬𑑂𑐠 𑐖𑐸𑐮 𑐰 𑐰𑐫𑑂𑐎𑑅𑐫𑐵 𑐩𑐺𑐟𑑂𑐫𑐸 𑐢𑐸𑑄𑐎𑐵 𑐦𑐵𑐬𑐳𑐫𑐵 𑐳𑐾𑐮𑑂𑐫𑐸𑐳𑐶𑐜 𑐳𑐵𑐩𑑂𑐬𑐵𑐖𑑂𑐫 𑐣𑐵𑐥𑑄 𑐔𑐶𑐢𑑄𑐐𑐸, 𑐎𑐩𑐖𑑀𑐬 𑐬𑐵𑐖𑐰𑑄𑐱𑐫𑑂 𑐚𑐸𑐎𑑂𑐬𑐵 𑐖𑐸𑐮 𑐰 𑐰𑐫𑐵𑑄 𑐮𑐶𑐥𑐵 𑐥𑐵𑐬𑑂𑐠𑐶𑐫𑐣 𑐳𑐵𑐩𑑂𑐬𑐵𑐖𑑂𑐫𑐫𑑂 𑐴𑐶𑐮𑐵𑐰𑐣। 𑐱𑐵𑐳𑑂𑐟𑑂𑐬𑐷𑐫 𑐫𑐸𑐐𑐫𑐵 𑐀𑐣𑑂𑐟𑑂𑐫 𑐟𑐎𑑂𑐎 𑐠𑑂𑐫𑐣𑐵 𑐦𑐵𑐬𑐳 𑐳𑐵𑐳𑐵𑐣𑐷 𑐳𑐵𑐩𑑂𑐬𑐵𑐖𑑂𑐫𑐫𑑂 𑐥𑐸𑐣𑑅 𑐊𑐎𑐷𑐎𑐺𑐟 𑐖𑐸𑐮, 𑐐𑐸𑐎𑐶𑐫𑐵𑐟 𑐣𑐶𑐐𑐸𑐐𑐸 𑐦𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫 𑐣𑑄 𑐢𑐵𑐂।
𑐬𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑑄 𑐮𑐶𑐥𑐵 𑐥𑐱𑑂𑐔𑐶𑐩𑐷 𑐊𑐳𑐶𑐫𑐵𑐫𑐵 𑐕𑐸𑑄 𑐨𑐵𑐐𑐫𑑂 𑐣𑐶𑐫𑐣𑑂𑐟𑑂𑐬𑐞 𑐫𑐵𑐟। 𑐦𑐵𑐬𑐳𑐫𑐵 𑐳𑐾𑐮𑑂𑐫𑐸𑐳𑐶𑐜, 𑐥𑐵𑐬𑑂𑐠𑐶𑐫𑐣 𑐰 𑐳𑐵𑐳𑐵𑐣𑐷 𑐬𑐵𑐖𑐰𑑄𑐱𑑄 𑐳𑐡𑐶𑐫𑑁𑑄 𑐟𑐎𑑂𑐎 𑐥𑐱𑑂𑐔𑐶𑐩𑐷 𑐊𑐳𑐶𑐫𑐵𑐫𑑂 𑐥𑑂𑐬𑐨𑐸𑐟𑑂𑐰 𑐳𑑂𑐠𑐵𑐥𑐶𑐟 𑐫𑐵𑐟।
𑐨𑐵𑐬𑐟
[सम्पादन]𑐩𑑁𑐬𑑂𑐫 𑐰 𑐐𑐸𑐥𑑂𑐟 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐨𑐵𑐬𑐟𑐫𑐵 𑐳𑑂𑐰𑐬𑑂𑐞 𑐫𑐸𑐐 𑐢𑐵𑐂 𑐰 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐫𑑂 𑐰𑐶𑐖𑑂𑐘𑐵𑐣, 𑐥𑑂𑐬𑐰𑐶𑐢𑐶, 𑐎𑐮𑐵, 𑐢𑐬𑑂𑐩 𑐰 𑐡𑐬𑑂𑐱𑐣𑐫𑑂 𑐰𑑂𑐫𑐵𑐥𑐎 𑐰𑐶𑐎𑐵𑐳 𑐰 𑐁𑐰𑐶𑐲𑑂𑐎𑐵𑐬 𑐖𑐸𑐮 𑐐𑐸𑐎𑐶𑐮𑐶𑑄 𑐳𑐵𑐩𑐵𑐣𑑂𑐫𑐟𑐫𑐵 𑐨𑐵𑐬𑐟𑐷𑐫 𑐳𑑄𑐳𑑂𑐎𑐺𑐟𑐶𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 𑐟𑐟𑑂𑐟𑑂𑐰𑐫𑐵 𑐖𑐐 𑐡𑐫𑐾𑐎𑐮। 𑐨𑐵𑐬𑐟𑐷𑐫 𑐄𑐥𑐩𑐴𑐵𑐡𑑂𑐰𑐷𑐥𑐫𑑂 𑐱𑐸𑐬𑐸 𑐖𑐹𑐐𑐸 𑐧𑐸𑐡𑑂𑐢 𑐢𑐬𑑂𑐩 𑐰 𑐰𑐿𑐡𑐶𑐎 𑐢𑐬𑑂𑐩𑐫𑐵 𑐡𑐎𑑂𑐲𑐶𑐞, 𑐥𑐹𑐬𑑂𑐰 𑐰 𑐡𑐎𑑂𑐲𑐶𑐞𑐥𑐹𑐬𑑂𑐰𑐷 𑐊𑐳𑐶𑐫𑐵𑐫𑑂 𑐩𑐴𑐟𑑂𑐰𑐥𑐹𑐬𑑂𑐞 𑐥𑑂𑐬𑐨𑐵𑐰 𑐮𑐵𑐰𑐣।
𑐠𑑂𑐰 𑐃𑐮𑐫𑑂 𑐰𑐬𑑂𑐟𑐩𑐵𑐣 𑐣𑐾𑐥𑐵𑐮𑐫𑑂 𑐖𑐣𑑂𑐩 𑐎𑐫𑐵𑐡𑐶𑐩𑑂𑐴 𑐨𑐐𑐰𑐵𑐣 𑐧𑐸𑐡𑑂𑐢𑑄 𑐧𑐸𑐡𑑂𑐢 𑐢𑐬𑑂𑐩 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐠𑑂𑐰 𑐴𑐾 𑐃𑐮𑐫𑑂 𑐨𑐐𑐰𑐵𑐣 𑐧𑐸𑐡𑑂𑐢𑐫𑐵 𑐥𑐬𑐶𑐣𑐶𑐬𑑂𑐰𑐵𑐞 𑐢𑐸𑑄𑐎𑐵 𑐟𑑂𑐬𑐶𑐥𑐶𑐚𑐎𑐫𑐵 𑐰𑐶𑐎𑐵𑐳 𑐖𑐸𑐮।
𑐃𑐳𑐵𑐥𑐹𑐬𑑂𑐰 𑑖𑑐𑑐 𑐟𑐎𑑂𑐎 𑐨𑐵𑐬𑐟 𑑑𑑗𑐐𑐸 𑐎𑑂𑐲𑐾𑐟𑑂𑐬𑐷𑐫 𑐬𑐵𑐖𑑂𑐫 𑐩𑐴𑐵𑐖𑐣𑐥𑐡𑐫𑑂 𑐧𑑂𑐰𑐠𑐮𑐵𑐔𑑂𑐰𑐣 𑐐𑐸𑐎𑐶𑐮𑐶𑑄 𑐠𑑅𑐠𑐰𑐫𑑂 𑐡𑐠𑐸𑐂 𑐐𑐧𑐮𑐾𑑄 𑐮𑑂𑐰𑐵𑐥𑐸 𑐖𑐸𑐂𑐐𑐸 𑐖𑐸𑐫𑐵𑐔𑑂𑐰𑐣। 𑑓𑑒𑑗 𑐃𑐳𑐵𑐥𑐹𑐬𑑂𑐰𑐫𑑂 𑐀𑐮𑐾𑐎𑑂𑐖𑐾𑐣𑑂𑐜𑐬𑑄 𑐩𑐸𑐎𑑂𑐎𑑄 𑐴𑐮𑐶𑑄𑐫𑐵𑐟 𑐟𑑂𑐫𑐵𑐎𑐾𑐐𑐸 𑐡𑐺𑐲𑑂𑐚𑐶 𑐖𑑂𑐰𑐣𑐵𑑅 𑐨𑐵𑐬𑐟 𑐰𑐮। 𑐰𑐫𑑂𑐎𑐮𑑄 𑐄𑐟𑑂𑐟𑐬𑐥𑐱𑑂𑐔𑐶𑐩𑐷 𑐨𑐵𑐬𑐟 𑐥𑐵𑐬 𑐫𑐵𑐣𑐵 𑐧𑑂𑐫𑐵𑐎𑑂𑐚𑑂𑐬𑐶𑐫𑐵 𑐥𑑂𑐬𑐵𑐣𑑂𑐟 𑐡𑐫𑐾𑐎𑐵𑐡𑐶𑐮 𑐟𑐬 𑐰𑐫𑑂𑐎𑑅𑐫𑐵 𑐳𑐾𑐣𑐵 𑐠𑑅𑐐𑐸 𑐠𑐵𑐳𑐫𑑂 𑐮𑐶𑐴𑐵𑑄 𑐰𑐣𑐾𑐐𑐸 𑐂𑐔𑑂𑐕𑐵 𑐖𑐹𑐐𑐸𑐮𑐶𑑄 𑐰𑐫𑑂𑐎𑐮𑑄 𑐀𑐗 𑐣𑑂𑐴𑑂𑐫𑑅𑐣𑐾 𑐰𑐣𑐾 𑐩𑐦𑐸𑐟। 𑐠𑑂𑐰 𑐳𑑂𑐰𑐫𑐵 𑐕𑐸𑑄 𑐃 𑐣𑑂𑐴𑑂𑐫𑑅 𑐔𑐣𑑂𑐡𑑂𑐬𑐐𑐸𑐥𑑂𑐟 𑐩𑑁𑐬𑑂𑐫𑑄 𑐐𑑄𑐐𑐵 𑐏𑐸𑐳𑐶𑐫𑐵 𑐣𑐶𑐫𑐣𑑂𑐟𑑂𑐬𑐞 𑐎𑐵𑐫𑐾𑐐𑐸 𑐱𑐸𑐬𑐸 𑐫𑐵𑐟 𑐰 𑐫𑐵𑐎𑐣𑑄 𑐴𑐾 𑐩𑑁𑐬𑑂𑐫 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐖𑐸𑐮। 𑐩𑑁𑐬𑑂𑐫 𑐳𑐵𑐩𑑂𑐬𑐵𑐖𑑂𑐫 𑐰𑐵 𑐩𑑁𑐬𑑂𑐫 𑐬𑐵𑐖𑐰𑑄𑐱 𑐥𑑂𑐬𑐵𑐔𑐷𑐣 𑐨𑐵𑐬𑐟𑐫𑐵 𑐰𑐶𑐳𑑂𑐟𑐺𑐟 𑐰 𑐱𑐎𑑂𑐟𑐶𑐱𑐵𑐮𑐷 𑐳𑐵𑐩𑑂𑐬𑐵𑐖𑑂𑐫 𑐏। 𑐩𑑁𑐬𑑂𑐫 𑐰𑑄𑐱𑑄 𑑓𑑒𑑑 𑐣𑐶𑐳𑐾𑑄 𑑑𑑘𑑕 𑐃𑐳𑐵𑐥𑐹𑐬𑑂𑐰 𑐟𑐎𑑂𑐎 𑐱𑐵𑐳𑐣 𑐫𑐵𑐟। 𑐠𑑂𑐰 𑐠𑑅𑐐𑐸 𑐃𑐮𑐫𑑂 𑐴𑐮𑐶𑑄𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐳𑐵𑐩𑑂𑐬𑐵𑐖𑑂𑐫𑐫𑑂 𑐕𑐐𑐹 𑐏। 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫 𑐄𑐟𑑂𑐟𑐬𑐫𑑂 𑐴𑐶𑐩𑐵𑐮𑐫 𑐟𑐎𑑂𑐎, 𑐥𑐹𑐬𑑂𑐰𑐫𑑂 𑐁𑑅𑐫𑐵 𑐁𑐳𑐵𑐩, 𑐥𑐱𑑂𑐔𑐶𑐩𑐫𑑂 𑐁𑐢𑐸𑐣𑐶𑐎 𑐥𑐵𑐎𑐶𑐳𑑂𑐟𑐵𑐣 𑐳𑑂𑐰𑐫𑐵 𑐥𑐶𑐣𑐾, 𑐰 𑐧𑐮𑐸𑐔𑐶𑐳𑑂𑐟𑐵𑐣 𑐰 𑐁𑑅𑐫𑐵 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑐵 𑐫𑐎𑑂𑐰 𑐨𑐵𑐐𑐫𑐵𑐟 𑐠𑑂𑐰 𑐬𑐵𑐖𑑂𑐫𑑄 𑐠𑑅𑐐𑐸 𑐳𑑂𑐰𑐵𑐩𑐶𑐟𑑂𑐰𑐫𑑂 𑐮𑐵𑐎𑐵𑐟𑐮। 𑐩𑑁𑐬𑑂𑐫 𑐳𑐵𑐩𑑂𑐬𑐵𑐖𑑂𑐫𑐫𑐵 𑐡𑐎𑑂𑐲𑐶𑐞𑐫𑑂 𑐟𑐩𑐶𑐮𑐎𑐩 𑐡𑐸𑐐𑐸 𑐏𑑅, 𑐐𑐸𑐎𑐶𑐮𑐶 𑐳𑑂𑐰𑑄𑐐𑐸 𑐬𑐵𑐖𑐰𑑄𑐱, 𑐥𑐵𑐞𑑂𑐜𑑂𑐫𑐵𑐣, 𑐔𑑀𑐮 𑐰 𑐔𑐾𑐬𑐵𑐫𑐵 𑐥𑑂𑐬𑐨𑐸𑐟𑑂𑐰 𑐡𑐫𑐵𑐔𑑂𑐰𑐣। 𑐔𑐣𑑂𑐡𑑂𑐬𑐐𑐸𑐥𑑂𑐟𑑄 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐳𑐟𑑂𑐟𑐵𑐫𑐵 𑐣𑐾𑐟𑐺𑐟𑑂𑐰 𑐕𑐩𑑂𑐴 𑐣𑐶𑐬𑑄𑐎𑐸𑐱 𑐖𑐸𑐖𑐸𑑄 𑐳𑐾𑐣𑐵𑐫𑐵 𑐧𑐮𑐫𑑂 𑐫𑐵𑑅𑐐𑐸 𑐖𑐸𑐮। 𑐠𑐸𑐎𑐶𑐮𑐶 𑐕𑐐𑐹 𑐎𑐬𑑂𑐩𑐔𑐵𑐬𑐷𑐟𑐣𑑂𑐟𑑂𑐬𑐫𑐵 𑐕𑑂𑐫𑐾𑐮𑐾𑐖𑑂𑐫𑐵 𑐣𑑄 𑐮𑐵𑐐𑐹 𑐖𑐸𑐮 𑐰 𑐕𑐐𑐹 𑐴𑐸𑐮𑐵𑐎 𑐳𑐾𑐰𑐵 𑐟𑐎𑑄 𑐡𑐫𑐾𑐎𑐮। 𑐔𑐣𑑂𑐡𑑂𑐬𑐐𑐸𑐥𑑂𑐟𑐫𑐵 𑐮𑐶𑐥𑐵 𑐀𑐱𑑀𑐎𑑄 𑐁𑐢𑐸𑐣𑐶𑐎 𑐨𑐵𑐬𑐟𑐫𑐵 𑐀𑐥𑑂𑐰 𑐨𑐵𑐐 (𑐡𑐎𑑂𑐲𑐶𑐞𑐷 𑐔𑑂𑐰𑐎𑐵𑐫𑐵𑐟 𑐟𑑂𑐰𑑅𑐟𑐵𑑅) 𑐟𑑂𑐫𑐵𑐎𑐵𑑅 𑐳𑐵𑐩𑑂𑐬𑐵𑐖𑑂𑐫𑐫𑐵𑐟 𑐫𑐎𑑂𑐰 𑐰𑐶𑐳𑑂𑐟𑐵𑐬 𑐫𑐵𑐟। 𑐀𑐣𑑂𑐟𑐟𑑅 𑐰𑐫𑑂𑐎𑐮𑑄 𑐧𑐸𑐡𑑂𑐢 𑐢𑐬𑑂𑐩 𑐐𑑂𑐬𑐴𑐞 𑐫𑐵𑐣𑐵𑐡𑐶𑐮। 𑐀𑐣𑑄𑐮𑐶𑑄 𑐰𑐫𑑂𑐎𑐮𑑄 𑐱𑐵𑐣𑑂𑐟𑐶𑐥𑐹𑐬𑑂𑐞 𑐖𑐷𑐰𑐣𑐫𑐵 𑐱𑐸𑐬𑐸𑐰𑐵𑐟 𑐫𑐵𑐣𑐵𑐡𑐶𑐮 𑐐𑐣 𑐰𑐫𑑂𑐎𑐮𑑄 𑐨𑐵𑐬𑐟𑐣𑑂𑐫𑑄𑐎𑑄 𑐢𑐬𑑂𑐩𑐫𑐵 𑐣𑐵𑐥𑑄 𑐩𑐵𑐣𑐰𑐷𑐫𑐟𑐵𑐫𑐵 𑐥𑑂𑐬𑐔𑐵𑐬 𑐫𑐵𑐣𑐵𑐡𑐶𑐮। 𑐀𑐱𑑀𑐎𑐫𑐵 𑐩𑐺𑐟𑑂𑐫𑐸 𑐮𑐶𑐥𑐵 𑐫𑐵𑐎𑐣𑑄 𑐴𑐾 𑐩𑑁𑐬𑑂𑐫 𑐳𑐵𑐩𑑂𑐬𑐵𑐖𑑂𑐫 𑐰𑐶𑐑𑐚𑐣 𑐖𑐸𑐮 𑐰 𑐄𑐟𑑂𑐟𑐬𑐥𑐱𑑂𑐔𑐶𑐩𑑄 𑐎𑐸𑐱𑐵𑐣 𑐁𑐎𑑂𑐬𑐩𑐞𑐎𑐵𑐬𑐷𑐟𑐾𑐳𑑄 𑐟𑑂𑐫𑐵𑐎𑐵𑑅 𑐎𑐸𑐱𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐫𑐵𑐟। 𑐂𑐩𑐶𑐳𑑄 𑐮𑐶𑐥𑐵 𑐧𑐸𑐡𑑂𑐢 𑐢𑐬𑑂𑐩 𑐐𑑂𑐬𑐴𑐞 𑐫𑐵𑐟।
𑑒𑑒𑑐 𑐃𑐳𑑂𑐰𑐷 𑐟𑐎𑑂𑐎 𑐎𑐸𑐱𑐵𑐣 𑐳𑐵𑐩𑑂𑐬𑐵𑐖𑑂𑐫 𑐥𑐟𑐣 𑐖𑐸𑐫𑐵 𑐨𑐵𑐬𑐟𑐫𑑂 𑐀𑐗 𑐀𑐥𑑂𑐰 𑐬𑐵𑐖𑐣𑐿𑐟𑐶𑐎 𑐄𑐠𑐮𑐥𑐸𑐠𑐮 𑐖𑐸𑐮। 𑐀𑐣𑑄𑐮𑐶 𑐳𑐣𑑂 𑑓𑑒𑑐𑐫𑑂 𑐐𑐸𑐥𑑂𑐟 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐖𑐸𑐮 𑐰 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑑄 𑐨𑐵𑐬𑐟𑐷𑐫 𑐄𑐥𑐩𑐴𑐵𑐡𑑂𑐰𑐷𑐥𑐫𑐵 𑐫𑐎𑑂𑐰 𑐨𑐵𑐐𑐫𑑂 𑐰𑐶𑐳𑑂𑐟𑐵𑐬 𑐖𑐸𑐮। 𑐱𑑂𑐬𑐷-𑐐𑐸𑐥𑑂𑐟𑑄 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐠𑑂𑐰 𑐬𑐵𑐖𑐰𑑄𑐱𑐫𑐵𑐟 𑐨𑐵𑐬𑐟𑐷𑐫 𑐱𑐵𑐳𑑂𑐟𑑂𑐬𑐷𑐫 𑐳𑐨𑑂𑐫𑐟𑐵𑐫𑐵 𑐣𑐩𑐹𑐣𑐵𑐫𑐵 𑐎𑐠𑑄 𑐎𑐵𑐫𑐾𑐐𑐸 𑐫𑐵। 𑐐𑐸𑐥𑑂𑐟 𑐖𑐸𑐖𑐸𑐟𑐾𑐳𑑄 𑐩𑐸𑐏𑑂𑐫𑐟𑑅 𑐳𑑂𑐠𑐵𑐣𑐷𑐫 𑐥𑑂𑐬𑐨𑐸𑐟𑑂𑐟𑑂𑐰𑐫𑐵 𑐣𑐾𑐟𑐵 𑐰 𑐥𑐬𑐶𑐰𑐵𑐬 𑐣𑐵𑐥 𑐰𑐵𑐬𑑂𑐟𑐵 𑐰 𑐳𑐵𑐩𑐬𑐶𑐎 𑐀𑐣𑑂𑐟𑐬𑐰𑐶𑐰𑐵𑐴𑐫𑐵 𑐩𑐵𑐢𑑂𑐫𑐩𑑄 𑐊𑐎𑐷𑐎𑐺𑐟 𑐫𑐵𑐟। 𑐂𑐩𑐶𑐐𑐸 𑐱𑐵𑐳𑐣𑑄 𑐩𑑁𑐬𑑂𑐫 𑐳𑐵𑐩𑑂𑐬𑐵𑐖𑑂𑐫 𑐳𑑂𑐰𑐫𑐵 𑐩𑑂𑐴𑑀 𑐨𑐹𑐩𑐶 𑐟𑐎 𑐖𑐎 𑐰𑐶𑐳𑑂𑐟𑐵𑐬 𑐖𑐸𑐮, 𑐟𑐬 𑐡𑐎𑐮𑐫𑑂 𑐀𑐥𑑂𑐰 𑐳𑑂𑐠𑐵𑐫𑐶𑐟𑑂𑐰 𑐳𑑂𑐠𑐵𑐥𑐶𑐟 𑐫𑐵𑐟। 𑐳𑐣𑑂 𑑕𑑓𑑕𑐂 𑐨𑐵𑐬𑐟𑐫𑐵𑐟 𑐴𑐸𑐞𑐟𑐫𑐾𑐳𑑄 𑐀𑐢𑐷𑐣𑐫𑑂 𑐮𑐵𑐎𑐾𑐢𑐸𑑄𑐎𑐵 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫 𑐎𑑂𑐰𑐔𑐵𑐮।
𑐥𑑂𑐬𑐵𑐔𑐷𑐣 𑐔𑐷𑐣
[सम्पादन]𑐩𑐢𑑂𑐫𑐎𑐵𑐮𑐷𑐣 𑐂𑐟𑐶𑐴𑐵𑐳
[सम्पादन]- 𑐥𑐱𑑂𑐔𑐶𑐩 𑐊𑐳𑐶𑐫𑐵 (𑐩𑐢𑑂𑐫𑐥𑐹𑐬𑑂𑐰)
- 𑐩𑐢𑑂𑐫 𑐊𑐳𑐶𑐫𑐵
- 𑐩𑑄𑐐𑑀𑐮 𑐳𑐵𑐩𑑂𑐬𑐵𑐖𑑂𑐫
- 𑐡𑐎𑑂𑐲𑐶𑐞 𑐊𑐳𑐶𑐫𑐵/𑐨𑐵𑐬𑐟𑐷𑐫 𑐄𑐥𑐩𑐴𑐵𑐡𑑂𑐰𑐷𑐥
- 𑐨𑐵𑐬𑐟
- 𑐥𑐹𑐬𑑂𑐰𑐷 𑐊𑐳𑐶𑐫𑐵
- 𑐔𑐷𑐣
- 𑐖𑐵𑐥𑐵𑐣
- 𑐎𑑀𑐬𑐶𑐫𑐵
- 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵
- 𑐏𑐩𑐾𑐬
- 𑐨𑐶𑐫𑐟𑐣𑐵𑐩
𑐥𑑂𑐬𑐵𑐬𑐩𑑂𑐨𑐶𑐎 𑐁𑐢𑐸𑐣𑐶𑐎
[सम्पादन]- 𑐩𑐶𑐒 𑐔𑐷𑐣
- 𑐳𑐩𑐵𑐖 𑐬 𑐀𑐬𑑂𑐠𑐟𑐣𑑂𑐟𑑂𑐬
- 𑐰𑐶𑐡𑐾𑐱𑐷 𑐳𑑂𑐰𑐵𑐬𑑂𑐠
- 𑐥𑐟𑐣
- 𑐎𑑀𑐬𑐶𑐫𑐵 : 𑐖𑑀𑐳𑐶𑐫𑐣 𑐬𑐵𑐖𑐰𑑄𑐱 (𑑑𑑓𑑙𑑒–𑑑𑑘𑑙𑑗)
- 𑐖𑐵𑐥𑐵𑐣 : 𑐟𑑀𑐎𑐸𑐐𑐵𑐰𑐵 𑐧𑐵𑐫𑑂 𑐂𑐡𑑀 𑐃 (𑑑𑑖𑑐𑑓–𑑑𑑘𑑖𑑗)
- 𑐨𑐵𑐬𑐟
- 𑐧𑐾𑐮𑐵𑐫𑐟𑐷 𑐰 𑐜𑐔 𑐄𑐥𑐣𑐶𑐰𑐾𑐱
𑐮𑐶𑐥𑐵𑑄𑐐𑐸 𑐁𑐢𑐸𑐣𑐶𑐎
[सम्पादन]- 𑐩𑐢𑑂𑐫 𑐊𑐳𑐶𑐫𑐵: 𑐟𑑅𑐢𑑄𑐐𑐸 𑐎𑐵𑐳𑐵, 𑐬𑐸𑐳 𑐰 𑐐𑑂𑐬𑐾𑐚 𑐧𑑂𑐬𑐶𑐚𑐾𑐣
- 𑐔𑐶𑐣 𑐬𑐵𑐖𑐰𑑄𑐱𑐫𑐵 𑐔𑐷𑐣
- 𑐀𑐦𑐷𑐩 𑐫𑐸𑐡𑑂𑐢
- 𑐩𑐣𑑂𑐔𑐸𑐬𑐶𑐫𑐵
- 𑐖𑑀𑐳𑐶𑐫𑐣
- 𑐎𑑀𑐬𑐶𑐫𑐣 𑐳𑐵𑐩𑑂𑐬𑐵𑐖𑑂𑐫
𑐳𑐩𑐎𑐵𑐮𑐷𑐣
[सम्पादन]- 𑐔𑐷𑐣
- 𑐨𑐵𑐬𑐟𑐷𑐫 𑐄𑐥𑐩𑐴𑐵𑐡𑑂𑐰𑐷𑐥
- 𑐎𑑀𑐬𑐶𑐫𑐵