छ्येलेमि:Eukesh/Auto/NepalScript/एरिस्तोतल

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐊𑐬𑐶𑐳𑑂𑐟𑑀𑐟𑐮

𑐃𑐥𑐹 𑑓𑑓𑑐 𑐥𑐵𑐏𑐾𑐫𑐵 𑐬𑑀𑐩𑐣 𑐥𑑂𑐬𑐟𑐶𑐩𑐵, 𑐠𑑂𑐰 𑐥𑑂𑐬𑐵𑐔𑐷𑐣 𑐐𑑂𑐬𑐷𑐎 𑐎𑐮𑐵𑐎𑐵𑐬 𑐮𑐶𑐳𑐶𑐥𑑂𑐥𑑀𑐳𑑄 𑐡𑐫𑐾𑐎𑐵𑐡𑐷𑐐𑐸 𑐊𑐬𑐶𑐳𑑂𑐟𑑀𑐟𑐮𑐫𑐵 𑐎𑑃𑐫𑑂𑐫𑐵 𑐥𑑂𑐬𑐟𑐶𑐩𑐵𑐫𑐵 𑐣𑐎𑐮 𑐏𑑅
बूगु	384 BC Stagira, Chalcidian League
मदूगु	322 BC (aged 61–62) Chalcis, Euboea, Macedonian Empire
कालखण्ड	Ancient Greek philosophy
क्षेत्र	Western philosophy
विचारधारा	Peripatetic school
अभिरुचि	Logic Natural philosophy Metaphysics Ethics Politics Rhetoric Poetics
नांजागु विचाः	𑐊𑐬𑐶𑐳𑑂𑐟𑑀𑐟𑐮𑐰𑐵𑐡 Theoretical philosophy Aristotelian logic, syllogism Four causes Genus and differentia Hylomorphism, substance, essence, accident Hypokeimenon Potentiality and actuality Theory of universals Unmoved mover Natural philosophy Aristotelian biology Aristotelian physics Common sense Eternity of the world Five wits Horror vacui Theory of elements, aether Rational animal Practical philosophy Aristotelian ethics Catharsis Deliberative, epideictic and forensic rhetoric Enthymeme and Paradeigma Family as a model for the state Golden mean Kyklos Magnanimity Mimesis Natural slavery Intellectual virtues: sophia, episteme, nous, phronesis, techne Three appeals: ethos, logos, pathos Views on women

𑐊𑐬𑐶𑐳𑑂𑐟𑑀𑐟𑐮 𑐰𑐵 𑐀𑐬𑐳𑑂𑐟𑐹 (𑐐𑑂𑐬𑐷𑐎 𑐨𑐵𑐳𑐫𑑂: Ἀριστοτέλης 𑐀𑐬𑐶𑐳𑑂𑐟𑑀𑐟𑐾𑐮𑑂𑐳; 𑑓𑑘𑑔-𑑓𑑒𑑒 𑐃𑐳𑐵 𑐥𑐹𑐬𑑂𑐰) 𑐕𑐩𑑂𑐴 𑐥𑑂𑐬𑐵𑐔𑐷𑐣 𑐫𑐹𑐣𑐵𑐣𑐷 𑐡𑐵𑐬𑑂𑐱𑐣𑐶𑐎 𑐰 𑐧𑐴𑐸𑐱𑑂𑐬𑐸𑐟 (𑐫𑐎𑑂𑐰 𑐏𑑂𑐫𑐮𑐫𑑂 𑐰𑐶𑐱𑐾𑐲 𑐖𑑂𑐘𑐵𑐣 𑐡𑐹𑐩𑑂𑐴 𑐩𑐣𑐹) 𑐏𑑅। 𑐰𑐫𑑂𑐎𑑅𑐫𑐵 𑐔𑑂𑐰𑐏𑑃𑐫𑑂 𑐥𑑂𑐬𑐵𑐎𑐺𑐟𑐶𑐎 𑐰𑐶𑐖𑑂𑐘𑐵𑐣, 𑐡𑐬𑑂𑐱𑐣, 𑐨𑐵𑐲𑐵 𑐰𑐶𑐖𑑂𑐘𑐵𑐣, 𑐀𑐬𑑂𑐠𑐱𑐵𑐳𑑂𑐟𑑂𑐬, 𑐬𑐵𑐖𑐣𑐷𑐟𑐶, 𑐩𑐣𑑀𑐰𑐶𑐖𑑂𑐘𑐵𑐣 𑐰 𑐎𑐮𑐵𑐫𑐵 𑐏𑑂𑐫𑐮𑐫𑑂 𑐳𑑂𑐰𑐵𑐥𑐹 𑐡𑐹𑐐𑐸 𑐠𑐷𑐠𑐷 𑐰𑐶𑐲𑐫𑐟𑐾𑐐𑐸 𑐕𑐐𑐹 𑐰𑐶𑐳𑑂𑐟𑐺𑐟 𑐰𑐶𑐰𑐬𑐞𑐫𑐵 𑐗𑑂𑐰𑑅 𑐡𑐸। 𑐊𑐠𑐾𑐣𑑂𑐳𑐫𑐵 𑐮𑐶𑐳𑐾𑐫𑐸𑐩𑐫𑑂 𑐡𑐬𑑂𑐱𑐣𑐱𑐵𑐳𑑂𑐟𑑂𑐬𑐫𑐵 𑐥𑐾𑐬𑐶𑐥𑐾𑐟𑐾𑐟𑐶𑐎 𑐀𑐎𑐵𑐡𑐩𑐷 (𑐧𑑂𑐰𑐣𑐾𑐎𑐸𑐠𑐶)𑐫𑐵 𑐥𑐮𑐶𑐳𑑂𑐠𑐵𑐩𑐶𑐫𑐵 𑐨𑐹𑐩𑐶𑐎𑐵𑐫𑑂 𑐰𑐫𑑂𑐎𑐮𑑄 𑐰𑑂𑐫𑐵𑐥𑐎 𑐊𑐬𑐶𑐳𑑂𑐟𑑀𑐟𑐮𑐰𑐵𑐡𑐫𑐵 𑐥𑐬𑐩𑑂𑐥𑐬𑐵 𑐣𑑂𑐴𑑂𑐫𑐠𑐣𑐵𑐡𑐶𑐮। 𑐠𑑂𑐰 𑐧𑑂𑐰𑐣𑐾𑐎𑐸𑐠𑐶𑑄 𑐁𑐢𑐸𑐣𑐶𑐎 𑐰𑐶𑐖𑑂𑐘𑐵𑐣𑐫𑐵 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐁𑐢𑐵𑐬 𑐡𑐫𑐾𑐎𑐷𑐐𑐸 𑐖𑑂𑐫𑐵 𑐫𑐵𑐟।

𑐊𑐬𑐶𑐳𑑂𑐟𑑀𑐟𑐮𑐫𑐵 𑐖𑐷𑐰𑐣𑐫𑐵 𑐧𑐵𑐬𑐾𑐫𑑂 𑐩𑑂𑐴𑑀 𑐖𑐎 𑐖𑐵𑐣𑐎𑐵𑐬𑐷 𑐡𑐸। 𑐰𑐫𑑂𑐎𑑅𑐫𑐵 𑐖𑐣𑑂𑐩 𑐐𑑂𑐬𑐷𑐎 𑐱𑐵𑐳𑑂𑐟𑑂𑐬𑐷𑐫 𑐎𑐵𑐮𑐫𑑂 𑐄𑐟𑑂𑐟𑐬𑐷 𑐐𑑂𑐬𑐷𑐳𑐫𑐵 𑐳𑑂𑐟𑑂𑐫𑐵𑐐𑐶𑐬𑐵 𑐣𑐐𑐬𑐫𑑂 𑐖𑐹𑐐𑐸 𑐏𑑅। 𑐰𑐫𑑂𑐎𑑅 𑐩𑐔𑐵𑐧𑐶𑐮𑐾 𑐴𑐾 𑐰𑐫𑑂𑐎𑑅𑐫𑐵 𑐀𑐧𑐸 𑐣𑐶𑐎𑑀𑐩𑐵𑐔𑐳 𑐩𑐡𑐫𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐥𑐵𑐮𑐣-𑐥𑑀𑐲𑐞 𑐕𑐩𑑂𑐴 𑐀𑐨𑐶𑐨𑐵𑐰𑐎𑑄 𑐫𑐵𑑅𑐐𑐸 𑐏𑑅। 𑐗𑐶𑐣𑑂𑐣𑑂𑐴𑐾 𑐡𑑃 𑐰𑐵 𑐗𑐶𑐣𑑂𑐔𑑂𑐫𑐵 𑐡𑑃 𑐡𑐸𑐧𑐶𑐮𑐾 𑐰𑐫𑑂𑐎𑑅 𑐊𑐠𑐾𑐣𑑂𑐳𑐫𑑂 𑐥𑑂𑐮𑐾𑐟𑑀𑐫𑐵 𑐀𑐎𑐵𑐡𑐩𑐷𑐫𑑂 𑐡𑐸𑐠𑑂𑐫𑐵𑐣𑐵𑐡𑐶𑐮 𑐰 𑑓𑑗 𑐡𑑃 𑐡𑐸𑐧𑐶𑐮𑐾 𑐟𑐎 𑐰𑐫𑑂𑐎𑑅 𑐀𑐣 𑐴𑐾 𑐔𑑂𑐰𑐣𑐵𑐡𑐶𑐮(𑑓𑑔𑑗 𑐃𑐳𑐵 𑐥𑐹𑐬𑑂𑐰 𑐥𑐵𑐏𑐾)। 𑐥𑑂𑐮𑐾𑐟𑑀 𑐩𑐡𑐫𑐾𑐢𑐸𑑄𑐎𑐵 𑐰𑐫𑑂𑐎𑐮𑑄 𑐊𑐠𑐾𑐣𑑂𑐳 𑐟𑑂𑐰𑐟𑐵𑑅 𑐩𑐾𑐳𑐾𑐡𑑀𑐣𑐫𑐵 𑐦𑐶𑐮𑐶𑐥 𑐡𑑂𑐰𑐶𑐟𑐷𑐫𑐫𑐵 𑐂𑐣𑐵𑐥𑐫𑑂 𑑓𑑔𑑓 𑐃𑐳𑐵 𑐥𑐹𑐬𑑂𑐰𑐫𑑂 𑐦𑐶𑐮𑐶𑐥𑐫𑐵 𑐎𑐵𑐫𑑂 𑐀𑐮𑐾𑐎𑑂𑐖𑐾𑐣𑑂𑐡𑐬𑐫𑐵 𑐡𑐷𑐎𑑂𑐲𑐵 𑐣𑑂𑐴𑑂𑐫𑐠𑐣𑐵𑐡𑐶𑐮। 𑐰𑐫𑑂𑐎𑐮𑑄 𑐮𑐶𑐳𑐾𑐫𑐸𑐩𑐫𑑂 𑐕𑐐𑐹 𑐳𑐦𑐹𑐢𑐸𑐎𑐹𑐫𑐵 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐠𑐣 𑐰𑐫𑑂𑐎𑐮𑑄 𑐥𑐥𑐵𑐂𑐬𑐳 𑐨𑑂𑐰𑑄𑐟𑑄 𑐡𑐫𑐾𑐎𑐵𑐟𑑅𑐐𑐸 𑐴𑐶𑐣𑐵𑐳𑐦𑐹(𑐳𑑂𑐎𑑂𑐬𑑀𑐮)𑐫𑑂 𑐠𑑅𑐐𑐸 𑐫𑐎𑑂𑐰 𑐳𑐦𑐹 𑐮𑐶𑐥𑐶𑐧𑐡𑑂𑐢 𑐫𑐵𑐣𑐵𑐡𑐶𑐮।

𑐰𑐫𑑂𑐎𑐮𑑄 𑐠𑑅𑐐𑐸 𑐰𑐶𑐔𑐵𑑅 𑐔𑑂𑐰𑐏𑐣𑐫𑑂 𑐥𑐶𑐠𑐣𑐾𑐟 𑐫𑐎𑑂𑐰 𑐧𑐵𑑄𑐮𑐵𑑅𑐐𑐸 𑐐𑑂𑐬𑐣𑑂𑐠 𑐰 𑐳𑑄𑐰𑐵𑐡 𑐔𑑂𑐰𑐫𑐵𑐡𑐷𑐳𑐵𑑃 𑐰𑐫𑑂𑐎𑑅𑐫𑐵 𑐳𑐎𑐮 𑐔𑑂𑐰𑐏𑑃𑐫𑐵 𑐕𑐐𑐹 𑐟𑐶𑐴𑐵𑐃 𑐖𑐎 𑐔𑑂𑐰𑐏𑑃 𑐰𑐬𑑂𑐟𑐩𑐵𑐣𑐫𑑂 𑐮𑑂𑐫𑑄𑐐𑐸 𑐡𑐸। 𑐠𑐠𑐾 𑐮𑑂𑐫𑐣𑐵𑐔𑑂𑐰𑑄𑐐𑐸 𑐔𑑂𑐰𑐏𑑃 𑐢𑑂𑐰𑐵𑐫𑐵 𑐥𑐶𑐠𑐣𑐾𑐟 𑐰𑐫𑑂𑐎𑐮𑑄 𑐎𑐸𑐟𑑅 𑐫𑐵𑐣𑐵𑐩𑐡𑐷। 𑐰𑐫𑑂𑐎𑐮𑑄 𑐠𑑅 𑐳𑑂𑐰𑐫𑐵 𑐣𑑂𑐴𑑂𑐫𑑅𑐫𑐵 𑐠𑐷𑐠𑐷 𑐡𑐬𑑂𑐱𑐣𑐟𑐾𑐐𑐸 𑐕𑐐𑐹 𑐖𑐚𑐶𑐮 𑐳𑑄𑐱𑑂𑐮𑐾𑐲𑐞 𑐥𑑂𑐬𑐡𑐵𑐣 𑐫𑐵𑐣𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐱𑐶𑐎𑑂𑐲𑐵 𑐰 𑐖𑐵𑑄𑐔𑐫𑐵 𑐥𑐡𑑂𑐢𑐟𑐶𑑄 𑐴𑐮𑐶𑑄𑐫𑑂 𑐩𑐴𑐟𑑂𑐰𑐥𑐹𑐬𑑂𑐞 𑐥𑑂𑐬𑐨𑐵𑐰 𑐟𑑂𑐰𑐟𑐹𑐐𑐸 𑐡𑐸। 𑐰𑐫𑑂𑐎𑑅𑐫𑐵 𑐖𑑂𑐫𑐵𑐫𑑂 𑐳𑐩𑐎𑐵𑐮𑐷𑐣 𑐡𑐵𑐬𑑂𑐱𑐣𑐶𑐎𑐟𑐾𑐳𑑄 𑐔𑐬𑑂𑐔𑐵 𑐫𑐵𑐫𑐾𑐐𑐸 𑐔𑐮𑐣 𑐡𑐸।

𑐊𑐬𑐶𑐳𑑂𑐟𑑀𑐟𑐮𑐫𑐵 𑐰𑐶𑐔𑐵𑐟𑐾𑐳𑑄 𑐩𑐢𑑂𑐫𑐫𑐸𑐐𑐷𑐣 𑐫𑐸𑐬𑑀𑐥𑐫𑐵 𑐰𑐶𑐡𑑂𑐰𑐟𑑂𑐟𑐵𑐫𑑂 𑐟𑑅𑐢𑑄𑐐𑐸 𑐕𑐵𑐥 𑐟𑑂𑐰𑐟𑐹𑐐𑐸 𑐡𑐸। 𑐰𑐫𑑂𑐎𑑅𑐫𑐵 𑐨𑑁𑐟𑐶𑐎 𑐰𑐶𑐖𑑂𑐘𑐵𑐣𑐫𑑂 𑐥𑑂𑐬𑐨𑐵𑐰 𑐫𑐸𑐬𑑀𑐥𑐫𑐵 𑐮𑐶𑐥𑐵𑑄𑐐𑐸 𑐥𑐸𑐬𑐵𑐟𑐣 𑐫𑐸𑐐, 𑐥𑑂𑐬𑐵𑐬𑐩𑑂𑐨𑐶𑐎 𑐩𑐢𑑂𑐫 𑐫𑐸𑐐 𑐣𑐶𑐳𑐾𑑄 𑐥𑐸𑐣𑐬𑑂𑐖𑐵𑐐𑐬𑐞 𑐟𑐎 𑐡𑐫𑐵𑐔𑑂𑐰𑐣। 𑐫𑐸𑐬𑑀𑐥𑐫𑐵 𑐖𑑂𑐘𑐵𑐣𑑀𑐡𑐫 𑐎𑐵𑐮 (Enlightenment) 𑐰 𑐱𑐵𑐳𑑂𑐟𑑂𑐬𑐷𑐫 𑐫𑐵𑐣𑑂𑐟𑑂𑐬𑐶𑐎𑐷𑐫𑐵 𑐳𑐶𑐡𑑂𑐢𑐵𑐣𑑂𑐟𑐫𑐵 𑐰𑐶𑐎𑐵𑐳 𑐣𑐵𑐥𑑄 𑐰𑐫𑑂𑐎𑑅𑐫𑐵 𑐳𑐶𑐡𑑂𑐢𑐵𑐣𑑂𑐟 𑐣𑑂𑐴𑐹𑐐𑐸 𑐳𑐶𑐡𑑂𑐢𑐵𑐣𑑂𑐟𑑄 𑐥𑑂𑐬𑐟𑐶𑐳𑑂𑐠𑐵𑐥𑐶𑐟 𑐖𑐸𑐮। 𑐰𑐫𑑂𑐎𑐮𑑄 𑐩𑐢𑑂𑐫 𑐫𑐸𑐐𑐫𑑂 𑐫𑐴𑐹𑐡𑐷-𑐂𑐳𑑂𑐮𑐵𑐩𑐷 𑐡𑐬𑑂𑐱𑐣 𑐣𑐵𑐥𑑄 𑐃𑐳𑐵𑐃 𑐢𑐬𑑂𑐩𑐱𑐵𑐳𑑂𑐟𑑂𑐬, 𑐰𑐶𑐱𑐾𑐲 𑐬𑐹𑐥𑑄 𑐥𑑂𑐬𑐵𑐬𑐩𑑂𑐨𑐶𑐎 𑐔𑐬𑑂𑐔𑐫𑐵 𑐣𑐶𑐫𑑀𑐥𑑂𑐮𑐾𑐟𑑀𑐣𑐶𑐖𑑂𑐩 𑐰 𑐎𑑂𑐫𑐵𑐠𑐮𑐶𑐎 𑐔𑐬𑑂𑐔𑐫𑐵 𑐱𑐿𑐎𑑂𑐲𑐶𑐎 𑐥𑐬𑐩𑑂𑐥𑐬𑐵𑐫𑐵𑐟 𑐥𑑂𑐬𑐨𑐵𑐰𑐶𑐟 𑐫𑐵𑐟।

𑐰𑐫𑑂𑐎𑑅𑐫𑐵𑐟 𑐩𑐢𑑂𑐫𑐫𑐸𑐐𑐷𑐣 𑐩𑐸𑐳𑑂𑐮𑐶𑐩 𑐰𑐶𑐡𑑂𑐰𑐵𑐣𑐟𑐾𑐐𑐸 𑐡𑐠𑐸𑐂 "𑐣𑑂𑐴𑐵𑐥𑐵𑑄𑐩𑑂𑐴 𑐐𑐸𑐬𑐸"𑐫𑐵 𑐬𑐹𑐥𑐫𑑂 𑐰 𑐠𑐩𑐳 𑐊𑐎𑑂𑐰𑐶𑐣𑐵𑐳 𑐠𑐾𑑄 𑐣𑑂𑐫𑐵𑐩𑑂𑐴 𑐩𑐢𑑂𑐫𑐫𑐸𑐐𑐷𑐣 𑐃𑐳𑐵𑐂𑐟𑐾𑐐𑐸 𑐡𑐠𑐸𑐂 "𑐡𑐵𑐬𑑂𑐱𑐣𑐶𑐎"𑐫𑐵 𑐬𑐹𑐥𑐫𑑂 𑐴𑐣𑐶𑐐𑐸 𑐫𑐵। 𑐰𑐫𑑂𑐎𑑅𑐫𑐵𑐟 𑐔𑐶𑐣𑐵𑐏𑑃𑐩𑐶 𑐡𑐵𑐣𑑂𑐟𑐾𑑄 "𑐳𑑅𑐳𑑂𑐫𑐸𑐥𑐶𑐣𑐶𑐐𑐸 𑐐𑐸𑐬𑐸" (the master of those who know) 𑐢𑐎𑐵𑑅 𑐳𑐩𑑂𑐧𑑀𑐢𑐣 𑐫𑐵𑑅𑐐𑐸 𑐡𑐸। 𑐰𑐫𑑂𑐎𑑅𑐫𑐵 𑐖𑑂𑐫𑐵𑐫𑑂 𑐴𑐮𑐶𑑄𑐫𑐵 𑐡𑐎𑐮𑐾 𑐣𑑂𑐴𑐵𑐥𑐵𑑄𑐐𑐸 𑐟𑐬𑑂𑐎(logic)𑐫𑐵 𑐍𑐥𑐔𑐵𑐬𑐶𑐎 𑐀𑐢𑑂𑐫𑐫𑐣 𑐡𑐸, 𑐰 𑐥𑐷𑐚𑐬 𑐊𑐧𑐾𑐮𑐵𑐬𑑂𑐜 𑐰 𑐖𑐷𑐣 𑐧𑐸𑐬𑐶𑐜𑐣 𑐠𑐾𑑄 𑐣𑑂𑐫𑐵𑑅𑐥𑐶𑑄 𑐩𑐢𑑂𑐫𑐫𑐸𑐐𑐷𑐣 𑐰𑐶𑐡𑑂𑐰𑐵𑐣𑐟𑐾𑐳𑑄 𑐰𑐫𑑂𑐎𑑅𑐫𑐵 𑐖𑑂𑐫𑐵𑐫𑐵 𑐀𑐢𑑂𑐫𑐫𑐣 𑐫𑐵𑐣𑐵𑐡𑐷𑐐𑐸 𑐡𑐸। 𑐟𑐬𑑂𑐎𑐫𑑂 𑐰𑐫𑑂𑐎𑑅𑐫𑐵 𑐥𑑂𑐬𑐨𑐵𑐰 𑑑𑑙𑐐𑐹 𑐱𑐟𑐵𑐧𑑂𑐡𑐷 𑐟𑐎 𑐡𑐫𑐵𑐔𑑂𑐰𑐣। 𑐠𑑂𑐰 𑐣𑐵𑐥𑑄 𑐰𑐫𑑂𑐎𑑅𑐫𑐵 𑐣𑐿𑐟𑐶𑐎𑐟𑐵𑐫𑐵 𑐏𑑂𑐫𑐮𑐫𑑂 𑐥𑑂𑐬𑐨𑐵𑐰 𑐳𑐡𑐵 𑐡𑐫𑐵𑐔𑑂𑐰𑐣 𑐰 𑐳𑐡𑐵𑐔𑐵𑐬 𑐣𑐿𑐟𑐶𑐎𑐟𑐵 (virtue ethics)𑐫𑐵 𑐁𑐢𑐸𑐣𑐶𑐎 𑐁𑐐𑐩𑐣 𑐣𑐵𑐥𑑄 𑐰𑐫𑑂𑐎𑑅𑐫𑐵 𑐖𑑂𑐫𑐵𑐫𑑂 𑐣𑑂𑐴𑐹𑐐𑐸 𑐬𑐸𑐔𑐶 𑐰𑐶𑐎𑐱𑐶𑐟 𑐖𑐹𑐐𑐸 𑐡𑐸।