छ्येलेमि:Eukesh/Auto/NepalScript/इन्दियानापोलिस
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
_(14803447463).jpg)
𑐂𑐣𑑂𑐡𑐶𑐫𑐵𑐣𑐵𑐥𑑀𑐮𑐶𑐳 𑐀𑐩𑐾𑐬𑐶𑐎𑐵𑐫𑐵 𑐂𑐣𑑂𑐜𑐶𑐫𑐵𑐣𑐵 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐏। 𑐳𑐵𑐢𑐵𑐬𑐣 𑐨𑐵𑐳𑐫𑑂 𑐠𑑂𑐰 𑐣𑐐𑐬𑐫𑐵𑐟 𑐂𑐣𑑂𑐡𑐶 𑐢𑐎𑐵 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐣𑐐𑐬 𑐂𑐣𑑂𑐡𑐶𑐫𑐵𑐣𑐵 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐰 𑐡𑐎𑐮𑐫𑑂 𑐔𑐎𑑄𑐐𑐸 𑐣𑐐𑐬 𑐏। 𑐠𑑂𑐰 𑐣𑐐𑐬 𑐩𑐾𑐬𑐶𑐫𑐣 𑐎𑐵𑐄𑐣𑑂𑐟𑐶𑐫𑐵 𑐩𑐹𑐎𑐸𑐠𑐶 𑐣𑑄 𑐏। 𑐳𑐫𑑂 𑑒𑑐𑑒𑑐𑐳 𑐩𑑄𑐎𑐵 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐟𑐠𑑂𑐫𑐵𑐒𑑂𑐎 𑐎𑐠𑑄 𑐠𑑂𑐰 𑐣𑐐𑐬 𑐰 𑐩𑐾𑐬𑐶𑐫𑐣 𑐎𑐵𑐄𑐣𑑂𑐟𑐶𑐫𑐵 𑐖𑐣𑐳𑑄𑐏𑑂𑐫𑐵 𑑙,𑑗𑑗,𑑒𑑐𑑓 𑐡𑐫𑐵𑐔𑑂𑐰𑐣। 𑐠𑑂𑐰 𑐣𑐐𑐬 𑐣𑐵𑐥𑑄 𑐩𑐾𑐬𑐶𑐫𑐣 𑐎𑐵𑐄𑐣𑑂𑐟𑐶 𑐡𑐸𑐣𑐾 𑐡𑐹𑐐𑐸 𑐀𑐬𑑂𑐢-𑐳𑑂𑐰𑐵𑐫𑐟𑑂𑐟 𑐣𑐐𑐬 𑐥𑐵𑐮𑐶𑐎𑐵𑐟𑐾𑐐𑐸 𑐖𑐣𑐳𑑄𑐏𑑂𑐫𑐵 𑑘,𑑘𑑗,𑑖𑑔𑑒 𑐡𑐫𑐵𑐔𑑂𑐰𑐣। 𑐠𑑂𑐰 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑑑𑑕𑐐𑐹 𑐡𑐎𑐮𑐫𑑂 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐣𑐐𑐬 𑐏। 𑐱𑐶𑐎𑐵𑐐𑑀 𑐰 𑐎𑑀𑐮𑐩𑑂𑐧𑐳 𑐌𑐴𑐵𑐫𑑀 𑐢𑐸𑑄𑐎𑐵 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑐩𑐶𑐜𑐰𑐾𑐳𑑂𑐚𑐫𑑂 𑐠𑑂𑐰 𑑓𑐐𑐹𑐐𑐸 𑐡𑐎𑐮𑐫𑑂 𑐁𑐥𑐵 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐣𑐐𑐬 𑐏। 𑐣𑐵𑐥𑑄, 𑐦𑐶𑐣𑐶𑐎𑑂𑐳, 𑐊𑐬𑐶𑐖𑑀𑐣𑐵; 𑐀𑐳𑑂𑐟𑐶𑐣, 𑐟𑐾𑐎𑑂𑐳𑐵𑐳; 𑐰 𑐎𑑀𑐮𑐩𑑂𑐧𑐳, 𑐀𑐴𑐵𑐫𑑀 𑐢𑐸𑑄𑐎𑐵 𑐠𑑂𑐰 𑐣𑐐𑐬 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑑔𑐐𑐹𑐐𑐸 𑐡𑐎𑐮𑐫𑑂 𑐁𑐥𑐵 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐏। 𑐂𑐣𑑂𑐡𑐶𑐫𑐵𑐣𑐵𑐥𑑀𑐮𑐶𑐳 𑐩𑐴𑐵𑐣𑐐𑐬𑐷𑐫 𑐎𑑂𑐲𑐾𑐟𑑂𑐬 𑑒𑑑,𑑑𑑑,𑑐𑑔𑑐 𑐩𑑂𑐴 𑐩𑐣𑐹 𑐣𑐵𑐥𑑄 𑐀𑐩𑐾𑐬𑐶𑐎𑐵𑐫𑐵 𑑓𑑓𑐐𑐹 𑐡𑐎𑐮𑐫𑑂 𑐁𑐥𑐵 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐩𑐴𑐵𑐣𑐐𑐬𑐷𑐫 𑐎𑑂𑐲𑐾𑐟𑑂𑐬 𑐏। 𑐠𑑂𑐰 𑐣𑐐𑐬 𑑓𑑖𑑘 𑐰𑐬𑑂𑐐 𑐩𑐵𑐂𑐮 (𑑙𑑕𑑐 𑐰𑐬𑑂𑐐 𑐎𑐶𑐩𑐷) 𑐎𑑂𑐲𑐾𑐟𑑂𑐬𑐫𑑂 𑐡𑐫𑐵𑐔𑑂𑐰𑑄𑐐𑐸 𑐡𑐸। 𑐎𑑂𑐲𑐾𑐟𑑂𑐬𑐦𑐮 𑐎𑐠𑑄 𑐠𑑂𑐰 𑐣𑐐𑐬 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑑑𑑘𑐐𑐹 𑐡𑐎𑐮𑐫𑑂 𑐟𑑅𑐢𑑄 𑐣𑐐𑐬 𑐏।
𑐠𑑂𑐰 𑐣𑐐𑐬 𑐡𑐹𑐐𑐸 𑐠𑐵𑐳𑐫𑑂 𑐁𑐡𑐶𑐰𑐵𑐳𑐷 𑐀𑐩𑐾𑐬𑐶𑐎𑐣𑐟𑐾𑐐𑐸 𑐧𑐳𑑀𑐧𑐵𑐳 𑑑𑑐,𑑐𑑐𑑐 𑐃𑐳𑐵 𑐥𑐹𑐬𑑂𑐰 𑐣𑐶𑐳𑐾𑑄 𑐖𑐹𑐐𑐸 𑐡𑐳𑐸 𑐡𑐸। 𑐳𑐣𑑂 𑑑𑑘𑑑𑑘𑐳 𑐁𑐡𑐶𑐰𑐵𑐳𑐷 𑐖𑐵𑐟𑐶 𑐮𑐾𑐣𑐥𑐟𑐾𑐳𑑄 𑐠𑑅𑐐𑐸 𑐠𑐵𑐫𑑂 𑐳𑐾𑐣𑑂𑐟 𑐩𑐾𑐬𑐷𑐫𑐵 𑐳𑐣𑑂𑐢𑐶𑐫𑐵 𑐀𑐣𑑂𑐟𑐬𑑂𑐐𑐟 𑐟𑑂𑐰𑐟𑐮। 𑐳𑐫𑑂 𑑑𑑘𑑒𑑑𑐳 𑐂𑐣𑑂𑐡𑐶𑐫𑐵𑐣𑐵𑐥𑑀𑐮𑐶𑐳𑐫𑐵 𑐥𑐮𑐶𑐳𑑂𑐠𑐵 𑐂𑐣𑑂𑐡𑐶𑐫𑐵𑐣𑐵 𑐬𑐵𑐖𑑂𑐫 𑐳𑐬𑐎𑐵𑐬𑐫𑐵 𑐣𑑂𑐴𑐹𑐐𑐸 𑐩𑐹𑐎𑐸𑐠𑐶𑐫𑐵 𑐎𑐠𑑄 𑐖𑐸𑐮। 𑐰𑑂𑐴𑐵𑐂𑐚 𑐏𑐸𑐳𑐶𑐫𑐵 𑐳𑐶𑐠𑐫𑑂 𑑑 𑐰𑐬𑑂𑐐 𑐩𑐵𑐂𑐮 (𑑒.𑑖 𑐰𑐬𑑂𑐐 𑐎𑐶𑐩𑐷)𑐫𑐵 𑐐𑑂𑐬𑐶𑐜𑐳 𑐨𑐵𑐖𑐸 𑐀𑐮𑐾𑐎𑑂𑐖𑐾𑐣𑑂𑐡𑐬 𑐬𑐵𑐮𑑂𑐳𑑂𑐟𑐣 𑐰 𑐨𑐵𑐖𑐸 𑐊𑐮𑐶𑐫𑐵𑐳 𑐥𑐵𑐂𑐩 𑐦𑑀𑐬𑑂𑐜𑐴𑑂𑐫𑐵𑐩𑐖𑐸𑑄 𑐣𑐐𑐬𑐫𑐵 𑐣𑐎𑑂𑐳𑐵 𑐡𑐫𑐾𑐎𑐵𑐡𑐷𑐮। 𑐬𑐵𑐲𑑂𑐚𑑂𑐬𑐷𑐫 𑐰 𑐩𑐶𑐱𑐶𑐐𑐣 𑐬𑐵𑐖𑑂𑐫𑐫𑐵 𑐬𑐵𑐖𑐩𑐵𑐬𑑂𑐐 𑐰 𑐬𑐾𑐮 𑐮𑑄 𑐣𑑂𑐴𑑂𑐫𑐠𑐣𑐾 𑐢𑐸𑑄𑐎𑐵 𑐠𑑂𑐰 𑐣𑐐𑐬 𑐡𑐫𑐾𑐎𑐾𑐖𑑂𑐫𑐵 (𑐣𑐶𑐬𑑂𑐩𑐵𑐞) 𑐰 𑐮𑑂𑐴𑑂𑐫𑐾𑐖𑑂𑐫𑐵 (𑐥𑐬𑐶𑐰𑐴𑐣)𑐫𑐵 𑐎𑐾𑐣𑑂𑐡𑑂𑐬𑐫𑐵 𑐎𑐠𑑄 𑐔𑐎𑐣𑐵 𑐰𑐣। 𑐮𑑂𑐴𑑂𑐫𑐾𑐖𑑂𑐫𑐵𑐫𑐵 𑐎𑐸𑐠𑐶𑐫𑐵 𑐎𑐠𑑄 𑐠𑑂𑐰 𑐣𑐐𑐬𑐫𑐵𑐟 𑐣𑐶𑐟𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵: "𑐀𑐩𑐾𑐬𑐶𑐎𑐵𑐫𑐵 𑐎𑑂𑐬𑐳𑐬𑑀𑐡" 𑐰 "𑐬𑐾𑐮𑐮𑑄 𑐣𑐐𑐬"। 𑐳𑐣𑑂 𑑑𑑙𑑗𑑐𑐳 𑐣𑐐𑐬-𑐎𑐵𑐄𑐣𑑂𑐟𑐶 𑐊𑐎𑐶𑐎𑐬𑐞(𑐐𑐸𑐎𑐶𑐫𑐵𑐟 𑐫𑐹𑐣𑐶𑐐𑑀𑐨 𑐢𑐎𑐵 𑐣𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵) 𑐢𑐸𑑄𑐎𑐵 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬 𑐥𑑂𑐬𑐱𑐵𑐳𑐣𑐫𑐵 𑐨𑐵𑐮𑐵 𑐣𑐐𑐬𑐥𑑂𑐬𑐩𑐸𑐏𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑐡𑐹𑐐𑐸 𑑒𑑕𑐩𑑂𑐴-𑐳𑐡𑐳𑑂𑐫𑐷𑐫 𑐣𑐐𑐬-𑐎𑐵𑐄𑐣𑑂𑐟𑐶 𑐥𑐬𑐶𑐲𑐡𑑄 𑐫𑐵𑐂।