छ्येलेमि:Eukesh/Auto/NepalScript/अफ्रिकन युनियन

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

African leaders who founded the OAU

Muammar Gaddafi

Billboard in Niamey (Niger) announcing the 33rd AU Summit (2019)

𑐀𑐦𑑂𑐬𑐶𑐎𑐣 𑐫𑐸𑐣𑐶𑐫𑐣 (𑐀𑑄𑐐𑑂𑐬𑐾𑐖𑐷𑐂 AU, 𑐩𑐾𑐩𑐾𑐐𑐸 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵𑐫𑑂 UA) 𑐕𑐐𑐹 𑐀𑐣𑑂𑐟𑐬𑐳𑐬𑐎𑐵𑐬𑐷 𑐳𑑄𑐳𑑂𑐠𑐵 𑐏। 𑐠𑑂𑐰 𑐳𑑄𑐳𑑂𑐠𑐵𑐫𑑂 𑐀𑐦𑑂𑐬𑐶𑐎𑐵𑐫𑐵 𑑕𑑒𑐐𑐸 𑐳𑐵𑐬𑑂𑐰𑐨𑑁𑐩 𑐬𑐵𑐲𑑂𑐚𑑂𑐬 𑐳𑐡𑐳𑑂𑐫 𑐡𑐸। 𑐖𑐸𑐮𑐵𑐃 𑑙, 𑐳𑐣𑑂 𑑒𑑐𑑐𑑒 𑐏𑐸𑐣𑐸 𑐣𑑂𑐴𑑂𑐫𑐠𑑄𑐐𑐸 𑐠𑑂𑐰 𑐳𑑄𑐳𑑂𑐠𑐵 𑐀𑐬𑑂𑐐𑐾𑐣𑐵𑐂𑐖𑐾𑐳𑐣 𑐀𑐦 𑐀𑐦𑑂𑐬𑐶𑐎𑐣 𑐫𑐸𑐣𑐶𑐚𑐷𑐫𑐵 𑐄𑐟𑑂𑐟𑐬𑐵𑐢𑐶𑐎𑐵𑐬𑐷 𑐏। 𑐠𑑂𑐰 𑐳𑑄𑐑𑐫𑐵 𑐡𑐎𑑂𑐮𑐾 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐣𑐶𑐬𑑂𑐞𑐫 𑐀𑐳𑐾𑐩𑑂𑐧𑑂𑐮𑐷𑑄 𑐎𑐵𑐫𑐾𑐐𑐸 𑐫𑐵। 𑐀𑐳𑐾𑐩𑑂𑐧𑑂𑐮𑐷𑐫𑐵 𑐧𑐿𑐛𑐎 𑐏𑐸𑐮𑐵𑐫𑑂 𑐕𑐎𑑅 𑐡𑐾𑐫𑑂‌𑐟𑐾𑐐𑐸 𑐬𑐵𑐲𑑂𑐚𑑂𑐬𑐵𑐢𑑂𑐫𑐎𑑂𑐲 𑐰 𑐳𑐬𑐎𑐵𑐬𑐫𑐵 𑐣𑐵𑐫𑑅𑐟𑐾𑐐𑐸 𑐡𑐠𑐸𑐂 𑐖𑐸𑐂। 𑐳𑑄𑐑𑐫𑐵 𑐳𑐾𑐎𑑂𑐬𑐾𑐚𑐾𑐬𑐶𑐫𑐚 𑐀𑐦𑑂𑐬𑐶𑐎𑐣 𑐫𑐸𑐣𑐶𑐫𑐣 𑐎𑐩𑐶𑐳𑐣𑐫𑐵 𑐖𑑂𑐫𑐵𑐎𑐸𑐠𑐶 𑐀𑐡𑐶𑐳 𑐀𑐧𑐵𑐧𑐵, 𑐂𑐠𑐶𑐫𑑀𑐥𑐶𑐫𑐵𑐫𑑂 𑐡𑐸। 𑐦𑐾𑐧𑑂𑐬𑐸𑐰𑐬𑐷 𑑒𑑐𑑐𑑙𑐫𑐵 𑐫𑐸𑐣𑐶𑐫𑐣𑐫𑐵 𑐧𑐿𑐛𑐎 𑐮𑐶𑐧𑑂𑐫𑐵𑐫𑐵 𑐣𑐾𑐟𑐵 𑐐𑐡𑐵𑐦𑐷𑐫𑐵 𑐣𑐾𑐟𑐺𑐟𑑂𑐟𑑂𑐰𑐫𑑂 𑐖𑐸𑐮। 𑐠𑑂𑐰 𑐳𑐩𑑂𑐩𑐾𑐮𑐣𑐫𑑂 𑐀𑐦𑑂𑐬𑐶𑐎𑐣 𑐫𑐸𑐣𑐶𑐫𑐣 𑐎𑐩𑐶𑐳𑐣𑐫𑐵𑐟 𑐀𑐦𑑂𑐬𑐶𑐎𑐣 𑐫𑐸𑐣𑐶𑐫𑐣 𑐀𑐠𑑀𑐬𑐶𑐚𑐷 𑐡𑐫𑐾𑐎𑐶𑐐𑐸 𑐣𑐶𑐬𑑂𑐞𑐫 𑐖𑐸𑐮।

𑐥𑐺𑐲𑑂𑐛𑐨𑐹𑐩𑐶

𑐊𑐫𑐸𑐫𑐵 𑐠𑐷-𑐠𑐷 𑐳𑑄𑐳𑑂𑐠𑐵𑐟𑐾𑐐𑐸 𑐮𑐎𑑂𑐲𑑂𑐫 𑐀𑐦𑑂𑐬𑐶𑐎𑐵𑐫𑐵 𑐬𑐵𑐖𑐣𑐿𑐟𑐶𑐎, 𑐳𑐵𑐩𑐵𑐖𑐶𑐎 𑐰 𑐁𑐬𑑂𑐠𑐶𑐎 𑐊𑐎𑐟𑐵 𑐟𑐷𑐰𑑂𑐬 𑐫𑐵𑐫𑐾𑐐𑐸, 𑐀𑐦𑑂𑐬𑐶𑐎𑐵𑐫𑐵𑐟 𑐰 𑐀𑐦𑑂𑐬𑐶𑐎𑐵𑐫𑐵 𑐩𑐣𑐸𑐟𑐾𑐟 𑐀𑐳𑐬 𑐫𑐵𑐂𑐐𑐸 𑐩𑐸𑐡𑑂𑐡𑐵𑐫𑑂 𑐀𑐦𑑂𑐬𑐶𑐎𑐵𑐮𑐷 𑐩𑑄𑐎𑐵 𑐀𑐜𑐵𑐣𑐫𑐵 𑐥𑑂𑐬𑐰𑐬𑑂𑐢𑐣 𑐰 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸, 𑐀𑐦𑑂𑐬𑐶𑐎𑐵𑐫𑑂 𑐱𑐵𑐣𑑂𑐟𑐶 𑐰 𑐳𑐸‍𑐬𑐎𑑂𑐲𑐵 𑐡𑐫𑐾𑐎𑐶𑐐𑐸 𑐰 𑐮𑑀𑐎𑐟𑐵𑐣𑑂𑐟𑑂𑐬𑐶𑐎 𑐳𑑄𑐳𑑂𑐠𑐵, 𑐧𑐵𑑄𑐮𑐵𑐐𑐸 𑐥𑑂𑐬𑐱𑐵𑐳𑐣 𑐰 𑐩𑐵𑐣𑐰 𑐀𑐢𑐶𑐎𑐵𑐬𑐫𑐵𑐟 𑐥𑑂𑐬𑐰𑐬𑑂𑐢𑐣 𑐫𑐵𑐫𑐾𑐐𑐸 𑐏।

𑐊𑐫𑐸𑐂 𑐬𑐵𑐖𑐣𑐿𑐟𑐶𑐎 𑐰 𑐥𑑂𑐬𑐱𑐵𑐳𑐣𑐶𑐎 𑐣𑐶𑐐𑐸 𑐴𑐾 𑐎𑑂𑐲𑐾𑐟𑑂𑐬𑐫𑐵 𑐳𑑄𑐮𑐐𑑂𑐣𑐟𑐵 𑐡𑐸। 𑐠𑑂𑐰 𑐳𑑄𑐑𑐫𑐵 𑐄𑐔𑑂𑐔𑐟𑐩𑑂 𑐣𑐶𑐬𑑂𑐞𑐫𑐎𑐬𑑂𑐟𑐵 𑐀𑐳𑐾𑐩𑑂𑐧𑑂𑐮𑐷 𑐀𑐦 𑐀𑐦𑑂𑐬𑐶𑐎𑐣 𑐫𑐸𑐣𑐶𑐫𑐣 𑐏। 𑐠𑑂𑐰 𑐀𑐳𑐾𑐩𑑂𑐧𑑂𑐮𑐷𑐫𑐵 𑐳𑐡𑐳𑑂𑐫 𑐀𑐦𑑂𑐬𑐶𑐎𑐵𑐫𑐵 𑐳𑐎𑐮 𑐡𑐾𑐫𑑂‌𑐫𑐵 𑐬𑐵𑐲𑑂𑐚𑑂𑐬𑐵𑐢𑑂𑐫𑐎𑑂𑐲 𑐰𑐵 𑐳𑐬𑐎𑐵𑐬𑐷 𑐥𑑂𑐬𑐩𑐸𑐏𑐟 𑐖𑐸𑐂। 𑐁𑐫𑐵 𑐃𑐮𑐾 𑐠𑑂𑐰 𑐀𑐳𑐾𑐩𑑂𑐧𑑂𑐮𑐷 𑐮𑐶𑐧𑑂𑐫𑐵𑐫𑐵 𑐣𑐾𑐟𑐵 𑐩𑐸𑐀𑐩𑑂𑐩𑐬 𑐀𑐮 𑐐𑐡𑐵𑐦𑐷𑐫𑐵 𑐣𑐾𑐟𑐺𑐟𑑂𑐟𑑂𑐰𑐫𑑂 𑐳𑐣𑐵𑐔𑑂𑐰𑑄𑐐𑐸 𑐡𑐸। 𑐰𑐫𑑂‌𑐎𑑅𑐫𑐵𑐟 𑐀𑐳𑐾𑐩𑑂𑐧𑑂𑐮𑐷𑐫𑐵 𑑑𑑐𑐐𑐸 𑐳𑐵𑐢𑐵𑐬𑐞 𑐳𑐨𑐵𑑄 𑐖𑑂𑐫𑐵𑐣𑐸𑐰𑐬𑐷 𑑒𑑐𑑐𑑙𑐂 𑐣𑐶𑐬𑑂𑐰𑐵𑐔𑐶𑐟 𑐫𑐵𑑅𑐐𑐸 𑐏। 𑐊𑐫𑐸𑐂 𑐥𑑂𑐬𑐟𑐶𑐣𑐶𑐢𑐶 𑐣𑐶𑐎𑐵𑐫 𑐰𑐵 𑐥𑑂𑐫𑐵𑐣 𑐀𑐦𑑂𑐬𑐶𑐎𑐣 𑐥𑐵𑐬𑑂𑐮𑐶𑐫𑐵𑐩𑐾𑐣𑑂𑐚 𑐣𑑄 𑐡𑐸 𑐐𑐸𑐎𑐶𑐮𑐶 𑑒𑑖𑑕 𑐳𑐡𑐳𑑂𑐫 𑐡𑐸। 𑐠𑑂𑐰 𑐳𑐡𑐳𑑂𑐫𑐟 𑐀𑐦𑑂𑐬𑐶𑐎𑐵𑐫𑐵 𑐠𑐷 𑐠𑐷 𑐡𑐾𑐫𑑂‌𑐫𑐵 𑐬𑐵𑐲𑑂𑐚𑑂𑐬𑐶𑐫 𑐳𑑄𑐳𑐡𑑄 𑐟𑑂𑐫𑐵𑐣𑐵 𑐠𑑂𑐰 𑐳𑑄𑐳𑐡𑐫𑑂 𑐠𑑂𑐫𑐣𑐶। 𑐥𑑂𑐫𑐵𑐣 𑐀𑐦𑑂𑐬𑐶𑐎𑐣 𑐥𑐵𑐬𑑂𑐮𑐶𑐫𑐵𑐩𑐾𑐣𑑂𑐚𑐫𑐵 𑐁𑑅𑐫𑐵 𑐀𑐢𑑂𑐫𑐎𑑂𑐲 𑐂𑐡𑑂𑐬𑐶𑐳 𑐣𑑂𑐡𑐾𑐮𑐾 𑐩𑐹𑐳𑐵 𑐏।

𑐨𑐵𑐫𑑂

𑐀𑐦𑑂𑐬𑐶𑐎𑐷 𑐳𑑄𑐑𑐫𑐵 𑐳𑑄𑐰𑐿𑐢𑐵𑐣𑐶𑐎 𑐋𑐣 𑐀𑐣𑐸𑐳𑐵𑐬𑑄, 𑐠𑐣𑐫𑐵 𑐎𑐵𑐩𑐎𑐖𑐫𑐸 𑐨𑐵𑐲𑐵𑐟 𑐀𑐬𑐧𑐷, 𑐀𑐒𑑂𑐐𑑂𑐬𑐾𑐖𑐷, 𑐦𑑂𑐬𑐾𑐣𑑂𑐔 𑐰 𑐥𑑀𑐬𑑂𑐔𑐸𑐐𑐶𑐖 𑐏𑑅, 𑐣𑐵𑐥𑑄 𑐀𑐦𑑂𑐬𑐶𑐎𑐷 𑐨𑐵𑐲𑐵𑐟 "𑐫𑐡𑐶 𑐳𑐩𑑂𑐨𑐰 𑐖𑐸𑐳𑐵"।