च्या

च्या मां

१९गु शताब्दीया शेनङ्ग

च्याज्वलं नापं च्या

च्या छगू प्रकारया त्वँसा ख।

ऊलोङ च्या

हलिमय् दकलय् अप्वः त्वनीगु निगूगु थासय् दूगु त्वंसा च्या ख गुकियात क्यामेलिया सिनेन्सिस या झाःया गंगु हःयात क्वा-लखय् तयाः दयेकि। च्या त्वनेगु यक्व पहः दु : च्याय् कागति/लेभु वा दुरु व चिनी हलिमय् दकलय् च्याय् तइगु या। भूटान, नेपाः, व सँदेय्या थीथी थासय् चि व घ्यः तया त्वनिगु चलन नं दु; ताइवानय् बबल च्या ; इन्डोनेसिया, मलेसिया व सिंगापुरय् पालु; उत्तरी अफ्रिका व सेनेगलय् नवःघाँय् ; मध्य एसियाय् यला; मध्य युरोपय् जगेर्टी दयेकेगु निंतिं रम; व हङकङय् युआनयाङ दयेकेगु निंतिं कफी च्याय् ल्वाकछ्यायेगु चलन दु। च्या नं देय् कथं थीथी पहलं त्वनेगु याइ: चीनय्, जापानय् व दक्षिण कोरियाय् चिचिधंगु कपय् च्या त्वनेगु याइ; थाइल्याण्ड व संयुक्त राज्य अमेरिकाय् च्या प्रायः ख्वाउँक (" आइसड च्या "या रुपय्) वा यक्व चाकुकः त्वनि; भारत व नेपालय् दुरु व छुसायात ल्वाकछ्याना मसला चायया रुपय् च्या त्वनि; इरान, काश्मिर, रुस व टर्कीइ समोवरं च्या दयेकिगु या; व अष्ट्रेलियाया आउटब्याकय् थ्व परम्परागत रुपं बिलिक्यानय् दयेकिगु या। च्याया हःयात थीथी कथं प्रशोधन यानाः थीथी कथंया त्वँसा व सवाः दयेके फइ। चिनियाँ म्हासुगु व वाउँगु च्यायात लः-हाःय् तयाः, छुयाः गंकातइ; ऊलोङ च्या बच्छि-अक्सिडाइज जुइ व वाउँ-हाकु खनेदइ व हाकुगु च्या पूवंकः अक्सिडाइज जुइ ।

स्वयादिसँ

• त्वँसा
• कफि