इलेक्ट्रिक चार्ज
इलेक्ट्रिक चार्च वस्तुया भौतिक गुण ख गुकिया लिच्वःया कथं व वस्तु मेगु चार्ज दूगु वस्तु नापं दइबिलय् फोर्स अनुभव याइ। इलेक्त्रिक चार्ज निगु प्रकारया दइ- पोजितिभ व नेगेतिभ। पोजितिभ चार्ज दूगु वस्तु पोजितिभ चार्ज दूगु वस्तु स्वया विकर्षित जुइ धाःसा नेगेतिभ चार्ज दूगु वस्तुनाप आकर्षित जुइ। अथे हे, नेगेतिभ चार्ज दूगु वस्तु मेगु नेगेतिभ चार्ज दूगु वस्तुं विकर्षित जुइ धाःसा पोजितिभ चार्ज दूगु वस्तु नाप आकर्षित जुइ। छुं नं वस्तुइ इलेक्त्रोन अप्व दःसा नेगेतिभ चार्ज जुइ धाःसा अथे मजुसा पोजितिभ चार्ज वा चार्ज बिहिन जुइ। इलेक्त्रिक चार्जया एस आइ युनित कोलम्ब (C) ख, तर इलेक्त्रिकल इन्जिनियरिङ्गय् धाःसा एम्पियर-आवर (Ah), व रसायनय् इलेमेन्तरी चार्ज (e)यात नं युनितया रुपय् कायेगु या। Q चिंयात चार्जया प्रतीकात्मक चिंया रुपय् छ्यलिगु या। चार्ज दूगु वस्तुया प्रतिक्रिया सीकिगु विद्यायात इलेक्त्रोदाइनामिक्स धाइ, थ्व विद्या क्वान्तम प्रभाव म्हो जूगु ख्यलय् ज्या ब्यु।