चथाः

चथाः बाय् गणेश चतुर्थी ञलाथ्व चौथि खुन्हु नेपाः व हलिंया नेवाःतेसँ हनिगु छगू चखः ख। चथाः नेवाः तजिलजिया छगू चख ख। थ्व चखःयात गणेद्यःया बुंदिंया कथं हनिगु याइ। थ्व चख बिले तिमिलायात तुसि, पासि, म्वाय्, आमाःसि, स्याउ, धालेय्‌ आदि छानाः पुज्याइगु याइ। थ्व चखः बिलय् कःनि, मुस्या, खत्याः, बरां, कय्गु, चना, छ्व, बकुला:, सिम्पु व माय्‌आदि सिया: द्यःयात छाइगु या आदि थीथी बुबः/हलिमलि नं सिया: द्यःयात छायेगु याइ। थुबलय्‌ विशेष याना: बःसिया पु तछ्याना: उकिइ दुने च्वंगु खायुगु सि बसपतिपु नं द्यःयात छायेगु चलन दु।

गणेद्यः नापं आगँद्यः, दिगुद्यः व चथाःद्यः(तिमिला) पुज्याइगु थ्व चखःयात मोहनि नखः वयेत्यंगु सूचक चखःया कथं नं म्हसीकिगु या।

हनाः

थ्व चखःया बहनी नेवाःतेसं थःथःगु छेँय् तिमिला द्यःयात हलिमलि छानाः द्यः पुज्यायेगु याइ। नापं, गणेद्यःयात नं पुज्याइगु या। थ्व दिं खुनु नेपालमन्दःया थीथी गणेद्यःया देगलय् यक्व मनूत पुज्यावनिगु चलन दु।

द्यः पुज्याइगु निंतिं चथाःस्वां, मोहनीस्वां, व लक्ष्मीस्वां नापं बहनिया ईलय् पुज्याइगु जुइ। पलेस्वां, चथाःस्वां, पालुमाः, तुमा, पासि, लैं, तुसि, समय्बजि, हलिमलि नापं द्यः पुज्याइगु या। पलेस्वांया हः छ्यला दयेकातःगु पलेलप्तेय् ९गु हलिमलि फसिपु, बःसिपु, फ्वंसिपु, कःनि, मुस्या, छुस्या , बकुलाः, केगु, ह्याउँ सिम्पु छ्यलीगु या।

नसा

चथाः बिले थीथी सिसाबुसा दसु तुसि, पासि, म्वाय्, आमा:सि, स्याउ, धालेय्‌, व थीथी बूबः व हलिमलि कःनि, मुस्या, खत्याः, बरां, कय्गु, चना, छ्व, बकुला:, सिम्पु व माय्‌आदि छ्यला पुज्यायेगु व नयेगु जुइ।

स्वयादिसँ

• चखः