क्वान्तम एन्त्याङ्गलमेन्त
क्वान्तम एन्त्याङ्गलमेन्त धाःगु छगू अवस्था ख गन, थीथी कण तःहाकलं अलग जुइबलय् नं, थीथी कणतेगु क्वान्टम अवस्थायात मेमेगु कणया अवस्था स्वया स्वतन्त्र रुपं वर्णन यायेफइमखु। क्वान्तम एन्त्याङ्गलमेन्तया विषय शास्त्रीय भौतिक विज्ञान व क्वान्टम भौतिक विज्ञान दथुइ असमानताया दथुइ ला : एन्त्याङ्गलमेन्त क्लासिकल मेक्यानिक्सय् मदुगु क्वान्तम मेक्यानिक्सया छगू प्राथमिक विशेषता ख। [१] :867
भौतिक गुणया दायेज्या गथेकि स्थिति, गति, स्पिन, व ध्रुवीकरणयात एन्त्याङ्गल जूगु कणय् स्वयेबिले, छुं अवस्थाय्, पूर्ण कोरिलेतेद खनेदइ। दसुया निंतिं, यदि छज्वः एन्त्याङ्गल जूगु कणत थुकथं उत्पन्न जुल कि इमिगु कुल स्पिन शून्य जुइगु खं म्हसीकेफु, व छगू कणया न्हापांगु अक्षय् घडीया दिशाय् स्पिन दूगु खनेदत धाःसा व हे अक्षय् दानास्वःगु मेगु कणया स्पिन घडीया दिशा विपरीत खनेदत। अथे जुसां थ्व व्यवहारं विरोधाभासी खनेदुगु प्रभावया जन्म बी: छुं नं कणया गुणया छुं नं मापनया लिच्वः कथं उगु कणया स्पष्ट व अपरिवर्तनीय तरङ्ग फंक्सनया पतन जुइ व मूल क्वान्टम अवस्थाय् हिउपाः वइ। एन्त्याङ्गल जूगु कणया नापं, थुजाःगु मापनं एन्त्याङ्गल जूगु प्रणालियात समग्र रुपं प्रभावित याइ ।
थन्यागु घटना सन् १९३५या अल्बर्ट आइन्स्टाइन, बोरिस पोडोल्स्की व नाथन रोजेनया छगू शोधपत्रया विषय जूगु ख, [२] व वयां छुं ई लिपा अर्विन श्रोडिङ्गरं थ्व ख्यलय् यक्व शोधपत्र च्वयादील, [३] [४] गुकियात ईपीआर विरोधाभासया रुपय् म्हसीकेगु ज्या जुल। आइन्स्टाइन व मेमेपिन्सं थन्यागु व्यवहारयात असम्भव तायेकल। इमिसं थुकिलि कारणताया स्थानीय यथार्थवादया दृष्टिकोणया उल्लंघन जूगु विचाः तयादील (आइन्स्टाइनं थुकियात " दूरीइ ग्यानापुगु ज्या (spooky action at a distance) " धकाः उल्लेख यानादिल) [५] व क्वान्तम मेक्यानिक्सया स्वीकृत सूत्रीकरण उकिं अपूर्ण जुइमाः धकाः तर्क बिल।
लिपा धाःसा क्वान्टम मेक्यानिक्सया काउन्तर-इन्त्युइतिभ भविष्यवाणीयात परीक्षणय् प्रमाणित जुल गन ब्यागलं ब्यागलं थासय् एन्त्याङ्गलमेन्त जूगु कणया ध्रुवीकरण वा स्पिन मापन याःगु ख, गुकिलिं तथ्यांकीय रुपं बेलया असमानतायात उल्लंघन याःगु ख। [६] [७] [८] [९] थुकिलिं क्वान्टम एन्त्याङ्गलमेन्त उत्पन्न जुइगु सहसंबंधयात स्थानीय सुलाच्वंगु चर अर्थात व्यक्तिगत कणया दुने हे दूगु गुणया रुपय् व्याख्या यायेमफइगु स्थापित यात। अथे जुसां, एन्त्याङ्गलमेन्तं व्यापक रुपं अलग अलग थासय् जुइगु घटना दथुइ तथ्यांकीय कोरिलेसन दयेकेफुगु तथ्य दःसां, थ्व जः स्वया याकनं संचारया निंतिं छ्यलेफइमखु । [१०] [११] [१२] :453
क्वान्टम एन्टेन्ग्लेमेन्ट प्रभावयात फोतोन, [१३] इलेक्ट्रोन, [१४] [१५] तप क्वार्क, [१६] मोलेक्युल [१७] व चिधंगु हिरा नापं प्रयोगात्मक रुपं प्रमाणिकता ब्वयेधुंकूगु दु। [१८] संचार व कम्प्युतेसनय् क्वान्टम एन्त्याङ्गलमेन्तया छ्येलेज्या अनुसन्धान व विकासया छगू सक्रिय क्षेत्र ख।
स्वयादिसँ
[सम्पादन]लिधंसा
[सम्पादन]- ↑ (2009) "Quantum entanglement". Reviews of Modern Physics 81 (2): 865–942. DOI:10.1103/RevModPhys.81.865.
- ↑ Einstein, Albert (1935). "Can Quantum-Mechanical Description of Physical Reality Be Considered Complete?".
- ↑ Schrödinger, Erwin (1935). "Discussion of probability relations between separated systems".
- ↑ Schrödinger, Erwin (1936). "Probability relations between separated systems".
- ↑ Physicist John Bell depicts the Einstein camp in this debate in his article entitled "Bertlmann's socks and the nature of reality", p. 143 of Speakable and unspeakable in quantum mechanics: "For EPR that would be an unthinkable 'spooky action at a distance'. To avoid such action at a distance they have to attribute, to the space-time regions in question, real properties in advance of observation, correlated properties, which predetermine the outcomes of these particular observations. Since these real properties, fixed in advance of observation, are not contained in quantum formalism, that formalism for EPR is incomplete. It may be correct, as far as it goes, but the usual quantum formalism cannot be the whole story." And again on p. 144 Bell says: "Einstein had no difficulty accepting that affairs in different places could be correlated. What he could not accept was that an intervention at one place could influence, immediately, affairs at the other." Downloaded 5 July 2011 from Bell, J. S. (1987). Speakable and Unspeakable in Quantum Mechanics. CERN.
- ↑ Freedman, Stuart J.. "Experimental Test of Local Hidden-Variable Theories".
- ↑ Yin, Juan. "Bounding the speed of 'spooky action at a distance".
- ↑ Matson, John (13 August 2012). "Quantum teleportation achieved over record distances".
- ↑ Francis, Matthew (30 October 2012). Quantum entanglement shows that reality can't be local (en-us).
- ↑ Penrose, Roger. The road to reality: a complete guide to the laws of the universe.
- ↑ Siegel, Ethan. No, We Still Can't Use Quantum Entanglement To Communicate Faster Than Light (en).
- ↑ Griffiths, David J.. Introduction to Quantum Mechanics.
- ↑ (1967) "Polarization Correlation of Photons Emitted in an Atomic Cascade". Physical Review Letters 18 (15): 575–577. DOI:10.1103/PhysRevLett.18.575.
- ↑ "Loophole-free Bell inequality violation using electron spins separated by 1.3 kilometres". Nature 526 (7575): 682–686. DOI:10.1038/nature15759. See also free online access version.
- ↑ "Sorry, Einstein. Quantum Study Suggests 'Spooky Action' Is Real.".
- ↑ Quantum entanglement observed in top quarks.
- ↑ "On-demand entanglement of molecules in a reconfigurable optical tweezer array". Science 382 (6675): 1143–1147. DOI:10.1126/science.adf4272.
- ↑ "Entangling macroscopic diamonds at room temperature". Science 334 (6060): 1253–1256. DOI:10.1126/science.1211914.