कोरल सागर
कोरल समुद्र अष्ट्रेलियाया उत्तरपूर्वी तटय् दक्षिण प्रशान्तया छगू सीमान्त समुद्र ख। थुकियात अन्तरिम अष्ट्रेलियन बायोरिजनया रुपय् वर्गीकृत यानातःगु दु। कोरल सागर अष्ट्रेलियाया उत्तरपूर्वी तटं 2,000 kilometres (1,200 mi) दक्षिणतक थ्यं। थुकिया अप्वः धया थें भाग कोरल सागरया फ्रान्सेली प्राकृतिक निकुञ्जय् व अष्ट्रेलियन कोरल सी मरिन पार्कय् संरक्षित यानातःगु दु । थ्व समुद्र निक्वःगु विश्वयुद्धया इलय् जापान साम्राज्यया नौसेना, व संयुक्त राज्य अमेरिका व अष्ट्रेलिया दथुइ जूगु छगू मू हताः कोरल सागरया युद्धया रणभूमि ख।
समुद्रय् यक्व टापु व कोरल दु, गुकिलिं थ्व सागरया नां बुयावःगु ख। नापं हलिंया दकलय् तःधंगु रिफ प्रणाली ग्रेट ब्यारियर रिफ (GBR) थन हे दु, गुकियात युनेस्कों सन् १९८१इ विश्व सम्पदा घोषणा याःगु खः। थ्व स्वया न्ह्यःया फुक्क चिकं अन्वेषण परियोजना सन् १९७५य् क्वचाःगु ख, व यक्व थासय् न्या लायेत प्रतिबन्ध यानातःगु दु। कोरल सागरया रिफ व टापु विशेष यानाः झंगः व जलजीवया समृद्ध थाय् ख व थ्व थाय् आन्तरिक व अन्तर्राष्ट्रिय रुपं लोकंह्वाःगु पर्यटकीय गन्तव्य ख।
भूगोल
[सम्पादन]थ्व थाय् पश्चिमय् क्वीन्सल्याण्डया पूर्वी तटं घेरेयानातःगु दु, गुकिलिं ग्रेट ब्यारियर रीफ नं ला, पूर्वय् भनुआतु (न्हापा न्यू हेब्रिड्स) व न्यू क्यालेडोनिया, व उत्तरपूर्वय् लगभग सोलोमन टापुया दक्षिणी सिथ ला। उत्तरपश्चिमय् थ्व पूर्वी न्यू गिनीया दक्षिणी तटय् थ्यनि, गुकिलि पपुवाया खाडी नं ला। दक्षिणय् तास्मान सागर, उत्तरय् सोलोमन सागर व पूर्वय् प्रशान्त महासागरनाप थुकिया सीमा स्वाः। पश्चिमय् थ्व थाय् क्वीन्सल्याण्डया मू भूमि तटं घेरेयानातःगु दु, व उत्तरपश्चिमय् थ्व सागर तोरेस जलसन्धि जुया अराफुरा सागरनाप स्वाइ।
समुद्रया विशेषता थनया लुमुगु मौसम ख, गुकिलि बारम्बार वा वइगु व उष्णकटिबंधीय चक्रवात जुइ।
लागा
[सम्पादन]ग्रेट ब्यारियर रीफ व थुकिया टापु व के क्वीन्सल्याण्डय् ला धाःसा थुकिया पूर्वय् च्वंगु अप्व रीफ व टापुत कोरल सी आइल्याण्ड्स टेरिटरीया भाग ख। थ्व नापं, न्यु क्यालेडोनियाया पश्चिमय् व व नापं लाःगु छुं टापुत नं भौगोलिक अर्थय् कोरल सागर टापुया भाग ख, दसु चेस्टरफिल्ड टापु व बेलोना रीफ ।