कफी

छगू कप हाकुगु कफी

कफी धइगु कफी वंशया सदाबहार झाडीया यक्व प्रजातिं दयेकीगु छगू ब्रुड त्वंसा खः । कफीया निगु दकलय् साधारण स्रोत कफी अरबिका व कफी क्यानेफोराया "रोबस्टा" रुप ख। ७० स्वयां अप्वः देसय् कफीया मा बुइकी । छक्वः बुइधुंका कफी "बेरी" लुइकाः, प्रशोधन याना, गंकाः दुनेया सियात कफी दयेकिगु या। अनंलि थुकियात माःगु सवाःया आधारय् थीथी स्तरय् छुयाः कफी दयेकेगु याइ ।

कफी भचा अम्लीय (pH ५.०–५.१ ) जुइ व थुकिलि क्याफिन दूगुलिं मनुयात उत्तेजक प्रभाव लाकेफु। थ्व हलिमय् दकलय् नांजाःगु त्वँसा मध्यय् छगू खः ।   थुकियात थीथी कथं दयेकेफइ । मनुया उसाँय्य् कफीया प्रभाव यक्व अध्ययनया विषय जुयाच्वंगु दु। कफिया सापेक्षिक फाइदाया ल्याखं लिच्वः निश्चित मजु ।

कफीया बुंज्या दकलय् न्हापां दक्षिणी अरबय् जूगु खः ; कफी-त्वनेगुया दकलय् न्हापांगु विश्वसनीय प्रमाण १५गु शताब्दीया मध्यय् यमनया सूफी तीर्थस्थलय् खने दु।

१७ गूगु शताब्दीया पुनर्जागरण कालय् कफीया सामाजिक रुपं छ्यलाबुला जूगु जुइफु । युरोप व उत्तरी अफ्रिका क्षेत्र दथुइ अप्वःगु व्यापारया लिच्वः कथं सामाजिक थासय् मुनाच्वंपिं युरोपियनतय्त कफीया सवाः उपलब्ध याकल, गुकिं सम्भवतः कफीहाउसया वृद्धिइ योगदान बिल ।