एप्पल खुसि (इलिनोइ)

एप्पल खुसि मिसिसिपी खुसिया छगू सहायक खुसि खः, गुकिया हाकः 55 miles (89 km) दु। थ्व खुसि संयुक्त राज्य अमेरिकाया दक्षिणपश्चिमी विस्कन्सिन व उत्तरपश्चिमी इलिनोइसय् बाहा वनि। थ्व लाफायेत काउन्टी, विस्कन्सिनय् न्ह्यथनि, व इलिनोइय् थःगु अप्व हाकः जो डेभिस व क्यारोल काउन्टी जुया प्रवाहित जुइ। थुकिया लँपुइ थ्व एप्पल रिभर क्यानयन स्टेट पार्क व हनोभर नगर जुया वनि। थ्व मिसिसिपी खुसिइ सभानाया उत्तरपश्चिमय् ७  माइल (११ किमि)ति तापाःगु थासय् स्वाइ।

जो डेभिस काउन्टीइ थ्व खुसिइ निगु चिधंगु सहायक खुसि: वेस्ट फोर्क एप्पल खुसि व साउथ फोर्क एप्पल खुसि स्वाइ।

टोपोनिमी

एप्पल खुसिया लँपुइ सिथय् दूगु क्र्याबएप्पल सिमाया नामं थ्व खुसिया नां वःगु खः । छगू लोक व्युत्पत्ति बाखँ कथं थ्व खुसिया नां ब्ल्याक हक युद्धय् खुसिया लिक्क दःम्ह एपेल नांयाम्ह छम्ह जर्मनपाखें वःगु ख।

भूगर्भशास्त्र

थ्व खुसि इलिनोइया ड्रिफ्टलेस एरियाया छगू भाग ख, थ्व क्षेत्र गुकियात लिपांगु हिमयुगं बाइपास जुल ; हिमयुगया ग्लेसियल स्विपं इलिनोइ राज्यया मेमेगु थासय् पर्बःतेत समथर याःगु/पिचूगु जुसां थन धाःसा गुं व स्वनिगः दयाच्वन। एप्पल खुसिया मू लँपु धाःसा हिमयुगं अःखः यातः। थ्व छगू इलय् पेकाटोनिका खुसिइ बाः वनाच्वंगु जुसां थ्व आः दक्षिणपश्चिमय् मिसिसिपी खुसिइ बाः वनि। थुकिया लिच्वः कथं एप्पल खुसिया छगू भाग गाःलाःगु क्यान्यन दु गुकियात क्यानयन राज्य पार्कय् संरक्षित यानातःगु दु।