एच टी एम् एल्

हाइपर टेक्स्ट क्यनेत च्वइगु कम्प्यूटर ल्याङ्ग्वेज हाइपर टेक्स्ट मार्क अप ल्याङ्ग्वेज वा एच टि एम एल खः । एच टि एम एल ल्याङ्ग्वेजं छुं नं आखःयात गथे यानाः, छु स्वरुपय् ईन्टरनेट ब्राउजरय् क्यनेगु धयागु ख“ निर्धारण याइ। एच टि एम एल टिम बर्नस ली धाःम्ह मनुखं दक्कले न्हापा दयेकूगु खः ।

एच टि एम एल ल्याङ्ग्वेज माइक्रोसफ्ट आदि छुं कम्पनीं निर्धारण याइगु मखु । थुज्वःगु छुं कम्पनीतय्सं दयेकूगु छुं छुं एच टि एम एलया कोड थुमिगु हे वेब ब्राउजरय् जक ज्या याइ । वास्तविक रुपय् एच टि एम एलया कोड फुक्क निर्धारण यायेगु ज्या World Wide Web Consortium नांगु संस्थां याइ। थ्व व हे संस्था खः गुकिं एच टि एम एलया न्हून्हूगु भर्सन व एच टि एम एलया स्तरिया कोड वा ट्याग निर्धारण यायेगु याइ ।

एच टि एम एल ल्याङ्ग्वेज साधारण टेक्स्ट फाइलय् दयेकी अले थुकिया एक्स्टेन्सन .htm वा .html जुइ । छुं नं वेबपेजय् गुगु आखः गुलि तःग्वयेकेगु, गुगु आखःया रंग गुज्वःगु यायेगु, गन थाय् छु किपा तयेगु ईत्यादि ख“ एच टि एम एलया कोडं निश्चित याइ । थुज्वःगु एच टि एम एल कोडयात एच टि एम एल ट्याग धायेगु याः।