इन्दो-इरानियन भाय्‌पुचः

हिन्द-युरोपेली भाषा परिवार दुने हिन्द-इरानी भाषाया ब्वथला

हिन्द-इरानी भाषात, इन्दो-इरानियन भाषापुचः, बाय् हिन्द-इरानी भाषा, हिन्द-युरोपेली भाषा माचाछिया दकलय् तःधंगु कचा ख। थुकिलि ३०० स्वया अप्व भाषात दु, हलिमय् करिब १.७ अर्ब मनूतेसं थ्व पुचःया भाय् ल्हाइ, गुकिलिं दक्षिण एसिया, पश्चिम एसिया व मध्य एसियाया छुं भागय् प्रधानता दु।

हिन्द-इरानी भाषायात स्वंगु मू कचाय् बायातःगु दु: हिन्द-आर्य, इरानी (वा इरानीक ), व नुरिस्तानी भाषा । बदेशी भाषा भारो-इरानी कचा दुने अवर्गीकृत दु। दकलय् तःधंगु हिन्दु-इरानी भाषा हिन्दुस्तानी भाषा ख (गुगु लिपा हिन्दी व उर्दूइ विभाजित जुल )।

हिन्द-इरानी भाषा दूगु थाय् युरोप ( रोमानी ) व काकेशस ( ओसेटियन, ताट, तालिश ) निसें मेसोपोटामिया व पूर्वी एनातोलिया ( कुर्दिश, जाजा ), लेभान्त उत्तर अफ्रिका ( डोमारी ) व इरान पूर्वी पठार निसें पूर्वय् शिनशियाङ्ग (सारिकोली), व आसाम (असमिया ), व दक्षिणय् श्रीलंका ( सिंहल ) व माल्दिभ्स ( माल्दिभियन ) तक्क दुथ्या; थुकिया कचात क्रमशः फिजी हिन्दी व क्यारिबियन हिन्दुस्तानी नापं ओसियानिया व क्यारिबियन तक्क न्यनाच्वंगु दु। थ्व त्वताः, उत्तरपश्चिमी युरोप, उत्तर अमेरिका, ओसियानिया, पूर्वी अफ्रिका, दक्षिण अफ्रिका, क्यारिबियन, व फारसी खाडीइ हिन्द-इरानी भाषीतेगु तःधंगु प्रवासी समुदाय दु।

• प्रोटो-भारोपेली भाषा (पुनर्निर्माण)
  • प्रोटो-इन्दो-इरानी भाष (पुनर्निर्माण)
    • प्रोटो-इरानियन भाषा (पुनर्निर्माण)
      • इरानी भाषात"" (इरानी भाषात)
        • पूर्वी
        • पश्चिमी
    • प्रोटो-नुरिस्तानी (पुनर्निर्माण)
      • "[[नुरिस्तानी भाषात]"
    • प्रोटो-इन्दो-आर्य (पुनर्निर्माण)
      • ""इन्दो-आर्यन भाय्‌पुचः""
        • डार्दिक
        • उत्तरपश्चिमी
        • उत्तर
        • पश्चिमी
        • पूर्वी
        • दक्षिणी
        • चीनी–लहुल (अवर्गीकृत)
    • बदेशी (अवर्गीकृत)