इतालियन प्रायद्वीप
इतालियन प्रायद्वीप ( इटालियन : penisola italica वा penisola italiana ) इतालियन भौगोलिक क्षेत्र दुने ला ; थ्व प्रायद्वीप उत्तरय् दक्षिणी आल्प्स निसें दक्षिणय् मध्य भूमध्यसागर तक्क न्यनाच्वंगु दु गुकिलि इताली देय् या यक्व भाग व सान मारिनो व भ्याटिकन सिटीया एन्क्लेभ माइक्रोस्टेटत दुथ्यानाच्वंगु दु। थ्व प्रायद्वीपयात इतालिक प्रायद्वीप, एपेनिन प्रायद्वीप, इटालियन बूट, वा मेनल्याण्ड इटाली नं धाइ।
अवलोकन
[सम्पादन]थ्व थाय् यात लो स्टिभाले ("द बूट") धकाः उपनाम बियातःगु दु, छाय् धाःसा प्रायद्वीपया आकार छगू तःजाःगु-हिल दूगु बूट थें च्वं। थ्व विशेषता आकारय् स्वंगु चिधंगु प्रायद्वीपं योगदान बी, गुकिया नां क्यालाब्रिया ("द टो"), सालेन्टो ("द हिल") व गार्गानो ("द स्पर") ख। [१] इटालियन प्रायद्वीपया मेरुदण्डय् एपेनिन पर्वत दु, गुकिलिं थुकिया छगू नां वःगु ख। थ्व प्रायद्वीपय् इतालीया यक्व भाग ला व सान मारिनो व भ्याटिकन सिटीया एन्क्लेभ माइक्रोस्टेट नं ला।
भौतिक भूगोल
[सम्पादन]
भौगोलिक रुपं इटालियन प्रायद्वीपया न्यूनतम विस्तार तस्कन–एमिलियन एपेनिन्सया उत्तरय् मग्रा निसें रुबिकन खुसि तक्कया छगू रेखाया दक्षिणय् ला। थ्व थासय् पो स्वनिगः व आल्प्सया दक्षिणी ढलान दुमथ्या। इटालियन प्रायद्वीपय् महाद्वीपीय युरोपय् छगू जक्क सक्रिय ज्वालामुखी माउन्ट भेसुभियस दु। [२]
राजनीतिक भूगोल
[सम्पादन]सामान्य खँलाबल्हाय् "इताली" व "इतालियन प्रायद्वीप"यात प्रायः समानार्थी खँग्वःया रुपय् छ्येलिगु या। अथे जुसां उत्तरी इतालीयात इतालियन प्रायद्वीपं पिने तयेछिं। राजनीतिक दृष्टिकोणं इटालियन प्रायद्वीपयात कडा अर्थय् (बाय् द्वीपीय इताली व उत्तरी इताली यात त्वःताः ) क्वय् बियातःगु धलखय् थी-थी राज्यय् बायातःगु दु:
| देय् | जनसंख्या | प्रायद्वीपीय क्षेत्र | ||
|---|---|---|---|---|
| क्षेत्रफल | प्रतिशत | लिखँ | ||
| इताली | २६,१४०,००० | 131,275 square kilometres (50,686 sq mi) | ९९.९५३१% | धात्थें धायेगु खःसा दक्वं प्रायद्वीप |
| सान मरिनो | ३१,८८७ | 61.2 square kilometres (23.6 sq mi) | ०.०४६६% | प्रायद्वीप इटालीया छगू मध्य-पूर्वी एन्क्लेभ |
| भेतिकन सिति | ८२९ | 0.49 square kilometres (0.19 sq mi) | ०.००३% | रोम, इटलीया छगू एन्क्लेभ |