इटालियन नसा
इटालियन नसा (इटालियानो: Cucina italiana) इटालीया नसा-त्वँसा पहः खः, गुकियात हलिंया दकलय् लोकंह्वाःगु नसाय् छगूया कथं हनि। इटालियन नसा सरलता व ताजा ज्वलंय् आधारित दु। यक्व इटालियन नसाय् ४ निसें ८ गू जक ज्वलं दइ। "पास्ता" (Pasta) व "पिज्जा" (Pizza) इटालियन नसाया दकलय् नांजाःगु दसु खः। इटालीया थीथी क्षेत्रया नसा शैली पाः, दसु - उत्तर इटालीइ बटर व क्रिम अप्व छ्यली धाःसा दक्षिण इटालीइ ओलिभ चिकं व गोलभेडा अप्व छ्यली। इटालियन नसाया इतिहास रोमन साम्राज्य निसें सुरु जूगु खः, तर अमेरिकापाखें गोलभेडा, आलु, व मल्ता इटालीइ थ्यने धुंकाः १८गु शताब्दीइ थुकिया आधुनिक रुप विकास जुल। "पास्ता"या ३०० स्वया अप्व आकार दु, गथेकि स्पेगेटी (Spaghetti), पेन्ने (Penne), व लजान्या(Lasagna)। "पिज्जा" नेपल्स (Naples) शहरं सुरु जूगु खः। "एस्प्रेसो" (Espresso) व "कापुचिनो" (Cappuccino) कफी इटालीया हे देन खः। इटालियन नसाय् थीथी कथंया "चीज" (पार्मिजियानो Parmigiano, रेजियानो Reggiano, मोत्सारेल्ला Mozzarella) व वाइनया तःधंगु महत्त्व दु। "बेसिल" (Basil), "ओरेगानो" (Oregano), व "लाभा" मू मसला खः। इटालीइ नसा नयेगु झ्वः "एन्टिपास्टो" (Antipasto - Appetizer), "प्रिमो" (Primo - पास्ता/सुप), "सेकन्दो" (Secondo - ला/न्या), व "दोल्से" (Dolce - चाकूगु) दइ। "जेलाटो" (Gelato) - इटालियन आइसक्रिम, हलिम न्यंकं नांजाः। "रिसोत्तो" (Risotto) उत्तर इटालीया जाकिया परिकार खः। "तिरामिसु" (Tiramisu) छगू नांजाःगु कफी फ्लेभरया चाकूगु नसा खः।
मू नसात
[सम्पादन]- पिज्जा/पित्जा: मार्गेरिता (Margherita), पेपरोनी (Pepperoni), म्यारिनारा (Marinara)।
- पास्ता: स्पेगेति कार्बोनेरा (Spaghetti Carbonara), लजान्या (Lasagna), फेत्तुचिनी अल्फ्रेदो (Fettuccine Alfredo), पेन्ने (Penne), राभियोली (Ravioli)।
- जा: रिसोट्टो (Risotto)।
- सूप/स्टार्टर: मिनस्ट्रोन (Minestrone Soup), ब्रुशेटा (Bruschetta), काप्रेसे सलाद (Caprese Salad)।
- ला/न्या: ओसोबुको (Ossobuco), चिकेन पार्मिजियाना (Chicken Parmigiana)।
- डेजर्ट: तिरामिसु (Tiramisu), जेलाटो (Gelato), पान्ना कोट्टा (Panna Cotta), कानोलि(Cannoli)।
- त्वँसा: एस्प्रेसो (Espresso), कापुचिनो (Cappuccino), कियान्टी वाइन (Chianti)।