आधुनिक अंग्रेजी

आधुनिक अंग्रेजी, गुबलें गुबलें न्हुगु अंग्रेजी ( NE ) वा मध्य व पुलांगु अंग्रेजीया स्वया पाःगु थौंकन्हय् या अंग्रेजी (present-day English, PDE) नं धाइ, १४गु शताब्दीया अन्तय् न्ह्याःगु व १७गु शताब्दी तक्क पूवंगु इंग्ल्याण्डय् जूगु ग्रेट भ्वाल शिफ्ट निसें ल्हाइगु अंग्रेजी भाषाया रुप ख।

छुँ निश्चित खँग्वःतेत त्वताः, १७गु शताब्दीया सुरुइ च्वयातःगु ग्रन्थत, दसु विलियम शेक्सपियरया च्वखँ व किङ्ग जेम्स बाइबल, आधुनिक अंग्रेजी, वा अप्व विशेष रुपं, प्रारम्भिक आधुनिक अंग्रेजी वा एलिजाबेथन अंग्रेजीया रुपय् कायेगु या। उपनिवेशया माध्यमं बेलायती साम्राज्यं हलिंया यक्व क्षेत्रय् अंग्रेजी भाय् न्यंकल, गथेकि एंग्लो-अमेरिका, भारतीय उपमहाद्वीप, अफ्रिका, अष्ट्रेलिया व न्युजिल्याण्ड ।

आधुनिक अंग्रेजीइ हलिंया यक्व देसय् ल्हाइगु यक्व भाषिकात दु। थ्व भाषिकातेगु पुचःयात गुबलें गुबलें मंका कथं अंग्रेजी भाषी हलिं नं धाइ। थ्व भाषिकाय् अमेरिकन, अष्ट्रेलियन, बेलायती (थुकिलि एंग्लो-अंग्रेजी, स्कटिश अंग्रेजी व वेल्श अंग्रेजी दु ), कनेदियन, न्युजिल्यान्द, क्यारिबियन, हिबर्नो-अंग्रेजी ( अल्स्टर अंग्रेजी नापं ), भारतीय, श्रीलंकाली, पाकिस्तानी, नाइजेरियन, फिलिपिनी, सिंगापुरियन, दक्षिण अफ्रिकन आदि ला।

एथनोलोगया कथं, अंग्रेजी भाय् मांभाय् वा निगूगु भाषाया रुपय् ल्हाइपिं थ्यंमथ्यं छगू अरब मनू दु। अंग्रेजी भाय् यक्व देसय् न्हापांगु वा निगूगु भाय्या रुपय् ल्हाइगु या, गुकिलि अप्व मूल भाय् ल्हाइपिं संयुक्त राज्य अमेरिका, बेलायत, अष्ट्रेलिया, क्यानाडा, न्युजिल्याण्ड व आयरल्याण्डय् दु। थ्व भाय् मेमेगु भाय् स्वया अप्व गैर-मूलभाषी दूगु भाय् ख व हलिमय् अप्व व्यापक रुपं थ्यंगु व मेमेगु भाय् स्वया अप्व उद्देश्यया निंतिं छ्येलिगु या। थुकिया तःधंगु ल्याखय् न्ववाइपिं, नापं थुकिया हलिंन्यंकया उपस्थितिं अंग्रेजीयात "एयरलाइन्सया, समुद्र व जहाजया, कम्प्युटर प्रविधिया, विज्ञानया व वास्तवय् सामान्य रुपं (वैश्विक) संचारया" छगू मंका भाय् (लिंगुआ फ्रान्का) दयेकातःगु दु।

हिलासूया रुपरेखा

न्हापाया रुप (मध्य अंग्रेजी)या तुलनाय् आधुनिक अंग्रेजीइ जूगु मू हिउपाःया रुपरेखा क्वय् बियातःगु दु, अले २०गु शताब्दीया दुने अंग्रेजीइ जूगु छुं मू हिउपाः नं दु । थुपिं हिलासू आपालं सामान्यीकरण खः, अले थ्व हिला दक्वं भाषिकाया निंतिं सत्य मजुइफु :

संरचना

• " like ", "same as", व "immediately" संयोजकया रुपय् छ्यलिगु या।
• संज्ञा वाक्यांश व विशेषनामया छुं संयोजनया न्ह्यः " The " वैकल्पिक जुइ ।

सर्वनाम

• लिपाया पक्षय् "who" व " whom " दथुइ अधिकांश भाषिकाय् भेदया क्षति।
• छुं औपचारिक रजिस्टरय् इपिं एकवचनया उन्नयन ।
• सहायक यासुया न्ह्यःने फ्रिक्वेन्सी क्रियापदया थाय् ।

यासु

• छुं अंग्रेजी अनियमित यासुया नियमितीकरण ।
• वर्तमान ("अनिवार्य") अंग्रेजी उपसर्गया पुनरुत्थान ।
• न्हापांगु पुरुषय् भविष्य कालयात चिं तयेत "shall" स्वयां "will"यात ययेकल ।
• "Do" यासुया निंतिं Have ।
• यक्व खँग्वःया यासु अप्वयेकि ।
• अनौपचारिक खँल्हाबल्हाय् सहायक यासु "वान्ना", " गोन्ना ", "गोट्टा"या विकास ।
• निश्चित वर्तमान पूर्ण व भूतकाल पूर्ण रुपय् अंग्रेजी प्रगतिशील यासुया छ्यलाबुला ।

सः

अमेरिकन-ब्रिटिश विभाजन (१६००-१७२५) तक्क अंग्रेजीइ छुं मू ध्वनिशास्त्रीय हिउपाः दुथ्याःगु दु:

• प्रारम्भिक क्लस्टर रिडक्सन, /ɡn, kn/ या थें /n/: gnat व nat या होमोफोन दयेकेगु, व not व knot होमोफोन जुवन।
• अप्व भाषिकाय् जुइगु meet–meat मर्जर : "meat", "threat" व "great" खँग्वः दयेकेगु स्वंगु थी-थी सः (vowel) जुल। यद्यपि स्वंगु हे खँग्वः छथें हे ल्हाइगु मजुल व राइम (rhyme) मजुल।
• द फुट–स्ट्रट स्प्लिट : गुकिं "cut" व "put", व "pudding" व "budding" आः छथें उच्चारण मजुल; अले "putt" व "put" आः होमोफोन मखुत।
• द लट–क्लोथ स्प्लिट : "cloth" व "off" थें न्याःगु खँग्वःया सःयात "thought"य् दूगु सः नापं उच्चारण जुल, गुकिया विपरीत "lot"य् छ्यलिगु सः विपरीत जुल।

विन्यास

• T–V भेदया अप्रयोग ( Thou, ye ) । समकालीन आधुनिक अंग्रेजीइ सामान्यतया औपचारिक व अनौपचारिक निगुलिं सन्दर्भय् छ्येलिगु औपचारिक निगूगु पुरुष व्यक्तिगत सर्वनाम, " you " (ye) जक्क तयातःगु दु।
• न्ह्यसःया खँपुइ सहायक यासुया छ्यलाबुला अनिवार्य जुइ।
• "fewer" स्वया "less" ल्याःखायेबहःगु नांया निंतिं छ्यलिगु या।
• अंग्रेजी तुलना यायेत विश्लेषणात्मक तुलना ( -er ) स्वया वाक्यात्मक तुलना ( more )यात ययेकिगु या।
• स्याक्सन जेनिटिभ ('s) या छ्यलाबुला मानवीय सन्दर्भ स्वयां नं पिने थ्यंगु दु ।

आखःग्वः

आखःग्वः व हिज्जेय् हिउपाः मुद्रण व महाद्वीपीय मुद्रण प्रचलनया आगमनं यक्व प्रभावित जुल।

• मध्य अंग्रेजी भासं हे th या थासय् वयेगु शुरु जूगु आखः थोर्न (þ) अन्ततः छ्यलाबुलाय् मवया वन । प्रारम्भिक आधुनिक अंग्रेजी मुद्रणय् थोर्नयात ल्याटिन y नापं प्रतिनिधित्व याःगु ख, गुकिलिं ब्ल्याकलेटर टाइपफेस (𝖞) य् थोर्न थें खनेदु। थ्व आखःया लिपांगु अवशेष थोर्नया लिगाचरय्, y ^e (thee), y ^t (that), y ^u (thou) दु, गुकियात आः नं सन् १६११या किङ्ग जेम्स बाइबलय् व शेक्सपियरया फोलियोय् गबलें गबलें खनेदु।
• न्हापा छगू हे आखःया रुपय् च्वयातःगु i व j आखः निग्वः जुल; अथे हे u व v बायावन। थ्व ईले ल्याटिन आखःग्वःया साधारण विकास जुल।

फलस्वरुप, आधुनिक अंग्रेजी २६ आखःया विशुद्ध ल्याटिन वर्णमाला छ्यलेगु यात ।