अमोघवज्र
अमोघवज्र ( संस्कृत अमोघवज्र ; चिनिया लिपिइ 不空 वा बुकोङ्ग, जापानी भासय् फुकु, कोरियन: 불공, भियतनामी भासय् Bất Không, ७०५–७७४) छम्ह प्रचुर अनुवादक ख गुम्ह चिनियाँ इतिहासय् दकलय् राजनीतिक शक्तिशाली बौद्ध भिक्षुइ छम्ह जुयादिल। वय्कःयात शिङ्गोन बुद्ध धर्मय् सिद्धान्तया अष्ट कुलपतिइ छम्ह कथं स्वीकार यानातःगु दु ।
जीवन
[सम्पादन]अमोघवज्रया उत्पत्ति गनं जुल धैगु खँय् थी थी मत दु । [१] झाओ कियानं अमोघवज्रया जन्म समरकन्द य् फेइक्सिसया स्टेल शिलालेख कथं भारतीय व्यापारी वा ब्राह्मण अबुया जन्म जूगु व सोग्डियन मूलया मांया मचाया रुपय् जूगु खँ न्ह्यथनातःगु दु। यान यिंगं अमोघवज्रयात " पश्चिमी क्षेत्रया मनू" धकाः जक धाःगु दु । [१] वैकल्पिक रुपं क्वान देयुया इमेज हल स्टेल शिलालेखय् अमोघवज्र श्रीलंकायाम्ह खः धकाः च्वयातःगु दु । युआनझाओ नं अमोघवज्र श्रीलंकायाम्ह खः धइगु दाबी दोहोरे याःगु दु। [१]
अमोघवज्र थः अबुया मृत्यु लिपा झिदँ दुबलय् चीन वन। ७१९ स वज्रबोधिं वय्कःयात संघय् अभिषेक यानादिल व वय्कःया शिष्य जुल । ७४१ य् सकल विदेशी भिक्षुतेत चीनं पितिना छ्वयेधुंका वय्कः व छुं सहकर्मीत ग्रन्थ मुंकेत तीर्थयात्राय् बिज्यांवन व श्रीलंका, हिन्दचीन व भारतया भ्रमण यानादिल। थ्व समुद्री यात्राया झ्वलय् वय्कलं वज्रबोधिया स्वामी नागबोधि नापलानादिल व तत्त्वसंग्रह तन्त्रया ताःहाकःगु अध्ययन यानादिल। श्रीलंकाय् करिब न्यासः सफू मुंका वय्कः ७४६इ चीन लिहां बिज्यात।
७५०इ वय्कलं लाय्कू त्वःताः ताङ राजवंशया जनरल गेशु हानया सैन्य गभर्नरया पदय् दुहां झाल, गुकिया निंतिं वय्कलं थःगु क्षेत्रीय मुख्यालयय् तःधंगु तान्त्रिक दीक्षा यानादिल। ७५४इ वय्कलं वज्रयान बौद्ध धर्मया बाह्य तन्त्रया केन्द्रय् लाःगु तत्वसंग्रह तन्त्र ग्रन्थया न्हापांगु भाग ( Taishō Tripiṭaka . ८६५)या अनुवाद यानादिल, गुगु वय्कःया दकलय् महत्त्वपूर्ण उपलब्धिइ छगू जुल। वय्कलं थुकिया शिक्षायात आःतक्क परिकल्पना यानातःगु ज्ञान प्राप्त यायेगु दकलय् प्रभावकारी विधिया रुपय् कयादिल, व थुकिया आधारभूत संरचनायात यक्व च्वसुइ दुथ्याकादिल।
अमोघवज्र अन लुशान विद्रोहया इलय् कब्जाय् लानादिल तर सन् ७५७इ मूल सत्ताया वफादार शक्तिं वय्कःयात मुक्त यात। थ्व नापं वय्कलं राजधानी शुद्ध यायेत व ताङ राज्यया सुरक्षा बल्लाकेत संस्कार यानादिल। निदँ लिपा वय्कलं ताङया सम्राट सम्राट सुजोङयात चक्रवर्तिनया रुपय् दीक्षा बियादिल।
अमोघवज्रं अन लुशान विद्रोहया विरुद्ध ताङ वंशया राज्ययात ग्वाहालि यानादिल। वय्कलं वज्रयानया संस्कार यानादिल। थुकिलिं लुशानया सेनायात अलौकिक रुपं आक्रमण व स्यंकेगु ज्या प्रभावकारी जूगु व अन लुशानया छम्ह जनरल झोउ झिगुआङया मृत्यु जूगुलि ताङ राज्य विश्वस्त जुल। [२] [३]
७६५इ अमोघवज्रं थःगु न्हुगु प्रतिपादनया मानवीय जुजु सूत्रयात छगू विस्तृत संस्कारय् छ्येला तिब्बती व उइगरतेगु २ लखः सेनाया अग्रगमनयात प्रतिकार यानादिल। इमिसं चाङआनय् आक्रमण यायेत तयार जुयाच्वंगु इलय् वय्कलं थथे यानादीगु ख। थ्व आक्रमणया नायः पुगु हुआइएन थःगु शिविरय् सीना कुतुं वने धुंका वया सेना तितरबितर जूगु खँ च्वयातःगु दु।
वुताई पर्वतय् च्वंगु भव्य जिंगे देगः ७६७ य् क्वचाल। थ्व अमोघवज्रया नीजि परियोजना ख। थ्व परियोजना छ्यला बोधिसत्व मञ्जुश्रीयात चीनया रक्षकया रुपय् प्रवर्द्धन यायेगु वय्कःया यक्व कुतः मध्ये छगू ख। अमोघवज्रं ताङया सम्राट दाइजोङया इनाप कथं विपद् पनेत थीथी संस्कार यानादिल।
७७४इ वय्कःया मृत्युइ स्वन्हुया शोकया आधिकारिक घोषणा जुल, व वय्कःयात मृत्यु लिपा थी-थी उत्कृष्ट उपाधि प्राप्त जुल। चिनिया भिक्षु हुइलाङ, हुइगुओ व हुइलिन :145,147,274वय्कःया दकलय् नांजाःपिं उत्तराधिकारीत मध्ये खः। अमोघवज्रं थःगु हे विवरण कथं सच्छि व ७गु ग्रन्थ अनुवाद यानादिल, यद्यपि चिनियाँ बुद्ध धर्मया ग्रन्थय् मौलिक रचना नापं यक्व ग्रन्थत वय्कःया हे नां बियातःगु दु।
लिधंसा
[सम्पादन]- 1 2 3 (2021) "Amoghavajra". Brill's Encyclopedia of Buddhism Online. DOI:10.1163/2467-9666_enbo_COM_2087.
- ↑ Acri, Andrea (2016). Esoteric Buddhism in Mediaeval Maritime Asia: Networks of Masters, Texts, Icons. ISEAS-Yusof Ishak Institute.
- ↑ Sundberg, Jeffrey (2018). "Appreciation of Relics, Stupas, and Relic Stupas in Eighth Century Esoteric Buddhism: Taisho Tripitaka Texts and Archaeological Residues in Guhya Lanka_Part 2" 19.
ब्वनादिसँ
[सम्पादन]- एस्टली, इयान (१९८७). द रिशुक्यो, आधुनिक जापानी विद्वताया प्रकाशय् छगू अनुवाद व टिप्पणी, पीएचडी थीसिस, द युनिभर्सिटी अफ लीड्स
पिनेया स्वापू
[सम्पादन]- बुद्ध धर्मया डिजिटल खँग्वःधुकू (यूजरआइडि "पाहाँ" नापं लग इन)
- चिनियाँ गूढ बौद्ध धर्मया समीक्षा : अमोघवज्र व शासक अभिजात वर्ग Archived, ज्योफ्री सी गोबलं