अन्टारियो
अन्टारियो क्यानाडाया दकलय् दक्षिणी प्रान्त ख। [१] मध्य क्यानाडाय् लाःगु ओन्टारियो थ्व देय् या दकलय् अप्व जनसंख्या दूगु प्रान्त ख। २०२१या क्यानाडाया जनगणना कथं थ्व थासय् ३८.५ प्रतिशत जनसंख्या दु व कुल क्षेत्रफलया ल्याखं निगुगु दकलय् तःधंगु प्रान्त ख ( क्वेबेक धुंका)। [२] [३] अन्टारियो क्यानाडाया सकल प्रान्त व भूभागया कुल क्षेत्रफलय् क्यानाडाया प्यंगूगु दकलय् तःधंगु क्षेत्राधिकार दूगु थाय् ख। [३] थ्व थासय् देय् या राजधानी ओटावा व दकलय् अप्व जनसंख्या दूगु नगर टोरन्टो, [४] दु। टोरन्टोय् अन्टारियोया प्रान्तीय राजधानी ख।
अन्टारियोया पश्चिमय् म्यानिटोबा प्रान्त, उत्तरय् हडसन खाडी व जेम्स खाडी, पूर्व व उत्तरपूर्वय् क्वेबेक प्रान्त ला। दक्षिणय् अमेरिकी राज्यत (पश्चिमं पूर्वय्) मिनेसोटा, मिशिगन, ओहायो, पेन्सिलभेनिया व न्यूयोर्कया सीमाय् ला। ओन्टारियोया 2,700 kilometres (1,700 mi) धया थें फुक्कं संयुक्त राज्य अमेरिका नापया सीमाय् खुसि व पुखुलि ला: पश्चिमी लेक अफ द वुड्सं, पूर्वपाखे ग्रेट लेक्स / सेन्ट लरेन्स खुसिया निकासी प्रणाली। थ्यंमथ्यं 1 kilometre (0.62 mi)या वास्तविक भूमि सीमा मिनेसोटा नाप स्वा। [५]
अन्टारियोया जनसंख्या व बुँज्यायोग्य भूमिया अप्व भाग दक्षिणी अन्टारियोय् दु, व कृषि छगू महत्त्वपूर्ण उद्योग जुयाच्वंगु दु, थ्व क्षेत्रया अर्थतन्त्र उत्पादनय् यक्व निर्भर दु। थ्व स्वया भिन्न उत्तरी ओन्टारियोय् चिकुगु चिकुला व यक्व जंगल जक्क दु, [६] खानी व वनस्पतिं थ्व क्षेत्रया मू उद्योग दयेकिगु या।
व्युत्पत्ति
[सम्पादन]अन्टारियो धयागु आदिवासी मूलया खँग्वः खः। थुकिया सम्भावित अर्थ Ontarí:io, छगू ह्युरोन भाषा ( व्यान्दत ) खँग्वः गुकिया अर्थ "तःधंगु पुखू", [७] बाय् सम्भवतः skanadario ख गुकिया अर्थ इरोक्वाइन भाषाय् "सुन्दर लः" वा "झः-झःधागु लः" ख। [८] अन्टारियोय् करिब २५०,००० यचुगु लःया पुखू दु । [९] अन्टारियो नांया दकलय् न्हापांगु उल्लेख सन् १६४१इ जूगु ख, गुबले ग्रेट लेक्सया दकलय् पूर्वी भागया उत्तरी तटय् च्वंगु भूमियात "अन्टारियो" धकाः धयातल। [१०] थ्व नां सन् १८६७इ कन्फेडेरेसनय् न्हुगु प्रान्तया आधिकारिक नांया रुपय् स्थापित जूगु ख। [१०]
भूगोल
[सम्पादन]
प्रान्तया उत्तरपश्चिमी व मध्य भागय् म्हो जनसंख्या दूगु कनेदियन शिल्द क्षेत्रय् अन्टारियोया बच्छि स्वया अप्व भूभागय् ला। थ्व थासय् अप्व यानाः बुंज्या याये मछिंसां थ्व थासय् खनिजया समृद्धता दु। थ्व थाय् आंशिक रुपं मध्य व मध्यपश्चिमी कनेदियन शील्ड वनं त्वपुया तःगु दु, व पुखु व खुसिं जाःगु दु। उत्तरी अन्टारियोयात निगु उपक्षेत्रय् उपविभाजित यानातःगु दु: उत्तरपश्चिमी अन्टारियो व उत्तरपूर्वी अन्टारियो ।
चरम उत्तर व उत्तरपूर्वय् लाःगु लगभग जनसंख्या मदुगु हडसन बे लोल्याण्डय् मुख्यतः झ्वास्या (दलदल) व म्हो जंगल दु।
दक्षिणी अन्टारियोयात अझ प्यंगू उपक्षेत्रय् उप-विभाजित यानातःगु दु: मध्य अन्टारियो (वास्तवय् थ्व प्रान्तया भौगोलिक केन्द्र मखुसां), पूर्वी अन्टारियो, गोल्डेन हर्सशु व दक्षिणपश्चिमी अन्टारियो (थुकिया छुं भागयात न्हापा पश्चिमी अन्टारियोया रुपय् कायेगु या)।
थ्व प्रान्तय् हिमाली भूभाग दुर्लभ जूसां नं पर्वतीय अपल्याण्डया तःधंगु क्षेत्र दु, विशेष यानाः कनेदियन शील्ड दुने लाःगू क्षेत्र गुकिलिं थ्व प्रान्तयात उत्तरपश्चिमं दक्षिणपूर्व तक्क व दक्षिण पार याइगु नायाग्रा एस्कार्पमेन्टया च्वय् तक। अन्टारियोया दकलय् तजाःगु थाय् इश्पतिना रिज खः गुकिया जाः 693 metres (2,274 ft) समुद्र सतह स्वया च्वय् दु। थ्व च्वका टेमागामी, उत्तरपूर्वी अन्टारियोय् ला। दक्षिणय्, 500 metres (1,640 ft) स्वयां तःजाःगु क्षेत्र कलिङ्गवुडया लिक्क, डन्डाल्क हाइल्याण्डय् ब्लू पर्वतया च्वय् व रेनफ्र्यू काउन्टीइ मदावास्का खुसिया लिक्क पहाडया च्वकाय् दु ।
क्यारोलिनियन वन क्षेत्रं प्रान्तया दक्षिणपश्चिमी क्षेत्रया अप्व भाग कःघाइ। दक्षिणय् समशीतोष्ण व उर्वर ग्रेट लेक्स-सेन्ट लरेन्स स्वनिगः पूर्वी ग्रेट लेक्स तटीय वन इकोरिजनया छगू भाग ख। थन आः वनया थाय् कृषि, औद्योगिक व शहरी विकासं यक्व थाय् काःगु दु। थनया छगू नांजाःगु भौगोलिक विशेषता नायाग्रा झ्वाला ख, थ्व झ्वाला नायाग्रा एस्कार्पमेन्टया छगू भाग ख। सेन्ट लरेन्स सीवें उत्तरपश्चिमी अन्टारियोया थन्डर बे तक्कया अन्तर्देशीय क्षेत्रय् एटलान्टिक महासागरय् यातायात सम्भव याःगु दु। उत्तरी अन्टारियों थ्व प्रान्तया करिब ८७% सतह क्षेत्रफल कःघाइ; उकिया अःखः, दक्षिणी ओन्टारियोय् ९४% जनसंख्या दु ।
प्वाइन्ट पेली दक्षिणपश्चिमी अन्टारियो ( विन्डसर व डेट्रोइट, मिशिगनया लिक्क)या इरी पुखुया छगू प्रायद्वीप ख गुकिलि क्यानाडाया मू भूभागया दकलय् दक्षिणी क्षेत्र ला। इरी पुखुया पेली टापु व मिडल टापु भचा तापाक्क दयाच्वंगु दु । दक्वं टापू ४२° उत्तरया दक्षिणय् लाः । थ्व अक्षांश क्यालिफोर्नियाया उत्तरी सीमा स्वया भचा दक्षिणय् ला।
मौसम
[सम्पादन]
अन्टारियोया मौसम ऋतु व थाय् कथं पानाच्वनी । [११] स्वंगु फसं थुकियात प्रभावित याइ: उत्तरं वःगु चिकुगु, सुख्खा, आर्कटिक फय् (चिकुलाया मू फय्, थ्व फय् सुदूर उत्तरी ओन्टारियोय् दँया ताःहाकःगु ईया निंतिं दयाच्वनि); पश्चिमी क्यानाडाया प्रेरीज/अमेरिकाया उत्तरी ख्यलं दुहां वइगु प्रशान्त ध्रुवीय फय् ; व मेक्सिकोया खाडी व एटलान्टिक महासागरं वइगु लुमुगु, नम फय्। [१२] थ्व मू फय्तेगु तापक्रम व वर्षाय् जुइगु प्रभाव मू कथं अक्षांश, लः नापया सामीप्यता व छुं हद तक्क भूभागया बनौटय् निर्भर जुइ। [१२] सामान्यतया, ओन्टारियोया अप्वः धया थें मौसमयात आर्द्र महाद्वीपीय कथं वर्गीकृत जुइ। [१२]
| City | July (°C) | July (°F) | January (°C) | January (°F) |
|---|---|---|---|---|
| Windsor (Windsor International Airport)[१३] | 28/18 | 82/64 | 0/−7 | 31/19 |
| Niagara Falls (NPCSH)[१४] | 27/17 | 81/63 | 0/−8 | 30/18 |
| Toronto (The Annex)[१५] | 27/18 | 80/64 | −1/−7 | 30/20 |
| Midland (Water Pollution Control Plant)[१६] | 26/16 | 78/61 | −4/–13 | 25/8 |
| Ottawa (Ottawa Macdonald–Cartier International Airport)[१७] | 27/16 | 80/60 | −6/−14 | 22/6 |
| Sudbury (Sudbury Airport)[१८] | 25/13 | 77/56 | −8/−19 | 18/0 |
| Emo (Emo Radbourne)[१९] | 25/11 | 77/52 | −9/–22 | 15/–9 |
| Thunder Bay (Thunder Bay International Airport)[२०] | 24/11 | 76/52 | −9/−21 | 18/−5 |
| Kenora (Kenora Airport)[२१] | 24/15 | 76/59 | −11/−21 | 12/−5 |
| Moosonee (UA)[२२] | 23/9 | 73/48 | −14/–26 | 8/–15 |
स्वयादिसँ
[सम्पादन]लिधंसा
[सम्पादन]- ↑ Get to know Canada - Provinces and territories. Government of Canada, Immigration, Refugees and Citizenship Canada (July 12, 2017).
- ↑ Population and dwelling counts: Canada, provinces and territories. Statistics Canada (September 2, 2022).
- ↑ ३.० ३.१ Table 15.7 Land and freshwater area, by province and territory.
- ↑ Population of census metropolitan areas (2001 Census boundaries).
- ↑ Canada/United States International Boundary Commission (2006). St. Lawrence River and Great Lakes. Presentation at 2006 IBRU Conference, p. 21. Durham University.
- ↑ Ontario Population Projections, 2018–2046. Government of Ontario Ministry of Finance.
- ↑ The Languages of Native North America.
- ↑ About Canada // Ontario. Study Canada pp. Last Paragraph–second–last sentence. “The name "Ontario" is generally thought to be derived from the Iroquois word Skanadario, meaning "beautiful water"”
- ↑ Lakes and Rivers. Ontario Ministry of Natural Resources.
- ↑ १०.० १०.१ Ontario – Canada.ca. canada.ca.
- ↑ The Canada Country Study: Climate Impacts and Adaptation: Ontario Region Executive Summary. Environment Canada.
- ↑ १२.० १२.१ १२.२ Physical Geography of Ontario. UBC Press.
- ↑ Windsor A, Ontario. Canadian Climate Normals 1981–2010. Environment Canada (October 31, 2011).
- ↑ Niagara Falls NPCSH. Canadian Climate Normals 1981–2010. Environment Canada (October 31, 2011).
- ↑ 1981 to 2010 Canadian Climate Normals. Environment Canada (February 13, 2014).
- ↑ Midland Water Pollution Control Plant. Canadian Climate Normals 1981–2010. Environment Canada (September 25, 2013).
- ↑ Ottawa Macdonald Cartier Int'l A, Ontario. Canadian Climate Normals 1981–2010. Environment Canada (October 31, 2011).
- ↑ Sudbury A, Ontario. Canadian Climate Normals 1981–2010. Environment Canada (October 31, 2011).
- ↑ Emo Radbourne. Canadian Climate Normals 1981–2010. Environment Canada (October 31, 2011).
- ↑ Thunder Bay A. Canadian Climate Normals 1981–2010. Environment Canada.
- ↑ Kenora Airport. Canadian Climate Normal's 1981–2010. Environment Canada (2011).
- ↑ Moosonee UA. Canadian Climate Normals 1981–2010. Environment Canada (October 31, 2011).