सन् १७०१
(Redirected from १७०१)
१७०१ ग्रेगोरियन पात्रो यागु छगु साधारण दँ खः।
झाकातः
[सम्पादन]ज्यानुवरी-मार्च
[सम्पादन]- ज्यानुवरी १२ – नेदरल्याण्डया छुं थासय् ग्रेगोरियन पात्रो नालाकाल ।
- ज्यानुवरी १८ – ब्रान्डेनबर्ग-प्रशियाया एलेक्तोरेत प्रशियाया राज्य जुइ। थनया एलेक्तोर फ्रेडरिक तृतीययात जुजु फ्रेडरिक प्रथम घोषित जुइ। प्रशिया पवित्र रोमन साम्राज्यया
हे छगू राज्य जुयाच्वनि। थ्व राज्यय् ब्रान्डेनबर्ग, पोमेरेनिया व पूर्वी प्रशिया दुथ्याइ व बर्लिन राजधानी जुइ।
- ज्यानुवरी २८ – चिनियाँतेसं दार्तसेदो (सँदेय् भासय् དར་རྩེ་མདོ།) सँदेय्या ल्हातं कब्जा याइ।
- १७ फेब्रुअरी (फेब्रुअरी ६, १७०० पुलां पात्रो) – बेलायतया जुजु विलियम तृतीयया ५गु संसद मुंकल। भविष्यया प्रधानमन्त्री रोबर्ट वालपोल इंग्ल्याण्डया संसदय् प्रवेश याइ , व याकनं हे व्हिग नीतिया प्रवक्ताया रुपय् थःगु नां दयेकी।
- मार्च ८ - मेक्लेनबर्ग-स्ट्रेलिट्ज उत्तरी जर्मन डचीया रुपय् पलिस्था।
- मार्च ९ – सफावी सैनिकत बसरां त्वताः लिहां वन, थ्व नापं इमिगु स्वदँया कब्जाया अन्त्य जुल।
अप्रिल-जुन
[सम्पादन]- अप्रिल २१ - जापानय् ल्याय्म्हम्ह दैमयो असानो नागानोरीयात सेप्पुकु (आत्महत्या) यायेत आदेश बी । वयागु सेवाया ४७म्ह सामुराईया पुचलं वयागु मृत्युया बदला कायेगु योजना दयेकेगु शुरु याइ ।
- मे २३ – विलियम मूरया हत्याया दोषी ठहर जुइधुंकाः, व समुद्री डाकूया निंतिं , क्याप्टेन विलियम किडयात लण्डनय् फाँसी बिइ ।
- जुन २४ –इंग्ल्याण्डया संसदय् एक्ट अफ सेटलमेन्ट (बस्तीया ऐन) १७०१ पारित जुल। थ्व नापं, क्याथोलिक स्टुअर्टयात बेलायती राजतन्त्रं पिथन। थुकिया नियम कथं, जुजु विलियम तृतीयया मचा मदुलिं रानी मेरी द्वितीयया केहें राजकुमारी एन व वया सन्तान उत्तराधिकारी जुइ। यदि एनया सन्तान मदुसा वयागु उत्तराधिकारी हनोभरया सोफिया व वया सन्तान जुइ (अथे जुया १७१४य् हनोभरियन उत्तराधिकार जूवनि)।
- जुन २८ – द मर्टन ब्यारोनेट्स (Myrton baronets), छगू बेलायती कुलीन उपाधि दयेकल।
जुलाई-सेप्टेम्बर
[सम्पादन]अक्टोबर-डिसेम्बर
[सम्पादन]- अक्टोबर ९ – कनेक्टिकटया कलेजिएट स्कूल (लिपा येल विश्वविद्यालयय् नां हिल) ओल्ड सेब्रुक, कनेक्टिकटय् चार्टर्ड जुइ।
- नोभेम्बर २ – स्पेनया जुजु फिलिप ५ न्हापांगु खुसिइ इहिपा, १३ दँ दुम्ह मारिया लुइसा गेब्रिएला अफ साभोयलिसे , गुम्ह २५ दँया उमेरय् क्षयरोगं मृत्यु तक क्वीन कन्सोर्टया रुपय् ज्या यानाच्वन।
- नोभेम्बर ११ (पुलां पात्रो, नोभेम्बर २२ न्हूगु पात्रो) – इंग्ल्याण्डया हाउस अफ कमन्सयात जुजु विलियम तृतीयं विघटन याइ व फुक्क ५३१ सिटय् न्हुगु निर्वाचनया आह्वान याइ।
- डिसेम्बर २९ (पुलां पात्रो, जनवरी ९, १७०२ न्हूगु पात्रो) – इरास्टफरया युद्ध आःया एस्टोनियाया इरास्टभेरेया लिक्क जुइ।