साइगो ताकामोरी

विकिपिडिया नं
थन झासँ: navigation, मालादिसँ
साइगो ताकामोरी
西郷隆盛
Takamori Saigo.png
साइगो ताकामोरी, एदोआर्दो चिओस्सोनेया किपा
बूगु ज्यानुवरी २३, सन् १८२८
कागोशिमा, सात्सुमा दोमेन
मदूगु सेप्टेम्बर 24, 1877(1877-09-24) (आयु 49)
कागोशिमा
ज्या सामुराइ, राजनीतिज्ञ
काञ्जीइ "साइगो ताकामोरी"।

साइगो ताकामोरी (ताकानागा) (西郷 隆盛(隆永)? ज्यानुवरी २३, सन् १८२८ – सेप्टेम्बर २४, सन् १८७७) जापानया इतिहासया दकले प्रभावशाली सामुराइय् छम्ह ख। वय्कःया कालखण्ड इदो कालया उत्तरार्ध व मेइजी कालया पूर्वार्ध ख। वय्कःयात लिपांगु धाथेंया सामुराइ (the last true samurai) धका नं म्हसीकिगु या। [१]

सात्सुमे विद्रोह (सन् १८७७)[सम्पादन]

साइगो हताया निंतिं तैयारी यानाच्वंगु।

मेइजी रिस्टोरेसनय् सामुराइतयेगु अस्तित्व संकटय् लायेधुंका वय्कलं कागोशिमाय् थःगु पदवी त्वता वपिं सामुराइयेगु निंतिं सैन्य शिविर चायेकादिल। थ्व असन्तुष्ट सामुराइतयेसं कागोशिमा सरकारय् थःगु प्रभुत्त्व दयेकल। कागोशिमाय् विद्रोह जुइ फैगु आशंकाय् सरकारं कागोशिमाया शस्त्रगृहं शस्त्र पिकायेत युद्धपोत छ्वल। विडम्बनां थ्व हे ज्यां सामुराइतयेत उत्तेजित यात व ल्वापू न्ह्यथन। सन् १८७७य् सामुराइतयेत बियातःगु जाकी वृत्तिका पना न्ह्यथंगु बांमलाःगु स्वापू थ्व फुतिइ वया ल्वापू जुवन। विद्रोहं सिक्कय् निराश जुयादिम्ह साइगों अन्तय् विद्रोहया नेतृत्त्व यायेत मानेजुयादिल।

साइगो ताकामोरी (पाश्चात्य वसय् फ्यतुनादियाच्वंगु), वय्कःलिसें वय्कःया अफिसर सामुराइ वसय्। ले मोन्द इलुस्रेय् सन् १८७७य्।
साइगो ताकामोरीगुनमुशो(Gunmusho 軍務所) ध्येबा, सन् १८७७य् थःगु हता कुतयात तेवा बीत दयेकादिगु ध्येबा। जापानी मुद्रा संग्रहालयय्।

थ्व विद्रोह छुं लाय् केन्द्रिय सरकारया सेनां कावामुरा सुमियोशीया नेतृत्त्वय् छ्वगु ३,००,००० सामुराइ व अनिवार्य भर्ती टुकडीं यात। थ्व ईले सेना सकल रुपय् छगू आधुनिक सेना जुइधुंकल। साम्राज्य सेनानाप हावित्जर व निरिक्षण मतकलः थें न्यागु व ईया आधुनिक सैन्य ज्याभः दयाच्वन। सात्सुमे विद्रोहीया ल्या न्हापा हे करिब ४०,००० जक्क दयाच्वन। लिपा थ्व ल्या म्हो जुया दकले लिपांगु ल्वापु (शिरोयिमाया ल्वापू)इ करिब ४००य् क्वाहांवल। सामुराइतयेसं थःगु सामाजिक भूमिकाया निंतिं ल्वागु जुसां इमिसं आधुनिक हतियार, बन्दुक, तोप आदि छ्यलाहःगु खनेदु। नापं साइगो ताकोमोरीयात सकल समकालीन च्वमितयेसं पाश्चात्य वस फिनातःगु धका वर्णन यानातःगु दु। ल्वापूया अन्तय् गोलाबारुद सिधया सामुराइतयेसं म्हो-दूरीया युक्ति व तरवार, धनुष व वाण छ्यला तक्क ल्वानाच्वन।

साइगो ताकामोरी (च्वे जवय्) थःगु सेनायात शिरोयामाया ल्वापूइ नेतृत्त्व यानादियाच्वंगु।

ल्वापूया ईले साइगोया खम्पाय् बांमलाक्क घापा जुल व थ्व हे झ्वले लिपा वय्कः मदयादिल। अथेजुसां वय्कः छु कथं मदूगु धाःसा अनिश्चित जु। वय्कःया मातहतया सेनाधिकृतया कथं वय्कलं घाःपा जुइधुंका थःयात धंका सेप्पुकु (आत्महत्या) यानादिल वा थःगु सहयोगीं बेप्पु शिन्सुकेयात आत्महत्या यायेत ग्वहालि कयादिल। थ्व विषयया विवेचनाय् छुं विज्ञतयेगु मत छु दु धाःसा वय्कःया घापांयाना वय्कः शकय् वना अचेत जुयादिल। वय्कःया अवस्था खना वय्कःया पासापिन्सं वय्कलं यहेकादिमाःगु योद्धाया आत्महत्या यायेत वय्कःयात ग्वहालि यानादिल। लिपा इमिसं वय्कःया सामुराइ पदयात संरक्षण यायेत वय्कलं सेप्पुकु यानादिल धका धाल। [२] साइगोयात वय्कःया मृत्यु धुंका छकलं छु यात धैगु वर्णन मलु। छुं किंवदन्ति कथं वय्कःया च्य नं वय्कःया छ्यं सुचुकल व लिपा सरकारी सेनां लुइकाकाल। न्ह्यागु हे जुसां सरकारी सेनां वय्कःया छ्यं लुइकाकाल व वय्कःया म्हय् स्वाना वय्कःया अधीनया सैन्य अधिकारी किरिनो व मुरातानापं समाधिइ छ्वल। थ्व ज्या अमेरिकी नाविक कप्तान जन क्यापेन ह्युबार्डं खनादिगु वर्णन दु। छगू किंवदन्ति कथं वय्कःया छ्यं गबलें हे मलु। न्ह्यागु हे जुसां वय्कःया मृत्युनापं सात्सुमे विद्रोह क्वचाल।

लिधंसा[सम्पादन]

  1. History Channel The Samurai, video documentary
  2. The Real Last Samurai. Emory Magazine. Emory University. 10 April 2009 कथं।