मञ्जुश्री

विकिपिडिया नं
थन झासँ: navigation, मालादिसँ
मञ्जुश्री
मञ्जुश्री (प्रज्ञाया बोधिसत्त्व), भारत, पाल वंश, ९गु शताब्दी, लोंह, होनोलुलु एकेदमी अफ आर्ट्स
मञ्जुश्री (प्रज्ञाया बोधिसत्त्व), भारत, पाल वंश, ९गु शताब्दी, लोंह, होनोलुलु एकेदमी अफ आर्ट्स
संस्कृत:  मञ्जुश्री Mañjuśrī
बंगाली भाषा: 
चिनिया भाषा:  文殊 Wénshū
文殊師利 Wénshūshīlì
जापानी भाषा:  文殊 Monju
文殊師利 Monjushuri
พระมัญชุศรีโพธิสัตว์
सँदेय् भाषा:  འཇམ་དཔལ་དབྱངས།
Jampelyang
मङ्गोल भाषा:  Зөөлөн эгшигт
ᠵᠦᠭᠡᠯᠡᠨ ᠡᠭᠰᠢᠭᠲᠦ
कोरियन भाषा:  문수보살
भियतनामी भाषा:  Văn-thù-sư-lợi
सूचं
पुज्याइपिं:  महायान, वज्रयान
विशेषता:  प्रज्ञा


मञ्जुश्री (चिनिया भाषा: 文殊 वेन्शु वा 文殊師利 वेन्शुशिलि; जापानी भाषा: मोन्जु; सँदेय् भाषा: जाम्पेल्यांग; अंग्रेजी भाषा: Mañjuśrī मंजुश्री ) बुद्ध धर्म अनुसार प्रज्ञाया बोधिसत्त्व ख। स्वयम्भू पुराण अनुसार स्वनिग न्हापा नागदह नांया पुखु जुयाच्वन। वसपोल बोधिसत्त्व वरदामोक्षदा नापं थ्व दहया क्वय् दयाच्वंगु दिपंकर बुद्धया रश्मि अवलोकन यायेत बिज्याबिलय् वसपोलं कक्षपाल पर्बःय् थःगु खड्ग चन्द्रहासं पालाः नागदहया लः चुइकाबिया नेपालय् मानव वस्ती दयेकाबिज्यागु ख। वसपोलं अनंलिं मञ्जुपत्तन नांया वस्ती दयेका अनया जुजु धर्माकरयात दयेका बिज्यागु नं च्वयातःगु दु। थंबहिःया भगवान बहालय् दूगु १लखः श्लोक दूगु प्रज्ञापारमिता नं वसपोलं न्ह्यथनादिगु किंवदन्ति दु।

महायान बुद्ध धर्मय्[सम्पादन]

विज्ञत कथं मञ्जुश्री महायान साहित्यया दकलय् पुंलाम्ह व दकलय् महत्त्वपूर्ण बोधिसत्त्व ख। [१] मञ्जुश्रीया दकलय् न्हापांगु वर्णन महायानया प्रज्ञापारमिताय् जूगु दु। थ्व ग्रन्थय् वसपोलयात प्रज्ञाया भौतिक रुपय् वर्णन यानातःगु दु।[२] सद्धर्मपुण्डरीकसूत्रय् वसपोल च्वनाबिज्याइगु विशेष थाय् विमलया वर्णन यानातःगु दु। महावैपुल्यबुद्धावतंसकसूत्र अनुसार थ्व थाय् पूर्वया दिशाय् ला। वसपोल च्वनिगु थाय् भूत, वर्तमान व भविष्यय् हे दकलय् हे शुद्ध जूगु वर्णन दु। विमलकीर्ति निर्देश सूत्रय् वसपोलया विमलकीर्ति बोधिसत्त्वनापया वादविवाद वर्णन यानातःगु दु।

मञ्जुश्रीया प्रज्ञाया वर्णन सप्तसतिक प्रज्ञापारमिता सुत्रय् खनेदु। [३] थ्व सूत्रय् मञ्जुश्री व बुद्ध दथुइया एकाव्युह समाधिइ खँल्हाबल्हा बियातःगु दु। मञ्जुश्रीया विस्तृत वर्णन मञ्जुश्रीस्तोत्रम्मञ्जुश्रीनामाष्टोत्तरशतकस्तोत्रम्य् यानातःगु दु।

लिधंसा[सम्पादन]

  1. A View of Manjushri: Wisdom and Its Crown Prince in Pala Period India. Harrington, Laura. Doctoral Thesis, Columbia University, 2002
  2. Keown, Damien 2003 p.172
  3. The Korean Buddhist Canon: A Descriptive Catalog (T 232), <http://www.acmuller.net/descriptive_catalogue/files/k0010.html> 

स्वयादिसँ[सम्पादन]

पिनेया स्वापू[सम्पादन]

Commons-logo.svg
विकिमिडिया मंका य् थ्व विषय नाप स्वापु दुगु मिडिया दु: