न्यासनल हाइवे सिस्तम, संयुक्त राज्य अमेरिका
| न्यासनल हाइवे सिस्तम | |
|---|---|
 न्यासनल हाइवे सिस्तम व्यवस्थाया मानकिपा, इन्तरस्तेत हाइवे वचुगु रंगय् व मेमेगु कुचा ह्यांगु रंगय् | |
| System information | |
| पलिस्था: | नोभेम्बर 28, 1995 |
| हाकः: | १६०,९५५ mi (० km) |
| Highway names | |
| इन्तरस्तेत: | Interstate nn (I-nn) |
| US रुत: | U.S. Highway nn, U.S. Route nn (US nn, US-nn) |
| राज्य: | Varies by state |
| County roads: | County Road nn, County Route nn (CR nn, Co. Rd. nn) |
| System links | |
न्यासनल हाइवे सिस्तम वा National Highway System (NHS) (अर्थ: राष्ट्रिय राजमार्ग व्यवस्था) संयुक्त राज्य अमेरिकाया महत्त्वपूर्ण राजमार्गतेगु छगू संजाल ख। थ्व व्यवस्थाय् इन्तरस्तेत हाइवे सिस्तम व मेमेगु मू यातायात केन्द्र (दसु: एअरपोर्त, पोर्त, रेल व त्रक तर्मिनल, रेलवे स्तेतस, पाइपलाइन तर्मिनल आदि) थ्यनिगु लं स्वानातःगु दु। मंका कथं थ्व व्यवस्था हलिंया दकलय् तःधंगु राजमार्ग व्यवस्था ख।
संयुक्त राज्य अमेरिकाया दक्वं राज्यतेत बीगु संघीय कोष थ्व संजालयात भिंकेत व सुरक्षित तयेत छ्येलेत प्रोत्साहन बीइगु या। थ्व व्यवस्थाय् दूगु लंतेत संयुक्त राज्य यातायात विभागं म्हसीका स्थानीय राज्य, राज्यया पदाधिकारी व महानगर योजना संगठननाप सहलह यासें सन् १९९५स संयुक्त राज्य अमेरिकाया कांग्रेसं अनुमोदन याःगु ख।
म्हसीका[सम्पादन]
संघीय राजमार्ग व्यवस्थापनया अनुसार 160,000-mile (260,000 km) हाकः दूगु न्यासनल हाइवे सिस्तमय् संयुक्त राज्य अमेरिकाया अर्थतन्त्र, रक्षा, व परिवहनय् महत्त्वपूर्ण भूमिका म्हितिगु लं थ्व कथंया दु:[१]
- इन्तरस्तेत हाइवे सिस्तम
- स्त्रातेजिक हाइवे नेतवर्क (STRAHNET), गुकिलि संयुक्त राज्यया रणनैतिक रक्षा नीतिनाप स्वापू दूगु व मू सामरिक केन्द्र ला।
- २०७ विमानस्थल, १९८ पोर्त, १९० रेल वा त्रक तर्मिनल, ६७ ऍम्त्र्याक रेलवे स्तेसन, ५८ पाइपलाइन तर्मिनल व ८२ इन्तरसिति बस तर्मिनल, ३०७ पब्लिक त्रान्जित स्तेसन, ३७ फेरी तर्मिनल व २० बहुउद्देशीय यात्रु तर्मिनल[२] स्वाइगु लंतेगु संजाल
थ्व व्यवस्थाय् देय्या ४% लं जक्क दःसां थ्व लंय् देय्या ४०% स्वया अप्व राजमार्गया त्राफिक, ७५% हेभी त्रक त्राफिक, व ९०% तुरिस्त त्राफिक सनिगु या।[२] ५०,००० स्वया अप्व जनसंख्या दूगु सकल नगर क्षेत्रय् करिब ९०% अमेरिकी जनसंख्या थ्व संजालया 5 miles (8.0 km)य् ला।[२] थ्व संजाल हलिंया दकलय् ताःहाकःगु संजाल ख।[३]
स्वयादिसँ[सम्पादन]
लिधंसा[सम्पादन]
- ↑ Staff (June 20, 2012). What is the National Highway System?. National Highway System. Federal Highway Administration. July 9, 2012 कथं।
- ↑ २.० २.१ २.२ Slater, Rodney E. (Spring 1996). "The National Highway System: A Commitment to America's Future". Public Roads 59 (4). ISSN 0033-3735. Retrieved on July 9, 2012.
- ↑ Cox, Wendell. "China Expressway System to Exceed US Interstates", New Geography, January 22, 2011. Retrieved on July 9, 2012.