द वेल्थ अफ नेसन्स
| द वेल्थ अफ नेसन्स | |
|---|---|
 | |
| Author(s) | एदम स्मिथ |
| Country | स्कतल्यान्द |
| Language | अंग्रेजी |
| Genre(s) | अर्थशास्त्र, दर्शन |
| Publisher | W. Strahan व T. Cadell, लन्दन |
| Publication date | १७७६ |
एन इन्क्वाइरी इन्तु द नेचर एन्द कजेस अफ द वेल्थ अफ नेसन्स (An Inquiry into the Nature and Causes of the Wealth of Nations) वा द वेल्थ अफ नेसन्स (The Wealth of Nations) स्कतिश अर्थशास्त्री व नैतिक दार्शनिक एदम स्मिथया सर्वोत्कृष्ट रचना ख। सन १७७६स दकलय् न्ह्यः पिथंगु थ्व सफूति देय्या धनया वृतान्त वर्णन यानातःगु दु। थ्व सफूयात अर्थशास्त्रया आधारभूत रचनाया रुपय् कायेगु या।
संरचना
[सम्पादन]थ्व ग्रन्थयात ५पू सफूति बायातःगु दु। प्रथम सफूयात ११ अध्याय, सफू २यात ५ अध्याय, सफू ३यात ४ अध्याय, सफू ४यात ९अध्याय, सफू ५यात ३ अध्यायय् विभाजित यानातःगु दु। सफू १य् श्रमया विभाजन, श्रम विभाजनया सिद्धान्त, श्रम विभाजनय् बजाःया प्रभाव, ध्येबाया उत्पत्ति व छ्येला, वस्तु व श्रमया वास्तविक व नामांकित मू व ध्येबाया मू, बजाःया वस्तुया भाःया थीथी भाग, वस्तुया प्राकृतिक व बजाः भाः, श्रमया ज्याला, स्तकया नाफा, थीथी ज्याय् दयाच्वंगु ज्याला व नाफा, बुंया बालं आदि विषयय् च्वमिं थःगु विचाः प्वंकादीगु दु। सफू २स स्तकया प्रकृति, संकलन व नियोजनया वर्णन यानातःगु दु। सफू३स थी-थी देसय् समृद्धिया प्रगतिया वर्णन यानतःगु दु। थ्व सफूति रोमन साम्राज्यया पतन धुंकाया बुंज्याया पतन, रोमन साम्राज्य धुंकाया थीथी नगर व देय्या उदय, थीथी नगरया बनेज्याया देय्या विकासय् असर आदि विषयय् थीथी बिचाः कनातःगु दु। सफू४स राजनैतिक अर्थशास्त्र पद्धतिया बारेय् वर्णन दु धाःसा सफू ५स सार्वभौम व राष्ट्रमण्डलया राजस्वया बारेय् च्वयातःगु दु।