अरिकल

अरिकल (अंग्रेजी भाय्: पिन्ना) न्ह्यापंयागु दक्ले पिनेयागु भाग खः। थ्व भाग झिगु मिखां (न्ह्यापयात मथ्युसें) स्वैबिले खनिगु भाग खः।

अरिकलयागु संरचना

थुकिगु दक्ले न्ह्यनेयागु भागयात ट्रेगस धाई। ट्रेगसयागु ल्युने क्वेयागु न्ह्यापने प्वा खनिगु भागयात लोबुल धाई। लोबुलयागु च्वेयागु भतिचा थां वयाच्वंगु भागयात एन्टिट्रेगस धाइ। न्ह्यापंपायागु न्ह्यनेयागु दक्ले पिनेयागु रिमयात हेलिक्स धाई। हेलिक्स न्ह्यनेयागु छगु ब्येक्वगु थांवयाच्वंगु भागयात एन्टिहेलिक्स धाई। एन्टिहेलिक्स च्वे वना छगु चकंगु थाय् देकि। थुकियात फोसा ट्रायन्गुल्यारिस (त्रिभुजीय चकं) धाई। एन्टिहेलिक्स क्वे वया एन्टिट्रेगसनाप स्वा वैइ। फोसा ट्रायन्गुल्यारिस, एन्टिहेलिक्स, एन्टिट्रेगस, ट्रेगसयागु दथुइ छगु गा:लागु थाय् दै। थ्व थासं दुहां वंसा अरिकल सिधइ व पिनेयागु श्रवण क्यानाल न्ह्यथनि। थ्व गा:यात कोन्का (न्ह्यापं गा:) धका धाई।

ट्रेगस व हेलिक्सयागु क्रुक्सयागु दथुइ छगु कार्टिलेज मदुगु थाय् दै। थ्व थाय् यात इन्सिसुरा टर्मिन्यालिस् धाई। न्ह्यापंयागु शल्यक्रिया याय् बिले एन्डअउरल तवय् थ्व थासलं घा देकी छाय् धासा थन घा देकिबिले कार्टिलेजय् अप्व प्रभाव जुइ मखु। न्ह्यापंयागु संरचना कार्टिलेजं देका तगु लिं कार्टिलेजय् न्ह्यापं शल्यक्रिया नं छुं इन्फेक्सन यासा न्ह्यापंयागु स्वरुप हे स्येनिगु जुइ। अथे जुगुलिं थ्व कार्टिलेज मदुगु थाय् शल्यक्रियायागु लागि द्य:यागु वरदान थें खः।

अरिकलयागु ज्या

प्राकृतिक

• वातावरणयागु सः मुनिगु
• सःयात दुने छ्वेगु

मानवीय

• प्रत्यारोपण शल्यक्रियाय् दान बीत थ्व अंगयागु कार्टिलेज, दा आदि छ्येलि
• न्ह्यापंने प्वा खना तिसा तेगु
• वाकम्यान, मोबाइलयागु इयर पिस कताकिगु थाय्

अरिकलयागु नसा

अरिकलय् क्वे बियातगु नसातेसं ज्या याई;

• ग्रेटर अरिकुलर नसा
• लेसर अक्सिपिटल नसा
• अरिकुलोटेम्पोरल नसा
• भेगस नसायागु अरिकुलर हः
• फेसियल नसा